Formannskapet. Tilleggsinnkalling

Transkript

1 Finnøy kommune Formannskapet Tilleggsinnkalling Møtedato: Møtestad: Formannskapssalen Møtetid: Kl. 09:00 Utvalsmedlemene vert med dette kalla inn til møte. Varamedlemene møter berre etter særskilt innkalling. Den som har lovleg forfall, eller er ugild i nokon av sakene, må melda frå så snart råd er på tlf eller på e-post: politisk.sekretariat@finnoy.kommune.no Pål Nedrebø vil ha ein kort presentasjon i tilknyting til sak 102/17. Det vert sendt ut tilleggsinnkalling. Finnøy Henrik Halleland ordførar Marie Urdal sekretær

2 Sakliste Sak nr. Saktittel 111/17 Grensejustering Ombo - ny handsaming 112/17 Prioritering av spelemiddelsøknader /17 Spelemidlar - Kommunedelplan for anlegg og kulturbygg - oppdatering av handlingsdel Side 2 av 12

3 Saksframlegg Sakshandsamar Arkiv JournalpostID Marie Urdal K /9000 Saksnr Utval Dato 111/17 Formannskapet Kommunestyret Grensejustering Ombo - ny handsaming Vedlegg 1. Grensejustering Ombo - endeleg vedtak 2. Brev frå Fylkesmannen Framgangsmåten ved innsending av søknad om grensejustering - Ombo.PDF Forslag til vedtak frå rådmannen: Kommunestyret ønskjer at Ombo vert samla i ein kommune, og står difor fast på vedtak KS-083/16 om initiativ til grensejustering der Hjelmeland-delen av Ombo vert overført til Nye Stavanger kommune frå Saka vert sendt vidare til Fylkesmannen med søknad om utgreiing og vedtak om grensejustering med heimel i inndelingslova. Kommunestyret ber om at Fylkesmannen førebur og oversende saka til departementet for avgjerd. Finnøy Helene M. Ohm rådmann Saksopplysningar Kommunestyret i Finnøy kommune og Hjelmeland kommune fatta i desember 2016 lokale vedtak om at Ombo bør samlast til ein kommune, og vere ein del av Nye Stavanger frå juni 2017 handsama Stortinget Prop. 96 S ( ) Endringer i kommunestrukturen, som tek for seg kommunereforma. Stortinget vedtok at Finnøy, Rennesøy og Stavanger frå slår seg saman til Nye Stavanger kommune. Etter at Stortinget handsama proposisjonen fekk Finnøy kommune brev frå Fylkesmannen i Rogaland der det opplysast om kva eit initiativ om grensejustering bør innehalde av informasjon, og ber om at Finnøy og Hjelmeland kommune sender over dokumentasjon i saman med søknad om utgreiing og vedtak om grensejustering med heimel i inndelingslova, jf. vedlegg 3. I september 2017 fatta kommunestyret i Hjelmeland nytt vedtak i saka om grensejustering på Ombo. På den bakgrunn bad Fylkesmannen Finnøy kommune om å ta stilling til om initiativet til grensejustering står ved lag, jf. vedlegg 2. Øya Ombo har ei lang historie kva gjeld kommunetilhøyrsle og deling av øya. Den gjeldande delinga går tilbake til nyteikninga av kommunekartet for Rogaland i Spørsmålet om kommunegrensa Side 3 av 12

