Rapport frå inspeksjon ved Oma Slipp & Mekaniske Verkstad AS 16. oktober 2014 Rapportnummer: I.FMHO

Transkript

1 Sakshandsamar, innvalstelefon Magne Nesse, Vår dato Dykkar dato Vår referanse 2014/ Dykkar referanse Oma Slipp & Mekaniske Verkstad AS Hamnegata Stord Rapport frå inspeksjon ved Oma Slipp & Mekaniske Verkstad AS 16. oktober 2014 Rapportnummer: I.FMHO Kontaktpersonar ved inspeksjonen: Frå verksemda: Oddvar Oma Frå Fylkesmannen i Hordaland: Britt Solheim Magne Nesse Resultat frå inspeksjonen Denne rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fann 8 avvik og har ikkje gitt merknader under inspeksjonen innan følgjande tema: internkontroll utslepp av miljøskadelege stoff handtering av farleg avfall utsleppskontroll Avvika og merknadene er nærare omtalt frå side 3 og utover i rapporten. Oma Slipp & Mekaniske Verkstad AS må innan 2. februar 2015 sende ei skriftleg stadfesting på at avvika er retta. Oppfølginga etter inspeksjonen er nærare omtalt på side to. Sissel Storebø senioringeniør Magne Nesse senioringeniør Rapporten er godkjent elektronisk og har derfor inga underskrift. Kopi til: Stord kommune Statens hus Kaigaten 9, 5020 Bergen Telefon: Telefaks: Miljøvern- og klimaavdelinga Postboks 7310, 5020 Bergen Org.nr: E-post: postmottak@fmho.no Internett:

2 1. Informasjon om verksemda Namn: Oma Slipp & Mekaniske Verksted Kontrollklasse: 3 Besøksadresse: Hamnegata 80, Leirvik Postadresse: Hamnegata 80, 5411 Stord Telefon: E-post: slipp@oma.no Organisasjonsnr.: Kommune: Stord Eigar (org.nr.): Bransjenr. (NACE-kode): Siste tilsyn: Bakgrunnen for inspeksjonen Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Tilsynet er en del av ein nasjonal kontrollaksjon med skipsverfta i landet. Aksjonen vert gjennomført i oktober Følgjande hovudtema vart kontrollert: Internkontroll, medrekna risikovurdering, skriftlege rutinar Utslepp til sjø Utsleppskontroll Støy Handtering av næringsavfall og farleg avfall Lagring og handtering av kjemikaliar 3. Oppfølging etter kontrollen Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 2. februar 2015 sende ei skriftleg tilbakemelding med dokumentasjon som viser korleis avvik er retta, gjerne med bildedokumentasjon. Vi ser alvorleg på avvika som vart funne under inspeksjonen. Gjennomføringa av tiltaka kan derfor bli følgt opp med nytt tilsyn utanom ordinær tilsynsfrekvens. Varsel om tvangsmulkt Dersom vi ikkje får tilbakemelding med dokumentasjon på at avvika er retta innan 2. februar 2015, vil Fylkesmannen vurdere å fatte vedtak om tvangsmulkt, jf. forureiningslova 73. I vedtaket om tvangsmulkt blir det sett ein ny frist for å sende inn dokumentasjon. Dersom denne fristen ikkje blir heldt, må verksemda betale tvangsmulkta. Ei eventuell tvangsmulkt vil vere på kroner. Verksemda kan kommentere dette varselet. Eventuelle kommentarar må sendast til Fylkesmannen innan to veker etter at denne rapporten er motteken, jf. forvaltningslova 16. 2

