Kviteseid kommune Møteinnkalling Utval: Formannskapet Møtestad: Brunkeberg, Kommunehuset Dato: 19.05.2011 Merk!!!!!!!!!!!!! Tidspunkt: 17:00 Merk!!!!!!!!!!!!!! Dersom De ikkje kan møte, ber ein om at De melder frå til sentralbordet tfn. 35068100 eller møtesekretær tfn. 35068107 snarast råd. Varamedlemmar møter bare etter særskilt innkalling.
Saksliste Utvalssaksnr PS 51/11 PS 52/11 PS 53/11 Innhald Godkjenning av protokoll Referatsaker Utviding av barnegruppa, Straumsnes oppvekstsenter Lukka
PS 51/11 Godkjenning av protokoll
PS 52/11 Referatsaker
Kviteseid kommune Arkiv: A11 Saksmappe: 2011/519-2 Sakshand.: Ellen Marie Prag Dato: 26.04.2011 Saksframlegg Utval Utvalssak Møtedato Sektorutvalet for oppvekst og omsorg 12/11 05.05.2011 Formannskapet 53/11 19.05.2011 Kommunestyret 19.05.2011 Utviding av barnegruppa, Straumsnes oppvekstsenter Vedlegg: 1 Eiga småbornsgruppe i barnehagen ved Straumsnes oppvekstsenter i Vrådal Faktiske tilhøve: Barnehageopptak for 2011/2012 er no førebels avslutta. Resultatet av opptaket følgjande: Kviteseid barnehage: 21 23 barn over 3 år,14 17 under 3 år 5 plassar ledige 1 dg/v og frå -1 3 plassar 4 dg/v (før 01.12) Brunkeberg oppv.s, barnehage: 18 19 barn o. 3 år, 9 11 barn u. 3 år 2 6 plassar ledige Straumsnes oppv.s, barnehage: 8 9 barn o. 3 år 4 plassar ledige 2 dg/v Lov om barnehager 8 seier: Kommunen har plikt til å tilby plass i barnehage til barn under opplæringspliktig alder som er bosatt i kommunen, jf. 12a... I 12 a står det: Barn som fyller ett år senest innen utgangen av august det året det søkes om barnehageplass, har etter søknad rett til å få plass i barnehage fra august i samsvar med denne loven med forskrifter. Barnet har rett til plass i barnehage i den kommunen der det er bosatt. For å oppfylle retten barn har etter barnehagelova, er det 3 barn under 3 år som søkjer om opptak i Straumsnes, som har fått tilbod om plass i Kviteseid barnehage (2 barn) og i Brunkeberg oppvekstsenter (1 barn). Dei har klaga på vedtaket, og bede om ei ny vurdering etter som det er upraktisk å nytte eit barnehagetilbod i ein anna del av kommunen. Denne situasjonen vart drøfta i formannskapet 13. april, der rådmannen vart beden om å førebu ei sak om utviding av barnegruppa ved Straumsnes. Sektorleiar har drøfta med rektor og assisterande einingsleiar, om det kan vere mogleg å utvide barnegruppa. Dei har kome med eit framlegg til løysing. Sjå vedlegg. Å utvide barnegruppa vil
også krevje utvida bemanning. Det har dessutan kome ein oversikt over behov for ekstra materiell/utstyr, på til saman omlag kr. 25.000. Vurdering: Kommunen har, etter lova, oppfylt plikta ein har ved å gje tilbod i ein annan barnehage. Sett i ljos av at kommunen strevar med å rekruttere nye innbyggjarar, er det eit lite heldig signal at ein gjev barnefamiliar eit barnehagetilbod dei vanskeleg kan nytte seg av. Det er positivt at det er blitt så stor søking til barnehagen på Straumsnes. Ved å utvide barnegruppa på Straumsnes, løyser det ut eit personalbehov, jf Forskrift av 20.12.2005 om pedagogisk bemanning, der det står at det skal vere min. ein pedagogisk leiar pr 14 18 plassar. (7 14 barn under 3 år) Det er ikkje budsjettrammer for ei slik utviding ved Straumsnes. I tillegg til utviding av personale er det behov for innkjøp av noko ekstra utstyr. Noko av desse utgiftene kan kompenserast for innanfor sektorens eigne rammer, ved at personale ved Kviteseid barnehage vert reduserast med 10 % stilling, og ved Brunkeberg 40 % p.g.a. ledige plassar der. Etter som det ikkje lenger er øyremerkt statstilskot til barnehagedrift, vil det berre gje ekstra inntekter i form av