MØTEPROTOKOLL Utval Formannskapet og næringsutvalet Møtestad: Møtedato: 16.09.2015 Start kl.: 09.00 Slutt kl.: 15.30 Til stades på møtet Medl.: Forfall: Varamedl.: Frå adm. (evt. andre): Ivar Kvalen, Geir Arve Sandvik, Marit Aakre Tennø, Jon Ove Lomheim, Ernst Veum, Anette Stegegjerdet Norberg, Morten Vigdal. Rådmann Jarle Skartun. Næringssjef Olav Grov i sak 87-91 og del av sak 100. Kultursjef Erling Bjørnetun i sak 96. Plansjef Arne I Lerum og kommuneplanleggjar Torunn Løne Vinje i sak 97. Assisterande rådmann John Olaf Røhme, leiar Luster sjukeheimsteneste Kari Olsen Paulsen og leiar Luster heimeteneste Tone Kjervik Kveane i del av sak 99. Medlemene hadde ikkje merknad til innkalling og sakliste. Saksnr. Tittel 86/15 15/2566 Godkjenning av møtebok SAKLISTE 87/15 15/2559 Skjolden hotell AS. Finansiering 88/15 15/2583 Sigbjørn Skjerdal - søknad om lån i næringsfondet til bruksutbygging 89/15 15/2268 Simon James Page - søknad om lån i næringsfondet til bruksutbygging 90/15 15/2479 Kjetil Ruud - søknad om lån i næringsfondet til bruksutbygging 91/15 15/2582 Terje Torgersen - søknad om lån i næringsfondet til 1
påbygg driftsbygning gnr. 141 bnr. 9 92/15 11/1273 Vigdøla kraftverk, Luster kommune i Sogn og Fjordane. Søknad om planendring. Høyring 93/15 15/1940 Høyring - Eiendomsbeskatning av arbeidsmaskiner mv. i verk og bruk 94/15 15/2482 TV-AKSJONEN NRK Regnskogfondet 2015. Kommunal løyving 95/15 15/1199 Kommunal plan for trafikktrygging 2016-2028 1. gongs handsaming 96/15 14/1253 Status og utviklingsplan for Sogn Kulturskule 2015-2018 97/15 15/2588 Kommuneplanmelding 2015 98/15 15/1689 Rekneskapsrapport pr. 2. tertial 2015. Budsjettendringar. 99/15 15/2420 Budsjett 2016, økonomiplan 2016-19, planleggingsprogram 2016-19. 100/15 15/2567 Referat- og drøftingssaker Underskrifter: Vi stadfester at det som er ført i møteboka er i samsvar med det som vart vedteke på møtet. Møteprotokoll er sendt til: Medlemene, varamedlemer, rådmann, revisor, kontrollutvalet, biblioteka i kommunen, lokalavisene, NRK-Førde og Luster radio.
86/15 Godkjenning av møtebok Rådmann informerte om at møtebok er korrigert i sak 81, jf habilitet ordførar. Møteboka frå møtet den 26.08.15. vart godkjent. Underskrifter: Jon Ove Lomheim, Marit Aakre Tennø. 87/15 Skjolden hotell AS. Finansiering Skjolden hotell AS får eit tilskot stort kr 150.000 til marknadsutvikling. Tilskotet vert finansiert ved forbruk av næringsfondet. Skjolden hotell AS får eit lån stort kr 1 mill kr til finansiering av oppgradering av bygget. Lånet vert gjeve med rente- og avdragsfri periode på to år og skal deretter betalast ned over 10 år. Lånet er eit pantelån. 88/15 Sigbjørn Skjerdal - søknad om lån i næringsfondet til bruksutbygging Sigbjørn Skjerdal, 6875 Høyheimsvik, får innvilga eit rentefritt lån på kr 204 400,- gjennom næringsfondet til bruksutbygging på Skarhaug gnr. 72, bnr. 11 på Nes. Lånet er avdragsfritt første to åra og skal deretter nedbetalast over dei 13 neste. Lånet skal sikrast med pant i eigedomen. 89/15 Simon James Page - søknad om lån i næringsfondet til bruksutbygging Simon James Page får innvilga eit rentefritt lån på kr 184 000,- gjennom næringsfondet til bruksutbygging på Bolstad gnr. 20, bnr. 9 i Skjolden. Lånet er avdragsfritt første to åra og skal deretter nedbetalast over dei 13 neste. Lånet skal sikrast med pant i eigedomen.
