SENTRALADMINISTRASJONEN Postadresse: Klepp kommune Postboks 25 4358 Kleppe MØTEINNKALLING Utval: Hovudutval for skule og barnehage Møtestad: Klepp rådhus, formannskapssalen Møtedato: 26.01.2017 Kl. 15.00 Eventuelt forfall må meldast til politisk sekretariat på e-post: Politisk.sekretariat@klepp.kommune.no eller tlf: 51 42 98 64 / 98 30 / 98 29 Varamedlemmer møter etter nærare avtale. SAKSLISTE Saksnr. Tittel side: 1/17 MØTEPROTOKOLL 24.11.16 - GODKJENNING 2 2/17 MÅLFORM - ORSTAD SKULE 3 3/17 HØYRING - FORSLAG TIL "FORSKRIFT OM PEDAGOGISK BEMANNING OG DISPENSASJON I BARNEHAGER 6 4/17 MARTE MEO - SATSINGSOMRÅDE I KLEPPBARNEHAGEN 8 5/17 REFERATSAKER TIL ORIENTERING 10 Orienteringssaker: Barnehagebruksplan - framdriftsplan v/ barnehagesjef Åse K. Hatteland Skulesaka - orientering v/ ass. kommunalsjef Sigurd Aukland Kleppe skule v/ rektor Astrid E. Lunde Orstad barnehage og Horpestad barnehage v/ styrar Tone Krokeide Arbeidslivskunnskap - orientering om framdrift v/ ass. kommunalsjef Sigurd Aukland Saksdokumenta er lagde ut på biblioteket i Klepp rådhus og på Klepp kommune si nettside under Politikk og Innsyn - Møtekalender og politiske saksdokument. Klepp kommune, 17.01.2017 Einar Erga leiar Karin Sandve Vereide møtesekr. www.klepp.kommune.no E-post: postmottak@klepp.kommune.no Sentralbord: 51 42 98 00 Organisasjonsnummer: 00864969682 Barna vår framtid
Klepp kommune, Pb 25, 4358 Kleppe Sak 1/17 Hovudutval for skule og barnehage Møtedato: 26.01.2017 SAKSFRAMLEGG Saksbehandlar: Karin Sandve Vereide Arkiv: 033 Arkivsaksnr.: 17/93-1 Planlagt behandling: Hovudutval for skule og barnehage MØTEPROTOKOLL 24.11.16 - GODKJENNING Vedlegg: Møteprotokoll 24.11.16 Innstilling: Møteprotokollen frå møtet i hovudutval for skule og barnehage 24.11.16 blir godkjent. Rådmannen i Klepp 17.01.2017 Dokumentet er elektronisk godkjent og treng derfor ingen signatur. Side 2 av 10
Klepp kommune, Pb 25, 4358 Kleppe Sak 2/17 Hovudutval for skule og barnehage Møtedato: 26.01.2017 SAKSFRAMLEGG Saksbehandlar: Sissel J. Johannessen / Knut Norddal Arkiv: B02 Arkivsaksnr.: 16/4141-2 Planlagt behandling: Hovudutval for skule og barnehage Kommunestyret MÅLFORM - ORSTAD SKULE Driftsstyret ved Orstad skule behandla sak om val av målform i møte den 22. november 2017 og gjorde slikt vedtak: «Driftsstyret ønskjer at hovudutvalet for skule og barnehage i Klepp kommune gjer vedtak om folkerøysting i Orstad skulekrins om skifte av målform frå nynorsk til bokmål». Orstad skule har i dag nynorsk som målform på lik linje med alle dei andre grunnskulane i Klepp. Dei seinare åra har stadig fleire elevar valt bokmål som opplæringsmål, og skuleåret 16/17 har 229 av 304 elevar, 75 %, bokmål som hovudmål. Dette har skapt utfordringar for organiseringa av opplæringa på skulen då gruppestorleiken har vorte svært ulik. Dei minste nynorskgruppene er på mellom 2 og 5 elevar, medan bokmålsgrupper/klassar kan vera på opptil 28 elevar. Dette gjeld trinna 1-7 der lova seier at elevane har rett til å gå i språkdelte grupper i alle fag med stor grad av skriftlegheit. På 8. - 10. trinn gjeld ikkje same kravet, der kan elevane gå i språkdelte grupper. Lovkravet om at det må vera minst 10 elevar som vel ei anna målform enn det som er hovudmålforma i kretsen for å ha rett til å gå i eiga elevgruppe, gjeld ikkje nynorskelevane