foreldrebetaling til Straumsnes. Tilsvarande inntekter vert reduserte frå budsjettet til Kviteseid barnehage og Brunkeberg oppvekstsenter. For Kviteseid barnehage vil manglande inntekter utgjere berre ein månad, då det er søknader for 2 barn som er gamle nok for inntak frå medio september. Foreldrebetaling for 1 plass 5 dagar/veka kostar kr. 2.330,- per månad, for 11 månader kr. 25.630, for hausthalvåret 5/11 utgjer det 11.650 pr. barn og for vårhalvåret kr. 13.980. Framtidsutsikter Ser ein på barnegruppa på Straumsnes for 2012, er det ingen av barna som skal byrje i 1.klasse hausten 2012 som går i barnehagen no. I tillegg er det berre 2 barn som er fødde i 2009 som vil fylle 3 år i løpet av 2012. (Barn under 3 år tel for 2). Dette gjer at ein må vere førebudd på ei eventuell utviding av barnegruppa på Straumsnes også for barnehageåret 2012/2013. Når det gjeld heilårsverknad 2012, vil det vere avhengig av korleis barnegruppene i Brunkeberg og Kviteseid ser ut for barnehageåret 2012/2013. Det ein veit førebels, er at det er 8-9 barn i kvar av barnehagane som skal byrje på skulen i Brunkeberg og Kviteseid frå hausten 2012, slik at det vert frigjort plassar i desse barnehagane. Økonomiske konsekvensar Haust 2011 Vår 2012 Heilårseffekt Auka bemanning, Straumsnes 214 000 300 000 514 000 Utstyrsbehov 20 000 5 000 5 000 Auka brukarbetaling, Straumsnes -34 950-41 940-76 890 Total kostnad, Straumsnes 199 050 263 060 442 110 Effekt, andre barnehagar Redusert bemanning, Kviteseid -21 000-30 000-51 400 Redusert bemanning, Brunkeberg -86 000-120 000-206 000 Redusert brukarbetaling, Kv.eid 4 660 Redusert brukarbetaling, Br.berg 11 650 13 980 25 630 Netto kostnad, utviding 108 360 127 040 210 340 Oversikten viser at dersom barnegruppa på Straumsnes skal utvidast, manglar kr. 108.000 i finansiering for 2011. Slik rådmannen ser det er det to alternativ i denne saka.
1) Det eine alternativet er å ikkje gje klagarane medhald, og la barnehagetilbodet etter hovudopptaket stå ved lag. 2) Det andre alternativet er å gje klagarane medhald, og opne for ei utviding av barnegruppa ved Straumsnes. Ein føresetnad for dette er at Straumsnes får styrka budsjettet med kr. 108.000. Det inneber vidare ei budsjettendring, som krev endeleg handsaming i kommunestyret. Sidan saka kjem utanom ordinær budsjetthandsaming, er det vanskeleg å sjå andre alternativ for 2011 enn å nytte den udisponerte bufferen på kr. 1 mill. Rådmannen vel å tilrå alternativ 2). Rådmannen si tilråding: 1. SOO gjev medhald i klagane på hovudopptaket for 2011. Dette medfører at barnehagen i Straumsnes får utvide barnegruppa med 6 plassar. 2. Straumsnes får styrkt budsjettet med kr. 199.000, med budsjettjusteringar som vist i oversikten. 3. Netto ekstra kostnad, kr. 108.000 blir finansiert av bufferen i budsjettet for 2011. Saksprotokoll i Sektorutvalet for oppvekst og omsorg - 05.05.2011 Behandling i møtet: Birger Skipar tok opp om han var ugild i saka. SOO erklæra Birger Skipar for ugild i saka. SOO drøfta seg fram til nytt punkt 4: SOO ber om eit ekstraordinært formannskapsmøte innan kommunestyremøtet 19.05.2011. Nytt punkt 4 vart samrøystes vedteke. Punkt 1-3 i rådmannen si tilråding vart samrøystes vedtekne. Vedtak: 4. SOO gjev medhald i klagane på hovudopptaket for 2011. Dette medfører at barnehagen i Straumsnes får utvide barnegruppa med 6 plassar. 5. Straumsnes får styrkt budsjettet med kr. 199.000, med budsjettjusteringar som vist i oversikten. 6. Netto ekstra kostnad, kr. 108.000 blir finansiert av bufferen i budsjettet for 2011. 7. SOO ber om eit ekstraordinært formannskapsmøte innan kommunestyremøtet 19.05.2011.
