MATEMATIKK I OPPVEKSTSENTER Som del av prosjektet Kunnskapsløftet i oppvekstsenteret har eg besøkt fire oppvekstsenter i kommunane Balestrand og Vik. På denne måten har eg fått kunnskap om korleis undervisninga vert organisert og eg har komme med innspel om å utvikla matematikk som undervisningsfag. Eg hadde ulik vinkling på temabesøket og dette kjem då fram i omtalen for kvart besøk. Tanken har vore å utnytta det særmerkte med få elevar i gruppa og korleis nærmiljøet kan brukast i undervisninga. Eg kjem ikkje med framlegg om å sløyfa bruken av læreboka, men læreboka må ikkje vera noko som ein må gjennom for å gje ei god matematikkundervisning. Det handlar meir om å bruka andre læremiddel enn ei einsidig bruk av læreboka. Biletet nedanfor viser dei fire oppvekstsentra som var med i arbeidet. ARBEIDSMÅTE I besøket på oppvekstsenteret har det vore ulike tema for samhandlinga mellom meg, pedagogen og eleven. Det har vore ei klar målsetjing om å utvikla kompetanse om matematikkundervisning tilpassa oppvekstsenteret. Kontaktpersonen for besøket vert ein viktig person for å driva dette vidare som eit utviklingsarbeid i eige oppvekstsenter og dela
denne kunnskapen med dei andre deltakararane i prosjektet. Tabellen nedanfor viser eit oversyn over arbeida. Oppvekstsenter Resursperson Tema Årssteg Fjortun Lars Hallvard Ese It 5.-7. årst. Valsvik Leni van det Wal Nærmiljøet og elevkunnskap 1.-2. årst. Feios Gerd Marie Åse Samhandling barnehage/skule Bhg/1.årst. Fresvik Heidi Rennestraum Organisering - aktivitetar 3. -4. årst. Resurspersonane har også skrive planane i matematikk for det årssteget dei er resurspersonar for. Med bakgrunn i besøket vert det skrive ein samla plan som tek opp arbeidsmåtar i matematikk med ein aktiv bruk av nærmiljøet. FJORDTUN Tema for var bruk av digitale verktøy og nærmiljøet på mellomsteget. Det var ei planlagt undervisning frå meg som om eg hadde vore læraren til elevane. Me brukte digitale kart (sognekart.no), vertensete (yr.no) og rekneark (Excel 2003). Framlegg til bruk på mellomsteget ved Fjordtun oppvekstsenter: Elevane skal bruka rekneark med bruk av lokale data Elevane skal kopiera diagram i rekneark og lima desse inn i tekst og presentasjonar Elevane skal bruka vertenesta yr.no og dei skal tolka og analysera tal og grafikk på skjerm. Elevane skal uttrykkja dette munnleg til medelevar og lærarar Elevane skal bruka talmateriale frå yr.no og bruka rekneark til å presentera talmeterialet
Elevane skal verta kjende med sognekart.no i si heimelege samanheng. Dei skal måla avstandar og areal Elevane skal måla arealet til fjordbasenga og slik møta bruk av store måleiningar som 2 km VALSVIK Tema var bruk av nærmiljøet for elevar i byrjaropplæringa i matematikk. (1.-2. årssteget). Det vart ein samtale mellom meg og elevane samla og så for kvart årssteg. Målsetjinga var å leita etter matematikk i nærmiljøet og så i ettertid reflektera bruken. Elevane skal bruka uteområdet til skulen og skal uttrykkja seg munnleg om desse objekta: Dekk og sklie, betongrøyr, sandkasse, sitjegruppe, betongrøyr, disse Elevane skal uttrykkja seg munnleg om bygningar og natur i bygdelaga. Det må skaffast dokumentasjon som foto eller video Elevane skal uttykkja matematikk i hovudområda forskarspira og mangfald i naturen Lærarane må registrera samanhengar som eleven har kunnskap om før det vert teke formelt opp som tema.
FEIOS Tema var samhandling mellom dei eldste i barnehagen og 1. årssteget. Den første økta vart leia av Gerd Marie Åse og tok opp statistikk som verktøy i hovudområdet tal. Etterpå tok Jon Henjum opp bruk av matematikk til å uttrykkja seg om naturfaglege emne. Elevane i 1. klasse og dei eldste i barnehagen skal gjera ting saman. Dette vert eit møte mellom fagområdet i barnehagen og kompetansemålet i skulen. Fem samlingar for året. Samanhengane skal vera: matematikk i leik matematikk i kvardagsaktivitetar matematikk i samtale bruk av matematikk til å uttrkkja seg om naturen bruk av matematikk til å uttrykkja seg skrifteleg Arbeidet må planleggjast for ein to-årsperiode slik at ein unngår gjentaking ein må gjera justeringar
FRESVIK Målet var organisering av 3. og 4. årssteget. Vidare vart det vurdert aktivitetar i matematikk. Elevane kan arbeida åleine med å øva ferdigheiter i matematikk Læraren kan saman med elevar ha samtaleøkter som forklarar matematikk repeterer matematikk brukar matematikk oppsummerer matematikk Elevane skal eksperimentere med, kjenne att, beskrive og vidareføre strukturar i enkle talmønster som oddetal, partal, kvadrattal. DET VIDARE ARBEIDET I dette arbeidet er det utvikla kompetanse på fire skular og denne kompetansen kan vidareutviklast slik i planarbeidet for neste skuleår: Utviklingsarbeidet som pedagogen sjølv har vore med på skal gjennomførast i eige oppvekstsenter. Døme: Utviklingsarbeidet FEIOS vert vidareutvikla i Feios. Dei andre utviklingsarbeida kan tilpassast lokalt oppvekstsenter. Grunnlag for nettverkssamarbeid.