MÅNADSBREV FOR APRIL GRØN Oppsummering/ evaluering av månaden Også denne månaden har me vore mykje ute. Prøver å komma oss ut to gonger i løpet av dagen om veret er nokon lunde ok. Det er mykje sykling no på våren, så dei minste syklane har me flytta på framsida slik at det er lettare å ha kontroll på dei små. Greitt at dei ikkje syklar der dei store rasar rundt. Turar har det og blitt, Grindane, ballbingen, Gåpnaberget Den dagen me var i Gåpnaberget opplevde me som ein ekstra fin tur for både dei vaksne og barna. Barna var kjempeflinke til å gå i til tider utfordrande underlag. Litt bæring innimellom, og ei hand måtte til, men alle klarde seg stort sett åleine. Me skar av nokre greiner av ei bjørk på veg oppover, hang eit glas under så sevja kunne renne oppi. Sevja henta me dagen etter, og då var mange klare til å gå vidare oppover berga. Sevja fekk dei smaka til fruktmåltidet, det fall i smak hjå enkelte og ikkje for nokon. Me vaksne tykte det smakte lett sukra vatn. Folkeakademiet var her ein dag og hadde teaterframsyning for heile barnehagen i aulaen. Eventyret om Dei tre Bukkane Bruse var utgangspunktet, men det var knytt opp mot andre dyr, gardsliv og folkemusikk eit møte med dyra på garden og musikkarven vår. Flott at så mange tok seg tid på ein så flott dag å møta på foreldremøtet. Håpar at de tykte det var informativt og nyttig. Språkutvikling «Bravobarna» har hatt besøk av ei dame frå høgskulen som gjorde ein kjapp kartlegging av dei. Om de foreldra får vite noko resultat av dette veit me ikkje. Lena var med alle etter tur, så alle var trygge på det dei skulle gjere og det verka for at dei tykte det var kjekt. Det har vore ein voldsom auke i barna sin evne til å forstå det som blir sagt, og å kunne kommunisere sjølve. Barna snakkar meir og meir, ordforrådet har auka dramatisk for dei aller fleste. Det blir lettare for barna å tydeleggjera eigne behov no når ein kan nytta seg av språket betre. Dei har mykje dei skal sei, noko er framleis heilt uforståeleg for andre, men etter kvart kan både barn og vaksne henga med i historiane. Veldig kjekt når me kan føra ein samtale, der dei lurer på mange ting, har eigne meiningar, og prøver å vere meir sjølvstendige. Leik Leik betyr lyst og glede. Å leika er moro, og ofte byrjar dei å leike så fort dei kjem inn i barnehagen, ikkje alle som har tid til å ete frukost med ein gong. Stor utvikling på leikefronten sidan me starta opp att i haust. Masse samleik, og dei snakkar masse saman om kva dei skal gjere. Kjekt å høyre at dei spør etter kvarandre når dei kjem om morgongen og elles i løpet av dagen. For tida er det og lange togbaner som blir bygde, mange som
Turar/fysiskaktivitet/mat tykkjer det er stas. Dokkevognene og dokkene blir og flittig brukt. Dokkene blir pakka fint nedi med tepper og puter før dei får seg ein trilletur. Eller dei fyller dei til randen med bilar og andre leiker for så å rase rundt. Det hender ofte at me vaksne må sette vekk vognene då det til tider går hardt utover andre barn og vaksne sine legger. Ute i barnehagen er trehjulssyklane blitt meir handterbare i løpet av vinteren. Mange likar fart og spenning så huskene blir og flittig brukt. 2015 er friluftslivets år. I dette valet ligg det eit ynskje om at fleire av oss skal gå ut i naturen og finna glede ved å opphalde oss der, gjerne saman. Samfunnet ynskjer oss ei betre helse. Me i barnehagen skal gjennom barnehagelova gi barna opplevingar som gjer at dei blir kjende med og glad i naturen og lære dei å ta vare på den. Så vårt fokus framover i vår vil vere å komme oss ut, og ut på tur for å oppleve alt som skjer rundt oss. Me har faste turdagar saman med Rosa, det er fredag i oddetalsveke, og måndag i partal. Me har valt dei dagane for at det ikkje skal kollidere med avdelingsmøter, og for at alle dei store skal få vere med. Me dreg og på spontane turar utanom, då ofte berre med deler av barnegruppa. Nokre av turane blir etter vegen, men me vil og gå turar der barna får moglegheit til å krabbe og klatre på ulike underlag og i meir ulendt terreng. Det gir i tillegg til motoriske utfordringar, og opplevingar for andre sansar. Inne har me vore ein del i aulaen. Der får dei varierte utfordingar og opplevingar knytt til eigen kropp saman med utstyr som ballar, ribbevegg, klatrevegg osv. Mål og innhald for kommande månad Fokuset for månaden er å vere ute. Me skal på besøk til besteforeldra til Mats fredag 8.5 for å sjå på lamma. Elles har me høyrt at det er komme føl i Svangstu, så ein dag det er ute vil må stad å sjå. Ute i barnehagen vil me og vere mykje, no for tida er det veldig mykje å sjå rett utanfor portane med gravemaskiner og lastebilar, så det blir nokre lange stunder på gjerdet i løpet av dagen. Mange av barna er komme på det stadiet der dei vil klare sjølve. Me ser at dei meistrar fleire finmotoriske aktivitetar, som å kle av og på seg, smørje skiva osv. Det er viktig at me vaksne gir dei moglegheita for å prøve og for å klare sjølve. Gebursdagar: Ariam 2 år 16.05.
Ting å hugse på o Barnehagen stengd: 14.5 - Kristi himmelfartsdag 15.5 - Planleggingsdag 25.5-2. pinsedag o Solkrem (smør dei heime før bhg) o Tynnare utekle o Drikkeflasker Anna informasjon De har kanskje sett at det er komme ei ny jente på Grøn, ho heiter Angelique og er to år. Ho har ein storebror på skulen og ein bror som er fire år og går på Turkis. Det har vore tilfeller av vannkoppar på Grøn. Greitt å vita om det dukkar opp prikkar på andre barn. Vårsleppet er 13.5. Då kjem nokre damer frå Helselaget og lagar mat til oss, og er med oss ute denne dagen. Det blir ingen plan over juni. Veke: Måndag Tysdag Onsdag Torsdag Fredag 19 Fjøsbesøk 20 Tur Vårslepp Bhg stengd Bhg stengd 21 Feirar ARIAM 2 ÅR!! Foreldrekaffi 14.30-15.30 22 Bhg stengd Varmmat Tur