HJELMELAND KOMMUNE Møtebok SAKSGANG Saksnr. Utval Møtedato 192/12 Formannskapet 04.12.2012 Arkivkode Sakshandsamar Arkivsak/j.post 023 Torborg Kleppa 09/659 12/18263 VESENTLEGE VANNFORVALTNINGSSPØRSMÅL -VANNREGION - HØYRING For slag til vedtak: Hjelmeland kommune sluttar seg til dokumentet Vesentlege vannforvaltningsspørsmål for Vannregion Rogaland slik det ligg føre. Kommunen ønskjer å presisera at det er avgjerande med eit godt kunnskapsgrunnlag generelt. Det er viktig med god kunnskap om kva som påverkar vannmiljø og fisk i kystvatn og fjordar, og at ein også bør sjå på korleis dei store vasskraftutbyggingane påverkar fjordsystema. Hjelmeland, 27.11.2012 Børje Alander rådmann 04.12.2012 FORMANNSKAPET Røysting: Samrøystes i samsvar med forslag til vedtak. FSK-192/12 Vedtak: Hjelmeland kommune sluttar seg til dokumentet Vesentlege vannforvaltningsspørsmål for Vannregion Rogaland slik det ligg føre. Kommunen ønskjer å presisera at det er avgjerande med eit godt kunnskapsgrunnlag generelt. Det er viktig med god kunnskap om kva som påverkar vannmiljø og fisk i kystvatn og fjordar, og at ein også bør sjå på korleis dei store vasskraftutbyggingane påverkar fjordsystema.
Dokumentliste: Nr T Dok.dato Avsendar/Motta kar Tittel 1 I 05.07.2010 Fylkesrådmannen i Rogaland INVITASJON TIL DELTAKELSE I VANNREGIONUTVALGET 2 I 02.09.2010 Fylkesrådmannen i Rogaland DAGSORDEN OG SAKSPAPIRER TIL OPPSTARTSMØTE I VANNREGIONUTVALGET (VRU) 21. SEPTEMBER 4 I 08.09.2010 Ryfylke IKS VANNOMRÅDE RYFYLKE 3 I 14.09.2010 Fylkesrådmannen i Rogaland UTSENDING AV UTKAST TIL PLANPROGRAM FOR FORVALTNINGSPLAN FOR VANNREGION 5 I 03.12.2010 Ryfylke IKS v/nils Moldøen REFERAT FRA ARBEIDSUTVALGET TIL VANNREGIONUTVALGET 17. NOVEMBER 6 I 29.12.2010 Rogaland Fylkeskommune Vannregion Rogaland VARSEL OM OPPSTART AV ARBEID MED FORVALTNINGSPLAN FOR VANNREGION - HØRING AV PLANPROGRAM 7 I 23.03.2011 Rogaland Fylkeskommune FINANSIERING AV PROSJEKTLEDERSTILLINGER I VANNOMRÅDENE 8 I 14.04.2011 Rogaland Fylkeskommune FORSLAG TIL OPPSTART OG FREMDRIFT FOR RYFYLKE VANNOMRÅDE 9 I 27.04.2011 Rogaland Fylkeskommune v/christine Rinck HØRINGSMØTE 11.MAI - VANNREGION 10 I 03.05.2011 Ryfylke IKS v/nils Moldøen SØKNAD OM SKJØNNSMIDLAR TIL PROSJEKTLEIARSTILLING I RYFYLKE VASSOMRÅDE (2011-2014) 12 I 07.06.2011 Rogaland Fylkeskommune AVLYSNING AV MØTE 9. JUNI 2011 - RYFYLKE VANNOMRÅDE 13 U 10.06.2011 Rogaland Fylkeskommune Vannregion Rogaland FORVALTNINGSPLAN FOR VANNREGION - HØYRINGSUTTALE PLANPROGRAM 14 I 16.09.2011 Rogaland Fylkeskommune VALG AV POLITISK REPRESENTANT TIL VANNOMRÅDEUTVALG OG VANNREGIONUTVALG 15 I 13.10.2011 Rogaland Fylkeskommune INNKALLING TIL MØTE 19. OKTOBER 2011- ARBEIDSUTVALGET TIL VRU 16 I 28.12.2011 Rogaland Fylkeskommune v/vegard Næss 17 I 09.01.2012 Rogaland Fylkeskommune v/ Vegard Næss FORSLAG OM ENDRING AV VANNREGIONUTVALGET - VANNREGION VARSEL - OPPSTARTSMØTE 3. FEBRUAR - VANNOMRÅDEUTVALGET FOR VANNOMRÅDE RYFYLKE 18 I 12.03.2012 Suldal kommune SØKNAD OM SKJØNSTILSKOT TIL RYFYLKE VASSOMRÅDE 2012 - RAPPORTERING OM BRUK AV SKJØNSTILSKOT FRÅ 2011 - KOPI 19 I 14.03.2012 LVK v/vigdis Ekeland LVK-NYTT 6/12 ESA STILLER SPØRSMÅL TIL NORGE OM REVISJONER OG VANNDIREKTIVET 20 I 22.05.2012 Rogaland Fylkeskommune v/ Vegard Næss VARSEL OM MØTE 19. JUNI - VANNREGIONUTVALGET VANNREGION 21 I 12.06.2012 Trine L. Danielsen VS: INNKALLING TIL MØTE 19. JUNI - VANNREGIONUTVALGET I VANNREGION 22 I 14.06.2012 Ryfylke vassområde UTKAST TIL REFERAT FRÅ UTVIDA MØTE I RYFYLKE VASSOMRÅDEUTVAL 24 I 29.06.2012 Rogaland Fylkeskommune HØRING - VESENTLIGE VANNFORVALTNINGSSPØRSMÅL FOR VANNREGION 23 I 06.07.2012 Rogaland Fylkeskommune v/ Vegard Næss VEDR. FINANSIERING AV PROSJEKTLEDER FOR RYFYLKE VANNOMRÅDE 25 I 27.09.2012 Fylkeskommune UTSATT FRIST: INVITASJON TIL HØRINGSMØTE- VESENTLIGE VANNFORVALTNINGSSPØRSMÅL FOR VANNREGION. 26 I 13.11.2012 Ryfylke IKS VANNREGION