3 4. Kontrollgebyr Fylkesmannen varsla i e-post 10. oktober 2014 at Oma Slipp & Mekaniske Verksted vil få eit gebyr på kroner for inspeksjonen, jf. forureiningsforskrifta Dette er gebyrsats 2. Gebyret skal dekkje kostnadar i samband med førebuing, gjennomføring og oppfølging av kontrollen. Faktura blir ettersendt frå Miljødirektoratet. De har rett til å klage på valet av gebyrsats innan tre veker etter at de har fått denne rapporten, jf. forvaltningslova 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på jf. offentleglova. 6. Dokumentunderlag forureiningslova produktkontrollova forureiningsforskrifta kap. 29 om skipsverft forureiningsforskrifta kapittel 20 om avfall og lasterester frå skip avfallsforskrifta kapittel 11 om farleg avfall internkontrollforskrifta Informasjon om regelverket finn de på og Vi viser og til Norsk Industri sin rapport "Beste praksis for miljøarbeid i skipsverft utslipp og avfall". Definisjonar Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 7. Avvik Vi fann følgjande avvik under inspeksjonen: Avvik 1: Verksemda sin internkontroll for ytre miljø har fleire manglar Avvik frå: Internkontrollforskrifta 4 og 5 punkt 4, 6 og 7 Kommentarar til regelverket: Internkontroll Internkontrollforskrifta pålegg den som er ansvarleg for verksemda å sørgje for at det vert innført og utøvd internkontroll, jf. 4. Internkontrollen skal verne ytre miljø mot forureining 3

4 og sikre ein betre handtering av avfall i den form og det omfang som er naudsynt og på bakgrunn av verksemda si art, aktivitetar, risikotilhøve og storleik, jf. 5. Miljømål For at internkontrollen skal fungere som eit verktøy for verksemda, til å bli betre på ytre miljø, er det viktig å setje seg konkrete mål for arbeidet. Det bør også utarbeidast ein handlingsplan med tiltak for å nå måla. Måla skal dokumenterast skriftlig. Når tiltaka er utførte skal leiinga vurdere om mål/delmål er nådd, eller om drifta må justerast for å nå måla. Risikovurdering Ei risikovurdering skal kartlegge problem og farar for utslepp til ytre miljø og innehalde planar og tiltak for å redusere risikoen. Risikovurderinga skal omfatte alle aktiviteter som kan føre til forureining av vatn, grunn og luft. Risikovurderinga og handlingsplanen skal vere skriftleg. Rutinar Verksemda skal ha skriftlege rutinar for å avdekke, rette opp og førebyggje brot fastsatt i eller i medhald av lov eller forskrift. Avvikshandtering Verksemda skal ha eit system for å registrere hendingar som kan føre til forureinande utslepp, feil handtering av avfall og kjemikaliar mv., inkludert naboklagar. Hendingane skal handsamast og følgjast opp. Internkontroll Verksemda har ikkje etablert internkontroll for ytre miljø. Fylkesmannen gav same avvik på tilsyn i 2006 og ser såleis alvorleg på at dette ikkje er på plass. Miljømål Verksemda har ikkje fastsett og dokumentert mål for ytre miljø i internkontrollen. Det er mellom anna ikkje fastsett mål for å redusere utslepp til vatn, avfallsmengde og støy Risikovurdering Miljørisikovurdering er ikkje utarbeida for ytre miljø. Det må takast ein gjennomgang av arbeidsprosessar som kan medføra utslepp til sjø, lagringsplassar for avfall og kjemikaliar og andre forhold som kan medføre fare for forureining. Rutinar Det manglar skriftlege rutinar for dei viktigaste arbeidsprosessane som kan føra til forureining, så som: avfallshandtering rutine for høgtrykkspyling av skip reinhald av bedding/slipp journalføring rutine for mottak av skip (avtale med skipet om kva dei kan gjera av vedlikehald på eige skip mens dei ligg ved verksemdas anlegg), rutine for opplæring av dei tilsette som og er tilpassa dei utanlandske arbeidarane 4

