Vår dato 13.03.2019 Dykkar dato 13.12.2018 Vår referanse 2018/1297 461.5 Saksbehandler, innvalstelefon Magne Nesse, 5557 2335 Hans Olav Malkenes Brevet er sendt pr. e-post til hansolavm@gmail.com Løyve til mudring i Lambatøkje i Fitjar kommune Fylkesmannen i Hordaland gir Hans Olav Malkenes løyve til å mudre ca. 1 200 m 3 massar utanfor gnr. 61, bnr. 75 i Lambatøkje, Fitjar kommune. Formålet med mudringa er å auke seglingsdjupne og sikre tilkomst for båtkai. Mudringsmassane skal nyttast på land. Tiltaket er planlagt gjennomført våren 2019. Løyve er gitt med heimel i forureiningslova 11, forureiningsforskrifta 22-6. Vi viser til søknad datert 13. desember 2018, og utfyllande opplysningar sendt 22. februar 2019. Søknaden Hans Olav Malkenes vil mudre ca. 1 200 m 3 massar på ca. 790 m 2 sjøbotn utanfor eigedom gnr. 61, bnr. 75 i Fitjar. Formålet er å auke seglingsdjupne for småbåtar. Dei mudra massane er tenkt nytta til nydyrking på landbrukseigedom etter løyve frå kommune/landbruksmynde. Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
Det vert opplyst at tiltaket er planlagt gjennomført før mai 2019. Det er ikkje teke prøver av sedimenta fordi det ifølge søker ikkje er kjente forureiningskjelder i området som tilseier at sedimenta er forureina. Høyring Søknaden vart sendt på høyring til kommunen, mynde for havne- og farvannslova, fiskeri og marine kulturminne. Vi har mottatt følgjande uttaler: Fitjar kommune, ved plan og utvikling (17. januar 2019) opplyser at tiltakshavar har fått rammeløyve til tiltaket etter plan- og bygningslova. Kommunen har kjennskap til at grunna molo utanfor det omsøkte området, så er det dårleg vassutskifting i området. Det er fleire separate utslepp som går til sjøområdet. Det er mistanke om brenning av ulikt materiale i sjøkanten, og det er småbåtanlegg i det aktuelle området. Stiftelsen Bergens Sjøfartsmuseum (11. februar 2019) skriv at museet ikkje kjenner til marine kulturminne som kan bli direkte råka av tiltaket. Tiltaksområdet ligger derimot i et prioritert område for marine kulturminne. Potensialet for verna eller automatisk freda kulturminne på sjøbotnen er vurdert for å være til stede. Bergens Sjøfartsmuseum krev som vedkommande myndigheit etter føresegnene ved Lov av 9. juni 1978 nr. 50 om kulturminne, 9 og 14, undersøkingar av om det kan være skipsfunn eller andre marine eller maritime kulturminne i tiltaksområdet. Etter kulturminnelovas 9 og 10 har tiltakshavar undersøkingsplikt. I og med at tiltaket vert rekna som eit mindre privat tiltak utan kommersielle interesser, vil kostnaden av undersøkingane dekkjast av Bergens Sjøfartsmuseum. Tiltaket vil ikkje kunne settast i gang før museet har fått undersøkt og eventuelt frigjeve området. Museet viser til den generelle plikt etter kulturminnelova om augeblikkeleg stans i arbeid og varsling av kulturminnemynde dersom skipsvrak, keramikk eller andre marine kulturminne vert observert. Fiskarlaget Vest (8. februar 2019) viser til at sjølv om det ikkje er registrert fiskeriinteresser nær tiltaksområdet, så viser dei til at det er nye fiskeri som ikkje er registrert i Fiskeridirektoratets kartdatabase, som fiske etter leppefisk og kreps. Fiskarlaget går ikkje imot mudringa, men føreset at mudring vert utført med metodar som hindrar partikkelspreiing, og dei ser positivt på at muddermassane vert nytta til samfunnsnyttig føremål. Tiltakshavars svar på uttalene: Tiltakshavar opplyser at det er innleia dialog med Stiftelsen Bergen Sjøfartsmuseum om marinarkeologiske undersøkingar. Tiltakshavar ser føre seg følgjande tiltak for å avgrense partikkelspreiing: Nytte maskin med