Styresak Går til: Styremedlemmer Føretak: Helse Fonna HF Dato: 20.09.18 Frå: Administrerande direktør Sakshandsamar: Saka gjeld: Olav Klausen Orientering om Odda sjukehus Styresak 61/18 Styremøte 27.09.18 1 vedlegg Forslag til vedtak: Styret i Helse Fonna HF ber administrerande direktør sende orientering om Odda sjukehus til Helse Vest i tråd med vedlegget og dei kommentarane som kom i møtet
2 Bakgrunn for saka Eigar har bedt administrerande direktør om å gje ei orientering om Odda sjukehus, mellom anna som ledd i oppfølginga av vedtak gjort i føretaksmøte mellom Helse- og omsorgsdepartementet og Helse Vest RHF i juni 2017. Administrerande direktør legg utkast til brev ved saka. Vedlegg Utkast til svarbrev
Helse Vest Ved administrerande direktør Herlof Nilssen Syner til spørsmål om orientering om Odda sjukehus. Innleiing Odda sjukehus er det minste sjukehuset i Norge, sett bort i frå Svalbard sjukehus, med eit opptaksområde på 11 294 innbuarar (SSB pr. 01.01.18) for kommunane Jondal, Ullensvang og Odda. Sidan føretaksreforma har Odda sjukehus vore eit av sjukehusa i Helse Fonna. Utgreiingar syner at Odda sjukehus først og fremst dekker befolkninga i Odda kommune med eit innbuartal på 6 835 (SSB pr. 01.01.18). Pasientar i Jondal og Ullensvang nyttar i større grad sjukehus i Helse Bergen for planlagde spesialisthelsetenester. Helse Fonna arbeider kontinuerleg for å leggje til rette for at fleire i opptaksområdet i indre Hardanger vel Odda sjukehus. Sidan 2002 har det fleire gonger vore tatt opp om Odda sjukehus heller skulle høyre til Helse Bergen. Helse Vest gjorde difor ei utgreiing av føretaksgrensene i Helse Fonna. Styret i Helse Vest RHF konkluderte i 2013 (sak 44/13) med at sjukehusgrensene i indre Hardanger skulle vere uendra, sett bort i frå Eidfjord kommune kor pasientane kan bruke Voss sjukehus for å få spesialisthelsetenester, både for snøgghjelp og planlagde tenester. Odda sjukehus er eit akuttsjukehus med akuttmedisinske tenester innan indremedisin og kirurgi. Helse Fonna har lagt oppgåver for heile føretaket til sjukehuset, mellom anna utgreiing for søvnsjukdommar, utgreiing og behandling av smertetilstandar samt nokre kirurgiske behandlingar. Dialysebehandling og behandling med cellegift for kreft skjer ved sjukehuset. I tillegg ambulerer fleire spesialistar til sjukehuset for å gje polikliniske tenester. Innan psykisk helsevern er det poliklinikk ved sjukehuset, samarbeid med kommunane og heimebesøk. Det er òg eit nært samarbeid med kommunane for å gje gode tenester innan rusområdet, Odda sjukehus har tidlegare hatt fødestove. På grunn av at talet på fødslar gjekk monaleg ned blei det saman med medarbeidarar og kommunar i opptaksområdet gjort ei utgreiing som konkluderte med at det var best å leggje ned fødetilbodet. Konklusjonen blei førelagt eigar, som tok det opp med Helse- og omsorgsdepartementet. I føretaksmøte for Helse Fonna 05.04.14 blei det vedtatt at fødestova ved Odda sjukehus blei omgjort til eit tilbod om svangerskapskontrollar, følgjeteneste og barselavdeling. Dei prehospitale tenestene er samla i ein oppgradert ambulansestasjon ved Odda sjukehus. Eidfjord ambulansestasjon blei overdratt til Helse Bergen som følgje av vedtaket i Helse Vest om at innbuarane i denne kommunen kan dra til Helse Bergen for snøgghjelp. Odda sjukehus har stadleg leiing innan psykisk helsevern, somatikk, radiologi, laboratorietenester, prehospitale tenester og servicefunksjonar. Prosessen for leiing og organisering i Helse Fonna som gjekk føre seg fram mot sommaren 2018, parallelt med arbeidet med utviklingsplan, tok mellom anna opp korleis alle dei stadlege leiarane ved sjukehusa, DPS-a og ambulansestasjonane skal bli involvert på ein enda betre måte. 5504 Haugesund Telefaks: 52 73 20 02 Regnskap, P.Boks 2170 Foret.nr: 983 974 694 post@helse-fonna.no 5504 Haugesund Bank. 3201.19.41213 www.helse-fonna.no Tlf: 05253