5 Avvik Verksemda sitt system for avvikshandtering omfattar ikkje hendingar for ytre miljø. Avvik 2: Handtering av avfall er ikkje tilfredsstillande Avvik frå: Avfallsforskrifta 11-5, 11-6, 11-8 og Kommentarar til regelverket: Lagring av farleg avfall, 11-5 Farleg avfall skal mellomlagrast forsvarleg. Avfallsbesittar har ansvar for at farleg avfall ikkje førar til forureining. Avfallet sitt farepotensial set krav til lagringsplassen, særleg verna mot ytre påverknad og sikring mot uvedkomande. Det er òg krav til at ein held orden og oversikt over avfallet, ved ryddig og avskilt plassering og med tydeleg merking om innhaldet. Alle som oppbevarer farleg avfall skal treffe nødvendige tiltak for å unngå fare for forureining. Dette inneber mellom anna merking og sikring mot lekkasjar. Vidarelevering til godkjent mottakar, 11-8 Det farlege avfallet skal leverast til godkjent mottakar minst 1 gong kvart år dersom den totale mengda farleg avfall overstig 1 kg. Leveringsplikt, Det farlige avfallet skal deklarerast ved levering til godkjent mottak. Avverka materiale frå høgtrykkspyling av båtar vert levert som restavfall til SIM. Hovudregel er at avverka materiale skal handterast som farleg avfall, med mindre det ikkje føreligg analyser som kan dokumentere at avfallet ikkje er farleg. Slik dokumentasjon blei ikkje framlagt på tilsynet. ( 11-5) Sprayboksar blei kasta i restavfallet. (Sprayboksar er farleg avfall) ( 11-5) Dei to stålcontainere for lagring av farleg avfall hadde ikkje noko sikring dersom flytande avfall havna på golvet. Conteinarane står ikkje på tett dekke. Ein eventuell lekkasje vil renna ut og ned i grunnen. ( 11-5) Det var ikkje ryddig i dei to stålcontainere for lagring av farleg avfall. ( 11-5) Sloppvatn er ikkje levert sidan 2010 i fylgje verksemdas deklarasjonsskjema. ( 11-8) Oljefilter, oljeholdige filler, spillolje, løysemiddel, oljeforureina masse blir kjørt til SIM av verksemda og innlevert utan at deklarasjonsskjema blir utfylt. Dette har skjedd fleire gongar i 2012, 2013 og Innlevering kunne dokumenterast med faktura. ( 11-12) 5

6 Avvik 3: Reinsing av sloppvatn (kjølvatn) frå skip skjer utan løyve etter forureiningslova Avvik frå: Avfallsforskrifta 11-6 og 11-7 bokstav d) forureiningsforskrifta kapittel 20 Kommentar til regelverket: Sloppvatn frå skip er vatn som er forureina med olje og andre mogelege miljøskadelege stoff. Sloppvatn er definert som farleg avfall, jf. avfallsforskrifta 11-3 og kan takast imot av verksemda og leverast vidare til godkjent avfallsverksemd etter reglane i forureiningsforskrifta kapittel 20. Å reinse sloppvatn frå skip er å betrakte som behandling av farleg avfall som krev løyve frå Miljødirektoratet, jf. avfallsforskrifta Dette er avklart særskilt med Miljødirektoratet. Dette gjelder også sloppvatn som oppstår som ein del av oppdraget til skipsverftet, til dømes spyling av maskinrom i skipet. Verksemda pumpar sloppvatn (kjølvatn) frå maskinrom eller kjøl i båtar ved kai eller i slipp over på to 10 m 3 ståltankar. (Ein tank for kvar slipp). Verksemda pumpar så sloppvatnet gjennom ein mobil oljeavskiljar som blir flytta mellom desse tankane. Oppkonsentrert olje blir levert inn som farleg avfall. Vatnet frå oljeavskiljaren blir sloppen på bakken og til sjø. For å rette avviket må verksemda stanse reinsinga av sloppvatn frå skip i eige reinseanlegg. Sloppvatnet må leverast som farleg avfall til godkjent mottakar. Dersom verksemda ynskjer å reinse sloppvatn må det søkast om løyve til dette hos Miljødirektoratet. Avvik 4: Verksemda har ikkje utarbeidd måleprogram Avvik frå: Forureiningsforskrifta 29-9 d Kommentarar til regelverket: Verksemda skal ha eit måleprogram for dokumentasjon av utslepp til luft, vatn og støy som skal inngå i verksemdas dokumenterte internkontroll. Formålet med målingane er å dokumentere at gitte krav vert følgde. Måleprogram skulle ha vore utarbeida seinast 1. januar Vi viser til Miljødirektoratets faktaark TA-2748/2010 om kva som er forventa av eit måleprogram for dokumentasjon av utslepp. Verksemda har ikkje laga eit måleprogram. Avvik 5: Verksemda kan ikkje dokumentera innhald av miljøskadelege stoff i spylevatn som blir sleppt til sjø Avvik frå: Forureiningsforskrifta 29-9 b Kommentarar til regelverket: Vatn som blir nytta til reingjering av skip i slippar og beddinghall kan innehalda miljøskadelege stoff som oppløyst stoff og/eller som partiklar. Kva slags miljøskadelege stoff dette kan vera, avheng av kva type bunnstoff som er på skipa som vert reingjort. Kor mykje 6

