Plan: Reguleringsplan LNF-føremål Gildreneset. Privat forslag endring eldre detaljregulering. Føresegner Planid: 1438.2018.02 Arkiv nr.: Utarbeidd av: ivest Consult AS Dato: 20.05.2019 Revisjon i prosess: 19.06.2019 (Rev1, i hht til F-sak 051/19) Vedtak/stadfesting: Avskrift: Sign.kontroll: Endringar: Saknr. Dato: Sign: 1. Siktemålet med planen 1.1 Hovudformålet med planarbeidet er tilrettelegging for LNF-område på del av gardsbruket gbnr. 32/3, samt regulere tilkomstveg til gardstunet. Bygg og tiltak skal etablerast med terrengtilpassing og med vekt på arkitektur tilpassa kystkultur og landbruksdrift. For utfyllande opplysningar vert det vist til planomtale datert 20.5.2019. 1.2 Planområdet omfattar følgjande føremål: 12-5 nr.1 Bygningar og anlegg - Uthus/naust/badehus, BUN (1589) 12-5 nr.2 Samferdsleanlegg og teknisk infrastruktur - Køyreveg, SKV (2011) - Annan veggrunn - grøntareal, SVG (2019) - Parkeringsplassar, SPP (2082) 12-5 nr.5 Landbruks-, natur- og friluftsliv og friluftsformål og reindrift - Landbruksformål (5110), LNF (eigendefinert feltnamn) - Friluftsformål (5130), F3 (eigendefinert feltnamn) 12-6 Omsynssoner - a1. Sikringssone Frisikt, (H140) - a3. Faresone Flaumfare, (H320) - a3. Faresone Høgspent, (H370) Side 1 av 5 Privat detaljreguleringsplan, Gildreneset LNF, Planid 1438.2018.02
2. Fellesføresegner for heile planområdet 2.1 Funksjons- og kvalitetskrav ( 12-7 nr. 4) 2.1.1 Varslingsplikt ved funn av automatisk freda kulturminne Tiltakshavar har plikt til å vise varsemd og til å straks melde frå til Sogn og Fjordane fylkeskommune ved Kulturavdelinga dersom ein under arbeidet skulle støyte på automatisk freda kulturminne, jfr 8, 2. ledd i Lov om kulturminne. 2.1.2 Estetisk utforming Alle tiltak innfor planområdet skal gjennomførast med god estetisk og arkitektonisk utforming. Det skal leggjast vekt på god material- og fargebruk som er med på å gje området god arkitektonisk utforming, og arkitektur tilpassa kystkultur og landbruksdrift. Bygg skal ha saltak eller pulttak. 2.1.3 Terrenghandsaming Det skal leggjast vekt på skånsam terrenghandsaming innanfor planområdet. Plassering og utforming av tilkomstveg, våningshus, driftsbygg og naust skal best mogleg tilpassast terrenget, og gjerast med minst mogeleg terrenginngrep. 2.1.4 Flytting av masser og tilsåing Ved flytting av masser må det vurderast om massane inneheld svartelista artar. Slik massar skal ikkje nyttast innanfor området for å hindre spreiing av framande artar. 2.1.5 Klimabelastning Nye bygg skal utformast, plasserast, dimensjonerast slik at dei kan stå i mot forventa framtidig auke i belastningar som følgje av vind, nedbør og slagregn. Det skal nyttast bestandig materiale. 2.1.6 Kraftforsyning Straumforsyning kan løysast med alternative energikjelder som til dømes solenergi, fjordvarme etc.. Alternative løysingar for energianlegg skal tilpassast landskap og bygg, og ikkje verke ruvande eller skjemmande, og tilpassing skal dokumenterast ved søknad. Det kan etablerast trafo innanfor planområdet, jfr. pkt. 3.3.1. 2.1.7 Tiltak i strandsona Alle tiltak i strandsona skal skje med bestandig materiale, og avslutning skal utførast på ein god måte ut frå estetiske og funksjonelle omsyn. Utforming og materiale skal dimensjonerast i høve til bølgjepåverknad. Tilkomstveg skal ha murt avslutning mot sjø. Eventuell sprenging i nær tilknyting til sjø i forbindelse avløpsleidning til sjø og framføring av vassleidning, bør i størst mogleg grad utførast i perioden frå oktober til desember. For tiltak i sjø, må naudsynt løyve etter hamne- og farvasslova ligge føre. 2.1.8 Teknisk plan for veg, vatn og avløp Det skal utarbeidast teknisk plan for veg, vatn og avløp, inkludert overvatn, for planområdet. Teknisk plan for veg skal vise plan og profilteikning for tilkomstveg SKV2. Teknisk plan for vatn og avløp, skal vise løysing for vassforsyning og avløp, samt løysing for handtering av overvatn. Løysing for overvatn skal ta høgde for framtidig auke som følgje av klimaendring. Side 2 av 5 Privat detaljreguleringsplan, Gildreneset LNF, Planid 1438.2018.02
