Møteinnkalling Utval: Nærøyfjorden verneområdestyre Møtestad: E-post Dato: 08.01.2019 Tidspunkt: 09:00 Eventuelt forfall må meldast snarast på tlf. 99499753 eller e-post fmsfano@fylkesmannen.no. Vararepresentantar møter etter nærare beskjed.
Saksliste Utvalssaksnr ST 1/19 ST 2/19 Innhald Lukka Arkivsaksnr Godkjenning av innkalling og dagsorden Val av styremedlem til å skrive under protokollen ST 3/19 Nærøyfjorden landskapsvernområde - vedlikehaldstiltak på fv. 241 Bakka-Gudvangen 2019/492
ST 1/19 Godkjenning av innkalling og dagsorden ST 2/19 Val av styremedlem til å skrive under protokollen
Saksframlegg Arkivsaksnr: 2019/492-0 Saksbehandler: Anbjørg Nornes Dato: 04.01.2019 Utval Utvalssak Møtedato Nærøyfjorden verneområdestyre 3/19 08.01.2019 Nærøyfjorden landskapsvernområde - vedlikehaldstiltak på fv. 241 Bakka-Gudvangen Innstilling frå forvaltar Nærøyfjorden verneområdestyre gjev Statens vegvesen løyve til å sprenge i fjellsida på ein avgrensa strekning langs fv.241 Bakkavegen for å sikre vegen. Løyvet er gjeve med heimel i verneforskrifta for Nærøyfjorden landskapsvernområde 3 punkt 1.3 e). Løyvet er gjeve med fylgjande vilkår: Sprengingsarbeidet skal avgrensast til området med vegreferanse Fv.241 hp1 km 2840 2070. Strekninga er på inntil 30 meter. Det kan sprengast inntil 2 meters breidde av fjellet på oppsida av vegen. Ny vegbane skal ha same standard som eksisterande veg, dvs. 3 meter vegbreidde. Etter anleggsarbeidet er avslutta skal området vera tilstelt og rydda. Steinmassane som ikkje vert nytta i vedlikehaldsarbeidet på tiltaksplassen skal transporterast ut av verneområdet og deponerast på godkjent plass. Arbeidet skal vera avslutta innan 30.01.2019. Verneområdeforvaltar skal vera med på sluttsynfaring på arbeidet. Verneområdestyret kan, etter samråd med tiltakshavar, gje nye pålegg til opprydding etter sprengingsarbeidet dersom det under synfaring viser seg naudsynt av omsyn til landskapskvalitetane. Saksopplysningar Dokument som bakgrunn for saka: Søknad frå Statens vegvesen om sprenging i samband med vedlikehald av fv.241 Bakkavegen, datert 03.01.2019 Søknaden vert vurdert etter: Forskrift om vern av Nærøyfjorden landskapsvernområde av 08.11.2002 Naturmangfaldlova av 19. juni 2009 Forvaltningsplan for Nærøyfjorden, rapport nr. 1-2008
Deler av fv.241 Bakkavegen går gjennom Nærøyfjorden landskapsvernområde. Statens vegvesen er i gang med vedlikehald av vegen på eit parti ved Vetlaskredgrovi. På denne delen av vegen er mur/skråning under vegen i ferd med å sige ut. Planen var å reparera muren, men det ville medføra eit større inngrep på sjøsida av vegen. Det måtte blant anna byggast veg mot sjøen for å lage fot til muren. For å unngå desse inngrepa ned mot sjøen, har Statens vegvesen bestemt at dei vil skyta seg inn på fjellsida av vegen. Dette vurderte dei som eit mindre inngrep i området. Tiltaket gjeld ei strekning på ca. 30 meter og breidde på ca. 2 meter. Steinmassane skal transporterast ut av verneområdet. Statens vegvesen søkjer om løyve til naudsynt sprenging i området. Kartet viser strekninga på Bakkavegen der det skal utførast sprenging og vedlikehald av vegen. Kartkopi frå søknad. Fv. 241 Bakkavegen med tiltaksplass. Foto Anbjørg Nornes www.fmsf.no Sakshandsamar Anbjørg Nornes Side 2 av 4