Nasjonal helse- og sjukehusplan Som følgje av tilrådingane i Nasjonal helse og sjukehusplan starta Helse Vest og Helse Fonna prosjekt våren 2016, både for Stord og Odda sjukehus. Prosjektet for Stord sjukehus tilrådde at akuttfunksjonane i Sunnhordaland blei uforandra. Rapporten blei styrehandsama av styret i Helse Fonna HF 27.10.16 i sak 61/16. Prosjektet for Odda sjukehus blei utvida og forlenga, og avslutta i desember 2016. Prosjektgruppa for Odda sjukehus var samde i fleire tiltak for å utvikle Odda sjukehus. Sjukehusa i Helse Fonna må samarbeide i nettverk, auke samarbeidet mellom kommunane og føretaket, leggje til rette for ambulering av spesialistar, dagkirurgiske tenester og leggje til rette for stadleg leiing. Deltakarane i prosjektgruppa var ikkje samde i tilrådingane om akuttkirurgisk verksemd ved sjukehuset. Styret i Helse Fonna HF sendte rapporten på høyring i januar 2017. Det kom mange uttalar, òg frå organisasjonar/personar som ikkje var inviterte til å gi høyringssvar. I høyringssvara peikte mange på at det var urett å ikkje oppretthalde akuttkirurgisk tilbod ved Odda sjukehus. Helse Førde skreiv at dei har erfaring med 12 år utan akuttkirurgisk tilbod på lokalsjukehusa utan at det kan visast til situasjonar som har vore uforsvarlege. Helse Bergen skreiv at det ikkje er tilstrekkeleg grunnlag for å drive med akuttkirurgi ved Odda sjukehus og støtta ei nedlegging av akuttkirurgien. Helse Bergen stilte òg spørsmål ved om dagkirurgi ved Odda sjukehus var den beste bruken av kirurgisk kompetanse i regionen, og peikte på risiko for overbehandling og sårbarheit. Firmaet PricewaterhouseCoopers AS (PwC) gjennomførte ei kvalitetssikring av prosjektet. PwC meinte det hadde vore ein grundig prosess med brei involvering. Dei meinte det ikkje var kome fram nye faglege argument i prosjektet som påverka føringane i Nasjonal helse- og sjukehusplan når det gjaldt akuttkirurgi. Styrebehandling Administrerande direktør i Helse Fonna tilrådde i mars 2017 til styret i Helse Fonna HF at Odda sjukehus fortsatt skulle vere eit akuttsjukehus til dei som det treng det mest, med funksjonar innan indremedisin, radiologiske tenester, laboratorietenester, planlagd kirurgi og anestesilege i døgnvakt. Administrerande direktør tilrådde òg til styret at akuttkirurgisk vaktfunksjon og traumemottak ved Odda sjukehus blei avvikla. Grunngjevinga for tilrådinga var mellom anna nasjonal helse- og sjukehusplan, nasjonal traumeplan, regional plan for kirurgi, journalgjennomgangen i prosjektet og erfaringane frå Helse Førde. Styret i Helse Fonna handsama rapporten i styremøte 07.03.17. Styret i Helse Fonna HF vedtok: 1. Styret legg til grunn at Odda sjukehus skal tilby spesialisthelsetenester som er framtidsretta, trygt og med god kvalitet for det innbyggarane treng ofte, mykje og nært. 2. Odda sjukehus blir vidareført som akuttsjukehus med akuttfunksjon i indremedisin, radiologiske tenester, laboratorietenester, planlagd kirurgi og anestesilege i døgnvakt.