90/15 Kjetil Ruud - søknad om lån i næringsfondet til bruksutbygging Kjetil Ruud, 6871 Jostedal, får innvilga eit rentefritt lån på kr 799 000,- gjennom næringsfondet til bruksutbygging på Alsmo gnr. 92, bnr. 3. Lånet er avdragsfritt første to åra og skal deretter nedbetalast over dei 13 neste. Lånet skal sikrast med pant i eigedomen. 91/15 Terje Torgersen - søknad om lån i næringsfondet til påbygg driftsbygning gnr. 141 bnr. 9 Terje Torgersen, 6869 Hafslo, får innvilga eit rentefritt lån på kr 1 164 000,- gjennom næringsfondet til bruksutbygging på Alme gnr. 141, bnr. 9. Lånet er avdragsfritt første to åra og skal deretter nedbetalast over dei 13 neste. Lånet skal sikrast med pant i eigedomen. 92/15 Vigdøla kraftverk, Luster kommune i Sogn og Fjordane. Søknad om planendring. Høyring Morten Vigdal gjekk frå som ugild, grunna arbeidsforhold til søkar og familiære forhold, jf forv.l. 6.2. Rådmannen si tilråding; Luster kommunestyre meiner at omsøkt endring er ei klår forbetring i høve opprinneleg alternativ når det gjeld miljøkonsekvensar for tilleggsutbygging av Vigdøla. Endringa vil imidlertid gje langt dårlegare økonomisk kompensasjon for inngrepet og Luster kommunestyre meiner at utbyggjar må påleggjast kompenserande tiltak som tydeleg tilgodeser både grenda Vigdalen og kommunen elles. Kommunestyret kan med slik bakgrunn tilrå konsesjon for bygging av Vigdøla kraftverk etter justert plan med følgjande endring og vilkår: 1. I periodane 1. mai 30. juni og 15. august 30 september skal kravet til minstevassføring setjast til 540 l/s.
2. Frå enden av bilvegen ved Vårstølen er det planlagt ein traktorveg på om lag 1 300 m mot Fjellstølen, med bru over mot Breisete. Realisering av dette vegprosjektet vil til ein viss grad vega opp for ulemper med dyr som i dag kjem over i feil område på grunn av fråføring av vatn i forrige utbygging. Utbyggjar må påleggjast å kosta denne vegen. 3. Utanfor kraftstasjonen ved Ormbergstøl er det planlagt etablert eit deponi med 55 000 m3 tunnelstein. Luster kommune vil gjera seg nytte av desse massane til ålmennyttige føremål i Gaupneområdet og utbyggjar må påleggjast å transportera dei dit etter nærare avtale. 4. Utbyggjar må påleggjast oppgradering av eksisterande bilveg til Vigdalen etter avslutta anleggsdrift: a. Nytt dekke b. Fjellrensk og sikring av øvre tunnelopning c. Tetting av vasslekkasje i tunnel 5. Kraftlinja til inntak må byggjast som jordkabel og dimmensjonerast og tilretteleggjast for straumforsyning til hytter i området 6. Det må avsetjast eit næringsfond til Luster kommune på 10 mill. kroner. Marit Aakre Tennø la fram slikt framlegg; Kommunestyre tilrår ikkje utbygging av Vigdøla kraftverk. Framlegget fekk 4 røyster. (MAT, JOL, ASN, IK.) 2 medlemmar (GAS,EV.) støtta tilrådinga frå rådmannen. Kommunestyre tilrår ikkje utbygging av Vigdøla kraftverk. 93/15 Høyring - Eiendomsbeskatning av arbeidsmaskiner mv. i verk og bruk Luster kommune viser til høyringsnotat frå Finansdepartementet datert 18.6.2015 vedk. endringar i utskriving av eigedomsskatt på arbeidsmaskiner m.v. i verk og bruk. Luster kommune ser det som positivt og sjølvsagt at eigedomsskatt frå kraftverka er halde utanfor endringsforslaga, men må understreka at kraftlinjer og telenett som i forslaget vil verta trekt ut frå skattlegging vil utgjere eit tap i årlege inntekter for Luster kommune i storleiksorden 2.2 mill. kr. Dette er sers negativt og ein uheldig konsekvens av forslaget. For Luster kommune er det mest urimelege utslaget av ordninga at kraftlinjer og teleanlegg, som vert rekna som produksjonsutstyr installasjonar som tenar produksjonen- ikkje under noko alternativ kan skattleggjast.
