Fedje kommune Møtebok for Arbeidsmiljøutvalet Møtedato: 11.11.2014 Møtestad: Møtetid: 14:00-15:30 Møtedeltakarar Bjarte Villanger Jostein Husa Vidar Bråthen Kristin Handeland Parti Ap Møtedeltakarar vara Roy-Asle Tungland Parti Krf Forfall meldt frå følgjande medlemmar: Stig Øien Terje Storemark Parti H Følgjande møtte frå administrasjonen:
Sakliste Saknr Tittel 005/14 Godkjenning av møteinnkalling og sakliste 006/14 Godkjenning av møtebok 007/14 Referatsaker 008/14 Rullering av Personalplan for Fedje kommune 009/14 Økonomiplan 2015-2018 010/14 Kommunebudsjettet 2015 011/14 Val av ny leiar i arbeidsmiljøutvalet 012/14 Referatsaker
Sakspapir Saksbehandler Arkiv ArkivsakID Jan Torry Sande 14/749 Saksnr Utvalg Type Dato 005/14 Arbeidsmiljøutvalet PS 11.11.2014 Godkjenning av møteinnkalling og sakliste Saksutgreiing: Forslag til vedtak: Møteinnkalling og sakliste vert godkjent. Arbeidsmiljøutvalet - 005/14 AMU - behandling: AMU - vedtak: Møteinnkalling og sakliste vert godkjent. Samrøystes vedteke.
Sakspapir Saksbehandler Arkiv ArkivsakID Jan Torry Sande 14/749 Saksnr Utvalg Type Dato 006/14 Arbeidsmiljøutvalet PS 11.11.2014 Godkjenning av møtebok Vedlegg: Protokoll - Arbeidsmiljøutvalet - 16.09.2014 Saksutgreiing: Forslag til vedtak: Møtebok frå sist møte vert godkjent. Arbeidsmiljøutvalet - 006/14 AMU - behandling: AMU - vedtak: Møtebok frå sist møte vert godkjent. Samrøystes vedteke.
Sakspapir Saksbehandler Arkiv ArkivsakID Jan Torry Sande 14/749 Saksnr Utvalg Type Dato 007/14 Arbeidsmiljøutvalet PS 11.11.2014 Referatsaker Saksutgreiing: Ingen Forslag til vedtak: Inga handsaming av referatsaker Arbeidsmiljøutvalet - 007/14 AMU - behandling: AMU - vedtak: Inga handsaming av referatsaker
Sakspapir Saksbehandler Arkiv ArkivsakID Dagrun Gunnarson FE - 400, TI - &11, HistSak - 10/542 14/164 Saksnr Utvalg Type Dato 008/14 Arbeidsmiljøutvalet PS 11.11.2014 Formannskapet PS Kommunestyret PS Rullering av Personalplan for Fedje kommune Vedlegg: Innspel frå Unio Saksutgreiing: Bakgrunn I tråd med planen skal eigentleg Personalplan rullerast kvart 4.år, og midt i ein valperiode. Men det har kome opp ein del område i personalplanen som treng oppdatering no, for å vere i tråd med praksis og nytt avtaleverk. Sist rullering var i 2012. Personalplan for Fedje kommune er kommunestyret sin reiskap for å styre arbeidsgjevarpolitikken i Fedje kommune. Personalreglement, avtale om vidareutdanning, etisk reglement, arbeidsgjevarpolitisk plattform med meir i eitt levande dokument som faktisk vert nytta av personalrådgjevar og dei enkelte leiarane kvar veke. 4 punkt har me fått inn ønskjer om å revidere: Retningslinjer mot uønska deltid Etisk plattform for lærarane Permisjon knytt til lange sjukefråvær Kriterier for vurdering av permisjon utan lønn for å tiltre anna stilling Heile denne saksutgreiinga med konklusjonar er sendt ut på høyring til alle HTVar og verneombod før den vert sendt til politisk handsaming. Innspela ligg vedlagt uansett om dei er innarbeidd i forslaget frå rådmannen eller ikkje. Vurdering Retningslinjer mot uønska deltid Etter Hovudtariffavtalen 2.3.1 skal kommunen utarbeide retningslinjer mot uønska deltid. HTV Fagforbundet tok dette opp i drøftingsmøte med rådmannen 14.11.13, og me vart samde om å ta utgangspunkt i Meland kommune sine retningslinjer. Dei vart sendt ut på høyring til alle leiarar og HTV 06.02.14, med frist 01.03.14. Retningslinjene er i stor grad i tråd med noverande praksis i Fedje
