Dette vil vi arbeide for i Bremanger AP

Transkript

1 Alle skal med Bremanger Arbeidarparti

2 Arbeidarpartiet sine mål er å sikre likeverdige levekår, slik at alle får størst mogleg fridom til å leve eit liv i samsvar med eigne ynskje og behov. Dette kan vi berre oppnå gjennom fellesskap og rettferdig fordeling. Det er ei stor og viktig utfordring å legge til rette for at ungdom og familier vel å busetje seg i kommunen. Bremanger Arbeidarparti vil i perioden arbeide med infrastrukturen slik at kommunen kan bli attraktiv for nyskaping. Bremanger Arbeidarparti vil ha eit tett samarbeid med næringslivet i kommunen. Saman vil vi gjere det som er mogeleg for å oppretthalde arbeidsplassane vi har. I tillegg vil vi tilrettelegge for nye og framtidsretta arbeidsplassar. Fullføring av Bremangersambandet fram til Sørdalsvatnet og nytt ferjesamband over ytre Nordfjord er viktige tiltak for utviklinga av kommunen. Bremanger Arbeidarparti ynskjer at kommunen skal tilby eit godt tenestetilbod og eit breitt tilbod innan kultur. Arbeidsliv og næring Få kommunar har så store moglegheiter for utbygging av småkraftverk, bio- og vindkraft som Bremanger. Områda utanfor kysten vår har store energimengder i form av olje og gass. Denne energien vert send direkte til Europa. Vi vil arbeide for at desse energiformene vert nytta i eigen kommune. Bremanger Arbeidarparti meiner det er viktig å legge til rette for nye arbeidsplassar. Difor vil vi stimulere til kreativitet og nyskaping i næringslivet. Vi vil mellom anna bidra til auka samspel mellom næringsliv og kommune, og legge til rette for gründarar og næringsutvikling. Vi vil støtte primærnæringane sine moglegheiter for satsing og verdiskaping. Vårt mål er at Bremanger kommune skal vera ein god stad for næringsverksemd. etablering av Solar i Svelgen. næringsutvikling med eit kvinneperspektiv. framtidsretta næring. å være positiv til ny energiproduksjon i kommunen gjennom vasskraft, bio- og vindkraftverk. ilandføring av gass på Bremangerlandet. å auke støtta til næringsutvikling gjennom Innovasjon Noreg. at konkurranseutsett industri får langsiktige, stabile og konkurransedyktige rammevilkår. å oppretthalde eit variert landbruk og ta vare på kulturlandskapet. at fiskeri- og havbruksnæringane skal få vilkår som stimulerer utvikling. 2 3

3 Samferdsle For å sikre busetnad og næringsliv treng vi eit godt utbygt og trygt samferdslenett i heile fylket. Det betyr mellom anna eit sterkt offentleg utbygt transporttilbod både på sjø og på land, og eit fullverdig kollektivtilbod. Alle som ferdast på vegane må kjenne seg trygge. Vi vil difor arbeide for å utbetre vegnettet i kommunen og å styrke transport- og pendlartilboda til kommunen sine innbyggarar. å fullføre Rv 614, Bremangersambandet. å oppretthalde gode skule- og arbeidsruter. gratis ferjer. gode rabattordningar for kollektivpendlarar. auka løyvingar til aksjon skuleveg og vidare utbygging av gang- og sykkelvegar. at vegsambandet Ålesund Florø - Bergen fylgjer kysten. å oppretthalde 2 ekspressbåtstopp i kommunen. å få bussamband mellom indre og ytre delar av kommunen. Stadt skipstunnel. Helse og omsorg Alle skal ha tilgang til gode og likeverdige helse- og omsorgstenester. Folk må oppleve å få tilbod om behandling og pleie med kort ventetid, og med størst mogleg nærleik til brukaren. Helsetenestene skal sikrast nok ressursar og kompetanse til å kunne yte tenester grunna på moderne og fagleg oppdaterte metodar og teknologi. Bremanger Arbeidarparti vil vidareutvikle omsorga for dei eldre slik at livskvalitet og utfalding blir mogleg. Tilboda skal vere individuelt tilpassa, og tenestene skal utformast i nært samarbeid med pårørande, friviljuge og dei eldre sjølve. å ha ei ambulanseteneste med god kvalitet og kompetanse som har god beredskap og forsvarleg responstid. å sikre rehabilitering og opptrening til alle som treng det. at tilbodet til menneske med psykiske lidingar vert styrka. å legge tilhøva til rette for funksjonshemma. å sikre dei eldre ein trygg og aktiv alderdom og aktivitetsarena. større stillingsbrøkar. Kultur Alle bør ha tilgang til gode kulturtilbod. Vi ynskjer difor å satse på eit breitt kulturtilbod og at folk har tilgang til dette i kvardagen. Vi vil også ruste opp fellesområde som parkar og grøne areal. Eit utviklingsområde innanfor kulturlivet er reiseliv. Vi vil satse meir på økologisk reiseliv, der natur og miljø samspelar med kvarandre. Vi meiner at alle skal ha rett til kulturopplevingar uavhengig av alder eller lommebok. Difor vil vi behalde kulturaktivitetar for barn og unge. å gje alle tilgang til eit breitt kulturtilbod. å sikre barn og unge moglegheit for ein kulturskule til rimeleg pris. gode idrettstilbod for alle. fleirbruksanlegg for symjing og rehabilitering i Svelgen. å legge til rette for at born og unge kan utvikle seg gjennom musikk, teater og anna kunstnarleg verksemd. å utvikle nærleik til natur og norsk kultur gjennom satsing på grønt reiseliv, vurdere reiselivbaserte kulturtilbod og ivareta eit rikt kulturlandskap. at historisk kulturarv skal takast vare på ved bruk og marknadsføring innan reiseliv. 4 5

