Sakshandsamar, innvalstelefon Sissel Storebø, 5557 2317 Vår dato 17.11.2014 Dykkar dato Vår referanse 2014/13503 Dykkar referanse Halleraker Sveis og Vedlikehold AS Gilje 405 B 5430 BREMNES Rapport frå inspeksjon ved Halleraker Sveis og Vedlikehold AS 9. oktober 2014 Rapportnummer: 2014.140.I.FMHO Kontaktpersonar ved inspeksjonen: Frå verksemda: Kåre Halleraker Frå Fylkesmannen i Hordaland: Magne Nesse Sissel Storebø Resultat frå inspeksjonen Denne rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fann 4 avvik og har gitt 1 merknader under inspeksjonen innan følgjande tema: internkontroll for ytre miljø utslepp av miljøskadelege stoff farleg avfall utsleppskontroll Avvika og merknadene er nærare omtalt frå side 4 og utover i rapporten. Halleraker Sveis og Vedlikehold AS må sende ei skriftleg stadfesting innan 2. februar 2015 på at avvika er retta. Oppfølginga etter inspeksjonen er nærare omtalt på side 2. Magne Nesse senioringeniør Sissel Storebø senioringeniør Rapporten er godkjent elektronisk og har derfor inga underskrift. Kopi til: Bømlo kommune Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
1. Informasjon om verksemda Namn: Halleraker Sveis og Vedlikehold AS Kontrollklasse: 3 Besøksadresse: Giljeveien 405 B Postadresse: 5430 Bremnes E-post: kare.halleraker@haugnett.no Telefon: 53 42 51 83 Kommune: Bømlo Organisasjonsnr.: 996 912 698 Bransjenr. (NACE-kode): 25.620 Bearbeiding av metaller Eigar (org.nr.): 997 004 876 2. Bakgrunnen for inspeksjonen Siste tilsyn: 22.9.2006 Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Tilsynet er ein del av ein nasjonal kontrollaksjon med skipsverfta i landet. Aksjonen vert gjennomført i oktober 2014. Følgjande hovudtema vart kontrollert: Internkontroll, medrekna risikovurdering og skriftlege rutinar Utslepp til sjø Utsleppskontroll Støy Handtering farleg avfall Lagring og handtering av kjemikaliar 3. Oppfølging etter kontrollen Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 2. februar 2015 sende ei skriftlig tilbakemelding med dokumentasjon som viser korleis avvik er retta, gjerne med bildedokumentasjon. Vi ser alvorleg på avvika som vart funne under inspeksjonen. Gjennomføringa av tiltaka kan derfor bli følgt opp med nytt tilsyn utanom ordinær tilsynsfrekvens. Varsel om tvangsmulkt Dersom vi ikkje får tilbakemelding med dokumentasjon på at avvika er retta innan 2. februar 2015, vil Fylkesmannen vurdere å fatte vedtak om tvangsmulkt, jf. forureiningslova 73. I vedtaket om tvangsmulkt blir det sett ein ny frist for å sende inn dokumentasjon. Dersom denne fristen ikkje blir heldt, må verksemda betale tvangsmulkta. Ei eventuell tvangsmulkt vil vere på 50 000 kroner. 2
Verksemda kan kommentere dette varselet. Eventuelle kommentarar må sendast til Fylkesmannen innan to veker etter at denne rapporten er motteken, jf. forvaltningslova 16. 4. Kontrollgebyr Fylkesmannen varsla i e-post 9. oktober 2014 at Halleraker Sveis og Vedlikehold AS vil få eit gebyr på 15 200 kroner for inspeksjonen, jf. forureiningsforskrifta 39-7. Dette er gebyrsats 2. Gebyret skal dekkje kostnadar i samband med førebuing, gjennomføring og oppfølging av kontrollen. Faktura blir ettersendt frå Miljødirektoratet. De har rett til å klage på valet av gebyrsats innan tre veker etter at de har fått denne rapporten, jf. forvaltningslova 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova. 6. Dokumentunderlag forureiningslova produktkontrollova forureiningsforskrifta kap. 29 om skipsverft forureiningsforskrifta kapittel 20 om avfall og lasterester frå skip avfallsforskrifta kapittel 11 om farleg avfall internkontrollforskrifta Informasjon om regelverket finn de på www.miljodirektoratet.no og www.regelhjelp.no. Vi syner og til Norsk Industri sin rapport "Beste praksis for miljøarbeid i skipsverft utslipp og avfall". Definisjonar Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 3
