Kvinnherad kommune MØTEPROTOKOLL Utval Eldrerådet Møtedato 22.01.2013 Møtestad Møterom 1, Halsnøytunet Møtetid 10:00 14:00 Følgjande medlemmer møtte: Namn Funksjon Repr Kristian Hus Leiar Sigmund Nordfonn Medlem FRP Åshild Sjøwall Medlem Marit Storedale Medlem Nils Harald Kaldestad Medlem Følgjande medlemmer møtte ikkje: Namn Funksjon Repr Følgjande varamedlemar møtte: Namn Vara for Repr Følgjande frå administrasjonen møtte: Namn Stilling Sverre Vevelstad Møtesekretær MERKNADER: Orienteringar: Verksemdsleiar Anne Tangen Rørdal orienterte om tenestene i Halsnøysona og eldrerådet fekk også omvising på Halsnøytunet. Permisjonar: Ingen. Inhabile: Ingen. Evt. endring på saksrekkefølgje: Ingen. Tilleggssaker: Kvinnherad kommune side 1
Ingen. 1. Referat og meldingar. a) Orientering om Samtalegruppe 1 62 + på Husnes. Eldrerådet synest dette er eit svært positivt tiltak som gjerne kan vidareførast i andre bygder i kommunen også. Ein vil be om at gruppa marknadsfører sine tilbod vidare. b) Invitasjon til regional samling for eldreråda i Etne, 5/6 2013. Kvinnherad eldreråd vil stille med så mange deltakarar som mogleg her. c) Pressemelding om billettering på snøggbåtane. d) Melding om oppstart av planarbeid, industriomr. Opsangerneset. e) Melding om oppstart av planarbeid, hyttefelt Grunnavåg, Halsnøy. 2. Årsmelding 2012. Denne vart godkjent. 3. Uttale til reg.plan 163/ 4, 14. 15 m.fl. Akvakulturområde Øyarhamn, Varaldsøy. Uttale: Kvinnherad eldreråd har ingen merknader til framlagte planforslag. 4. Administrativ organisering i Kvinnherad kommune. Eldrerådet diskuterte saka og kom fram til at det berre er to område i framlegget frå prosjektgruppa som har interesse for dei eldre. Dette gjeld forslaget om eit eiga forvaltningskontor lagt til Fellestenester og eit eiga bustadkontor innafor Tekniske tenester. Uttale: I utgongspunktet er eldrerådet skeptisk til oppretting av nye kontor i fare for enda meir byråkrati. Dette er vel heller ikkje i tråd med politikarane sine gode intensjonar om sparing. På den andre sida ser eldrerådet fordelar med eit eiga forvaltningskontor som kan samordna dei ulike tenestetilboda til brukarane og gjere sakshandsaminga enklare og meir rettvis for alle kommunale innbyggjarar enn i dag, der fleire soner er sakshandsamarar. Ein føresetnad må då vere at personale frå dei ulike verksemdene i dag vert overførte til dette kontoret utan at det vert oppretta nye stillingar for desse i neste omgong. Eldrerådet vil elles føreslå at ordninga med eiga tildelingskontor vert evaluert etter eit års funksjon. Når det gjeld framlegget om å opprette eit eiga bustadkontor, støttar eldrerådet dette. Dette kontoret må rekruttere den nødvendige kompetanse som i dag finst ved TRV i tillegg til på tekniske tenester, slik at brukarane sine Kvinnherad kommune side 2
ulike behov og boligmassen kommunen rår over, kan samordnast. Elles støttar og eldrerådet innstillinga om å leggje prosjektet Aktiv Fritid til verksemda Kultur og Fritid. 5. Kommunedelplan for idrett og fysisk aktivitet. Eldrerådet har spesielt teke for seg kp. 5 Friluftsliv og kp. 6. Folkehelse i sin vurdering av planen. Uttale: Vi støttar både dei ulike målsettingar og forslag til tiltak som her er skisserte for desse 2 områda, og ser det elles som naturleg at ulike lag og foreiningar i dei ulike bygdesamfunn i kommunen vert trekte inn i eit samarbeid når det gjeld vidare utvikling av arenaer for ulike fysiske aktivitetar. Universell utforming må liggje som eit viktig prinsipp for all aktivitet i planen. 