Skatteetaten Rettleiing til utfylling av Næringsoppgåve 3 for forsikringsselskap, pensjonskasser o.a. Fastsett av Skattedirektoratet for inntektsåret 2014 Næringsoppgåve 3 for forsikringsselskap, pensjonskasser o.a. (RF-1170) skal leverast av alle føretak som kjem inn under forskrift 20.12. 2011 nr 1457 om årsregnskap for pensjonsforetak, 16.12.1998 nr. 1241 om årsregnskap m.m. for forsikringsselskaper (årsrekneskapsforskrifta for forsikringsselskap) 1-1 og norske filialar av utanlandske forsikringsselskap. Det vil seie at forsikringsselskap som har sitt hovudsæte og er underlagt tilsyn i Noreg, jf. lov av 10. juni 2005 nr. 44 om forsikringsselskaper, pensjonsforetak og deres virksomhet mv. (forsikringsverksemdlova), og holdingselskap med hovudsæte her i riket som eig forsikringsselskap, skal levere RF-1170. Filialar av utanlandske forsikringsselskap som er etablerte i Noreg etter finansieringsverksemdlova 1-4 pkt. 4 og 5, og pensjonskasser som kjem inn under forskrift av 20.12.2011 nr 1457, skal levere RF-1170. Næringsoppgåve 3 for forsikringsselskap, pensjonskasser o.a., RF- 1170 erstattar Næringsoppgåve 2 (RF-1167). Næringsoppgåve for forsikringsselskap skal leverast som vedlegg til Sjølvmelding for aksjeselskap o.a." (RF- 1028). Eit utanlandsk skadeforsikringsselskap kan etter føresegna i sktl. 8-5 (4) velje sjablongskattlegging. Etter Finansdepartementet si samleforskrift til skattelova, 8-5-1 (3) skal slike selskap som bilag til selvangivelsen vedlegge kopi av selskapets hovedregnskap. Videre vedlegges eller inntas i selvangivelsen oppgaver over og beregninger av inntekter som nevnt i første og annet ledd. Selskap som leverer slikt vedlegg til sjølvmeldinga slepp difor å levere Næringsoppgåve 3 (RF-1170). Det er utarbeidd ei felles næringsoppgåve for skadeforsikringsselskap og livsforsikringsselskap. Næringsoppgåva er på 6 sider og inneheld på side 1 felt for spesifikasjonar og tilleggsopplysningar som skal gjevast. På side 2 5 i næringsoppgåva finst ei oppstilling over resultatrekneskap og balanse. Oppstillinga av resultat og balanse byggjer på FORT (Forsikringsselskapenes Offentlige Regnskaps- og Tilsynsrapportering) og PORT (Pensjonskassenes Offentlige Regnskaps- og Tilsynsrapportering), og ikkje på oppstillingsplanen i årsrekneskapsforskriften for forsikringsselskap eller pensjonsforetak. Resultatrekneskapen på side 2 og 3 i næringsoppgåva byggjer på FORT 20 og PORT 20 (Årsresultat). Balansen på side 4 og 5 i næringsoppgåva byggjer på FORT 50 og PORT 50 (Årsbalanse). Det som skal rapporterast i næringsoppgåva er berre RF-1172N hovudpostane frå FORT/PORT. Teksten til postane på side 2 og 3 i næringsoppgåva (Resultat) tek utgangspunkt i teksten i rapport 20 for skadeforsikringsselskap. I dei tilfella teksten er forskjellig for skadeforsikringsselskap og livsforsikringsselskap er teksten til den einskilde posten todelt. Dette er markert med bruk av teiknet /. Teksten som gjeld skadeforsikring står framfor /, medan teksten for posten for livsforsikringsselskap følgjer bak skråstrekteiknet. Enkelte postar gjeld berre livsforsikringsselskap og skal berre fyllast ut av desse. Dette er markert med ein parentes (berre liv). Dersom rettleiinga til Næringsoppgåve 3 for forsikringsselskap, pensjonskasser o.a. avvik frå rettleiinga til FORT/PORT eller frå generelle retningslinjer frå Finansdepartementet eller Finanstilsynet, har rettleiingane frå desse forrang for rettleiinga til Næringsoppgåva 3 for forsikringsselskap, pensjonskasser o.a. Årsresultat frå side 3 og sum endring i forskjellar frå skjemaet "Skilnader mellom rekneskapsmessige og skattemessige verdiar" (RF-1217), skal overførast til side 6. På side 6 gjer ein òg dei andre endringane som er nødvendige for å kome fram til ei næringsinntekt/eit underskot som skal førast over til sjølvmeldinga. Realisasjonsprinsippet er innført som hovudregel for tidfesting av inntekter og kostnader for føretak som er årsrekneskapspliktige (sktl 14-2). Realisasjonsprinsippet inneber at inntekter skal skattleggjast når skattytar får ein vilkårslaus rett til ytinga. Kostnader kjem til frådrag når det oppstår ei vilkårslaus plikt til å dekkje eller innfri kostnaden. I sktl. 14-2 andre ledd andre punktum er det teke inn ei presisering om at kostnader knytte til ei plikt til å utføre, unnlate eller tåle noko i framtida, ikkje kan trekkjast frå før tidspunktet for å utføre, unnlate eller tåle noko har kome. Det gjeld særskilde reglar for tidfesting for livsforsikringsselskap, private tenestepensjonskasser og kommunale og fylkeskommunale pensjonskasser, jf. sktl. 14-4 tredje ledd. SIDE 1 I NÆRINGSOPPGÅVA Rekneskapsperiode Her fører ein starttidspunkt og sluttidspunkt (dato) for rekneskapsperioden, normalt 01.01.14 til 31.12.14 (andre tidspunkt kan vere aktuelle ved t.d. oppstart eller opphøyr av verksemd i løpet av året). Datoen skal gjevast opp med seks siffer, som i dømet over. Dersom verksemda har avvikande rekneskapsår gjev ein opp den rekneskapsperioden som er i bruk, t.d. 01.06.13 til 31.05.14. Inneheld næringsoppgåva omrekningsdifferansar som skuldast omrekning av rekneskap frå utanlandsk valuta, jf. bokføringsforskrifta 4-2? Dersom rekneskapen er ført i ein annan valuta enn NOK eller inneheld avdelingsrekneskap som er ført i ein annan valuta enn NOK, skal ein gje opp kva valuta som er brukt, jf. bokføringsforskrifta 4-2, rekneskapslova 3-4 og IAS 21. Alle postar i næringsoppgåva skal førast i NOK. Ved omrekning av rekneskap som er ført i annan valuta enn NOK, kan det oppstå omrekningsdifferansar. Differansane oppstår av di det skattemessige omrekna resultatet ikkje samsvarer med endringane i eigenkapitalen i løpet av inntektsåret. For skattemessig handsaming av omrekningsdifferansar, sjå Finansdepartementet si fråsegn i brev av 21. april 2009. Rekneskapsførar Etter 3 i lov om autorisasjon av regnskapsførere (rekneskapsførarlova) skal namnet og forretningsadressa til den eksterne rekneskapsføraren førast på alle dokument som rekneskapsføraren utarbeider for oppdragsgjevaren. Øvst på side 1 er det sett av eit eige felt for dette. Nærare spesifisering av forsikringstekniske- og forsikringsmessige avsetjingar o.a. Her spesifiserer ein nærare høvesvis forsikringstekniske avsetjingar og forsikringsmessige avsetjingar i tillegg til nokre eigenkapitalpostar. Skadeforsikringsselskap fyller ut postane 0100 0180 og livsforsikringsselskap fyller ut postane 0200 0245. Faktisk avsetjing er avsetjingane ved utgangen av rekneskapsperioden. Minstekrava er