Vedlegg: Dok.dato Tittel Dok. ID 27.11.2012 BREV HØRING AV DOKUMENTET VESENTLIGE 133222 VANNFORVALTNINGSSPØRSMÅL FOR VANNREGION.pdf 27.11.2012 Vesentlige vannforvaltningsspørsmål_vannregion Rogaland- Høringsutkast.pdf 133220 Samandrag: Plandokumentet Vesentlig vannforvaltningsspørsmål som blir lagt fram, er ei midtvegshøyring i arbeidet med forvaltningsplan for vatn. Dokumentet gjeld for vannregion Rogaland. Rådmannen tilrår at ein i hovudsak sluttar seg til dokumentet slik det ligg føre. Kommunen ønskjer å presisera at det er naudsynt med eit godt kunnskapsgrunnlag om kva som påverkar vannmiljø og fisk i kystvatn og fjordar, og at ein også bør sjå på korleis dei store vasskraftutbyggingane påverkar fjordsystema. Fakta: Dokumentet Vesentlig vannforvaltningsspørsmål er meint å gi ei utgreiing av dei utfordringane for vannmiljøet som me har kunnskap om på dette tidspunktet. Ei felles forståing for kva som er dei viktigaste vannforvaltningsspørsmåla og utfordringane vil gi eit godt grunnlag for vidare samarbeid om forvaltningsplanen. Forankring både lokalt og regionalt på tvers av sektorar og ulike styresmakter er derfor eit viktig mål på dette stadiet i planprosessen. Målet med ei midtvegshøyring er at ein ønskjer ein brei og god medverknad, der ein vil ha med gode innspel og kunnskap frå befolkninga, interesseorganisasjonar, næringar og kommunane. Kommunane er representert med politikere i vannregionutvalget VRU, leiar i utvalet er Olaug V. Bollestad som er ordførar i Gjesdal. Vannregionen er dessutan delt i mindre vannforvaltningsområde, der kommunane er representerte i vannområdeutvala. Trine Danielsen er leiar i Ryfylke vannområdeutval. I prosessen med å utarbeida ein forvaltningsplan for vatn i Rogaland har ein så langt arbeidd blant anna med å karakterisera alle vassførekomstar. Karakteriseringa går ut på å seia korleis tilstanden på vassførekomsten er i forhold til naturtilstand (koss den ville vore utan miljøpåverknad). Karakteriseringa viser at vatnet i Rogaland er påverka frå mange ulike sektorar, næringar og aktivitetar. Einskilde område peikar seg ut med høgare risiko for å ikkje nå miljømåla. (Vannforskrifta set krav om at alle vassførekomstar minst skal nå God økologisk og kjemisk tilstand.) Desse områda er: Nokre problemstillingar er uavklarte, og treng ei oppklaring i det vidare arbeidet med vannforvaltningsplanen. Dette gjeld:
I høyringsdokumentet er det sett opp ein oversikt over det ein meiner er dei vesentlegaste vannforvaltningsspørsmåla i regionen. Oversikten nedanfor er klypt ut or plandokumentet. Lov er, føresegner, rundskriv: Kravet til utarbeiding av regionale vannforvaltningsplanar kjem fram i Forskrift om rammer for vannforvaltningen (Vannforskrifta). Denne forskrifta gjennomfører EU sitt vanndirektiv i norsk rett. 28 b) i vannforskrifta omhandlar Vesentlege vannforvaltningsspørsmål.
