Tokke kommune Møteinnkalling Til medlemene i Oppvekstutvalet Det vert med dette kalla inn til / gjort kjent med møte i Oppvekstutvalet Møtestad: Kultur, Tokke kommunehus Dato: 28.01.2016 Tid: 09:00 Dersom Du ikkje kan møte, ber ein om at Du melder frå til sentralbordet snarast råd. Varerepresentantane møter berre etter nærare innkalling. Geir Arild Djuve Leiar Liv Ellen Beck Konsulent
Saksliste Utvalssaksnr Innhald Referatsaker RS 16/1 Betalingssatsar oppvekst pr 010116 RS 16/2 Detaljbudsjett 2016 Lukka Politiske saker til handsaming PS 16/1 Praktisering av to barnehageopptak - våren 2016 PS 16/2 Skulerute for barnehage og skuleåret 2016-2017 PS 16/3 PS 16/4 Val av politiske representantar til samarbeidsutval (SU) og skulemiljøutval (SMU) - valperioden 2015-2019 Betalingssatser for kulturskulen PS 16/5 Fastsetjing av møteplan for 2016 PS 16/6 Søknad om skulegang i Øyfjell for elev busatt i Tokke X
Referatsaker RS 16/1 Betalingssatsar oppvekst pr 010116 RS 16/2 Detaljbudsjett - 2016
Politiske saker til handsaming
Tokke kommune Arkiv: Saksnr.: 2016/132-1 Saksbeh.: Finn Arne Askje Direkte tlf.: 35075221 Dato: 14.01.2016 Saksframlegg Utval Utvalssak Møtedato Oppvekstutvalet 16/1 28.01.2016 Formannskapet Praktisering av to barnehageopptak - våren 2016 Saksdokument: Saksutgreiing: I budsjetthandsaminga for 2016, blei det vedteke at ein skal innføre to barnehageopptak pr. år. Det skulle gje ei innsparing på kr 300 000,- pr. år. Tokke kommune har i tilsetjingsprosessen for barnehageåret 2015/2016 tilpassa ei bemanning som om ein har løpande opptak. Om ein ikkje gjennomfører løpande opptak våren 2016, så lenge det ikkje medfører auka bemanning, vil det medføre at ein ikkje nyttar potensialet i foreldrebetalinga (inntekter). Både ut frå økonomi og tenestenivået, vil det tale for at ein innfører ordninga frå hausten 2016. Oppvekstetaten vil leggje fram rullering av vedtektene for barnehagen i Tokke, aprilmøte for oppvekstutvalet og påfølgjande handsaming i kommunestyret. I den samanheng vil ein kunne innarbeide ordninga i kommunens vedtekter, før ordninga blir gjort gjeldande. Rådmannen si tilråding: Løpande opptak i barnehagen held fram våren 2016, så lenge det ikkje medfører trong for auka bemanning.
Tokke kommune Arkiv: B06 Saksnr.: 2016/119-2 Saksbeh.: Finn Arne Askje Direkte tlf.: 35075221 Dato: 18.01.2016 Saksframlegg Utval Utvalssak Møtedato Oppvekstutvalet 16/2 28.01.2016 Skulerute for barnehage og skuleåret 2016-2017 Vedlegg: 1 Felles skulerute for 2016/2017 Saksdokument: Saksutgreiing: Nytt er det at skuleruta skal vedtas i oppvekstutvalet. For å redusere omfanget av transportkostnader, må me i minst mogeleg grad gjere endringar på forslag til skulerute ein får frå fylkeskommunen. Opplæringslova 2-2. Omfanget av grunnskoleopplæringa i tid.. Opplæringa skal strekkje seg over minst 38 skoleveker innanfor ei ramme på 45 samanhengande veker i skoleåret.. Det betyr samla 190 skuledagar. I forslaget me har fått tilsendt frå fylkeskommunen er det lagt inn 193 skuledagar, mens elevane skal ha 190 skuledagar. Kommunen skal derfor kan kome med framlegg til tre ekstra fridagar for elevane, utover framlegget frå fylkeskommunen. Etter drøfting i leiargruppa for oppvekstetaten, føreslår me følgjande datoar, der elevane har fri: 4. november 2016 22. desember 2016 mars 2017 *) *) Dette er tenkt som ein felles kursdag i Vest-Telemark. Datoen blir fastsett fredag 22.01.16 ein kjem med nøyaktig dato til møte i oppvekstutvalet.