7. Avvik Vi fann følgjande avvik under inspeksjonen: Avvik 1: Verksemda sin internkontroll for ytre miljø fleire manglar Avvik frå: Internkontrollforskrifta 4 og 5 punkt 2, 4, 6 og 7 Kommentarar til regelverket: Internkontroll Internkontrollforskrifta pålegg den som er ansvarleg for verksemda å sørge for at det vert innført og utøvd internkontroll, jf. 4. Internkontrollen skal verne ytre miljø mot forureining og sikre ein betre handtering av avfall i den form og det omfang som er naudsynt og på bakgrunn av verksemda si art, aktivitetar, risikotilhøve og storleik, jf. 5. Miljømål For at internkontrollen skal fungere som eit verktøy for verksemda, til å bli betre på ytre miljø, er det viktig å setje seg konkrete mål for arbeidet. Det bør også utarbeidast ein handlingsplan med tiltak for å nå måla. Måla skal dokumenterast skriftlig. Når tiltaka er utførte skal leiinga vurdere om mål/delmål er nådd, eller om drifta må justerast for å nå måla. Det må mellom anna setjast mål for å redusere utslepp til vatn, avfallsmengde og støy. Opplæring Verksemda skal sørge for at arbeidstakarane har tilstrekkelege kunnskapar og ferdigheter i det systematiske HMS-arbeidet. Det må gjennomførast ei opplæring av tilsette som omfattar ytre miljø. Risikovurdering Ei risikovurdering skal kartlegge problem og farar for utslepp til ytre miljø og innehalde planar og tiltak for å redusere risikoen. Risikovurderinga skal omfatte alle aktiviteter som kan føre til forureining av vatn, grunn og luft. Risikovurderinga og handlingsplanen skal vere skriftleg. Rutinar Verksemda skal ha skriftlege rutinar for å avdekke, rette opp og førebyggje brot fastsatt i eller i medhald av lov eller forskrift. Avvikshandtering Verksemda skal ha eit system for å registrera hendingar som medfører forureinande utslepp, feil handtering av avfall og kjemikaliar mv., inkludert naboklagar. Hendingane skal så handsamast og følgjast opp. Avviket er basert på følgjande observasjonar: Internkontroll Halleraker Sveis og Vedlikehold AS vart etablert i mai 2011 på same lokalitet som Halleraker Mekaniske Verkstad AS hadde drift. Halleraker Mekaniske Verkstad AS la ned sin drift samstundes som Halleraker Sveis og Vedlikehald AS vart oppretta. Internkontrollen til Halleraker Mekaniske Verkstad AS vart vidareført i ny verksemd og denne er ikkje tilpassa den nye aktiviteten. 4
Risikovurdering Verksemda har ikkje gjennomført ei risikovurdering for ytre miljø. Rutinar Det blir utført arbeidsoperasjonar som det ikkje er skriftlege rutinar for. Arbeidsrutinar må dokumenterast og systematiserast slik at dei kan inngå i internkontrollen. Dette gjelder blant anna skriftlege rutinar for å avdekke, rette opp og førebyggje brot på forureiningsregelverket. Følgjande rutinar kunne ikkje leggjast fram ved tilsynet; handtering av avverka materiale, reinhald i slipp høgtrykkspyling av skrog bruk av presenning, tildekking ved mykje begroing på båtane drift, kontroll og tømming av oljeutskiljar Verksemda må ha en gjennomgang av sine rutinar, og lage rutinar for aktiviteter som påverkar ytre miljø. Avvik Verksemda har ikkje etablert eit system for avvikshandtering med prosedyre for styring av avvik og korrigerande tiltak. Sikkerheitsdatablada var ikkje oppdatert. Stikkontroll synte at fleire datablad var av eldre dato (frå 2005-2008). Avvik 2: Verksemda har ikkje gjennomført tiltak for å hindre utslepp av miljøskadelege stoff til sjø Avvik frå: Forureiningsforskrifta 29-4 Kommentarar til regelverket: For å hindre forureining til det ytre miljø, skal verksemder som driv overflatehandtering samle opp avverka materiale og overflødig materiale frå påføringar av båtar. Oppsamla materiale skal leverast til godkjent mottak. Avverka materiale er alt materiale som vert fjerna som følgje av overflatehandteringa. Dette inkluderer materiale frå skraping og spyling av båtar og rester av maling og liknande. Overflødig materiale er materiale som er nytta i prosessen med overflatehandtering, men som ikkje blir verande på eller i båtens skrog. Det kan for eksempel være rester eller søl av bunnstoff, primer, reingjeringsvæsker osv. Avviket er basert på følgjande observasjonar: Verksemda har ein slipp. Det låg mykje avverka materiale i slippen. I følgje verksemda vart det aldri samla opp avverka materiale. 5