3. Akuttkirurgisk verksemd ved Odda sjukehus blir avvikla. Før det akuttkirurgiske tilbodet blir lagt ned, skal det utarbeidast ein beredskapsplan som ivaretar stabiliseringsfunksjonen av akuttpasientar. Den planlagte ambulerande spesialisttenesta kan vere ein del av denne beredskapsplanen. 4. Styret i Helse Fonna HF ber administrerande direktør legge fram eiga sak i styret om tiltak og planlagde endringar som følgje av avgjerd i saka 5. Styret i Helse Fonna HF føreset at administrerande direktør tek omsyn til pasienttryggleik, kvalitet, medisinsk prioritering og arbeidsmiljø i det vidare arbeidet med tiltak og planlagde endringar 6. Styret i Helse Fonna HF føreset at administrerande direktør involverer medarbeidarar og deira organisasjonar samt vernetenesta i det vidare arbeidet med tiltak og planlagde endringar 7. Styret i Helse Fonna HF føreset at administrerande direktør involverer kommunane i indre Hardanger i det vidare arbeidet med tiltak og planlagde endringar 8. Styret i Helse Fonna HF føreset at administrerande direktør involverer medarbeidarar og deira organisasjonar samt vernetenesta i det vidare arbeidet med risikovurderingar med fokus på pasienttryggleik og arbeidsmiljø 9. Styret i Helse Fonna HF ber administrerande direktør sende vedtaket til Helse Vest Styret i Helse Vest RHF fekk oversendt rapporten og vedtaket gjort av styret i Helse Fonna HF. Styret i Helse Vest RHF handsama saka i styremøte 04.04.17. Styret i Helse Vest RHF vedtok: 1. Odda sjukehus skal tilby spesialisthelsetenester som er framtidsretta, trygge og med god kvalitet, og som innbyggarane treng ofte, mykje og nært. 2. Styret i Helse Vest ber Helse Fonna om å realisere tilrådingane i punkt 1-7 i rapporten frå prosjektet Odda sjukehus i lys av føringane i Nasjonal helse- og sjukehusplan (2016-2019). Det inneber mellom anna at sjukehusa i føretaket skal fungere saman i eit forpliktande nettverk/teamarbeid, at det blir lagt til rette for felles venteliste i heile føretaket og at det polikliniske tilbodet blir utvida. 3. Styret i Helse Vest legg til grunn at Odda sjukehus blir vidareført som akuttsjukehus med akuttfunksjon i indremedisin, radiologiske tenester, laboratorietenester, planlagd kirurgi, anestesilege i døgnvakt og skadepoliklinikk. 4. Styret i Helse Vest slutter seg til at akuttkirurgisk verksemd ved Odda sjukehus blir avvikla. Avviklinga blir gjennomført etter at Helse Fonna har planlagd implementering av endringane. 5. Styret i Helse Vest ber Helse Fonna om å legge vedtakspunkt 1-4 over til grunn som føresetnader i arbeidet med utviklingsplan for helseføretaket. 6. Styret i Helse Vest ber om statusrapport for oppfølginga etter eit år.