dei krava Finanstilsynet set til storleiken på dei forsikringstekniske- og forsikringsmessige avsetjingane. I spesifikasjonspostane på side 1 skal ein gje ei fullstendig oversikt over dei avsetjingane og postane under EK som eksplisitt følgjer av særføresegnene for forsikringsselskap. Skadeforsikringsselskap: Forsikringstekniske avsetjingar o.a. Post 0100 Avsetjing for ikkje opptent bruttopremie Her fører ein avsetjing for ikkje opptent bruttopremie. For nærare spesifikasjon av posten, sjå post 3800 i rettleiinga. Her fører ein òg minstekravet til avsetjing for ikkje opptent bruttopremie. Bruk tal som er rapporterte til Finanstilsynet pr. 31.12. Post 0110 Brutto erstatningsavsetjing Her fører ein alle melde og ikkje melde skader som har kome til. Post 0120 Avsetjing til premierabattar og andre gevinstavtalar Beløpet skal vere det same som i post 3820 i næringsoppgåva, klassifisert som gjeld. Post 0130 Tryggingsavsetjing o.a. Her fører ein tryggingsavsetjing gjort av skattytaren i samsvar med minstekapitaldekningskravet fastsett av Finanstilsynet. Feltet minstekrav skal òg fyllast ut. Avsetjinga er ikkje obligatorisk for NUF. Post 0160 Andre tekniske avsetjingar Beløpet som blir ført her skal vere det same som i post 3840 i næringsoppgåva, klassifisert som gjeld. Post 0170 Avsetjing til naturskadefond Beløpet skal vere det same som i post 4087 i næringsoppgåva, klassifisert som eigenkapital. Post 0180 Avsetjing til garantiordning Beløpet skal vere det same som i post 4088 i næringsoppgåva, klassifisert som eigenkapital. Livsforsikringsselskap: Forsikringsmessige avsetjingar o.a. Post 0200-0240 Forsikringsmessige avsetjingar. Postane dekkjer forsikringsmessige avsetjingar for kontraktar både med og utan investeringsval. Postane utgjer til saman post 3705 og 3720 i næringsoppgåva. Post 0235 Kursreguleringsfond Her registrerer ein berre forsikringsmessige avsetjingar utan investeringsval. Alle meirverdiar ut over kostpris på finansielle omløpsmiddel i kollektivporteføljen skal leggjast til kursreguleringsfondet. Dette omfattar aksjar, obligasjonar, tilhøyrande derivat og urealisert gevinst/tap på valutaterminkontraktar på balansedagen. Post 0236 Supplerande avsetjingar Her fører ein berre forsikringsmessige avsetjingar med investeringsval. Post 0245 Risikoutjamningsfond Avsetjingar til dekning av eventuelt framtidig negativt risikoresultat skal spesifiserast her. Beløpet skal vere det same som i post 4085 i næringsoppgåva, klassifisert som eigenkapital. SIDE 2-5 I NÆRINGSOPPGÅVA Generelt om resultatrekneskap og balanse Både resultatrekneskapen og balansen skal vise tala for året før. Særskilt om bruken av forteikn i skjema Alle tal skal førast utan forteikn når det går fram av ledeteksten eller er førehandstrykt. Forteikn skal berre brukast dersom talet skal ha motsett verknad av det som går fram av ledeteksten eller er førehandstrykt. RESULTATREKNESKAPEN Inntekter Post 1010 Premieinntekter o.a. /Premiar Her fører ein forfallen bruttopremie for perioden, dvs. all premie som har forfalle til betaling, inkludert premie som ikkje er betalt. For skadeforsikringsselskap: Gjenforsikringsdel av forfalne premiar. Endring i avsetjing for ikkje opptent bruttopremie. Gjenforsikringsdel av endring i avsetjing for ikkje opptent premie For livforsikringsselskap: Avgjevne gjenforsikringspremiar. Post 1020 Overføring av premiereservar frå andre (berre livsforsikring) Her fører ein overføring av forsikringsmidlar ved flytting av forsikringskontraktar frå andre. Post 1030 Renteinntekter o.a. Her fører ein renteinntekter frå innskot, vekslar, sertifikat, ihendehavarobligasjonar, finansielle derivat og utlån o.a. Utbetalingar for opptente renter ved kjøp av verdipapir skal kostnadsførast her som motrekning for seinare renteinnbetalingar. Renter på skatt skal førast i post 1150. Side 2 Post 1035 Avkastning på obligasjonsog pengemarknadsfond Her fører ein renter, utbytte, netto verdiendringar og netto realisert gevinst/tap på obligasjons- og pengemarknadsfond. Post 1039 Utbytte og konsernbidrag på aksjar og partar i eigedomsselskap Utbytte og konsernbidrag knytte til indirekte eigde eigedomar skal førast her og ikkje under post 1090 Driftsinntekter faste eigedomar. Post 1040 Anna utbytte på aksjar, partar og eigenkapitalbevis inkl. konsernbidrag Her fører ein utbytte på aksjar, partar og eigenkapitalbevis som ikkje gjeld indirekte eigde eigedomar, og som ikkje blir vurdert etter eigenkapitalmetoden. Utbytte på partar i andre verdipapirfond enn obligasjons- og pengemarknadsfond skal òg førast her. Konsernbidrag som blir klassifisert som finansinntekt skal førast her, bidraget skal då tilbakeførast i post 7410 "Andre frådrag", for deretter å inntektsførast i post 209 i sjølvmeldinga for aksjeselskap o.a. Post 1042 Resultatdel eigenkapitalmetoden (Kan vere negativ.) Her fører ein resultatdel frå investeringar i konsernselskap, tilknytte selskap og felleskontrollert verksemd, som blir vurdert etter eigenkapitalmetoden. Post 1063 Netto verdiendringar på direkteeigde bygningar og annan fast eigedom Her fører ein netto urealiserte gevinstar/tap og netto verdireguleringar på bygningar og annan fast eigedom som er vurdert til verkeleg verdi, og netto nedskrivingar og reversering av nedskrivingar, jf. sktl. 14-4, tredje ledd. Dette omfattar ikkje indirekte eigd eigedom som skal førast i post 1065. (Posten kan vere negativ.) Post 1065 Netto verdiendringar på indirekte eigde bygningar og annan fast eigedom Her fører ein netto urealiserte gevinstar/tap og netto verdiereguleringar på indirekte eigde bygningar og annan fast eigedom som er vurdert til verkeleg verdi, og netto nedskrivingar og reversering av nedskrivingar. Post 1069 Andre netto verdiendringar Her fører ein netto verdiendringar på andre eigedelar. Dvs. netto urealiserte gevinstar og urealiserte tap og netto verdireguleringar på eigedelar som er vurdert til verkeleg verdi, og netto nedskrivingar og reversering av nedskrivningar på ein eigedel som er
