Program for. Seljord Venstre

Transkript

1 Program for Seljord Venstre perioden

2 Seljord, ein livskraftig kommune i utvikling Kjerna i Venstre sin politikk er ein god balanse mellom personleg fridom og felles ansvar. Vi er grunnleggjande optimistar, opptekne av å byggje framtidas Seljord i samspel med innbyggjarane og næringslivet. Programmet vårt syner kva Seljord Venstre vil arbeide for i perioden Vi trur at vår politikk vil auke Seljords attraktivitet. Venstre helsar kommunesamanslåinga velkommen, og ser helst mot Midt-Telemark eller delar av Vest-Telemark. Kommunen må ha høg fagleg kompetanse for å yte gode tenester der folk bur. Venstre vil prioritere: Seljord som miljøfyrtårn! Den gode skulen med kompetanse og tidleg innsats Folkehelse og kultur Næring Seljord som miljøfyrtårn. Venstre vil skape eit klimavennleg samfunn som er betre å leve i. Klimaendringane fører med seg dei aller største utfordringane verda står overfor. Dette krev lokal handling. Venstre ser dette som - trass i alt - ei positiv moglegheit til å skape eit miljøvennleg Seljord der det er godt å bu. Luft, jord og vatn med alt det som der finst av dyr og planteliv er grunnlaget for alt menneskeliv. Vi er i ferd med å øydeleggje balansen ved ulike slag forureining, overforbruk og tankelaus utnytting av naturresssursane. Kvar einskild har eit personleg ansvar for å motverke denne utviklinga.

3 Kunnskap og like muligheter Kommunen har eit overordna ansvar ved å syte for miljøvennleg arealutnytting, og ved at alle kommunale nybygg og forbetringar blir mest mogeleg utsleppsnøytrale ved bruk av t.d. jord- og vassboren varme. Teknisk personal må kunne gi råd både til private og næringsdrivande om gode miljøløysingar. At kommunen kan hjelpe til med ENØK-tiltak for industri, landbruk og hushaldningar. At kommunen kan hjelpe både private og næringsverksemder med å søkje ENOVA om økonomisk støtte. Byggje ut gang- og sykkelvegar over heile kommunen. Miljøsertifisere alle kommunale bygg. Lage ein plan for energi effektivisering for alle kommunale bygg, og setje planen ut i livet.

4 Den gode skulen - kompetanse og tidleg innsats Barna er framtida. I barnehage og skule skal barna vere sikra ein god og meiningsfull kvardag. Dei skal utvikle kunnskap, sosiale ferdigheiter og tru på seg sjølv. Seljord Venstre vil at skule og barnehage skal ha kompetente vaksne som ser barn og unge. Vi vil ha meir aktivitet ute i naturen knytt både til leik og undervisning i ulike fag. Vi ynskjer å styrkje dei praktiske faga på alle nivå. Læraren er den viktigaste faktoren i skulen. Skulen er avhengig av lærarar som er gode leiarar, dyktige fagpersonar og trygge vaksne. Dette ynskjer også elevane. Satse på etter- og vidareutdanning av lærarar, også innanfor det som gjeld mellommenneskeleg kompetanse Satse på tidleg innsats for å sikre at alle barn så tidleg som råd kan oppleve meistring i dei grunnleggjande faga Arbeide for at også SFO og barnehagane får ressursar til kompetansehevande tiltak At barnehagane er ein stad for læring gjennom leik og utforsking Kultur og idrett Seljord er ei kulturbygd med rike tradisjonar bore fram av einskildpersonar og frivillige organisasjonar gjennom lange tider. Seljord Venstre ynskjer at dei frivillige organisasjonane får vidareutvikle seg på sine eigne vilkår og vil at kommuen så langt det er råd, kan støtte dei praktisk og økonomisk. Satse på lærarar med høg kompetanse. Dei har både rett og plikt til å halde seg oppdatert innanfor skulen sine satsingsområde At Granvin kulturhus får slike økonomiske vilkår at aktivitetane der kan haldast oppe og vidareutviklast

5 Ta initiativ til nytt bibliotek på Granvin Gi kulturskulen økonomisk grunnlag for vidareutvikling At barnehagane og skulen fører kulturradisjonane innan song, dans og musikk, segn og soger vidare Så langt det er råd, sikre at dei ulike idrettsanlegga i heile kommuen blir haldne ved like og vidareutvikla At kommuen set i gang realistisk planlegging av nytt badeanlegg Folkehelse I arbeidet for ei god folkehelsa bør kommunen kunne samarbeide med dei mange frivillige organisasjonane i Seljord slik kan ein nå fleire grupper. Prioritere innføring av felles lunsj med frukt og sunn mat også for barneskulane i kommunen Utvide skulehelsesøstertenesta for å betre å kunne hjelpe barn og unge i utsette miljø Sikre vedlikehald og utviding av sti-og løypenett, og sjå til at gamle vegar og stiar ikkje blir stengde ved oppføring av nye hus, og om nødvendig leggje om Fullføre gangvegen frå Dyrskuplassen til Bjørgesida, tilpassa rullestolbrukarar og eldre Arbeide for fleire trafikksikre gang- og sykkelvegar i heile kommunen for å unngå unødvendig bilbruk. Bilkjøring til og frå arbeid, skule og fritidsaktivitetar kan reduserast. Dette kan også føre til ei meir positiv haldning for mindre bilbruk Arbeide for at fleire gater og vegar får gatelys så folk kan ferdast trygt i mørket Ein viktig føresetnad for god helse er fysisk aktivitet tilpassa alle aldersgrupper. Praktiske kurs i enkel og sunn matlaging kan også vere god førebygging. Idrett skapar trivsel, sosialt nettverk og folkehelse. Venstre ynskjer eit godt og variert tilbod innan kultur og idrett som kan nå alle utan omsyn til sosial ulikskap.

