VANYLVEN KOMMUNE MØTEPROTOKOLL UTVAL: Livsløpsutvalet Møtestad: Kommunestyresalen - Combisenteret, Fiskå Dato: 22.11.2017 Møtet tok til 09:00 Møtet slutta 13:00. Møtet var innkalla ved utsend sakliste datert 16.11.2017 og ekstrasak datert 20.11.2017. Øystein Blom leia møtet. Faste medlemar som møtte: Namn Funksjon Representerer Øystein Blom Leiar KRF Solveig Menes Medlem SP Joar Asle Lillerovde Medlem KRF Marte Myklebust Medlem V Knut Ingvald Bøstrand Medlem V Faste medlemar som ikkje møtte: Namn Funksjon Representerer Mona Stenersen Nestleiar AP Ottar-Inge Rusten Medlem AP Varamedlemar som møtte: Namn Møtte for Representerer Per Oskar Solhaug Mona Stenersen AP Randi Stokke Thunem Ottar-Inge Rusten AP 7 av 7 medlemar møtte.
Frå administrasjonen møtte: Namn Stilling Andreas Chr. Nørve Rådmann. Ikkje sak 45/2017. Frode Vik Kommunalsjef kultur- og oppvekstsektor Helle Frogner Kulturrådgjevar sakene 50/2017, 46/2017 og 47/2017 Beate Farestveit Brandal Rådgjevar barnehage sak 45/2017. Janita Nybø Rådgjevar helse- og omsorg sak 51/2017. Kåre Kvangarsnes Møtesekretær. Dessutan møtte banksjef Sissel Kragset Vik i sak 50/2017 Kulturprisen 2017. Sak 50/2017 Kulturprisen 2017 vart handsama etter sak 41/2017. Leiar Øystein Blom gjekk frå som ugild i sak 50/2017. Knut Ingvald Bøstrand vart vald til setteleiar. Underskrifter: Vi stadfestar at det som ført i møteboka er i samsvar med det som vart vedteke på møtet. 6143 Fiskå, den
SAKLISTE Saksnr. Sakstittel PS 39/2017 Godkjenning av innkalling PS 40/2017 Godkjenning av møteprotokoll frå siste møte PS 41/2017 Skriv og meldingar Orienteringspunkt i høve plan for barn og unge. PS 42/2017 Revidert ordensreglement for elevane ved Åheim skule - til godkjenning 2017 PS 43/2017 Godkjenning av ordensreglementet - Vanylven vaksenopplæring PS 44/2017 Tilstandsrapport for grunnskulen i Vanylven kommune 2017 PS 45/2017 Justering foreldrebetaling barnehage frå januar 2018 PS 46/2017 Revidering av retningslinjer for tildeling av kulturmidlar 2017 PS 47/2017 Kommunedelplan for anlegg for idrett og friluftsliv - delrullering 2018 PS 48/2017 Økonomiplan 2018-2021 med budsjett for 2018 PS 49/2017 Livsløpsutvalet - møteplan 2018 PS 50/2017 Kulturprisen 2017. Eige hefte Eventuelt. EKSTRASAK: PS 51/2017 Endring av betalingssatsar i sektor for helse- og omsorg frå 01.01.2018
PS 39/2017 Godkjenning av innkalling Innkallinga vart godkjend PS 40/2017 Godkjenning av møteprotokoll frå siste møte Møteprotokoll frå siste møte vart godkjend. PS 41/2017 Skriv og meldingar Kommunalsjef Frode Vik orienterte om arbeidet i skulesektoren, særleg om situasjonen på Fiskå skule; m.a. sjukmeldingar. Vidare orienterte han om arbeidet med plan for barn og unge samarbeid med KS Konsulent. Tek sikte på eit dialogmøte 3. januar 2018 for livsløpsutvalet m.fl. om arbeidet med plan for barn og unge. Framlagde orienteringar vart tekne til vitande. PS 42/2017 Revidert ordensreglement for elevane ved Åheim skule - til godkjenning 2017 Samrøystes vedtak som framlegget. Revidert ordensreglement for elevane ved Åheim skule vert godkjent slik det ligg føre. ORDEN OG ÅTFERD - ÅHEIM SKULE MÅL: ORDEN OG ÅTFERD - ÅHEIM SKULE I Vanylven skal barn og unge vekse opp i tryggleik og trivsel. Med tid og omsorg skal dei ta til seg kunnskap, lære om livet, og verte gode medmenneske. Åheim skule skal vere ein stad der det er godt å vere og godt å lære. Skulen skal såleis vere ein god arbeidsplass for alle på skulen. Skal vi kunne gjere arbeidet vårt skikkelig, må vi ta omsyn til og vise respekt for kvarandre, og saman gå inn for å halde orden både i våre eigne saker og i det vi har felles.
