2015-2019 www.fjellkrf.no Program for 2015-2019 INFORMASJON // Foto: Øyvind Ganesh Eknes / www.ganeshfoto.no Fjell KrF
Fjell KrF ynskjer at Fjell skal vere ein kommune med gode oppvekstvilkår for barn og unge trygge og gode arbeidsplassar omsorg for dei som treng det mest verdig alderdom I eit godt samfunn vert heile mennesket teke på alvor, fysisk, psykisk og åndeleg. Ved sidan av gode heimar, barnehagar, skular og arbeidsplassar, trur vi at stader for rekreasjon, mosjon, idrett, kultur og gode fellesskap gir innbyggjarane viktige bidrag til dette. KrF vil støtte dette, og vi vil ta vare på og styrkje det som gjer den kristne arven relevant i samfunnet og for den einskilde. KrF vil arbeide for at kommunen vår skal verte eit framtidsretta og bærekraftig samfunn. Vi ser for oss at Kystbyen på Straume og senteret på Ågotnes i samspel med bygdene må bli bærebjelkane i dette. KrF meinar at vi mellom anna må leggje til rette for arbeid, rekreasjon og livsutfalding i nærleiken av der folk bur. Vi treng kontakt med omverda, og i dette må kollektive og individuelle behov for transport og kommunikasjon byggjast på ein god måte. Det nye Sotrasambandet vil verta ein viktig kanal i dette. I framtida må vi ha ein billig og effektiv kollektivtransport med godt tilrettelagte parkeringsområde for sykkel og bil, i nærleiken av godt plasserte kollektivknutepunkt. For mjuke trafikantar må vi legge til rette for sikre og effektive sykkeltrasear og fortausløysingar.
Heim, skule og oppvekst Familien er ein grunnleggjande byggjestein i samfunnet. Vi vil sikre kvalifisert hjelp til heimar og einskildpersonar som treng det og slik leggje til rette for gode oppvekstvilkår for barn og unge. Skulen i Fjell skal ha god kvalitet og vere open og byggje vidare på den kristne kulturarven. å vidareføra arbeidet mot mobbing i barnehagane og skulane å styrke skulehelsetenesta og miljøarbeidet på skulane å gje dei tilsette i skulane og barnehagane høve til oppdatering og vidareutdanning eit godt samarbeid mellom skulen og kyrkja å evaluere og styrkja SFO-tilbodet fridom og fleksibilitet for familiar med små born, med vidareføring av kommunal kontantstøtte og innføring av to barnehageopptak i året oppgradering av bygningsmassen i dei kommunale skulane og barnehagane å skapa gode vilkår for eksisterande og nye friskular at det blir økonomisk likebehandling av kommunale SFO og SFO som vert drive av private aktørar at kulturskulen får gode og tenlege vilkår å ta vare på den gode balansen mellom private og offentlege barnehagar og sikra gode og føreseielege økonomiske tilhøve for desse å sikra barnehagetilbodet i Nordre Fjell, både ved godkjenning av ny privat barnehage og utbygging av den kommunale barnehagen å støtta rusfrie lågterskeltilbod for ungdom, m.a.ved å styrka og vidareutvikla drifta av Basecamp å sikra vidareføring av Homestart Familiekontakten
Kyrkje og kristenliv Kristen tru og kristne verdiar har prega samfunnet vårt gjennom tusen år. Den norske kyrkja, saman med dei forskjellige trussamfunn og organisasjonar, spelar framleis ei viktig rolle i lokalt samfunnsliv. Den kristne kulturarven må vere grunnlaget for den vidare samfunnsutviklinga. å gje kyrkjene og organisasjonane gode arbeidsvilkår å vidareføre stønaden til det frivillige barne- og ungdomsarbeidet i kyrkjene og bedehusa å sikre vedlikehaldet av kyrkjene å sikre vedlikehaldet gravplassane i kommunen og auke kapasiteten i Nordre Fjell 4. kandidat Steinar M. Heggen 3. kandidat Helge Nilsen 2. kandidat Kristin Brennhaug Ordførarkandidat Odd Bjarne Skogestad
Helse, sosial og omsorg Noreg er eit av dei beste landa i verda å bu i. Samstundes ser vi at mange har bruk for hjelp og støtte i ulike livssituasjonar. Vi trur at det gode samfunnet, med store og små fellesskap, vert skapt i eit samspel mellom det einskilde mennesket og familien og offentlig, privat og frivillig verksemd. Det beste grunnlaget for alt slikt arbeid er den kristne nestekjærleiken og respekt for menneskeverdet. I tråd med alkohollova sitt formål vil KrF arbeide for å redusera dei samfunnsmessige og individuelle skadeverknadane av alkoholbruk å sikra gode heimebaserte tenester innan eldreomsorga og vidareføre programmet «Sjef i eige liv» å anerkjenne og betre vilkåra for dei pårørande sitt omsorgsarbeid å sikra god drift og bemanning ved institusjonane for sjuke og eldre at planane om eit Lokalmedisinsk senter vert realisert å styrkja barnevernet å sikra at born og unge med psykiske vanskar får kvalifisert hjelp å sikra at behovet for bustader og avlastningsplassar for funksjonshemma er dekka, og at dei får naudsynt hjelp og tilsyn å følge opp kommunen sin boligsosiale plan, og sikra bustader for alle personar i kommunen å fremja ein rusfri livsstil og arbeide for at Handlingsplan for rusomsorg vert sett i verk å føra ein effektiv kontroll med alkoholomsetjinga og bruka strenge sanksjonar for brot på Alkohollova at det ikkje vert servert alkohol ved tilstelningar der kommunen er vertskap, i kommunale bygg og på idrettsarenaer i kommunen. å vidareutvikle helsestasjonen for ungdom at flyktningar og asylsøkjarar framleis vert integrert på ein god måte i lokalsamfunnet
