Møteinnkalling Utval: Stølsheimen verneområdestyre Møtestad: Store Ringheim Hotell og Restaurant, Voss Dato: 26.11.2018 Tidspunkt: 10:00 14:00 Eventuelt forfall må meldast snarast på tlf. 99499753 eller e-post fmsfano@fylkesmannen.no. Vararepresentantar møter etter nærare beskjed. Styremedlem Sigbjørn Hauge har meldt forfall til møtet. Bjørg Djukastein er kalla inn som vararepresentant. Styremedlem Inger Ulvund har meldt forfall til møtet. Ståle Hauge er kalla inn som vararepresentant. Rapport frå gjennomførte tiltak i 2018 vert lagt fram på møte av vernområdeforvaltar Anbjørg Nornes og prosjektleiar Nils Kvamme. SNO Kristoffer Ullern Hansen legg fram rapport frå oppsynet i 2018 i møte. Status og vidare arbeid med besøksstrategien for Stølsheimen vert lagt fram på møtet.
Saksliste Utvalssaksnr ST 21/18 ST 22/18 ST 23/18 RS 19/18 ST 24/18 DS 12/18 DS 13/18 ST 25/18 ST 26/18 ST 27/18 Innhald Lukka Arkivsaksnr Godkjenning av innkalling og dagsorden Val av eit styremedlem til å skrive under protokoll Referatsaker Notat frå arbeidsmøte om besøksstrategi Stølsheimen, Vik 30.10.2018 Delegerte saker Stølsheimen landskapsvernområde - løyve til helikoptertransport av materiale til Dårlegelva Stølsheimen landskapsvernområde - løyve til transport av materiale med snøskuter til Mørkves-Grøndalen Stølsheimen landskapsvernområde - nydyrking og terrengtilpassing av innmark i Storåkrane, Finden Gard Stølsheimen landskapsvernområde - Tiltaksplan 2019 og bestilling av tjenester av SNO Stølsheimen verneområdestyre - drift av styret 2019 2017/559 2016/3073 2018/2900 2018/1637 2018/3511 2014/46
ST 21/18 Godkjenning av innkalling og dagsorden ST 22/18 Val av eit styremedlem til å skrive under protokoll ST 23/18 Referatsaker RS 19/18 Notat frå arbeidsmøte om besøksstrategi Stølsheimen, Vik 30.10.2018 ST 24/18 Delegerte saker DS 12/18 Stølsheimen landskapsvernområde - løyve til helikoptertransport av materiale til Dårlegelva DS 13/18 Stølsheimen landskapsvernområde - løyve til transport av materiale med snøskuter til Mørkves-Grøndalen
Saksframlegg Arkivsaksnr: 2018/1637-0 Saksbehandler: Anbjørg Nornes Dato: 01.11.2018 Utval Utvalssak Møtedato Stølsheimen verneområdestyre 25/18 26.11.2018 Stølsheimen landskapsvernområde nydyrking og terrengtilpassing av innmark i Storåkrane, Finden Gard Innstilling frå forvaltar Stølsheimen verneområdestyre gjev Lars Finden løyve til terrengtilpassing av innmarka i Storåkrane på Finden Gard, og løyve til nydyrking av areal i tilknyting til Storåkrane. Løyvet er gjeve med heimel i verneforskrifta for Stølsheimen landskapsvernområde punkt VI nr. 1. Løyvet er gjeve med fylgjande vilkår: Terrengtilpassing i Storåkrane: Tiltaka skal avgrensast til å vera enkle inngrep for at Storåkrane skal verta lettare og sikrare å driva maskinelt med traktor og forhaustar. Det kan gjerast enkel planering av deler av teigen nedanfor driftsbygningen. Det kan fyllast jord inntil og over nokre mindre bergknausar for å slette ut arealet. På nedste del av Storåkrane kan det gjerast små endringar med å flata ut terrenget ned mot sjøen. Endring av gardsvegen: Gardsvegen kan flyttast 0,5 meter til 1 meter mot vest mellom pumpehuset og flaggstonga for å gjera plass til stabbesteinar langs vegen. Nydyrking: Skogarealet langs fjorden som grensar til Storåkrane i sør, kan dyrkast som ei utviding av eksisterande innmark. Arealet utgjer ca. 1,3 daa. Overskotsmassane frå dette arealet kan nyttast til terrengtilpassinga i Storåkrane. Det skal stå att ein kant ned mot sjøen som ikkje skal dyrkast. Arealet skal ha ein naturleg avslutning mot sjøkanten og tilgrensande areal. Alle tiltaka skal vera sluttført innan 2 år frå oppstart. Dersom tiltaka ikkje er sluttført innan 2022, må det søkjast verneområdestyret om nytt løyve til tiltaka. Før endeleg ferdigstilling av tiltaka, skal verneområdeforvaltar vera med på sluttsynfaring av gjennomførte tiltak. Verneområdestyret kan pålegge tilstelling for å sluttføra arbeidet. Dette løyvet er berre handsama etter verneforskrifta. Tiltakshavar må søkja Vik kommune om løyve til tiltaka etter anna lovverk.
