HORDALAND FYLKESKOMMUNE Kultur- og idrettsavdelinga Arkivsak 200904567-4 Arkivnr. 626 Saksh. Garden, Jens Harald Saksgang Fylkesutvalet Kultur- og ressursutvalet Møtedato 18.06.2009 02.06.2009 IDRETTSPLAN FOR BERGEN KOMMUNE 2010-2019 SAMANDRAG Bergen kommune sin idrettsplan (sektorplan) for perioden 2010 2019, er den tredje i rekka av idrettsmeldinger i Bergen. Byrådsavdelinga for kultur, næring og idrett er ansvarleg for forslag til særplanar innan sitt fagfelt. Planane omfattar delar av kommunen sin verksemd og regulerer med det Bergen kommune sine ambisjonar, tiltak og forslag til økonomiplan. Idrettsplan for Bergen kommune 2010-2019 Idrettsbyen Bergen et steg foran, skisserer visjonar, mål, strategiar og tiltak for arbeidet med fysisk aktivitet i Bergen og bergensregionen fram til 2019. Hordaland fylkeskommune meiner at planen er ambisøs, gjennomarbeidd, gjev retning for idrettspolitikken fram mot 2019 og er forpliktande for Bergen kommune med omsyn til tilrettelegging for fysisk aktivitet. Slik planprosessen er skildra, ser det ut til at den lokale medverknaden og involveringa er teke vare på, både med omsyn til lokale lag, organisasjonar og andre aktørar som jobbar med idrett i Bergen. I vurderinga av Bergen kommune sin sektorplan for idrett, er det naturleg for Hordaland fylkeskommune å ha fokus på korleis det vert planlagt med omsyn til korleis det skal leggjast til rette for ein aktiv kvar dag. FORSLAG TIL INNSTILLING 1. I kapittel 2.2 i planen vert den fylkeskommunale idretts- og friluftslivspolitikken skildra. Der står det at det ikkje ligg budsjettmidlar knytt til satsingsområda i Fylkesdelplan fysisk aktivitet, idrett og friluftsliv 2008-2012. Fylkesutvalet vil gjere merksam på at det er budsjettmidlar til tiltak i planen knytt til ulike fylkeskommunale avdelingar sine budsjett. 2. Fylkesutvalet vil peike på at det er naudsynt å styrkje og vidareføre samarbeidet med friluftslivsorganisasjonane i Bergen, både med omsyn til den organiserte og eigenorganiserte fysiske aktiviteten. I lokalt og regionalt perspektiv er ei styrking av Friluftslivets Hus i Hordaland naudsynt.
3. For å ta vare på heilskapen i friluftslivsarbeidet, er samarbeid på tvers av kommunale avdelingar og sektorar naudsynt. Dette gjeld mellom anna arbeidet med å sikre regionale friluftsområde og allemannretten både på land og ved ferdsel på sjø. 4. Fylkesutvalet er positiv til Bergen kommune sitt fokus på samarbeid over kommunegrenser for å skape eit godt aktivitetstilbod for folk i heile regionen. Til dømes har Kvamskogen ein spesiell status som utfarts- og hytteområde til folk i Bergen og eit styrkja samarbeid mellom offentlege og private aktørar er ønskjeleg. 5. Fylkesutvalet peiker på at det er positivt at Bergen kommune fokuserer på å utvikle Bergen og bergensregionen som eit godt vertskapsområde for å tiltrekke seg nasjonale og internasjonale idrettsarrangement. Det vil ha lokale og regionale ringverknader med omsyn til merkevarebygging, verdiskaping og næringsutvikling. 6. Bergen kommune og Hordaland fylkeskommune har inngått partnarskapsavtale om folkehelse. I det vidare meiner fylkesutvalet at det er viktig å implementere arbeidet som er skildra i den nye sektorplanen inn i dette partnarskapsarbeidet. 7. Isanlegget på Slåtthaug har tidlegare fått fylkeskommunalt investeringstilskot og har status som eit regionalt idrettsanlegg. Fylkesutvalet peiker på at det er positivt at det vert gjeve framlegg om å halde fram med arbeidet med plan for området på og rundt Slåtthaug Idrettspark generelt. Det vil i tillegg vere viktig å utrede moglegheitene for å vidareutvikle Slåtthaug til eit anlegg med overbygd tak/ishall. Paul M Nilsen Ronny Skaar Vedlegg: Idrettsplan for Bergen kommune 2010-2019, Idrettsbyen Bergen et steg foran. Lagt ut på http://polsak.ivest.no/ 2
