Handlingsplan Juni 2016 - des. 2017 Vedteken i styremøte 2. juni 2016
Innhald 1. Overordna føringar... 3 1.1. Formålet med regionale forskingsfond... 3 1.2 Føringar frå fylkestinga og prioriterte tema... 3 1.3 Rammeverk og tidsperiode for handlingsplanen... 4 2. Søknadstypar... 4 2.1 Felles krav for alle søknadstypar... 4 2.2 Regional kvalifiseringsstøtte (forprosjekt)... 5 2.3 Regionale bedriftsprosjekt (hovudprosjekt)... 5 2.4 Regionale offentlige prosjekt... 6 2.5 Regionale forskarprosjekt... 6 2.6 Vurderingskriterium... 6 3. Prioriterte forskingstema og organisering av utlysingar i 2016-17... 7 3.1 Tema for utlysingar 2016-17... 8 3.1.1 Nye koplingar av teknologi og kompetanse i hav-energiøkonomien... 8 3.1.2 Berekraftig matproduksjon og bioøkonomi... 8 3.1.3 Kommunal sektor tenesteproduksjon og samfunnsutvikling... 9 3.1.4 Kunnskap om drivkreftene i utviklinga av landsdelen... 10 3.2 Plan for utlysingar 2016-17... 11 4. Budsjett... 11 4.1 Budsjett og fordeling av midlar til utlysingar i 2016... 11 4.2 Budsjett og fordeling av midlar på utlysingar i 2017... 13 5. Operative mål... 14 5.1 Forskingsfinansiering... 14 5.2 Mobilisere søkjarar og styrke søkjarkompetanse... 14 5.3 Kommunikasjon og forskingsformidling... 14 5.4 Samhandling med andre fond og virkemiddel... 15 2
1. Overordna føringar 1.1. Formålet med regionale forskingsfond Kunnskapsdepartementet har fastsett at formålet med regionale forskingsfond er å Styrke forsking for regional innovasjon og regional utvikling Mobilisere til auka FoU-innsats i regionane Bidra til auka forskingskvalitet og utvikling av gode og konkurransedyktige FoU-miljø i regionane Skape utviklings- og læringsarenaer der regionale erfaringar kan verte drøfta i relasjon til nasjonal og internasjonal kunnskap og aktivitet. Sørgje for tett samspill mellom aktivitet i regionane og deira relasjon til andre nasjonale og internasjonale programmer og aktivitetar 1.2 Føringar frå fylkestinga og prioriterte tema Alle dei tre fylkestinga vedtok i desember 2015 bestilling til styret for Regionalt forskingsfond (RFF) Vestlandet. Bestillinga er meint å gjelde for valperioden 2015 2019 Hovudføringar i bestillinga RFF Vestlandet skal vere ein sentral drivar for innovasjon ved å mobilisere til og finansiere forskingsprosjekt av god kvalitet innanfor regionalt prioriterte innsatsområde: Verdiskaping i næringsliv og offentleg sektor Evne til innovasjon og omstilling no og i framtida Gode klima- og miljøløysingar Prioriterte forskingstema: RFF Vestlandet skal med utgangspunkt i sentrale utfordringar og prioriterte innsatsområde for Vestlandet mobilisere til og finansiere forsking innan desse tema: Nye berekraftige løysingar som byggjer vidare på teknologi og kompetanse innan hav-energiøkonomien, her inkludert heile spekteret av maritime næringar. Sterke næringsmiljø på heile Vestlandet. Det skal også vere ei særleg merksemd på industrialisering og vidareforedling av råvarer. Bærekraftig matproduksjon og nye samanhengar innan bioøkonomi Innovasjon i offentleg sektor med vekt på tenesteproduksjon og samfunnsutvikling i kommunane Smarte, berekraftige, klimavennlege og langsiktige løysingar for Vestlandet, samt korleis vi forstår drivkreftene i utviklinga av landsdelen vår. Det vert føresett at fondsstyret er merksam på balansen mellom offentlege og bedriftsretta prosjekt. 3
