Norddal kommune v. rådmann Postboks 144 6211 Valldal ENDELEG TILSYNSRAPPORT Forvaltningskompetanse avgjerder om særskild tilrettelegging Norddal kommune Eidsdal skule
Innhald Samandrag... 3 1. Innleiing 3 2. Om tilsynet med Norddal kommune Eidsdal skule... 4 2.1 Fylkesmannen fører tilsyn med offentlege skolar... 4 2.2 Tema for tilsyn... 4 2.3 Om gjennomføringa av tilsynet... 5 3. Generelle saksbehandlingsreglar for enkeltvedtak... 5 3.1 Rettslege krav... 5 3.2 Fylkesmannens undersøkingar... 6 3.3 Fylkesmannens vurderingar 6 3.4 Fylkesmannens konklusjon... 7 4. Enkeltvedtak om spesialundervisning... 8 4.1 Rettslege krav... 8 4.2 Fylkesmannens undersøkingar... 9 4.3 Fylkesmannens vurderingar 9 4.4 Fylkesmannens konklusjon...10 5. Frist for retting av lovbrot...11 6. Kommunen sin frist til å rette...12 Vedlegg: Dokumentasjonsgrunnlaget...12
Samandrag Temaet for tilsynet er skulens forvaltningskompetanse. Tilsynet har mellom anna til formål å sikre at skulen har kompetanse til å ivareta rettssikkerheita til elevar med særskilte behov, og at elevrettar blir sakbehandla i tråd med aktuelle reglar i opplæringslova og forvaltningslova. Det har ikkje vore gjennomført intervju i aktuelt tilsyn. Våre konklusjonar er basert på gjennomgang av dokumentasjon Fylkesmannen har fått tilsendt frå Norddal kommune, Eidsdal skule. Fylkesmannen har, etter gjennomgang av dokumentasjonen, fått ei oversikt over Eidsdal skule sin forvaltningspraksis innafor dei lovområda som er omfatta av tilsynet. Som det kjem fram av rapporten, har vi avdekka forhold ved skulen som ikkje er i tråd med aktuelt regelverk. Kort oppsummert gjeld det følgjande forhold: - Skulen har ikkje rutinar som viser at elever over 15 år vert førehandsvarsla før skulen fattar vedtak, dei hentar ikkje inn samtykke frå elevar over 15 år før det blir sett i gang utgreiing av behovet for spesialundervisning, og elevar over 15 år får heller ikkje moglegheit til å uttale seg om sakkyndig vurdering før enkeltvedtak fattast. - Skulens enkeltvedtak om spesialundervisning inneheld ikkje opplysningar om retten til å sjå dokumenta i saka. - Kva enkeltvedtak som er fatta etter at sakkunnig vurdering er gjennomført er uklart, då skulen ikkje sjølv tydeleg konkluderer med kva som kan gje eleven eit forsvarleg opplæringstilbod. - Skulens vedtak om spesialundervisning inneheld ikkje opplysningar om kompetansekrav for dei som skal gjennomføre spesialundervisning. Fylkesmannen varslar Norddal kommune om pålegg å rette dei ulovlege forholda som er konstatert i denne rapporten. Kommunen får frist til å rette lovbrot innan 01.12.2015. Dersom lovbrota ikkje blir retta innan fristen, vil Fylkesmannen fatte vedtak om pålegg. Tilsynsrapporten vil bli publisert på heimesida til Fylkesmannen i Møre og Romsdal. 1.Innleiing Fylkesmannen opna 07.05.2015 tilsyn med forvaltningskompetanse avgjerder om særskild tilrettelegging ved Eidsdal skule i Norddal kommune. Felles nasjonalt tilsyn 2014-17 handlar om skulens arbeid med elevane sitt utbytte av opplæringa og består av tre område for tilsyn: Skulens arbeid med elevane sitt utbytte av opplæringa, forvaltningskompetanse (som denne rapporten handlar om) og skulebasert vurdering. Utdanningsdirektoratet har utarbeidd rettleiingsmateriell 1 knytt til tilsynet, og Fylkesmannen har gjennomført informasjons- og rettleiingssamlingar. 1 http://www.udir.no/regelverk/tilsyn/_tilsyn/rettleiingsmateriell-for-felles-nasjonalttilsyn-2014-2017/
