VEDLEGG B Fylkestinget i Sogn og Fjordane sitt vedtak i sak 08/05: Nasjonal Transportplan, handlingsprogrammet 2006-2015 1. Fylkestinget i Sogn og Fjordane konstaterer at rammene til øvrige riksvegar utruleg nok er vesentleg reduserte i høve til tidlegare. Dette finn Fylkestinget i Sogn og Fjordane provoserande. Reduksjonen i rammene til investeringstiltak på øvrige riksvegar gjer det umogleg å få realisert prioriterte prosjekt i Sogn og Fjordane. Vegsektøren må tilførast meir midlar for å få ei betring av framkommelegheit, ikkje minst i område som har eit konkurranseutsett næringsliv. Likeeins er det avgjerande at post 31 Rassikring, vert auka i tråd med kravet frå nasjonal rassikringsgruppe. 2. Fylkestinget i Sogn og Fjordane konstaterer også at ordninga med ferjeavløysingsmidlar ikkje fungerer etter hensikten på lågtrafikkerte samband. Fylkestinget vil overfor sentrale styresmakter arbeide aktivt for å få til endringar, slik at denne ordninga kan nyttast både for Rv 616 Bremangersambandet og for Rv 609 Dalsfjordsambandet. Dette bør primært skje ved at staten sjølv forskotterar midlane, eller at fylkeskommunen forskotterar, mot seinare refusjon i vegløyvingane som på Rv 5. Fylkestinget ber vegkontoret oppdatere hovudplanen for Atløy sambandet til dagens krav. Det skal vurderast om ein kan nytte teknologi som på anlegget Bulandet-Værlandet for event. å realisere anlegget for ein lågare pris. Vidare ber fylkestinget om at ferjeavløysingsprosjektet Ytre Steinsund vert utgreidd for å få fram korrekte tal for innsparingar i drift for stat, fylke og kommune. 3. Riksvegar: 2015 2006-2009 2010-2015 Etter Ref. Årdal kommune 5 Rv 55 Stedjeberget 157 RV 617 Måløy Raudeberg 82 Rv 61 Møre grense Naveosen 13 Rv 616 Langesjø Kolset 50 215 Rv 609 Dalsfjordsambandet 10 585 Rv 60 Olden Innvik 145 108 (Inkl. rassikringsmidlar 45 mill.) Rv 60 Hornindal Møre grense 30 130
----------------------------------------------------------------------------------------------------- ----- Marginalliste: 1. Finansiering av ferjeavløysingsmidlar 150 2. Olden Innvik fullføring 108 3. Hornindal Møre grense, fullføring 140 Rv 57 m/bru over Svesundet Ytre Steinsund Atløysambandet Ringstad Stongfjorden Vik - Voss Opprusting av Rv 57 med bru over Svesundet må vere ei naturleg fortsetjing av Dalsfjordsambandet. Det vert arbeidd for å finne løysingar for tidlegare oppstart av utbetring av Rv 60 Olden Innvik. Nødvendige planar må utarbeidast for heile parsellen. Fylkestinget ber om at det vert utarbeidd nødvendige planar for Rv 60 Grodås Møre grense, og at ein legg til rette for samkøyring av Kvisvegen og Rv 60. Prioritering av rassikring, post 31: 2006-09 2010-15 2015- Rv 55Fatlaberget 90 Rv 53 Naustbukttunnelen 45 15 Rv5 Hammarsgrovi - Stølsneset 36 84 Rv 57Nishammaren 