4 på Ombo var oppe i 2011, med rådgjevande folkerøysting på øya. Folkerøystinga viste eit klart fleirtal (75 %) for å samle Ombo i ein kommune. Det var òg eit fleirtal for å leggje heile øya til Hjelmeland, men eit fleirtal av innbyggjarane på Finnøysida av Ombo ønskte å høyre til Finnøy. På den bakgrunn vedtok kommunestyret i Finnøy at prosessen med å samle Ombo i ein kommune burde stoppe opp, og at kommunegrensa over Ombo inntil vidare burde liggje fast (KS-065/11). Hjelmeland kommune var positive til å leggje Finnøy-delen av Ombo til Hjelmeland (KST-072/11), men gjekk ikkje vidare med saka etter Finnøy kommunestyre sitt vedtak. Saka vart tatt opp igjen i 2016 som følgje av kommunereforma, der også grensejusteringar skulle vurderast. I tråd med inndelingslova 10 vart det hausten 2016 gjennomført ei innbyggjarundersøking av ein ekstern aktør Opinion AS. Basert på resultata frå innbyggjarundersøkinga der 92 % av innbyggjarane ønskte at heile Ombo vert samla i éin kommune, og 73 % meinte at kommunen burde vere Nye Stavanger, fatta Finnøy og Hjelmeland kommunestyre likelydande vedtak 14. desember 2016: 1. Kommunestyret viser til kommunereformprosessen og tilråding frå fylkesmannen vedk. grensejustering på Ombo. 2. Kommunestyret meiner at øya Ombo som i dag er delt mellom Finnøy kommune og Hjelmeland kommune, bør samlast i ein kommune. Kommunegrensa går på tvers av ei øy og eitt lokalsamfunn som elles naturleg høyrer saman. Kommunestyret legg vekt på at innbyggjarundersøkinga viser at 92 % av innbyggjarane ynskjer at Ombo vert samla i ein kommune. 3. Kommunestyret meiner at Ombo bør vera ein del av «Nye Stavanger kommune». Kommunestyret legg vekt på at innbyggjarundersøkinga viser at 73 % av innbyggjarane ynskjer at Ombo skal høyre til «Nye Stavanger». 4. Kommunestyret vedtek, på bakgrunn av punkt 1 og 2, å be nasjonale myndigheiter om å gjennomføre grensejustering på Ombo, slik at heile øya Ombo går med Finnøy kommune inn i «Nye Stavanger kommune». Grensejusteringa bør skje samstundes med etableringa av «Nye Stavanger». 5. Vedtaket vert oversendt fylkesmannen for vidare handsaming. Etter Stortinget sitt vedtak av Prop. 96 S ( ) den 8. juni 2017 følgjer departementet i dialog med fylkesmannen opp aktuelle initiativ om grensejustering jf. inndelingslova 8. Fylkesmannen sendte så eit brev til Finnøy og Hjelmeland kommune datert 15. juni 2017 med opplysningar om kva eit initiativ om grensejustering burde innehalde av informasjon. Søknaden om utgreiing og vedtak om grensejustering med heimel i inndelingslova må innehalde grunngjeving for grensejusteringa, opplysningar om kommunane sin prosess fram til kommunestyra sine vedtak, opplysningar om innbyggjartal og gnr./bnr. med tilhøyrande areal i området av Hjelmeland kommune som skal overførast, kart, og uttale til grensejusteringa frå Stavanger og Rennesøy kommune då Finnøy kommune er omfatta av kommunereforma. I august 2017 fekk ordføraren i Hjelmeland kommune eit brev frå innbyggjarane på Hjelmeland si side av Ombo. I brevet peika innbyggjarane på Hjelmelandsida av øya mellom anna på at kommunereforma no er ferdig handsama, og at Hjelmeland kommune vart vidareført som eigen kommune. Altså vart utfallet annleis enn kva mange trudde når dei svarte på innbyggjarundersøkinga for eitt år sidan. Innbyggjarane på Hjelmelandsida av Ombo ønskte «omkamp» for Hjelmelanddelen av Ombo, og at kommunegrensa vart oppretthaldt som i dag. Etter dette brevet vart saka tatt opp på nytt i kommunestyret i Hjelmeland 27. september Hjelmeland kommune endra sitt standpunkt til spørsmålet om grensejustering på Ombo, og fatta følgjande vedtak i KST-049/17: Hjelmeland kommune har motteke eit brev frå innbyggjarane på Hjelmeland si side av Ombo. Brevet er eit innbyggjarinitiativ, der 52 av totalt 55 stemmeberettigete personar på Hjelmelandsida vil tilhøyre Hjelmeland også i framtida. Dette syner eit stort engasjement som Hjelmeland kommunestyre tek alvorleg. Punkt 1. Hjelmeland kommunestyre tilrår sentrale styresmakter at Hjelmelandsida av Ombo forblir i Side 4 av 12