på Orstad, då nynorsk er hovudmålforma i kretsen. Etter lova har dei rett til å gå i eiga elevgruppe kor få dei enn er i gruppa. Lov om grunnskolen ( opplæringslova ) seier slik i 2 5 Målformer i grunnskolen: «Kommunen gir forskrifter om kva som skal vera hovudmål i dei enkelte skolane. Hovudmålet skal nyttast i skriftleg opplæring og i skriftleg arbeid. Frå og med 8. årstrinnet vel elevane sjølv kva skriftleg hovudmål dei vil bruke. I den munnlege opplæringa avgjer elevane og undervisningspersonalet sjølv kva for talemål dei vil bruke. Undervisningspersonalet og skoleleiinga skal likevel i størst mogeleg grad ta omsyn til talemålet til elevane i ordval og uttrykksmåtar. Foreldra vel målform i lærebøkene til elevane til og med 7. årstrinnet. Frå og med 8. årstrinnet vel elevane sjølv. I norskopplæringa skal elevane ha lærebøker på hovudmålet. Når minst 10 elevar på eitt av årstrinna 1 7 i ein kommune ønskjer skriftleg opplæring på eit anna hovudmål enn det kommunen har vedteke, har dei rett til å tilhøyra ei eiga elevgruppe. Retten gjeld så lenge det er minst seks elevar igjen i denne gruppa. Når elevane er spreidde på fleire skolar i kommunen, vedtek foreldra med vanleg fleirtal kva skole tilbodet skal gjevast ved. Elevar som blir overførte til ein ny skole med eit anna hovudmål enn det dei har hatt på årstrinna 1 4, har framleis rett til skriftleg opplæring på det opphavelege hovudmålet. Dei har rett til norskundervisning i eiga gruppe, uavhengig av kor mange dei er. Dei to siste åra i grunnskolen skal elevane ha opplæring i begge målformer. Departementet kan gje forskrifter om fritak frå opplæring i sidemålet for elevar som får særleg språkopplæring. I samband med skifte av hovudmål eller når eit fleirtal i kommunestyret eller minst 1 / 4 av dei røysteføre krev det, skal det haldast rådgjevande røysting. Røysterett har alle som bur i det området i kommunen som soknar til skolen, jf. 8 1, og som har røysterett etter vallova 2-2. Side 3 av 10
Klepp kommune, Pb 25, 4358 Kleppe Sak 2/17 Røysterett i høve til skriftleg opplæring har dessutan foreldre eller forsytar til barn på barnesteget ved skolen utan omsyn til bustad eller statsborgarskap. Departementet kan gje nærmare forskrifter «. Forskrift til opplæringslova, Kapittel 9; Rådgjevande folkerøysting om målform i grunnskolen, seier følgjande i 9 2. Røysterett: «Røysterett har alle som bur i det området som soknar til skolen etter opplæringslova 8 1, og som den 30. dagen før røysterett står innførte i folkeregisteret som busette i kommunen, og seinast i det året folkerøystinga blir halden, vil ha fylt 18 år. Røysterett har og foreldre / forsytar til barn på barnetrinnet ved skolen, og foreldre / forsytar til barn som er innskrivne der for å ta til på første trinnet, utan omsyn til bustad eller statsborgarskap. Krav om å koma med som røystefør foreldre / forsytar må vera levert eller framsett for kommunen seinast tre veker etter den første kunngjeringa om røysting «. 9 2; Ansvaret for røystinga har slik ordlyd: «Kommunen har ansvaret for røystinga og skal sørgje for at det blir sett opp liste over dei som har røysterett etter 9 2 andre ledd. Kommunen organiserer røystinga». 