Fylkesrådmannen 25.05.2009 Bakgrunn Bergen kommune sin idrettsplan 2010 2019 (sektorplan) er den tredje i rekka av idrettsmeldinger i Bergen. Planen skisserer visjonar, mål, strategiar og tiltak for arbeidet med fysisk aktivitet i Bergen og bergensregionen fram til 2019. Idrettsbyen Bergen et steg foran inneheld følgjande hovudkapittel: organisert idrett, FIKS Bergen, idrett, næring og miljø, anleggsutvikling, drift og vedlikehald av idrettsanlegg og økonomi. I tillegg vert planprosess, forankring, idrettspolitikk frå ulike perspektiv, evaluering av førre plan og visjon og hovudmål skildra. Kapitla om planprosess og forankring skildrar korleis planen er oppbygd, korleis planen er forankra politisk og organisert med prosjektgruppe. Prosjektgruppa har vore sett saman med representantar frå idrettseksjonen i kommunen, idrettsrådet i Bergen, Hordaland idrettskrets og byrådsavdeling for barnehage og skule. I tillegg har BKNI (byråd for kultur, næring og idrett) hatt ein eigen arbeidsgruppe som har vore samansett av Rune Titlestad, Jan Haugland, Frode Karlsen, Ronny Lockert, Steinar Bergsvik, Hildegunn Odland, Kurt Forsberg, Geir Berntsen og Terje Fredheim. Prosjektleiar for planen har vore Nina Iren Øverberg. Tidleg i planen vert ulike omgrep og definisjonar som har relevans for planen skildra. Det er i tillegg gjeve ei oversikt over statlege dokument (stortingsmeldingar og handlingsplanar), nasjonal idrettspolitikk (Idrettspolitisk dokument frå Norges idrettsforbund og olympiske og paralympiske komité - NIF), samt regionale partar sin politikk som er førande for nasjonal og regional idretts- og friluftslivspolitikk. Det er også vist til kommunale planar som det er teke omsyn til i kommunen sin utvikling av ny idrettsplan fram mot 2019. Organisert idrett Bergen kommune vil i planperioden legge til rette slik at den organiserte idretten frå gode rammevilkår. Bergen kommune vil prioritere anleggsutbygging, med fokus på idrettsparkar og vidareutvikling av eksisterande anlegg, framfor å gje store auke i tilskot til frivillige organisasjonar. Samstundes skal det vere ei moderat auke i tilskota, men dei skal spissast mot mål og ambisjonar i den nye idrettsplanen. Samstundes som breidda i den organiserte idretten skal styrkjast, vil Bergen kommune vidareføre innsatsen for å gje toppidrettsutøvarar busett i Bergen og lag som høyrer til i Bergen moglegheit til å bli utøvarar på topp nivå. Bergen kommune fokuserer i planen på dei ringverknader idretten skapar med omsyn til næringslivet i Bergen og i bergensregionen. Bergen Sports event vert lansert som nytt prosjekt, der målet er å organisere eit profesjonelt apparat som kan støtte lokale arrangørar ved store nasjonale og internasjonale idrettsarrangement. FIKS Bergen FIKS Bergen er eit samleomgrep på tiltak Bergen kommune vil gjennomføre i planperioden for dei som ikkje finn seg til rette i den organiserte idretten og i dei kommersielle treningssentra. FIKS Bergen har innlemmet ordene fysisk aktivitet, idrett, kompetanse og sunnhet. Dette er kjerneområdene for tilrettelegging på idrettsfeltet i Bergen kommune (side 10). Målgrupper er barn, ungdom, vaksne, eldre og særskilde grupper; utviklingshemma, fysisk funksjonshemma, fleirkulturelle, barn og ungdom med overvekt og personar med psykiske lidingar. Tiltaka skal gjennomførast i samarbeid med idrettslag, friluftslivsorganisasjonar eller i kommunal regi. Idrett, næring og miljø Bergen kommune ønsker å bidra til et utvidet samarbeid mellom idretten, næringslivet og myndighetene og derved utvikle arbeids- og innsatsområdene idrett og næring. Det vil også bli vurdert bruk av ulike virkemidler for å stimulere til en vekst på området (side 47). I kapitlet vert følgjande område med tydnad for idrett, næring og miljø skildra: idrett, fysisk aktivitet og friluftsliv som produkt 3