5 Hjelmeland kommune som i dag. Punkt 2. Hjelmeland kommune ønsker i tillegg, om det er vilje til dette, å gi tilbod om at heile Ombo kan bli ein del av Hjelmeland kommune. Fylkesmannen i Rogaland vart orientert om det nye vedtaket fatta av Hjelmeland kommunestyre. I brev datert 29. september 2017 ber Fylkesmannen Finnøy kommune om å ta stilling til om initiativet til grensejustering står ved lag etter at «føresetnadene for det opphavlege vedtaket synest å vere endra». Viss Finnøy kommune held fast på initiativet, ber Fylkesmannen om å få oversendt informasjon som etterspurt i brev av 15. juni Fylkesmannen ønskjer òg at Finnøy kommune tek stilling til punkt 2 i vedtak av 27. september 2017 der kommunestyret i Hjelmeland har «ønskt å gje tilbod» om at heile Ombo vert overført til Hjelmeland kommune. Fylkesmannen oppfattar ikkje at Hjelmeland med dette framsett eit sjølvstendig initiativ etter inndelingslova, men ønskjer eit svar på korleis Finnøy kommune stiller seg til utspelet frå Hjelmeland kommune. Vurdering Fylkesmannen ber om at Finnøy kommunestyre tek stilling til om initiativet til grensejustering står ved lag etter at føresetnadene for det opphavlege vedtaket «synast å vere endra». Etter rådmannen si oppfatning er det tre alternativ i saka. Rådmannen ber difor om at kommunestyret på bakgrunn av innbyggjarhøyringa som vart gjennomført hausten 2016, og det nye vedtaket fatta i Hjelmeland kommunestyre 27. september 2017, vurderar følgjande tre alternativ: 1. Kommunestyret ønskjer at Ombo vert samla i ein kommune, og står difor fast på vedtak KS- 083/16 om initiativ til grensejustering der Hjelmeland-delen av Ombo vert overført til Nye Stavanger kommune frå Saka vert sendt vidare til Fylkesmannen med søknad om utgreiing og vedtak om grensejustering med heimel i inndelingslova. Kommunestyret ber om at Fylkesmannen førebur og oversender saka til departementet for avgjerd. 2. Kommunestyret tilrår at prosessen for å samle Ombo i ein kommune vert stoppa opp. Kommunegrensa over Ombo ligg inntil vidare fast og berre Finnøy-sida av Ombo vert del av Nye Stavanger, mens Hjelmeland-sida fortsatt vert del av Hjelmeland kommune. 3. Finnøy og Hjelmeland kommune går i dialog om punkt 2 i vedtaket fatta av kommunestyret i Hjelmeland KST-049/17, der dei har «ønskt å gje tilbod» om at heile Ombo vert ein del av Hjelmeland kommune. Rådmannen viser til at noverande deling av Ombo er frå ei anna tid med heilt andre kommunikasjonsmønstre. Ombo har felles oppvekstsenter, grendahus og nærbutikk, noko som er med på å skape eit felles samfunn på øya. I innbyggjarundersøkinga frå 2016 ønskte 92 % av innbyggjarane på Ombo at heile øya bør høyre til éin kommune. I same undersøking valde 73 % av innbyggjarane «Nye Stavanger», på spørsmålet om Ombo skal vere ein del av Nye Stavanger eller Hjelmeland. Her kjem det likevel fram klare skilnadar mellom dei to krinsane: I Ombo krins (Finnøy kommune) er det 93 % av innbyggjarane som vel Nye Stavanger og 5 % som vel Hjelmeland kommune. I Vestersjø krins (Hjelmeland kommune) er det 74 % av innbyggjarane som vel Hjelmeland kommune og 26 % som vel Nye Stavanger. Spørsmålet om grensejusteringa på Ombo er todelt: på den eine sida om heile øya skal høyre til same kommune, og på den andre sida kva kommune Ombo samla eller høvesvis kvar del av Ombo skal høyre til. Kva av dei to som har mest vekt bør takast med i vurdering spesielt av alternativ 2 og 3. I tillegg er det eit prinsipielt spørsmål om det til slutt er fleirtalet som avgjer, eller om båe delar av øya Side 5 av 12

