Vågå kommune Arkivsak: 2011/552-30 Arkiv: Saksbehandlar: Ingunn Moen Helland Utv.saksnr Utval Møtedato 29/13 Formannskapet 07.05.2013 24/13 Kommunestyret 14.05.2013 Planprogram til kommuneplanen, samfunnsdelen og arealdelen. Sluttbehandling. Vedlegg: 1 Høyringsuttale - Statens Vegvesen 2 Høyringsuttale - NVE 3 Høyringsuttale - Oppland fylkeskommune 4 Høyringsuttale - Fylkesmannen i Oppland 5 Høyringsuttale - Direktoratet for mineralforvaltning 6 Høyringsuttale - Forum for Natur og Friluftsliv (FNF) Oppland 7 Planprogram til kommuneplanen, samfunnsdelen og arealdelen. Med suppleringar etter høyring innarbeidd. Saksframlegg: Formannskapet gjorde i møte 29.1.2013 sak 8/13, med heimel i plan- og bygningslova 4-1 og 11-13 vedtak om å leggje ut forslag til revidert planprogram for kommuneplanen, samfunnsdelen og arealdelen på høyring. Formannskapet vedtok nokre tillegg som blei innarbeidd i høyringsutkastet. Det blei samstundes varsla planoppstart for revisjon av kommuneplanen, samfunnsdelen og arealdelen jf. plan- og bygningslova 11-12. Frist for uttale var 25. mars 2013. Det har kome uttale frå Fylkesmannen i Oppland, Oppland fylkeskommune, Norges vassdrags og energidirektorat (NVE), Direktoratet mineralforvaltning, Statens vegvesen og Forum for Natur og Friluftsliv Oppland. Alle uttalene er vedlagt. Sidan det samstundes med høyring av planprogrammet blei varsla planoppstart for kommuneplanarbeidet, omfattar uttalene både innspel til planprogrammet og også meir konkrete og detaljerte innspel til samfunnsdel og arealdel. Nedanfor er det gjort ein oppsummering av uttalene: Statens vegvesen, 25.3.2013: Statens vegvesen har ikkje merknader til planprogrammet og dei tema som skal konsekvensutgreiast. I uttala er det elles gjeve innspel i forhold til arealdelen og framstilling av fylkesvegar og riksvegar i arealplankartet.
Kommentar: Uttala medfører ikkje behov for endring av føreslege planprogram, men må følgjast opp i det konkrete arbeidet med kommuneplanens arealdel. NVE, 22.3.2013: I NVE si uttale er det særleg lagt vekt på råd og føringar m.o.t. kommuneplanens arealdel, - plankart og føresegner. Følgjande tema er omtalt i uttala: klima, overvatn og vassdrag, verna vassdrag, flom og erosjon; grunnvatn og masseuttak, kraftliner, skredfare og innarbeiding av fareområde i plankart og utarbeiding av planføresegner. Kommentar: Uttala klargjer dei krav og forventningar NVE har til kommuneplanens arealdel. Dette må følgjast opp i det konkrete arbeidet med kommuneplanen. Slik rådmannen ser det utløyser ikkje merknadene frå NVE behov for endring av føreslege planprogram. Fylkesmannen i Oppland, 25.3.2013: Fylkesmannen meiner at framlegget til planprogram gjer godt greie for mål for planarbeidet, organisering av planprosessen og opplegg for medverknad. Fylkesmannen sluttar seg til at utvalde tema er viktige tema og at det er godt samsvar mellom den heilskaplege risiko- og sårbarheitsanalysen, planstrategien og planprogrammet. I uttala er det lagt vekt på råd og føringar m.o.t. kommuneplanens arealdel med bakgrunn i nasjonale mål og forventningar. Nedanfor er dei moment i uttala som er vurdert å vere relevante for sjølve planprogrammet oppsummert: Kap 6.1. Stadutvikling: - Fylkesmannen rår kommunen til å gje kriterier for lokalisering av spreidd bustadbygging (til dømes omsyn til jordvern, avstand til vassdrag, avstand til skule, infrastruktur m.v.). - Fortetting må skje på ein måte som sikrar bukvalitet og attraktive utemiljø jf. Rikspolitiske retningslinjer for å styrke barn og unges interesser i planlegginga og Miljøverndepartementets rettleiar Fortetting med kvalitet (T-1267). - Fylkesmannen kommenterer ang. pkt. 6.1.2 at det er viktig med drøfting og vekting mellom målet om variert bustadtilbod i sentrum og vidare utvikling av grendene. Kap 7. Konsekvensvurdering: 7.2 Jordvern: Fylkesmannen meiner det bør presiserast tydelegare i innleiinga at kommunen i praksis har hovudansvaret for vern og bruk av matjorda. 