6 Auke Seljords attraktivitet. Næring Venstre vil at fleire skal få lyst til å drive næring og vil ha ein moderne næringspolitikk som skapar nye verdiar og tek omsyn til miljøet. Venstre vil gjere det enklare å starte og drive eiga bedrift. Vi vil ha gode vilkår for alle bedrifter, og er spesielt opptekne av gründerar og dei minste bedriftene. Satse på ein meir offensiv nærings- og reiselivspolitikk Jobbe for forenkling og mindre byråkrati Sørge for sterkt vern av matjord lokalt Ikkje stemme for sundagsopne butikkar At kommunen gjennom si rolle som innkjøpar kan stimulere til auka nyskaping ved at dei alltid vil velje innovative og klimavennlege løysingar Legge tilrette for tomter Ha gode kommunikasjonstilhøve Ha ein aktiv næringspolitikk Styrke og videreutvikle dagens næringsliv Auka attraktivitet Vi trur at Seljord kan få enda fleire til å komme hit for å bu eller komme på besøk ved å leggje større vekt på trivselsfremjande tiltak ute. Til dømes «grøne lunger» med høve til kvile og leik ulike stader i sentrum og ved handelsstadene våre. Gi barnehageplass for alle familiar som treng det Si NEI til eigedomsskatt Sikre tilgang på bustader og tomter i heile kommunen Vidareutvikle eit rikt høve til friluftsliv med tilrettelegging av vegar, stiar og aktivitetsplassar for alle årstider og aldrar Støtte tiltak som gjer møtestadene og sentra våre vakre og innbydande Vere vertskap som vil vise gjestene det beste vi har av kunst, kultur og natur Stimulere til gardsturisme og styrke turistnæringa

7 Stem Seljord Venstre Seljord Venstre har eit sterkt og engasjert lag som vil jobbe for å utvikle Seljord vidare. Vi vil mykje, men dei viktigaste sakene for Seljord Venstre er: JA til større berekraftsatsing i Seljord kommune JA til kommunal tilrettelegging og rådgiving til eksisterande og nye bedrifter JA til eit trivlegare Seljord sentrum JA til kommunal tilrettelegging av attraktive bustadtomter JA til fleire gang- og sykkelvegar i heile kommunen JA til planlegging av nytt bibliotek og badeanlegg JA til styrking av lærarkompetansen og betre læring i skulen JA til full barnehagedekking i heile kommunen JA til kommunesamanslåing og å vere proaktiv i den samanheng NEI til eigedomsskatt NEI til søndagsopne butikkar

8 Venstres kandidater i Seljord 1. Margit Karlsen-Rinde (f.1967) Ordførarkandidat Margit er gründer, leiar og mor. Ho brenn for nærings- og distriktsutvikling samt folkehelse. 2. Svein Forberg Liane (f. 1963) Sivilingeniør vassforsyning, rådgjevar og far. Han brenn for å gjere Seljord attraktiv no og i framtida og for ein skule for god læring. 6. Aasmund Rinde (f. 1973), Grunder, bryggjar, ingeniør og far. Aasmund er opptatt av forenkling og gode oppvekstvikkår for barn. 7. Aasmund Høgetveit (f. 1940), sjølvstendig næringsdrivande Opptatt av kultur, natur og berekraftig utvikling. 8. Borgny Slettemoen Tøfte (f. 1935), pensjonist, tidligare lektor, mor og bestemor. Borgny er opptatt av skule, kultur og friluftsliv. 3. Stig Høgetveit (f. 1968) Lærar, sjølvstendig næringsdrivande, gründer og far. Stig er oppeken av berekraft og næringsutvikling. 4. Geir Anders Jensen (f. 1970) Vernepleiar Opptatt av musikk og kultur, trygge sykkel og gangvegar og miljø 5. Marlie Kluskens Liane (f. 1967) Rådgjevande ingeniør, miljøteknolog og mor. Ho brenn for reint vatn, luft, jord og berekraftige løysingar Foto: Les meir om vår politikk og våre kandidatar på våre nettsider.