15 45 E39 Bakkefonna 6 Rv15 Strynefjellet 18 22 Rv55 Gullringen refusjon 80 171 218 45 mill overflytta til post 30 Olden - Innvik Prosjekt som skal framskundast ved auka råmer: 1.Rv55 Hammarsgrovi Stølsneset 2.Rv53 Naustbukttunnelen 3.Rv 15 Strynefjellet 4.Rv55 Kjeneset 5.E39 Avestien 4. Fylkestinget i Sogn og Fjordane sluttar seg, med dei endringar som elles framgår av vedtaket i saka, til Vegdirektoratet sitt framlegg til handlingsprogram for stamvegar. For tiltak på E39
legg Sogn og Fjordane fylkeskommune til grunn Vestlandsrådet si samla finansieringspakke Vest 39. Fylkestinget vil likevel understreke at Kvivsvegen må oppstartast i 2008 og ha kontinuerleg drift om naudsynt med fylkeskommunal garanti for eventuelt manglande midlar i 2009. Dersom vegdirektoratet ikkje legg til grunn Vestlandsrådet sin uttal (Vest 39), må vegdirektoratet sitt forslag omarbeidast slik at prosjekta på E39 mellom Lavik og Sande kjem med (Lavik ferjekai, Drægebø-Grytås og Birkeland-Sande.) Dette er tidlegare prioriterte prosjekt som er teke ut i vegdirektoratet sitt framlegg til handlingsprogam. Fylkestinger viser til trafikkauken langs E-16 etter opninga av Lærdalstunnellen, og at den smale vegbreidda over Filefjell vil kunne gje kaotiske tilstander spesielt vinterstid når andre fjellovergangar vest-aust er stengde. Fylkestinget ber om at fjellstrekninga Borlaug Øye snarast mogleg får si opprusting. For å sikre ei mest mogeleg effektiv drift må E 16 Voldum Borlaug får startløyving i 2005. Fylkestinget syner til at E 39 Bergen Ålesund med tilknyting også inkluderer ruta Skei Lærdal. I tillegg til ras i Kjøsnesfjorden har strekninga flaskehalsar i høve miljø- og trafikktryggleik som må prioriterast. Det gjeld spesielt gjennomføring Sogndal sentrum og Loftesnesbrua og opprusting av strekninga Langeland Moskog i Førde. På Rv 15 må det setjast av naudsynte midlar til opprusting av parsellane Rise bru Stryn sentrum og Nor bru Hjelle. 5. Fylkestinget tykkjer det er veldig positivt at det vert utarbeidd prioriteringsnøklar for rassikringsprosjekt. Fylkestinget ser ikkje desse som endeleg utforma og føreset at desse vert utvikla vidare for å sikre best mogeleg grunnlag for prioritering. Fylkestinget sluttar seg til fordelinga mellom fylka og dei prioriterte rassikringsprosjekta (Rv 55 Fatlaberget, Rv 53 Øvre Årdal Årdalstangen, Rv 5 Hammarsgrovi Stølsneset) som Statens vegvesen Region Vest har lagt til grunn i sitt framlegg til handlingsprogram. Når det gjeld Rv 5 Hammarsgrovi Stølsneset i Kjøsnesfjorden føreset ein at staten løyver ekstraordinære midlar så snart detaljplanen er ferdig, slik at denne viktige sambindingsvegen på Stamvegnettet vert sikra snøggast råd. Det vil vere i tråd med lovnader frå Samferdslestatsråden, etter hendingane i november 2004.