6. Eldresenter på Husnes. Denne saka har vore oppe til diskusjon i eldrerådet sidan mai 2008, og vart sist handsama i møte 20/10 2011. Noverande eldreråd viser til saksutgreiinga frå dette møtet, og vil fullt ut støtte dei tankane som kom fram då. Dagsenter for eldre på Husnes. Uttale frå møte i eldrerådet 20/10-2011: Utgongspunktet for denne saka var skriv frå Søral pensjonistforening v/nils Harald Kaldestad til Kvinnherad eldreråd om å ta opp denne saka og gå i drøftingar med kommunen om eit slikt aktivitetssenter sentralt på Husnes. Denne saka vart og handsama i eldrerådet i møte 27/5 2008 på eiga initiativ etter brev frå Søral Pensjonistforening og Utåker Husnes Pensjonistforening til ordføraren. Uttalen den gong var: Eldrerådet stiller seg einstemmig bak kravet om etablering av eldresenter i Husnes sentrum. Eldrerådet er klar over at Husnes er i ferd med å utvikle seg til eit sentrum i den tettast befolka del av kommunen, og med eit stigande tal pensjonistar. I tillegg er det ein klar tendens til at eldre flyttar inn frå bygdene omkring og etablerer seg så nær sentrum som mogleg. Dette er med på å skape ei eldrebølge på staden, som det må leggjast til rette for. Eldrerådet ber om at kommunen snarast kjem i gong med etableringa av eit eldresenter i Husnes sentrum. Eldrerådet anbefaler og kommunen å søkje kontakt med organisasjonar/andre brukarar som t.d. Astma- og allergiforeninga, LHL foreninga, Høyrselshemmaforeninga m.fl. i tillegg til pensjonistforeningane for å kome fram til ei ordning som gir best mogleg drift av eit slikt senter. Kvinnherad kommune side 3
Eldrerådet er også klar over at det er trong for liknande tiltak på andre stader i kommunen, om enn i mindre målestokk, men like viktig for dei dette gjeld. Eldrerådet ber derfor kommunen stille seg positiv og støttande til dersom nokon finn grunnlag for å etablere tiltak som også kan vere eit tilbod for eldre. Tidlegare hadde ein brukande lokale i Kvadraten, men etter at lokala her forsvann og vart flytta til Frivilligsentralen, har erfaringsmessig lokala i Aksen vist seg å ikkje vere store nok til føremålet som dagsenter for eldre. Daglegstova ved Husnestunet er heller ikkje brukande til eit slikt senter. Konklusjon/vedtak: Kvinnherad eldreråd ber kommunen ta inititiv til å leggje til rette for brukande lokale i Husnes sentrum som dagsenter for pensjonistane i samarbeid med Søral Pensjonistforening, Utåker Husnes Pensjonistforening og andre foreningar som har bruk for liknande lokale. Dette ønskje frå eldrerådet m.fl. organisasjonar/lag/foreiningar er også i tråd med målsetjinga for kommunen sitt arbeid for folkehelsa gjennom ei styrkjing av eksisterande møteplassar gjennom natur-, kultur- og helseaktivitetar. Vedtak: Kvinnherad eldreråd vender seg på nytt til kommunen v/ordførar, rådmann, verksemdleiar for Kultur og Fritid og ber om hjelp til å undersøkje i marknaden etter brukande samlingslokale for ulike aktivitetar for eldre. 7. Ymse. a) Div. brosjyrematr. i samband med Folkehelsemeldinga, St.meld 16/2002-2003 vart overlevert leiar. b) Møteplan for kommunale møte for vårhalvåret: P.g.a. stadige endringar her, må ein følgje med på kommunen si heimeside. Det vil ikkje verte trykt opp fleire ekspl. i informasjonsavd. på rådhuset. c) Prosjektet Om å bu lengst mogleg i eiga heim. Eldrerådet vart i sitt møte 4. des. 2012 orientert om nemnte prosjekt av Anne Tangen Rørdal, verksemdleiar i Halsnøysona, som bad om innspel frå eldrerådet i gruppa sitt vidare arbeid. Eldrerådet sin leiar hadde til møtet utarbeidd eit framlegg til oversendingsbrev, som resten av medlemmene slutta seg til. d) Bruken av den kommunale bustaden i Spania. Eldrerådet ber om at denne bustaden vert betre marknadsført mellom aktuelle brukarar i rehabiliteringsaugemed. e) Førespurnad frå private aktørar til eldrerådet v/leiar om uttale i høve div. saker. Eldrerådet gir prinsipielt leiar myndigheit til å uttale seg på vegne av rådet. Elles vil det og vere naturleg at private eller lag/grupper vert inviterte til å leggje fram sakene sine i møte med heile eldrerådet. f) Vararepr.lista. Eldrerådet vil i eit av dei neste møta kalla inn alle vararepresentantane for å Kvinnherad kommune side 4