vurdert etter eigenkapitalmetoden eller amortisert kost. Alle kredittap og tapsnedskrivingar på utlån skal førast her. (Posten kan vere negativ.) Post 1073 Netto realiserte gevinstar/tap på direkteeigde bygningar og annan fast eigedom Her fører ein netto realiserte gevinstar/tap på bygningar og annan fast eigedom. Dette omfattar ikkje indirekte eigd eigedom som skal førast i post 1075. (Posten kan vere negativ.) Post 1075 Netto realiserte gevinstar/tap på indirekte eigde bygningar og annan fast eigedom Her fører ein netto realiserte gevinstar/tap på bygningar og annen fast eigedom som er eigd indirekte. Post 1079 Andre netto realiserte gevinstar/tap Her fører ein netto realiserte gevinstar/tap på andre eigedelar. (Posten kan vere negativ.) Post 1080 Provisjonar og administrasjonsgebyr Her fører ein provisjonar og gebyr knytte til forsikringsrelaterte tenester og finansielle tenester (t.d. gebyr o.a. knytte til forvalting, emisjonar og omsetning av verdipapir). Provisjonsinntekter av avgjeven gjenforsikring og koassuranseforretning skal ikkje førast her, men i post 1370. Post 1090 Driftsinntekter faste eigedomar Her fører ein inntekter av drift av fast eigedom som er direkteeigd. Post 1140 Andre forsikringsrelaterte inntekter Her fører ein ordinære forsikringsrelaterte inntekter som ikkje blir førte under andre postar. Post 1150 Rente på skatt og andre inntekter i ikkje-teknisk rekneskap Her fører ein renteinntekter av for mykje innbetalt skatt og andre ikkje tekniske inntekter som ikkje kjem inn under inntekter frå finansielle eigedelar. Kostnader Post 1300 Erstatningskostnader/ ErstatningarPensjoner Her fører ein: Alle brutto pensjoner eller erstatningsbeløp som på grunnlag av forsikringsavtalen er betalte til forsikringstakarane eller andre som har rettar etter forsikringsavtalen, i rekneskapsperioden. Dei betalte erstatningane skal i tillegg dekkje selskapet sine eksterne og interne utgifter til skadehandsaming. Den delen av brutto erstatningar som reassurandørane skal betale på grunnlag av inngådde avtalar. (I hovudsak ein reduksjon av erstatningskostnadene.) For skadeforsikringsselskap: Endring i erstatningsavsetjing, dvs. erstatningsavsetjingane på slutten av rekneskapsperioden minus avsetjingane på byrjinga av rekneskapsperioden. Gjenforsikringsdel av endring i erstatningsavsetjing, dvs. erstatningsavsetjingane av gjenforsikringsdelen på slutten av rekneskapsperioden minus avsetjingane på byrjinga av rekneskapsperioden. Nedskriving av tap skal ikkje førast her. Post 1310 Overføring av premiereserve o.a. til andre (berre liv) Her fører ein overføring av forsikringsmidlar ved flytting av forsikringskontraktar til andre forsikringsselskap/pensjonskasser. Post 1315 Endring i andre forsikringstekniske avsetjingar/resultatførte endringar i forsikringsmessige avsetjingar (ekskl. administrasjonsavsetjing/ risikoutjamningsfond) For skadeforsikringsselskap: Her fører ein endringar i avsetjingar for ikkje avløpt risiko, tryggingsavsetjingar og andre tekniske avsetjingar, ekskl. administrasjonsavsetjingar. For livselskap: Her fører ein alle resultatførte endringar i forsikringsmessige avsetjingar, ekskl. endringar i risikoutjamningsfond og justering av forsikringsmessige avsetjingar. Posten skal førast med negativt forteikn dersom endringa er ei inntekt. Post 1340 Premierabattar og andre gevinstavtalar (berre skade) Her fører ein premierabattar og gevinstavtalar til fordel for forsikringstakarane eller andre som har rettar etter forsikringsavtalen, når desse har kome til i rekneskapsperioden. Ei eventuell fordeling/utdeling av element av finansresultatet bør førast som utbytte. Premierabattar og andre inntekter knytte til gevinstavtalar som selskapet har motteke, skal førast netto mot kostnader. Post 1350 Midlar tilordna forsikringskontraktar (berre liv) Her fører ein alle beløp som i rekneskapsåret skal tilførast forsikringskontraktar utan investeringsval av det som er opptent i rekneskapsperioden. Post 1365 Rentekostnader Her fører ein alle rentekostnader, bortsett frå renter på skatt som skal førast i post 1460. Side 3 Post 1370 Provisjonar, kurtasje o.a. Her fører ein provisjonar til agentar o.l. og provisjonar for motteken og avgjeven gjenforsikring og koassuranse. Kurtasje, gebyr og andre kostnader knytte til verdipapirforvaltinga skal òg førast her. Post 1381 Lønn og personalkostnader Her fører ein alle former for lønnskostnader til dei tilsette i forsikringsselskapet. Dvs. alle former for lønnsgodtgjersle, overtidsgodtgjersle, gratiale og bonus, feriepengar og lønn under sjukdom, militærteneste og anna fråvere. Andre personalkostnader som t.d. arbeidsgjevaravgift, pensjonskostnader og kostnader til utdanning og kurs skal førast her. Godtgjersle til andre enn eigne tilsette for anna verksemd enn ordinær forretningsdrift, skal førast i post 1460. Godtgjersle for tenester til vedlikehald og ordinær drift av fast eigedom, t.d. reingjeringsbyrå, skal førast i post 1390. Post 1382 Honorar Her fører ein godtgjersle for tenester som blir ytte av andre enn dei tilsette i forsikringsselskapet til ordinær forretningsdrift, inkludert honorar til ekstern revisor. Godtgjersle for tenester som andre enn eigne tilsette yter til anna verksemd enn ordinær forretningsdrift, skal førast i post 1460. Post 1390 Driftskostnader faste eigedomar Her fører ein ordinære kostnader knytte til eigedomar som forsikringsselskapet eig direkte. Dette gjeld m.a. kostnader ved oppvarming, elektrisk kraft, forsikringspremie, eigedomsskatt, tomteleige, utgifter til reingjeringsbyrå, reparasjonar og vedlikehald. Post 1440 Andre ordinære driftskostnader Her fører ein andre driftskostnader som inngår i den tekniske rekneskapen, bortsett frå avskrivingar. Dette gjeld t.d. leige- og driftskostnader for leigde lokale og for eigne og leigde maskiner, inventar, transportmiddel o.a. Vidare fører ein her anskaffing av maskiner, inventar o.a. som ikkje blir aktiverte. Salskostnader, forsikringsrelaterte administrasjonskostnader og administrasjonskostnader knytte til investeringar som ikkje høyrer inn under nokon annan post, skal òg førast her. Post 1451 Avskrivingar av bygningar og annan fast eigedom Her fører ein ordinære avskrivingar knytte til bygningar og annan fast eigedom som forsikringsselskapa eig direkte. Post 1452 Andre avskrivingar Her fører ein ordinære avskrivingar for andre eigedelar.