Saksopplysningar Dokument som bakgrunn for saka: Søknad frå Lars Finden om mindre inngrep på overflatedyrka mark i Finden, datert 30.04.2018 Notat frå synfaring Finden 17.10.18 planering og overflatedyrking, Vik kommune 29.10.2018 Gardskart for gnr. 68, bnr. 4 i Vik kommune med merkt område for tiltak Søknaden vert vurdert etter: Verneforskrift for Stølsheimen landskapsvernområde av 21.12.90 Naturmangfaldlova av 19. juni 2009 Forvaltningsplan for Stølsheimen landskapsvernområde, rapport nr. 1-2017 Lars Finden søkjer om planering og nydyrking på Finden Gard, gnr. 68 bnr. 4. På Storåkrane planlegg han små terrenginngrep. Dette er tidlegare dyrka areal. Tiltaka skal gjera det lettare og tryggare å slå teigen med maskinelt utstyr. Planlagde tiltak er fylgjande: Fjerna nokre bergknausar og fylle att nokre hol på teigen. Tiltaka skal avgrensast til punkta som er teikna inn på kart vedlagt søknad (sjå kart under). Utflating av nedste del av innmarka ned mot sjøen for å kunne køyre med slåtteutstyr. Flytta gardsvegen 0,5 1 meter mot vest mellom pumpehuset og flaggstonga for å få plass til å setja stabbesteinar som sikring mot velt langs gardsvegen. Nydyrking av 1,3 daa skogareal langs fjorden i sørenden av Storåkrane. Det er mangel på jordmassar til planering i Storåkrane, og overskotsmasse frå dette dyrkingsarealet skal nyttast til dette. Opprydding av gamalt avfall på Nausttangen ved Vetlestraumen, og tilpassinging av terrenget jf. godkjent landskapsplan. Landbrukssjef i Vik kommune skriv i eit notat til søknaden at Lars Finden har hatt turisme som hovudinntektskjelde på garden i fleire år. Saman med neste generasjon har dei no starta opp att med mjølkeproduksjon med geiter, og drifta går godt. Auka areal og betre tryggleik vil vera viktig for at neste generasjon driv vidare. Side 2 av 7
Storåkrane med markering for område som skal utbetrast. Kopi frå Gårdskart. Side 3 av 7
Finden Gard med Storåkrane som skal utbetrast. Foto Veronika Seim Bech Side 4 av 7
Areal for nydyrking, 1,3 daa, markert med grøn farge. Kopi frå Gårdskart. Side 5 av 7
Areal for nydyrking, til venstre for innmarka, ved fjorden. Foto Anbjørg Nornes Lovgrunnlaget «Føremålet med vern av Stølsheimen er å ta vare på eit særmerkt og vakkert vestlandsk fjell- og fjordlandskap med kulturminne, kulturlandskap og naturmiljø som er lite påverka av tekniske inngrep, samstundes som området skal kunne nyttast til landbruk, friluftsliv, jakt og fiske» jf. pkt. III i verneforskrifta. Det er forbod mot inngrep som kan endre landskapets art eller karakter «så som..drenering, og anna form for tørrlegging, uttak, oppfylling, planering og lagring av masse» jf. punkt IV nr.1. Verneområdestyret kan gje løyve til «Endring av driftsformer i landbruket som kan få vesentleg innverknad på landskapet sin art eller karakter, slik som nydyrking mv». jf. punkt VI nr. 1. Etter naturmangfaldlova (nml) 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Lars Finden driv gardsbruk på Finden Gard med geit og produksjon av geitemjølk. Landbruksdrifta er viktig for å ta vare på kulturlandskapet som er ein del av verneføremålet for Stølsheimen landskapsvernområde. I verneforskrifta er endring av landskapet i samband med landbruket omtalt som eit tiltak verneområdestyret kan vurdera å gje løyve til. Forvaltar vurderer tiltaket med terrengtilpassing av innmarka og nydyrking til å vera tiltak det er gjeve opning for å vurdera etter verneforskrifta. Kunnskapen om området er kjent gjennom forvaltningsplan for Stølsheimen og vedtak om utviding av verneområdet med Finden. Forvaltar har vore på synfaring av tiltaket saman med grunneigar og landbrukssjef i Vik kommune. Det er laga ein landskapsplan for Vetlestraumen, med opning av sundet og tilpassing av terrenget nær Vetlestraumen. Landskapsplanen med tiltaka i Vetlestraumen er godkjent av Stølsheimen verneområdestyre i sak 19/12, 04.09.2012. Side 6 av 7
