DETALJREGULERINGSPLAN FOR fritids- og naustområde Kruneneset del av gnr/bnr 64/1 m.fl. PlanID: 201505 BØMLO KOMMUNE FØRESEGNER Oktober 2016 Side 1
1.0 GENERELT 1.1 Det regulerte området er synt med grenseliner på plan datert 10.08.2015 og revidert 25.10.2016. 1.2 Planområdet skal nyttast til følgjande formål: PBL 12-5. Arealføremål i reguleringsplan 1. Bygningar og anlegg Fritidsbusetnad - FB1 Småbåtanlegg i sjø og vassdrag, SA1 Naust, N1-N3 2. Samferdsleanlegg og teknisk infrastruktur Køyreveg, o_v1, V2, f_v3 Gangveg/gangareal, f_g1 Annan veggrunn - grøntareal Kai, K1-K3, f_k4 Parkeringsplassar, P1-P4 3. Landbruks, natur- og friluftsformål og reindrift Friluftsformål, F1-F2 4. Bruk og vern av sjø og vassdrag, med tilhøyrande strandsone Friluftsområde i sjø og vassdrag 5. Omsynssoner Frisikt, H140_1-H140_4 2.0 FELLES FØRESEGNER I samband med utarbeiding av byggeplanar, kvalitets-/hms-planar skal det gjennomførast ei meir detaljert risikovurdering i forkant av anleggsarbeid for å unngå eventuell fare for grunnbrot, utgliding av lausmassar, skade på leidningsnett og sikringstiltak før gåande/køyrande gjennom anleggsområdet. Dokumentasjon på at dette er fullført skal leggjast ved byggemeldingar i samband med søknad om tiltak innanfor planområdet. 2.1 Rekkefølgjekrav Før det kan gjevast bruksløyve for bygningar, må området vere tilknytt godkjent vass- og avlaupsanlegg. f_v3 skal vere opparbeidd før det vert gjeve bruksløyve for dei nye fritidsbustadane 1-8. Før det kan gjevast bruksløyve for bygningar, må avkøyrsler, tilkomstvegar, felles parkeringsplassar og siktsoner vere opparbeidd i tråd med godkjend plan. Veganlegg som ligg til fylkesvegen skal godkjennast av Statens vegvesen. Det må liggja føre samla plan for teknisk anlegg og godkjent utsleppsløyve for heile området før byggjeløyve kan gjevast i området. Side 2
2.3 Terrenghandsaming Alle terrenginngrep skal skje mest mogeleg skånsamt. Større tre og annan verdifull vegetasjon skal i størst mogeleg grad takast vare på. 2.4 Tiltak i sjø Tiltak i sjø som fell inn under hamne- og farvasslova skal godkjennast av Karmsund Hamnevesen. Tiltak som kaiar, flytebrygger, utfyllingar, sjøleidningar m.m. krev løyve frå hamnemynde i tillegg til handsaming etter plan- og bygningslova, jfr. Hamne- og farvasslova 27. Det er registrert ei gyteområde for torsk utanfor planområdet i nordaust. Tiltak i sjø skal ikkje gjennomførast i gyte- og oppvekstperioden. 2.5 Pumpestasjonar, transformatorkioskar, kabelskap o.l. kan oppførast i området i samsvar med teknisk plan. 2.6 Kulturminne Det kan vera uregistrerte fornminne i planområdet. Dersom det i samband med gravearbeid kjem fram funn eller konstruksjonar, må arbeidet straks stansast og fylkeskonservatoren få melding for ei nærare gransking på staden. if. Kulturminne loven 8, 2.ledd. 3.0 BYGNINGAR OG ANLEGG 3.1 Fritidsbustader, FB1 3.1.1 Innanfor området FB1 kan det førast opp til saman 14 stk. fritidsbustader, anten som frittliggjande bygningar eller i rekkje. Det kan byggjast kai som fundament for fritidsbustadane. 3.1.2 Fritidsbustadane skal ha maks 110m2 BRA pr. fritidsbustad/ eining. Maks mønehøgd er 8,0 meter målt frå gjennomsnittleg planert terreng. 3.1.3 Fritidsbustadane skal plasserast med overkant golv i 1. etg på min. kote +2,2 m.o.h. 3.1.4 Det skal nyttast saltak med takvinkel mellom 35-45 grader. Takutstikk skal vere knappe. 