MØTEPROTOKOLL Utval: Kommunestyret Møtestad: Kommunestyresalen Hareid rådhus Dato: 20.11.2014 Møtet tok til 18:00 Møtet slutta 20:15 Kommunestyret var kalla inn i samsvar med kommunelova 32, pkt.2 og reglementet til Hareid kommune. Innkallinga og saklista har vore kunngjord med oppslag i rådhuset og med kunngjering i Vikebladet/Vestposten. Medlemane har vorte varsla skriftleg via e-post. Saksdokumenta har vore utlagde til ålment ettersyn på heimesida til Hareid kommune frå 12.11.2014. FASTE MEDLEMAR SOM MØTTE: Namn Funksjon Representerar Stian Runne Brandal Medlem AP Siv Marit Røyset Kaldhol Medlem AP Marit Øien Sæverud Medlem KRF Einar K. Warholm Medlem V Annika Brandal Medlem V Ann Helen Grimstad Medlem V Worren Anders Riise Ordførar H Ottar Røyset Medlem H Alice Strømmegjerde Medlem H Jenny Bjåstad Nesset Medlem H Perny Ann Nilsen Medlem FRP Kjartan Grimstad Medlem FRP Øyvind Grimstad Medlem FRP Truls Håbakk Medlem FRP Hallgeir Teigene Medlem FL Ingunn Petrin Pettersen Medlem FL Bjørn Overå Medlem FL FASTE MEDLEMAR SOM IKKJE MØTTE: Namn Funksjon Representerar Vidar Vollsæter MEDL H Kjersti Røyset Topphol MEDL KRF Dag Audun Eliassen VARAPRDFØRAR FL Kristian Fuglseth MEDL FL Side 1 av 9
VARAMEDLEMAR SOM MØTTE: Namn Møtte for Representerar Olav Helt Brubakk Kjersti Røyset Topphol KRF Therese Leine Vidar Vollsæter H Irene Follestad Rise Kristian Fuglseth FL Jan Arild Bjåstad Dag Audun Eliassen FL FRÅ ADMINISTRASJONEN MØTTE: Namn Anne-Karete Mork Bent Arild Grytten Oddbjørn Grimstad Nils Yngve Nupen Trude Kristin Dalen Stilling Utvalsekretær Rådmann Kommunalsjef Kommunalsjef Leiar løn og personal I tillegg møtte representantar frå ungdomsrådet. Ordførar Anders Riise leia møtet 21 voterande Kommunestyret handsama PS 73/14 Kommunestyret handsama PS 74/14 Kommunestyret handsama PS 75/14 Kommunestyret handsama PS 76/14 Kommunestyret handsama PS 77/14 Møtet vart innleia med at ordførar Anders Riise takka kommuneadvokat Svein Tømmerdal for godt samarbeid gjennom fleire år. Han fekk overrekt blomar. Orientering om kommunereforma ved assisterande fylkesmann Rigmor Brøste, administrasjonssjef hos fylkesmannen Hilde Aure og prosjektsjef Anne Mette Liavåg. Perny Ann Nilsen FRP bad om orientering vedkomande fergesituasjonen, og fremja forslag til uttale, til fylket. Saker lagt på bordet i møtet: Interpellasjon frå Einar Warholm datert 6.11.2014. Svar frå ordførar Anders Riise til Einar Warholm. SAKLISTE MED SAKSDOKUMENT Saksnr Tittel Arkivsaksnr Møtet vert innleia med orientering av Sunnmøre Regionråd og Fylkesmannen vedkomande Kommunereforma. Side 2 av 9
Politiske saker PS 73/14 Godkjenning av innkalling og saksliste PS 74/14 Godkjenning av protokoll førre møte PS 75/14 Vertskommuneavtale - innkjøpssamarbeid 2014/1693 PS 76/14 Delegasjon frå kommunestyret og valstyret til 2013/182 valsekretariatet - valgjennomføring PS 77/14 Budsjettrevisjon - investering - november 2014 2013/1426 Hareid, 12.11.2014 Anders Riise ordførar Anne-Karete Mork utvalsekretær Gruppemøter måndag før kommunestyremøte: AP møterom I (hovudetasje) kl. 19:15 FRP formannskapsromet kl. 19:15 V biblioteket kl. 19:30 H ordførarkontoret kl. 19:15 FL kommunestyresalen kl. 19:30 KRF matromet kl. 19:15 SV kan bruke foajeen kl. 19:15 Hovuddøra på rådhuset vil vere opa frå kl. 19:00 til kl. 19:45 når det er gruppemøte. Side 3 av 9
POLITISKE SAKER PS 73/14 Godkjenning av innkalling og saksliste Møtet vart innleia med at ordførar Anders Riise takka kommuneadvokat Svein Tømmerdal for godt samarbeid gjennom fleire år. Han fekk og overrekt blomar. Orientering om kommunereforma ved assisterande fylkesmann Rigmor Brøste, administrasjonssjef hos fylkesmannen Hilde Aure. I tillegg orienterte prosjektsjef Anne Mette Liavåg i Sunnmøre Regionråd. Grunna at varaordførar Dag Audun Eliassen hadde meldt forfall vart det valt settevaraordførar. Ottar Røyset H, fremja forslag om Einar Warholm. Einar Warholm V, vart samrøystes valt til settevaraordførar. Det var ingen merknad til innkalling. Sakliste