Nidaros Mållag http://www.nm.no/lag/nidaros-mallag/ Årsmøte 30. mars 2016 kl. 18.00 Innkalling og sakspapir Vel møtt på årsmøtet! helsing styret E-post? Styret bed om at alle som har, sender oss e-postadressa si (og melder ifrå om ev. endringar). Det gjer kontakten med medlemene både enklare og billegare (og reduserer arbeidsmengda for styret), men det er viktig at e-postlista er oppdatert. Gjer vel å senda SMS eller e-post som byrjar på NIMEPOST (etterfylgd av mellomrom + namn og e-postadresse) til leiaren (Jørgen G. Bosoni, mob. 930 28 426, e-post jorgengb@gmail.com). Dette gjeld jamvel om du alt har sendt oss e-postadressa di tidlegare. Alle endringar av e-postadresse skal meldast på same måten og med den same skrivemåten.
Nidaros Mållag v. Jørgen G. Bosoni Selsbakkvegen 7 B, 7023 Trondheim 7. mars 2016 Tlf. 930 28 426 INNKALLING TIL ÅRSMØTE I NIDAROS MÅLLAG Med dette vert du kalla inn til årsmøte i Nidaros Mållag onsdag 30. mars 2016 klokka 18.00 på møteromet åt BUL i Nidaros i Dronningens gate 23. Sakliste 1. Opning. Godkjenning av innkalling og sakliste. 2. Val av møtestyrar og møteskrivar og to til å skriva under møteoppritet. 3. Toårsmelding for 2014 og 2015. 4. Rekneskap for 2014 og rekneskap for 2015: a) rekneskap for Nidaros Mållag; b) rekneskap for Nidaros Mållags fond til norsk målreising. 5. Arbeidsprogram for 2016. 6. Budsjett for 2016. 7. Val: a) leiar; b) styre; c) ettersynsfolk; d) utdelingsnemnda for fondet; e) valnemnd; f) utsendingar til årsmøtet i Trønderlaget 2017; g) utsendingar til landsmøtet i Noregs Mållag 2016. 8. Ev. innmelde vedtaksframlegg. Sakspapir for sakene 3, 4, 5, og 6 ligg ved. Vel møtt på årsmøtet! Helsing Jørgen G. Bosoni, leiar 2
Årsmelding for Nidaros Mållag 2014 og 2015 Styret for 2014 og 2015 Leiar: Jørgen Bosoni Styremedlemer: Herman Ranes (nestleiar), Kristin Fridtun og Leiv Inge Aa. Det vart ikkje halde årsmøte i 2015; jf. at det ikkje var landsmøte i Noregs Mållag i 2015. Kristin Fridtun og Leiv Inge Aa bur ikkje i Trondheim lenger. Årsmøte Årsmøtet vart halde 2. april 2014. Jørgen vart attvald som leiar. Kristin vart attvald som styremedlem for to nye år. Herman og Leiv Inge var ikkje på val i 2014. Etter vala vanta me tre varafolk og éin styremedlem. Årsmøtet vedtok at styret kunne fylla ut med éin medlem til og varamedlemer. Representasjon Årsmøte i Trønderlaget: Jørgen G. Bosoni, Anders Gjelsvik og Herman Ranes var utsendingar til årsmøtet i Trønderlaget 1. mars 2014 og 7. mars 2015. Jørgen, Anders og Herman var òg utsendingar til årsmøtet i Trønderlaget 5. mars 2016. Landsmøte i Noregs Mållag: Jørgen var utsending til det 98. landsmøtet åt Noregs Mållag på Gardermoen 4. 6. april 2014. Som ein led i samarbeidet med «Nettverket for tydeleg og enkel nynorsk» dekte Nidaros Mållag reiseutgiftene til Jørgen og Herman i samband med årsmøtet i Nettverket (Voss, 15. mars 2014). Medlemstal Nidaros Mållag hadde 142 betalande medlemer i 2014 og 141 i 2015, som er 7 medlemer færre enn i 2013. Laget har i alt 160 «potensielle» medlemer, som får denne innkallinga, på medlemslista vår. Me har lege godt over 100 medlemer i dei siste åra, og me vonar å runda 150 betalande medlemer i 2016. 3