stor skuffe og lang rekkevidde for på den måten å avgrense "roting" på botnen til eit minimum. Moloen vil bidra monaleg til å avgrense partikkelspreiinga til andre område (Vestbøstadvika). Utføre mudringa i vår/sommar, dette sidan det normalt er lågare vannstand på fjære sjø på den tida av året, og mesteparten av arealet dermed ligg på svært liten djupne. Vidare opplyser tiltakshavar :"Etter at moloen vart bygd for anslagsvis 12-13 år sidan har den sørvestlege delen av vika vore nytta som havn for eit mindre antal småbåtar, før dette var talet på 2
småbåtar i området marginalt. Området som no er planlagt mudra, altså nord-austre del av vika, har grunna lita djupne i all hovudsak vore ueigna til fortøying av båt. Det er fire eldre bustadeigedommar i direkte tilknyting til strandsona ved vika ved Lambatøkje, det har føregått og føregår framleis brenning av hageavfall og St. Hansbål i tilknyting til desse eigedomane. Som sagt i søknaden finnest det elles ingen teikn på, eller informasjon om at det har føregått slipping, industri eller anna næringsverksemd i tilknyting til området der tiltaket er planlagt." Fylkesmannens grunngjeving Mudring frå fartøy på sjøen krev løyve etter forureiningsforskrifta 22-6, og mudring frå land kan medføre løyve etter forureiningslova 11. Fylkesmannen er mynde og skal vurdere søknader etter Miljødirektoratets rettleiar M 350/2015 Veileder for håndtering av sediment, revidert 25. mai 2018". Sedimentundersøkingar kan utelatast dersom det ikkje er kjende forureiningskjelder i nærleiken. Dei forureiningane som er omfatta av undersøkingar er tungmetall og organiske miljøgifter. Dersom det er konsentrasjonar av slike miljøgifter over ei gitt grense, så vert sjøbotn kalla forureina. Fylkesmannens erfaring i slike saker er at forureina sjøbotn vert påvist der det har vore verksemder som har hatt aktive utslepp til sjø, så som slippar, skipsverft, industriverksemder, avfallsdeponi mv. Kommunen visar til at det at det er småbåtanlegg i området og at private avløpsanlegg har utslepp der. Fylkesmannen har søkt i matrikkelen for eigedomane innafor moloen, der båtutlegg er plassert. Det er privatpersonar som eig kvar teig/naust. Fylkesmannen legg til grunn at det ikkje er eit småbåtanlegg eigd av eit selskap eller båtforeining, men private kaier utan organisert slipp/reinhald av båtar. Fylkesmannen legg til grunn at det ikkje har vore ein type verksemd i området som normalt medfører risiko for forureina sjøbotn. Private avløpsutslepp kan gi organisk og bakteriell forureining, men normalt ikkje utslepp av det som er omfatta av omgrepet miljøgifter. Søk i databasane Yggdrasil (Fiskeridirektoratet), Artsdatabanken og Naturbase (Miljødirektoratet) 12. mars 2019 ga ingen treff av fiskeriinteresser, trua og sårbare artar eller verdifulle og sårbare områder i nærleiken av tiltaksområdet. At det skal være fiske etter leppefisk og sjøkreps i dette området, finn ikkje Fylkesmannen sannsynleg. Omfang av spreiing av partiklar under mudring avheng bl.a. av sedimentas innhald av finare partiklar. Sedimenta er beskriven til å bestå av 80 % stein og grus, og resten finare partiklar. Sjølve spreiinga kan medføre miljøskade dersom partiklane etter å ha vore i suspensjon eit stykke tid sedimenterer over sårbare arter. Sidan innhaldet av finare partiklar er lite og det ikkje er kjende sårbare artar påvist i området, så legg Fylkesmannen til grunn at mudringa kan skje utan prøvetaking i forkant av mudringa og etter dei avbøtande tiltaka som tiltakshavar har beskrive i søknad og utfyllande opplysningar 22. februar 2019. Både forureiningssituasjonen og