Tematiske tilleggsføringar frå to av fylkestinga Fylkestinga i Sogn og Fjordane og Rogaland: Teknologiutvikling basert på digitale forretningsmodellar tilpassa den eksponensielle naturen i internettøkonomien (eksempel: Spotify, Uber, Tesla Motors forretningsmodell for bil/software-oppgraderinger, 3D). Rogaland: Teknologiutviklingsbasert fartøy med hel eller delvis elektrisk framdrift 1.3 Rammeverk og tidsperiode for handlingsplanen Styret skal leggje Kunnskapsdepartementet sine retningsliner og fylkestinga si bestilling til grunn for sine prioriteringar i handlingsplan. Handlingsplanen skal klårgjere tematisk fokus, økonomiske rammer og opplegg for utlysing av midlar. Denne handlingsplanen gjeld frå juni 2016 desember 2017. Styret vil drøfte ei rullering av planen hausten 2016 med eventuelle endringar sett i verk frå januar 2017. 2. Søknadstypar Regionale forskingsfond nyttar søknadstypar som er utarbeidd i samarbeid med Noregs forskingsråd og sidan fastsett av Kunnskapsdepartementet. Det er opp til kvart fond å velje mellom søknadstypane. Føringa i gjeldande bestillingsbrev frå fylkestinga er at fondet som hovudregel skal nytte desse tre søknadstypane: Regional kvalifiseringsstøtte (forprosjekt) Regionale bedriftsprosjekt (hovudprosjekt) Regionale offentlege prosjekt (hovudprosjekt) Knytt til spesielle satsingar eller tema for utlysing kan det vere behov for å nytte andre søknadstypar som t.d. Regionale forskarprosjekt eller Regionale Institusjonsprosjekt. Fondsstyret kan i desse tilfella opne opp for dette. 2.1 Felles krav for alle søknadstypar For alle søknadstypane gjeld desse krava: Prosjektansvarleg søkjar må vere lokalisert i fondsregionen (Hordaland, Rogaland, Sogn og Fjordane). Prosjektansvarleg søkjar skal alltid vere registrert med organisasjonsnummer. Prosjektansvarleg kan vere enkeltbedrifter eller samanslutning av bedrifter med FoUkompetanse og/eller som samarbeider med forskingsinstitusjon/ar. Samanslutning inkluderer foreining, organisasjon og samskipnad av bedrifter. Prosjektansvarleg kan vere ein organisasjon innan kommunal sektor som har ein samarbeidsavtale med ein godkjent forskingsinstitusjon om prosjektet. Søkjar kan elles på fritt grunnlag samarbeide med relevante FoU institusjonar og andre partnarar i og utanfor fondsregionen 4
Støtte frå regionale forskingsfond er omfatta av statsstøtteregelverket og får verknad når støtte vert gitt til ei bedrift eller ein organisasjon (føretak) som driv økonomisk aktivitet. Regelverket regulerer detaljert kven som kan få støtte og støttegrad, samt kva type aktivitetar og kostnadar som kan verte støtta. For meir info: http://www.forskningsradet.no/no/soknadstyper/1183468209217 2.2 Regional kvalifiseringsstøtte (forprosjekt) Målet med kvalifiseringsstøtte er å utvikle FoU-prosjekt som kan kvalifisere til vidare støtte frå relevante ordningar. Det kan vere regionale forskingsfond, nasjonale eller internasjonale støtteordningar. Eit kvalifiseringsprosjekt er også eit innleiande forskingsarbeide som skal avklare om det er grunnlag for vidare forsking. Typiske kjenneteikn ved søknadstypen er: Støtte vert gitt for ein periode på inntil 12 månadar Fondet gir inntil 500.000 kroner i støttebeløp pr. prosjekt. Støttegrad frå Regionalt forskingsfond Vestlandet er inntil 50 % av godkjente kostnader i prosjektet. Kostnader som normalt gir grunnlag for støtte er personalkostnader, kjøp av FoUtenester og relevante driftskostnader. Innkjøp av utstyr vert ikkje dekka. 