4 Born - Barnehage og skule Det er viktig å etablere eit trygt og inkluderande oppvekstmiljø for born og unge. Vi har i dag eit godt skule- og barnehagetilbod i Bremanger kommune. Vi ser på barnehage og skule som viktige læreinstitusjonar. Dette ynskjer vi å vidareføre. Gjennom samarbeid med næringslivet vil vi informere om tilbodet ungdom har til framtidig arbeid i kommunen. å sikre god kvalitet i barnehagane og skulefritidsordninga. velutstyrte skular med god lærardekning, og arbeide for at elevar i den vidaregåande skulen får eit tilbod nærast mogleg heimstaden. å auke kompetansen til tilsette i barnehage og skule slik at ein betre kan møte dei krav og utfordringar ein står framfor. at ein gjennom partnarskapsavtalar og entreprenørskapsprosjekt skal utvikle samarbeidet mellom skule og næringsliv. kvalitet og ungane sitt beste. Unge Ei viktig oppgåve er at ungdom trivst og vil bu i kommunen. Difor er trivnad i oppveksten viktig for at ungdomen skal koma attende etter fullført utdanning. Mellom anna må ungdom sikrast moglegheit for å delta i kultur-, idretts- og organisasjonslivet. Vi vil også arbeide for at ungdomar har eigne informasjonskanalar, som sikrar dei informasjon om dei ulike tilboda i kommunen. Ungdomsrådet er ein viktig faktor i denne samanheng. Fleire stader vil det være behov for å støtte opp om ungdomsklubbar og å syte for at uorganisert ungdom får eit tilbod. Difor vil vi støtte aktivitetar som dei unge sjølve skaper og ynskjer. Vi vil lytte til og prøve og forstå kva som kan halde dei unge i kommunen. at ungdomskortet og kollektivtilbodet for ungdom vert vidareutvikla. at skuleskyssordninga vert meir fleksibel slik at ungdomen også kan reise heim på kveldstid. at ungdom, studentar og lærlingar får rimeleg tilgang til kulturarrangement. å bidra til at uorganisert ungdom får eit tilbod heile året. å få til rutetilbod som høver til aktivitetar på kveldstid. å legge tilhøva til rette for gode fritidstilbod m.a. ungdomsklubbar. at ungdomsrådet bruker sin rett til å føre saker direkte i kommunestyret. å legge til rette for at ungdom får bustad/tomt. fritidstilbod i feriar. Tilflyttingstilskot. rimelege ungdomsbustader. Investeringar Svelgen Bu- og servicesenter. Sentrumsplan Svelgen. Omsorgsbustader. Rehabilitering av kommunale bygg, anlegg og gatelys. Venterom i Smørhamn. Nytt kaianlegg i Leirgulen. Kultursenter på Hauge. Badeanlegg i Svelgen. Næringsareal på nye kaianlegget i Leirgulen. Gang og sykkelveg frå Struen til Grotle. 6 7

5 Alle skal med Sogn og Fjordane Arbeidarparti