Prosess etter styrebehandling I føretaksmøte 24.04.17 mellom Helse- og omsorgsdepartementet og Helse Vest RHF, som gjaldt oppfølging av Nasjonal helse- og sjukehusplan - avklaring av akuttfunksjonar, stadfesta statsråden vedtaket i styret i Helse Vest RHF om akuttfunksjonane ved Odda sjukehus, og tok saka om Stord sjukehus til orientering. I etterkant av dette føretaksmøtet blei det ein omfattande politisk prosess der mellom anna opposisjonen på Stortinget i markeringar, uttalar i media og fleire dokument 8 forslag tok til orde for å oppretthalde akuttkirurgisk beredskap ved Odda sjukehus. Statsråden vitja, som ledd i oppfølginga, Odda sjukehus 16.05.17. Som følgje av den politiske prosessen blei det heldt nytt føretaksmøte 28.06.17 mellom Helse- og omsorgsdepartementet og Helse Vest RHF. I møtet blei eit tilleggsdokument til oppdragsdokumentet for 2017 vedtatt. Tilleggsdokumentet slo fast: Odda sjukehus har spesielle utfordringer på grunn av sin geografiske beliggenhet og risiko for stengte veier. Helse Vest RHF skal sikre at Helse Fonna sin plan for implementering av foretaksmøtets vedtak ivaretar følgende: Odda skal være et akuttsykehus. Tilbudet ved Odda sjukehus skal være framtidsrettet og videreutvikles i samsvar med nasjonal helse- og sykehusplan, være forsvarlig, forutsigbart og ivareta tryggheten, og er en viktig del av beredskapen for befolkningen. Sykehuset skal kunne håndtere situasjoner med akutte alvorlig syke eller skadde pasienter/traumepasienter, og stabilisere for videre transport. Dette gjelder både akutte alvorlige medisinske og kirurgiske tilstander. Den samlede beredskapen for befolkningen tilhørende Odda sjukehus skal være på samme nivå og gi tilsvarende trygghet som i dag. Den samlede kompetansen som finnes på sykehuset, og som er i beredskap, skal selvsagt kunne brukes i akutte alvorlige situasjoner. Kirurg/ortoped skal behandle pasienter på skadepoliklinikken, og skal være tilgjengelig for sykehuset på døgnbasis. Anestesilege og medisinsk overlege skal være tilgjengelig på døgnbasis. Sykehuset skal gjennomføre kompetansehevende tiltak og regelmessig trening slik at personellet er forberedt på å håndtere akutte situasjoner. Det skal utarbeides en beredskapsplan med tiltak for å møte ulike scenarier, herunder en situasjon med stengte veier. Beredskapsplanen utarbeides i samarbeid med de ansatte ved Odda sjukehus, med kommunene og øvrige aktuelle aktører. Helse Fonna har ikkje fått vidareført vedtaket i oppdragsdokumentet frå statsråden i eige styringsdokument
Vurdering Drifta ved Odda sjukehus, inklusiv beredskap, er ikkje endra, og er etter Helse Fonna si vurdering i tråd med tilleggsdokumentet til oppdragsdokumentet for 2017, som blei vedtatt i føretaksmøte 28.06.17 mellom Helse- og omsorgsdepartementet og Helse Vest. Rekruttering av legespesialistar er vanskeleg og dyrt ved små sjukehus. Helse Fonna har rekruttert og tilsett kirurgar i deltidsordningar ved Odda sjukehus for å dekke løypande arbeid og vakt. Deltidsordningar gjer utfordringar for kontinuitet og føreseielegheit, noko vi har gjort tiltak for. Det er tilsett indremedisinarar med brei kompetanse innan til dømes kardiologi, og anestesilegar i Odda. På ettermiddag, kveld og natt er det turnuskandidatar (LiS 1) som tek i mot pasientane og konfererer med bakvakt som rykker ut om det er naudsynt. Ved dei minste sjukehusa er spesialiserte vaktfunksjonar sårbare. Det har ved fleire høve vore problem