KVAR GJELD REGLANE VÅRE? Ordens- og åtferdsreglane gjeld i skuletida og SFO-tida, på veg til og frå skulen og på tilstellingar og turar som skulen står føre. VIKTIGE FELLESREGLAR Vi viser respekt for alle rundt oss både i ord og handling, og har ein språkbruk som syner respekt for medelevar og personale. Vi viser respekt for skulen og andre sine eigedelar. Vi møter opplagde og presis til timane og medverkar til at det er gode arbeidsforhold for elevar og lærarar. Vi møter førebudd til timane, har utført arbeid og har med utstyr. Vi brukar datamaskin, mobiltelefon, o.a. elektronisk utstyr kun etter avtalte reglar. Vi henger ytterklede, inkludert hovudplagg, frå oss i gangen. Vi har inneaktivitetar i friminutta etter oppsett avtale. Vi må ha løyve frå eigen kontaktlærar eller administrasjon for å forlate skulen sitt område. Vi brukar ikkje rusmiddel, tobakk og snus i skulen eller på skulen sitt område. Vi brukar ikkje sykkel, rullebrett, rulleskøyter og liknande på skuleområdet i skule- og SFOtida (07.20-16.30). Vi tek ikkje med farlege ting som t.d. kniv og fyrstikker. Snøballkasting skal kun skje mot tilvist blink. Snop og brus er kun tillate ved særskilte arrangement, etter avtale. REGLAR FOR TRINNA Kvart trinn lagar reglar som er tenlege for dei. Teammøtet vedtek desse reglane. BROT PÅ REGLANE Desse reglane vert brukte ved Åheim skule: 1. Elevar må erstatte eller vere med på å reparere bøker/materiell han/ho har vore med på å øydelegge. Reparasjon bør skje utanom skuletida. 2. Mobiltelefon blir inndregen om den blir brukt utanom oppsette reglar i skuletida. Eleven hentar denne hos administrasjonen, i lag med skriftleg melding til heimen, når skuledagen er slutt. 3. Elevar kan takast ut av gruppa eller bytte klasse for kortare eller lengre tid. 4. Ved grove brot på ordensreglane kan rektor, i samråd med lærar, vise ein elev ut av skulen i inntil eindag for elevar i 1.-7.kl og inntil 3 dagar for elevar i 8.-10.kl. Dei føresette skal varslast. 5. I spesielle tilfelle kan skulen utelukke/ekskludere elevar frå turar. 6. Brot på ordensreglane kan føre til nedsett karakter i orden og/eller åtferd. Ordens- og åtferdsreglane bør drøftast kvart år og skal gjerast kjende for elevane og foreldra. Vurdering av orden og åtferd Karakterar i orden og i åtferd Ved fastsetjinga av karakter i orden tek ein omsyn til om eleven viser vanleg god arbeidsinnsats og til korleis eleven følgjer ordensreglane som er fastsette for kvar skule. Ugyldig fråvær kan føre til nedsett karakter i orden.