6 skal ha like mykje vekt i avgjerda. Samling av øya Ombo som det fyrste og tredje alternativet ville resultert i, vil vere i tråd med innbyggjarhøyringa i 2016 og i tråd med folkeavstemminga i Rådmannen viser til at Hjelmeland kommune var einige med Finnøy kommune for eitt år sidan om at Ombo vert ein del av Nye Stavanger kommune. Noverande deling av Ombo byggjer på ei unaturleg grense i eit felles samfunn. Kommunane vart ikkje einige om grensejusteringa i 2011, og heller ikkje i 2016 sjølv om lokalbefolkninga er einige om at Ombo bør samlast i ein kommune. Det tydar på at det ikkje er mogleg å få til einigheit mellom kommunane. Rådmannen meiner at det er eit argument for å stå fast på vedtaket frå 2016, og sende saka vidare til fylkesmann og departement. Rådmannen viser samstundes til at det kan vere vanskeleg å få sentrale vedtak om grensejustering i saker med lokale ueinigheit. Inndelingslova 10 seier at kommunestyret bør innhente innbyggjarane sine synspunkt på forslag til grenseendring. Høyringa kan skje ved folkerøysting, opinionsundersøking, spørjeundersøking, møte eller på annan måte. I denne saka vart det gjennomført ei innbyggjarundersøking, der svarprosenten var 71 %. Rådmannen meiner at innbyggjarhøyringa som vart gjennomført i 2016 er eit godt grunnlag for vedtak i kommunestyret, og meiner på den bakgrunn at det vil vere feil ressursbruk å gå gjennom heile prosessen med innbyggjarhøyring ein gong til. Med denne løysinga vil fleirtalet på Ombo sett under eitt, få sin vilje både kva gjeld «samling» av Ombo og kva gjeld tilhøyrsle til ny kommune. Skilnadane i dei ulike krinsane - saman med brev frå innbyggjarane på Hjelmelandsia av Ombo talar for alternativ to. Hjelmeland kommune fatta vedtak der dei ber sentrale styresmaktar om at Hjelmeland sin del av Ombo vert ein del av Hjelmeland kommune også i framtida. Viss kommunestyret i Finnøy vedtek alternativ to fortsett Ombo som før, delt mellom Hjelmeland og Finnøy kommune, før Finnøysida av Ombo vert ein del av Nye Stavanger kommune i Eit motargument for alternativ to er at 92 prosent av dei spurde i innbyggjarundersøkninga er samde om at Ombo bør høyre til éin kommune Med alternativ to vil båe sider av Ombo få sin vilje kva gjeld tilhøyrsle til ny kommune, mens fleirtalsviljen om «samling» av Ombo ikkje vert respektert, og heller ikkje ønsket av fleirtalet av Ombo sett under eitt. Fylkesmannen ber også om at kommunestyret i Finnøy kommune tek stilling til eit tredje alternativ der heile Ombo vert ein del av Hjelmeland kommune. Det vil bidra til at øya samlast i éin kommune, men dette framstår som eit nytt alternativ, noko som vil føre til at heile prosessen rykk tilbake til start. Finnøy og Hjelmeland kommune må gå i ny dialog, og kome til einigheit om ein ny prosess. Vidare må kommunane gjennomføra ei ny innbyggjarhøyring i tråd med inndelingslova 10, før det fattast nye vedtak i kommunestyret i Finnøy og Hjelmeland kommune. Det er ikkje noko garanti for at dei to kommunane vert einige denne gongen heller. Med det tredje alternativet får Hjelmelandsida gjennomslag for ønsket sitt i båe spørsmål, mens Finnøy-delen og dermed fleirtalet på Ombo, berre får «samlingsønsket» oppfylt. Konklusjon Rådmannen oppmodar kommunestyret til å sjå på Ombo som eit fellesskap og stå fast på vedtak som er i tråd med ønsket av fleirtalet på Ombo, fatta i KS-083/16. Finnøy og Hjelmeland kommune vart ikkje einige om grensejusteringa i 2011, og heller ikkje i På den bakgrunn meiner rådmannen at saka nå bør sendast vidare til fylkesmann og departement for endeleg avgjerd. Side 6 av 12

