HORDALAND FYLKESKOMMUNE Kultur- og idrettsavdelinga Arkivsak 200809360-112 Arkivnr. 656 Saksh. Bjørsvik, Elisabeth, Ekerhovd, Per Morten Saksgang Kultur- og ressursutvalet Fylkesutvalet Fylkestinget Møtedato 12.02.2013 20.-21.02.2013 12.-13.03.2013 MUSEUMSPLANEN - HANDLINGSPROGRAM FOR 2013 SAMANDRAG Handlingsprogrammet for Regional Plan for museum 2011-2015 skal rullerast for 2013. Dei 46 tiltaka i Museumsplanen er utarbeidde i nært samarbeid med musea og andre sentrale aktørar. Ni har status som særleg prioriterte. Handlingsprogrammet for 2013 har halde på desse prioriteringane. Det har heller ikkje vore fokus på å få inn nye tiltak. Det har samanheng med at mest alle tiltaka er omfattande både med omsyn til kva som må gjerast og dermed også finansieringsbehov. Fylkesrådmannen meiner at i seinare rulleringar bør systemet med ni prioriterte tiltak oppretthaldast, men at ein mellom desse også må gjere ei prioritering med omsyn til fordeling av museumsplanmidlar. Det er ynskjeleg at talet på tiltak vert redusert, men omfanget av det einskilde tiltaket kan gjere dette vanskeleg. Det bør likevel vere mogleg å slå saman tiltak. Seinare rullering bør også seie noko om kva som er realistiske og akseptable mål i planperioden. I 2012 løyvde fylkestinget to millionar kroner til oppfølging av Museumsplanen, samt 600 000 kroner til styrking av musea i høve kommunane. For 2013 er det likeeins løyvd to millionar til oppfølging av handlingsprogram 2013, og 600 000 kroner til kommunal medverknad. I forkant av museumsplanen melde musea inn store etterslep med omsyn til drift og investeringar. Kartlegging og utgreiing av fellesløysingar skal nettopp peike på korleis ein kan etablere fornuftige, kvalitetsmessige og økonomiske ordningar. Desse prosessane er ressurskrevjande, i det dei legg opp til kartlegging i det enkelte museum og felles planarbeid. Utviklinga det siste året har vist at ansvar som regionalt ansvarsmuseum mellom anna vil krevje auka merksemd på frivillig sektor. Det er såleis heilt naudsynt at museumsplanen i åra framover vert følgt opp med midlar. FORSLAG TIL INNSTILLING 1. Fylkestinget vedtek Museumsplanen sitt handlingsprogram for 2013 slik det går fram av saka.
2. Fordeling av museumsplanmidlar for 2013, 2 millionar kroner, er i handlingsprogrammet fordelt på det einskilde tiltak, men ikkje spesifisert med omsyn til enkeltinstitusjonane. Ei slik fordeling vert å kome attende til i eiga sak for vedtak i Kultur og ressursutvalet før sommaren. Rune Haugsdal fylkesrådmann Anna Elisa Tryti fylkeskultursjef Vedlegg: 1. Forslag til museumsplanen sitt handlingsprogram for 2013 2. Statusrapport for 2012 2
FYLKESRÅDMANNEN, 01.02.2013: Regional plan for museum 2011-2015 har som raud tråd at musea skal bli synlege samfunnsaktørar. Fylkeskommunen skal i sterkare grad nytte musea som tydelege partnarar i den regionale utviklinga. Museumsplanen skal rullerast kvart år, og vert ved slutten av planperioden avløyst av regional kulturplan. Arbeidet med kulturplanen starta opp i 2012, og vil innebere ei vurdering av tiltak og mål i museumsplanen, i prosessen med å leggje til rette for eit betre og meir samordna kulturminnevern i Hordaland. I og med at museumsplanen skal rullerast kvart år, har denne saka «Statusrapport for handlingsprogram 2012» og «Forslag til handlingsprogram for 2013» som vedlegg. Fordelinga av museumsplanmidlar for 2012 viser at utfordringane og problemstillingane er mange. Samtidig ser vi at nokre av tiltaka er til dels overlappande, slik at løyving til eit tiltak har direkte positiv verknad på fleire. Mange av tiltaka inneber utgreiingar for å avgrense og avgjere korleis eit museum med regional funksjon, eller eit museum med tematisk ansvar kan oppfylle forventningane som ligg i denne rolla. Ein føresetnad for slike utgreiingar er gjerne at musea arbeider saman, for å få på plass fellesløysingar som på lengre sikt skal vere økonomiserande og bidra til auka kvalitet på tenester. Vurdering av museumsplanens handlingsprogram Hovudinndelinga i museumsplanen er etter musea sine kjerneområde fornying, forvalting, forsking og formidling, slik dei også vert presentert i den statlege museumsmeldinga Framtidas museum. Det enkelte kjerneområde er inndelt i underområde med eit eller fleire delmål. I det følgjande vil vi trekkje fram døme på tiltak i