3. Føresegner for arealformål 3.1 Bygningar og anlegg ( 12-5 nr. 1) 3.1.1 Uthus/naust/badehus (1589), BUN 1. Føremålet gjeld byggeområdet for naust. 2. Eksisterande naust kan rehabiliterast, eller rivast og erstattast med nytt naust. Maks tillat bebygd areal er BYA=60m2. 3. Maks gesimshøgd er 3m over gjennomsnittleg planert terreng. 4. Det er ikkje tillate å gjerde inn nausttomt. 5. VA-anlegg og anna teknisk anlegg kan førast fram innanfor felt BUN. Terrenginngrep i samband med anlegg skal opparbeidast i samsvar med 2.1.3 (terrenghandsaming) og 2.1.7 (tiltak i strandsona). 3.2 Samferdselsanlegg og teknisk infrastruktur ( 12-5 nr. 2) 3.2.1 Fellesføresegner for Samferdselsanlegg og teknisk infrastruktur 1. Terrenginngrepa i samband med veganlegg skal opparbeidast i samsvar med 2.1.3 (terrenghandsaming). Veg-fyllingar/-skjeringar skal tilsåast/tilplantast med stadeigne massar. 2. VA-anlegg og anna teknisk anlegg kan etablerast i tilknyting til vegtrase/grøft. 3.2.2 Køyreveg (2011), SKV1-3 1. SKV1 er eksisterande felles tilkomstveg til hyttefelt og gbnr. 32/3 på Gildreneset, trase i samsvar med etablert veg, med overgang mot regulert vegtrase. 2. SKV2 er privat tilkomstveg til område LNF1. Veg kan opparbeidast med ein bredde på inntil 4m, inkluder skulder. Skråningsareal skal dekkast med jord etter inngrep, tilsåast og gjevast eit grønt preg. Der vegtrase ligg innanfor strandsona skal veg etablerast med murt avslutning mot sjø. 3. SKV3 er etablert felles tilkomstveg til hytter i område FB7, jfr. feltnamn i gjeldande reguleringsplan godkjent 16.06.2009. 3.2.3 Anna veggrunn grøntareal (2019), SVG 1. Felta SVG er avsett til annan veggrunn - grøntareal. Det kan etablerast infrastruktur-relaterte tiltak innanfor arealformålet (grøfter, skråning, fjellskjeringar, mur, rekkverk, gatelys, osv). Innafor området kan det og leggast VA-anlegg og anna teknisk anlegg. Ved etablering av tiltak skal området såast til etter ferdigstilling. 3.2.3 Parkeringsplassar (2082), SPP 1. Innanfor område SPP kan det etablerast inntil 2 parkeringsplassar for personbil. Området er felles for område LNF i denne plan og for hytte i FB8 i gjeldande reguleringsplan godkjent 16.06.2009. Side 3 av 5 Privat detaljreguleringsplan, Gildreneset LNF, Planid 1438.2018.02
3.3 Landbruks-, natur- og friluftsformål og reindriftsformål ( 12-5 nr. 5) 3.3.1 Landbruksformål (5110), LNF1-LNF3 1. Føremålet gjeld område for landbruk med tilhøyrande tiltak for drift og fast busetting. 2. Innanfor område LNF1, kan eksisterande bygg rivast, og det kan etablerast nytt bustadhus i gardstunet, innanfor byggegrenser vist på plankart. Maks tillat bebygd areal for bustadhus er BYA=200m2, og BRA=200m2. Maks gesimshøgd for bustadhus i ein etasje er 4m over gjennomsnittleg planert terreng. Maks gesimshøgd for bustadhus i to etasjar er 6m over gjennomsnittleg planert terreng. 3. Det kan oppførast naudsynte driftsbygg for gardsbruket i område LNF1, innanfor byggegrense vist på plankart. Maks tillat bebygd areal samla for driftsbygg er BYA=250m2. Maks mønehøgd for driftsbygg er 8m over gjennomsnittleg planert terreng. 