9 5; Nytt vedtak har slik ordlyd: «Nytt vedtak om hovudmål kan ikkje gjerast før det er gått 5 år». Ei folkerøysting om målform er rådgjevande, og kommunestyret kan gjera vedtak om og at det skal haldast rådgjevande folkerøysting. Kommunestyret gjer og endeleg vedtak om skifte av målform i ein skulekrets. Når eit driftsstyre ber om at hovudutvalet skal ta opp ei sak til behandling, ser rådmannen det som naturleg å følgja ei slik oppmoding. Lova seier at i samband med skifte av hovudmål, skal det haldast rådgjevande røysting. Rådmannen vil leggja til rette for at kommunen gjennomfører ei slik røysting. Rektor og driftsstyret peikar på at trinna på Orstad er svært ulike med omsyn til storleik på gruppene. Dette skuldast ikkje faglege eller pedagogiske grunngjevingar, men ei lovforståing frå fylkesmannen som rektor må forhalda seg til. Disponering av lærarressursar på Orstad vert såleis meir bestemt av lovtolking enn av faglege og pedagogiske vurderingar. Om Orstad hadde hatt bokmål som hovudmål, ville det på dei fleste trinna på barnetrinnet ikkje vore stor nok elevgruppe (10 elevar) til å oppretta nynorskgruppe. Rektor ville då stått friare til å laga og setja saman meir jamn store elevgrupper utfrå faglege og pedagogiske vurderingar. Rådmannen er klar over at skifte av hovudmålform frå nynorsk til bokmal vil svekka nynorsken i kretsen. Rådmannen vel likevel å sjå saka mest utfrå ein fagleg ståstad og kva som er mest tenleg for skulen for å få til ei mest mogeleg likeverdig opplæring for alle elevane på Orstad skule. Rådmannen ser det slik at ei rådgjevande folkerøysting bør gjennomførast i samband med stortingsvalet 10. og 11. september. Det forenklar gjennomføringa og reduserer kostnaden vesentleg. Hovudkostnaden vil vera opptrykk av stemmesedlar. Kommunen får ingen ekstra utgifter til valstyret då det alt er på plass grunna stortingsvalet. Saka går vidare til avgjerd i kommunestyret den 13. febr om hovudutvalet går inn for å gjennomføra rådgjevande folkerøysting. Saka vert og behandla i valstyret med omsyn til praktisk gjennomføring av den rådgjevande folkerøystinga. Kunngjering om røystinga kan gjerast straks etter møte i kommunestyret 13. febr 2017 om kommunestyret går inn for å gjennomføra rådgjevande folkerøysting. Kommunen oppfyller såleis kravet i lova som seier: «Krav om å koma med som røystefør foreldre / forsytar må vera levert eller framsett for kommunen seinast tre veker etter den første kunngjeringa om røysting». Alt det praktiske i samband med folkerøystinga må vera klart til 10. august då førehandsrøysting kan ta til. Resultatet av røystinga er klart 12. Side 4 av 10
Klepp kommune, Pb 25, 4358 Kleppe Sak 2/17 september. Saka kan behandlast i hovudutval for skule og barnehage på møtet 26. oktober 2017, og kommunestyret kan gjera endeleg vedtak om målform på møtet 13. november 2017. Ordninga kan då tre i kraft for elevane som byrjar på Orstad skule hausten 2018. Kopi til: Brev frå FAU og driftsstyret ved Orstad skule 25.11.16 Innstilling: Rådmannen foreslår at saka går til hovudutval for skule og barnehage og kommunestyret med slik tilråding: Det vert halde rådgjevande folkerøysting om kva målform som skal vera hovudmålform i Orstad skulekrets. Rådmannnen i Klepp, 17.01.17 Dokumentet er elektronisk godkjent og treng derfor ingen signatur. Side 5 av 10
