Sakshandsamar, innvalstelefon Ingrid Torsnes, 5557 2320 Vår dato 10.10.2014 Dykkar dato 03.10.2014 Vår referanse 2013/2951 461.0 Dykkar referanse Hordaland fylkeskommune v/ Bybanen Utbygging Postboks 7900 5020 BERGEN Rapport frå inspeksjon hos Bybanen utbygging 12. september 2014 Rapportnummer: 2014.011.I.FMHO Kontaktpersonar ved inspeksjonen: Frå verksemda: Marit Haugland Berge Marianne Hufthammer Geir Markhus Åge Haga Svein Borgen Uwe Buwea Frå Fylkesmannen i Hordaland: Sissel Storebø Ingrid Torsnes Resultat frå inspeksjonen Denne rapporten omhandlar avvik og merknader frå inspeksjonen. Rapporten er endra etter kommentarar frå Bybanen Utbygging på førebels rapport. Vi har tatt vekk punkta som går på målsetjing, handlingsplan og rutinar. Rapporten er no endeleg. Fylkesmannen i Hordaland fann 1 avvik under inspeksjonen innan følgjande tema: Internkontroll for ytre miljø Avviket er nærare omtalt frå side 3 og utover i rapporten. Bybanen Utbygging må sende ei skriftleg stadfesting innan 15. desember 2014 på at avviket er retta. Oppfølginga etter inspeksjonen er nærare omtalt på side to. Med helsing Sissel Storebø senioringeniør Ingrid Torsnes senioringeniør Rapporten er godkjent elektronisk og har derfor inga underskrift. Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
1. Informasjon om verksemda Namn: Hordaland fylkeskommune v/ Bybanen Utbygging Risikoklasse: 3 Besøksadresse: Nordåsdalen 26 Postadresse: Postboks 7900, 5020 Bergen E-post: marit.haugland.berge@hfk.no Telefon: 962 36 932 Kommune: Bergen Organisasjonsnr.: 938 626 367 Bransjenr. (NACE-kode): 42.130 Eigar (org.nr.): Løyve sist oppdatert: 25. mars 2014 Siste tilsyn: - 2. Bakgrunnen for inspeksjonen Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Inspeksjonen er ein del av vårt risikobaserte tilsyn for i år og vart også gjennomført på bakgrunn av ein del klager på utslepp til vassdrag i samband med bygging av Bybanetraséen mellom Lagunen og Flesland. Følgjande hovudtema vart kontrollert: internkontroll risikovurdering utsleppskontroll farleg avfall substitusjon av kjemikal løyvet av 24.06.2013, sist endra 25. mars 2014 3. Oppfølging etter kontrollen Verksemda pliktar snarast å rette opp avviket som er omtalt i denne rapporten. For at Fylkesmannen skal kunne avslutte saka, må de innan 15. desember 2014 sende ei skriftlig tilbakemelding med dokumentasjon som viser korleis avvik er retta, gjerne med bildedokumentasjon. Varsel om tvangsmulkt Dersom vi ikkje får tilbakemelding med dokumentasjon på at avviket er retta innan 15. desember 2014, vil Fylkesmannen vurdere å fatte vedtak om tvangsmulkt, jf. forureiningslova 73. I vedtaket om tvangsmulkt blir det sett ein ny frist for å sende inn dokumentasjon. Dersom denne fristen ikkje blir heldt, må verksemda betale tvangsmulkta. Ei eventuell tvangsmulkt vil vere på 50 000 kroner. Verksemda kan kommentere dette varselet. Eventuelle kommentarar må sendast til Fylkesmannen innan to veker etter at denne rapporten er motteken, jf. forvaltningslova 16. 2
4. Kontrollgebyr Bybanen Utbygging skal betale gebyr for kontrollen, jf. forureiningsforskrifta 39-6. Verksemda er i løyvet plassert i risikoklasse 3. Dette betyr at de skal betale 12 000 kroner for den gjennomførte inspeksjonen. Miljødirektoratet sender faktura. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova. 6. Dokumentunderlag forureiningslova produktkontrollova forureiningsforskrifta avfallsforskrifta kapittel 11 om farleg avfall internkontrollforskrifta løyvet av 24.06.2013, sist endra 25. mars 2014 Informasjon om regelverket finn de på www.miljodirektoratet.no og www.regelhjelp.no. Definisjonar Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 7. Avvik Vi fann følgjande avvik under inspeksjonen: Avvik 1: Verksemda har mangelfull internkontroll for ytre miljø Avvik frå: Internkontrollforskrifta 5 andre ledd punkt 4, 6, 7 og 6 Forureiningsforskrifta kapittel 30 Avfallsforskrifta kapittel 11 Kommentar til regelverket: Risikovurdering for ytre miljø Ei risikovurdering skal kartleggje problem og fare for utslepp til ytre miljø og innehalde planar og tiltak for å redusere risikoen. Risikovurderinga skal omfatte alle aktivitetar som kan føre til forureining av vatn, grunn og luft. Lagring av farleg avfall, handtering av kjemikaliar og farleg avfall og risiko for forureining av vassdrag eller grunn er viktige tema som må vere med i risikovurderinga. 3