Det er kommunen som har det overordna ansvaret for at krava i opplæringslova blir etterlevde, jf. opplæringslova 13-10 første ledd. Kommunen er derfor adressat for denne tilsynsrapporten. I denne tilsynsrapporten er det fastsett frist for retting av lovbrot som er avdekte under tilsynet. Fristen er 01.12.2015. Dersom lovbrota ikkje er retta innan fristen, vil Fylkesmannen i Møre og Romsdal vedta pålegg om retting med heimel i kommunelova 60 d. Eit eventuelt pålegg om retting vil ha status som enkeltvedtak og kan klagast på, jf. forvaltningslova kapittel VI. 2. Om tilsynet med Norddal kommune Eidsdal skule 2.1 Fylkesmannen fører tilsyn med offentlege skolar Fylkesmannen fører tilsyn med kommunen som offentlege skolar, jf. opplæringslova 14-1 første ledd, jf. Kommunelova kap. 10 a. Fylkesmannens tilsyn på opplæringsområdet er tilsyn med det lovpålagde, jf. kommunelova 60 b. Fylkesmannens tilsyn med offentlege skolar er utøving av myndigheit og skjer i samsvar med reglane for dette i forvaltningsretten. I dei tilfella der Fylkesmannen konkluderer med at eit rettsleg krav ikkje er oppfylt, blir dette sett på som lovbrot, uavhengig av om det er opplæringslova eller forskrifter fastsett i medhald av denne lova, som er brotne. 2.2 Tema for tilsyn Temaet for tilsynet er skulens forvaltningskompetanse i avgjerder om særskild tilrettelegging av opplæringa. Særskild tilrettelegging for elevar inneber avvik frå det ordinære opplæringstilbodet og er enkeltvedtak etter lova. Hovudpunkt i tilsynet vil vere: - Generelle saksbehandlingsreglar for enkeltvedtak - Enkeltvedtak om spesialundervisning - Enkeltvedtak om punktskriftopplæring - Enkeltvedtak om særskild språkopplæring - Enkeltvedtak om teiknspråkopplæring På Eidsdal skule mottar ingen elevar særskild språkopplæring, punktskriftopplæring eller teiknspråkopplæring. Tilsynet i Norddal kommune har difor ikkje omfatta desse områda. Det overordna formålet med det nasjonal tilsynet er å medverke til at elevar får eit godt utbytte av opplæringa. For å sikre at dette gjeld for alle elevar, er elevar med behov for særskild tilrettelegging gjevne eigne rettar i opplæringslova. Tilsynet skal medverke til at kommunen som skuleeigar syter for at skulen
sikrar elevens rettstryggleik gjennom å involvere elevar og foreldre i vurderingane før skulen tek avgjerder om avvik frå det ordinære opplæringstilbodet følgjer reglane for innhald i enkeltvedtak syter for å vurdere og kartleggje elevens behov på ein fagleg forsvarleg måte gjer vedtak som gjev gode føringar for å leggje til rette innhaldet i opplæringa Manglande forvaltningskompetanse i avgjerder om særskild tilrettelegging av opplæringa kan føre til at elevane ikkje får sikra rettane sine. Det kan òg føre til at avgjerdene ikkje gjev gode faglege føringar for innhaldet i opplæringa. Elevane står da i fare for å få ei opplæring som ikkje gjev eit forsvarleg utbytte. Det er berre utvalde delar av saksbehandlingsreglane for enkeltvedtak som blir kontrollerte i tilsynet. Opplæringslova og forskrift til lova har òg krav som gjeld spesialundervisning, punktskriftopplæring og særskild språkopplæring som ikkje er inkluderte i dette tilsynet. 