3.1.5 Fritidsbustadane skal ha eit maritimt preg og vere best mogleg tilpassa tradisjonelle sjøhus og naust i Bømlo kommune. 3.1.6 Fritidsbustadane skal som ein hovudregel ha ståande vindauga (høge). Vindaugsflate i gavl mot sjøen skal ha maritimt preg. Store glasflater skal ikkje nyttast. Vindauge og dører skal ha gode proporsjonar som høver til resten av bygget. 3.1.7 Fritidsbustadane skal ha tilgang til min. 2 parkeringsplassar, anten på eigen grunn eller på areal i nærleiken. Parkering inngår ikkje i berekninga av BRA. Side 3
3.1.8 Terrasse/veranda kan byggjast i bakkant av fritidsbustadane (på motsett side av strandlinja), og kan stikke utanfor byggjegrensa dersom det ikkje er til hinder for parkering og/eller sikt. På sjøsida kan det ikkje byggjast altan større enn 14 m2, maks 2,0m ut frå veggliv. 3.1.9 Fritidsbustadane skal ha variasjon i utforming/ fasade, men samstundes ha intern tilpassing til kvarandre. 3.2 Småbåtanlegg i sjø og vassdrag, SA1 3.2.1 Området SA1 kan nyttast til brygger (faste og flytande), båtopptrekk og båtfeste for småbåtar. 3.2.2 Innanfor området SA1 kan det etablerast flytebrygger til fritidsbustadane og utriggarar til naust og bustader/fritidsbustader i nærleiken. 3.2.3 Maks storleik på flytebrygge er 15 m2 pluss landgang. Dersom 2 fritidsbustader deler flytebrygge, er maks storleik 30 m2 pluss landgang. 3.2.4 Småbåtanlegga kan nyttast etter eigen avtale med grunneigaren. 3.2.5 Der det vert fylling i sjø skal denne ordnast på ein tiltalande måte. 3.3 Naust, N1 - N3 3.3.1 Innanfor områda N1-N3 kan det førast opp til saman 14 enkle naust, anten som frittliggjande naust eller i rekkje. Naust nr. 13. og 14. kan evt. førast opp som fellesnaust med boder. 3.3.2 For enkle naust gjeld: Naustbygg skal ha maks 40m2. Maks mønehøgd er 5,0 meter målt frå gjennomsnittleg planert terreng. 3.3.3 For fellesnaust gjeld: Naustbygg skal ha maks 45m2 BRA. Maks mønehøgd er 5,0 meter målt frå gjennomsnittleg planert terreng. 3.3.4 Naust skal plasserast med overkant golv i 1. etg på min. kote +2,0 m.o.h. 3.3.5 Det skal nyttast saltak med takvinkel mellom 40 og 45 grader. Takutstikk skal vere knappe. Taktekking skal vere som for tradisjonelle naust. 3.3.6 Nausta skal tilpassast kvarandre i form, farge og materialbruk, og det skal leggjast vekt på god arkitektonisk utforming. 3.3.7 Vindauge skal vere ståande utan store glasflater og utgjere maks 3% av den samla av den totale veggflata på naustet. Side 4
3.3.8 Nausta skal ha tilgang til min. 1 parkeringsplass, anten på eigen grunn eller på areal i nærleiken. Parkering inngår ikkje i berekninga av BRA. Rett til veg og parkeringsplass skal dokumenterast før det kan gjevast byggjeløyve. 3.3.9 Naust i området N3 skal ha variasjon i utforming/ fasade, men samstundes ha intern tilpassing til kvarandre. 4.0 SAMFERDSELSANLEGG OG TEKNISK INFASTRUKTUR 4.1 Køyreveg, o_v1, V2, f_v3 4.1.1 o_v1 er offentleg veg og skal liggje som i dag. 4.1.2 V2 er ein eksisterande privat veg som er regulert med ei breidde på 4,0m. Vegen skal liggje som i dag. 4.1.3 f_v3 skal opparbeidast som felles, privat tilkomstveg for eigarane av einingane innanfor FB1 og N1-N3 og dei som har båtplass innanfor SA1. Regulert breidde for f_v3 er 4,0m. Vegen kan opparbeidast med asfalt. 