kommune. Ut frå dette foreslår rådmannen at følgjande retningslinjer vert vedteke og teke inn som nytt, eige punkt i Personalplan for Fedje kommune: Retningslinjer for redusert bruk av uønska deltid HTA kap. 1 - Fellesbestemmelsene, punkt 2.3.1 slår fast at arbeidsgjevar skal informere og drøfte bruk av deltidsstillingar med dei tillitsvalde. I Fedje kommune ønskjer dei lokale partane at arbeidet for redusert bruk av uønska deltid vert baserte på desse retningslinjene: 1. Når det oppstår ei ledig stilling, skal ansvarleg leiar ved avdelinga/arbeidsplassen i samråd med tillitsvalde vurdere om denne kan lysast ut internt. Stillinga skal ikkje lysast ut internt om det er openbart at det ikkje finst lokal kompetanse som kan dekke stillinga. Målet er å auke opp stillingsprosent for tilsette som ønskjer seg opp i stilling, i den grad det er forenleg med tenestetilbodet. 2. Ved ledig stilling skal leiar også prøve å sjå ut over den enkelte arbeidsplass, t.d. ved å informere andre leiarar om ledige stillingar. Det er ei målsetjing at kommunen i større grad skal kunne gi tilbod om høgare stillingsprosent også ved kombinasjon av arbeidsoppgåver. 3. Leiar må vurdere om utvida oppgåvebreidde for ein arbeidstakar som ønskjer seg opp i stilling, kan vere ei løysing. Ein kan også sjå på kompetanseheving som eit verkemiddel. 4. Behovet for å kunne gi tilbod om større stillingar skal kome fram gjennom arbeidet med fagplanar, økonomiplan og årsbudsjett. 5. Omfanget av uønska deltid skal kartleggjast regelmessig, for å sjå om iverksette tiltak gir resultat. Temaet skal også takast opp i medarbeidarsamtalar. Etisk plattform for lærarane Utdanningsforbundet har arbeidd fram ein profesjonsetisk plattform for sine medlemmar. Dei ønskjer at ei henvising til denne vert teke inn i Personalplanen. Forslår at følgjande setning vert teke inn i Personalplanen under punktet «Etiske spelereglar»: I vårt verke har me stadig fokus på dei etiske vala som ligg i all kommunal tenesteyting, og me meiner profesjonsetiske plattformar kan supplere og fylle ut vårt allereie eksisterande etiske regelverk. Permisjon knytt til lange sjukefråvær Etter eit år med sjukemelding, har ikkje den sjukmeldte lenger rett på lønn frå Fedje kommune. Dei går då over på ulike ytingar frå NAV. Den sjukmeldte havnar då ofte i ein uavklart situasjon til arbeidsgjevar skal dei levere sjukmelding til oss eller NAV? Kan dei krevje jobben attende etter å ha vore borte i 10 år? I dag legg Personalplanen opp til at den sjukmeldte skal søke permisjon utan lønn, men dette fungerer dårleg. I praksis søkjer svært få permisjon, og arbeidsforholdet forblir uavklart. Dette er uheldig både for arbeidstakar og arbeidsgjevar.