2.3 Om gjennomføringa av tilsynet Tilsyn med Norddal kommune vart opna gjennom brev 07.05.2015. Fylkesmannen har kravd at kommunen legg fram dokumentasjon med heimel i kommunelova 60 c. Fylkesmannens vurderingar og konklusjonar er baserte på skriftleg dokumentasjon. 3. Generelle saksbehandlingsreglar for enkeltvedtak 3.1 Rettslege krav Nedanfor har vi opplyst om dei rettslege krava som gjeld generelt for saksbehandling av enkeltvedtak. Vi viser òg til kva for reglar i opplæringslova og/eller forvaltningslova krava er knytte til. Elevar og foreldre skal varslast før det blir gjort enkeltvedtak om avvik frå det ordinære opplæringstilbodet. Dersom foreldra eller elevane ikkje allereie har uttalt seg i saka, skal dei varslast før skulen gjer eit vedtak. Dei skal ha høve til å uttale seg innan ein nærmare fastsett frist, jf. forvaltningslova 16. Skulen skal gje førehandsvarslet skriftleg. Varslet til foreldra gjeld for elevar under 18 år. Når eleven er over 15 år, skal skulen varsle eleven sjølv om eleven er representert av foreldra. Skulen kan la vere å varsle dersom eleven eller foreldra har - søkt eller bedt om vedtaket - hatt høve til å gje sine synspunkt i saka - fått kjennskap på annan måte til at skulen skal gjere eit vedtak og har hatt rimeleg tid til å uttale seg Førehandsvarslet skal gjere greie for kva saka gjeld, og gje opplysningar om kva føresegner i lova vedtaket byggjer på, og kva forhold rundt eleven sin skulesituasjon som er grunnlaget for vedtaket.
Førehandsvarslet skal innehalde det som er nødvendig for at elevar og foreldre kan ta vare på interessene sine på ein forsvarleg måte, jf. forvaltningslova 16. Varslet må derfor innehalde dei faktiske forholda: Kva det varsla vedtaket vil innebere for eleven, kva for type avvik frå ordinær opplæring det dreier seg om og kva forhold som er grunnlaget for vedtaket. Enkeltvedtaket skal innehalde grunngjeving for vedtaket ved å vise til heimelen, faktiske forhold som er lagde til grunn, og kva for omsyn som er vektlagde. Eleven eller foreldra har rett til å klage på enkeltvedtaket. For å gje eleven eller foreldra ei reell moglegheit til å argumentere for sitt syn, må vedtaket vere skriftleg og grunngjeve, jf. forvaltningslova 24 og 27. Grunngjevinga skal vise til dei reglar og faktiske forhold vedtaket byggjer på, og kva for omsyn skulen har lagt mest vekt på, jf. forvaltningslova 25. Skulen treng ikkje å grunngje vedtaket dersom vedtaket godkjenner ein søknad, og skulen ikkje har grunn til å tru at eleven og foreldra vil vere misnøgde med vedtaket. Enkeltvedtaket skal innehalde informasjon om høve til å klage, klagefrist, klageinstans og framgangsmåte ved klage. Det er eit krav at brevet med enkeltvedtaket skal opplyse om dei formelle forholda som gjeld dersom eleven eller foreldra vil klage, jf. forvaltningslova 27. Nærmare reglar for saksbehandling ved klage går fram av forvaltningslova 27-32. Skulen må opplyse om at klagefristen er tre veker frå eleven eller foreldra fekk vedtaket, at klagen skal sendast til skulen, og kven som er klageinstans. Klageinstans ved dei ulike aktuelle typar enkeltvedtak går fram av opplæringslova 15-2. Enkeltvedtaket skal innehalde informasjon om retten til å sjå saksdokumenta. Foreldra og elevane har rett til å gjere seg kjende med dokumenta som inngår i saka, jf. forvaltningslova 27. Brevet om enkeltvedtaket skal informere om denne retten. I nokre tilfelle har skulen grunn til å gjere unntak frå innsynsretten. Nærmare om innsynsretten og unntak frå innsyn går fram av forvaltningslova 18 og 19. 