Post 1460 Emisjonskostnader, rente på skatt og andre kostnader Her fører ein andre ikkje tekniske kostnader som ikkje kjem inn under postane over. Godtgjersle for tenester som andre enn eigne tilsette yter til anna verksemd enn ordinær forretningsdrift og drift av faste eigedomar, skal førast her. Post 1600 Resultat før skattekostnad Posten skal svare til beløpet som er registrert i den offisielle rekneskapen, linja for resultat før skattekostnad. Post 1650 Periodeskatt Posten dekkjer skatt som er rekna ut på grunnlag av skattemessig resultat i perioden (betalbar skatt). Også korreksjonar for tidligare avsetninger skal tas med her. Post 1660 Endring i forpliktingar ved utsett skatt Endring i utsett skatteforplikting på grunn av endring i mellombelse forskjellar. Også korreksjonar for tidligare avsetninger skal tas med her. Post 1850 1890 Spesifikasjon av andre resultatkomponentar Her fører ein til dømes opp- eller nedskriving av eigedom, aktuarmessige gevinstar og tap på ytingsbaserte pensjonsordningar i samsvar med IAS 19, gevinstar og tap som oppstår av omrekning av finansrekneskapen til ein utanlandsk verksemd jf. fråsegn frå Finansdepartementet av 21. april 2009 (valutakursendringar), gevinstar og tap ved ny måling av finansielle eigedelar som er tilgjengelege for sal (IAS 39) og den effektive delen av gevinstar og tap på sikringsinstrument i ei kontantstraumsikring (IAS 39). For nærare spesifikasjon, sjå IAS 1, forskrift om årsregnskap m.m. for forsikringsselskaper av 16.12.1998 nr. 1241. Post 1900 Totalresultat Posten skal svare til beløpet som er registrert i den offisielle rekneskapen, linja for totalresultat" (disponibelt resultat). BALANSE Eigedelar Kontantar, innskot og verdipapir Post 3010 Kontantar og innskot Posten dekkjer norske og utanlandske setlar og skiljemynt, og plassering av midlar i norske og utanlandske bankar som ikkje har karakter av utlån (t.d. lån til bankar/finansieringsføretak mot pant i fast eigedom, lån til bankar/finansieringsføretak i form av ansvarleg lån). I tillegg skal ein føre tilgodehavande som har oppstått ved vanleg kontomellomvere mellom forsikringsselskapet og bankar. Overtrekk på bankinnskot skal førast i post 3600. Post 3021 Obligasjonar, sertifikat o.l. Her fører ein behaldning av statskassevekslar, sertifikat og ihendehavarobligasjonar, inkludert premieobligasjonar, konvertible obligasjonar og part i ansvarleg lånekapital (partialobligasjonar). Post 3022 Obligasjons- og pengemarknadsfond Her fører ein partar i obligasjons- og pengemarknadsfond. Post 3031 Eigarinteresser i selskap med avgrensa ansvar som blir førte etter eigenkapitalmetoden Her fører ein eigarinteresser i konsernselskap og tilknytte selskap som ikkje er deltakarlikna. Eigarinteresser i som blir vurderte etter eigenkapitalmetoden fører ein i post 3347. Post 3035 Aksjar i eigedomsselskap Her fører ein aksjar i indirekte eigde eigedomar. Post 3036 Andre aksjar, partar i verdipapirfond og eigenkapitalbevis Her fører ein andre aksjar, partar og eigenkapitalbevis enn dei ein fører i post 3031 og 3035. Partar i verdipapirfond som ikkje inngår i post 3022, skal førast her. Det same gjeld aksjar og partar i eigedomsselskap og -fond, og kapitalinnskot i pensjonskasser. Eigne aksjar eller eigenkapitalbevis skal ikkje først her, men i post 4030 og 4040. Post 3037 Partar i norske deltakarlikna eigedomsselskap (KS og ANS o.a.) og norske indre eigedomsselskap (IS) Her fører ein indirekte eigde eigedomar som ein eig gjennom deltakarlikna selskap. Post 3038 Partar i andre norske (KS og ANS o.a.), og andre norske indre selskap (IS) Her fører ein kapitalinnskot i pensjonskasser. Post 3039 Partar i utanlandske Her fører ein partar i utanlandske deltakarlikna selskap. For informasjon om oppgåveplikta for norske deltakarar i utanlandske ansvarlige selskaper o.a., sjå forskrift av 15. mars 1993 nr. 199. Dersom ein registrerer eit beløp i denne posten, medfører det plikt til å levere inn separat likningsoppgåve på vegner av det utanlandske et. Sentralskattekontoret for Storbedrifter utfører likning av dei utanlandske a. Side 4 Post 3061 Finansielle derivat Her fører ein alle finansielle derivat, inkludert valutarelaterte-, renterelaterte-, eigenkapitalrelaterte-, varerelaterte derivat og andre kontraktar. Post 3071 Andre verdipapir Her fører ein andre eigedelar som ikkje er nemnde ovanfor. Utlån, fordringar og andre finansielle eigedelar Postane skal dekkje fordingar på kundar og finansinstitusjonar når fordringa har ein klar karakter av utlån. Postane skal ikkje innehalde innskot i bankar eller plasseringar i verdipapir. Lån til bankar/ finansieringsføretak mot pant i deira faste eigedomar eller i form av ansvarleg lånekapital på annan måte enn i form av ihendehavarobligasjonar, skal førast som utlån. Det same gjeld overdragingssummen som forsikringsselskapet betalar for eigedelar som blir overdregne frå bankar eller andre i samband med ekte sals- og gjenkjøpstransaksjonar. Utlånspostane dekkjer òg behaldning av omsetningsgjeldsbrev. Utlåna skal førast som utlån heilt til forfall, og ikkje overførast til andre fordringar ved utfakturering. Utlånspostane skal førast opp brutto, det vil seie før eventuelt fråtrekk av spesifiserte- og uspesifiserte tapsavsetjingar. Post 3101 Utlån Her fører ein part i ansvarleg lånekapital, lån i form av ansvarleg lånekapital som blir gjeve på annan måte enn i form av ihendehavarobligasjonar. Vidare fører ein utlån med pant i bustad eller pant i anna enn bustad. Andre utlån til varig eige/ikkje varig eige skal òg førast her. Her fører ein nedskrivingar på utlån, jf. forskrift om regnskapsmessig behandling av utlån og garantier i finansinstitusjoner av 21. desember 2004 nr. 1740. Posten skal vere negativ. Her fører ein nedskrivingar på grupper av utlån, jf. forskrifta som er nemnt ovanfor. Posten skal vere negativ. Post 3201 Gjenforsikringsdelar av forsikringstekniske/forsikringsmessi ge avsetjingar For skadeforsikringsselskap: Her fører ein gjenforsikringsdelar av forsikringstekniske avsetjingar i samsvar med 3-9 i forskrift om årsrekneskap o.a. for forsikringsselskap. Gjenforsikringsdelen omfattar dei faktiske eller dei pårekna beløpa som skadeforsikringsselskapet ventar å få frå gjenforsikringsselskapet i samsvar med inngådde gjenforsikringsavtalar, etter nedskriving for verdifall. For livsforsikringsselskap: Her fører ein gjenforsikringsdelen av forsikringsmessige avsetjingar i samsvar