2.3 Regionale bedriftsprosjekt (hovudprosjekt) Regionale bedriftsprosjekt skal styrke FoU-aktiviteten i bedrifter innanfor fondet sitt geografiske område og innan prioriterte satsingsområde. Regionale bedriftsprosjekt skal ta utgangspunkt i strategisk viktige problemstillingar for bedriftene og utløyse FoU-aktivitet som spesielt bidrar til forskingsdriven innovasjon og bærekraftig verdiskaping. Målgruppa er bedrifter og forskingsinstitusjonar. Typiske kjenneteikn ved søknadstypen er: Prosjektansvarleg er del av Små og mellomstore bedrifter (SMB) med FoU kompetanse og/eller som samarbeider med forskingsinstitusjonar Prosjektansvarleg er ei større bedrift som i hovudregel: o vil forske innan strategisk viktige problemstillingar for ei eller fleire næringar o har eit prosjektsamarbeid (konsortium) med andre bedrifter og o vil dele forskingsresultata ope. Definisjon av bedrift og størrelse følgjer EU sitt regelverk; http://ec.europa.eu/growth/smes/business-friendly-environment/smedefinition/index_en.htm Støtte vert gitt for ein periode på inntil 3 år Fondet gir inntil 3 millionar kroner i støttebeløp pr. prosjekt. Støttegrad etter satsar i statsstøtteregelverket. http://www.forskningsradet.no/no/soknadstyper/118346820 9217 Kostnader som normalt gir grunnlag for støtte er personalkostnader, kjøp av FoUtenester og relevante utstyrs- og driftskostnader. 5
2.4 Regionale offentlige prosjekt Regionale offentlige prosjekt skal styrke FoU-aktivitet i offentlege verksemder innanfor fondet sine prioriterte satsingsområde. Regionale offentlege prosjekt skal ta utgangspunkt i strategisk viktige problemstillingar for offentleg sektor og utløyse FoU-aktivitet som spesielt bidrar til forskingsdriven innovasjon hos prosjektpartnarane i offentleg sektor og brukarar. Typiske kjenneteikn ved søknadstypen er: Prosjektansvarleg er ein organisasjon innan kommunal sektor som har ein samarbeidsavtale med ein godkjent forskingsinstitusjon om prosjektet. Med kommunal organisasjon er meint ein kommune, fylkeskommune eller ein samanslutning av slike. Det vert lagt særleg vekt på samarbeid, deling av forskingsresultat og formidling. Støtte vert gitt for ein periode på inntil 3 år Fondet gir inntil 3 millionar kroner i støttebeløp pr. prosjekt. Støttegrad er inntil 70 % av godkjente kostnader i prosjektet. Kostnader som normalt gir grunnlag for støtte er personalkostnader, kjøp av FoUtenester og relevante utstyrs- og driftskostnader. 2.5 Regionale forskarprosjekt Regionale forskarprosjekt skal bidra til ny kunnskap om relevante problemstillingar i regionen og tema innan regional utvikling. Typiske kjenneteikn ved søknadstypen er: Prosjektansvarleg søkjar er ein godkjent forskingsinstitusjon (universitet, høgskuler, forskingsinstitutt) i fondsregionen, eller eit konsortium av slike Støtte vert gitt for ein periode på inntil 3 år Støttegrad er inntil 100 % av godkjente kostnader i prosjektet Støttebeløp pr. prosjekt vil verte bestemt Kostnader som normalt gir grunnlag for støtte er personalkostnader, kjøp av FoUtenester og relevante driftskostnader 2.6 Vurderingskriterium For Regionale bedriftsprosjekt og Regionale offentlege prosjekt følgjer faste vurderingskriterium, som vert vurdert av fagekspertar: Innovasjonsgrad Verdiskapingspotensial for offentleg sektor Realisering av innovasjonen i offentleg sektor Forskingsgrad Prosjektkvalitet for FoU-prosjektet Gjennomføringsevne Forskinga si innovasjonsrelevans 6