4. Det kan etablerast køyreveg frå veg SKV2 og fram til bygg som ligg i LNF1, og lengre frå sjø enn 30m. 5. Det skal vere tilstrekkeleg manøvreringsareal for driftsutstyr/-maskiner i tilknyting til driftsbygg i område LNF1. 6. Det skal etablerast parkering for min. 2 bilar innanfor område LNF1. Parkering kan etablerast i garasje. Garasje kan oppførast som frittståande garasje, eller i tilknyting til driftsbygg eller bustadhus. Maks tillat bebygd areal for frittståande garasje er BYA=50m2. 7. Det kan etablerast VA-anlegg og anna teknisk anlegg innanfor LNF1-LNF3, samt drensgrøfter. Terrenginngrep i samband med anlegg grøfter skal opparbeidast i samsvar med 2.1.3 (terrenghandsaming) 8. Det kan etablerast trafo innanfor området LNF1. 9. Det er ikkje tillate å etablere bygg innanfor område LNF2 og LNF3. Dersom område LNF2 og LNF3 skal nyttast til husdyrbeite, må det settast opp gjerde i beitesesongen. Gjerdeplikta ligg til grunneigar av gbnr. 32/3. 3.3.2 Friluftsformål (5130), F3 1. Området skal nyttast i samsvar med planen til offentleg friluftsområde. Området skal vere tilgjengeleg og nyttbart for ålmenta. Det skal ikkje gjerast terrenginngrep på området. Det skal ikkje etablerast nye vegetasjonstypar som kan verke framande i høve til dagens situasjon, t.d. høgtveksande skog eller tett buskvegetasjon som gjer området mindre tilgjengeleg. 4. Føresegner til omsynssoner ( 12-6, 12-7 og 11-8) 4.1 Sikrings-, støy- og faresoner ( 11-8 a) 4.1.1 Frisikt, H_140 1. Arealet er i planen kombinert med andre føremål. Innan området skal eventuelle sikthinder ikkje vere høgare enn 0,5 m over vegplanet på tilstøytande veg. Enkeltståande tre, stolper og liknande kan stå i siktarealet. Areal som ligg høgare skal planerast ned til 0,5 m over veg. Siktsone i avkøyrslene er sett til 3x20m, dimensjonert ut frå fartsgrense 30km/t, og liten trafikk (ÅDT<50). Side 4 av 5 Privat detaljreguleringsplan, Gildreneset LNF, Planid 1438.2018.02
4.1.2 Flaumfare, H320 1. Område H320_1 er omsynssone for flaum med årleg sannsyn større enn 1/20, Tryggleiksklasse F1. Krav i 7-2 i TEK17 må følgjast, og det kan ikkje oppførast byggverk i området utan at det er gjennomført tiltak for flaumsikring i forhold til tryggleiksklasse for planlagt bygg. Nye tiltak innanfor område faresone flaum som vert etablert lågare enn kote +2,90 (NN2000), skal for naust, veg og planerte flater ikkje ha toppnivå lågare enn kote +2,9m (NN2000). Byggverk etablert lågare enn kote +2,90 (NN2000) skal dimensjonerast for å tole stormflo i 20-årsperspektiv, samt bølgjepåverknad. Planerte flater bør etablerast på ein slik måte at toppnivå kan hevast i takt med nivå for havstigning. Installasjonar som ikkje vil tole høg vasstand og bølgjepåverknad, må plasserast utanfor flaumutsett område. 5. Rekkjefølgjeføresegner 5.1 Før rammeløyve, heile planområdet 1. Godkjent renovasjonsordning skal leggast ved søknad om rammeløyve. 2. Godkjent teknisk plan for veg, vatn og avløp (der moglegheit for tilkopling av sløkkjevatn skal vurderast) skal leggast ved søknad om rammeløyve. Handtering av overvatn skal inngå i planen. 5.2 Før bruksløyve for nye bygg 1. Før det vert gjeve bruksløyve for bustad og driftsbygg innanfor areal LNF1, skal tilfredsstillande tilkomst og godkjent VA-løysing og andre naudsynte tekniske anlegg vere etablert. Dokument som får juridisk verknad gjennom tilvising i føresegnene JURIDISK BINDANDE 1. Plankart datert 20.05.2019 RETNINGSGJEVANDE 1. Planomtale med ROS-analyse, datert 20.05.2019. Side 5 av 5 Privat detaljreguleringsplan, Gildreneset LNF, Planid 1438.2018.02