Klepp kommune, Pb 25, 4358 Kleppe Sak 3/17 Hovudutval for skule og barnehage Møtedato: 26.01.2017 SAKSFRAMLEGG Saksbehandlar: Åse Kyllingstad Hatteland Arkiv: A10 &00 Arkivsaksnr.: 16/861-14 Planlagt behandling: Hovudutval for skule og barnehage HØYRING - FORSLAG TIL «FORSKRIFT OM PEDAGOGISK BEMANNING OG DISPENSASJON I BARNEHAGER» Utdanningsdirektoratet sendte 9.12.16 ut høyringsbrev om endring av «Forskrift om pedagogisk bemanning og dispensasjon i barnehager.» Klepp kommune vel å koma med uttaler til deler av høyringa. Talet på barn pr. pedagogisk leiar: Gjeldande rett er at det skal vera ein pedagogisk leiar pr. 14 18 barn over 3 år, og ein pedagogisk leiar pr. 7 9 under 3 år. Klepp kommune er einig i at intervallet bør takast bort, og berre maksimaltalet pr. barn bør stå. Innhaldet i rammeplanen må og få tyding for krava til resten av personalet. Både vaksne pr. barn og kompetansen til desse. Klepp kommune vil difor peika på at et er naudsynt å setja krav til kompetanse for alle som arbeider i barnehagen. Treåringar: Klepp kommune støtter forslaget om at barn skal telle som 3 år frå august det året dei fyller 3 år. Dette er gjeldande praksis i dei kommunale barnehagane, og er med og skaper stabile grupper for dei minste barna. Mellombels dispensasjon frå utdanningskravet: Klepp kommune har i høyringa om ny rammeplan, peika på at krava til personalet som kjem fram i den nye planen vil gjera det vanskeleg å innvilga dispensasjonar frå utdanningskravet som gjeld pedagogisk leiar. Dette må og gjelda familiebarnehagar. For likevel å ha ein fleksibilitet når det gjeld opptak av barn, bør det vera ein moglegheit for unntaksvis å søka om, og innvilga dispensasjon frå pedagognorma. At eit ekstra barn utløyser ein barnehagelærar i 100 % stilling kan nokre gonger setja grenser for ein ønska fleksibilitet. Dersom ein manglar t.d.20 % barnehagelærar for å kunne dela ein plass, eller ta inn eit barn med ekstra behov, må eigar kunne søka om, og barnehagemyndigheten gje dispensasjon frå pedagognorma. Dispensasjonar som gjeld pedagognorma kan berre innvilgast utifrå klare kriterier. Klepp kommune vil difor foreslå at adgangen til å søka dispensasjon frå utdanningskravet som pedagogisk leiar blir fjerna, men det bør vera mogleg, utifrå gitte kriterier, å gje tidsavgrensa dispensasjon frå pedagognorma (barn pr. pedagogisk leiar). Vedlegg: Heile høyringsforslaget: http://www.udir.no/om-udir/hoyringar/#96 Side 6 av 10
Klepp kommune, Pb 25, 4358 Kleppe Sak 3/17 Innstilling: Kommunalsjefen sitt forslag til vedtak: Klepp kommune gjev innspel til høyringa om «Forskrift til pedagogisk bemanning og dispensasjon i barnehager» i tråd med saksutgreiinga. Rådmannen i Klepp 17.01.2017 Dokumentet er elektronisk godkjent og treng derfor ingen signatur. Side 7 av 10
Klepp kommune, Pb 25, 4358 Kleppe Sak 4/17 Hovudutval for skule og barnehage Møtedato: 26.01.2017 SAKSFRAMLEGG Saksbehandlar: Helga Hope Arkiv: 146 A Arkivsaksnr.: 16/24-10 Planlagt behandling: Hovudutval for skule og barnehage MARTE MEO - SATSINGSOMRÅDE I KLEPPBARNEHAGEN I Handlings- og økonomiplan 2016-19 har programmet «Være sammen» kome med følgande mål: Nytta programmet Være sammen som grunnlag for sosial kompetanse og arbeid mot krenking og mobbing i barnehagane. Samhandla med føresette om programmet Være saman med sikte på å få til varme og grensesettande vaksne Det har vore fokus på kvalitetane til dei vaksen og utviklingstøtta dei gjer til