3.2 Fylkesmannens undersøkingar Fylkesmannen har gjennomgått Eidsdal skules innsendte dokumentasjon, innsendte eigenvurderingsskjema, og vurdert dette opp mot rettslige krav innanfor kontrollområda for tilsynet. Fylkesmannen har berre fått dokumentasjon på enkeltvedtak etter kap. 5 i opplæringslova. Vi kan difor ikkje uttale oss om enkeltvedtak etter andre kapittel i opplæringslova oppfyller krava i forvaltingslova. 3.3 Fylkesmannens vurderingar Førehandsvarsel Eidsdal skule har ei gjeldande planleggingsprosedyre for spesialundervisning, rev.2013. Vi viser til vedlegg 2 i innsendt dokumentasjon. Når det gjeld førehandsvarsling, jf. forvaltningslova 16, svarar Eidsdal skule i sitt innsendte eigenvurderingsskjema at dei varslar elevar og foreldre før dei fattar enkeltvedtak som avvik frå opplæringstilbodet. Spesialpedagogisk plan med ei
planleggingsprosedyre, ei rutinebeskriving der det står at foreldre kontaktar skule i forkant av ei eventuell oppmelding til PPT, er lagt ved. Skulen har vidare prosedyre på å fylle ut innmeldingsskjema, som spesialpedagogisk rettleiar fyller ut i samråd med foreldre og involverte lærarar. Foreldre og rektor skriv under står det vidare i planen. Så vurderer PP tenesta behovet for spesialundervisning og skriv ei sakkunnig vurdering, der dei vurderer retten til spesialundervisning, med ei eventuell tilråding om innhald, organisering og omfang. Etter dette har Eidsdal skule prosedyre på å sende søknadsskjema om spesialpedagogisk ressurs til føresette. Skjema skal returnerast til skulen, på bakgrunn av dette skal rektor ved skulen fatte enkeltvedtak. Vedtak og skjema vert så sendt attende til føresette med skjema for eventuell klage. Når eleven er over 15 år gjeld krav om førehandsvarsling til eleven sjølv. Dette gjeld sjølv om eleven vert representert av foreldra, jf. fvl. 16 første ledd. Eidsdal skule har ikkje dokumentert rutine for å vareta elevar over 15 år sin rett om førehandsvarsling, sjølv om eleven vert representert av foreldre, jf. fvl. 16 første ledd. Enkeltvedtak Eidsdal skule har i løpet av inneverande eller dei to siste skuleåra fatta enkeltvedtak om avvik frå det ordinære opplæringstilbodet. Vi viser her til innsendt dokumentasjon frå Eidsdal skule. Vedlegg 1,4,5 og 6. Innsendt dokumentasjon, døme på enkeltvedtak viser til heimelen for vedtaket. Det viser og til høvet til å klage, klagefrist, klageinstans og framgangsmåte ved klage er gjort kjend. Innsendt dokumentasjon, døme på enkeltvedtak, inneheld ikkje informasjon om retten elevar/ foreldre har til å sjå dokumenta i saka, jf. fvl. 18, jf. 19. 3.4 Fylkesmannens konklusjon Eidsdal skules enkeltvedtak: inneheld opplysningar om heimel for vedtaket inneheld opplysningar om klagerett, klagefrist, klageinstans, framgangsmåten ved klage, jf fvl. 24, 25 og 27. Eidsdal skules enkeltvedtak oppfyller ikkje krava i forvaltningslova i forhold til: fvl. 16 første ledd om førehandsvarsel av vedtak om spesialundervisning for elevar over 15 år fvl. 18, jf 19 ved at enkeltvedtaka manglar informasjon om retten til elevane/foreldra om å få sjå dokumenta i saka.