Lovgrunnlaget Nærøyfjorden landskapsvernområde er «verna mot alle inngrep eller tiltak som kan verke inn på landskapets art eller karakter» jf. verneforskrifta 3 punkt 1.1. Dette gjeld t.d. «bygging av vegar, sprenging, masseuttak, utfylling, planering og lagring av masse» (jf. 3 punkt 1.1. a)). Verneområdestyret kan gje løyve til «Utbetring og rassikring av vegen mellom Gudvangen og Bakka..» jf. verneforskrifta 3 punkt 1.3 e). Etter naturmangfaldlova (nml) 7 skal prinsippa i 8-12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Fv.241 Bakkavegen er einaste tilkomstveg til grendene Bakka og Tufto utanom fjorden. Vegen er viktig både for fastbuande og tilreisande. I begge grendene er det aktivt landbruksdrift med mjølkeproduksjon. Det er avgjerande for drifta å ha ein sikker og god veg for transport av mjølk og fòr med tunge køyretøy. Om sommaren er det i tillegg stor trafikk på vegen av bilturistar. Det er avgjerande med godt vedlikehald og sikring av murane for å ha ein trygg veg. Reperasjon av murane vert rekna som vedlikehaldsarbeid, og er ikkje søknadspliktig. Utbetring og større inngrep i landskapet er søknadspliktig, jf. verneforskrifta. Sprenging i fjellet for å sikre vegen er difor eit søknadspliktig tiltak, sjølv om Statens vegvesen har vurdert tiltaket som vedlikehaldsarbeid. Forvaltar vurderer at det er heimel i verneforskrifta til å gje løyve til sprenging i samband med vegutbetringa. Den trua og freda mnemosynesommarfuglen er registrert på fleire lokalitetar i nærleiken av tiltaksområdet (Naturbase 04.01.2019). Sommarfuglen er knytt til sørvendte og opne rasmarker. Planlagt tiltaka vil i stor grad vera avgrensa til vegen og fyllinga nær vegen, og vil truleg ha avgrensa effekt på førekomsten av denne arten. Det er ikkje andre kjente registreringar av trua artar eller naturtypar i tiltaksområdet. Kunnskapsgrunnlaget er vurdert som godt for å vurdera denne saka, jf. nml 8. Føre-var-prinsippet jf. nml. 9 er difor ikkje vektlagt i saka. Landskapet i Nærøyfjordområdet er prega av aktive geologiske prosessar med rasmarker og rasvifter. Naturlege skred og dei livsmiljø som dei skapar er viktige for landskap og artar, og er eit av føremåla med vern av Nærøyfjorden landskapsvernområdet. Dette er i tillegg ein av dei viktigaste kriteria for innskriving på UNESCO si verdsarvliste for naturområde. For eksisterande vegar er omsynet til tryggleiken vektlagt i vernereglane. Skiring av eksisterande vegar er vurdert til i liten grad å auka den samla belastninga på økosystemet jf. nml. 10. Forvaltar var på synfaring på Bakkavegen 3. januar 2019 for å sjå på tiltaket på vegen. Forvaltar vurderer tiltaket med å sprenge 1 til 2 meter av fjellet for å legge vegen lenger inn i terrenget, vil gje mindre inngrep i landskapet enn å bygge veg ned mot sjøen for å sikre eksisterande mur. Forvaltar vurderer tiltaket som bra tilpassa miljøet, jf. nml. 12. Steinmassane som ikkje vert nytta i vegbanen skal transporterast ut av verneområdet og lagrast på godkjent deponiplass. Området må ryddast og fyllingane tilpassast landskapet rundt før arbeidet kan ferdigstillast. Tiltaket vil lite truleg føre til skade på naturmangfaldet, og nml. 11 er difor ikkje vurdert i denne saka. www.fmsf.no Sakshandsamar Anbjørg Nornes Side 3 av 4
På bakgrunn av vurderingar etter naturmangfaldlova 8 12, og verneforskrifta for Nærøyfjorden landskapsvernområde, rår forvaltar til at det kan gjennomførast sprenging i samband med utbetring av fv.241 Bakkavegen. www.fmsf.no Sakshandsamar Anbjørg Nornes Side 4 av 4