Festivalstrategi

Transkript

1 Festivalstrategi

2 INNHALD 1. Innleiing s Prioriterte arrangement a) Valdres Sommersymfoni s. 2 b) Jørn Hilme- stemnet s. 2 c) Vinjerock i Jotunheimen s. 3 d) Sol av Isfolket s. 3 e) Norsk Rakfiskfestival s. 4 f) Beitosprinten s. 4 g) Ridderrennet s. 4 h) LiV-dagane s. 5 i) Trollrock s. 5 j) Andre viktige arrangement s Mål og visjonar s Tiltak s Støtte frå VNK s Kriterium for tildeling av støtte s. 10 1

3 1. Innleiing Festivalane og dei store arrangement i Valdres er viktige kulturelle hendingar for så vel turistar som fastbuande. Dei tilhøyrer ei næring i vekst og gjev store ringverknader for det lokale næringslivet i Valdres. Valdres Natur- og Kulturpark (VNK) ser på desse arrangementa som viktige satsingsområde som skal vere med å byggje merkevara Valdres. På bakgrunn av dette, har VNK utarbeidd denne strategiplan. Innhaldet i planen skal sikre det kvalitative innhaldet og sørgje for at profileringa av festivalane underbyggjer VNK sitt verdigrunnlag. Prioriteringa av festivalar og arrangement, er gjort ut frå innhald, storleik og potensiale og dei rettar seg alle mot eit nasjonalt publikum, nokre av dei også eit internasjonalt publikum. Det finst i tillegg fleire mindre arrangement, både i grendene og ved nokre av dei store hotella. Desse er nemnt under punkt i) Andre viktige arrangement, men får per i dag inga økonomisk støtte frå VNK. Planen vart først gong vedteke i februar 2008, etter innspel og dialog med dei ulike arrangørane. Han vart sidan revidert hausten Prioriterte arrangement a) Valdres Sommersymfoni Valdres Sommersymfoni er ein av dei største klassiske kammermusikkfestivalane for ungdom i Europa og går over 10 dagar. Valdres Sommersymfoni er både ein musikkfestival og eit kurs, ein kombinasjon som gjev arrangementet ein heilt spesiell atmosfære. Det blir halde om lag 60 konsertar i Valdres i løpet av festivalen med eit publikumstal på om lag?? Sidan 1994 har Valdres Sommersymfoni vore ein viktig samlingsstad for unge talent på veg mot ei profesjonell karriere, i tillegg til å gje eit godt tilbod til meir ferske utøvarar. Instruktørane, som alle er profesjonelle, blir henta frå heile verda. Valdres Sommersymfoni har vore med å trekke nye målgrupper til Valdres og har betydd mykje for det klassiske miljøet i regionen. Det har mellom anna utvikla seg eit heilt spesielt miljø for strykarar, noko som blir lagt merke til i resten av landet. Målsetting: Bli Europas viktigaste samlingsstad for unge musikkarar innan klassisk musikk. b) Jørn Hilme-stemnet Jørn Hilme-stemnet er den største og eldste festivalen for folkemusikk i landet. Her møtast utøvarar og publikum til tradisjonell kappleik, kurs, konsertar og ulike framsyningar. Jørn Hilme-stemnet fylte 50 år i 2010 og er den eldste festivalen i Valdres. Jørn Hilmestemnet fører folkemusikktradisjonen vidare, samstundes som dei er opne for nytenking og 2