Rådmannen si tilråding: Skuleruta blir vedteke som framlegget frå fylkeskommunen, men med følgjande tillegg av fridagar: 4. november 2016, 22. desember 2016 og mars 2017
Tokke kommune Arkiv: Saksnr.: 2016/133-1 Saksbeh.: Finn Arne Askje Direkte tlf.: 35075221 Dato: 14.01.2016 Saksframlegg Utval Utvalssak Møtedato Oppvekstutvalet 16/3 28.01.2016 Val av politiske representantar til samarbeidsutval (SU) og skulemiljøutval (SMU) - valperioden 2015-2019 Saksdokument: Saksutgreiing: Barnehagelova og opplæringslova regulerar at ein skal velje samarbeidsutval (SU), både i barnehagen og skulen. Samarbeidsutvalet (bortsett frå elevrepresentantane) på skulen, utgjer skulemiljøutvalet. Det skal veljast ein politisk valt representant, med vara, til samarbeidsutvala. Den andre frå barnehage- og skuleeigar er styrar/rektor. Den politiske valte representanten bør vere ein av dei faste representantane i oppvekstutvalet, då ein har hatt praksis at representantane gjev ei oppsummering attende til utvalet etter det har vore møte i dei ulike samarbeidsutvala. Barnehagelova 4 Foreldreråd (FAU) og samarbeidsutvalg (SU) «For å sikre samarbeidet med barnas hjem, skal hver barnehage ha et foreldreråd og et samarbeidsutvalg. Foreldrerådet består av foreldrene/de foresatte til alle barna og skal fremme deres fellesinteresser og bidra til at samarbeidet mellom barnehagen og foreldregruppen skaper et godt barnehagemiljø. Er det i forskrift etter 15 satt maksimalgrense for foreldrebetaling, kan bare foreldrerådet samtykke i foreldrebetaling ut over dette. Samarbeidsutvalget skal være et rådgivende, kontaktskapende og samordnende organ. Samarbeidsutvalget består av foreldre/foresatte og ansatte i barnehagen, slik at hver gruppe er likt representert. Barnehagens eier kan delta etter eget ønske, men ikke med flere representanter enn hver av de andre gruppene. Barnehageeieren skal sørge for at saker av viktighet forelegges foreldrerådet og samarbeidsutvalget.»
Opplæringslova 11-1 Samarbeidsutval ved grunnskolar (SU) «Ved kvar grunnskole skal det vere eit samarbeidsutval med to representantar for undervisningspersonalet, ein for andre tilsette, to for foreldrerådet, to for elevane og to for kommunen. Den eine av representantane for kommunen skal vere rektor ved skolen. Elevrepresentantane skal ikkje vere til stades når saker som er omfatta av teieplikt etter lover eller forskrifter, blir behandla i samarbeidsutvalet. Samarbeidsutvalet har rett til å uttale seg i alle saker som gjeld skolen. Dersom samarbeidsutvalet får delegert styringsoppgåver frå kommunen, kan kommunen nemne opp fleire representantar til utvalet. Kommunen kan nemne opp samarbeidsutvalet som styre for skolen etter 11 og 20 nr. 4 i kommunelova. Dersom kommunen nemner opp eit anna styre for skolen enn samarbeidsutvalet, skal minst to representantar for foreldrerådet vere med i styret. Inga av gruppene elevar, tilsette eller foreldre kan ha fleirtal i styret aleine. Rektor har rett til å møte, tale og komme med framlegg. Kommunen kan skipe eit felles samarbeidsutval for grunnskole og kommunal barnehage. Etter avtale kan ei tilsvarande ordning etablerast mellom privat barnehage og kommunal skole. Utvalet skal ha to representantar for elevane, ein representant for undervisningspersonalet, ein representant for andre tilsette i skolen, to representantar for dei tilsette i barnehagen, to representantar for foreldrerådet i skolen og to representantar for foreldrerådet i barnehagen. I tillegg til dei representantane for kommunen som følgjer av første og tredje leddet, kan eigaren av barnehagen nemne opp inntil to medlemmer.» Opplæringslova 11-1a Skolemiljøutval ved grunnskolar (SMU) «Ved kvar grunnskole skal det vere eit skolemiljøutval. I skolemiljøutvalet skal elevane, foreldrerådet, dei tilsette, skoleleiinga og kommunen vere representerte. Skolemiljøutvalet skal vere sett saman slik at representantane for elevane og foreldra