4. Enkeltvedtak om spesialundervisning 4.1 Rettslege krav Nedanfor har vi opplyst om dei rettslege krava i tilsynet som gjeld for enkeltvedtak om spesialundervisning. Vi viser òg til kva for reglar i opplæringslova og/eller forvaltningslova krava er knytte til. Krava kjem i tillegg til dei generelle saksbehandlingsreglane som er omtalte over i kapittel 3. Foreldre / elevar over 15 år skal gje samtykke før det blir sett i gang utgreiing av behovet for spesialundervisning. Skulen må få samtykke frå foreldra til elevar under 15 år før PPT set i gang ei sakkunnig vurdering av behovet for spesialundervisning, jf. opplæringslova 5-4. Elevar som har fylt 15 år, skal sjølve gje samtykke i saker om spesialundervisning og om at foreldra skal bli orienterte (føresetnaden er at eleven er samtykkekompetent). Dersom foreldra/eleven sjølve har bedt om spesialundervisning, ligg samtykket implisitt i søknaden. Foreldra/eleven skal ha moglegheit til å uttale seg om innhaldet i ei sakkunnig vurdering før enkeltvedtaket blir gjort. Foreldra har rett til å gjere seg kjende med innhaldet i den sakkunnige vurderinga og til å uttale seg før skulen gjer eit enkeltvedtak, jf. opplæringslova 5-4. Skulen kan gje avgrensingar i denne retten, jf. forvaltningslova 19 og reglane om teieplikt. Skulen og PPT har ansvar for at samarbeidet med eleven og foreldra blir teke hand om på ein god måte på dei ulike trinna i prosessen. Foreldra må få sjå den sakkunnige vurderinga og få rimeleg tid til å uttale seg om innhaldet. Elevar som etter sakkunnig vurdering har behov for spesialundervisning, skal ha eit enkeltvedtak. Etter den sakkunnige vurderinga må skulen gjere eit vedtak. Dette gjeld både dersom skulen går med på spesialundervisning, og dersom skulen ikkje gjer det. Kravet om enkeltvedtak gjeld både når PPT tilrår spesialundervisning, og når dei ikkje tilrår dette. Ei avgjerd om spesialundervisning gjeld rettar for ein bestemt person og er derfor eit enkeltvedtak, jf. forvaltningslova 2 og kapittel IV og V. Avvik frå ei sakkunnig vurdering skal grunngjevast i enkeltvedtaket. Dersom skulens vedtak vik av frå den sakkunnige vurderinga, må skulen grunngje dette. Grunngjevinga skal vise kvifor eleven likevel får eit opplæringstilbod som oppfyller elevens rett til spesialundervisning, jf. opplæringslova 5-3. Skulen må få klart fram kva avviket består i, og kva opplæringstilbodet inneber for eleven. Grunngjevinga må vere slik at foreldra forstår kva for vurderingar som ligg til grunn for at skulen ikkje følgjer tilrådinga i den sakkunnige vurderinga.
Enkeltvedtaket skal innehalde opplysningar om kva for omfang, innhald og organisering spesialundervisninga skal ha, og kompetansekrav for dei som skal gjennomføre opplæringa. Den sakkunnige vurderinga skal ta stilling til kva som gjev eit forsvarleg opplæringstilbod, til innhaldet i opplæringa og gjere greie for andre særlege forhold som er viktige for opplæringa, jf. opplæringslova 5-3. Skulens vedtak om spesialundervisning skal byggje på den sakkunnige vurderinga. Enkeltvedtaket må vise tal på timar med spesialundervisning, fag/område for spesialundervisninga, om det skal vere avvik frå LK06, korleis opplæringa skal organiserast, og kva for kompetanse personalet skal ha. 4.2 Fylkesmannens undersøkingar Ifølgje innsendte eigenvurderingsskjema har skulen i løpet av inneverande, eller dei to siste skuleåra, elevar som har fått ei sakkunnig vurdering med behov for spesialundervisning, og det er gjort enkeltvedtak om igangsetting av spesialundervisning. 