Arealet på Storåkrane er fulldyrka jord. Dette arealet vert hausta maskinelt med traktor og forhaustar. På nokre punkt på teigen er det fjell i dagen som gjer det vanskeleg å slå innmarka på ein effektiv måte. Med små inngrep vil arealet kunne haustast meir rasjonelt. Ned mot fjorden er deler av teigen bratt og vanskeleg å køyra på med slåtteutstyret. Ved å flata ut arealet på nokre strekningar, vert faren for å velta med lass redusert. Det er ikkje kjente førekomstar av trua og sårbare artar eller naturtypar i tiltaksområdet, og me kjenner ikkje til registrerte kulturminne i området. Kunnskapen i saka er vurdert som god jf. nml. 8. Føre-var-prinsippet jf. nml. 9 er difor ikkje vektlagt i denne saka. Søknaden om nydyrking skal behandlast av Vik kommune. Kommunen sender saka på høyring til Sogn og Fjordane fylkeskommune. Tiltaket må vera i tråd med føringar frå kommunen og fylkeskommunen. Forvaltninga skal vurdera den samla belastninga eit tiltak vil få på økosystemet jf. nml. 10. Det er lagra jordmassar i området nær Vetlestraumen i samband med tidlegare dyrking av innmarka. Frå gamalt av er det plassert avfall og gamalt jernutstyr i dette området. Lars Finden ynskjer å rydde området for gamalt avfall, og fjerna jordmassar som er lagra i området. Terrenget skal få ei tilpassing med skråning ned mot sjøen i Vetlestraumen, og strandlinja skal få ei bein linje i straumen. Dette er i tråd med landskapsplan som er utarbeid for området. Dei planlagde tiltaka vil betra naturverdiane og landskapet, og tiltaket vil samla sett vera positiv for naturverdiane i området. Tiltaka på Storåkrane vil gje små inngrep i terrenget, og det vil ikkje føra til vesentlege endringar av landskapet. Det er mangel på jordmassar for å tilpassa terrenget i Storåkrane. Ved å dyrke ca. 1 daa av skogarealet som grensar til innmarka i sør, vil det truleg gje overskotsmasse som kan nyttast til terrengtilpassinga i Storåkrane. Terrengtilpassingane er naudsynt for å betra landbruksdrifta og vil legge betre til rette for framleis aktivt landbruk på Finden Gard. Det er berre på dette gardsbruket det er aktivt landbruksdrift i landskapsvernområdet i dag. Forvaltar vurderer at den samla belastninga av tiltaket vil få liten verknad på natur og landskap, og vil gje liten presedens for andre saker i dette området. Arbeid med gravemaskin og traktor i nærleiken av sjøen kan medføra avrenning til sjøen medan arbeidet pågår. Tiltakshavar må ta naudsynt omsyn under arbeidet for å unngå ureining. Kostnader ved eventuell ureining og opprydding etter arbeidet, vert dekka av tiltakshavar jf. nml. 11. Det skal nyttast gravemaskin og traktor til nydyrking, opprydding og tilpassing av terrenget. Den motoriserte ferdselen føregår på innmark, og er ikkje søknadspliktig etter verneforskrifta. Ein eller to av bergknausane på innmarka må knusast for å jamne ut terrenget. Desse inngrepa vil gje liten verknad på landskapet, og steinane vil kunne nyttast for å jamne ut terrenget rundt bergknausane. Inngrepet vil i liten grad verta endra i forhold til dagens terrengnivå. Bruk av traktor og gravemaskin vert vurdert som ein miljøforsvarleg metode for dette tiltaket jf. nml. 12. Konklusjon På bakgrunn av vurderingar etter nml. 8-12 og verneforskrifta for Stølsheimen landskapsvernområde, vurderer forvaltar tiltaka kan gjennomførast med heimel i verneforskrifta punkt VI nr. 1. Side 7 av 7