for nærings- og idrettsutvikling, idrettsturisme, Bergen og bergensregionen som vertskapsområde, idretts- og friluftsorganisasjonar som arbeidsmarked, toppidrett og næring, samt idrettsanlegg og næring. Anleggsutvikling, drift og vedlikehald av idrettsanlegg For å ta vare på framtidige aktivitetsbehov, vert det i planen fokusert på å utvikle smarte, funksjonelle og fleksible anleggsløysningar. Eksisterande anlegg skal vidareutviklast og utvikling av idrettsparkar er ei særleg satsing fram mot 2019. Idrettsplanen skildrar vidareutvikling av store anlegg i Bergen, til dømes Slåtthaug Idrettspark, Idrettsparken på Slettebakken, området rundt Fyllingsdalen idrettshall og stadion, Myrdal i Åsane. Bergen kommune har og vil få store utfordringer med å drifte byens idrettsanlegg i årene som kommer. Det har derfor i arbeidet med Idrettsplanen som nå legges frem, vært spesielt fokusert på driftskonsekvensene i alle nye forslag til investeringer i planperioden og det er innarbeidet ulike tiltak til vurdering for å oppnå en best mulig kostnadseffektiv drift av kommunens idrettsanlegg (side 12). Økonomi Kapittel 10 i planen gjev oversikt over kostnader knytt til tiltak skissert i planen. Det vert og gjeve oversikt over økonomisk status dei siste åra med omsyn til drift og investeringar av idrettsanlegg. Innspel til høyringsdokument Planen er ambisøs, gjennomarbeidd, gjev retning for idrettspolitikken fram mot 2019 og forpliktande for Bergen kommune med omsyn til tilrettelegging for fysisk aktivitet. Slik planprosessen er skildra, ser det ut til at den lokale medverknaden og involveringa er teke vare på, både med omsyn til lokale lag, organisasjonar og andre aktørar som jobbar med idrett i Bergen. I vurderinga av Bergen kommune sin sektorplan for idrett, er det naturleg for Hordaland fylkeskommune å ha fokus på korleis det vert planlagt med omsyn til korleis det skal leggjast til rette for ein aktiv kvar dag for folk og følgjande er særleg vurdert: o Målsetting for satsinga på fysisk aktivitet o Målsetting for anleggsutvikling og sikring av areal for fysisk aktivitet o Status for anlegg og aktivitet i Bergen kommune, mellom anna gjennom resultatvurdering av førre plan innan fagområdet o Analyse av kortsiktige og langsiktige behov for anlegg o Samanheng mellom sektorplan for idrett og andre planar i kommunen o Prioritert handlingsprogram for utbygging av idretts- og friluftslivsanlegg o Økonomiplan knytt til drift og vedlikehald av eksisterande og planlagde anlegg o Uprioritert liste over langsiktige behov for anlegg o o Oversikt (kart) over eksisterande anlegg og område for fysisk aktivitet Oversikt (kart) over kor planlagde anlegg og område for friluftsliv med arealbehov skal lokaliserast Generelt viser det seg at alle punkt som er lista opp over, er teke vare på i Bergen kommune sin nye sektorplan. Hordaland fylkeskommune ønskjer å kommentere følgjande: Fylkeskommunale budsjettmidlar I den nye sektorplanen vert den fylkeskommunale idrettspolitikken skildra. I kapittel to vert Hordaland fylkeskommune sin fylkesdelplan Aktiv kvar dag sine satsingsområde gjengjeve. Etter ei kort skildring av satsingsområda, vert kvart avsnitt avslutta med: Det foreligger ingen budsjettmidler foreløpig (Idrettsplan for Bergen kommune 2010-2019, side 13). Dette er ikkje riktig. Fylkesdelplanen inneheld ikkje økonomiske føringar for fylkeskommunale tiltak i planperioden, men både kultur- og idrettsavdelinga sine budsjett og andre fylkeskommunale avdelingar sine budsjett er med på å realisere visjonen om Aktiv kvar dag for folk i Hordaland. Friluftsliv Bergen kommune har som mål å vere ein av Nordens mest attraktive idrettsbyar, med eit rikt og variert idretts- og friluftsliv. Dette inneber ei satsing på organisert idrett i regi av idrettsorganisasjonar. Det er 4
