Arena Høgskulen i Sogn og Fjordane brukar Arena for studieadministrativ informasjon frå HSF til den enkelte student, og frå den enkelte student til HSF. Denne rettleiinga tek for seg kva for informasjon du finn i Arena, og kva du som student har ansvar for. Du finn meir informasjon under kvart punkt i menyen etter at du har logga deg på Arena. Kva du som student har ansvar for i Arena: Kontrollere at studentopplysningar (navn, adresse, telefonnummer osv.) er korrekte. Finne fakturaopplysninger om semesteravgifta. For å vere registrert som student og ha rett til å ta eksamen, må semesteravgifta vere betalt til fastsette datoar. Når semesteravgifta er betalt får du semesteroblat i Studenttorget, Sogndal eller Servicesenteret, Førde. Studentar på vidareutdanning får semesteroblatet tilsendt. Godta utdanningsplan kvart semester. Gjeld for studentar med opptak til studieprogram på minst 60 studiepoeng. Kontrollere at du er oppmeldt til eksamen. Finne kandidatnummer og romplassering til eksamen. Informasjonen vert lagt ut i Arena ca 1 veke før eksamen. Finne sensur/karakterar. Startside/Pålogging/Utlogging: Pålogging i Arena skjer via lenke i menyen Elektroniske tenester på http://www.hisf.no/no/for_studentar/studenttorget/arena eller https://hisf.arenalive.no/ Det er felles brukarnamn og passord (BrukarId) for pålogging i Arena, Fronter, E-post og pc-ar på høgskulen. Du får brukarnamn og passord når du opprettar brukarkonto. Brukarkonto opprettar du på på http://studreg.hisf.no/regnor.php. For å opprette brukarkonto må du vite studentnummeret ditt. Du får informasjon om studentnummer ved registrering på studiet.
Pålogging Hugs å logge ut av Arena. Dette gjer du ved å klikke på knappen "Logg ut" i øvre høgre hjørne. Utlogging av konto er spesielt viktig så ikkje uvedkommande får tilgang til dine opplysningar. Utlogging Arenamenyen : Arena er bygd opp med ein meny der enkelte deler av menyen har ein undermeny. Studentopplysningar: Følgjande opplysningar har du som student ansvar for å kontrollere og eventuelt endre dersom det er feil eller manglar: Namn og adresser Telefonnummer Målform Hugs å klikke på Lagre-knappen nederst på sida når du har gjort endringer. Ved namneendring må du sende stadfesting frå Folkeregistreret til HSF. Det er berre HSF som kan registrere namneendringar.
Faktura/Semesteravgift: Her finn du KID- og kontonummer, som du skal bruke når du skal betale semesteravgifta. NB: Hugs at KID-nr alltid er unik for den enkelte faktura (og student). Sjekk difor at KID/faktura gjeld for inneverande semester. La aldri andre studentar bruke ditt KID-nr ved betaling. Du finn også informasjon om betaling er registrert. Betaler du med nettbank går det 3-5 dagar frå du betaler til vi får registrert innbetalinga i vårt system. Betaler du på andre måtar kan det ta litt lengre tid. Klikk KID-nummer på beskrivelse Faktura for å sjå innhaldet på fakturaen. Praksis: Her finn du informasjon om avlagt praksis. Prosjektoppgåve: Her finn du informasjon om innlevert prosjektoppgåve. Utdanningsplan: Studentar med opptak til studium på minst 60 studiepoeng må godta Utdanningsplan kvart semester som ein del av semesterregistreringa. Fristen er 15. september for haustsemesteret og 15. februar for vårsemesteret. Alle som har godtatt utdanningsplanen vert meldt opp til eksamen til obligatoriske emne og valemne (under føresetnad av at valemna er på individuell utdanningsplan). Studentar som vil endre utdanningsplanen eller vil ha andre valemne, må fylle ut Meldeskjema ved endring av utdanningsplan. Skjemaet kan lastast ned frå Arena. Informasjon om kontaktpersonar og kvar skjemaet skal sendast står på skjemaet.
Ved å trykke på Vis får du fram din individuelle utdanningsplan (spesifikk del). Den individuelle utdanningsplanen viser obligatoriske emne og valemne ut frå studieplanen. Peikar til Studieplan Velg valfag her Godta utdanningsplan her
Emne: Her får du oversikt over kva emne du er påmeldt til. Du er påmeldt til emne ut frå individuell utdanningsplan og eventuelt ekstra emne du har meldt deg på. Du kan melde deg av emne. Er du oppmeldt til eksamen i det emnet du vil melde deg av, må du også melde deg av eksamen. Sjå Eksamen i meny. Avmelding Eksamen: Her kan du sjå kva for eksamenar du er oppmeldt til. Du blir automatisk oppmeldt til ordinær eksamen ut frå individuell utdanningsplan. Studentar som ikkje har utdanningsplan vert oppmeldt til ordinær eksamen etter studieplan. Kontinuasjonseksamenar og forbedring må du melde seg opp til sjølv. Oppmeldingsskjema finn du på http://www.hisf.no/no/for_studentar/studenttorget/skjema. Ca 1 veke før eksamen vil du finne kandidatnummer og romplassering. Ver obs på at romplassering kan bli endra, sjekk difor romplassering så tett inntil eksamensdato som mogleg. Du kan melde deg av eksamen. Fristen er 14 dagar før eksamensdato.
Avmelding Karakterar: Her finn du dine karakterar. Innrapportert til Lånekassen: Her finn du oversikt over karakterar/studiepoeng som er rapporterte til Lånekassen. Karakterar på deleksamenar (utan studiepoeng) vert ikkje rapporterte før heile emnet er bestått HSF Eksamensplan: Viser HSF sin eksamensplan (frå dagens dato og framover). Ver merksam på at dato kan blir endra fram til 3 veker før eksamensdato.