Saksframlegg Arkivsaksnr: 2018/3511-0 Saksbehandler: Anbjørg Nornes Dato: 07.11.2018 Utval Utvalssak Møtedato Stølsheimen verneområdestyre 26/18 26.11.2018 Stølsheimen landskapsvernområde - Tiltaksplan 2019 og bestilling av tenester av SNO Innstilling frå forvaltar Saka vert lagt fram til drøfting i møte. Saksopplysningar Dokument som bakgrunn for saka: Rammer og opplegg for verneområdestyrer. Innmelding og behov for tiltaksmidlar og bestilling av tenester av SNO 2019. Miljødirektoratet 24.10.2018 Strategi for bruk av midlar til tiltak i verneområde 2015-2020 Forvaltningsplan for Stølsheimen landskapsvernområde, rapport nr. 1-2017 Tiltaksplan i forvaltningsplan for Stølsheimen landskapsvernområde, rapport nr. 1-2017 Verneområdestyre skal utarbeida fleirårige tiltaksplanar. Det overordna målet for forvaltning av verneområde er at verneformålet og verneverdiane skal ivaretakast. Strategi for bruk av midlar til tiltak i verneområde legg føringar for bruk av tiltaksmidlar; «Gjennomføring av konkrete, praktiske tiltak i verneområdene er en del av forvaltningen av verneområdene og skal samen med praktisering av verneforskriften og annet arbeid bidra til å oppnå disse målsettingene». Verneområda skal forvaltast på ein måte som byggjer opp under verneformåla slik at verneverdiane ikkje vert reduserte eller vert øydelagde. Økosystema skal takast vare på for framtidige opplevingar og for verdiskaping i utmarkskommunane. Det skal vera årleg evaluering av tiltaksplan. Tiltaka skal vera forankra i forvaltningsplanen for Stølsheimen og tilhøyrande skjøtselsplanar. Rådgjevande utval (RU) for Stølsheimen, administrativt kontaktutval og SNO skal vera med i utarbeidinga av tiltaksplanen. Tiltaka i planen er lagt fram med bakgrunn i tiltaksplan i forvaltningsplan for Stølsheimen landskapsvernområde rapport nr. 1-2017, og vurderinga av pågåande tiltak og nye tiltak. Tiltaksplanen er grunnlaget for bestillingsdialogen med SNO, og innmelding av behov for tiltaksmidlar for 2019 til Miljødirektoratet. Tiltaksmidlane er statlege investeringsmidlar, jf.
budsjettpost 1420.31, og kan gå til tiltak som er naudsynte for å ivareta verneføremålet. Tiltaka kan vera informasjon, skjøtsel, tilrettelegging og kjøp av naudsynt utstyr for å gjennomføra tiltaka. Forvaltningsstyresmakta skal sjølv disponera og prioritera kven som skal gjennomføra tiltaka. SNO sine oppgåver og aktivitetar i verneområda skal samordnast med tildelinga av midlar til tiltak i verneområda for å få ein effektiv bruk av dei samla ressursane til tiltak i verneområda. I bestillingsdialogen med SNO skal styret drøfta ynskje om bistand/ressursbruk frå SNO til eventuelle prosjekt, kartlegging og tiltak, i tillegg til kjerneoppgåvene som mellom anna er oppsyn og overvaking av naturtilstand. Frist for innmelding til bestillingsdialogen til Miljødirektoratet er 10. januar 2019. Vurdering Forvaltar legg fram forslag til tiltaksplan for 2019 på bakgrunn av tiltaksplan i forvaltningsplan for Stølsheimen landskapsvernområde. Tiltaka er i tillegg vurdert på bakgrunn av evalueringsmøte med SNO av gjennomførte tiltak i 2018, og framlegg til nye tiltak frå grunneigarar og andre. Styret må gå gjennom innspela og prioriterer tiltaka. Miljødirektoratet har gjeve føringar for arbeid i 2019. For aktiviteten i Stølsheimen landskapsvernområde vil fylgjande føringar vera aktuelle kommande år: Skjøtselstiltak for å ivareta verneverdiane Strategi for bruk av tiltaksmidlar gjev føringar for prioritering av bruk av tiltaksmidlar i verneområda. «Det overordna målet er at tiltaksmidlane skal brukast slik at naturtilstanden i verneområdene bedres». For Stølsheimen er det særleg skjøtselstiltak og tilretteleggingstiltak som er aktuelle. Pågåande skjøtselsprosjekt har prioritet 