Ved fastsetjinga av karakter i åtferd tek ein omsyn til korleis eleven ter seg på skuleområdet og elles når skulen har ansvaret for tilsynet med elevane. Ein skal særleg leggje vekt på korleis eleven ter seg mot andre elevar, lærarar og andre tilsette. Ein kan også ta omsyn til korleis elevane ter seg mot kvarandre på skulevegen og til korleis eleven følgjer ordensreglane som er fastsette for kvar skule. Den vurderinga skulen gir i orden og i åtferd, skal haldast skild frå vurderinga av dei reint faglege prestasjonane. Ein skal ta omsyn til eleven sine føresetnader, og til vanleg ikkje leggje avgjerande vekt på enkelthendingar. Hovudgrunnlaget for fastsetjing av standpunktkarakterar i orden og i åtferd skal vere orden og åtferd hos eleven det siste halve skuleåret. Karakterane i orden og åtferd skal settast etter drøfting i klasselærarmøte. Vurdering av orden Grunnar til nedsett ordenskarakter kan t.d. vere: Ugyldig fråvær Å kome for seint til undervisning Dårleg arbeidsinnsats For sein levering/ikkje innlevert arbeid Dårleg orden i skriftleg arbeid/arbeidsbøker Uforsvarleg bruk og stell av maskiner og utstyr Dårleg orden på arbeidsplass, i klasserom og på skulen sitt fellesområde Gløyming av skulebøker, skulearbeid, manglar utstyr Vurdering av åtferd Grunnar til nedsett åtferdskarakter kan t.d. vere: Uro i timane og mangel på respekt Ikkje rette seg etter tilsnakk Grov språkbruk mot medelevar eller personale Mobbing eller dårlig oppførsel overfor andre Dårleg oppførsel på skuleveg eller på aktivitetar i skulen sin regi Røyking, snusing og bruk av andre rusmiddel på skulen sitt område Juks på prøver og anna arbeid som skal vurderast/setjast karakter på Levering av falske meldingar/opplysningar Bruk av datamaskin, mobiltelefon og liknande som ikkje er i samsvar med skulen sine reglar, eller tilvist bruk av lærar Hærverk på utstyr og/eller skulen sin eigedom Andre brot på skulen sine reglement PS 43/2017 Godkjenning av ordensreglementet - Vanylven vaksenopplæring Tilråding: Livsløpsutvalet godkjenner ordensreglementet for elevane ved Vanylven vaksenopplæring slik det ligg føre.
Etter framlegg frå leiar Øystein Blom vart det gjort slik samrøystes Saka vert utsett til neste møte. PS 44/2017 Tilstandsrapport for grunnskulen i Vanylven kommune 2017 Samrøystes vedtak som framlegget. Tilstandsrapporten for grunnskulen i Vanylven kommune vert teke til vitande. PS 45/2017 Justering foreldrebetaling barnehage frå januar 2018 Rådmann Andreas Chr. Nørve gjekk som ugild sambuar er eigar av Solsikka barnehage. Framlegget tilrådd med 6 røyster mot 1 røyst. Livsløpsutvalet tilrår: Ny auke i foreldrebetalingssatsar barnehage frå januar 2018 Dersom denne satsen vert endra i arbeidet med statsbudsjett, justerer kommunen satsen i tråd med endeleg vedtak i statsbudsjettet for komande budsjettår. Sum pr. år for barn nr. 1 med heil plass i barnehage og betaling i 11 månadar = 32.010,- Plass Ny sats barn nr.1 Ny sats barn nr. 2 Ny sats barn nr. 3 100% 2910,- 2037,- 1455,- Det vil framleis vere 30% reduksjon for barn nr 2 og 50% reduksjon for barn nr 3. Barn nr. 3 vert halv sum av barn nr. 1 Med omsyn til budsjett på barnehageområdet og høg utbetaling av tilskot til privat barnehage, ynskjer kommunen å endre sats i tråd med forslag i statsbudsjettet kvart år det vert auka i statsbudsjettet. Hushald med låg betalingsevne har høve til å søkje redusert foreldrebetaling eller/og gratis kjernetid for 3-, 4- og 5- åringar.