Eigedomsskatten er stadbunden og den einaste inntektskjelda for slike anlegg. Kommunen ser det som svært urimeleg at dei store kraftlinjene som går gjennom kommunen ikkje skal kunne gje årlege inntekter i form av eigedomsskatt. Svikt i eigedomsskatten, som følgje av endringsforslaga, samstundes som det kan sjå ut til at låge kraftprisar reduserer eigedomsskatten frå kraftverka og gevinsten frå konsesjonskraftsalet, utgjer eit vesentleg inntektstap for kommunen og ein sterkt forverra kommuneøkonomi. Luster kommune viser til uttale frå LVK datert 31.08.2015 og uttale frå KS av 21.08.2015. Luster kommune støttar opp om desse uttalane. Luster kommune ber om at regjeringa forkastar forslaget om at produksjonsutstyr/ produksjonsinstallasjonar ikkje lenger skal inngå i skattegrunnlaget og forkastar forslaget om avvikling av verk og bruk som utskrivingsalternativ for eigedomsskatt. 94/15 TV-AKSJONEN NRK Regnskogfondet 2015. Kommunal løyving Luster kommune løyver kr. 15.000,- til TV-aksjonen 2015 til Regnskogfondet. Midlane vert løyvd av konto 14740.107.10001. 95/15 Kommunal plan for trafikktrygging 2016-2028 1. gongs handsaming Det vart i møte lagt fram slike tillegg til handlingsplanen; Pkt 30; Ny og betre skilting av; skuleveg i begge retningar, kommunal parkeringsplass, gangfelt/vegkryssing. Nærare vurdering av oppheva fotgjengarfelt. Pkt 9; Røneidstunnelen, utvida sone for redusert fart primært 60 km, ev 70. Skilting av vegkryssing v/tunnelen og kvitmåling av tunnelen. Rådmannen si tilråding med tillegg lagt fram i møte vart samrøystes vedteken. Formannskapet legg Kommunal plan for trafikktrygging 2016-2028, datert 16.09.15, ut til offentleg ettersyn i perioden 16.09.15 til 16.10.15.
96/15 Status og utviklingsplan for Sogn Kulturskule 2015-2018 Rådmannen si tilråding; Luster kommunestyre vedtek Status og utviklingsplan for Sogn kulturskule med handlingsprogram (2015-2018). Arbeidarpartiet la fram slikt framlegg; Det skal nedsettast ein komitè som vurderer ny kommunal kulturskule opp mot dagens Sogn Kulturskule. Det må vurderast å leige inn ekstern hjelp til arbeidet. Luster kommune godkjenner ikkje planen til Sogn kulturskule slik den no ligg føre. Framlegget frå Arbeidarpartiet vart samrøystes vedteke. Det skal nedsettast ein komitè som vurderar ny kommunal kulturskule opp mot dagens Sogn Kulturskule. Det må vurderast å leige inn ekstern hjelp til arbeidet. Luster kommune godkjenner ikkje planen til Sogn kulturskule slik den no ligg føre. 97/15 Kommuneplanmelding 2015 1. Kommuneplanmelding 2015 Kommunestyret tek status for kommuneplanarbeidet 2015 til orientering. 2. Råd for Planstrategi Med bakgrunn i gjeldande kommuneplan, erfaringar og oppsummering, og nasjonale føringar for kommuneplanarbeidet, rår kommunestyret 2011 15 at nytt kommunestyre i arbeid med planstrategi legg fylgjande til grunn: Samfunnsdelen: Struktur og oppbygging av gjeldande samfunnsdel bør vidareførast. Arealdelen: Struktur i gjeldande arealdel bør vidareførast Tematiske kommunedelplanar: «Kommunedelplan for folkehelse» bør trekkast ut av planstrategi. Viktige tema i Planstrategien bør vera: Bustadareal Næringsareal Risiko og Sårbarheit (ROS) Det vert lagt opp til ei samordning av planstrategi med Sogn og Fjordane Fylkeskommune og dei andre sognekommunane.