Rådmannen foreslår difor at me endrer reglane i tråd med korleis dei fleste andre kommunar i Nordhordland har det: At me gjev permisjon utan lønn knytt til vedtak om ytingar i NAV det første året. Forslag til endring av noverande tekst i Personalplanen er utheva: Ved langvarig sjukemelding har Fedje kommune følgjande praksis: 1. Etter eitt års sjukefråvær vil den tilsette få innvilga heilt eller delvis velferdspermisjon utan lønn om han/ho har vedtak om arbeidsavklaringspengar eller tilsvarande, og det er ein reell moglegheit å kome attende i arbeid. Den tilsette må leggje fram vedtak frå NAV og/eller pensjonskasse. Permisjonstida vil verte knytta til kor lang tid ein har vedtak hjå NAV/pensjonskasse. 2. Om den tilsette framleis er sjukmeld etter eitt års sjukemelding og opp til eit års permisjon, skal den tilsette og Fedje kommune vurdere om arbeidsforholdet skal avsluttast. Fedje kommune kan då vurdere å seie opp arbeidsforholdet. Dette gjeld og viss den tilsette går over på uførepensjon. Den tilsette kan då anten seie opp si stilling, eller søkje om vidare velferdspermisjon. Permisjon vil berre verte gjeve etter særskilt vurdering. Kriterier for vurdering av permisjon utan lønn for å tiltre anna stilling Frå tid til anna får Fedje kommune søknad frå tilsette om permisjon utan lønn for ein periode fordi dei ønskjer å tiltre ei stilling hjå anna arbeidsgjevar. Dette er permisjonar som ikkje er regulert i noko lov- eller avtaleverk, så her gjer arbeidsgjevar som dei vil. Det er stor forskjell på praksisen mellom Nordhordlandskommunane her. Tidlegare låg desse avgjerdene til Administrasjonsutvalet, no ligg avgjerd til rådmannen, som har vidaredelegert til næraste leiar. Det er etter rådmannen sitt syn ikkje ønskjeleg å få «mekaniske» reglar for dette, som gjer at me ikkje kan vurdere den enkelte søknad etter kva effekt det vil ha for tenesta. Det som er viktig for at kommunen kan oppretthalde eit godt tenestenivå med fagleg kvalitet, må alltid vege tyngre enn den enkelte tilsette sitt ønskje om å kunne vende attende til sin gamle jobb om den nye ikkje passar. Samstundes kan det vere tilfelle der det er veldig nyttig for tenesta at den enkelte tilsette får jobbe andre stader ei stund, og kan ta med nye inntrykk og ny lærdom attende til vår teneste. Slike søknadar har dei siste 7-8 åra vert vurdert etter bestemte kriterium og etter ein bestemt prosess, som me no foreslår at vert teke med i Personalplanen. Forslag til nytt punkt: Permisjon for tiltreding av stilling hjå anna arbeidsgjevar. Punkt som skal vurderast før leiar avgjer søknad: 1. Kor lenge har søkjaren arbeidd i Fedje kommune? 2. Er det mogleg å skaffe vikar? 3. Kor sannsynleg er det at søkjar kjem attende til Fedje kommune? 4. Gjev permisjonen fagleg utbytte for søkjar og for Fedje kommune?
Søknad om permisjon for tiltreding av stilling hjå anna arbeidsgjevar skal drøftast med plasstillitsvalde. Vanlegvis vert det berre gjeve permisjon i maksimalt 1 år. Unio ønskjer at dette skal vere ein rett for dei tilsette etter 5 år. Me meiner at det er avgjerande at arbeidsgjevar har ein reell moglegheit til å vurdere om det er forsvarleg for tenesta å gje permisjon, og at dette ikkje vert innført som ein rett berre i vår kommune. Dette er eit gode for arbeidstakaren, og nokre gongar arbeidsgjevar, og vert best handsama gjennom individuell vurdering, etter vår meining. Andre innspel frå Unio: Unio har kome med innspel i forhold til teksten under «Konfliktar og arbeidsmiljøproblem». Rådmannen har valgt å ikkje ta inn desse innspela av følgjande grunn: - det er viktig å skilje klart mellom konflikthandtering og varsling. Varsling er omfatta av eigne rettsreglar. Grunnen til at at det står noko som helst om varsling i personalplanen (der me ikkje tek med repetering av det som allereie er regulert i lov og/eller tariffavtale), er fordi varsling i seg sjølv ikkje er definert i lovverket, og fordi me skal definere eigne «varslingsvegar». Det har me gjort tidlegare i rullering av personalplanen (sjå førre gong for grunnlag for definisjonen). -når det i begge tekstar ikkje står definert kven som er nærmaste leiar/overordna leiar, så er det fordi personalplanen skal leve over evt endringar i organisasjonskartet. Organisasjonskartet skal vere ein naturleg del av alle einingane sitt HMS-system. - teksten om ansvar for personalleiarar for konfliktar frå Hordaland Fylkeskommune meiner me ikkje bør kome inn i personalplanen. Personalplanen er ein del av kontrakten til alle tilsette i Fedje kommune. Ved