handlingsprogrammet som er gitt museumsplanmidlar i 2012. Deretter vil vi seie noko om kva for område som er særleg prioritert i handlingsprogrammet 2013. Fylkeskommunen samarbeider med fleire aktørar for at måla skal bli nådd. Museumsplanen har 46 tiltak, av desse er ni særleg prioriterte tiltak. Desse er: Tiltak 1 Finansiering - drift og investeringar Tiltak 5 Styrking av regionale ansvarsmuseum Tiltak 8 Styrking av tematisk ansvarsmuseum Tiltak 14 Utvikling av kulturminnevern, bygningsvern og fartøyvern Tiltak 36 Etablering av hardingfelesenter Tiltak 20 Etablering av Senter for industriarkiv og industrihistorie i Odda Tiltak 32 Felles plan for samlingsforvalting Tiltak 34 Forskingssamarbeid mellom Universitetet i Bergen og dei konsoliderte musea Tiltak 42 Musea i samfunnsdebatten 3
Løyvingar til prioriterte tiltak i 2012: Tiltak 1: Sunnhordland museum, forprosjekt utvikling av museumsbygg kr. 250 000 Hardanger og Voss museum, sprinkleranlegg kr. 200 000 Tiltak 5: Sunnhordland museum, utgreiing om behov og organisering Litlabø gruver, kr. 25 000 Sunnhordland museum, utgreiing om behov og organisering Stord maritime museum, kr. 25 000 Museum Vest, Espeland fangeleir, utgreiing om behov og organisering, kr. 25 000 Sunnhordland museum, etablering av klosternettverk, kr. 25 000 Tiltak 8: Kunstmuseene i Bergen, utgreiing om regional knutepunktfunksjon, kr. 200 000 Tiltak 14: Sunnhordland museum, bygningsvernkonsulent, delfinansiering, kr. 300 000 Museum Vest, bygningsvernkonsulent, delfinansiering, kr. 300 000 Løyvingane til tiltak 14, kr. 600 000,- kjem i tillegg til museumsplanmidlane. Tiltak 20: Etablering av Senter for industriarkiv og industrihistorie i Odda, kr. 100 000 Tiltak 32: Det vart løyvd 900 000 kroner til eit thermo-lignum kammer til Bevaringstenestene (sjå også tiltak 15 utviding og utvikling av fellestenestene). Tiltak 42: Museum Vest, fast, ny utstilling Norges Fiskerimuseum, kr. 150 000 Bymuseet i Bergen, satsing på medisinsk historie, kr. 100 000 Forslag til handlingsprogram 2013 Det er ikkje fokus på å få inn nye tiltak, fordi dei eksisterande er omfattande og ressurskrevjande. Sjølv om fleire tiltak kan sjåast i samanheng, har ein ikkje slått dei saman, men halde på den opphavlege lista. Den vart etablert etter eit langt og grundig førearbeid i samarbeid med sentrale aktørar. I handlingsprogrammet for 2013 er det særleg fire av dei prioriterte tiltaka som vert framheva. Under tiltak 1 Drift og investeringar er museumsplanmidlar sett av til sikringstiltak i museum og magasin. Sikringstiltaka omfattar klima, brann og tjuveri. Samlingane er grunnvollen i verksemda, og det er grunnleggjande at gjenstandar og andre samlingar vert forsvarleg ivareteken. Tiltak 5 Styrking av regionale ansvarsmuseum omfattar mellom anna det ansvaret dei regionale ansvarsmusea har som rådgjevar i museale- og kulturminnespørsmål overfor einingar som ikkje er ein del av dei konsoliderte musea. Musea opplever ein situasjon der ein må finne løysingar på korleis samlingar og kulturarv skal forvaltast i framtida, eller også korleis samarbeid og utvikling av område med høg museal- og kulturminneverdi kan forvaltast og utviklast. Dette er ein viktig del av musea si rolle som samfunnsaktør den raude tråden i museumsplanen. Tiltak 32 Felles plan for samlingsforvalting peikar på behovet for å få oversikt over samlingar - hjå kommunar og frivillige organisasjonar og hjå dei konsoliderte einingane. Ei kartlegging av samlingane er ein føresetnad for å kunne seie noko om magasin- og sikringsbehova på kort og lengre sikt. Tiltak 36 Etablering av hardingfelesenter. Forprosjektet «Hardingfelesenteret» vert avslutta 1. mars 2013. Det er no trong for å gjennomføre eit eittårig hovudprosjekt som skal klargjere drift. 4
Fylkesrådmannen si vurdering Museumsplanen sitt handlingsprogram for 2013 vert lagt fram til politisk handsaming i februar 2013. Museumsplanen sitt handlingsprogram 2013 har 46 tiltak, av desse er ni særleg prioriterte. Eg meiner at det er riktig å fokusere på dei prioriterte tiltaka også i 2013, fordi dei representerer store og omfattande oppgåver som er grunnlaget for museumsverksemd og ivaretaking av lokale kulturminneverdiar. Ved neste rullering bør ein foreta ei vurdering av kva som er tilfredsstillande måloppnåing. I tillegg bør talet på tiltak reduserast. 5