Årleg vert det slippa om lag 10 båtar, frakte- og slepebåtar. Slippen har ikkje fast dekke i beddinga i slippområdet og har heller ikkje ein barriere som hindrar direkte utslepp til sjø. I slippen vert det mellom anna gjennomført høgtrykkspyling og sprøytemaling. Oppsamla materiale vert ikkje samla opp, men vert liggjande i slippen og vert ført ut i sjøen ved flo. Avvik 3: Utsleppskontrollen er ikkje tilfredsstillande Avvik frå: Forureiningsforskrifta 29-9 Kommentarar til regelverket: Verksemda skal iverksetje eit måleprogram for kontrollmåling av utslepp til vatn og støy som skal inngå i verksemda sin internkontroll. Føremålet med målingane er å dokumentere at krav gitt i 29-6, 29-7 og 29-8 vert overheldt. Utslepp av vatn Vatn som blir nytta til reingjering av skip i slippar kan innehalda miljøskadelege stoff som oppløyst stoff og/eller som partiklar. Kva slags miljøskadelege stoff dette kan vere, avheng av kva type botnstoff som er på skipa som vert reingjort. Kor mykje partiklar/malingsflak som hamnar i sjøen med spylevatnet avheng av kva slags tiltak verksemda har iverksett for oppsamling av avverka materiale før vatnet når sjøen. Verksemda skal dokumentere korleis utslepp av miljøskadelege stoff til vatn vært målt/kontrollert og kva tiltak som er gjort for å redusere utsleppa. Krav om slik dokumentasjon vart iverksett gjennom forureiningsforskrifta kapittel 29 frå 1. januar 2012. Verksemda må dokumentera utslepp av miljøskadelege stoff på ein måte som er representativ for totalmengde spylevatn som vert slept ut over eitt år, slik at ein fangar opp variasjonar i utsleppa. Årleg mengde spylevatn som blir sloppet til sjø må inngå i dokumentasjonen. Prøvar av spylevatnet, bør som minimum analyserst for parametrane kadmium, kvikksølv, kobbar, bly, arsen, krom og tinnorganiske forbindelsar (TBT). Vi visar til Miljødirektoratet sitt faktaark om forureiningar frå skipsverft. Støy Verksemda skal dokumentera at støy frå verksemda ikkje overskrid støygrensene gjevne i forureiningsforskrifta 29-7 og 29-8. Dokumentasjon av støy skulle ha vore utarbeidd seinast 1. januar 2013. Avviket er basert på følgjande observasjonar: Verksemda har ikkje utarbeida måleprogram for utsleppsmålingar til vatn eller støy. Utslepp til vatn Det er ikkje tatt representativ prøver av spylevatn frå slippen for å dokumentere at dette ikkje fører til forureining, som følge av utslepp av miljøskadelege stoffer. Prøvene skal vere representativ for verksemda sin aktivitet. Det må takast prøver på ein slik måte at analysane fangar opp variasjonane i utsleppsmengdene. Støy Verksemda har ikkje gjennomført måling/utrekning av støy ved mest støyutsette nabo. 6
Avvik 4: Handtering av farlig avfall er ikkje tilfredstillande Avvik frå: Avfallsforskrifta kapittel 11, 11-5, 11-8, 11-12 Kommentarar til regelverket Lagring av farleg avfall, 11-5 Farleg avfall skal mellomlagrast forsvarleg. Avfallsbesittar har ansvar for at farleg avfall ikkje førar til forureining. Avfallet sitt farepotensial set krav til lagringsplassen, særleg verna mot ytre påverknad og sikring mot uvedkomande. Det er òg krav til at ein held orden og oversikt over avfallet, ved ryddig og adskilt plassering og med tydeleg merking om innhaldet. Alle som oppbevarer farleg avfall skal treffe nødvendige tiltak for å unngå