Natur og miljø KrF legg vekt på ein god miljøpolitikk som tek omsyn til komande generasjonar. Også lokalt må vi ta ansvar for klimautfordringane. Naturområder i Fjell må både vernast og gjerast tilgjengelege for dei som bur i kommunen. Vi har eit forvaltaransvar. at viktige kulturminne og kulturlandskap vert registrert og teke vare på å leggje til rette og vedlikehalde kommunale badeplassar, friområde, turstiar og rasteplassar å kartlegge og arbeide for vern og pleie av attraktive rekreasjons, natur og friluftsområde nær sentrale bustadområde. Særleg nemner vi område på nordre del av Litle Sotra. å vidareutvikle tur- og rekreasjonsområde i kommunen og gjere det mest mogeleg tilgjengeleg for rørslehemma ei endring av trafikkmønsteret slik at fleire vel å reise kollektivt, m.a. ved å arbeide for fleire bussavgangar og god innfartsparkering for bil og sykkel ved kollektive knutepunkt å stille krav om at det vert anlagt ladepunkt for El-bilar ved større utbyggingar
Bustadbygging og samferdsel Vi treng gode og føremålstenlege transportløysingar, av omsyn til både busetnad og næringsliv. Vi treng eit transportsystem som er bærekraftig for framtida. Derfor ynskjer KrF ei offensiv satsing på kollektivtrafikken. Vi vil arbeide for eit tenleg busstilbod i heile kommunen. god framdrift i arbeidet med å få til nytt Sotrasamband, med gode løysingar for kollektivtransport at området mellom rådhuset og senterområdet blir regulert for gode og bærekraftige formål at kollektivtilbodet i kommunen og ut av kommunen vert styrka å leggje tilrette for bustadbygging i heile kommunen i tråd med ny arealplan å leggje til rette for at unge kan koma seg inn på bustadmarknaden å få fleire sykkelstiar i kommunen at det blir lagt til rette for bil- og sykkelparkering ved kollektive knutepunkt auka trafikktryggleik for mjuke trafikantar, særleg i bustadområde og på skulevegar oppfølging og rullering av trafikksikringsplanen vere ein pådrivar for at det blir utarbeid ein heilhetleg Samfunnsplan for kommunen
Økonomi KrF vil føre ein politikk som medverkar til ein ansvarleg økonomisk utvikling i kommunen. Vi vil medverke til, og ta ansvar for ein god og realistisk bruk av dei offentlege midla. ei økonomisk forvalting som set oss i stand til å møta framtidige utfordringar ei ansvarleg prioritering i bruk av skattepengane
Arbeid og næring KrF vil medverke til god næringsutvikling i kommunen. ei vidareutvikling av Ågotnes som kommunesenter II at gode jordbruksareal vert tekne vare på at Vindeneskvarven må utviklast på ein varsam måte i tråd med den nye arealplanen regulering av nord-sørsambandet må gjerast slik at arbeidet med gjennomføring av prosjektet kan starta så snart som råd er at butikkane kan vere opne seks dagar i veka, men stengt på sundagen, slik at folk flest kan ha ein felles fridag som m.a. kan nyttast til gudstenester og møter, sosiale aktivitetar, samvær med familie og vener og fritidsaktiviteter
Frivillighet Mange menneske har på forskjellige måtar eit frivillig engasjement. Det kan vere i kulturarbeid, i idrett eller i kyrkje eller anna kristeleg arbeid. Vi ser og at mange av dei kommunale tenestene i stadig sterkere grad gjer seg bruk av frivillige innsats. KrF ynskjer å synliggjere og verdsette alt frivillig arbeid. å legge til rette for og støtte frivillige leiarar som ynskjer meir kompetanse i dei oppgåvene dei står i at det utarbeides ein heilskapeleg frivillighetsplan for kommunen Framtidig kommunestruktur Regjeringa og Stortinget har gjeve klåre signal om at det blir til dels store endringar i kommunestrukturen i åra framover. Fjell KrF vil ta desse signala på alvor og ynskjer at det blir forhandla med nabokommunane med tanke på danning av ein ny kommune her vest.
Menneskeverdet, forvaltaransvaret og nestekjærleiken er grunnleggande prinsipp for Kristeleg Folkeparti sin politikk: MENNESKEVERDET fordi alle menneske har lik verdi og ikkje skal krenkast FORVALTARANSVARET fordi vi er sett til å forvalte naturen og ressursane på ein måte som er til beste for alle menneske og komande generasjonar NESTEKJÆRLEIKEN fordi vi skal gjere det vi kan for at våre medmenneske skal ha det best mogeleg.
Følg oss på fjellkrf.no og facebook.com/fjellkrf Fjell