Jul i Trøndelag Slik som stoda er no, er sal av Jul i Trøndelag framleis problematisk for styret, og det er ynskjeleg at fleire medlemer hjelper til. I 2014 vart det selt i alt 80 hefte. Leiv Inge Aa selde 40 av dei, Anders Gjelsvik 25, og Herman Ranes 15 hefte. I 2015 vart det selt i alt 45 hefte. Anders Gjelsvik selde 20 av dei, Herman Ranes 15, og Studentmållaget i Nidaros kjøpte 10 hefte. Statistikken for dei siste åra er: 91 hefte i 2013, 56 hefte i 2012, 36 hefte i 2011, 56 hefte i 2010, 81 hefte i 2009, og 33 hefte i 2008. Heftet Tradisjonell og fylgjerett nynorsk Styret i Nidaros Mållag har gjennom dei siste åra vore med i arbeidet for å fremja ei tydeleg og enkel norm for nynorsk. Samarbeidet med Ullensvang Mållag og Voss Mållag heldt fram i 2014 og 2015 òg; mellom anna vart arbeidet med å produsera ei noko fyldigare ordliste sett i gang. Heftet Tradisjonell og fylgjerett nynorsk. Ein revisjon av rettskrivinga av Ola I. Breivega og Arvid Langeland. Trondheim Voss (2012). ISBN 978-82- 303-2021-1 vart gjeve ut i mars 2012 og kan kjøpast frå Nidaros Mållag. Me har framleis nokre eksemplar på lager. Teksten i dette årsmøteheftet er i samsvar med norma i normeringsheftet. Nidaros Mållag har framleis ein del hefte på lager. Pris for medlemer er 50 kr, for ikkje-medlemer 60 kr. Nettsider No om dagane er det sers viktig å vera synlege på verdsveven. Me minner om at Nidaros Mållag har internettsider gjennom ei teneste som Noregs Mållag no tilbyd alle fylkeslag og lokallag. Adressa til heimesida vår er: http://www.nm.no/lag/nidaros-mallag/ 4
Nidaros Mållag, utdrag av rekneskapen for 2014 (tap og vinning). Driftsinntekter Note Rekn. 2014 Bud. 2014 Rekn. 2013 Medlemspengar 6 950,00 6700 6750 Møteverksemd 0,00 0 0 Kommunalt tilskot 0,00 0 0 Andre tilskot og gåver Reisetilskot (refusjon) 956,00 Sal av bøker, hefte 1 5 840,00 7000 6650 Ymse inntekter 0,00 0 0 Sum driftsinntekter 13 746,00 13700 13400 Driftskostnader Parallellklassearbeid Målarbeid born, ungdom 0,00 2000 0 Møteverksemd 0,00 3000 2069 Vervemateriell Kontorhald 2 2 063,00 2500 1844 Tilskot, gåver 0,00 1000 3095 Kjøp av bøker, hefte 3 4 000,00 5000 9533 Reisetilskot 4 11 976,75 12000 6076 Utsendingsavgifter landsm. 5 2 000,00 2000 2000 Ymse småpostar 500 0 Sum driftskostnader 20 039,75 28000 24617 Driftsresultat (underskot) 6 293,75 14300 11217 Kapitalinntekter og kapitalkostnader Renteinntekter mm. 12 957,18 15000 14506 Netto avsett til fondet 6 10 000,00 7000 7400 Netto kapitalinntekter, laget 2 957,18 8000 7106 Årsresultat 3 336,57 6300 4111 Notar: 1. kr 5600 av dette kjem frå sal av Jul i Trøndelag 2014. Dette gjev netto kr 1600 til Nidaros Mållag. 2. Av dette er kr 1574 portoutgifter. 3. Dette gjeld Jul i Trøndelag. 4. Av dette gjeld kr 4477 reise til Voss for møte vedkomande Tradisjonell og fylgjerett nynorsk. Resten gjeld to utsendingar til landsmøtet i Noregs Mållag. Til frådrag kjem refusjon på kr 956 frå reiseutjamninga for landsmøtet, dette er ført under inntekter. 5. Utsendingsavgift for to utsendingar til landsmøtet i Noregs Mållag. 6. Fondet er Nidaros Mållags fond til norsk målreising. Fondet var 1.1.2014 på kr 470000. Avkastinga av fondet i 2014 er kr 11111, eller 2,364 prosent. Fondet har vore regulert etter konsumprisindeksen 5