med 3-19 i forskrift om årsrekneskap o.a. for forsikringsselskap. Gjenforsikringsdelen omfattar dei faktiske eller dei pårekna beløpa som livsforsikringsselskapet ventar å få frå gjenforsikringsselskapet i samsvar med inngådde gjenforsikringsavtalar, etter nedskriving for verdifall. Post 3211 Opptente, ikkje forfalne inntekter Posten dekkjer inntekter som blir betalte etterskotsvis, men som ikkje har forfalle til betaling, t.d. leigeinntekter og renter på ihendehavarobligasjonar og renter på utlån med etterskotsrente. Opptente, ikkje forfalne renter som blir førte på underliggjande objekt, skal ikkje førast her. Post 3212 Forskotsbetalte kostnader Her fører ein den delen av dei forskotsbetalte kostnadene som ikkje er påkomne, t.d. direkte salskostnader som er vesentlege for selskapet, overfinansiering av pensjonsforpliktingar, forskotsleige for lokale eller andre kostnader som regelbunde blir betalte for eit bestemt tidsrom (renter på innlån). Forskotsbetalte rentekostnader som blir førte på underliggjande objekt, skal ikkje førast her, men på objektet. Post 3220 Andre fordringar Her fører ein fordringar på teikna kapital. Dette gjeld kapitalforhøgingar der kapitalen er teikna, men ikkje innbetalt. Her fører ein òg forfalne premiar som ikkje er betalte av forsikringstakarar eller meklarar, fordringar på gjenforsikring, gjenforsikringsdepot og andre typar fordringar. Post 3340 Eigedelar ved skatt (utsett skattefordel) Her fører ein balanseførte eigedelar ved skatt. (Tidlegare utsett skattefordel som kan førast opp i balansen i samsvar med førebels norsk rekneskapsstandard for resultatskatt (1999) NRS og IAS 12.) Post 3347 Andre eigedelar Her fører ein andre eigedelar som ikkje er tekne med i postane over, t.d. innskot frå leigebuarar og overfinansiering av pensjonsforpliktingar. Post 3350 Goodwill Her fører ein goodwill i samsvar med 3-3 i forskrift om årsrekneskap o.a. for forsikringsselskap, jf. rekneskapslova 5-7 og IAS 38 (immaterielle eigedelar). Post 3360 Andre immaterielle eigedelar Her fører ein andre identifiserbare immaterielle eigedelar, sjå 3-3 i forskrift om årsrekneskap o.a. for forsikringsselskap, jf. rekneskapslova 5-7 og IAS 38 (immaterielle eigedelar). Realkapital og andre immaterielle eigedelar Post 3405 Investeringseigedom Posten dekkjer investeringseigedom, inkludert bygningar under oppføring, oppussing og ombygging. Eigedom som er eigd gjennom eit selskap eller fond skal ikkje førast i denne posten, men i postane 3035 til 3038. Post 3410 Bygningar og fast eigedom, brukt av eigaren Posten dekkjer eigne bygningar, eigedomar og tomter som nyttast til eige bruk, inkl. eigne forretningsbygg under oppføring, oppussing og ombygging. Post 3430 Maskiner, inventar og transportmiddel Her fører ein i tillegg til maskiner, inventar og transportmiddel, òg innreiing i leigde lokale og laus innreiing i lokale i eige bygg. Gjeld og eigenkapital Lån, anna gjeld og avsetjingar Post 3600 Lån I denne posten fører ein likviditetslån, kassakreditt, verdipapirlån, repolån og motposten til ekte gjenkjøpsavtalar som forsikringsselskapet eventuelt har. I tillegg fører ein pantegjeld på eigne faste eigedomar. Vidare fører ein overdragingssummen knytt til gjenforsikringsavtalen (verdipapir- /repolån). Post 3610 Påkomne, ikkje forfalne kostnader Her fører ein periodiserte kostnader som skal reknast ut mest mogleg nøyaktig for kvar rapporteringsperiode. Posten dekkjer kostnader som er påkomne, men ikkje har forfalle til betaling. Dvs. kostnader som kjem på regelbunde for visse tidsrom, t.d. etterskotsrente på eigne lån, leiger, opptent lønn og ferielønn. Påkomne, ikkje forfalne renter skal ikkje førast her, men på underliggjande objekt. Post 3620 Mottekne, ikkje opptente inntekter Her fører ein periodiserte inntekter som skal reknast ut mest mogleg nøyaktig for kvar rapporteringsperiode. Posten dekkjer innbetalte inntekter som ikkje er opptente, t.d. leigeinntekter, etableringsgebyr (sjå forskrift om årsoppgjer o.a. for forsikringsselskap 4-13) og provisjonar. Post 3640 Utbytte, konsernbidrag, avsatt til renter på innskutt kapital o.l. Her fører ein utbytte, renter på eigenkapitalbevis og konsernbidrag som skal utbetalast på selskapskapitalen når generalforsamlinga har gjort vedtak om dette. Før det er gjort generalforsamlingsvedtak om utbetaling, Side 5 skal utbytte, renter på eigenkapitalbevis og konsernbidrag førast under eigenkapital. Skal da førast under post 4090. For pensjonskasser vil beløpet alltid førast som gjeld. Post 3650 Finansielle derivat Her fører ein gjeld som har oppstått ved handel med finansielle derivat. Post 3670 Anna gjeld Her fører ein forpliktingar knytte til direkte forsikring, gjenforsikring, premiedepot frå gjenforsikringsselskap (dvs. beløp som er deponert av, eller haldne tilbake frå andre forsikringsselskap i samsvar med gjenforsikringsavtalane). Vidare fører ein gjeld som ikkje er ansvarleg lånekapital. Her fører ein òg mellom anna skattetrekk, arbeidsgjevaravgift og andre trekk, meirverdiavgift, leverandørgjeld, kortsiktig mellomvere med kundar knytt til omsetning av verdipapir, leigebuarinnskot osb. Posten dekkjer ikkje ansvarleg lånekapital. Post 3675 Forpliktingar ved skatt Her fører ein både utlikna og ikkje utlikna periodeskatt. I tillegg fører ein forpliktingar ved utsett skatt. Post 3680 Andre avsetjingar o.l. Her fører ein underfinansiering av pensjonsforpliktingar jf. Norsk rekneskapsstandard nr. 6 om pensjonskostnader, NRS 2000. Vidare fører ein spesifiserte og uspesifiserte tapsavsetjingar på garantiar og avsetjingar til dekning av kurstap på verdipapir ut over den nettoverdien desse er vurderte til. Forsikringsmessige avsetjingar i livsforsikring, ekskl. risikoutjamningsfond Med forsikringsmessige avsetjingar meiner ein midlar som er avsette til å dekkje selskapet sine forpliktingar. Post 3705 Forsikringsmessige avsetjingar, ekskl. risikoutjamningsfond, for kontraktar utan investeringsval Her fører ein forsikringsmessige avsetjingar, ekskl. risikoutjamningsfond, som skal dekkje dei forpliktingane selskapet har etter kontraktar med kontrakstfastsette forpliktingar. Premiefond, innskotsfond og pensjonsreguleringsfond knytte til kontraktane skal takast med i posten. Post 3720 Forsikringsmessige avsetjingar, ekskl. risikoutjamningsfond, for kontraktar med investeringsval Her fører ein forsikringsmessige avsetjingar, ekskl. risikoutjamningsfond, som skal dekkje selskapet sine forpliktingar knytte til verdien av ei