For regional kvalifiseringsstøtte vert følgjande vurdert 1 : Innovasjonsgrad/innovasjonspotensial Forskingsinnhald Prosjektkvalitet Gjennomføringsevne Vidareføring og utnytting av resultat For alle søknadstypar vert det i tillegg administrativt vurdert moment som «Relevans i forhold til utlysninga og betyding regionalt, inkl. eventuelt bidrag til omstilling». «Etikk» «Miljøkonsekvensar», «Kjønn», «Formidling og kommunikasjon» og «Addisjonalitet» av eventuell støtte vert vurdert for større søknadar. 3. Prioriterte forskingstema og organisering av utlysingar i 2016-17 Den nye bestillinga frå fylkestinga er tematisk breiare enn tidlegare bestillingar, som har vore meir spissa på bransjar og konkrete problemstillingar. Samstundes er det nokre viktige overordna føringar som skal gjelde alle utlysingar av forskingsmidlar ref.pkt. 1.2. Gjennom bestillingsperioden (2016 2019) vi styret i Regionalt forskingsfond Vestlandet arbeide med å utvikle dei overordna føringane og prioriterte forskingstema i bestillinga til konkrete utlysingar av forskingsmidlar. Nokre tema i bestillinga har trekk som gir grunnlag for ei vidareføring av hovudlinjer frå tidligare handlingsplanar. Innan desse tema vil det vere muleg å lyse ut midlar tidleg i bestillingsperioden. Dette gjeld til dømes satsinga på berekraftig matproduksjon innan blå og grøn sektor. Her gir tilleggsfokus på «nye koplingar innan bioøkonomi» i første rekke ei opning for fleire relaterte forskingstema i utlysinga. Tilsvarande har satsinga knytt til innovasjon i kommunal sektor mange trekk av vidareføring frå tidligare. Likeeins er satsinga på teknologiutvikling knytt til havenerginæringane eit felt som fondet også tidligare har arbeidd med, men no med eit meir bransjeoverskridande og berekraftig fokus. For andre tema vil det ta litt lengre tid å utvikle spesifikke utlysingstema. Dette gjeld sterke næringsmiljø på heile Vestlandet med særleg merksemd på industrialisering og vidareforedling av råvarer. Det gjeld også tilleggsføringane frå to av fylkestinga på teknologiutvikling basert på forretningsmodellar tilpassa den eksponensielle naturen i internettøkonomien. I tillegg vil det i perioden verte sett i gong forsking som kan gi kunnskap om drivkreftene i utviklinga av landsdelen vår, med fokus på utvida kunnskap om trekk ved dei regionale innovasjonssystema på Vestlandet. Med dette som utgangspunkt vert det lagt opp til følgjande utlysingsplan: 1 Desse kriteria vil kunne bli noko justert i utlysingane 7
3.1 Tema for utlysingar 2016-17 3.1.1 Nye koplingar av teknologi og kompetanse i hav-energiøkonomien Usikkerheten om petroleumsnæringa si framtid og verknaden av den tradisjonelt sterke oljeavhengigheten er venteleg av langsiktig og strukturell karakter. Nye krav til berekraftige klima- og miljøløysingar vil også påverke denne situasjonen. For å trygge grunnlaget for velferd og busetting bør vi på Vestlandet satse stort og langsiktig på å utvikle fleire næringar som også tek i vare eit berekraftig klima og miljøperspektiv. Introduksjon av ny teknologi innan energiområdet vil vere vesentleg. Ressursgrunnlaget og potensialet for energiproduksjon frå nye og meir miljøvennlege kjelder er stort, men teknologien og marknadene er ikkje tilstrekkeleg utvikla. Derfor er industriutvikling og kommersialisering innan desse nye områda ofte vanskelig. Omstilling til meir klima- og miljøvenlege løysingar vil krevje ei tverrfagleg tilnærming som involverer teknologisk, samfunnsvitskapleg og naturvitskaplege kunnskap. Regionalt forskingsfond Vestlandet vil lyse ut midlar til innovasjonsforskingsprosjekt som kan gi kunnskap innan dette feltet og som kan stimulere til utvikling av samarbeid på tvers av bransjar og sektorar. Prosjekta skal bidra til nye klimavenlege og berekraftige løysingar som byggjer vidare på teknologi og kompetanse innan hav-energiøkonomien. Det gjeld petroleumsutvinning, sjøtransport, havbruk, fiskeri, marin- og fjordturisme, bygging av skip, oljeinstallasjonar og andre marine installasjonar. Det inkluderer også leverandørar til desse bransjane. Vidare femner «Hav- og energiøkonomien» vasskraft, vindkraft og energi-intensiv industri som aluminiums- og annen metallproduksjon samt leverandører til desse bransjane. Prosjekta skal bidra til verdiskapning og nye arbeidsplasser på Vestlandet. Søknadstypane i utlysinga skal vere Regional kvalifiseringsprosjekt og Regionale bedriftsprosjekt (hovudprosjekt). 