7.3 Arealrekneskap/behov for bustadområde: Fylkesmannen føreset at der det kan bli omdisponering av dyrka eller dyrkbar mark, skal det utgreiast alternativ som ikkje medfører tap av slikt areal. Fritidsbustader: Fylkesmannen peiker på at kommunen bør utarbeide eit oversyn over tomtereserver i gjeldande plan, og at omfanget av nye areal til fritidsbustader blir tilpassa antatt behov i planperioden samt at utbygging skjer i tilknyting til allereie avsette byggjeområde. Når det gjeld bruksendring frå fritidsbustad til bustad reknar vi med at kommunen i tillegg til å vurdere aktuelle område der slik endring kan aksepterast, også tek stilling til aktuelle andre vilkår for slik bruksendring, jf. kap. 6.1. 7.4 Kulturminne og kulturlandskap: Fylkesmannen kommenterer til dette punktet at det er viktig at kommunen i si planlegging også tek omsyn til landskap generelt, slik det kjem fram m.a. gjennom føringar i den Den europeiske landskapskonvensjonen (2004). 7.11 Veg, trafikk og samordna areal og transportplanlegging: Fylkesmannen meiner at i tillegg til avstand mellom bustad og skule, må kommunen ved etablering av nye bustadområde også vurdere avstand til andre offentlege tenestetilbod, møteplassar, forretning, friluftsområde mv.
Heilskapleg og systematisk arbeid på samfunnstryggleik og beredskap: Når det gjeld revisjon av kommuneplanen vil vi minne om samspelet mellom plan- og bygningsloven og loven om den kommunale beredskapsplikta, som det er viktig å sjå i samanheng med kvarandre. Vi råder kommunen til å sjå nærare på Veiledning til forskrift om kommunal beredskapsplikt 3, Helhetlig og systematisk samfunnssikkerhets- og beredskapsarbeid. 3 bokstav a seier noko om kommunen si plikt til å ta inn arbeidet med samfunnstryggleik og beredskap i den ordinære og langsiktige styringa av verksemda som eit systemkrav, medan bokstav b gjev kommunen påbod om å gjere ei vurdering av om forhold kring samfunnstryggleik- og beredskap avdekt i den heilskaplege ROS, bør takast inn i planar og prosessar etter pbl. Fylkesmannen vel å nemne dette fordi temaet vil påverke beredskapstilsynet. Dersom kommunen ikkje har følgd opp krav og påbod etter 3 bokstav a og b, kan det resultere i avvik om samfunnssikkerheit ikkje er nemnt i samfunnsdelen. Etter pbl kan det derimot ikkje fremjast motsegn til ein samfunnsdel for manglande omtale av samfunnssikkerheit og beredskap. Fylkesmannen ber difor kommunen vere merksam på bindinga mellom sivilbeskyttelsesloven og pbl. Kommentar: Uttala gjev signal om dei krav og forventningar fylkesmannen har særleg til kommuneplanens arealdel, men også til samfunnsdelen. Rådmannen har supplert planprogrammet med bakgrunn i punkta over. Uttala frå fylkesmannen må følgjast opp i det konkrete arbeidet med samfunnsdel og arealdel. Oppland fylkeskommune, 26.3.2013 Oppland fylkeskommune meiner planprogrammet gir eit godt utgangspunkt for det vidare arbeidet med revisjonen. Dei har følgjande kommentarar til planprogrammet: - Saknar at planprogrammet gjer greie for kva som skal utgreiast med omsyn på kommunen som organisasjon. Bør kommunen sjå nærare på organisering av tenestene i kommunen, samarbeid på tvers av sektorar og interkommunalt samarbeid i komande planperiode? Viktigheten av samarbeid på tvers av kommunegrensene