alle nytilsettingar får den tilsette utdelt personalplanen, og skriv under på at dei er kjent med at den er ein del av tilsettingsvilkåra. Dette har me og vore rundt på ein del personalmøte og informert om. Ansvaret for førebygging av, å lære seg reglane om, og følgje reglane for konflikthandtering, slik det står i personalplanen, ligg på både arbeidstakar og arbeidsgjevar og det bør det halde fram med. Det er etter vår meining feilslått og ikkje i tråd med intensjonen i Arbeidsmiljølova å leggje det på personalleiar. Det er nærmaste leiar som ikkje er ein part i konflikta som har ansvar for å handtere konflikta i tråd med reglane i personalplanen. Me stiller oss tvilande til formuleringa «( )dersom ei sak ikkje vert løyst tilfredsstillande for alle partar(..)». Korleis skal dette handterast t.d. i mobbesaker? -når det gjeld tilbakemelding i forhold til varsling, er det ikkje alltid teieplikta gjev rom for tilbakemelding til varslar. Varsling gjeld som kjent ulovlege, uetiske eller kritikkverdige handlingar. Sjølv om me er samde i intensjonen, at varslar som oftast bør få ei eller anna form for tilbakemelding, meiner me det er uhensiktsmessig å ha det som ein må-regel. -Unio ønskjer nokre strukturendringar i personalplanen. Her kan det sikkert gjerast forbetringsarbeid, men det har det diverre ikkje vore kapasitet til å jobbe med i denne runden. Me ber gjerne om fleire konkrete forslag på det til neste runde. Det har ikkje kome innspel frå Delta eller Fagforbundet. Folkehelse ein gjennomtenkt og forutsigbar arbeidsgjevarpolitikk gjev god medarbeidarhelse. Miljø ingen effekt til eller frå på ytre miljø. Økonomi vurdering av enkeltsaker opp mot personalplanen kan gje økonomiske konsekvensar. T.d. vil retningslinjer mot uønska deltid som gjev sterke rettar til fast tilsette, kunne føre til at ein må opprette fleire stillingar i heildøgnspleie for å få nok tilsette til å dekke helgeturnus.
Konklusjon Det er nyttig og naudsynt å rullere Personalplan for Fedje kommune no, med dei framlagte punkta. Generelt sett ser me behov for meir arbeid med å gjere innhaldet i personalplanen betre kjent blant dei tilsette. Rådmannen vil sjå på dette framover. Forslag til vedtak: Personalplan for Fedje kommune vert vedteke med dei skisserte endringane i følgjande punkt: Retningslinjer mot uønska deltid, Etiske spelereglar, Sjukefråværsoppfølging og Permisjon for tiltreding av stilling hjå anna arbeidsgjevar. Arbeidsmiljøutvalet - 008/14 AMU - behandling: Forskjellen mellom varsling og avviksmelding. Det er eit behov for grenseoppgang mellom desse to. Dette vert eit tema for eit leiarmøte. Leiarane tek så informasjonen vidare til sine medarbeidarar. AMU - vedtak: Personalplan for Fedje kommune vert vedteke med dei skisserte endringane i følgjande punkt: Retningslinjer mot uønska deltid, Etiske spelereglar, Sjukefråværsoppfølging og Permisjon for tiltreding av stilling hjå anna arbeidsgjevar. Samrøystes vedteke.
Sakspapir Saksbehandler Arkiv ArkivsakID Vidar Bråthen 14/751 Saksnr Utvalg Type Dato 009/14 Arbeidsmiljøutvalet PS 11.11.2014 014/14 Eldrerådet PS 06.11.2014 005/14 Ungdomsrådet PS 10.11.2014 Formannskapet PS Kommunestyret PS Økonomiplan 2015-2018 Vedlegg: økonomiplan2014 vb utkast Skjema 1AB_2AB Saksutgreiing: Bakgrunn Utkast til økonomiplan for planperioden 2015 2018. Fast rutine. Kommunebudsjettet for 2015 inngår som basisår i økonomiplanen. Enkel rullering av planforslaget frå sommaren 2014. Det aller meste av det som vart omtalt i økonomiplanen tidlegare i år ligg fast, men pga. tilstrammingar i kommuneøkonomien, var det nødvendig å gjennomføra ytterlegare driftsmessige innsparingar. Vurdering Inntekstsveksten i statsbudsjettet frå oktober i år er ikkje nok for å dekka inn kommunen sine løpande kostnader fullt ut. Driftsnivået må ned. Det er ikkje rom for at inntektene lenger held tritt med kostnadsutviklinga. For å kunne levera eit tilfredsstillanade resultat i framtida, må kommunen dekka inn delar av kostnadsveksten ved driftsmessige innsparingar. Dette er det teke høgde for i den økonomiplanen som vert lagt fram i november 2014. Alternativt må kommunen vurdera å utvida ordninga med eigedomsskatt for verk og bruk til og å omfatta hus og fritidseigedom for å dekka inn det meste av inntekstapet for neste 4 års periode. For dei fleste områda, er revidert økonomiplan i godt samsvar med planforslaget som kommunestyret handsama i septembermøte i år. Nytt: Driftsnivået for komande 4 års periode er justert ned pga. statsbudsjettet som vart lagt fram.