Samordning Når oppdragsgjevar engasjerer ein oppdragstakar til å utføre oppgåver på eit anlegg, skal oppdragstakars internkontroll leggjast til grunn dersom det er mogeleg. Oppdragsgjevar skal sjå til at mogelege manglar blir korrigert eller nødvendige tilpassingar gjort etter eigen eller oppdragstakars internkontroll. Avviket er basert på følgjande observasjonar: Risikovurdering for ytre miljø Verksemda har laga ei enkel risikovurdering som er overlevert entreprenørane for vidare oppfølging. Risikovurdering for ytre miljø er gjort for arbeid med grøfting, injisering i tunnel og arbeid langs elv. På spørsmål om kva Bybanen Utbygging vurderer som mest risikofullt, så var svaret akutt forureining. Dette er ikkje tatt med i risikovurderinga. Ei risikovurdering skal omfatte alle aktivitetar som kan føre til forureining av vatn, grunn og luft. Verksemda må sjølv definere kva som skal risikovurderast. Til dømes kan følgjande aktivitetar vere naturleg å risikovurdere: Rensesystemet for tunneldrivevatnet Håndtering og lagring av farleg avfall Håndtering og lagring av kjemikalier Håndtering av masser Støy Støv Utslepp til vatn/grunn Det er ikkje sett akseptkriterier for risiko. Samordning Bybanen Utbygging har ikkje sikra at internkontrollen til entreprenørane er tilfredsstillande på forureiningsområdet. Vi gjorde følgjande observasjonar på byggeplassen ved Råstølen: Entreprenøren har etablert eit sikteverk Lagring av batteri utandørs Lagring av EE-avfall utandørs Mangla deklarasjonsskjema for levering av farleg avfall Feilsortering, bl.a. EE-avfall i metallcontainer Reinsefilter vart kasta i restavfallet Sikteverk er meldepliktig til Fylkesmannen etter forureiningsforskrifta kapittel 30. Batteria skulle sendast i retur, og var ikkje avfall, men likevel skal ein lagre produkt som inneheld farleg avfall på ein forsvarleg måte. 4
Det står ikkje direkte i forskrift at ein skal lagre EE-avfall innandørs, men denne type avfall inneheld ofte farleg avfall. Fylkesmannen meiner difor vi kan sjå på avfallsforskrifta 11-5 som seier at farleg avfall skal handterast forsvarleg og lagrast på eigna stad. Lagringa skal ikkje innebere fare for forureining eller skade på menneske eller dyr. Vi har etter tilsynet fått melding om at entreprenøren ikkje har levert farleg avfall endå, og at dei difor ikkje hadde deklarasjonsskjema. Dette er ikkje rett. Vi ser ut frå avfallsstatistikken at det er levert trykkimpregnert trevirke. Dette er farleg avfall som skal deklarerast. I tillegg så seier avfallsforskrifta 11-8 at det er leveringsplikt for farleg avfall minst 1 gong i året dersom mengdene overstig 1 kg. Når ein brukar reinsefilter, så kan ein få auka konsentrasjon av stoff som kan overskride grensa for farleg avfall med omsyn til t.d. olje og tungmetall. Dette kan ein ikkje vite utan at ein tar prøver av brukte filter. Entreprenøren må dokumentere at brukte reinsefilter ikkje er farleg avfall, for å kunne levere det som restavfall. Bybanen Utbygging har allereie sendt RUH-ar til entreprenøren, og vil følgje opp dette. Sedimenteringsbasseng Flesland Vi spurde om kvar slammet frå sedimenteringsbassenget frå Flesland vart levert. Det vart opplyst at dette er levert til Norsk Gjenvinnings deponeringsanlegg. Fylkesmannen kjenner ikkje til at Norsk Gjenvinning har noko slikt anlegg som er godkjent etter forureiningsregelverket. Dersom slammet blir levert til eit anlegg utan løyve, så skal ein dokumentere at slammet ikkje inneheld helse- og miljøskadelege stoff. Bybanen Utbygging har ikkje spurt etter prøveresultat av slam frå sedimenteringsbassenget, sjølv om dette er eit vilkår i utsleppsløyvet punkt 7.3. I entreprenørens rutine for vassreinseanlegget står følgjande: Mesteparten av olje i slikt driftsvatn vil erfaringsmessig vere bunde til det suspenderte materialet. Likevel kan ikkje vi finne av tilsendt dokumentasjon at det er tatt prøver. 5