godkjent med fylgjande merknadar: Perny Ann Nilsen FRP, bad om orientering vedkomande fergesituasjonen og fremja forslag om å sende fylgjande uttale til fylket: «Kommunestyret i Hareid, krev fullfinansiering av tredje ferje på sambandet Hareid- Sulesund. Kommunestyret i Hareid registrerer at fleirtalet i fylkesutvalet i Møre og Romsdal fylke ynskjer ei 3 ferje på sambandet Hareid Sulesund, men ikkje har prioritert dette i framlegg til budsjett 2015 med økonomiplan. Det vert og registrert alternativt forslag om å fristille naudsynte midlar til ei tredje ferje, og ein ber fylkestinget støtte dette forslaget. Kommunestyret viser til den utfordrande situasjonen ved dette sambandet, med ei kraftig trafikkauke. Næringslivet, pendlarar og innbyggjarar elles er avhengige av eit tilstrekkeleg ferjetilbod, som har kapasitet til å takle behovet til næringslivet i regionen. Syner og til tidlegare innspel i denne saka der grunnargumentasjonen er gjort greie for. Det er kun ei tredje ferje på sambandet som ei permanent løysing som er tilstrekkeleg, i staden for bruk av ei reserveferje i delar av døgnet og delar av året. Hareid kommunestyre har og merka seg at beredskapen og er tatt ut, dette er alvorleg med tanke på liv, helse og generell samfunnsberedskap. Hareid kommunestyre ber om at dette vert reversert og at ein fortsatt har beredskapsferje i sambandet Side 4 av 9
Kommunestyret ber Møre og Romsdal fylke no prioritere dei lovpålagte oppgåvene til fylkeskommunen slik som ferjedrift, og sørger for naudsynte løyvingar til ei permanent tredje ferje på sambandet Hareid - Sulesund snarast råd. Hareid kommunestyre forventar at naudsynte midlar vert lagt inn i budsjettarbeidet og vedteke i fylkestinget i desember 2014.» Det vart samrøystes vedteke av Hareid kommunestyre å sende uttalen til fylket. I tillegg til ordinær sakliste vart fylgjande sak lagt på bordet: Interpellasjon frå Einar Warholm V: «Hareid Parkeringsselskap vart etablert 2. november 2013 og registrert 3. februar 2014. Førmålet til selskapet er mellom anna å etablere, forvalte og drive offentleg parkering. I Vikebladet Vestposten, publisert i november 2011, kan ein lese at formannskapet sa ja til eit forprosjekt og vidare kan ein lese at ordføraren utalar at ein kanskje kan få parkometer på plass alt til sommaren eller seinsommaren. I skrivande stund er vi komne til 6. november 2014 og det er alt gått 1 år sidan selskapet vart stifta og so langt, med det underteikna veit, er det ingen framgang for å få gjennomført formålet til selskapet. Parkeringsforholda ved ferge- og hurtigbåtkaia er som vi alle veit, heilt håplause. Det er alltid fullt av bilar og mange av desse er langtidsparkerte bilar som gjer at dei som dagleg reiser att og fram, har store utfordringar med å finne seg parkeringsplass. Det vi og ser er at dei reisande stadig utvidar parkeringsarealet i Hareid sentrum og det siste er at delar av parkområdet er teke i bruk som parkeringsplass. Verksemder som har sine kontorplassar i sentrumsnære bygg, opplever at kundar som skal på besøk, ikkje finn parkeringsplassar. Slik Hareid Venstre ser det, er det avgjerande viktig for truverde for Hareid Parkeringsselskap at det vert informert om framdrifta i prosjektet og at selskapet tydeleggjer korleis dei aktar å gå fram for å få gjennomført planane for selskapet. Gjennom etableringa av Hareid Parkeringsselskap skulle ein få kontroll og orden på den uønska situasjonen som var og er i området kring Hareid fergekai og hurtigbåt terminalen. Det er ingen overdriving når ein hevdar at vi ikkje har kontroll og orden. Vidare ville ein ved etablering av eit kommunalt eigd selskap kunne få inntekter gjennom parkeringsavgifter. Inntekter som kommunen ikkje har sett noko av enno. Hareid Venstre oppmodar styret å vere meir aktive med informasjon til politikarar og ålmenta og særleg intensiverer arbeidet for å få realisert parkeringsavgift i området kring Hareid fergekai og hurtigbåt terminalen. Hareid Venstre ser fram til å få vite meir om korleis styret tenkjer med omsyn: - Framdriftsplan og strategi for gjennomføring av selskapet sitt føremål? - Organisering av Hareid Parkeringselskap? - Kommunikasjon og informasjon?» Side 5 av 9