Driftsnivået for 2015 ligg godt under dagens driftsnivå. Stillingstalet er justert ned. Dette er grunngjeve med at dette er ein helt nødvendig korrigering for å kunne oppretthalda ein tilfredsstillande budsjettbalanse for resten av perioden. Det ligg ingen dramatikk i dette. Pleie og omsorgssenter er sett på vent. I staden vert det sett av penger til ombygging til enkeltrom med bad for dei av våre eldre pleietrengjande som ikkje har tilfredsstillande buforhold på sjukeheimen. Grunngjeving: Ledig kapaistet / senger i pleie og omsorgssektoren. Konklusjon Utkast til ny økonomiplan for perioden 2015-2018 er tilpassa prognosar og talmateriale frå statlege styresmakter + føringar som kjem fram i statsbudsjettet for 2015. Mykje er ved det gamle, men noen innstrammingar var nødvendig for å leggja fram eit saldert budsjett for neste 4 års periode. Driftsnivået er nedjustert og planane om bygging av nye omsorgsbustader er sett på vent. Forslag til vedtak: Kommunen sluttar seg til planforslaget frå rådmann slik det ligg føre. Eldrerådet - 014/14 E - behandling: E - vedtak: Eldrerådet sluttar seg til rådmannen sitt planforslag med følgjande tillegg / merknader: Tilrettelegging av private livsløpsbustader / husvære. Eldrerådet ser det som ønskjeleg at kommunen legg til rette for bygging av av livsløpshusvære i nært samarbeid med private utbyggjarar/ andre. Målet er å imøtekoma dei eldre som har behov for andre buformar på sine eldre dagar. Samrøystes vedteke.
Arbeidsmiljøutvalet - 009/14 AMU - behandling: Vidar orienterte om økonomiplanen. Mogelege kutt i personell vert gjort ved naturleg avgang. Spørsmål om skulen sitt budsjett 2013. AMU - vedtak: Kommunen sluttar seg til planforslaget frå rådmann slik det ligg føre. Samrøystes vedteke.
Sakspapir Saksbehandler Arkiv ArkivsakID Vidar Bråthen 14/747 Saksnr Utvalg Type Dato 010/14 Arbeidsmiljøutvalet PS 11.11.2014 019/14 Eldrerådet PS 06.11.2014 004/14 Ungdomsrådet PS 10.11.2014 Formannskapet Kommunestyret Kommunebudsjettet 2015 Budsjettframlegg Vedlegg: Budsjett 2015 tekstdel Budsjett 2015 Saksutgreiing: Bakgrunn Administrasjonen v/ rådmann er beden om å leggja fram eit saldert budsjettframlegg etter same lest som fjoråret. Nytt: Verbaldelen er forenkla. Den er tilpassa kontoplanen på ansvarsnivå etter følgjande inndeling: Faktadel endringsdel og til slutt mål for 2015. Heimel: Kommunelova. Vurdering PS PS Budsjettframlegg med kommentarar vart sendt ut elektronisk i månadsskiftet oktober / november slik som avtalt i kommunen sitt økonomireglement. Materialet vart gjort tilgjengeleg for alle same dag som det vart lagt fram. Kommunebudsjettet for 2015 byggjer på innkomne budsjettframlegg frå våre budsjettansvarlege og andre bindingar som administrasjonen må halda seg til. Økonomiplanen er retningsgjevande for dei prioriteringar og val årsbudsjettet legg opp til. Rammene for neste år er litt svakare enn forventa. Inntektsveksten er mindre enn snittet for landet.