til saman er i fleirtal. Samarbeidsutvalet kan sjølv vere skolemiljøutval. Når samarbeidsutvalet fungerer som skolemiljøutval, må det oppnemnast tilleggsrepresentantar for elevane og foreldra, slik at dei samla får fleirtal. Elevrepresentantane skal ikkje vere til stades når saker som er omfatta av lovfesta teieplikt blir behandla i skolemiljøutvalet. Når elevane ikkje er til stades, skal foreldrerepresentantane ha dobbeltstemme tilsvarande bortfallet av elevrepresentantane sine stemmer, eller talet på foreldrerepresentantar aukast tilsvarande. Skolemiljøutvalet skal medverke til at skolen, dei tilsette, elevane og foreldra tek aktivt del i arbeidet for å skape eit godt skolemiljø. Skolemiljøutvalet har rett til å uttale seg i alle saker som gjeld skolemiljøet, jf. kapittel 9a» Våren 2015 blei det gjennomført evaluering etter skulestrukturendringa, i den samanheng blei det teke nokre presiseringar i forhold til enkelte samarbeidsutval. «Organisering av FAU og SU: Det er klart at ein ikkje har fått eit funksjonelt FAU/SU etter strukturendringa gjeld oppgåve og ansvarsforholda mellom Tokke skule Tokke skule Åmdals-Verk og Dalen barnehage Åmdals-Verk Dalen barnehage. Tiltak: 1. Dalen barnehage og Tokke skule Åmdals-Verk har eit felles FAU/SU. Saker her gjeld spesifikk ÅmdalsVerk. Samansetjinga må ein vurdere slik at både styrar og rektor får «fast sete» i SU. 2. Dalen barnehage Byrte har eiget FAU/SU. Saker her gjeld spesifikk Byrte. 3. Tokke skule har FAU/SU a. Rektor sender saklista som SU ved Tokke skule skal handsame, slik at ein representant frå foreldre i SU ved Åmdals-Verk kan tiltre SU ved Tokke skule, i saker av felles interesse. Foreldre i SU ved Åmdals-Verk avgjer sjølv om dei ynskjer å nytte seg av denne retten. I tilfelle der SU representant ved Åmdals-Verk tiltrer SU ved Tokke skule, blir SU utvida med ein av inspektørane, med heimel i Oppl. 11-1. Dalen barnehage har FAU/SU b. Styrar sender saklista som SU ved Dalen barnehage skal handsame, slik at ein representant frå foreldre i SU ved Åmdals-Verk kan tiltre SU ved Dalen barnehage, i saker av felles interesse. Foreldre i SU ved Åmdals-Verk avgjer sjølv om dei ynskjer å nytte seg av denne retten. I tilfelle der SU representant ved Åmdals-Verk tiltrer SU ved Dalen barnehage, blir SU utvida med assisterande styrar. Tiltaket blir gjennomført frå august 2015.»
Ein skal velje politiske representantar til følgjande samarbeidsutval: Dalen barnehage: Representant Vararepresentant Høydalsmo barnehage og Høydalsmo barnehage Lårdal: Representant Vararepresentant Dalen barnehage Åmdals-Vek og Tokke skule Åmdals-Verk: Representant Vararepresentant Tokke skule: Representant Vararepresentant Høydalsmo skule: Representant Vararepresentant Rådmannen si tilråding: Ingen framlegg.
Tokke kommune Arkiv: Saksnr.: 2016/122-2 Saksbeh.: Kristine Rønning Direkte tlf.: 35075224 Dato: 14.01.2016 Saksframlegg Utval Utvalssak Møtedato Oppvekstutvalet 16/4 28.01.2016 Formannskapet Betalingssatsar for kulturskulen Saksdokument: Saksutgreiing: Tokke kulturskule sine betalingssatsar for undervisning er indeksregulert. Foreldrebetalinga i 2015 vart endra frå 1253,- kr. til 1441,-kr på enkeltundervisning, og 658,-kr til 757,-kr. gruppeundervisning. Frå nyår er prisen høgna ytterligare 15% som inneber at Tokke kulturskule i dag er prisledande i Vest Telemark. Oversikt over betalingssatsar for kulturskulane i Vest Telemark pr. 01.01.16 Tokke pr.01.01.2016 Kontingent enkelttime: 1657,-pr semester Gruppetimar: 3-4 pr.gruppe 870 pr. semester Gruppetimar: stor gruppe 501 pr. semester Syskenmoderasjon: 50% frå og med sysken nummer to. Leige av instrument: 400 kr. pr.semester Vinje (NB! Desse kontingentane er ikkje indeksregulert) Kontingent enkelttime: 1000,- pr. semester Gruppetimar: 3 elevar eller fleire er prisen 500,- pr. semester. Syskenmoderasjon: 50 % frå og med sysken nummer to. Instrumentleige er 100,- pr. semester.