med å dekke vaktfunksjonar for legar i Odda på grunn av akutt sjukdom/fråvær, mellom anna innan anestesiologi. Vi har løypande løyst utfordringane. Det kan ikkje utelukkast at liknande situasjonar vil oppstå. Spesielt to av krava i tilleggsdokumentet til oppdragsdokument for 2017 til Helse Vest RHF gjer føringar for tilbodet innan akuttkirurgi ved Odda sjukehus: Den samlede beredskapen for befolkningen tilhørende Odda sjukehus skal være på samme nivå og gi tilsvarende trygghet som i dag Kirurg/ortoped skal behandle pasienter på skadepoliklinikken, og skal være tilgjengelig for sykehuset på døgnbasis Helse Fonna si vurdering er at den noverande ordninga med tilsette kirurgar med vakt ved Odda sjukehus ikkje kan endrast etter føringane frå statsråden til Helse Vest i juni 2017. Om ikkje det er mogleg å få tak i operasjonssjukepleiar på kveld og natt kan ikkje kirurg utføre potensielt livreddande operasjonar. Sjølv om dette skjer svært sjeldan ved dei fleste sjukehus i Norge, og heilt unntaksvis ved Odda sjukehus, vil det etter Helse Fonna si vurdering ikkje vere i tråd med avgjerda til statsråden å avvikle den gjeldande ordninga med operasjonssjukepleiarar i vaktordning ved sjukehuset i Odda. Ordninga for operasjonssjukepleiarar i Odda er ikkje vesentleg kostbar samanlikna med dei store kostnadane for kirurgdekninga. Det ville uansett vere lite å spare på å avvikle dette. Vakt innan laboratoriefunksjonar og radiologi ved Odda sjukehus er naudsynte, uavhengig av akuttkirurgisk beredskap, for å ha forsvarleg medisinsk beredskap. Vaktfunksjonar innan anestesiologi er pålagde i styringsdokumenta.
Kirurgar ved Haugesund sjukehus ambulerer i dag i nokon grad til Odda. Vi vil stimulere til, og leggje til rette for auka grad av ambulering. Grunna vaktfunksjonar og løypande arbeid ved Haugesund sjukehus er det likevel ikkje mogleg å basere heile kirurgdekninga ved Odda sjukehus på ambulering av kirurgar frå Haugesund. Etter vedtaket i føretaksmøtet 28.06.17 har administrerande direktør hatt fleire møte med medarbeidarane ved Odda sjukehus og politisk/administrativ leiing i kommunane. I samband med arbeidet med utviklingsplan for Helse Fonna har det vore tett kontakt mellom administrasjonen i Helse Fonna og kommunane på fleire nivå. Vedtaka i frå føretaksmøtet 28.06.17 er tatt omsyn til i utviklingsplanen som blei vedtatt av styret i Helse Fonna HF i juni 2018. Helse Fonna sin beredskapsplan er sendt kommunane våren 2018 som ein start på arbeidet med å harmonisere beredskapsplanar i området. Helse Fonna har lagt til rette for at den interkommunale legevakta for indre Hardanger leiger lokale inne på sjølve sjukehuset i Odda. Helse Fonna har tilbudd Odda kommune å innreie legekontor i sjukeheimsbygningen som ligg nært sjukehuset for å samle mange legetenester på ein stad i Odda. Helse Fonna har òg tilbudd kommunen å kjøpe bygningen. Odda kommune har inntil vidare ikkje tatt stilling til dette. Odda kommune har spurt om Helse Fonna kan bidra til å dekke legetenester for KAD-sengene (kommunale øyeblikkeleg hjelp senger) som er inne på Odda sjukehus. Helse Fonna har skriftleg foreslått ei ordning for å hjelpe til med dette. Odda kommune har, i samband med Fylkesmannen sitt tilsyn ved legevakta, òg førespurt om det er aktuelt å samarbeide om felles akuttmottak og legevakt. Helse Fonna har sagt seg villig til å møtes for å diskutere dette. Haugesund 27.09.18 Olav Klausen Adm. dir. Helse Fonna