3.1.2 Berekraftig matproduksjon og bioøkonomi Ny teknologi gjer det mogeleg å foredle råvarer frå jordbruk, skogbruk og marin sektor til eit vidt spekter av verdifulle produkt som mat, dyrefor, ingrediensar, kjemikaliar, materiale, energi, fiber og andre industriprodukt. Det vi med ei felles nemning kallar bioøkonomi inneber at biomasse vert utnytta i berekraftige kretsløp Det er viktig å leggje til rette for meir berekraftig bruk av ressursar og naturgitte råvarene. Vidare er det viktig å leggje til rette for auka foredling av naturgitte råvarer i regionen, for slik å styrke busetting og arbeidsplassar. Ei satsing på forsking som både gir ny kunnskap om Vestnorske råvarer og potensiale for nye smarte produksjonsprosessar utgjer eit stort potensiale for berekraftig og bioøkonomisk samfunn på Vestlandet Det vert invitert til prosjekt innan heile spekteret av matproduksjon samt produksjon og foredling av biologisk fornybare ressursar. Det er eit stort potensiale for utnytte heile råvara 8
samt foredling til nye produkt. Dessutan er det viktig å leggje til rette for at avfall frå ei verdikjede blir til verdifullt råstoff. Prosjekta skal bidra til innovasjon samt verdiskapning og nye arbeidsplasser på Vestlandet. Prosjekta skal vidare bidra til klimavennlege og bærekraftige løysingar Søknadstypane for dette utlysingstemaet er Regional kvalifiseringsprosjekt og Regionale bedriftsprosjekt (hovudprosjekt). 3.1.3 Kommunal sektor tenesteproduksjon og samfunnsutvikling Innovasjon er vurdert som avgjerande for å kunne oppretthalde god kvalitet på offentlige tenester i møtet med auka forventningar i befolkninga, demografisk utvikling og globalisering. Kommunar og fylkeskommunar er tenesteprodusentar med særleg ansvar for eit vidt spekter av velferdsoppgåver, utdanning og tilrettelegging for bærekraftige samfunn. Kommunal sektor står slik i første rekke til å møte nokre av dei mest krevjande samfunnsoppgåvene, som sosialt og kulturelt ulikskap, utanforskap og fråfall i skule- og utdanningssamfunn. Kommunal sektor er dessutan i endring. Gjennomføringa av kommunereforma vil kunne representere vesentlege endring av rammene for kommunane sitt arbeid og gi nye utfordringar med stort kunnskapsbehov. Den vestnorske geografien, busettings- og næringsstrukturen set også ramma for mulegheiter og utfordringar i utvikling av berekraftige samfunn. Kommunal sektor sitt samfunnsoppdrag vil framleis vert løyst i eit mangfaldig samspel mellom aktørar i offentleg, privat og frivillig sektor. Det vert invitert til innovasjonsforskingsprosjekt med og for kommunane som kan bidra til å skape berekraftige vestlandssamfunn med gode sosiale- og kulturelle vilkår, og som kan gi økonomisk verdiskapingspotensial i fleire næringar og tilpassa klima- og miljø-utfordringar i regionen. Nokre tematiske stikkord: Inkluderande samfunn, oppvekst, levekår og folkehelse Kommunale helsetenester og samhandlingsreforma Utdanning Klima, miljø og beredskap Arealplanlegging og transport Samfunns- og næringsutvikling Prosjekta skal fokusere på innovasjon og verdiskaping for kommunal sektor. 9