1, og tiltak i område som er akutt trua og med behov for skjøtsel har prioritet 2. I tiltaksplanen er det sett opp vidareføring av skjøtselarbeid som er starta opp. Besøksstrategi Alle verneområde skal ha levert ein besøksstrategi innan 2020. Arbeidet er starta opp med kunnskapsinnhenting av natur- og kulturverdiar. Det er gjennomført sårbarheitsvurdering i våtmarksområde med T-merkt sti i Berdalen og Sendedalen. Rapporten frå dette arbeidet er klar i januar 2019. I tillegg er det ynskjeleg med ytterlegare kartlegging av våtmarksfuglar i desse same områda. Det vil vera ei bestilling til SNO. Arbeidet med besøksstrategi for Stølsheimen er i sluttfasen. Det er gjennomført møte med kommunane for å samordne strategien med kommunale planar. Gøran Johansen har vore innleigd som konsulent i arbeidet med innhenting av informasjon og skriving av dokumentet. Det er planlagt å senda besøksstrategien til fagleg godkjenning i Miljødirektoratet i byrjinga av 2019. Arbeid med planlegging og utgreiing av innfallsportar startar i 2019. For besøksforvaltningstiltak har ferdigstilling av prosjekt som er starta opp og som er naudsynte for å ivareta verneføremålet prioritet 1. Tiltak som er lagt inn i besøksstrategien i forvaltningsplanar har prioritet 2. Side 2 av 3
Trong for midlar til vedlikehald av informasjonsmateriell, skilting m.m. kan meldast inn i tillegg. All informasjon om verneområda som vert finansiert med tiltaksmidlar skal vera i tråd med ny merkevare for verneområde. For alle tiltaka skal det leggjast vekt på; kostnadseffektivitet, samfinansiering med andre aktørar, prosjekt som involvera/drivast med dugnadsinnsats av grunneigarar, frivillige lag og foreiningar. Ut frå erfaringar med tiltak i verneområda er det gjeve føringar på at større tiltak skal ha planavklaringar før tiltaka vert meldt inn. Det kan tildelast tiltaksmidlar til forprosjektering. Det kan brukast tiltaksmidlar på tiltak utanfor verneområde der tiltak både innanfor og utanfor verneområde er viktig for å ta vare på verneverdiane. Kartlegging og overvaking Av kartleggingsbehov i 2019 er kartlegging av naturtypar i stølsområde og slåttemark der det er gjennomført skjøtselsarbeid prioritert. Det er meldt inn trong for naturtype-kartlegging (NiN) til Miljødirektoratet via Fylkesmannen i Sogn og Fjordane. Uttak av gran Det er registrert vesentleg spreiing av gran i to område i Stølsheimen. Dette er nedanfor Fossesete i Arnafjorden og i Finnafjorden. I Arnafjorden har forvaltninga fått laga ei skisse for uttak av gran. I tiltaksplan er det sett opp tiltaksmidlar for uttak av dette feltet i 2019. På bakgrunn av tiltaksplan i forvaltningsplan for Stølsheimen og føringar i strategi for bruk av tiltaksmidlar, legg forvaltar fram fylgjande innspel til tiltaksplan og behov for tiltaksmidlar for 2019: Tiltak 2019 Samarbeidsaktørar Kostnad Prioritet Skjøtsel av prioriterte stølar Prosjektleiar/grunneigar/ 157 000 Negardstølen, Rotteskaret, Smørklepp, Ytstestølen, Sylvarnesdalen SNO Restaurering av buføresti til Hanekamdalen Prosjektleiar/grunneigar/ 200 000 SNO Uttak av gran i Arnafjorden Grunneigar/Vik kommune 120 000 Planlegging og utgreiing av innfallsportar, jf. Grendalag/kommune/ 60 000 prioritering i besøksstrategi næringsaktør SUM 537 000 Bestilling av personalressurs SNO 2019 Dagsverk Oppsyn dispensasjonssaker 3 Tilsyn skjøtselsarbeid i kulturlandskapet 1 Kartlegging fuglar i våtmarksområde Berdalen og Sendedalen 4 Delta på møte om besøksstrategi og styremøte 3 Tilsyn/byte av verneskilt 2 Side 3 av 3