Kommunestyret tok 10 min pause for å lese gjennom interpellasjonen. Ordførar Anders Riise H, hadde fylgjande svar på interpellasjonen til Einar Warholm: «Interpellasjonen er komen inn rettidig i forkant av kommunestyremøte. Ordførar vel å svare sjølv sidan han er styreleiar i Hareid Parkeringsselskap og noko av spørsmåla er retta direkte til selskapet. Ordføraren er samd med interpellanten at dette har teke tid og vore meir krevjande enn føresett. Parkeringssituasjonen er fortsatt uhaldbar for dei reisande og ein del av butikkane i sentrum, soleis er selskapet sitt formål fortsatt påtrengande nødvendig for Hareid sentrum og kommunen. Ilag med konsulenten har ein i lang tid arbeid med å få på plass grunnavtalar med sentrale grunneigarar i Hareid sentrum, dette har ein no lukkast med i grove trekk og skulle soleis ikkje vere til hinder for vidare framdrift. Det vil likevel nødvendig å gå inn ytterlegare grunnavtalar i tida som kjem. For å gjennomføre dei fysiske tiltaka og arbeide etter ein godkjent plan har ein laga ein skiltplan som vart motatt frå konsulent etter ferien 2014. Den blir i desse dagar sendt ut på høyring til kommunen og berørte partar. Søknad om løyve til å ta opp lån med kommunal garanti til formålet må godkjennast av fylkesmannen i Møre og Romsdal. Denne søknaden har det kome tilbakemelding på at ein ynskjer utvida informasjon og økonomiske analysar. Dette arbeidet er starta opp og skal kvalitetssikrast før ein tek opp låna som er nødvendig. Styret har ikkje førebels tilsett dagleg leiar grunna i at dei formelle prosessane har teke tid og ein ikkje ynskjer å belaste selskapet med nye kostnadar før ein ser at inntektsgrunnlag og lånefinansiering er på plass. Det løpe heller ikkje andre kostnadar i selskapet utover det som før er beskreve/godkjent. Styreleiar tek ansvar for at vi betre kunne ha informert politisk nivå i kommunen på ein betre måte og vil for framtida legge opp til kvartalsvise tilbakemeldingar til eigar.» Innkalling godkjent utan merknad. Sakliste godkjent med merknadar. Side 6 av 9
PS 74/14 Godkjenning av protokoll førre møte Det var ingen merknad til protokollen frå møte 23.10.2014. Val av 2 medlemar til å signere protokollen frå førre møte: Truls Håbakk og Siv Marit R. Kaldhol Protokollen frå møte 23.10.2014 godkjent utan merknad. Truls Håbakk og Siv Marit R. Kaldhol vart valt til å signere protokollen frå førre møte. PS 75/14 Vertskommuneavtale - innkjøpssamarbeid Samarbeidsavtalen i Søre Sunnmøre Innkjøpssamarbeid og vertskommuneavtalen med Herøy kommune om felles kommunale innkjøp, vert avvikla f.o.m. 01.12.2014 Hareid kommunestyre godkjenner utkast til samarbeidsavtale med Ålesund kommune. Side 7 av 9
PS 76/14 Delegasjon frå kommunestyret og valstyret til valsekretariatet - valgjennomføring 1. Kommunestyret handsamar saker som gjeld a. Val av valstyre etter vallova 4-1 b. Om Hareid kommune skal ha 2 dagars val etter vallova 9-2 2. ledd c. Godkjenning av val resultatet etter vallova 13-4 1. ledd 2. Valstyret handsamar saker som gjeld a. Godkjenning av vallister etter vallova 6-6 b. Val av røystestyre etter vallova 4-2 c. Inndeling av røystekrinsar etter vallova 9-3 d. Førehandsrøysting, stadar, frist for ambulerande røysting og tid og stad for valting etter vallova 8-3 3. Klage på avgjerder teke av valstyre, førebuingar og gjennomføring av valet følgjer reglane i vallova 13-2. 4. Andre saker vert delegert valsekretariatet Delegasjonen som er gitt i dette vedtaket vert gjort gjeldande etter vedtaksdato og det overordna «Delegasjonsreglementet 45. Vallova» må endrast. PS 77/14 Budsjettrevisjon - investering - november 2014 Side 8 av 9
Kommunestyret vedtek «Grunnlag budsjettrevisjon nov. 2014 investering prosjektoversyn m/finansiering». Anne-Karete Mork Utvalsekretær Anders Riise Ordførar Side 9 av 9