Økonomiske konsekvensar: Arbeidet med utarbeiding av vannforvaltningsplanen går sin gang, utan at det får dei store økonomiske konsekvensane for kommunen. I alle fall slik situasjonen er nå. Ei vurdering av kva som er dei vesentlege vannforvaltningsspørsmåla har heller ingen økonomisk betydnign for kommunen. Det er først når vannforvaltningsplanen er vedtatt, og dei ulike tiltaka skal setjast i verk, og følgjast opp at det kan få konsekvensar for kommunen. Gjeldande planar, retningsliner og vedtak: Fylkestinget i Rogaland fylkeskommune har gjort vedtak om å setja i gong arbeid med Regional vannforvaltningsplan, og planprogrammet blei vedtatt i fylkestinget 6. mars 2012. Innkomne uttalar: Saka krev ikkje uttale frå andre. Vurdering og konklusjon: Arbeidet med utarbeiding av ein regional vannforvaltningsplan legg opp til ei brei prosess, med medverknad frå mange. Så langt i prosessen har kommunane, næringslivet og lag og organisasjonar fått høve til å involvera seg i arbeidet. Dei innspela ein har hatt er stor grad tatt inn i høyringsutkastet. I høyringsbrevet går det klart fram kva Rogaland fylkeskommune ønskjer at kommunane skal ta stilling til i denne høyringa. Er det tydeleg kva for vannforvaltningsspørsmål, utfordringar og påverknadar som er vesentlege i vannregionen? Er der spørsmål, utfordringar eller andre forhold ein saknar, eller som ein meiner er feil beskrive? Har me data, kunnskap eller observasjonar som kan supplera og styrka kunnskapsgrunnlaget som er brukt i dokumentet? Er det tydeleg korleis dokumentet om vesentlege vannforvaltningsspørsmål vil bli brukt etter høyringa? Er det tydeleg korleis ein kan delta i arbeidet vidare og korleis ein kan finna informasjon? Rådmannen meiner at dokumentet gir eit tydeleg svar på kva ein meiner er dei vesentlegaste spørsmåla i forhold til forvaltninga av vatn i regionen. Ein kan heller ikkje koma på at det er vesentlege spørsmål eller utfordringar som ikkje er tatt med i dokumentet. Kan hende bør det presiserast at behovet for meir kunnskap om påverknad av vannmiljø og fisk i fjordar og kystvatn, blant anna gjeld behov for meir kunnskap om korleis dei store vasskraftutbyggingane påverkar fjordane. I enkelte fjordar er tilstrøyminga av ferskvatn sterkt redusert, i andre er det mykje meir vatn, og med ein annan temperatur enn det ville hatt om det hadde kome med elva ut i fjorden. Når det gjeld data og kunnskap om vannførekomstane så har kommunen samarbeidd med fylkesmannen i forhold til karakteriseringa av vannførekomstane. Ein har også prøvd å bidrege med den kunnskapen ein har i prosessen elles, t.d. på scenariokonferansen som blei arrangert tidlegare i år. Dette er ein kontinuerleg prosess, og dersom ein får ny kunnskap som er viktig for dette arbeidet vil ein spela dette inn til fylkeskommunen. Rådmannen tykkjer dessutan det er viktig at ein nyttar seg av den kunnskapen om fjordane våre som kjem fram i arbeidet med marin naturtypekartlegging, og i undersøkingane som NIVA i samarbeid med IRIS gjennomfører for å kartlegga vasskvaliteten i ryfylkefjordane. Dette fordi kunnskapsgrunnlaget er relativt mangelfullt når det gjeld kystvatn og fjordar. For å sjå kor viktig det er at ein har god kunnskap kan ein visa til at Jøsenfjorden i karakteriseringa har moderat vanntilstand. Det betyr at ein i eit seinare tiltaksprogram må setja seg mål, og utarbeida tiltak for å heva tilstanden til god. Tilstanden er fastsett, utifrå det rådmannen kan sjå, på bakgrunn av observasjonar av bunndyrfauna og på grunn av målingar av oksygennivå. Den ytre påverknaden som er registrert, er utslepp frå
oppdrettsanlegg. Viss ein ikkje får anna kunnskap om miljøtilstanden i fjorden, og om korleis oppdrett påverkar fjordsystema, vil konklusjonen måtta vera at ein anten må redusera oppdrettsverksemda, eller at oppdrettsanlegga må gi mindre utslepp i framtida. Oppdrettsnæringa er ei stor og viktig næring, og tiltak som får konsekvensar for næringa, må sjølvsagt vera tufta på eit så godt fagleg grunnlag som råd. Det er etter rådmannen si vurdering ikkje særleg tydeleg korleis dokumentet om vesentlege vannforvaltningsspørsmål vil bli brukt etter høyringa. Ein må kunna rekna med at dette dokumentet blir lagt til grunn for det vidare arbeidet med vannforvaltningsplanen. Dokumentet skal fastslå kva regionen oppfattar som dei vesentlegaste spørsmåla i forhold til framtidig forvaltning av vatn. Då må ein rekna med at ein i det vidare planarbeidet arbeidar med å finna svar på spørsmåla. Konklusjon: Rådmannen tilrår at ein i hovudsak sluttar seg til dokumentet slik det ligg føre. Kommunen ønskjer å presisera at det er naudsynt med eit godt kunnskapsgrunnlag om kva som påverkar vannmiljø og fisk i kystvatn og fjordar, og at ein også bør sjå på korleis dei store vasskraftutbyggingane påverkar fjordsystema.