godt skildra i planen, både med omsyn til anlegg og aktivitet. Men denne satsinga inneber også ei satsing på fysisk aktivitet i friluft friluftsliv. Friluftslivsaktivitet er folkeaktivitet og krev lite av den einskilde i den aktive utføringa. Det største aktivitetsanlegget i Bergen, er byfjella med sin nærleik som særeigenskap. I fylkesdelplan Fysisk aktivitet, idrett og friluftsliv Aktiv kvar dag (2008-2012) vert byfjella trekt fram som eit område som bør sikrast som natur- og friluftsområde, for å hindre aktivitetar som kan øydelegge for eit aktivt og nært friluftsliv. Dette bør styrkjast av Bergen kommune i planperioden. I sektorplanen vert det nemnd fleire stader at Bergen kommune vil styrkje samarbeidet med friluftslivsorganisasjonane. Eitt av resultatmåla i planen er at Bergen kommune skal gje grunnstøtte til friluftslivets paraplyorganisasjonar. Hordaland fylkeskommune meiner det er naudsynt å styrkje og vidareføre samarbeidet med friluftslivsorganisasjonane i Bergen, spesielt med omsyn til den jobben dei gjer for den organiserte og eigenorganiserte fysiske aktiviteten. I lokalt og regionalt perspektiv er ei styrking av Friluftslivets Hus i Hordaland naudsynt. Friluftslivets Hus vert i dag drifta av Bergen Turlag og fungerer som informasjonssentral for friluftslivsaktivitet i Bergen og i Hordaland generelt. Dette arbeidet gjev effektar både lokalt og regionalt og vil vere ein naturleg samarbeidsoppgåve for Bergen Turlag, Bergen og Omland Friluftsråd, Bergen kommune og Hordland fylkeskommune. Det er positivt å lese i planen at også friluftslivsorganisasjonar i Bergen, gjennom deltaking i eit samarbeidsutval, vert teke med i den formelle dialogen mellom Bergen kommune og idretten i Bergen med omsyn til framtidig idretts- og friluftslivspolitikk. Det er også positivt å lese i den nye sektorplanen at det tverrsektorielle samarbeidet mellom byrådsavdelingane (her: kultur, næring og idrett og klima, miljø og byutvikling) skal styrkjast, spesielt med omsyn til fysisk tilrettelegging av friluftsområde. Hordaland fylkeskommune meiner at for å ta vare på heilskapen i friluftslivsarbeidet er samarbeid på tvers av kommunale avdelingar og sektorar naudsyn. Dette gjeld mellom anna arbeidet med å sikre regionale friluftsområde og sikring av allemannretten både på land og ved ferdsel på sjøen. Friluftslivsorganisasjonar i Bergen speler sjølvsagt også ei viktig rolle her. Turløyper Bergen kommune vil i planperioden etablere moglege interkommunale samarbeid om idretts- og friluftslivsanlegg. Hordaland fylkeskommune er positiv til Bergen kommune sitt fokus på samarbeid over kommunegrenser, også med omsyn til utvikling av ski- og turløyper på Voss og i Kvam herad. Kvamskogen ein spesiell status som utfarts- og hytteområde til folk i Bergen. Såleis vil eit samarbeid mellom offentlege og private aktørar vere positivt for utvikling av aktivitetstilbodet til folk. Store meisterskap og arrangement Hordaland fylkeskommune vil fram mot 2013 arbeide aktivt for at store nasjonale og internasjonale arrangement vert lagt til Hordaland. Difor er det positivt at Bergen kommune fokuserer