Kviteseid: Kontingent enkelttime: 1296,-pr. semester Rektor i kulturskulen har fullmakt å fastsette betaling for kortvarige kurs Syskenmoderasjon: Sysken nr.2 betalar 75 % av den ordinære kontigenten, sysken nr.3 betalar 50 % Leige av instrument: 400 kr. pr. år Seljord: Kontingent enkelttime: 1400, pr. semester Gruppeundervisning: 700 pr. semester Syskenmoderasjon: 50% Moderasjon for å bruke fleire tilbod: 50% Fyresdal: Kontingent enkelttime Gruppeundervisning inntil 4 barn Undervisning i grupper frå 5 og fleire 50 % syskenmoderasjon kr. 1500 pr. semester kr. 1150 pr. semester kr. 850 pr. semester Vurdering: Kulturskulen har eit viktig samfunnsoppdrag i kommunane. I Kulturutredninga 2014(NOU 2013:4 s.257) blei det lagt vekt på fire mål: - Dannelsesmål om at kulturskolen skal bidra til utvikling av skapende evner og identitet hos elever - Breddemål om at kulturskolen skal bidra til alle barn skal få oppfylt sin rett til deltakelse i kunstnerisk virksomhet - Barn med særlig begavelse skal få mulighet til å utvikle sine kunstneriske talenter - Kulturskolen skal fungere som kulturfaglig ressursentre i det lokale skole og kulturlivet Ein sentral ambisjon for kulturskulen, både lokalt og nasjonalt, er å gje eit kvalitativt godt kulturskuletilbod for alle.. I vedtektene for Tokke kulturskule står det m.a.at kulturskulen har til mål å gje alle innbyggjarane i Tokke fullverdig undervisning innan ymse kulturelle uttrykk slik at kvart einskild elev får høve til å utvikle sine kunstnariske evner og anlegg og til å oppleve og verdsetje kultur. Kulturskulen har derfor eit ansvar å tilby alle barn som ynskjer det eit kulturskuletilbod uavhengig av foreldras økonomi. Prisoversikten syner at Tokke kulturskule har høge betalingssatsar. Betalingsatsane er særs høge om ein samanliknar seg med nabokommunen Vinje. Foreldre med liten inntekt kan prioritere burt denne aktiviteten for sine barn. Ein anna konsekvens kan vere at kulturskulen mistar elevar, og gjerne elevar som treng denne aktiviteten som sin mestringsarena. Rådmannen si tilråding: Betalingssatsane for kulturskulen blir ikkje endra frå 2015 til 2016.
Tokke kommune Arkiv: 080 Saksnr.: 2016/163-1 Sakshands.: Olav Bjørn Bakken Direkte tlf.: 35075219 Dato: 18.01.2016 Saksframlegg Utval Utvalssak Møtedato Rådet for menneske med nedsett funksjonsevne Eldrerådet Utviklingsutvalet Helse- og sosialutvalet Oppvekstutvalet 16/5 28.01.2016 Arbeidsmiljøutval Fastsetjing av møteplan for 2016 Vedlegg: 1 Møteplan 2016 Tokke kommune Saksutgreiing: Vedlagt fylgjer utkast til møteplan for 2016. Kvart organ vedtek i prinsippet eigen møteplan. Det er lagt til grunn ein saksflyt frå råd via hovudutval til kommunestyre, eventuelt via formannskap. Formannskapet og kommunestyret har vedteke dei møtedatoar som gjeng fram av vedlagte møteplan. Om andre utval endrar sine møtedagar i høve til forslaget må ein vere merksam på at det bør vere ei vekes opphald mellom utvalet sitt møte og kommunestyret for at utvalet si innstilling skal koma med i sakspapira til kommunestyret. Kvart utval/organ kan endre sine møtetidspunkt og legge inn ekstra møte undervegs når det er saklege grunnar for dette, men informasjonsplikta til ålmenta må takast omsyn til (politiske møte med saksdokument skal vera tilgjengeleg for ålmenta i rimeleg tid på førehand). Rådmannen si tilråding: Møteplanen for 2016 vert godkjent med dei ev endringar som kjem fram i møtet.
Organ Januar Februar Mars April Mai Juni Juli August Kommunestyret 16 19 14 Kl 18:00 Kontr.utv. 10:00 16 24 Formannskapet 3 16 27 1 31 Administrasjonsutv. 22 Oppvekstutvalet 28 07 02 Kl. 09.00 Helse- og sosial 28 07 02 utv. Kl. 12.00 Rådet for eldre 27 06 01 Kl 12.00 Rådet for menneske 27 06 01 med nedsett funksjons-evne kl 09.00 Utviklingsutvalet 28 07 02 Kl. 09.00 VTR/VTT 9 15 26 24 23 Ungdomsråd 0830 26 05 31 Tilsetjingsutval 20 03 17 02 16 06 20 04 25 08 22 17 31 Arbeidsmiljøutval 27 09 25 Kl. 09:00 Kontaktmøte Kl 13.00 27 09 25 NB! FRIST FOR INNLEVERING AV SAKER ETTER OPPSETT MØTEPLAN ER 11 DAGAR FØR MØTEDATO. Vinterferie: 22.-26.feb. Påske: 21.mars 28.mars. Haustferie: veke 41 (10.-14. okt).