Prosjekta skal vere forankra i kommunale mål, strategiar og kommunalt leiarskap og involvere den kommunale organisasjonen. Det vert oppmoda til samarbeid mellom kommunar, på tvers av sektorar og tenesteområde og med private og frivillige aktørar. Søknadstypane for dette utlysingstemaet er Regional kvalifiseringsprosjekt og Regionale offentlege prosjekt (hovudprosjekt). 3.1.4 Kunnskap om drivkreftene i utviklinga av landsdelen Vestlandet står ovanfor store utfordringar med omsyn til å omstille og fornye næringsliv og offentleg sektor. Ein treffsikker politikk for regional omstilling føreset kunnskap om drivkreftene og mekanismane som hemmar og fremjar slik omstilling. Viktige spørsmål vil vere: Korleis stimulerer til at kunnskap og kompetanse frå olje- og gassnæringen vert gjort relevant for andre næringar? Kva type strategiar er effektive for å lykkast med crossover innovasjon? Korleis kan det best verte stimulert til utvikling av nye bransjar i regionen? Kva type ressursar er kritiske for bedrifter som er i ein omstillingsfase (kapital, kompetanse, nettverk)? Korleis utnytte dei muligheitene som blant anna digitalisering og delingsøkonomien gir? Regionalt forskingsfond Vestlandet inviterer til finansiering av eit eller to forskingsprosjekt som kan medverke til å gi ny kunnskap knytt til eit eller fleire av dei spørsmål som er lista. Prosjekta skal forutan sjølve forskingsarbeidet innehalde ein eigen arbeidspakke med formidling og deltaking i drøftingar med aktuelle interesser knytt til dei spørsmål som vert belyst. Det kan som del av dette vere aktuelt å inngå eit meir spesifikt formidlingssamarbeid med RFF Vestlandet, som også kan involvere faglege samlingar med styret for fondet. Søknadstypen er regionale forskarprosjekt. 3.1.5 Andre tema/prioriteringar Styret i Regionalt forskingsfond Vestlandet vil sette i verk ein prosess for å vidare utvikle fleire tema frå bestillinga, slik at desse også kan kome som utlysingar. Dette gjeld tema «Sterke næringsmiljø på heile Vestlandet med særleg merksemd på industrialisering og vidareforedling av råvarer». Det gjeld også tilleggsføringane frå to av fylkestinga på teknologiutvikling basert på forretningsmodellar tilpassa den eksponensielle naturen i internettøkonomien. 10
3.2 Plan for utlysingar 2016-17 Regionalt forskingsfond Vestlandet må samordne søknadsfristar med Forskingsrådet og dei andre regionale forskingsfonda. Utlysing av regional kvalifiseringsstøtte vil som tildegare vere løpande. Andre utlysingar vil ha ein fastsett søknadsfrist. Fondet legg skal ha slikt opplegg for utlysingane i handlingsplanen sin tidsperiode: Utlysingstema Søknadstype 2016 okt. 2017 febr. 2017 okt. Nye koplingar av teknologi og kompetanse i havenergiøkonomien Berekraftig matproduksjon og bioøkonomi Kommunal sektor tenesteproduksjon og samfunnsutvikling Kunnskap om drivkreftene i utviklinga av landsdelen Kvalifisering, løpande frå medio juni 2016 Bedriftsprosjekt med søknadsfrist Kvalifisering, løpande frå medio juni 2016 Bedriftsprosjekt med søknadsfrist Kvalifisering, løpande frå medio juni 2016 Offentlege prosjekt med søknadsfrist Forskarprosjekt med søknadsfrist X X X X X X X X X X Andre tema/prioriteringar i bestillinga Må bli avklart i 2016/17 x 4. Budsjett 4.1 Budsjett og fordeling av midlar til utlysingar i 2016 Regionalt forskingsfond Vestlandert fekk i 2016 ei auke i overføringa frå Kunnskapsdepartementet på kr. 13 millionar for å medverke til omstilling i nærings- og arbeidsliv. Samla løyving i 2016 er dermed kr. 45 919 000,-. Det er presisert i Statsbudsjettet at dette er ei særleg løyving for 2016. 11