7 Saksframlegg Sakshandsamar Arkiv JournalpostID Jonas Jørstad K /8955 Saksnr Utval Dato 112/17 Formannskapet Kommunestyret Prioritering av spelemiddelsøknader 2018 Vedlegg 1. Svar på spm. om uttale frå idrettsrådet 2. Korrigert Prioritering av spelemiddelsøknader KOMMUNEDELPLAN FOR ANLEGG OG KULTURBYGG 2004 korrigert handlingsdel 2018 red 10 nov 2017 Forslag til vedtak frå rådmannen: Finnøy kommune gjer denne prioriteringa av spelemiddelsøknadene i 2018: Prioritering ordinære anlegg: 1) Kvameheia innandørs skytebane 2)Leikvoll Idrettshus 3)Lysløype Teigen 4)Tursti Rossøy Prioritering nærmiljøanlegg: 1)Fogn Fleirbruksområde 2)Sjernarøy Fleirbruksområde 3)Fogn Ballbinge, rehabilitering Finnøy Helene M. Ohm rådmann Side 7 av 12

8 Saksopplysningar Kommunar og organisasjonar kan årlig søkja om statstilskot frå overskotet til Norsk Tipping til anlegg for idrett og fysisk aktivitet. Midlane blir forvalta av fylkeskommunen, og blir normalt omtala som spelemidlar. Kommunen har ei lokal koordineringsrolle for spelemidlar, og alle søknader til ordninga går gjennom kommunen. Knytt til innsendinga av spelemiddelsøknader for 2017, må det vedtakast ei prioriteringsliste som grunnlag for fylkeskommunen si tildeling av midlar. Fylkeskommunen vil oftast nytta prioriteringslista slik ho er vedteken frå kommunen, men har høve til å gjera andre prioriteringar. Kommunen sine prioriteringar er difor avgjerande for kva søknader som får gjennomslag ved årets tildelingar. Normalt har det vore eit system der nye anlegg blir lagde inn på botnen av lista; så rykkjer dei oppover etter kvart som eldre søknader får tilsegn. Kommunen er likevel ikkje bunden av denne måten å gjere prioriteringar på. Ei anna prioriteringsrekkefølgje kan vedtakast dersom det er behov for det. Idrettsrådet har likevel ved tidligare år gjeve sterke signal om at dei ønskjer at det skal vera ein forutsigbarheit i prioriteringssystemet. Spelemiddelordninga er tredelt: Ordinære anlegg, nærmiljøanlegg og kulturbyggordninga. Ordinære anlegg er anlegg for organisert fysisk aktivitet og er stort sett idrettsanlegg. Nærmiljøordninga er tilskotsordning for anlegg til såkalla eigenorganisert fysisk aktivitet og dekkjer anlegg av typen ballbingar, turstiar, små skøytebanar, etc. Kulturbyggordninga dekkjer bygg og anlegg til kulturføremål, til dømes grendehus. Det skal vedtakast separate prioriteringar for kvar av dei tre ordningane. Prioriteringa i fjor (for 2017) var slik: Prioritering ordinære anlegg 1. Kvameheia skyttarhus 2. Kvameheia innandørs skyttarbane 3. Teigen lysløype Prioritering nærmiljøanlegg 1. Fogn oppvekstsenter fleirbruksområde 2. Fogn oppvekstsenter ballbinge rehabilitering Prioritering kulturbygg: Ingen kulturbygg Idrettsrådet gjev uttale til kommunen om korleis dei meiner søknadene skal prioriterast. Uttalen ligg ved saka, jfr. Sak 5 i utskrifta frå styremøtet Prioriteringa må vera Side 8 av 12