Fylkestinget vil peike på at ettersom stamvegen, Rv 15 Strynefjellet, har vore stengd i 300 timar i vinter pga ras og fare for ras i Grasdalen, må denne parsellen prioriterast frå Stortinget gjennom stamvegløyvingane i første periode (2006-2009). Luster kommune får løyve til å forskottere rassikring av prosjektet Gullringen i Luster kommune. Forskotteringa av prosjektet vert prioritert med attendebetaling i perioden 2010-2015. Fylkestinget føreset at Statens Vegvesen følgjer opp planlegging av prioriterte prosjekt frå fylket si side i god tid, slik at ein er i posisjon til å starte opp anlegg dersom auka løyvingar gjev grunnlag for det. 6. Fylkestinget i Sogn og Fjordane kan ikkje akseptere at ny standard for ferjedrift vil gje innbyggjarane i fylket dårlegare tilbod enn i dag. Stamvegferjene i fylket må snarast få på plass nasjonale servicemål. I ferjesambandet Anda Lote må det straks etablerast ½ times avgangar. I sambanda Mannheller Fodnes og Lavik - Oppedal må nye anbod minst ha ein standard som i dag. Riksvegsambanda i Balestrandsektoren (Hella Vangsnes, Hella Dragsvik og Vangsnes Dragsvik) må innfri servicemal til trafikk mellom 500-1500 pbe/døger, slik at dagens standard kan opprethaldast. 7. Dei komande anbodsprosessane på ferjesektoren må ikkje føre til ein reduksjon i standard på ferjemateriell, opningstid og frekvens på samband som i dag har eit betre tilbod enn det som er definert i standarden. Fylkestinget i Sogn og Fjordane finn det naturleg at fylkeskommunen vert trekt med i arbeidet med anbodsgrunnlaget. Eventuelle innsparingar etter anbod på ferjedrifta må kome til nytte til vegutbygging i regionen. 8. Trongen for bygging av gang- og sykkelvegar er så stor at denne posten må aukast monaleg. Fylkestinget viser til søknad frå Naustdal kommune datert 31.03.05. Fylkestinget vil prioritere oppstart av fortau/gang- og sykkelveg langs Rv 611 på strekninga Naustdal sentrum Sæle med oppstart i 2010. Dersom det er ønskjeleg med tidlegare oppstart, opnar fylkestinget for ei eventuell forskottering av prosjektet.. 9. Fylkestinget merkar seg at løyvingar for å sikre farleiene er svært små. I lys av auka krav til tryggleik på sjøen er dette uheldig. Fylkestinget ber om at tiltaka i Gunnhildvågen I og II vert realisert tidleg i perioden pga transporten med naturgass som vert utført i dette området.
Fylkestinget må vidare be om at den vanskelege innseglinga til Elkem Bremanger i Svelgen vert utbetra. Kystverket må setje av midlar til utgreiing av Indre Steinsund til ny hurtigbåtlei med tanke på a) mudring b) navigasjonsinnstallasjonar Prosjekt nr. N-13 Leder for passasjertrafikk må gjennomførast. Ein må også sikre at dette vil vere tenleg med tanke på framtidig hurtigbåtlei gjennom Indre Steinsund. 1 0. 1 1. Fylkestinget i Sogn og Fjordane registrerer at Kystverket/Fiskeriog kystdepartementet vil arbeide for å finne ei løysing for å realisere Stad skipstunnel. Fylkestinget i Sogn og Fjordane krev likevel at Stad Skipstunnel vert definert som eit nasjonalt prosjekt og fullfinansiert gjennom løyvingar over statsbudsjettet innan 2009. Fylkestinget har merka seg at ein no arbeider med nye utgreiingar og planar for sikker heilårsveg mellom Vik og Voss og at det er føresett at prosjektet vert finansiert med lokale midlar (bompengar, kommunale og andre tilskot) i tillegg til ordinære statlege løyvingar. Fylkeskommunen ser svært positivt på dette arbeidet som kan vera med å framskunde prosjektet monaleg. 12. Etterslepet for å vedlikehalde vegkapitalen på riks- og stamvegar i Sogn og Fjordane er no 900 mill. Dette er eit uakseptabelt nivå, spesielt sett i lys av at dette fylket i følgje Vegdirektoratet sine eigne utgreiingar har det dårlegaste vegnettet i landet. 13. Fylkestinget forventar at standardkrava til stamvegar vert oppfylt så snøgt som råd, slik at Sogn og Fjordane ikkje har dårlegare standard enn landet elles. Særleg viktig for transportnæringa er det at stamvegkravet i tunnellane (høgde og breidde) vert stetta. 14. Fylkestinget vil i samsvar med vedtak i Fylkesplanen utvikle kommunikasjonane og styrke vegnetet på kysten med særleg vekt på regional sambinding nord-sør. Dette er viktig for at kystkommunane i Sogn og Fjordane skal få del i dei positive verknadene som er føremålet med kyststamvegen. 15. Fylkestinget i Sogn og Fjordane understrekar at i dei tilfelle det er ulikt syn på prioriteringar mellom vegstyresmaktene og fylkestinget, så vert det folkevalde organet sitt syn avgjerande.