4.1.4 Mindre endringar i vegføringar kan tillatast når detaljplanlegging gjer det naudsynt. 4.2 Gangveg/ gangareal, f_g1 4.2.1 Arealet f_g1 skal nyttast til felles gangveg for eigarane av fritidsbustader, naust og båtplassar i området. Gangvegen skal opparbeidast i 2,0m breidde. 4.2.2 Mindre endringar i vegføringar kan tillatast når detaljplanlegging gjer det naudsynt. 4.2.3 Gangvegen skal vere ope for allmenn ferdsle. 4.3 Annan veggrunn - grøntareal 4.3.1 Arealet skal nyttast som grøntareal for vegane i planområdet. Områda kan nyttast til vegutviding, avkjørsler, grøfter, skråningar og skjeringar. 4.4 Kai, K1 - K3, f_k4 4.4.1 Området kan nyttast til kai og båtfeste for småbåtar. Endeleg plassering og utforming vert fastsett av kommunen i samband med byggjemelding for tiltaket. Side 5
4.4.2 Kaiane kan nyttast av naust- og båtplasseigarar innanfor planområdet og etter avtale med grunneigar. 4.4.3 f_k4 skal vere privat felles kai som skal nyttast til etablering av båtopptrekk for nausteigarane og dei som har tinglyst rett til båtopptrekk på hovudbruket. 4.4.4 Kaiane skal vere opne for ålmenn ferdsle og det skal ikkje setjast opp gjerde eller andre stengsel som hindrar fri ferdsle i strandsona. 4.5 Parkeringsplassar, P1 - P4 4.5.1 Områda P1 - P4 er private parkeringsplassar, og kan nyttast til parkering for eigarane av fritidsbustader og naust innanfor planområdet og etter avtale med grunneigar. Det er totalt 28 p-plassar innanfor P1 - P4. 4.5.2 P1 (18 p-plassar): P1 er parkeringsplass for eigarane av fritidsbustadane 11-14 og eigarane av nausta 2, 4-14. Desse disponerer 1 plass kvar. Fritidsbustadane 11-14 skal også ha 1 parkeringsplass på eigen grunn. 2 p-plassar innanfor P1 kan disponerast av dei som har båtplass utanfor N3. P2 (2 p-plassar): P2 er parkeringsplass for eigarane av nausta 1 og 3. Desse disponerer 1 plass kvar på P2. P3 (6 p-plassar): P3 er parkeringsplass for eigarane av fritidsbustadane 3-8. Desse disponerer 1 plass kvar på P3. I tillegg skal det etablerast 1 parkeringsplass per fritidsbustad på eigen grunn. P4 (2 p-plassar): P4 er parkeringsplass for eigarane av fritidsbustadane 1-2. Desse disponerer 1 plass kvar på P4. 4.5.3 Fritidsbustadane 9-10 skal disponere 2 parkeringsplassar kvar på eigen grunn. 5.0 LANDBRUKS-/ NATUR- OG FRILUFTSOMRÅDE 5.1 Friluftsformål, F1 - F2 5.1.1 I områda F1-F2 kan det ikkje førast opp bygg eller konstruksjonar som er til hinder for å nytta områda som friluftsområde. Områda skal vere ålment tilgjengelege. 5.1.2 Så langt råd er skal eksisterande terrengform og vegetasjon takast vare på. Side 6
6.0 BRUK OG VERN AV SJØ OG VASSDRAG 6.1 Friluftsområde i sjø og vassdrag 6.1.1 Området skal vere fritt tilgjenge for allmenta og nyttast til sjø- og vassaktivitetar. 7.0 OMSYNSSONER 7.1 Frisikt, H140_1 - H140_4 7.1.1 H140_1 - H140_4 er regulert til område for frisikt. Arealet vil i planen vere kombinert med andre føremål. Innanfor siktsona skal det ikkje vere sikthindringar som stikk høgare enn 0,5 m over vegbanen på tilstøytande veg. Enkeltståande tre, stolpar o.l. kan stå i sikttrekanten, men krav til sikkerheitssoner i hb. 231 Rekkverk må vere tilfredsstilt. Dato: 28.10.2015 Rev: 04.11.2015 Rev: 18.11.2015 Rev. 25.10.2016 Side 7