SAKSFRAMLEGG Sakshandsamar: John Olaf Røhme Arkivsaksnr.: 08/2829 Arkiv: 034 H3 Helse- og omsorgsplan for Luster kommune 2010-2021 Rådmannen si tilråding: 1. Helse- og omsorgsplan for Luster kommune for 2010 2021 vert vedteke slik planen er framlagd, jf prenta vedlegg 1. 2. Helse- og omsorgsplanen vil bli fylgt opp gjennom budsjett, økonomiplanar, planleggingsprogram, underliggjande planar og ev einskildsaker - til kommunestyret. 3. Helse- og omsorgsplanen vil - på eit seinare tidspunkt - bli tilpassa dei ev endringar som følgjer av Stortinget og regjeringa si handsaming av stortingsmelding nr 47; Samhandlingsreforma. Side 1 av 5
Saksutgreiing: Prenta vedlegg: 1. Helse- og omsorgsplan 2010-2021. 2. Høyringsuttaler: Rådet for funksjonshemma Eldrerådet Delta Norsk sykepleierforbund Den norske legeforening Administrasjonsutvalet og Arbeidsmiljøutvalet. Uprenta vedlegg: 1. Luster kommune: PLO plan 2002-2005. 2. Luster kommune: Psykiatriplan 2007-2010. 3. Luster kommune: Rehabiliteringsplan 2006-2008. 4. Luster kommune: Plan for arbeids- og treningssenteret. 5. Luster kommune: K sak 110/08: Små stillingar og uønska deltid i pleie og omsorgssektoren. 6. Luster kommune: K sak 114/08: Betalingssatsar. 7. Luster kommune: K sak 31/09: Budsjettendringar 2009. Økonomisk ramme for ny helse- og omsorgsplan. 8. Stortingsmelding nr 25: Mestring, muligheter og mening. 9. Demensplan 2015: Den gode dagen. 10. Stortingsmelding nr 47: Samhandlingsreformen. 11. KS 2006: Framtidens omsorgstjenester. Et debattopplegg om verdivalg, kvalitet og effektivitet. 12. RO v Ingvar Rolstad oktober 2008: Presentasjon i kommunestyret i Luster 16. oktober 2008. 13. RO v Ingvar Rolstad november 2008: Luster kommune oppsummering etter kommunebesøk. 14. SINTEF rapport august 2007: Kommunenes erfaringer med omsorgsboliger for eldre. 15. Teknologirådet februar 2009: Fremtidens alderdom og ny teknologi. Samandrag: Det ligg føre ny helse- og omsorgsplan for Luster kommune for 12-års perioden 2010-21. Planen er kome til etter ein brei prosess som har involvert både politisk, administrativ og fagleg side, samt dei tillitsvalde. Dei fire første åra har planen tidssamanfall med neste økonomiplan (2010-13). I denne kortsiktige planperioden er det skildra tiltak som skal gjennomførast stegvis. Der ein finn det føremålstenleg kan aktuelle tiltak bli gjennomført tidlegare enn skissert i planen. Den langsiktige delen av planen (2014-2021) er meir generell og tiltaka er ikkje tidfesta. Dette er gjort slik fordi det er stor uvisse knytt til langsiktig planlegging innan eit tenesteområde som er i kontinuerleg endring. Utfordringa blir difor å følgje "eit kart" som syner ei langsiktig retning, samstundes som ein kontinuerleg tilpassar seg "terrenget" med endra føringar, rammer og behov. Utval som har vedtaksmynde: Kommunestyret Fakta/Vurderingar: Arbeidet med ny helse- og omsorgsplan (HOP) vart sett i gang vinteren 2008. Det har etter dette vore breie faglege, administrative og politiske prosessar som no er avslutta med offentleg høyring. Kommunestyret har drøfta innretninga av planutkastet på to heile temadagar 16.oktober 2008 og 7.mai 2009. Side 2 av 5
Formannskapet har som politisk styringsgruppe arbeid meir kontinuerleg med planutkastet. På administrativ side har arbeidet vore drive fram av ei prosjektgruppa samansett av representantar frå rådmannen, helsesjefen, pleie- og omsorgstenesta, eldrerådet, rådet for funksjonshemma og dei tillitsvalde. På fagleg side har det vore gjort eit omfattande arbeid i regi av fire arbeidsgrupper som til saman har dekka områda aktiv omsorg, demensomsorg, samhandling og samansette behov. Ressurssenter for omstilling i kommunane (RO) ved Ingvar Rolstad har vore engasjert for å bistå kommunen i planarbeidet. Vedkomande konsulent har medverka både på politiske samlingar, på leiarsamlingar, på informasjonsmøte med dei tilsette og i arbeidet til arbeidsgruppene. Rolstad har vidare produsert eit viktig underlagsdokument for planen. Leiarar og tilsette i kommunen har vore halde orienterte om planprosessen. Føreliggjande plan er tilpassa nasjonale føringar, gjeldande lovverk, lokale politiske vedtak og dei utfordingar ein ser i Luster kommune. Regjeringa la i juni 2009 fram stortingsmelding nr 47 Samhandlingsreformen. Etter rådmannen si oppfatning er ny helse- og omsorgsplan for Luster godt tilpassa den retning stortingsmeldinga skisserer. Ein finn det difor ikkje naudsynt med tillegg eller endringar i planen. Nemnde stortingsmelding vil, etter føreståande drøfting i Stortinget, kunne gje grunnlag for eit utvida kommunalt ansvar innan helse- og omsorgstenestene. Luster kommune vil, når så langt kjem, måtte gjere ev tilpassingar i eige plangrunnlag. Den planen som no ligg føre representerer i så måte eit godt