4.3 Fylkesmannens vurderingar Skulen har ifølgje innsendt spesialpedagogisk plan, prosedyre for å innhente samtykke frå foreldre før det vert sett i gang utgreiing av behovet for spesialundervisning. I eigenvurderingsskjema vert dette bekrefta. Skulen har rutinar for at foreldre får moglegheit til å uttale seg om innhaldet i sakkunnig vurdering før enkeltvedtak vert fatta. Foreldre / elevar over 15 år skal gje samtykke før det blir sett i gang utgreiing av behovet for spesialundervisning. Skulen må få samtykke frå foreldra til elevar under 15 år før PPT set i gang ei sakkunnig vurdering av behovet for spesialundervisning, jf. opplæringslova 5-4. Ifølgje vedlagt dokumentasjon ser det ut til at skulen har innarbeider rutinar for dette for foreldre, men ikkje for elevar over 15 år. Det same gjeld retten til å uttale seg om innhald i sakkunnig vurdering før enkeltvedtak fattast. Eidsdal skule har ei dokumentert rutine for å fatte enkeltvedtak etter at sakkunnig vurdering er gjennomført. Vi viser her til planleggingsprosedyre for spesialundervising ved Eidsdal skule. Etter fvl. 24, 25 og 27 skal enkeltvedtak alltid grunngjevast. Det må grunngjevast kvifor skulen godkjenner eller avslår å gje eleven rett. Ein må grunngje kvifor elev får akkurat dette tilbodet. Det må vere tydeleg kva heile opplæringstilbodet inneber for eleven. Det må vere tydeleg kva vedtaket inneber og kva ein eventuelt kan klage på. Innsendt dokumentasjon, døme på enkeltvedtak, tydeleggjer ikkje dei faktiske forhold som er lagt til grunn, kva skulen har konkludert med som eit forsvarleg opplæringstilbod til eleven. Vi viser her til forvaltningslova sitt krav til grunngjeving, jf. nemnde rettslege krav som er utleda av forvaltningslova kapittel 5. I eit enkeltvedtak må det grunngjevast kva vurderingar som er gjort i forhold til kva som kan vere eit forsvarleg opplæringstilbod.
Eit enkeltvedtaket skal vere så klart og fullstendig at det ikkje er tvil om kva slags opplæringstilbod eleven skal få. Skulen må i enkeltvedtak konkludere med kva som samla sett kan gje eleven eit forsvarleg opplæringstilbod. I innsendt dokumentasjon står det i vedtaket kva PPT tilrår som forsvarleg opplæringstilbod, ved at det vert vist til innhald i sakkunnig tilråding og kva for omfang i form av timar som vert tilrådd. Det er ikkje tydeliggjort at det vert vedtatt å gje dette tilbodet. Fylkesmannen går ut ifrå at dette er meininga, men det må komme tydeleg fram kva som faktisk er vedtaket. Tydelege konklusjonar manglar altså i innsendte vedtak. Delegert mynde skal vere forsvarleg. Rektor er ifølgje vedlagt dokumentasjon den som skal inneha mynde til å fatte vedtak ved skulen. Vedlagte enkeltvedtak er signert av skulens spesialepedagogiske ansvarlige. Kontaktpersonen for tilsynets har bekrefta at mynde framleis skal ligge hjå rektor, men spesialpedagogisk ansvarleg fekk midlertidig ansvar for å skrive enkeltvedtak. I vedlagt dokumentasjon, enkeltvedtak er det ikkje spesifisert kompetansekrav for dei som skal gjennomføre spesialundervisninga. I eit enkeltvedtak må skulen gjere greie for kompetansen som er nødvendig i spesialundervisninga. Det skal stå kven som skal gje spesialundervisning; lærar, spesialpedagog, logoped mv. 4.4 Fylkesmannens konklusjon I Eidsdal skule sine enkeltvedtak om spesialundervisning: Er det rutine for å innhente samtykke frå foreldre før det i gangsetjast utredning av behovet for spesialundervisning. Skulen gjev foreldre moglegheit til å uttale seg om innhaldet i sakkunnig vurdering før enkeltvedtak fattast. Eidsdal skule oppfyller ikkje krava til enkeltvedtak om spesialundervisning i forhold til opplæringslova 5-3 og 5-4, jf. forvaltningslova 2 og kapittel IV og V : Når det gjeld samtykke frå elevar over 15 før det vert sett i gang utgreiing av behovet for spesialundervisning, samt gje desse elevane moglegheit til å uttale seg om innhaldet i sakkunnig vurdering før enkeltvedtak fattast Når det gjeld kva skulen konkluderer med som eit forsvarleg opplæringstilbod til eleven etter at sakkunnig vurdering er gjennomført. Kva vedtak skulen fattar kjem ikkje klart fram. Det ikkje spesifisert kompetansekrav for dei som skal gjennomføre spesialundervisninga i enkeltvedtaket.