Saksframlegg Arkivsaksnr: 2014/46-0 Saksbehandler: Anbjørg Nornes Dato: 07.11.2018 Utval Utvalssak Møtedato Stølsheimen verneområdestyre 27/18 26.11.2018 Stølsheimen verneområdestyre - drift av styret 2019 Innstilling frå forvaltar Stølsheimen verneområdestyr skal ha jamleg møte i 2019 for å arbeide vidare med besøksstrategien og gjere vedtak i dispensasjonssaker. Styret kan sikte på følgjande årshjul: Feb./Mars: Styremøte/gjennomgang av besøksstrategi Mai: Styremøte August Styremøte med overnatting/synfaring. Felles med rådgjevande utval September: Styremøte Nov./Desember: Styremøte/bestillingsmøte Dersom det ikkje er saker til dei planlagde styremøta kan eit møte eventuelt avlysast/utsettast. Budsjett for drift av styre vert lagt fram i møte. Forvaltar kan i samråd med leiar gjera endringar på budsjettet før det vert sendt til Miljødirektoratet innan fristen 10. januar 2019. Saksopplysningar Dokument som bakgrunn for saka: Drift av nasjonalpark- og verneområdestyre søknad om midler for 2019, Miljødirektoratet 24.10.2018 Jamfør vedtektene bør styret tre saman minst fire gonger kvart år og elles når leiaren bestemmer (punkt 7). I 2017 hadde verneområdestyret 4 møte, og i 2018 har det vore 5 møte. Eit av møta har vore gjennomført med e-post. Miljødirektoratet løyvde kr 160 000,- til drift av Stølsheimen verneområdestyre for 2018, og kr. 100 000 til forvaltningsplan/besøksstrategi m.m. Det står att ein del midlar til drift av styret. Midlane til besøksstrategi vert nytta resten av året og fyrste del av 2019.
I brev frå Miljødirektoratet datert den 24.10.2018 vert verneområdestyret invitert til å søkje om midlar til drift for neste år. I brevet står det: Ved søknad om midler til drift av nasjonalpark- og verneområdestyrene må det settes opp et budsjett som viser forventede utgifter til reise- og møtegodtgjøring for medlemmer av styrene, samt evt. reiseutgifter for medlemmer av rådgivende utvalg. Ved søknad om midler til dekking av utgifter i forbindelse med utarbeiding av forvaltningsplaner, besøksstrategier og skjøtselsplaner, kan det søkes om midler til utgifter som nødvendige kartlegginger og medvirkningsprosesser (møter). ( ) Det forutsettes at nasjonalpark-/verneområdestyrene og fylkesmennene setter opp forslag til budsjett i samarbeid. Fylkesmannen sender samlet budsjettforslag til Miljødirektoratet på vegne av alle styrene de fører regnskap for i eget fylke. Forvaltar legg fram framlegg til budsjett for drift av styret og forvaltningsplanarbeidet under møtet. Frist for søknad om midlar til dette føremålet er 10. januar 2019. Vurdering Styret har meldt interesse for å komme seg ut og sjå på tiltak og prosjekt i landskapsvernområdet. Styret bør få til minst eit slikt møte med synfaring i løpet av sommarsesongen. Den beste sesongen for å sjå på tiltak i felt er mellom juni og september/oktober, avhengig av snømengde og mål for synfaringa. I forslag til innstilling er det foreslått august. Det tek tid å komme seg inn i landskapsvernområdet. Det er ofte langt for enkelte styremedlem å komme seg til ein møtestad, eller det er mange høgdemeter inn i verneområdet. Dersom ein t.d. held styremøte ein ettermiddag/kveld, overnattar og tar ein synfaring dagen etter, vil ein kunne få til ein lenger tur i området. I 2018 vart det gjennomført dialogmøte og synfaring med RU til Solrenningane. Tema for møtet var besøksstrategien for Stølsheimen. To viktige møtetidspunkt for verneområdestyret kvart år er i mars og i november/ desember. I mars er det prioritering av tiltak, og i november/desember er det planlegging av tiltak for neste år. Det er meldt til Miljødirektoratet via Fylkesmannen trong for kartlegging av naturtypar (NiNkartlegging) i område der det er gjennomført skjøtselsarbeid. Det vil vera trong for midlar til kartlegging av gjennomført skjøtsel. Side 2 av 2