naturmangfaldet er kartlagt, og kravet i naturmangfaldlova 8 om at saka skal vere basert på eksisterande og tilgjengeleg kunnskap, er dermed oppfylt. Kunnskapsgrunnlaget for tiltaket er vurdert som tilstrekkeleg, og føre-var prinsippet i 9 i naturmangfaldlova er ivareteke ved at tiltaket er regulert med vilkår etter forureiningslova. I mudringstiltaket vert sedimenter fjerna frå sjøbotn. Truleg vil det ikkje være nokon negativ effekt av tiltaket for økosystemet, jf. kravet om økosystemtilnærming og vurdering av samla belastning i naturmangfaldlovas 10 3
Om bruk av mudra sedimenter til landbruksformål Sedimenter som tas opp ved mudring kan disponerast på land dersom massanes innhald av helse- og miljøfarlege stoff ligger under normverdi for forureina grunn. Er innhald av stoff over normverdi må massane leverast til godkjent avfallsmottak. Dette følger av definisjonen i forureiningsforskrifta 2-3 bokstav a. Normverdiane er gitt i vedlegg I til forskrifta. Dette må avklarast med Fitjar kommune i samband med kommunens handsaming etter forskrift om nydyrking og ev. plan- og bygningslova. Dersom kommunen ikkje gjev løyve til bruk av massane, så skal massane leverast godkjend mottak etter vilkår i dette løyvet. Omsyn til anna lovverk Tiltaket kan ikkje setjast i verk før området er frigjeve frå Stiftelsen Bergens Sjøfartsmuseum. Tiltaket skal utførast etter vilkår i rammeløyve for tiltaket etter plan- og bygningslova, gjeve av Fitjar kommune. Gebyr for saksbehandling Fylkesmannen tek gebyr for arbeid med løyve etter forureiningslova. På bakgrunn av dei opplysningane som vart gitt i søknaden og ut frå den saksbehandlingstida Fylkesmannen har på saken, ilegg vi gebyr etter sats 7, 16 400 kroner, for behandling av søknaden, jf. forureiningsforskrifta 39-3, jf. 39-4. Faktura blir sendt frå Miljødirektoratet. Sjå forureiningsforskrifta kapittel 39 dersom de vil lese meir om saksbehandlingsgebyret. Endring og omgjering De plikter å unngå unødvendig forureining, jf. forureiningslova 7. Viser det seg at forureiningsforholda endrar seg, kan Fylkesmannen med heimel i forureiningslova 18, endre vilkåra i løyvet og sette nye vilkår, og om nødvendig trekke løyvet tilbake. Rett til å klage De har fått løyve til mudring. Dersom det likevel skulle vere noko de ønskjer å klage på, inkludert vedtaket om gebyr, kan de klage til Miljødirektoratet, jf. forvaltningslova 28. Fristen for å klage er tre veker etter at de har motteke dette brevet. Klagen bør være skriftleg grunngjeven, og den skal sendes til Fylkesmannen i Vestland. Med helsing Silje Tingstad overingeniør Magne Nesse senioringeniør Brevet er godkjent elektronisk og har derfor inga underskrift. Kopi: Fitjar kommune Stiftelsen Bergens Sjøfartsmuseum Fiskarlaget Vest 4
Løyve til mudring utanfor gnr. 61, bnr. 7, Lambatøkje i Fitjar kommune Fylkesmannen gjev Hans Olav Malkenes løyve med heimel i forureiningslova 11, forureiningsforskrifta 22-6. Løyvet er gitt på grunnlag av opplysningar i søknad oversendt Fylkesmannen 13. desember 2018 og tilleggsopplysningar sendt 22. februar 2019. Løyvet gjelder frå dags dato. Dersom de ønsker endringar utover det som blei opplyst i søknaden eller under saksbehandlinga og som kan ha miljømessig betydning, må de på førehand avklare dette skriftleg med Fylkesmannen. Dette løyvet er gyldig i to år frå dags dato. Dersom heile eller vesentlege delar av løyvet ikkje er tatt i bruk innan to år, skal verksemda gi beskjed til Fylkesmannen. Fylkesmannens referanse Løyvenummer Anleggsnummer 2019.0217.T 1222.0056.01 Data tiltakshavar Tiltakshavar Postadresse Kommune og fylke Hans Olav Malkenes Lambatøkje 19, 5419 Fitjar Fitjar, Vestland Løyve gjeve: 13. mars 2019 Silje Tingstad overingeniør Magne Nesse senioringeniør Løyvet er godkjent elektronisk og har difor inga underskrift