blir understreka i rapporten «Næringsutvikling, innovasjon og attraksjon i Oppland» frå Telemarksforskning. - Vi ber kommunen vurdere om dokumenta nemnd under bør takast inn som førande for planarbeidet, i kap. 4 i planprogrammet: Folkehelseloven (LOV 2011-06-24 nr 29, Lov om folkehelsearbeid) Forskrift om oversikt over folkehelsa (2012) Rettleiing til arbeidet med oversikt over helsetilstanden og påverkingsfaktorar (kjem våren 2013) St. meld. nr. 20 (2006-2007) Nasjonal strategi for å jamne ut sosiale helseskilnader. Nasjonal gåstrategi; Strategi for å fremme gange som transportform og kvardagsaktivitet (Vegdirektoratet, 2012) «Mulighetenes Oppland, Regional planstrategi 2012-2016» Kommentarar til dei utvalde tema: Stadutvikling, kap. 6.1 - Saknar at kommunen tydlegare peiker på kva for utfordringar som ligg til grunn for stadutviklinga og ber kommunen vurdere om ein er tent med å formulere utfordringsspørsmål i dette kapitlet på same måte som det er gjort i kap. 6.2 og 6.3. - Vidare under «Prinsipp for lokalisering av offentleg verksemd» ser det ut til at det her er oppramsa prinsipp for bustadar i staden for offentlege verksemder som t.d. kommunehuset, helseinstitusjonar, skular, barnehagar, idrettshallar/ kulturinstitusjonar. For god stadutvikling trur vil kommunen er tent med å ta omsyn til og å leggje strategiar for dei offentlege institusjonane/verksemdene i Vågå.
Folkehelse, kap. 6.2 - Sentrale tema for folkehelsearbeidet er nemnt med gode problemstillingar. Kapitlet må knytast tett opp i mot og sjåast i samanheng med kap. 6.1 Stadutvikling og kap. 6.3. Samfunnsutvikling. Generelt til kapitlet om utvalde tema - Det er i kap. 6.3 nemnt korleis medverking skal skje for barn og unge. Vi meiner at kommunen på dei sentrale tema i kap. 6.1 6.3 bør nemne korleis ein skal få aktiv medverking frå andre råka/aktuelle grupper t.d. eldre, langtidssjukemeldte, innvandrarar m. fl. under dei ulike tema. Vi trur at t.d. opne møter ikkje vil være god nok tilrettelegging for aktiv medverking frå disse gruppene. - Vi meiner og at kommunen bør vurdere å kartlegge statusen på kultur- og fritidstilbodet til barn og unge (kommunale tilbod, lag og foreiningar, tilrettelegging for uorganisert verksemd osv). - Innvandring er kanskje den viktigaste faktoren for å gjøre noe med befolkningsutviklinga framover. Vi meiner difor kommunen bør ha eit aktivt og bevist forhold til Integreringsarbeid. Bør dette løftas tydelegare fram i planprogrammet? - Planprogrammet gjer greie for at temaet næringsutvikling er innarbeida i dei fire andre hovudfokusområda. Vi føler at noko av fokuset på næring og arbeidsplassar dermed blir litt borte i samanhengen. Stikkord på kva vi saknar er kva grep kommunen ser for seg for å stimulere til næringsutvikling t.d.; entreprenørskap/ næringshage, handelsutvikling, næringsklynger etc. - Det er positivt at kulturminne og kulturlandskap blir nemnd særskilt under punkt 7.4 som tema som kommunen skal konsekvensutgreie. Planprogrammet presiserer imidlertid ikkje når undersøkingsplikta etter 9 i kulturminnelova skal oppfyllast. Vi vil minne om at alle større tiltak skal oversendast kulturminnemyndigheitene ved fylkeskommunen for vurdering, og at forholdet til kulturminne i reguleringsplanar seinast skal avklarast ved offentleg ettersyn. Undersøkingsplikta skal oppfyllast før vedtak, med mindre det er søkt Riksantikvaren om utsetting etter kulturminnelova. Kommentar: Rådmannen har supplert planprogrammet med bakgrunn i fleire av punkta over. Uttala frå fylkeskommunen vil bli følgt opp i det konkrete arbeidet med samfunnsdel og arealdel. Kommunen er også i