Vinnaren i år er vekstkommunane. For administrasjonen har det vore viktig å presentera eit budsjett i balanse med rom for framtidige investeringar. Vi klarer ikkje å imøtekoma anbefalingane om 3 % netto driftsresultat i 2015, men med eit stramt kommuneopplegg i 2015, er det neppe mange kommunar som klarer å levera eit slikt resultat. Nytt: Kommentarheftet er stramma opp slik som avtalt i fjor. Vi vonar at denne omlegginga vert vel motteke. Når det gjeld målformuleringane, er det framleis ein lang veg å gå. Alt er ikkje på plass slik vi vil, men mykje er gjort for å få økonomiarbeidet inn på eit betre spor. I årsbudsjettet er måla i økonomiplanen bryte ned som årsmål. I år vert utkast til økonomiplan lagt fram samtidig med årsbudsjettet. Førsteutkastet frå dei budsjettansvarleg viste seg å vera for optimistisk. Inntekstssvikten var større enn forventa og driftsnivået måtte ned med ca. 2 mill. kroner. Det vart noen ekstrarunder i administrasjonen før vi kom i mål. Det er sjølvsagt disponeringar her som smertar, men slik talgrunnlaget er, var det heilt nødvendig å justera driftsgrunnlaget. Når det gjeld innhalda og prioriteringar, viser vi til årsbudsjettet med kommentarar. Konklusjon Med dei tilstrammingar som kom i statsbudsjettet, var det nødvendig å justera driftsgrunnlaget for å leggja fram eit saldert kommunebudsjett for 2015. Det ligg ingen dramatikk i dette. Driftsnivået er tatt ned, der dette er fagleg forsvarleg og / el. behovet for kommunale tenester går ned. Forslag til vedtak: Kommunebudsjettet for 2015 vert godkjent slik det ligg føre. Eldrerådet - 019/14 E - behandling: E - vedtak: Fellesmerknader i eldrerådet : Slik situasjonen er på Fedje no, er eldrerådet samd i at bygging av eldrebustadar er sett på vent og at eksisterande rom vert modernisert. At kommunen har fått hand om areal ved sjukeheimen er gledeleg. Likeeins at aggregatet på det neraste er kome hamn. Den kulturelle spaserstokken: Slik eldrerådet ser det, er den kulturelle spaserstokken eit positivt insitament for våre eldste. Eldrerådet vil på det sterkaste anbefale at dette tilbodet held fram slik vi kjenner det i dag.
Folkehelsa: Eldrerådet krev at ansvarlege syter for at vegen til Vestkanten får ein tilfredsstillande standard. Det må vera mogleg å ferdast på våre vegar utan fare for liv og helse. Aktuelle tiltak : Bygging av møteplassar + trafikkskilt med gangfelt. Kommunebudsjettet for 2015 vert godkjent slik det ligg føre. Samrøystes. Arbeidsmiljøutvalet - 010/14 AMU - behandling: Vidar orienterte om budsjettforslaget. AMU - vedtak: Kommunebudsjettet for 2015 vert godkjent slik det ligg føre. Samrøystes vedteke.
Sakspapir Saksbehandler Arkiv ArkivsakID Jan Torry Sande FE - 440 14/748 Saksnr Utvalg Type Dato 011/14 Arbeidsmiljøutvalet PS 11.11.2014 Val av ny leiar i arbeidsmiljøutvalet Saksutgreiing: Bakgrunn Leiarvervet skal i rullerast i samsvar med 7-1. i arbeidsmiljølova: «Lederen for utvalget velges vekselsvis av arbeidsgiverens og arbeidstakerens representanter (utdrag frå lovtekst)» Vurdering Kristin Handeland er leiar i Arbeidsmiljøutvalet. Ho tek initiativ til at ein representant frå arbeidstakarsida tek på seg vervet. Folkehelse: Ikkje relevant her. Miljø: Ikkje relevant her. Økonomi: Ikkje relevant her. Konklusjon Det er ingen formelle hinder for eit slikt skifte. Forslag til vedtak: Leiarvervet går til ein representant for arbeidstakarsida. AMU peikar ut ein leiar i møte. Arbeidsmiljøutvalet - 011/14 AMU - behandling: AMU - vedtak: Leiarvervet går til ein representant for arbeidstakarsida. AMU peikar ut ein leiar i møte.
Forslag til leiar er Bjarte Vilanger. Leiar vert vald til å sitje ut kommunestyreperioden, og to år inn i neste. Samrøystes vedteke.
Sakspapir Saksbehandler Arkiv ArkivsakID Jan Torry Sande 14/749 Saksnr Utvalg Type Dato 012/14 Arbeidsmiljøutvalet PS 11.11.2014 Referatsaker Saksutgreiing: Forslag til vedtak: Referatsaker vert tekne til orientering. Arbeidsmiljøutvalet - 012/14 AMU - behandling: AMU - vedtak: Saka er lagt til ved ein feil og går ut.