frårekna avgifter og energi (KPI-JAE) som har ein årsvekst frå 2013 til 2014 på 2,4 prosent. Avkastinga er såleis litt mindre enn auken i indeksen. Etter dette gjer ein framlegg om ei netto avsetjing til fondet for 2014 på kr 10000, som er 2,13 prosent av fondsverdien. Dette er ikkje full inflasjonsjustering, men årsmøtet kan vedta det ut frå 4 i føresegnene for fondet, sidan det er rimeleg å ikkje ha full inflasjonsjustering i dette tilfellet. Balanse 2014 Status 31.12.2014, jamført med 2013 2014 2013 I kasse 504,00 3094,00 Bankinnskot 567527,51 562703,08 Til gode 519,00 1290,00 Sum aktiva 568550,51 567087,08 Gjeld 0,00 5200,00 Eigenkapital: Nidaros Mållags fond til norsk målreising 480000,00 470000,00 Annan eigenkapital, tillagd årsresultatet 88550,51 91887,08 Sum passiva 568550,51 567087,08 Nidaros Mållags fond til norsk målreising. Rekneskap for 2014 Debet Kredit I fondet 01.01. 470000 Avkasting 2014 11111 Utteke til lagsdrifta 2014 1111 Balanse 31.12. 480000 Sum 481111 481111 Merknad: Fondsmidelen er plassert i bank saman med andre pengar som Nidaros Mållag eig, slik at den samla renteinntekta vert best mogeleg. 6
Nidaros Mållag, utdrag av rekneskapen for 2015 (tap og vinning). Driftsinntekter Note Rekn. 2015 Bud. 2015 Rekn. 2014 Medlemspengar 8 520,00 6950 Møteverksemd 0,00 0 Kommunalt tilskot 0,00 0 Andre tilskot og gåver Reisetilskot (refusjon) 0,00 956 Sal av bøker, hefte 1 3 150,00 5890 Ymse inntekter 0,00 0 Sum driftsinntekter 11 670,00 13796 Driftskostnader Parallellklassearbeid Målarbeid born, ungdom 0,00 0 Møteverksemd 0,00 0 Vervemateriell Kontorhald 0,00 2063 Tilskot, gåver 1 000,00 Kjøp av bøker, hefte 1 2 250,00 4000 Reisetilskot 0,00 11977 Utsendingsavgifter landsm. 0,00 2000 Ymse småpostar 0 Sum driftskostnader 3 250,00 20040 Driftsresultat 8 420,00 6244 Kapitalinntekter og kapitalkostnader Renteinntekter mm. 8 348,18 12957 Netto avsett til fondet 2 7 000,00 10000 Netto kapitalinntekter, laget 1 348,18 2957 Årsresultat 9 768,18 3287 Notar: 1. Laget har i 2015 selt 45 eksemplar av Jul i Trøndelag 2. Fondet er Nidaros Mållags fond til nynorsk målreising. Fondet var 01.01.2015 på kr 480 000. Avkastinga av fondet i 2015 er kr 7183, eller om lag 1,5 prosent. Fondet har vore regulert etter konsumprisindeksen frårekna avgifter og energi (KPI-JAE), som har ein årsvekst frå 2014 til 2015 på 2,5 prosent, som er meir enn avkastinga. Etter dette gjer ein framlegg om ei netto avsetjing for 2015 på kr 7000, som er 1,46 prosent av fondsverdien. Dette er ikkje full indeksregulering, så dette inneber at årsmøtet må gjere vedtak om unnatak, etter 4 i føresegnene for fondet. 7
Balanse 2015 Status 31.12.2015, jamført med 2014 2015 2014 I kasse 1 884,00 554,00 Bankinnskot 585 215,69 567 527,51 Til gode 519,00 519,00 Sum aktiva 587 618,69 568 600,51 Gjeld 2 250,00 0,00 Eigenkapital: Nidaros Mållags fond til norsk målreising 487 000,00 480 000,00 Annan eigenkapital, tillagd årsresultatet 98 368,69 88 600,51 Sum passiva 587 618,69 568 600,51 Nidaros Mållags fond til norsk målreising. Rekneskap for 2015 Debet Kredit I fondet 01.01. 480000 Avkasting 2014 7183 Utteke til lagsdrifta 2014 183 Balanse 31.12. 487000 Sum 487183 487183 Merknad: Fondsmidelen er plassert i bank saman med andre pengar som Nidaros Mållag eig. Sjå òg note 2 til inntekter og utgifter. 8
Framlegg til budsjett 2016 Driftsinntekter Note Budsjett 2016 Budsjett 2014 Rekneskap 2014 Medlemspengar 8460 6700 6950 Møteverksemd 0 0 0 Kommunalt tilskot 0 0 0 Andre tilskot og gåver 0 Reisetilskot 956 Sal av bøker, hefte 1 7000 7000 5840 Ymse inntekter 0 Sum driftsinntekter 15460 13700 13746 Driftskostnader Parallellklassearbeid Målarbeid, born ungdom 1000 2000 0 Møteverksemd 3000 3000 0 Vervemateriell 0 Kontorhald 2500 2500 2063 Tilskot, gåver 1000 1000 0 Kjøp av bøker, hefte 5000 5000 4000 Reisetilskot 12000 12000 11977 Utsendingsavgift, 2000 2000 2000 landsmøtet Ymse småpostar 500 500 Sum driftskostnader 27000 28000 20040 Driftsresultat (underskot) 11540 14300 6294 Kapitalinntekter og kapitalkostnader Renteinntekter mm. 3000 15000 12957 Netto avsett til fondet 3000 7000 10000 Netto kapitalinntekter, laget 0 8000 2957 Årsresultat (underskot) 11540 6300 3337 Notar: 1. I hovudsak Jul i Trøndelag. 9