gang med revisjon av både næringsplan, og føringar frå dette arbeidet må leggast til grunn ved revisjon av kommuneplanen og ein ser ikkje at det er behov for meir omtale i planprogrammet utover dette. Kommunen har relativt god oversikt over statusen på kultur- og fritidstilbodet til barn og unge, men tilrettelegging for medverknad i forhold til gruppa barn og unge vil vere viktig i prosessen. I kapittel 9 i planprogrammet er planlagt medverknad omtalt, og det er gjort ein meiner alle grupper i samfunnet skal vere ivaretekne her slik det nå er formulert. Når det gjeld innspelet om auka fokus på kommunen som organisasjon, viser rådmannen til at KS nyleg har gjennomført ein analyse av kommunen som organisasjon. Føreslegne tiltak i denne rapporten er noko kommunen vil vurdere oppfølging av. Direktoratet for mineralforvaltning, 25.3.2013: Direktoratet for mineralforvaltning har ingen merknader til oppstartmeldinga eller framlegget til planprogram. Dei kommentarar at det er positivt at eksisterande og framtidige område for masseuttak skal kartleggjast og viser til ny innsynsløysing Geologien i min kommune på sidene til www.ngu.no. Kommentar: Uttala er teke til orientering. Uttala medfører ikkje behov for endring av føreslege planprogram.
Forum for Natur og Friluftsliv Oppland, 25.3.2013 I uttala er det m.a. peikt på kartlegging og ivaretaking av verdifulle område for biologisk mangfald og friluftsliv. Det vidare fokusert på klima og samordna areal og transportplanlegging ved nye utbyggingar. Det blir bede om brei medverknad og at FNF Oppland og deira lokalorganisasjonar blir invitert til å delta i arbeidsgrupper og liknande. Kommentar: I uttala er det peikt på viktige tema som må følgjast opp ved det konkrete revisjonsarbeidet av kommuneplan. Slik medverknadsprosessen er lagt opp, skulle det vere gode moglegheiter medverknad. Rådmannen ser ikkje at uttala medfører behov for endring av føreslege planprogram. Vurdering: Planprogrammet har vore ute til offentlege ettersyn. Innkomne innspel er gjennomgått og vurdert. Alle høyringsuttaler er vedlagt saka. Rådmannen viser til sine kommentarane til dei enkelte uttalene. Med bakgrunn i høyringsuttalene er det gjort suppleringar og presiseringar av i planprogrammet. Alle suppleringar er vist med raud skriftfare i vedlagt forslag til planprogram. Rådmannen har som målsetting å halde framdriftsplanen, men dersom ein kjem til at framdrifta ikkje er forsvarleg ut frå behovet for god medverknad og forankring, må ein vurdere justeringar. Rådmannen viser elles til dei vurderingar som går fram av formannskapssak 8/13. Planprogrammet tydeleggjer formålet med planarbeidet, planprosessen, opplegget for medverknad og behov for utgreiing. Rådmannen meiner planprogrammet er tilstrekkeleg gjennomarbeidd og kan leggast fram til sluttbehandling. Delegasjon: Ingen konsekvensar for delegasjonsreglementet. Rådmannens innstilling: Med heimel i plan- og bygningslova 4-1 og 11-13 blir framlagt forslag planprogram for kommuneplanen, samfunnsdelen og arealdelen godkjent. Saksprotokoll i Formannskapet - 07.05.2013 Behandling: Kjell Nyhus ønskjer å stryke fyrste line under Stadutvikling på s. 7 i Planprogrammet. Samrøystes
Formannskapets framlegg: Med heimel i plan- og bygningslova 4-1 og 11-13 blir framlagt forslag til planprogram inkl. endringar på s. 7, for kommuneplanen, samfunnsdelen og arealdelen godkjent. Saksprotokoll i Kommunestyret - 14.05.2013 Behandling: Samrøystes Vedtak: Med heimel i plan- og bygningslova 4-1 og 11-13 blir framlagt forslag til planprogram inkl. endringar på s. 7, for kommuneplanen, samfunnsdelen og arealdelen godkjent.