særskild investeringsportefølje. Premiefond, innskotsfond og pensjonsreguleringsfond knytte til kontraktane skal takast med i posten. Post 3730 Kursreguleringsfond Her fører ein livsforsikringsselskapa sine urealiserte gevinstar på finansielle omløpsmiddel som går over til kollektivporteføljen, jf. forsikringsverksemdlova 9-20. Forsikringstekniske avsetjingar i skadeforsikring, ekskl. adm. avsetjing Sjå forskrift av 10. mai 1991 nr. 301 og utfyllande forskrift av 18. november 1992 nr. 1242 om forsikringstekniske avsetjingar og risikostatistikk i skadeforsikring. Sjå òg 3-6 til 3-12 i rekneskapsforskrifta. Administrasjonsavsetjing, avsetjing til naturskadefond og avsetjing til garantiordninga, skal reknast inn som eigenkapital. Post 3800 Avsetjing for ikkje opptent bruttopremie Her fører ein den delen av bruttopremien som svarar til den ikkje avløpte delen av dekningsperiodane for forsikringane (dvs. rett periodisering). Sjå rekneskapsforskrifta 3-10. Døme på avsetjing for ikkje opptent premie i skadeforsikring : Ein forsikringspremie blei inngådd for 1/4-10 til 31/3-11. Årspremien er på kr 12 000. Pr. 31.12.10 blir følgjande status registrert: -Premieinntekter - 9 000 - Bank + 12 000 - Avsetjing for ikkje opptent premie - 3 000 Post 3810 Brutto erstatningsavsetjing Her fører ein forventa framtidige erstatningsutbetalingar og eksterne og interne skadehandsamingskostnader knytte til skadetilfelle som har kome på før balansedagen, men som ikkje er oppgjorde innan balansedagen. Sjå rekneskapsforskrifta 3-11. Post 3820 Avsetjing til premierabattar og andre gevinstavtalar Her fører ein dei premiebeløpa som er tilbakebetalte eller skal tilbakebetalast til forsikringstakarane, jf. 4-14 i rekneskapsforskrifta. Post 3830 Tryggingsavsetjing o.a. Her fører ein avsetjing for ikkje avløpt risiko. Dvs. dei beløpa som i tillegg til ikkje opptent premie, er sette av for å dekkje forventa utgifter til eventuelle framtidige skadetilfelle knytte til dei forsikringane som er aktive på balansedagen. Ansvarleg lånekapital Her fører ein ansvarleg lånekapital i samsvar med forskrift om utrekning av ansvarleg kapital for finansinstitusjonar, fastsett av Finansdepartementet 1. juni 1990. Ansvarleg lånekapital i valuta skal reknast om til norske kroner ved utgangen av rekneskapsåret. Post 3905 Obligasjonslån Posten inkluderer evigvarande ansvarleg lånekapital, dvs. at låneavtalen ikkje inneheld klausular som tillet långjevaren å krevje tilbakebetaling av lånet. Det er ikkje nødvendig å skilje mellom ordinære ikkje-konvertible og konvertible lån. Andre ansvarlege lån som ikkje er evigvarande, skal førast i post 3910. Ei behaldning av eigne obligasjonar/fondsobligasjonar skal førast med negativt forteikn i denne posten. 3910 Annan ansvarleg lånekapital Her fører ein ansvarlege lån som ikkje blir førte i post 3905 eller 3920. I tillegg fører ein andre ansvarlege lån som ikkje er evigvarande i denne posten. 3920 Fondsobligasjonar Posten inkluderer evigvarande ansvarleg lånekapital, dvs. at låneavtalen ikkje inneheld klausular som tillet långjevaren å krevje tilbakebetaling av lånet. Andre ansvarlege lån som ikkje er evigvarande, skal førast i post 3910. Ei behaldning av eigne obligasjonar/fondsobligasjonar skal førast med negativt forteikn i denne posten. Eigenkapital Innskoten eigenkapital skal førast i post 4010, 4020, 4030, 4040, 4049, 4050, 4051 og 4052. Post 4010 Aksjekapital Her fører ein forsikringsselskapet sin aksjekapital til pålydande verdi. Post 4020 Kapital i form av eigenkapitalbevis Her fører ein selskapskapital i form av eigenkapitalbevis til pålydande verdi. Post 4030 Eigne aksjar Her fører ein forsikringsselskapet sine eigne aksjar til pålydande verdi. Behaldninga av eigne aksjar skal førast med negativt forteikn. Post 4040 Eigne eigenkapitalbevis Her fører ein forsikringsselskapet sine eigne eigenkapitalbevis til pålydande verdi. Behaldninga av eigne eigenkapitalbevis skal førast med negativt forteikn. Post 4049 Garantifond Her fører ein gjensidige selskap sine garantifond minus eventuell ansvarleg lånekapital eller selskapskapitalen i form av eigenkapitalbevis. Side 6 Post 4050 Overkursfond Her fører ein overkurs ved teikning av aksjar eller eigenkapitalbevis etter frådrag for kostnader i samband med teikninga (emisjonen). Post 4051 Teikna, ikkje registrert kapitalforhøging Her fører ein kapitalforhøging som ikkje er registrert i Føretaksregisteret. Post 4052 Annan innskoten eigenkapital Her fører ein konsernbidrag frå morselskapet til dotterselskap. I tillegg fører ein eigenkapitaldelen av samansette finansielle instrument og andre eigenkapitalinstrument. Òg annan innskoten eigenkapital skal førast i denne posten. Post 4070 Fond for vurderingsforskjellar (gjeld skadeforsikring) Sjå aksjelova 3-3. Post 4075 Fond for urealiserte gevinstar Sjå aksjelova 3-3a. Gjeld skadeforsikringsselskap. Post 4085 Risikoutjamningsfond Gjeld livsforsikringsselskap. Her fører ein avsetjing til risikoutjamningsfond. Post 4086 Administrasjonsavsetjing Gjelder skadeforsikringsselskap. Her fører ein avsetjing til administrative kostnader i samband med ei eventuell avvikling av forsikringsselskapet. Post 4087 Avsetjing til naturskadefond Gjeld skadeforsikringsselskap. Her fører ein avsetjing etter lov av 16. juni 1989 nr. 70 om naturskadeforsikring. Post 4088 Avsetjing til garantiordning Gjeld skadeforsikringsselskap. Her fører ein avsetjing til skadeforsikringsselskapa si garantiordning, eller kredittforsikringsselskapa si garantiordning, jf. forskrift av 22. desember 2006 nr. 1617 om skadeforsikringsselskapenes garantiordning og lov om sikringsordninger for banker, forsikringsselskapenes garantiordninger og offentlig administrasjon m.v. av finansinstitusjoner 2A. Post 4090 Annen opptjent egenkapital Her fører ein utbytte, renter på egenkapitalbevis og konsernbidrag, før det er beslutta utbetaling i generalforsamligsvedtak. Se under post 3640.