utgangspunkt. Høyringsuttaler: Det er etter høyringsperioden kome inn 5 uttaler: Rådet for funksjonshemma: Tilslutnad til framlagd plan. Eldrerådet: Eldreomsorga i Luster er god men framtidige utfordringar er store. Førebyggjande arbeid er viktig og må prioriterast. Saknar tiltak i høve redusert alkoholforbruk. Kommunestyret må prioritere eldreomsorg med nødvendige ressursar. Kommunen må fremje forståing for kva frivilligsentralen kan hjelpa til med. Uheldig og upraktisk at Luster eldresenter og sjukeheimen ikkje er bygde saman. Kommunestyret må leggje sterke føringar på helsevesenet i kommunen slik at ein unngår at pasientar vert heimebehandla i staden for naudsynt innlegging på sjukehus. Ein må snarast kome i gang med ei drøfting av korleis ein skal løyse spørsmålet om DMS (distriktsmedisinsk senter) for Luster kommune. Side 3 av 5
Kommentar: Parallelt med planarbeidet er det arbeidd med organisering av arbeidet innan rusfeltet. Det er konkludert med at oppfølgings- og koordineringsansvaret vert lagt til eininga Helse, og at det ved omdefinering av stilling og prosjektmidlar vert etablert ei stilling som ruskoordinator/ ruskonsulent. Det er forventa at dette skal gje nødvendig forbetring av rusarbeidet. Det er i ny helse- og omsorgsplan lagt opp til auka samarbeid med frivillige (tiltak 2.3), og kommunen sin bygningsmasse vil bli vurdert (tiltak 3.0). Stortingsmelding nr 47/ Samhandlingsreformen signaliserer framtidige endringar i oppgåvedelinga mellom kommunehelsetenesta og spesialisthelsetenesta, og under dette etablering av det som i stortingsmeldinga vert kalla Lokalmedisinske senter. Kva som vert dei konkrete konsekvensane av Stortingsmelding nr 47 vil måtte avklarast nærare. Delta: Støtter planen slik den er framlagt. Norsk sykepleierforbund (NSF): Dei strategiske grepa i planen er positive for all partar. Saknar forklaring av omgrepa basisbemanning og heildøgns omsorg. Viktig med god rekruttering og store nok stillingar. Positivt med ny organisering av heimetenesta. Kommentar: Nærare avklaring av kva som ligg i basisbemanning og heildøgns omsorg, samt konkrete/praktiske konsekvensar av dette, er planlagt i eige tiltak (tiltak 3.1). Den norske legeforening(dnlf): DNLF har stilt 7 spørsmål til planlagd korttidsavdeling. Døme på spørsmål er: Kva er framtidig fordeling av stilingsprosent på den einskilde sjukeheim? Kor stor sjukepleiarressurs vil det bli ved korttidsavdelinga? Kommentar: Svara på spørsmåla er avhengig av 1) kva som vert dei konkrete konsekvensane av Stortingsmelding nr. 47/Samhandlingsreforma og 2) resultatet av kommunen sitt eige prosjekt som skal detaljutforma ny organisering. DNLF vil bli invitert med i dette prosjektarbeidet, og kan undervegs kome med sine synspunkt. Auka betalingssatsar: Den 16.12.08 gjorde kommunestyret følgjande vedtak i sak 114/08 Betalingssatsar: Kommunestyret ber om at det i prosessen for ny helse- og omsorgsplan vert føreteke ein gjennomgang av regulativet for å etablere betre samsvar mellom kommunen sine kostnader og eigenbetalinga til heimehjelp. Kommunestyret ber administrasjonen varsle at husleigesatsane vert vurdert i retning gjengs husleige i distriktet for tilsvarande bustader. Husleige i retning av gjengs husleige vert å innarbeide som ein del av pleie-/omsorgsplan. Ei ev endring i denne retning vert gjort gjeldande frå hausten 2009, ev frå 1.1.2010. Gjennomgangen er no gjort og det er sendt varsel om auka leigestsar frå 1.1.2010. Politisk sak vil bli fremja på vanleg måte (jf årleg sak om betalingssatsar) til kommunestyret i desember 2009. Det er i helse- og omsorgsplan (punkt 9.2) skissert auka inntekt på ca 1,1 mill i året. Hovuddelen av dette må Side 4 av 5
kome som auka husleigestsar. Satsar i nabokommunane er nytta for å definere gjengs nivå. Samanlikna med nabokommunane er husleigesatsane i Luster låge, og det vert lagt opp til ein auke. Det er viktig å merke seg at ein slik auke også betyr auka bustønad. Eit døme er husleige for husvære med 1 bebuar. Aktuelt (gjengs) nivå ligg på ca kr 4.500 pr månad, medan Luster i dag har kr 3.028 pr månad. Ved ein eventuell auke frå 3.028 til 4.500 pr månad, vil det for ein minstepensjonist bety ein auke på ca kr 500 pr månad. Resten vert dekka av auka bustønad. Vidare arbeid: Kapittel 9 i planen syner dei kortsiktige konsekvensane av helse- og omsorgsplan. Sentralt i dette vert gjennomføring av eit prosjekt våren 2010 der ein skal detaljutforma ny organisasjon. Alle 4 steg/tiltak i perioden 2010 til 2013 er sett opp med fristar formulert som innan. Dette syner ein siste frist, men der det er føremålstenleg vil tiltak bli gjennomført tidlegare enn skissert. Dato: 2.september 2009 Tore Eriksen John Olaf Røhme rådmann ass. rådmann Særutskrift skal sendast: m/kopi til: Side 5 av 5