7 partiklar/malingsflak som hamnar i sjøen med spylevatnet avheng av kva slags tiltak verksemda har iverksett for oppsamling av avvikra materiale før vatnet når sjøen. Verksemda skal dokumentere korleis utslepp av miljøskadelege stoff til vatn vært målt/kontrollert og kva tiltak som er gjort for å redusera utsleppa. Krav om slik dokumentasjon vart iverksett gjennom forureiningsforskrifta kapittel 29 frå 1. januar Verksemda må dokumentera utslepp av miljøskadelege stoff på ein måte som er representativ for totalmengde spylevatn som vert slept ut over ett år, slik at ein fangar opp variasjonar i utsleppa. Årleg mengde spylevatn som blir sloppet til sjø må inngå i dokumentasjonen. Prøvar av spylevatnet, bør som minimum analyserst for parametrane kadmium, kvikksølv, kobbar, bly, arsen, krom og tinnorganiske forbindelsar (TBT). Vi visar til Miljødirektoratet sitt faktaark om forureiningar frå skipsverft. Verksemda tok prøver av spylevatn frå tre ulike båtar i Prøvane blei blanda saman og analysert 1 for miljøgifter. Resultata viste svært høg konsentrasjon av kobbar (56 mg/l) og sink (98 mg/l). Verksemda meiner at innhaldet av miljøgifter i spylevatn er lågare i dag enn i 2007, sidan bunnsmurningen som nyttast i dag er mindre miljøskadeleg. Fylkesmannen meiner det må takast nye prøvar av spylevatn for å dokumentere dette, då dette er nødvendig dokumentasjon i vurderinga om verksemda treng å reinse spylevatnet. Avvik 6 : Verksemda har ikkje dokumentert støy ved mest støyutsette nabo Avvik frå: Forureiningsforskrifta 29-9 c) Kommentar til regelverket: Verksemda skal dokumentera at støy frå verksemda ikkje overskrid støygrensene gjevne i forureiningsforskrifta 29-7 og Dokumentasjon av støy skulle ha vore utarbeidd seinast 1. januar Nærmaste bustad ligg 40 meter frå slippen i luftlinje. Innanfor ein radius på 200 meter frå slippane ligg det fleire bustadar som kan bli plaga av støy. Ved sidan av verksemda ligg eit betongblandeverk som også bidrar med støy for de same bustadane. Verksemda bør nytta støyberekning som metode for å dokumentera støy frå verksemda. På den måten vert verksemdas bidrag til støyen dokumentert, uavhengig av støy frå naboverksemda. Dette kan gjerast av konsulent med støyfagleg kompetanse. Fylkesmannen vil vurdera støy frå naboverksemda ved neste tilsyn på denne verksemda. 1 Hardanger Miljøsenter AS 7

8 Avvik 7: Det er fare for utslepp av olje frå to tankar for lagring av oljehaldig vatn Avvik frå: Forureiningsloven 7 Kommentarar til regelverket: Når det er fare for forureining skal den ansvarlige for forureininga sørgje for tiltak for å hindre at den inntreff. Har forureininga skjedd skal han sørgje for tiltak for å stanse, fjerne eller avgrensa verknaden av den. Det er etablert oppsamlingskar under dei to 10 m 3 tankane for lagring av sloppvatn. Tankane står utan overbygg slik at nedbør vil samle seg i karene. Ved tilsynet blei det observert oljehaldig væske i oppsamlingskarene. Det var også olje på bakken (pukk/grus) rundt karene og oppetter veggen der det eine karet stod. Desse forholda kunne ikkje forklarast av verksemda. Verksemda må undersøkje kvifor dette skjer. Avvik 8: Verksemda har ikkje tilstrekkelig system for å samle opp avverka og overflødig materiale i slippen Avvik frå: Forureiningsforskrifta 29-4 Kommentar til regelverket: Avverka materiale samt overflødig materiale frå påføringar skal samlast opp. Med avverka materiale meinast alt materiale som vert fjerna som følgje av overflatebehandlinga. Dette inkluderer materiale frå skraping og spyling av båtar og rester av maling og liknande. Overflødig materiale er materiale som er nytta i overflatebehandlingsprosessen, men som ikkje blir verande på eller i båtens skrog. Det kan for eksempel være rester eller søl av bunnstoff, primer, reingjeringsvæsker osv. Det låg mykje avverka materiale i ute-slippen. I følgje verksemda blei oppsamling av avverka materiale samla opp etter skjønn utan fast rutine. Verksemda har laga barrierar (betongkantar) i slippane for å leia spylevatn til tverrgåande renner og kummar for å halda tilbake avverka materiale. Rennene og kummane er tetta med pukk og lokk, slik at dei ikkje fungerer etter hensikta. 8. Merknader Vi har gitt følgjande merknad under inspeksjonen: Merknad 1: Verksemda fører ikkje journal på mengde, type oppsamla materiale og disponering av dette. Kommentarar: I samsvar med i forureiningsforskrifta skal verksemder journalføre opplysingar om; målingar av utslepp til luft, vatn og støy mengde og type oppsamla materiale, jf og disponering av dette kva periodar dei særskilte støykrava i 29-8 vert nytta 8