Situasjonen for nærings- og arbeidsliv på Vestlandet har ikkje forbetra seg. Regionalt forskingsfond Vestlandet vil derfor søkje Kunnskapsdepartementet om ei vidareføring av ekstraløyvinga også for 2017. Etter råd frå dei regionale forskingsfonda og NIFU har Kunnskapsdepartementet bestemt å avslutte ordninga med den sokalla 15 % potten, som har vore nytta til fellesutlysingar mellom fonda. Gjennom revidert nasjonalbudsjett er dette gjort gjeldande frå 2016, slik at Regionalt forskingsfond Vestlandet vert tilført ytterlegare kr. 5,8 millionar til eigne utlysingar. I revidert nasjonalbudsjett er det vidare fremja ei ekstraløyving til RFF Vestlandet på kr. 1,7 millionar for å bidra ytterlegare til omstilling i landsdelen. Etter rekneskapsoppgjer for 2015 er det ei unytta ramme på kr. 1,785. Forventa renteinntekt i 2016 er kr. 2,6 millionar. Styret for Regionalt forskingsfond Vestlandet vedtok i møte 26. februar å fortsette praksis med forskotering av midlar også i 2016. Ramma for dette vil vere inntil kr. 12 millionar. Samla er inntektsgrunnlaget i fondet slik: Post Sum Kommentar Løyving over Statsbudsjettet 2016 45 919 000 Inkludert 13 millionar ekstra Vedteken forskot framtidig budsjett 12 000 000 Samla forskot over 3 år utgjer 36 000 000 Unytta/tatt inn frå prosjekt i 2015 1 785 000 Forventa renter 2 600 000 Litt ned frå 2015 Midlar tatt inn frå 15 % pott 5 800 000 Berekna av NIFU føreset tilslutning RNB i Stortinget Framlegg til ekstra løyving omstilling 1 700 000 Føreset tilslutning av RNB i Stortinget Sum 69 804 000 Den økonomiske ramma i 2016 på kr. 69 804 000,- vil verte fordelt slik: Disponert til regional kvalifiseringsstøtte 20 000 Utlysing av hovudprosjekt med frist 17. februar Revidert etter tildelingar 2. juni 2016 25 000 Administrasjon og styre 3 804 Utlysing av hovudprosjekt innan desse tema med 21 000 frist 11 oktober - Nye koplingar av teknologi og kompetanse i hav-energiøkonomien - Berekraftig matproduksjon og bioøkonomi - Kommunal sektor tenesteproduksjon og samfunnsutvikling Sum 69 804 12
4.2 Budsjett og fordeling av midlar på utlysingar i 2017 Den økonomiske ramme for 2017 er gitt av Kunnskapsdepartementet i Statsbudsjettet. Då dette ikkje vert vedteke før i desember, vil budsjettet for 2017 vere eit anslag. Det er ikkje lagt inn ei vidareføring av ekstraløyvinga til omstilling. Heller ikkje er det lagt opp til ei vidareføring av praksis med forskotering, etter den tre års perioden som ligg bak med denne ordninga. Det er derimot lagt opp til at midlane frå 15 % potten vert tilført fondet som ordinære midlar. Dette gir alt i alt eit vesentleg lågare budsjett i 2017 enn i 2016: Ordinær løyving Overført 15 % pott Forventa renter Samla inntekt 33 millionar 5,8 millionar 2,5 millionar 41,3 millionar Fordeling av forventa budsjett for 2017: Disponert til regional kvalifiseringsstøtte 6 000 Utlysing av hovudprosjekt innan desse tema med frist februar - Nye koplingar av teknologi og kompetanse i hav-energiøkonomien - Berekraftig matproduksjon - og bioøkonomi - Kommunal sektor tenesteproduksjon og samfunnsutvikling Utlysing av forskarprosjekt med frist februar - Kunnskap om drivkreftene i utviklinga av landsdelen 12 000 5 000 Utlysing av hovudprosjekt innan desse tema med 15 000 frist oktober - Nye koplingar av teknologi og kompetanse i hav-energiøkonomien - Berekraftig matproduksjon - og bioøkonomi Kommunal sektor tenesteproduksjon og samfunnsutvikling Administrasjon og styre 3 300 Sum 41 300 13
