Spektakulært 40 m lange og 20 m høge svev på ski med baklengs inngang på hoppet, 4 rotasjonar og ut av eigen akse x 2 Det er freestyle det! Info til Hordaland Fylkeskommune 18. januar 2013
VM 2013 - Kven er me og kva er våre målsettingar? Norges Skiforbund og Voss kommune har fått FIS Freestyle World Ski Championships 2013 tildelt frå det internasjonale skiforbundet (FIS). Norges Skiforbund har saman med Voss Freestyleklubb skipa selskapet VM 2013 AS som skal arrangere VM. Selskapet har ikkje økonomisk føremål for si verksemd og har følgjeleg ikkje som føremål å skaffe aksjonærane økonomisk utbyte. Eit eventuelt overskot etter avslutta VM arrangement, skal setjast av til eit fond som vert brukt til å yte tilskot til framtidige freestylearrangement. Freestyle-VM vil omfatte 12 konkurransar i tida 2. 10. mars 2013 med til saman ca 350 deltakarar på internasjonalt toppnivå frå 35 nasjonar. Konkurransane i kulekøyring, parallellkulekøyring, skicross, aerials (hopp) og slopestyle vil foregå i krevjande anlegg i Myrkdalen i Voss kommune kor det er investert fleire millionar i eit topp moderne anlegg for freestyle. VM på Voss opnar med ein prolog i den nye superpipen i Oslo Vinterpark. I samarbeid med m.a. Heming Idrettslag skal den første finalen i verdsmeisterskapen gjennomførast her før VM-sirkuset flyttar seg til Voss! Figur 1 Voss Fjellandsby, Myrkdalen Me vert om lag 600 frivillige som er engasjert på alle nivå i organisasjonen. Dette gjer at engasjementet spreier seg utover forskjellige miljø på Vestlandet og Austlandet. For å få eit inntrykk av utviklinga i freestylesporten og kva som skal skje i Oslo og på Voss i mars 2013 kan følgjande videoklipp frå VM i Deer Valley og Park City i 2011 tene som eit eksempel: http://vimeo.com/24541507
Freestyle-VM er eit arrangement som vil verte lagt merke til både i inn- og utland. Det er blant dei største vinteridrettsarrangementa i Noreg i 2013. Verdsmeisterskapen vert ein unik mogelegheit til eksponering gjennom TV-distribusjon til mange land. Dei internasjonale TVrettighetene er pr november 2012 solgt til TV-stasjonar som sender i meir enn 60 land med rekkevidde på totalt ca 210 000 000 husstandar. 10 12 timer vert sendt LIVE til ca 170 000 000 husstandar! I tillegg kjem reprise og opptak. Salet av TV-sendingane er endå ikkje sluttført! NRK er produsent av TV-sendingane. TV-sendingar i Noreg Alle finalar vert TV-sendt på NRK. VM-programmet vart bestemt av det internasjonale skiforbundet i byrjinga av juni. I skrivande stund ligg det an til at sendingane vert på NRK i tidsrommet 5. 10. mars: Tysdag 5. mars: VM-finale i halfpipe kl 1930 Onsdag 6. mars: VM-finale i kulekøyring kl 1400 Torsdag 7. mars: VM-finale i aerials (freestyle hopp) kl 1400 Fredag 8. mars: VM-finale i parallellkulekøyring kl 1400 Laurdag 9. mars: VM-finale i slopestyle kl 1400 Sundag 10. mars: VM-finale i skicross kl 1400 Profiler i freestylesporten Noreg har opp gjennom åra hatt mange store freestyleutøvarar. Mest kjent i dei seinare åra er nok Kari Traa med eit stort tal internasjonale topprestasjonar frå VM og OL. Lenger bakover i tid klinger kanskje namn som Tor Skeie, Stine Lise Hattestad, Hilde Synnøve Lid og Hans Engelsen Eide kjent. No kjem det ein ny generasjon framstormande norske utøvarar som har leverte sterke resultat i sesongen som har gått: Hedvig Wessel, Tevje Lie Andersen og Vinjar Slåtten tek no opp att stafettpinnen i kulekøyring. Figur 2 Kari Traa