9 I følgje Norsk Industri bør skipsverft journalføre følgjande; båten sin unike ID og fysiske data (byggjeår, LOA, B,D,W, m2) målingssertifikat eller data for botnstoff dato inn/ut av dokk/slipp/skipsheis omfang av overflatehandteringa (m 2 ) og anna arbeid på skip i dokk/slipp/skipsheis (skader på botnstoff, eventuell skade på forsegling, spyling til bart stål eller liknande) vassforbruk til spyling nytt botnstoff som er påført mengde slam/avverka materiale levert og tilhøyrande analysar mengde vatn slept ut eller handtert og tilhøyrande analysar 9. Andre forhold Om verksemda Verksemda vart etablert i 1982, har 12 fast tilsette og 7 innleidde arbeidarar. Verksemda utfører reingjering/bunnsmurning, vedlikehald av propellar og akslingar, reperasjonar av skrogskadar og klargjering av passasjerskip for klassifikasjon. Sandblåsing er ikkje utført sidan Verksemda har to slippar; ein er ute og ein i leier til ein verkstadhall. Maks lengde på båtar i slippen er 40 meter. Slippen til hall kan ta skip opp til 130 tonn. Uteslippen kan ta skip opp til 350 tonn. Verksemda har båtar pr. år totalt, men kun båtar blir spylt/bunnsmurt. Gjennomsnitt båtlengde er 33 meter med gjennomsnitt våt flate på 250 m 2. Årlig behandla våt flate er anslege til maksimalt m 2. Høgtrykkspyling vert utført med eit trykk på inntil 220 bar. Arbeidstida til spyling pr. båt tar ca. 1 time når arbeidet blir utførd av to mann med kvar sin sprøyte. Vatnforbruk for spyling totalt er ca liter pr. båt. Arbeidstid er kl. 07:00-15:00 måndag til fredag heile året unnateke fire veke sommarferie. Det blir arbeidd ca. 5-6 laurdagar pr. år. Og inntil 10 kveldar til kl. 22:00 pr. år. Krav til mottak av avfall frå båtar og avfallsplan for hamner Verksemda tek imot avfall frå båtar som kjem inn til verftet. Forureiningsforskrifta 20-5 set krav om at alle hamner, også private kaier som Oma Slipp & Mekaniske Verkstad AS, skal ha ei ordning for mottak av avfall frå båtar. Mottak av avfall og lasterestar som er farleg avfall skal skje i tråd med standardiserte krav i vedlegg III til forskrifta. Forureiningsforskrifta 20-6 set og krav om at alle hamner skal utarbeide ein avfallsplan. Krav til innhald i planen er gitt i vedlegg 1 til kap.20. Planen skal godkjennast av Fylkesmannen. Miljødirektoratet har utarbeidd ein rettleiar for arbeidet med avfallsplanar; M-147/2014, sjå 9

10 Vi har ikkje mottatt avfallsplan for hamner frå Oma Slipp & Mekaniske Verkstad AS. Frist for innsending var 1. juli Vi ber om at oppdatert avfallsplan blir sendt Fylkesmannen for godkjenning saman med tilbakemelding etter tilsynet. 10. Bilder Bilde teke av fylkesmannen den 16. oktober 2014 Avverka materiale i slippen ute Oljesøl ved tank for lagring av oljehaldig vatn Lukka container for lagring av farleg avfall 10