PS 46/2017 Revidering av retningslinjer for tildeling av kulturmidlar 2017 Tilråding: Retningslinjene for tilskotsordningane 1 3 endrast ikkje. Retningslinjene for tilskotsordningane 4 6 endrast til: o To søknadsrundar i året 15. mars og 15. november o Tildeling gjerast av livsløpsutvalet. Det vart gjort slik samrøystes Retningslinjene for tilskotsordningane 1 3 endrast ikkje. Søknadsprosessen skal digitaliserast. Retningslinjene for tilskotsordningane 4 6 endrast til: o Ein søknadsrunde i året - 15. mars o Tildeling gjerast av livsløpsutvalet etter skriftleg søknad og evt. presentasjon. PS 47/2017 Kommunedelplan for anlegg for idrett og friluftsliv - delrullering 2018 Samrøystes vedtak som framlegget. Livsløpsutvalet vedtek endringane i kommuneplan for anlegg for idrett og friluftsliv slik det framgår av saksutgreiinga. 5.0 Vanylven kommune si prosjektprioritering for 2017 Prioriteringane jf. pkt. 5.1 og pkt. 5.2. er gjort i samråd med idrettsrådet i kommunen. 5.1 Ordinære anlegg TYPE STAD TILTAKSHAVAR PRIORITET STATUS Turveg: Solielva - Sandneskleiva Byggetrinn 2 Solielva Sandneskleiva Fiskå fjellstyre 1. prioritet Planar i utarbeiding. Søkjer spelemidlar for 2018
5.2 Nærmiljøanlegg TYPE STAD TILTAKSHAVAR PRIORITET STATUS Turvegsykkelveg Røfsdalen sykkel-løype Ballbinge Turveg Thue - Stokkebrua Syvde Syvde IL 1. prioritet Planar i utarbeiding. Søkjer spelemidlar for 2018 Myklebust FAU 2. prioritet Planar i skule Myklebust skule utarbeiding. Søkjer spelemidlar for 2018 Åheim Åheim 3. prioritet Planar i bygdeutvikling utarbeiding. Søkjer spelemidlar i 2019 PS 48/2017 Økonomiplan 2018-2021 med budsjett for 2018 Etter framlegg frå leiar Øystein Blom vart det gjort slik samrøystes Livsløpsutvalet vil prioritere: Bassengopningstider Vognskur barnehage Syvde/Åheim. Vurdere tettstadsutvikling Fiskå.
PS 49/2017 Livsløpsutvalet - møteplan 2018 Det vart gjort slik samrøystes Livsløpsutvalet har møte desse dagane i 2018: 3. januar kl. 12.00 Temamøte plan for barn og unge, 24. januar, 7. mars, 30. mai, 29. august, 3. oktober, 21. november. Møta skal normalt starte kl. 09.00. PS 50/2017 Kulturprisen 2017 Leiar Øystein Blom gjekk frå som ugild. Knut Ingvald Bøstrand vart vald til setteleiar. Livsløpsutvalet bed om at det vert lagt fram sak om revidering av vedtektene for kulturprisen; spesielt om Sparebanken Møre skal få auka mynde. Det vart gjort slik samrøystes Vanylven kommune og Sparebanken Møre sin kulturpris for 2017 vert tildelt Wenche Modalen Berget. Som kunstnar vert vald Johan Aasen. PS 51/2017 Endring av betalingssatsar i sektor for helse- og omsorg frå 01.01.2018 Framlegget tilrådd med 6 røyster mot 1 røyst..
Livsløpsutvalet tilrår: Kommunestyret vedtek ei slik endring i betalingsatsane for 2018, gjeldande frå 01.01.18: Heimehjelp o Heimehjelp timar sjølvkost auke frå 360 kr/t til 370 kr/t o Heimehjelp inntil 2 G auke er sentralt bestemt. o Heimehjelp 2-3 G auke frå 1200 kr/ mnd til 1240 kr/ mnd. o Heimehjelp 3-4 G auke frå 1500 kr/ mnd til 1550 kr/ mnd. o Heimehjelp 4-5 G auke frå 1800 kr/ mnd til 1850 kr/ mnd. o Heimehjelp over 5 G auke frå 2100 kr/ mnd til 2160 kr/ mnd. Middagsombringing o Fullkost auke frå 4900 kr/ mnd til 170 kr/ døgn. Tryggleiksalarm auke frå 320 kr/ mnd til 330 kr/ mnd. Eventuelt: Per Oskar Solhaug tok opp spørsmål omkring skule og fritidsaktivitetar. Knut Ingvald Bøstrand oppmoda utvalsleiaren til møte opp og gratulere kulturprisvinnar Wenche Modalen Berget i samband med taekwandogradering på Åheim i kveld. Rett utskrift 22.11.2017 Kåre Kvangarsnes