SIDE 6 I NÆRINGSOPPGÅVA Utrekning av næringsinntekt Post 7010 Representasjonskostnad som ikkje gjev frådragsrett Her fører ein den delen av kostnadsførte representasjonskostnader som ikkje gjev rett til frådrag ved inntektslikninga. Post 7020 Kontingentar som ikkje gjev frådragsrett Her fører ein kostnadsførte kontingentar som ikkje gjev rett til frådrag ved inntektslikninga. Post 7040 og 7310 Rentekostnad på ilikna skatt/ renteinntekt på tilbakebetalt skatt Her fører ein kostnadsførte renter på ilikna skatt og renteinntekter på tilbakebetalt skatt. Rentekostnadene gjev ikkje rett til frådrag ved inntektslikninga, og dei går inn under post 1460. Renteinntektene er ikkje skattepliktig inntekt, og går inn under post 1150. Post 7050 Andre kostnader som ikkje gjev frådragsrett Her fører ein andre kostnader som ikkje gjev rett til frådrag, t.d. bøter, gebyr o.l., som følgjer av brot på lover og forskrifter, muting o.a. Post 7060 og 7320 Tilbakeføring av resultatdel frå investering i dotterselskap, tilknytt selskap og felleskontrollert verksemd Ved bruk av eigenkapitalmetoden og bruttometoden skal resultatdelen frå dotterselskap, tilknytte selskap og felleskontrollert verksemd førast tilbake her. Resultatdelen er rekneskapsmessig ført i post 1042, men skal ikkje verke inn på det skattemessige resultatet. Ved bruk av bruttometoden er del av inntekter og kostnader rekneskapsmessig ført saman med dei andre inntektene og kostnadene til verksemda. Netto positivt resultat blir tilbakeført i post 7320 og netto negativt resultat blir tilbakeført i post 7060. Utbytte av investeringar vurdert etter kostmetoden og inntektsført i post 1040 skal ikkje trekkjast ut i post 7320. Post 7070 Foreslege utbytte frå dotterselskap og tilknytt selskap ved bruk av eigenkapitalmetoden Posten skal brukast for utbytte som ikkje fell inn under fritaksmetoden. For verksemder som har kontrollerande innverknad i ei anna verksemd vil det vere god rekneskapsskikk å inntektsføre utbytte i det året avsetjinga til utbytte blir gjort. For verksemder som verdset ein eigarpart etter eigenkapitalmetoden, vil delen av utbyttet vere trekt ut i post 7320. Av skjematekniske grunnar skal eit slikt utbytte leggjast til i post 7070. Etter dette vil næringsinntekta/- underskotet vere korrigert til å berre innehalde avsett utbytte frå dotterselskap og tilknytte selskap. Inntektsført avsett utbytte frå dotterselskap eller tilknytte selskap fører til ein mellombels forskjell, sidan utbyttet først er skattepliktig i vedtaksåret. Skjemamessig er denne mellombelse forskjellen plassert i post 71 i "spesifikasjonsskjemaet" (RF-1217). Post 71 skal òg fyllast ut ved bruk av kostmetoden når det avsette utbyttet er inntektsført rekneskapsmessig. Post 7082 og 7332 Tilbakeføring av netto verdiendring knytt til selskapsporteføljen (berre liv) Her fører ein tilbake verdiendring av marknadsbaserte finansielle omløpsmiddel. Verdiendringar er rekneskapsmessig kostnads-/inntektsført i post 1072, men skal ikkje verke inn på det skattemessige resultatet. Post 7090 og 7340 Rekneskapsmessig tap/rekneskapsmessig gevinst ved realisasjon av aksjar og andre verdipapir Her fører ein høvesvis det rekneskapsmessige tapet og den rekneskapsmessige gevinsten ved realisasjon av aksjar o.a. Rekneskapsmessig gevinst/tap inngår i post 1074. Post 7100 og 7350 Skattemessig gevinst/skattemessig tap ved realisasjon av aksjar og andre verdipapir Her fører ein høvesvis skattemessig gevinst og skattemessig tap ved sal av aksjar o.a. Beløpet skal overførast frå post 902 i skjemaet "Aksjar og fondspartar m.m. (RF 1059)". Ein skattytarar som kjem inn under fritaksmetoden, jf. sktl. 2-38, er ikkje skattepliktig for gevinst ved realisasjon av aksjar o.a., og må passe på at gevinsten ikkje blir ført opp her. Tilsvarande har skattytarar som kjem inn under fritaksmetoden i utgangspunktet ikkje frådragsrett for tap ved realisasjon av aksjar o.a., og må passe på at tapet ikkje blir ført opp her. Merk at fritaksmetoden ikkje kjem til anvendelse for inntekt og tap på aksjar o.a., i livsforsikringsselskap og pensjonsforetak som inngår i kollektivporteføljen og investeriongsvalgporteføljen, jf sktl 2-38 syvende ledd. Post 7105 Skattepliktig utbytte på aksjar o.l. Her fører ein skattepliktig utbytte og tillegg etter skattelova 16-30 femte ledd. Fritaksmetoden i sktl. 2-38 avgjer om utbyttet er skattepliktig eller ikkje. Fritaksmetoden gjeld ikkje utbytte på aksjer mv i livsforsikringsselskap og og pensjonsforetak som inngår i kollektivporteføljen og investeriongsvalgporteføljen, jf sktl 2-38 syvende ledd. Side 7 Post 7110 og 7360 Rekneskapsmessig nedskriving o.a. som er kostnadsført i året / reversering av nedskriving på aksjar o.a. for tidlegare år som er inntektsført Her tilbakefører ein rekneskapsmessig nedskriving på aksjar av di slik nedskriving skal førast som ein rekneskapsmessig kostnad som verkar inn på årsoverskotet/-underskotet utan at beløpet skattemessig gjev rett til frådrag. Dersom tidlegare nedskriving på aksjar er reversert og dette er ført i resultatrekneskapen, vil ein måtte føre den inntektsmessige verknaden til frådrag i post 7360. Nedskriving og reversering av nedskriving på aksjar og andre verdipapir inngår i post 1072. For livsforsikring skal nedskriving av faste eigedomar òg inngå her. Post 7115 Tre prosent av netto skattefrie inntekter etter fritaksmetoden Her blir 3 % av selskapet sine netto skattefrie inntekter etter fritaksmetoden tilbakeført til skattlegging. Dette gjeld følgjande av selskapet sine inntekter: utbytte på aksjar osb., utdeling frå deltakerligna selskap (ANS, KS mv) Dette gjeld likevel ikkje utbytte mellom konsernselskaper. Inntekta blir redusert med tap som ikkje gjev frådragsrett etter fritaksmetoden i same perioden. Post 7120 og 7370 Del av rekneskapsmessig underskot/del av rekneskapsmessig overskot i norske Her fører ein tilbake den rekneskapsmessige resultatverknaden av partar i norske. Resultatverknaden av den einskilde selskapsparten kan vere spreidd på fleire postar i resultatrekneskapen, eller den kan vere ført på ein post i resultatrekneskapen, avhengig av kva metode som er brukt. Post 7121 og 7371 Del av rekneskapsmessig underskot/del av rekneskapsmessig overskot i utanlandske Her fører ein tilbake den rekneskapsmessige resultatverknaden av partar i utanlandske deltakarlikna selskap. Resultatverknaden av den einskilde selskapsparten kan vere spreidd på fleire postar i resultatrekneskapen, eller den kan vere ført på ein post i resultatrekneskapen, avhengig av kva metode som er brukt. Post 7130 og 7380 Del av skattemessig underskot/del av skattemessig overskot i norske Her korrigerer ein for skattemessig overskot/underskot i norske. Her fører ein
