Sogndal kommune Møteprotokoll Utval: FORMANNSKAPET Møtestad: Formannskapssalen Møtedato: 06.10.2016 Tid: 09:00-14:30 Sakliste Saksnr. Arkivsaksnr. Tittel 57/16 16/20 Formannskapet 2016 - Opning, konstituering, orienteringar og drøftingar 58/16 16/3899 Støtte frå viltfondet - hjortegjerde Kjørnes III 59/16 16/4305 Regional bustadstrategi Sogn 60/16 16/3658 Ny driftsavtale med musea i Sogn og Fjordane - frå 01.01.2017 61/16 16/3415 Fylkesmannens framtidige struktur
Sak 57/16 Formannskapet 2016 - Opning, konstituering, orienteringar og drøftingar Punkt 1. Opning A. Konstituering av møte: Møtet lovleg sett med følgjande til stades: Ordførar Jarle Aarvoll, Laura Kvamme, Kjetil Kvåle, Ole-Mathias Nes, Rita Navarsete, Karin Vikane, Christen Knagenhjelm, Bente Sønsthagen (Sp) møtte som vara for Vibeke Johnsen (Sv) og Steinar Øydvin (Sv) møtte som vara for Senea Sabanovic (Ap) Frå administrasjon møtte rådmann Jostein Aanestad og Marit Hagevik (under punkt 2 E). Innkalling og saksliste - godkjent Møteleiar: Jarle Aarvoll Ope møte, utanom delar av orienteringa under 2 D,4. B. Protokoll frå møtet 24.08.2016 godkjent. Punkt 2. Orienteringar og drøftingar A. Orientering frå ordførar 1. Kommunereforma 2. Byregionprogrammet 3. Diverse opningar, bocciabane - klatreparkar - Tufte-parken 4. "Ja til gang og sykkelsti Sogndal - Årøy" 5. SFFK politikardag, Sognabåten 6. Møte med Statnett B. Orienteringar frå utval C. Innspel frå medlemmane Karin Vikane (H) Sogn barnevern og spørsmål om utbetaling av erstatning til tilsette. Christen Knagenhjelm (V) Viktig å få annonsert politiske møte på nettsida. Bente Sønsthagen (Sp) Utviding av areal ved Furuli barnehage. Laura Kvamme (Sp) Busetjing av einslege mindreårige flykningar. Undergangen under rv. 5 på Kaupanger. Rita Naversete (Frp) Bautaen på Nornes. Rekkverk ved fjordstien ved badelaguna/nortura.
Øydelagde benkar i sentrum. Administrasjonsutvalet og habilitet. Christen Knagenhjelm (V) Støytiltak og personalrom ved Furuli barnehage. D. Orientering frå rådmann 1. Søknad om tilskot helsestasjon 2. Kvåle stadion, jf. brev frå Kulturdepartementet (16/2563) 3. Samarbeidsavtale Lerum AS for utbygging av VVA på industrifeltet på Kaupanger 4. Sogn barnevern. Rådmann orienterte om situasjonen ved Sogn barnevern før og no. Formannskapet bad om å få orientering også om teiepliktig informasjon, og vedtok å lukka møtet, jf. offentl. 23.1. Formannskapet blei opplyst i saka og medlemmane fekk svar på dei spørsmåla dei hadde. Formannskapet har tillit til at administrasjonen løyser utfordringane som har vore i Sogn barnevern. Formannskapet er oppteken av å gje arbeidsro for Sogn barnevern slik at barn og unge og deira familiar får dei tenestene dei skal ha. 5. Utbetaling etter skjønn grunnerverv fjordsti er gjennomførd for alle eigedomar utanom eigedom med takst som er anka. 6. Avtale drift av vegar i Hodlekve med SSD. 7. Sal av industritomt på Kaupanger. Behov for kommunale tiltak. E. Drøftingar 1. Økonomiplan 2017-2020 og budsjett 2017 Økonomplannotat nr 2. (arkivsak 16/3627). Formannskapet drøfte øp-notat nr. 2. Formannskapet ber rådmann leggje inn IKT-skule, utbetring av personalområdet ved Furuli barnehage og utbetring av kommunal veg til Brevasshytta inn i investeringsprogrammet finansiert med overføring frå drift. Formannskapet ber vidare rådmann leggje inn tiltak for oppsamling av sigevatn knytt til tidlegare fylling på Kvernhushaugen i investeringsprogrammet, finansiert over sjølvkost renovasjon og planleggingsmidlar for ny sentrumsbarnehage i 2020, finansiert ved lån. Punkt 3. Skriv og meldingar. Referert. 1. Stortingsvalget og sametingsvalget 2017 - fastsetting av valgdag, Det Kongelige kommual- og moderniseringsdepertement. 2. Elektronisk avkryssing i manntallet på valgdagen, Valgdirektoratet. 3. Retningsliner for lokalisering av handel og kjøpesenter i fylket høyringssvar, Sogn regionråd. 4. Regionreforma - møte med regionråda i Sogn og Fjordane (11.08.2016), Sogn og fjordane fylkeskommune. 5. Rapport - Samfunnseffektar av endring i fylkeskommune og regional statsforvaltar. 6. Melding om politisk behandling - Utgreiing av kulturskuletilbodet i Luster (arkivsak 16/3714).