5. Frist for retting av lovbrot Fylkesmannen har i kapitla 3 til og med 4 konstatert lovbrot. I denne rapporten får Norddal kommune frist til å rette lovbrot, jf. kommunelova 60 d. Frist for retting er 01.12.2015. Kommunen må innan denne datoen sende Fylkesmannen ei erklæring om at det ulovlege forholdet er retta, og ei utgreiing om korleis lovbrotet er retta. Dersom lovbrot ikkje er retta innan den fastsette fristen, vil Fylkesmannen vedta pålegg om retting. Eit eventuelt pålegg om retting vil ha status som enkeltvedtak og kan klagast på, jf. forvaltningslova kapittel VI. Følgjande pålegg er aktuelle å vedta etter utløpet av rettefristen i denne rapporten: Generelle saksbehandlingsreglar for enkeltvedtak 1. Norddal kommune må syte for at saksbehandlinga ved Eidsdal skule oppfyller krava i forvaltningslova til førehandsvarsel, jf. forvaltningslova 16. Norddal kommune må i samband med dette sjå til at: a. Skulen varslar elevar over 15 år før det blir gjort enkeltvedtak om avvik frå det ordinære opplæringstilbodet b. Enkeltvedtaket (eller orienteringa om enkeltvedtaket) inneheld informasjon om retten etter forvaltningslova til å sjå saksdokumenta. Enkeltvedtak om spesialundervisning 2. Norddal kommune må syte for at Eidsdal skule ved behov for spesialundervisning oppfyller opplæringslova 5-3 og 5-4, jf. forvaltningslova 2 og kapittel IV og V. Norddal kommune må i samband med dette sjå til at: a. Skulen innhentar samtykke frå elevar over 15 år før dei set i gang utgreiing av behovet for spesialundervisning, samt gje desse elevane høve til å uttale seg om innhaldet i den sakkunnige vurderinga før enkeltvedtak fattast b. At skulen konkluderer med kva som kan gje eit forsvarleg opplæringstilbod til eleven etter at sakkunnig vurdering er gjennomført, for så å fatte vedtak ut ifrå dette.
c. Enkeltvedtaket inneheld opplysningar om kompetansekrav for dei som skal gjennomføre spesialundervisninga. 6. Kommunen sin frist til å rette Som nemnt i kapittel 5 ovanfor, har kommunen fått ein frist for å rette dei ulovlege forholda som er konstaterte i denne rapporten. Frist for tilbakemelding er 01.12.2015 Kommunen har rett til innsyn i saksdokumenta, jf. forvaltningslova 18. Fylkesmannen Sissel B Henriksen Vedlegg: Dokumentasjonsgrunnlaget Følgjande dokument inngår i dokumentasjonsgrunnlaget for tilsynet: Vedlegg 1 Eidsdal skule - enkeltvedtak Vedlegg 2 Eidsdal skule - revidert spesialpedagogisk plan Vedlegg 3 Skjema, søknad om spesialpedagogiske tiltak Vedlegg 4 Eidsdal skule - enkeltvedtak Vedlegg 5 Eidsdal skule - enkeltvedtak Vedlegg 6 Eidsdal skule - enkeltvedtak Vedlegg 7 Skjema for tilvising til ny sakkunnig vurdering Vedlegg 8 Skjema for tilvising til PPT Vedlegg 9 Revidert skjema for tilvising til PPT Vedlegg 10 System for kvalitetsvurdering av verksemd etter opplæringslova - 13-10 i Norddal kommune Vedlegg 11 Norddal kommune, Delegeringsreglement, Revisjon 2013