I ei litt nyare grein innan Freestyle skicross skjer det mykje spennande på resultatsida. På jentesida har spesielt Marte Høie Gjefsen og Julie Brendengen Jensen supplert Hedda Berntsen i den internasjonale skicrosstoppen. På herrelandslaget har blant andre Didrik Bastian Wikestad Juell, Morten Ring Christensen og Thomas Borge Lie tatt over etter Audun Grønvold som Figur 3 Verdscup i Skicross i Myrkdalen, Voss i 2011. Foto: Erik Østlie hadde mange internasjonale pallplasseringar. Skicross har vorte ein publikumsyndlig både i arenaen og på TV pga mykje fart og spenning, samt gode norske prestasjonar. Aerials har pr i dag ingen norske utøvarar. Likevel appellerer denne spektakulære greina av freestyle til mange av TV-sjåarane også her i Noreg. Årets verdscupfinale i Myrkdalen på Voss var den første i Noreg sidan 1995. Likevel samla konkurransen i underkant av 300 000 sjåarar på NRK 1. Figur 4 Verdscupfinale i Aerials i Myrkdalen, Voss i 2012. Foto: Svein Ulvund
Det mest spennande utviklingspotensialet i vinteridretten finn ein i dei nye OL-greinane halfpipe og slopestyle. I det såkalla «jibbe»- eller «twin tip-miljøet» innan freestyle finn me toppidrettsutøvarar som Andreas Håtveit, Aleksander Aurdal, P K Hunder, Klaus Finne og Fridtjof Fredricsson. Tett bak desse gutane føl eit stort tal utøvarar som aspirerer til landslagsplass. På jentesida har Tiril Sjaastad Christiansen og Linn-Ida Murud toppresultat frå juniorverdsmeisterskapen, ungdoms-ol og verdscupen. Flotte videoklipp av landslaget finn du på http://www.youtube.com/watch?v=wosvkxmkxaa&feature=player_embedded Dei såkalla «Twin Tip-skia» har dei seinare åra tatt over skibakkane i heile verda. Denne nye skigreina har ei nærmast eksplosiv utvikling. Spesielt på herresida har Noreg fleire verdsstjerner i det som må karakteriserast som vinteridrettens løkkefotball. Desse nye OLdisiplinane vil i åra som kjem endre skisporten både nasjonalt og internasjonalt. Figur 5 NM i Halfpipe i Oslo Vinterpark 2012. Foto: Christopher Frankum Fuse marketing gav følgjande vurderinga av dei nye freestylegreinane i Transworld Business i april 2011: Halfpipe og slopestyle provides an immense opportunity for brands to enter the sport as a new and upcoming Olympic event, which caters to the 13- to 25-year-old audience as well. Just as snowboarding popularity has increased, with many of the athletes reaching star status after much Olympic recognition, freeskiing athletes are next to gain massive exposure. To be involved with both sports during their initial exposure to the world gives brands an opportunity to show that they are tapped into the next big thing within action sports, snowboarding, freeskiing and youth culture in general. Når det gjeld freestylesporten sitt potensial hos yngre kan intervjuet med IOC-medlem Gerhard Heiberg i Aftenposten 16. juli 2012 tene som eit eksempel. Heiberg er bekymra over at Tv-sjåarane vert eldre for kvart OL og ynskjer fornying. Han framhevar snowboard og freestyle som idrettar som er meir i takt med det som skjer på ungdomssida og som vil fange interesse hos unge. Freestyle VM i 2013 er ein viktig del av kvalifiseringa til OL i Sotsji. Det betyr at dei beste utøvarane i verda kjem til Oslo og Voss i mars 2013!
VM 2013 gjev deg følgjande lovnadar: Me skal laga det kjekkaste freestylearrangementet nokon sinne for utøvarar, funksjonærar, støtteapparat og publikum. Me skal laga eit arrangement som er basert på tradisjonar og samtidsuttrykk frå Noreg generelt og frå Hordaland og Voss spesielt. Me skal saman med utøvarar og NRK skape unike TV-sendingar som skapar hjartebank og nerve på TVskjermen. Me skal skapa eit arrangement kor du føler deg delaktig og kor du er stolt av å vera med. Me lovar deg ei unik oppleving i Noregs festivalbygd nr 1 og Noregs ekstremsportshovudstad. Me skal saman med IL Heming skape ein spektakulær VM-prolog i superpipen i Oslo Vinterpark i verdas vinterhovudstad. Me skal skapa ringverknader langt utover det sportslege! Figur 6 Kari Traa skilag. Foto Sverre Hjørnevik