Kviteseid kommune Møteinnkalling Utval: Hovudutvalet for oppvekst og omsorg Møtestad: Brunkeberg, Kommunehuset Dato: 16.05.2019 Tidspunkt: 09:00 Dersom De ikkje kan møte, ber ein om at De melder frå til sentralbordet eller møtesekretær snarast råd. Varamedlemmar møter bare etter særskilt innkalling. Det vert fylgjande synfaringar: 1. Midtsundtoppen dagsenter kl. 09:00 2. Kviteseid skule kl. 10:00 Møtet startar med oppmøte på Midtsundtoppen klokka 09:00. Det vert gjeve fylgjande orienteringar: Skule og barnehage: -Barnehageopptaket -Personalsituasjonen/bemanning på sektoren -Tilsyn beredskap -Framdrift på ymse utviklingsprosjekt -Innføring av nye fagsystem -Avvik Helse og omsorg: -Rekruttering fastlege, psykolog, fysioterapeut -Prosess arbeidsmiljø KOS -Tilsyn beredskap -System for handtering av avvik -Avvik Det vert servert mat i møtet. -1-
-2-
Saksliste Utvalssaksnr. PS 4/19 PS 5/19 PS 6/19 Innhald Godkjenning av protokoll Referatsaker Utviding av tilbodet på Midtsundtoppen dagsenter Lukka -3-
PS4/19Godkjenningavprotokoll -4-
PS5/19Referatsaker -5-
Kviteseid kommune Arkiv: F05 Saksmappe: 2019/1085-1 Sakshand.: Olav O. Kaasa Dato: 17.04.2019 Saksframlegg Utval Utvalssak Møtedato Administrasjonsutvalet 23.05.2019 Formannskapet 23.05.2019 Kommunestyret 36/19 09.05.2019 Hovudutvalet for oppvekst og omsorg 6/19 16.05.2019 Utviding av tilbodet på Midtsundtoppen dagsenter Faktiske tilhøve: Regjeringa har vedteke at: «Når Demensplan 2020 er gjennomført skal kommunene ha en lovfestet plikt til å tilby et tilrettelagt dagaktivitetstilbud for personer med demens. Det er et mål i Demensplan 2020 at personer med demens skal få muligheter til å leve et aktivt, og pårørende skal gis støtte og avlastning. Dagaktivitetstilbud bør være et sentralt ledd i tiltakskjeden til personer med demens og deres pårørende. Dagaktivitetstilbud skal stimulere og aktivisere hjemmeboende personer med demens, gi gode opplevelser og meningsfulle hverdager. I tillegg skal det bidra til nødvendig avlastning for de nærmeste pårørende.» Heimetenestene i Kviteseid kommune driv eit dagtilbod/dagsenter for heimebuande personar med demens. Dette vart starta opp i 2014 med 8 plassar/brukarar per dag 4 dagar i veka. I 2016 vart tilbodet utvida til 14 plassar/brukarar per dag 4 dagar i veka. Tilbodet er i stor grad finansiert med øyremerka statlege midlar, og me får kr. 865.420 i tilskot for 14 plassar/brukarar. Me har i dag 1,4 årsverk på dagsenteret. Tilbodet har vore viktig for å avlaste pårørande, og for å utsetje innlegging på sjukeheim. Einingsleiar og dei tilsette har jobba særs godt for å byggje opp tilbodet til brukarane, og etter at dagsenteret vart flytt til fellesarealet i Midtsundtoppen omsorgsbustader, har me fått stadig fleire brukarar. Me har over tid no har hatt om lag 25 brukarar per dag. Dette førte til at me sendte ein søknad om ekstra øyremerka midlar til 11 nye plassar/brukarar per dag 4 dagar i veka. Me fekk positivt svar frå Helsedirektoratet, og løyving for 2019 på kr. 1.133.290 til å opprette 11 nye plassar/brukarar per dag 4 dagar i veka. Me reknar med ein årleg driftssats f.o.m. neste år på om lag kr. 680.000 for dei 11 plassane/brukarane. -6-
Arealet på Midtsundtoppen dagsenter er utvida og tilpassa fleire brukarar, og vart ferdig no i april. Me har gjenge inn på ei avtale om å leige ein større bil på dagsenteret med 9 sitjeplassar. Vurdering: Med bakgrunn i at me har fått fleire brukarar, så ser me ein trong for å auke bemanninga ved dagsenteret. I og med at tilskotet til drifta har auka som ein fylgje av fleire brukarar, føreslår me å auke bemanninga med 1,3 årsverk frå 1,4 til 2,7 årsverk frå 12.08.2019. Denne auken vert finansiert ved øyremerka statstilskotet og innanfor totalramma for heimetenestene. Me vil og nytte ein del av tilskotet for 2019 til å kjøpe inn meir utstyr og betre kvaliteten på dagsenteret. Me denne utvidinga, så reknar me med at Kviteseid kommune vil ha dimensjonert tenesta til desse brukarane for fleire år fram i tid, og at me no etter fleire år med opptrapping kan koma inn i ei meir permanent driftsfase. Rådmannen si tilråding: Med bakgrunn i at me har fått fleire brukarar, så ser me ein trong for å auke bemanninga ved dagsenteret. I og med at tilskotet til drifta har auka som ein fylgje av fleire brukarar, føreslår me å auke bemanninga med 1,3 årsverk frå 1,4 til 2,7 årsverk frå 12.08.2019 og ein auke i driftsbudsjettet slik at me brukar opp heile det øyremerka tilskotet. -7-