gjere dei meir informerte i arbeidet rådet står for. Kvinnherad kommune side 5
Årsmelding for Kvinnherad eldreråd - 2012. Medlemmer av Kvinnherad eldreråd for perioden 2012 2015 vart vald av Kommunestyret i møte 15/12 2011 med dette resultat: Medlemmer: Kristian Hus Åshild Sjøwall Marit Storedale. Nils Harald Kaldestad. Sigmund Nordfonn, pol. vald. Personlege varamedl.: Sigrun Storhaug. Elisabeth Storedale Haavik. Hans Albrethson. Knut Sjøwall. Jostein Grov, (pol. vald). I første møtet etter valet konstituerte rådet seg slik: Leiar: Nestleiar: Kristian Hus. Åshild Sjøwall. Sekretær for eldrerådet: Sverre Vevelstad. Aktiviteten i meldingsåret: Antal møte i rådet: Det er avvikla 8 møte i meldingsåret, herav 2 fellesmøte med rådet for funksjonshemma. Antal saker handsama: Det er handsama 49 saker i meldingsåret, nokre av desse har vore teke opp til diskusjon i fleire møte og nokre vert framleis jobba med. Oversikt over saker: - Drøftingsnotat etter vedtak i Kommunestyret 17.11.11 Utbygging av Rosendalstunet. - Det er tilsaman gitt uttale i 8 reg.plan-saker. - Vidareføring av kommunen sitt arbeid med universell utforming i samsvar med nasjonale retningsliner. - Samarbeidsavtaler mellom Kvinnherad kommune og Helse Fonna i høve Samhandlingsreforma. - Forslag til nye husleigesatsar for kommunale bustader. - Sal av kommunale bustader. - Sal av Sæbøvik gamle kommunehus. - Sal av Sætre gamle skule. - Sak om vidare driftsavtale med Dill AS. - Reglane for sakshandsaming i eldrerådet. - Synfaring ved Rosendalstunet med orientering om verksemda v/verksemdleiar Ellen Korsvold. - Plan for vidare utbygging av Rosendalstunet. - Auke i satsane for dagsentertilbod i sjukeheimane i Kvinnherad. - Billetteringsordninga på snøggbåtane i Sunnhordlands-regionen. - Fellessamling for eldreråda i regionen, på Bømlo 6. juni. Kvinnherad kommune side 6
Møtedeltaking/representasjon: - Synfaring på Ølve Alderspensjonat med orientering om verksemda v/verksemdleiar Grete Revne. - Kommunedelplan Trafikksikring 2012 2020. - Kommunale bustadprosjekt. - Revidert budsjett 2012. Økonomiplan 2012 2015. - Den kulturelle spaserstokken. Orientering v/verksemdleiar Kristian Bringedal. - Plan for psykisk helsevern 2012 2020. - Prosessen med reduksjon av 8 mill. for Hatlestrandsona. Orientering v/kommunalsjef Gunn Tove Petterteig. - Kommundelplan for Sandvoll, Holmedal, Matre og Åkra. - Synfaring Varaldsøy aldersheim. Orientering v/styrar Tone Gaugstad. - Omgjering av Varaldsøy aldersheim til dagsentertilbod og base for heimetenesta for folk på Varaldsøy. - Førebyggjande helsearbeid. Orientering v/verksemdleiar Anna Tangen Rørdal, Halsnøysona. - Kommundelplan for vassforsyning og avløp. - Forslag til innsparing på utgifter til matlevering i Kvinnherad kommune. - Røynsler med Samhandlingsreforma så langt. Orientering v/verksemdleiar Sigurd Næss, Husnessona. - Sak om ekstraløyving til innkjøp av ny buss ved Rosendalstunet. Nestleiar Åshild Sjøwall held fram som eldrerådet sin repr. I Tverrfagleg rehabiliteringsteam. På eldrerådskonferansen i Bergen i okt. var Kvinnherad eldreråd representert med 3 deltakarar. På eldrerådssamlinga for eldreråda i Sunnhordland på Bømlo 6. juni deltok Kvinnherad eldreråd med 3 medl. + sekretæren. Kvinnherad eldreråd v/leiar søkte kommunestyret om møte- og talerett i Kommunestyremøta før oktober-møtet ( slik eldrerådet 2008 2011 hadde), men fekk avslag på søknaden frå ordføraren, og har seinare ikkje høyrt noko meir. Kvinnherad kommune side 7