fare for forureining. Dette inneber mellom anna merking og sikring mot lekkasjar. Vidarelevering til godkjent mottakar, 11-8 Det farlege avfallet skal leverast til godkjent mottakar minst 1 gong kvart år dersom den totale mengda farleg avfall overstig 1 kg. Leveringsplikt, 11-12 Det farlige avfallet skal deklarerast ved levering til godkjent mottak. Avviket er basert på følgjande observasjonar Fat med brukte oljefiltre stod lagra ute på plassen tilgjengeleg for uvedkomande. På lageret for farleg avfall var det mykje farleg avfall av eldre dato. Det vart opplyst at eige farleg avfall ikkje har vore levert sida drifta starta opp, men har blitt levert ved ulike prosjekt. Verksemda kunne ikkje dokumentere levert farleg avfall til godkjent mottakar i form av deklarasjonsskjema. Ved tilsynet vart det observert bålrestar, sjå bilde. Brenning av avfall er ikkje tillate. 8. Merknader Vi har gitt følgjande merknad under inspeksjonen: Merknad 1: Verksemda fører ikkje journal på mengde, type oppsamla materiale og disponering av dette. Kommentarar: I samsvar med 29-10 i forureiningsforskrifta skal verksemder journalføre opplysingar om; målingar av utslepp til luft, vatn og støy mengde og type oppsamla materiale, jf. 29-4 og disponering av dette kva periodar dei særskilte støykrava i 29-8 vert nytta 7
I følgje Norsk Industri bør skipsverft journalføre følgjande; båten sin unike ID og fysiske data (byggjeår, LOA, B,D,W, m2) målingssertifikat eller data for botnstoff dato inn/ut av dokk/slipp/skipsheis omfang av overflatehandteringa (m 2 ) og anna arbeid på skip i dokk/slipp/skipsheis (skader på botnstoff, eventuell skade på forsegling, spyling til bart stål eller liknande) vassforbruk til spyling nytt botnstoff som er påført mengde slam/avverka materiale levert og tilhøyrande analysar mengde vatn slept ut eller handtert og tilhøyrande analysar 9. Andre tilhøve Om verksemda Halleraker Sveis og Vedlikehold AS vart etablert i mai 2011. Verksemda har 4 tilsette. Etableringa i 2011 skjedde samstundes som at verftet Halleraker Mekaniske Verkstad As la ned sin drift på grunn av stadig mindre aktivitet. Halleraker Sveis og Vedlikehold AS leig heile verftsområdet til sin drift. Slipping og vedlikehald av båtar er berre ein liten del av aktiviteten til verksemda, 90% av aktiviteten til verksemda føregår innandørs. Verksemda har ein slipp. Maks lengde på båtane som vert slippa er 55-60 meter. Det vert slippa om lag 10 båtar i året, frakte- og slepebåtar. Det er maksimalt 40 dagar slipping i året, der det ein dag føregår høgtrykkspyling per båt. Arbeidstida er frå 07:00-15:00 måndag til fredag. Krav til mottak av avfall frå båtar og avfallsplan for hamner Verksemda tek imot avfall frå båtar som kjem inn til verftet. Forureiningsforskrifta 20-5 set krav om at alle hamner, også private kaier som Halleraker Sveis og Vedlikehold AS, skal ha ei ordning for mottak av avfall frå båtar. Mottak av avfall og lasterestar som er farleg avfall skal skje i tråd med standardiserte krav i vedlegg III til forskrifta. Forureiningsforskrifta 20-6 set og krav om at alle hamner skal utarbeide ein avfallsplan. Krav til innhald i planen er gitt i vedlegg 1 til kap.20. Planen skal godkjennast av Fylkesmannen. Miljødirektoratet har utarbeidd ein rettleiar for arbeidet med avfallsplanar; M-147/2014, sjå http://www.miljodirektoratet.no/no/publikasjoner/2014/april-2014/veileder-til-utarbeidelseoggodkjenning-av-avfallsplaner-i-havner/ Vi har ikkje mottatt avfallsplan for hamner frå Halleraker Sveis og Vedlikehold AS. Frist for innsending var 1. juli 2014. Vi ber om at oppdatert avfallsplan blir sendt Fylkesmannen for godkjenning saman med tilbakemelding etter tilsynet. 8
10. Bilde Bilde teke av Fylkesmannen den 9. oktober 2014 Utandørs lagring av farleg avfall Brenning av avfall Slippen Kjemikalierommet 9