på å utvikle Bergen og bergensregionen som eit godt vertskapsområde for å tiltrekke seg nasjonale og internasjonale idrettsarrangement. Det vil ha lokale og regionale ringverknader med omsyn til merkevarebygging, verdiskaping og næringsutvikling. I tillegg vil samarbeid mellom offentleg og private aktørar om store meisterskap utvikle kompetanse, nettverk og anlegg som set Hordaland på kartet internasjonalt. FIKS Bergen Bergen kommune har inngått partnarskapsavtale med Hordaland fylkeskommune og utfordringa vert å implementere arbeidet som er skildra i den nye sektorplanen inn i partnarskapsarbeidet, både når det gjeld anleggs- og aktivitetsutvikling. Arbeidet med FIKS Bergen samsvarer med det folkehelsearbeidet som går føre seg på lokalt, regionalt og nasjonalt hald. Fokus på førebyggjande helsearbeid på tvers av sektorar, kommunar og mellom offentlege og private aktørar. Svøm Bergen er i så måte eit godt folkehelseprosjekt, der målet er å gje barn mellom 1. og 5. trinn i skulen opplæring i symjing. Gjennom samarbeid med foreldre, skule, idrettslag og kommune vil eit 5
slikt symjeopplæringsprogram vere med på å redusere helseforskjellar mellom sosiale lag, etniske grupper, jenter og gutar. Slåtthaug Idrettspark I Fylkesdelplan fysisk aktivitet, idrett og friluftsliv Aktiv kvar dag 2008-2012, er det eit mål om at anlegg for idrett og friluftsliv skal vere tilgjengeleg for folk i deira nærmiljø. Fylkeskommunen har og eit mål om å utvikle anlegg i Hordaland for idrett og friluftsliv som er variert og aktivitetsskapande og som innbyr til lågterskelaktivitet, både med omsyn til tilgjenge og aktivitet. Med utgangspunkt i dette vert det gjeve framlegg i fylkesplanen om å utvikle Slåtthaug Idrettspark til å bli eit enda meir attraktivt og tilrettelagt aktivitetsanlegg for folk i Bergen og i regionen rundt Bergen. Difor er det positivt at det i idrettsplanen vert gjeve framlegg om å halde fram med arbeidet med plan for området generelt (infrastruktur). Det vil i tillegg vere viktig å utrede moglegheitene for å vidareutvikle isbanen på Slåtthaug til eit anlegg med overbygd tak/ishall. Isanlegget på Slåtthaug har tidlegare fått fylkeskommunalt investeringstilskot og har status som regionalt idrettsanlegg. Kart over eksisterande og planlagde område for fysisk aktivitet I vedlegg 7 til sektorplanen i Bergen kommune er det oversikt over anlegg i kvar bydel i Bergen og i vedlegg 10 er det oversikt over nærmiljøanlegg Bergen kommune ønskjer å utrede i planperioden. I det dokument Hordaland fylkeskommune har fått tilgjengeleg, føl det ikkje med kartoversikt over eksisterande og planlagde anlegg i kommunen. Dette meiner vi ville styrka sektorplanen. Generelt Den nye idrettsplanen til Bergen kommune skildrar den generelle målsettinga for Bergen kommune sin satsing på idrett og fysisk aktivitet: Bergen kommune vil tenke nytt, være offensiv, og tilrettelegge til beste for den organiserte bredde- og toppidretten, den eigenorganiserte fysiske aktiviteten og fysisk aktivitet for særskilte grupper (side 19). Bergen kommune vil vere mellom Nordens mest attraktive idrettsbyar innan 2019, der dei viktigaste målgruppene i idrettspolitikken er barn og ungdom. Hordaland fylkeskommune meiner at idrettsplanen for Bergen kommune 2010-2019 kan setje idrettsbyen Bergen et steg foran om det viktigaste arbeidet fram mot 2019 får fokus, nemleg det å setje dei gode planane ut i livet. Vi har von om eit godt samarbeid vidare, med omsyn til tilrettelegging av fysisk aktivitet, idrett og friluftsliv for alle i Bergen. Hordaland fylkeskommune vil vere ein medspelar til Bergen kommune for å skape ein aktiv kvar dag. 6