Framlegg til arbeidsprogram for 2016 Aktivitetar Nidaros Mållag har som mål å skipa til møte med ymist innhald, attåt dei tradisjonelle forfattarkveldane og barnelitteraturmøta. Aktuelle tema kunne vera: Minoritetsmål kontra nasjonalmål Målsituasjonen i andre land Den nye stadnamnlova Å ta del i den nynorske kulturarven: rett eller plikt? Sidemålsordninga. Me ynskjer å halda fram i 2016 med den vellukka samarbeidsordninga som me har hatt tidlegare med SmiN Studentmållaget i Nidaros, og med domprosten i Nidaros med tanke på nynorskgudstenester. Styret held fram samarbeidet med «Nettverket for tydeleg og enkel nynorsk», som har som mål å publisera ei ordliste og elektroniske hjelpeverkty. Til hausten ynskjer Nidaros Mållag å skipa til to møte: ein litteraturkveld med stipendiat Per Esben Myren-Svelstad (NTNU), og eit populærvitskapleg føredrag om å vera fleirspråkleg i Noreg med Mila Dimitrova Vulchanova (professor på NTNU), med serleg vekt på korleis skriveopplæring og skrivedugleik både i nynorsk og bokmål påverkar språkforståing. I 2013 for å markera Språkåret og at det var 200 år sidan Ivar Aasen vart fødd samarbeidde Nidaros Mållag, Nynorsklaget og Trønderlaget med Domprosten i Nidaros om ei høgmesse i Nidarosdomen med m.a. liturgi og salmar på nynorsk. Både messa og den etterfylgjande, utvida kyrkjekaffien var vellukka tilskipingar. Styret i Nidaros Mållag vil arbeida for at ei nynorskgudsteneste i tilknyting til Olavsfestdagane skal verta eit årvisst tiltak. Skulemålsarbeid Parallellklassearbeidet er ein svært viktig del av skulemålsarbeidet. Lovverket seier at dersom foreldre til ti elevar eller fleire ynskjer nynorsk som opplæringsspråk, då får desse elevane gå i eiga klasse. Problemet er at foreldra får inga form for stønad eller anna hjelp frå det offentlege i det tidog ressurskrevjande arbeidet som skal til for å greia å samla minst ti elevar. Elevlistene er offentlege dokument som skulane har både rett og plikt til å utlevera til dei som er interesserte, men denne juridiske detaljen er diverre lite kjend. I dei fleste tilfella vil alt dette seia at foreldre som bur i bokmålsdominerte skulekrinsar, og som ynskjer nynorsk som fyrste 10
opplæringsspråk, likevel må finna seg i at borna får opplæring på bokmål. Born med bokmål som opplæringsspråk har sitt fyrste møte med nynorsken på eit altfor seint tidspunkt. Dette er som kjent ein av grunnane til at mange elevar har ei negativ haldning til nynorsk. Skulemålsarbeidet skal skje i samråd med skulemålsskrivaren i Noregs Mållag. Ymse Nidaros Mållag har sidan 2009 hatt over 100 medlemer og no nærmar me oss 150, men medlemstalet bør aukast vidare. Endå viktigare er det å mobilisera dei medlemene som me allereie har. Elles gjeld det meir enn nokon gong før at styret skal organisera og styra, ikkje vera eit arbeidsutval som tek heile skjerven sjølv. Dermed vert det eit viktig mål å syta for aktivitet blant medlemene i laget. 11
Returadresse: Nidaros Mållag, Dronningens gate 23, 7012 Trondheim Nidaros Mållag Kontoradresse: Dronningens gate 23, 7012 Trondheim Organisasjonsnummer: 985 702 160 Heimeside: http://www.nm.no/lag/nidaros-mallag/ 12