9 oversendt fylkeskommunen innan 15. januar Søknadane som skal prioriterast er: Ordinære anlegg Søknadssum Nærmiljøanlegg Søknadssum 1) Kvameheia innandørs skytebane ,- 1)Fogn Fleirbruksområde ,- 2)Leikvoll Idrettshus* ,- 2)Sjernarøy Fleirbruksområde ,- 3)Lysløype Teigen* ,- 3)Fogn Ballbinge, ,- rehabilitering* 4)Rehabilitering av tursti, Rossøy* ,- Framlegget til prioriteringsrekkjefølgje byggjer på kronologi, og det er dessutan lagt til grunn ei vurdering av kor sannsynleg det er at idrettsfunksjonell førehandsgodkjenning kan vera klar tidsnok til søknadsfristen om tippemidlar, som er 15. januar Dei fire anlegga som er markerte med asterisk, hadde ved utsendinga av sakspapiret til formannskapet ennå ikkje fått idrettsfunksjonell førehandsgodkjenning. Dei nye prosjekta som er tekne inn i planen, kan kort beskrivast slik: Finnøy IL ønskjer å byggja eit nytt idrettshus på Leikvoll midt på Finnøy, med klubb- og møtelokale, garderobar, og lager for idretts-, vedlikeholds- og driftsmateriell. Sjølv om prosjektet er omfattande og under førehandsgodkjenning, reknar ein med at alt skal vera i rute til 15. januar. Ryfylke Friluftsråd ønskjer å rehabilitera ein tursti på den ikkje busette øya Rossøy sør for Fogn. Prosjektet er under førehandsgodkjent. Når det gjeld nærmiljøanlegg, vil Sjernarøy IL byggja ut eit fleirbruksområde ved det kommunale oppvekstsenteret på Aubø. Dette prosjektet er under førehandsgodkjenning. Det er nokre anlegg som er planlagt realisert som er oppført i oppdatert handlingsdel til Kommunedelplan for anlegg og kulturbygg (sjå vedlegg). Kommunen har ikkje motteke søknad om førehandsgodkjenning for desse anlegga ennå. Desse er difor ikkje med blant dei anlegga som skal stå på prioriteringslista. Dette gjeld desse anlegga: Ordinære anlegg: Nærmiljøanlegg Kunstgrasbane Sjernarøy Talgje tursti del 2 Finnøy kommune turkart Halsnøy Skartveitvatnet turveg Idrettsrådet sine prioriteringar fell saman med rådmannen sine prioriteringar slik dei ligg føre, med desse unnataka: Idrettsrådet har sett opp Kunstgrasbane ved Sjernarøy oppvekstsenter som andreprioritet for ordinære anlegg. Dvs. etter innandørs skyttarbane Kvame, og før lysløype Teigen. Idrettsrådet har også sett opp Turkart Finnøy som punkt 5 (sist) på prioriteringslista. Når det gjeld Tursti Rossøy, så er dette eit prosjekt som kom inn som søknad om førehandsgodkjenning rett før fristen gjekk, og etter at idrettsrådet hadde gjort si tilråding. Rossøy-prosjektet er var difor ikkje med i papira idrettsrådet hadde til uttale. Det er sett opp på nedste prioritet blant dei ordinære anlegga. Det er ein føresetnad at alle anlegga i prioriteringslista må vera omtalte i handlingsdelen til kommunedelplan for anlegg og kulturbygg, som er lagt fram som ei eiga sak. For å vera med her, må det liggja føre melding om å stå på handlingsdelplanen. Når det gjeld kunstgrasbanen i Sjernarøyane og turkart Finnøy, så har kommunen ikkje motteke søknad om førehandsgodkjennning på desse prosjekta. Sjølv om tiltaka er gode vert det ikkje Side 9 av 12