1. Løyvet omfattar 1.1 Omfang Løyvet gjelder mudring av inntil 1 200 m 3 massar i Lambatøkje i Fitjar kommune. Mudringa skal skje utanfor gnr/bnr 61/75 på eit areal på ca. 780 m 2. Massane skal nyttast til landbruksføremål etter godkjenning av Fitjar kommune. 2. Generelle vilkår 2.1 Grunnlag for løyvet Det krevst at tiltaka vert utførd som beskrive i søknad sendt Fylkesmannen 13. desember 2018 dersom ikkje anna går fram av løyvet, andre vedtak, eller på anna måte er avklart med Fylkesmannen. Fylkesmannen skal varslast før tiltaket skal starte opp, gjerne på e-post fmvlpost@fylkesmannen.no 2.2 Ansvar Tiltakshavar er ansvarleg for at vilkåra i løyvet vert stetta, og pliktar å sørge for at dei som skal gjennomføre tiltaka er kjent med de vilkår som gjelder, samt de restriksjonar som er lagt på arbeidet. 2.3 Plikt til å redusere forureining All forureining frå verksemda, også utslepp til luft og vatn og dessutan støy og avfall, er isolert sett uønskt. Sjølv om ein held utsleppa innanfor fastsette utsleppsgrenser, pliktar verksemda å redusere utsleppa sine, så langt dette er mogleg utan urimelege kostnader. Plikta gjeld også utslepp av komponentar det ikkje uttrykkjeleg er sett grenser for gjennom vilkår i dette løyvet. 2.4 Endring av løyve Fylkesmannen kan oppheve eller endre vilkåra i løyvet, setje nye vilkår, og om nødvendig kalle løyvet tilbake, dersom vilkår gitt etter forureiningslova 18 er til stades. Fylkesmannen har på same grunnlag rett til, på eit kvart tidspunkt, å stoppe tiltaket. 2.5 Saksbehandling etter anna lovverk Dette løyvet fritek ikkje for handsaming etter anna lovverk som er relevant i saka, for eksempel hamne- og farvasslova, plan- og bygningslova eller kulturminnelova. Tiltaket kan ikkje setjast i verk før området er frigjeve frå Stiftelsen Bergens Sjøfartsmuseum. Tiltaket skal utførast etter vilkår i rammeløyve for tiltaket etter plan- og bygningslova, gjeve av Fitjar kommune. 2.6 Varsling om akutt forureining Verksemda skal varsle akutt forureining eller fare for akutt forureining i samsvar med forskrift om varsling av akutt forureining eller fare for akutt forureining (nødnummer 110). Verksemda skal også, så snart som mogeleg, varsle Fylkesmannen i slike fall på fmvlpost@fylkesmannen.no 3. Gjennomføring av mudring Mudring skal gjennomførast så skånsamt som mogleg for å redusere partikkelspreiing, og med dei avbøtande tiltaka som er beskrive i søknaden av 13. desember 2019.
Tiltakshavar pliktar å disponere muddermassar i samsvar med krav gjeve av Fitjar kommune, mynde etter plan- og bygningslova og som landbruksmynde. Dersom kommunen ikkje gjev løyve til bruk av massane, så skal massane leverast godkjend mottak og dokumentasjon på handtering av massane skal sendast med i sluttrapporten, jf. vilkår 4. Viss det oppstår unormale tilhøve som har eller kan få forureiningsmessige konsekvensar, skal tiltakshavar straks melde frå til Fylkesmannen. 4. Rapportering til Fylkesmannen Det skal sendast rapport til Fylkesmannen innan seks veker etter at tiltaket er gjennomført. Rapporten skal innehalde: Opplysningar om kor store mengder masse som faktisk har blitt mudra. Dokumentasjon av nyttiggjering av muddermassane til landbruksføremål eller leveranse til godkjend mottak. Oversikt over eventuelle avvik frå løyvet og kva korrigerande tiltak som vart sett i verk. 5. Tilsyn Tiltakshavar pliktar å la representantar for forureiningsmynde føre tilsyn med anlegget når som helst.