Eiga småbornsgruppe i barnehagen ved Straumsnes oppvekstsenter Vrådal. 12.04.2011 Etter hovudopptaket viser det seg at ein ikkje har plass til alle borna som ynskjer det ved barnehagen i Vrådal. Det er tre born under tre år det ikkje er plass til utan at ein gjer noko med lokala og bemanninga i barnehagen. Medrekna alle som ynskjer plass ser det ut til å bli 7 born under 3 år og 10 born over 3 år i barnehagen frå 15.08.2011. Å snu den negative folkeveksten i kommunen er politisk den høgaste prioriterte oppgåva ein har, og det er gledeleg at det nå er så mange som vil ha plass i barnehagen i Vrådal. Etter at hovudopptaket vart kjent har ein jobba intenst med å finne ei løysing på dette. Det har vore møte med alle tilsette, med sektorleiar, med einingsleiar på teknisk etat, og med samarbeidsutvalet. Det har på alle hald vore vist vilje og entusiasme til å finne kreative og pedagogiske løysingar. Ein har og gått ut frå at det ikkje er korkje tid nok eller pengar til å byggje noko nytt, og har difor gått inn for å gjere nytte av eksisterande rom til dette. Vi har vore særdeles nøkterne og realistiske, og har kome fram til fylgjande måte å løyse dette på: 1. Barnehagen får ta i bruk skulekjøkkenet og biblioteket for å etablere småbarnsgruppa. 2. Det blir sett inn dør frå gangen i barnehagen og inn til biblioteket. Ved å settte opp ein lettvegg litt inne i det nåverande biblioteket blir den eksisterande, og alt for tronge gangen utvida, og biblioteket kan nyttast som eit rom der dei minste kan sove. 3. Det trengs noko inventar som høver for dei minste i det tidlegare skulekjøkkenet og biblioteket. Kostnadsoverslaget er sendt til sektorleiar. 4. Biblioteket blir flytta inn i det innerste klasserommet i nedre bygg. Bokhyller må settast opp. Kombinasjon med tekstilrom. 5. Datarommet i 2. etg. Må takast i bruk som grupperom til vanleg undervisning ved deling når ein har bruk for det. 6. I det store klasserommet i nedre bygg må det etablerast databenk og kabling til PCane som må flyttast ned frå datarommet. 7. Skulen må framleis kunna ha skulekjøkken i det gamle skulekjøkkenrommet. Trongen her er 3t. i veka i 18 veker. Avtale med barnehagen må ordnast. 8. Viss skulen har trong for å bruke kjøkkenet til andre matlagingsoppgåver ein sjeldan gong, må dette avtalast med barnehagen når dette er aktuelt. 9. SFO blir flytta opp i øvre bygg, og får bruke klasseromma til 1.-3-klasse. 10. Bemanninga må aukast med ei 100% stilling knytta til småbornsgruppa. Samarbeidsutvalet ved Straumsnes oppvekstsenter Vrådal bed sektorleiar om å ta saka vidare for å finne ei politisk og økonomisk løysing. Birger Skipar, sekretær for samarbeidsrådet.