barnehagebarn. Kompetanseheving for alle tilsette og foreldre har vore det viktigaste i denne satsinga. Marte Meo-metoden har blitt prøvd ut som ei oppfølging av Være saman. Etiske retningslinjer I Kleppe friluftsbarnehage sitt SU har det vore stilt ein del spørsmål kring etiske retningslinjer, oppbevaring av film og lagring av film under utdanning. Helga Hope frå etaten var med på eit møte og tok imot innspel til vidare arbeid. Noko av innspela har vore sjekka med Marte Meo sentralt, barnevernstenesta i Klepp ved Randi Møller og advokaten til barnevernstenesta. Det kjem til å bli utarbeida ein prosedyre for etiske retningslinjer og samtykkeskjema som skal leggast i Compilo. Dette vert lagt fram som ein orienteringssak i løpet av våren 2017. Økonomi Utdanninga til praktikargruppene kjem på 30.000 kr for heile løpet. I det ligg ei utdanning og sertifisering av ei gruppe på 10 personar. Det har vore nytta kompetansemidlar frå fylkesmannen til å dekka halvparten av kostnadene. Den andre halvparten har barnehagane dekka av eigne kompetansemidlar. Fylkesmannen er orientert om at nokon av midla går til dette føremålet. Terapaututdanninga kostar 7000 kr pr semester og går over 2 år. Det blir nytta same modellen som praktikargruppene når det gjeld kostnadsdeling. Vurdering: Gjennom denne satsinga har etaten og barnehagane blitt meir merksame på at kvalitet er avhengig av god kompetanse hos alle tilsette. Det er viktig at kompetansen går frå hovudet og ut i personleg veremåte. På bakgrunn av utprøvinga tilrår kommunalsjefen at Klepp kommune får ein felles grunnmur for rettleiing av tilsette i Kleppbarnehagen. Familie- eininga i Klepp gjer tilbod om denne rettleiinga til foreldre i Klepp. Vi tenkjer heilskapleg og ønskjer at tilsette i barnehagen og foreldra skal ha noko av den same forståinga på korleis vi møter barn og gjer dei utviklingstøtte. Vedlegg: PP med meir info om metodikken. Side 8 av 10
Klepp kommune, Pb 25, 4358 Kleppe Sak 4/17 Innstilling: Kommunalsjefen sitt forslag til vedtak: Marte Meo metoden blir nytta som ein hovudmetodikk for å rettleia dei tilsette i Kleppbarnehagen. Metoden bli nytta til å vidareutvikla den profesjonelle aktøren i arbeid med barn og foreldre. Rådmannen i Klepp 17.01.2017 Dokumentet er elektronisk godkjent og treng derfor ingen signatur. Side 9 av 10
Klepp kommune, Pb 25, 4358 Kleppe Sak 5/17 Hovudutval for skule og barnehage Møtedato: 26.01.2017 SAKSFRAMLEGG Saksbehandlar: Karin Sandve Vereide Arkiv: 033 Arkivsaksnr.: 17/94-1 Planlagt behandling: Hovudutval for skule og barnehage REFERATSAKER TIL ORIENTERING Vedlegg: 16/677-9 05.12.2016 OPP/OPP/TRP B10 30919/16 Jærskulen MØTEREFERAT 02.12.16 - STYRINGSGRUPPA - JÆRSKULEN 16/4168-2 13.12.2016 OPP/OPP/IAAB U04 &52 31564/16 Jæren Industripartner AS AVTALE - JÆREN INDUSTRIPARTNER - ORSTAD SKULE - LEIGE AV LOKALER 16/2827-3 19.12.2016 OPP/OPP/TRP A25 31994/16 Bryne vidaregåande skule OPPSEIING AVTALE - BRYNE VIDAREGÅANDE SKULE AVD PLOGEN - EIGARKOMMUNANE 16/3192-12 11.01.2017 OPP/OPP/SJJ 033 &00 32252/16 Kommunalsjef skule og barnehage DELEGERINGSREGLEMENT ETAT FOR SKULE OG BARNEHAGE 2016-2021 Innstilling: Hovudutval for skule og barnehage tek referatsakene til orientering. Rådmannen i Klepp 17.01.2017 Dokumentet er elektronisk godkjent og treng derfor ingen signatur. Side 10 av 10