5. Operative mål 5.1 Forskingsfinansiering Fondet vil finansiere kvalifiseringsprosjekt og større prosjekt innan dei tematiske områda for bestillinga Unnataket er temaet «Kunnskap om drivkreftene i utviklinga av landsdelen», der det berre vil verte lyst ut midlar til forskarprosjekt. Målet er at kvalifiseringsprosjekta skal førast vidare i eit større forskingsprosjekt, slik at det er grunnlag for på vente at 90% av dei løyvde kvalifiseringssøknadene resulterer i ein søknad til ein relevant ordning. Vidare er det ønskjeleg å starte opp 8-9 nye regionale offentlege- og bedriftsprosjekt innafor budsjettramma for 2016 2 og tilsvarande tal for heile 2017. I tillegg er det ramme for 1 2 forskarprosjekt i 2017. 5.2 Mobilisere søkjarar og styrke søkjarkompetanse Fondet vil aktivt mobilisere nye og tidlegare søkjarar til fondet sine utlysingar og andre relevante støtteordningar gjennom å: Årleg gjennomføre kombinerte informasjonsmøte og kurs i søknadsskriving, eller tilsvarande tiltak 3, før større utlysingar, i kvart fylke Årleg arrangere minst eitt prosjektutviklingsverkstad i kvart fylke, i samarbeid med Forskingsrådet og/eller andre aktørar Aktivt løfte fram gode eksempel på søknadar, resultat og innovasjonar Informere om fondet på relevante møte, kurs og konferansar i dei tre fylka Informere om moglegheiter for forskingsfinansiering og kursring i prosjektutvikling og søknadsskriving gjennom fondet si nettside, nyhendebrev og andre kanalar Samarbeide tett med strategiske samarbeidspartnarar frå virkemiddelapparatet, næringsorganisasjonar, forskingsmiljø og andre offentlege aktørar for å nå ut til fondet sine målgrupper, inkludert kommunar 5.3 Kommunikasjon og forskingsformidling Fondet har vedteke ein kommunikasjonsstrategi. I perioden vil desse tiltaka verte prioriterte: Årleg publisere 3 6 artiklar om forskingsprosjekt på forskning.no og/eller i andre medium Informere om pågåande forskingsprosjekt og resultat på fondet si nettside Sikre at prosjekt som har fått støtte gjennomfører formidlingsplanen i søknaden, inkludert dei ålment retta tiltaka Sende ut pressemeldingar og få ut informasjon om tildeling av midlar til nye forskingsprosjekt på fondet si nettside og nettsidene til fylkeskommunane 2 Vedtak vil skje på styremøte i januar/februar 2017 3 I Sogn og Fjordane har av og til hatt oppsøkjande aktivitet retta mot utvalde målgruppe i staden for. 14
5.4 Samhandling med andre fond og virkemiddel Fondet villegge vekt på å samordne aktiviteten inn mot andre relaterte finansieringsordningar. Fondet skal særleg koordinere aktiviteten sin inn mot fylkeskommunane sine utviklingsmidlar og Innovasjon Noreg sine støttemidlar. Fondet må til ei kvar tid vurdere sine utlysingar i høve til Noreg forskingsråd sine satsingar og utlysingar, slik at fondet står fram mest mogeleg komplementært til desse. Det er særleg aktuelt å samarbeide med dei fylkeskommunale VRI- prosjekta og vidareføring i forskingsrådet sin «Regional satsing for forskingsbasert innovasjon (REGIONSATSING) frå 2017. Her skal fondet søkje felles fokus på mobilisering av bedrifter til forsking i regionen. Vidare vil fondet søkje å mobilisere bedrifter og offentleg sektor til internasjonalt forskingssamarbeid og særleg deltaking i Horisont 2020. Forskingsfinansieringa vil til ein kvar tid bli vurdert i høve til EU sitt statsstøtteregelverk og internasjonale verktøy som TRLskalaen som EU nyttar, basert på system og metodar utvikla av Forskingsrådet. 15