98/15 Rekneskapsrapport pr. 2. tertial 2015. Budsjettendringar. 1. Kommunestyret tek framlagt tertialrapport T2 2015 til orientering. 2. Kommunestyret vedtek slike endringar i driftsbudsjettet 2015: Driftsbudsjettet; Auka eigedomsskatt, + 1.675.000 Lønsoppgjeret +2.100.000 Lågare pensjonskostnader -2.100.000 Barnehage, auka drift 225.000 Gaupne skule, løn 250.000 Oppvekst felles, auka utg. 100.000 Helse, auka utg. 250.000 Luster sjukeheimsteneste, auka utg. 250.000 Luster heimeteneste, mindre innt, auka netto utg. 600.000 99/15 Budsjett 2016, økonomiplan 2016-19, planleggingsprogram 2016-19. Rapport frå RO; Analyse og tilråding for framtidig pleie- og omsorg i Luster kommune vart lagt fram. Det vart lagt fram notat med faktainformasjon og framlegg til vidare utviklingsarbeid. Formannskapet la vekt på at ein må sikra god informasjon til dei tilsette og utgreiing av fleire alternativ i det vidare plan- og budsjettarbeidet. Budsjettdrøftingane vert tekne vidare på neste møte i formannskapet. Rådmann tek med seg innspela frå formannskapet i sitt arbeid.
100/15 Referat- og drøftingssaker Skrifteleg orientering; Eksternt: KS, «Nyhetsbrev,1.sept.08.15.» -referert. Interkommunalt; Referat rådmannsgruppa 04.09. (vedlagt) -referert. Internt: Møteprotokoll PFS 08.09. -referert. Møteplan, opplæring skisse, jf vedlagt notat. referert, skisse vert nytta som grunnlag, innspel i møte verte teke med i vidare planlegging. Rapport frå kontrollutvalet; Samhandlingsreforma-referert, vert lagt fram som sak i kommunestyret. Referat frå styremøte i Lustrabadet KF 25.08. (15/322-12) -referert. Orientering i møtet: Ordførar: Flytting av møte i fsk 07.10 til 14.10. Møte i SR 18.09 avlyst. Fellesmøte for fromannskapa i SR den 30.10, kommunereformarbeidet. Rådmann: Ny leverandør av BHT-tenester. -Stamina overtek som leverandør av BHT frå 01.10.15. Frivilligsentralen. det er sett i gang eit arbeid for å etablere eit breiare grunnlag/fleire eigarar i Frivillegsentralen. Arbeidet skjer i samarbeid med noverande eigar, IOGT, og må sjåast i samanheng med FRISK(H)US-arbeidet. (forebyggande folkehelse/aktivitetshus/yrkesskulebygget.) Sogn barnevern. det vart informert om status og at Hadle Blikra er engasjert i 60% stilling i 6 mnd for å ivareta det faglege ensvaret i Sogn Barnevern. Næringssaker, ev ikkje off.; Mestrings- og Læringssenteret.-Selskapet har kjøpt Hafslotun, og utvidar aktiviteten i Luster. Harastølen. Det vart informert om møte med Tinnfoss, skifte i leiing og oppstart av deira status/planarbeid via reguleringsarkitekt. Personal og administrative saker, ev ikkje off.: Bemanningsendringar.- Informasjon om endringar; flyktningearbeidet, oppvekst, plan. Lokale lønstingingar. Det skal gjennomførast lokale lønstingingar for kap.3 og kap. 5 innan 01.10.15. Tingingane skal «sjå hen mot» resultatet av oppgjeret i kap.4. via sentral avtale/oppgjer. Drøfting i møtet: Budsjettarbeidet. (jf eiga sak.) Møteplan/opplæring. (jf notat ovanfor.)
Open post: Eventuelt/innspel i møte: Oversikt over landbruksengasjement siste åra. -Rådmannen utarbeidar oversikt over sakene dei siste år. Utvikling i flyktningearbeidet. -Rådmann orienterte. Status i legevaktordninga, legevakt KA/KAD. -Rådmann orienterte. Dagsorden for møtedagen; 09.00-11.30; Sakshandsaming. 11.30-12.00; Lunsj. 12.00-15.30; T2 og Budsjettarbeidet. -12.00; Rapport RO 14.30-14.50; Møte i valstyret. Det vart ikkje gjort vedtak i saka.