10 vurdert for å setja desse opp på den årlege prioriteringslista nå, utan at kommunen har mottatt søknad om førehandsgodkjenning. Desse prosjekta, og eventuelle andre prosjekt, må ein koma tilbake til ved neste prioriteringsrunde for Det blir siste gongen Finnøy kommune legg fram eigne prioriteringar for tildeling av spelemidlar. Når det gjeld nærmiljøanlegg, har idrettsrådet vedteke å berre ta med dei to første av dei fire søknadene som ligg føre. Idrettsrådet gjer same prioritering for nr. 1 og nr. 2; fleirbruksområde Sjernarøy og fleirbruksområdet Fogn. Rådmannen foreslår at rehabilitering Fogn ballbinge også blir med vidare på prioriteringslista, som tredje prioritet. Det kan søkjast om førehandsgodkjenning heile året, og anlegg som ikkje kom med nå kan koma med til søknadsomgangen i januar Dei fleste typar anlegg kan førehandsgodkjennast av kommunen, men anlegg i fleirbrukshaller må førehandsgodkjennast av departementet. Vurdering Finnøy kommune har hatt frist for søknad om førehåndsgodkjenning for spelemiddelsøknader 1. november Anlegg som ikkje er søkte om innan fristen, er ikkje tekne med i prioriteringslista. Anlegg som er søkte om innan fristen er tekne med i prioriteringslista, uavhengig om dei har fått førehandsgodkjenning eller ikkje, slik at søknader som blir førehandsgodkjende innan frist for innsending av spelemiddelsøknader den 15. januar, kan vidaresendast til fylkeskommunen. Side 10 av 12

11 Saksframlegg Sakshandsamar Arkiv JournalpostID Jonas Jørstad K /9114 Saksnr Utval Dato 113/17 Formannskapet Kommunestyret Spelemidlar - Kommunedelplan for anlegg og kulturbygg - oppdatering av handlingsdel Vedlegg 1. KOMMUNEDELPLAN FOR ANLEGG OG KULTURBYGG 2004 korrigert handlingsdel 2018 red 10 nov 2017 Forslag til vedtak frå rådmannen: Formannskapet råd kommunestyret til å veda framlegget til kommunedelplan for anlegg og kulturbygg oppdatert handlingsdel Finnøy Helene M. Ohm rådmann Saksopplysningar Kommunedelplan for anlegg og kulturbygg hadde hovudrullering i Til hovudrulleringa blei det vedteke ein handlingsdel for perioden Denne er seinare oppdatert kvart år. Anlegg det blir søkt om spelemidlar til, må vere oppførte i denne planen. Når som spelemiddelsøknadar for 2018 skal sendast inn, trengst det ei oppdatering av handlingsdelen, for å få med prosjekt som ikkje var kjende då planen sist blei rullert. Ein må vere merksam på skilnaden mellom handlingsdelen til plan for anlegg og kulturbygg; og den konkrete prioriteringslista som følgjer spelemiddelsøknadene kvart år, der kvar einskild søknad blir gjeven eit prioriteringsnummer. Søknadsprioriteringa blir fremja som ei eiga sak til formannskapet, som så sender det vidare til kommunestyret. Det gjeld også særskilde reglar for kommunal godkjenning av spelemiddelsøknader etter Forskrift om tilskot til anlegg for idrett og fysisk aktivitet. Det er ingen automatikk i at godkjenning av anlegg i kommunedelplanen også medfører godkjenning av søknaden til spelemiddelordninga. Side 11 av 12

12 Forslaget til oppdatert handlingsdel ligg ved saka. Dei nye tiltaka som er komne med sidan i fjor, er idrettshus Leikvoll (Finnøy IL) og oppgradering av tursti Rossøy (Ryfylke Friluftsråd) som ordinære anlegg, og fleirbruksområde Sjernarøy oppvekstsenter og trimpark Teigen som nærmiljøanlegg. Vurdering Dei nye tiltaka er anlegg der det er varsla at ein vil søkje om spelemidlar, men søknadene er til dels ikkje formelt godkjent i kommunen som spelemiddelsøknad (førehåndsgodkjenning). Det kan ikkje søkjast om spelemidlar utan at dei er omtalt i kommunedelplan for anlegg og kulturbygg. Rådmannen foreslår derfor at dei blir teke inn i handlingsdelen for å sikra høve for å kunne fremja førehandsgodkjenning og/eller spelemiddelsøknader ved søknadsfrist 15. januar 2018 dersom dette blir aktuelt. Planen slik han er oppdatert vil vere i tråd med kjente prosjekt innan bygg og anlegg for friluftsliv, idrett og kultur i kommunen per november Side 12 av 12