høvesvis del av skattemessig overskot/underskot i deltakarlikna selskap. Beløpa overfører ein frå RF-1221 "Deltakaren si oppgåve over eigen formue og inntekt i deltakarlikna selskap". Post 7131 og 7381 Del av skattemessig underskot/del av skattemessig overskot i utanlandske Her korrigerer ein for skattemessig overskot/ underskot i utanlandske. Her fører ein høvesvis del av skattemessig overskot/underskot i deltakarlikna selskap. For omrekning av resultat, sjå forskrift av 15. mars 1993 nr. 199 1, tredje ledd. Beløpa overfører ein frå RF- 1221 "Deltakaren si oppgåve over eigen formue og inntekt i deltakarlikna selskap". Om frådrag for underskot i utanlandsk (KS, ANS o.l.), sjå skattelova 10-41 første ledd. Post 7140 og 7390 Rekneskapsmessig tap/rekneskapsmessig gevinst ved realisasjon av partar i norske Her fører ein høvesvis rekneskapsmessig tap/gevinst ført i resultatrekneskapen ved sal av norske selskapspartar. Rekneskapsmessig tap/gevinst inngår i post 1610, 1074 og 1870. Post 7141 og 7391 Rekneskapsmessig tap/rekneskapsmessig gevinst ved realisasjon av partar i utanlandske Her fører ein høvesvis rekneskapsmessig tap/gevinst ført i resultatrekneskapen ved sal av utanlandske selskapspartar. Rekneskapsmessig tap/gevinst inngår i post 1074 og 1870. Post 7150 og 7400 Skattemessig gevinst/skattemessig tap ved realisasjon av partar i deltakarlikna selskap Her fører ein høvesvis skattemessig gevinst/tap ved sal av selskapspartar. Frå og med inntektsåret 2006 er m.a. aksjeselskap o.a. fritekne frå skatteplikt på gevinst ved realisasjon av partar i, jf. sktl. 2-38 andre ledd bokstav b. Tilsvarande vil slike selskap ikkje har rett til frådrag for tap ved realisasjon av partar. Post 7405 Sjablongfradrag for livsforsikringsselskap og pensjonsføretak Livsforsikringsselskap og pensjonsføretak som har eigerandeler og finansielle instrumenter som fell innafor skatteloven 2-38 annet ledd, og som forvaltes i kollektivporteføljen og investeringsvalgporteføljen, jf. skatteloven 2-38 syvende ledd kan få fradrag i skattepliktig inntekt. Ved beregning av fradraget vil følgjande inntekter inngå: a) del av overskott etter forsikringsvirksomhetsloven 9-12 tredje ledd, b) del av overskott etter forskrift 30. juni 2006 nr 869 til forsikringsvirksomhetsloven (livsforsikring mv.) 7-1 c) del av overskott etter forskrift 30. juni 2006 nr 869 til forsikringsvirksomhetsloven (livsforsikring mv.) 4-1) Fradraget vil vere grunnlaget multiplisert med ein faktor. Faktoren setter ein til den delen av inntekten etter skatteloven 2-38 syvende ledd som er skattefri etter skatteloven 2-38 andre til fjerde ledd. Post 7160 og 7410 Andre tillegg og andre frådrag inkludert utbytte Her fører ein frådrag for skattefrie offentlege tilskot. Vidare fører ein emisjonskostnader og endring pga. feil i tidlegare årsrekneskap som er førte direkte mot eigenkapitalen og som skal gje frådragsverknad. Endringar i rekneskapsprinsipp som blir førte direkte mot eigenkapitalen vil ikkje vere resultatført, men verkar inn på balanseverdiar som er førte i skjema RF- 1217 "Skilnader mellom rekneskapsmessige og skattemessige verdiar". Dette skal ikkje ha skattemessig verknad og må difor rettast her. Føretak som har teke ut eigedelar frå norsk skattleggingsområde etter skattelova 9-14, må i desse postane korrigere for rekneskapsmessige inntekter og kostnader. Rekneskapsmessig netto overskot for driftsmiddel som er tekne ut av norsk skattleggingsområde skal leggjast til næringsinntekta i post 7160. Tilsvarande skal rekneskapsmessig netto overskot trekkjast frå næringsinntekta i post 7410. Gevinst for eigedelar og forpliktingar som blir skattepliktig i uttaksåret fører ein i post 7160. Motsvarande tap som gjev frådrag fører ein i post 7410. Denne gevinsten/dette tapet skal uansett ikkje førast på gevinst- og tapskontoen. I denne posten blir inntektsført utbytte ført tilbake. Med inntektsført utbytte meiner ein anten utbytte som er resultatført eller motteke utbytte som er resultatført tidlegare år. Beløpet skal spesifiserast i eit eige beløpsfelt. For skattytarar som kjem inn under fritaksmetoden (jf. sktl. 2-38) vil utbyttet vere skattefritt dersom det er utdelt på lovleg måte. Dersom utbyttet er skattefritt, skal det ikkje førast opp i sjølvmeldinga RF-1028. For skattytarar som ikkje kjem inn under fritaksmetoden vil utbyttet vere skattepliktig inntekt. Utbytte skal då inntektsførast i post 209 i sjølvmeldinga RF-1028. Ved bruk av eigenkapitalmetoden eller bruttometoden skal heile resultatdelen tilbakeførast i post 7320 eller i post 7060. Utbyttedel for skattytarar som ikkje kjem inn under fritaksmetoden, skal difor ikkje førast i denne posten. For skattytarar som ikkje kjem inn under fritaksmetoden, fører ein foreslege utbytte i post 7070 og i post 71 i RF-1217. Seinare år skal motteke utbytte inntektsførast skattemessig ved å reversere forskjellen i post 71 i RF-1217, tilbakeføre det i denne posten og inntektsføre det i sjølvmeldinga. Post 7550 Endring i forskjellar som verkar inn på forholdet mellom rekneskapsmessig og skattemessig inntekt frå post 100 i RF-1217 Her fører ein summen av endringar i forskjellar som kjem fram i post 100 i skjemaet "Skilnader mellom rekneskapsmessige og skattemessige verdiar RF-1217". Dersom summen av endringar er positiv, skal beløpet leggjast til inntekta. Ein negativ sum skal trekkjast frå inntekta. Post 7700 Næringsinntekt (skal overførast til sjølvmeldinga) Næringsinntekta skal overførast til post 201 i Sjølvmelding for aksjeselskap o.a. (RF-1028). Post 7800 Næringsunderskot (skal overførast til sjølvmeldinga) Underskotet skal overførast til post 222 i Sjølvmelding for aksjeselskap o.a. (RF- 1028). Side 8