7. Informasjon til kommunane om bosetting av enslige måndreårige. 8. Kommunereforma Oppsummering, vurdering og tilråding, Fylkesmannen i Sogn og fjordane (arkivsak 16/123). 9. Politireforma 2016 fråsegn frå Sogn regionråd (arkivsak 16/3686) Fråsegn til høyring frå Justis- og beredskapsdepartementet om å slå saman Sogn tingrett og Fjordane tingrett med hovudsete i Førde (arkivsak 16/608). Vedlegg: Punkt 2D.1., 2E.1,, 3.1, 3.2, 3.3, 3.4, 3.5, 3.6, 3.7, 3.8, 3.9 Maj Britt Solberg -politisk sekretær-
Sak 58/16 Støtte frå viltfondet - hjortegjerde Kjørnes III Tilråding: Vikane AS får kr. 39.000,- i tilskot frå viltfondet til oppsetting av hjortegjerde frå riksveg 5 til kommuneveg til Kjørnes. Tilskotet vert utbetalt når tiltaket er ferdigstilt. Handsaming Karin Vikane (H) opplyste at ho er fruktdyrkar i området og vil nyte godt av eit hjortegjedet og bad om å få vurdert sin habilitet. Formannskapet fann Vikane inhabil. Ikkje møtande vararepresentant. Vedtak, samr.: Vikane AS får kr. 39.000,- i tilskot frå viltfondet til oppsetting av hjortegjerde frå riksveg 5 til kommuneveg til Kjørnes. Tilskotet vert utbetalt når tiltaket er ferdigstilt. Sak 59/16 Regional bustadstrategi Sogn Vedtak, samr.: Formannskapet tek rapporten «Bustadstrategi for Sogn» av 26.08.2016 til vitande. Sak 60/16 Ny driftsavtale med musea i Sogn og Fjordane - frå 01.01.2017 Tilråding: 1. Sogndal kommune godkjenner at driftstilskot til Stiftinga Musea i Sogn og Fjordane vert fordelt 20% likt på alle kommunar, 60% etter folketal og 20% fordelt på vertskommunar. 2. Sogndal kommune meiner at det totale tilskotbeløpet frå kommunane bør fordelast etter desse prinsippa, og ikkje berre den veksten som kjem som fylgje av reduksjonen i tilskot frå Sogn og Fjordane fylkeskommune.
Handsaming Laura Kvamme (Sp) opplyste at ho er styremedlem i MiSF og bad om å få vurdert sin habilitet. Formannskapet fann Kvamme inhabil. Ikkje møtande vararepresentant. Rådmann hadde følgjande tillegg til tilrådinga, punkt 2: Sogndal kommune ber KS i fylket ta opp at drøftingane om ein fordelingsmodell for heile tilskotet til MiSF i 2017, med sikte på avklaring av fordelingsmodell for heile tilskotet før budsjettprosessen for 2018. Tilråding, samr.: 1. Sogndal kommune godkjenner at driftstilskot til Stiftinga Musea i Sogn og Fjordane vert fordelt 20% likt på alle kommunar, 60% etter folketal og 20% fordelt på vertskommunar. 2. Sogndal kommune meiner at det totale tilskotbeløpet frå kommunane bør fordelast etter desse prinsippa, og ikkje berre den veksten som kjem som fylgje av reduksjonen i tilskot frå Sogn og Fjordane fylkeskommune. Sogndal kommune ber KS i fylket ta opp at drøftingane om ein fordelingsmodell for heile tilskotet til MiSF i 2017, med sikte på avklaring av fordelingsmodell for heile tilskotet før budsjettprosessen for 2018. Sak 61/16 Fylkesmannens framtidige struktur Tilråding: Sogndal kommune meiner at fylkesmannsembetet bør framleis ha ei regional inndeling som samsvarer med det folkevalde regionale nivået. Dersom fylke på Vestlandet slår seg saman, bør embeta tilpassast nytt regionalt nivå. Samtidig må nærleiken til og samspelet med kommunane sikrast. Fylkesmannen bør framleis ha ei desentralisert forvaltning lokalisert i dagens fylke, med leiing frå Sogn og Fjordane, slik dette er avtalefesta i intensjonsplanen mellom dei tre Vestlandsfylka. Fylkesmannen i Sogn og Fjordane har brei kompetanse og rekrutterer godt, og leverer godt innafor sine oppgåver. Fylkesmannen i Sogn og Fjordane har teke på seg fleire nasjonale oppgåver og bør få tilført nye nasjonale oppgåver. Regjeringa kan på den måten sikre at reformer i regional statsforvaltning bidreg til ei balansert regional utvikling. Handsaming Bente Sønstehagen (Sp) la fram forslag om følgjande tillegg til første avsnitt. Hovudsete for nytt embete må vera lokalisert på Leikanger. Dette slutta formannskapet seg til. Tilråding, samr.:
Sogndal kommune meiner at fylkesmannsembetet bør framleis ha ei regional inndeling som samsvarer med det folkevalde regionale nivået. Dersom fylke på Vestlandet slår seg saman, bør embeta tilpassast nytt regionalt nivå. Samtidig må nærleiken til og samspelet med kommunane sikrast. Fylkesmannen bør framleis ha ei desentralisert forvaltning lokalisert i dagens fylke, med leiing frå Sogn og Fjordane, slik dette er avtalefesta i intensjonsplanen mellom dei tre Vestlandsfylka. Hovudsete for nytt embete må vera lokalisert på Leikanger. Fylkesmannen i Sogn og Fjordane har brei kompetanse og rekrutterer godt, og leverer godt innafor sine oppgåver. Fylkesmannen i Sogn og Fjordane har teke på seg fleire nasjonale oppgåver og bør få tilført nye nasjonale oppgåver. Regjeringa kan på den måten sikre at reformer i regional statsforvaltning bidreg til ei balansert regional utvikling. Møtet slutt: 14:30. Jarle Aarvoll -ordførar- Laura Kvamme Kjetil Kvåle Ole-Mathias Nes Rita Navarsete Karin Vikane Christen Knagenhjelm Bente Sønsthagen Steinar Øydvin Jostein Aanestad -rådmann-