4 inviterer til fleire cross over-konsertar. På programmet står fjellkonsert på Jaslangen, konsertar i Kulturhuset, på Valdres Folkemuseum og i kyrkjene i Valdres. Dei arrangerer også Strunkeveko, som er eit folkemusikkurs for barn og unge frå heile landet mellom 7 og 20 år og klarer på den måten stadig å rekruttere nye kappleiksdeltakarar. Målsetting: Jørn Hilme-stemnet skal: produsere og presentere kvalitetskonsertar med norsk folkemusikk for ein breitt samansett publikumsmasse. ta vare på folkemusikalske røter fremje nyskaping i form og presentasjonsmåte vera ein viktig arena for den norske dansetradisjonen, både som scenisk uttrykk og i ei sosial ramme. c) Vinjerock i Jotunheimen Vinjerock er ein musikk- og aktivitetsfestival på Eidsbugarden i Jotunheimen, 1060 m.o.h. Festivalen er kalla opp etter poeten og journalisten Aasmund Olavson Vinje, som var fyrste hyttebyggjaren på Eidsbugarden, og som gav namn til Jotunheimen. På Vinjerock har publikum ein unik sjanse til å kombinere store konsertopplevingar med kremen av norsk natur og eit utval av spennande kurs og aktivitetar, fleire av dei gjennomført i samarbeid med ungdomsavdelinga i Den Norske Turistforening. Vinjerock arrangerer eige rockehøgskule i forkant av festivalen for å skolere og samle den frivillige staben som består av over 400 frivillige. Mange av dei er rekruttert gjennom internett og dei kjem frå heile landet. Medan andre slit med synkande publikumstal, var Vinjerock 2012 utselt for festivalpass allereie hausten Målsetting: Vinjerock skal vere ein musikk- og aktivitetsfestival på høgt nasjonalt nivå. Vi vil kombinere den beste musikken med den vakraste naturen. Ein høg og gjennomført miljøprofil skal gjennomsyre festivalen. d) Sol av Isfolket Sol av Isfolket er eit friluftsteater, basert på Margit Sandemo sine fire første bøker frå Sagaen om Isfolket. Margit budde mange år i Vestre Slidre og bøkene er skrivne medan ho budde der. Sol av Isfolket er historia om Sol, ei jente med heilt spesielle evner og krefter. Det er historia om å vera annleis og om kampen mellom det gode og det vonde. Teateret blir framført på friluftsscena på Valdres Folkemuseum og samlar nokre av dei beste skodespelarane, både lokalt og nasjonalt. Marit Karlberg har skrive musikken og regien er ved Leif Stinnerbom. Det var åtte førestillingar, fordelt på eit publikum på vel i Målsetting: Sol av Isfolket skal bli eit av dei viktigaste friluftsteatra i sitt slag i Noreg. 3

5 e) Norsk Rakfiskfestival Den fyrste helga i november kvart år er det Norsk Rakfiskfestival på Fagernes. Dette er det største arrangementet i Valdres med nærare besøkande. Det er plassert over 100 bodar (rakahukar) i sentrum av Fagernes. Her blir det selt matprodukt frå ulike småskalaprodusentar, handarbeid og handverk i tillegg til rakfisk. Det er underhaldning på skiferplassen og dansemusikk i eit stort telt på stadion. Ei undersøking gjort av Norsk Turistutvikling syner at omsettinga i Valdres denne helga er på om lag 40 mill. Målsetting: Norsk rakfiskfestival skal vere den største folkefesten i Valdres med fokus på rakfisk, småskalaprodusenter og god underhaldning. f) Beitosprinten I november kvart år blir Beitosprinten, opningsrennet for den nasjonale eliten i langrenn og skiskyting, arrangert på Beitostølen. Parallelt med arrangementet blir det invitert til folkefest med god underhaldning og med presentasjon av lokal kultur og mattradisjon. Beitosprinten gjev den største årlege mediafokuseringa av Valdres med presse frå mange land til stades og direktesendt TV til millionar av TV sjåarar. Målsetting: Halde den posisjonen dei har i dag gjennom stadig produktutvikling og i samarbeid med nærmiljøet. g) Ridderrennet Ridderrennet fylte 45 år i 2008 og blir arrangert av Beitostølen helsesportsenter i samarbeid med Forsvaret, Norges Idrettshøyskole og Ridderrennets Venner. Ridderrennet samlar om lag 500 deltakarar frå 20 nasjonar kvart år og er verdas nest største idrettsarrangement for fysisk funksjonshemma etter paralympics. Ridderrennet sin visjon er å vere verdas mest attraktive årlige vintersportsveke for syns- og bevegelseshemma Målsetting: Ridderrennet har som overordna målsetting å vidareføre grunnleggjar Erling Stordahl sine visjonar om å gje deltakarane sportslige utfordringar i langrenn, skiskyting og alpint samt, gode natur- og kulturopplevingar. Ridderrennet skal inspirere til fysisk aktivitet livet ut 4

6 Arrangementet skal gjennomføres og utviklast av ein profesjonell og engasjert arrangørstab Ridderrennet skal vere ein opplagt arena for nye deltakarar, offentlege og private støttespelarar, samt media h) LiV-dagane LiV-dagane er ei samanslåing av Landbruksdagen, Valdresgildet og Valdres folkemuseum sin sommeråpning. LiV-dagane blir arrangert andre helga i juni. Det blir lagt fokus på lokal mat og aktivitetar for heile familien. Jakt- og fiske er kome inn som nye tema. Hit kjem folk i alle aldersgrupper for å oppleve det regionen har å by på av opplevingar knytt til landbruk, kultur og tradisjonar. LiV-dagane samlar bygdefolk, hytteeigarar og tilreisande for ein prat om landbruk og lokale ressursar. I mai/juni er kurven (spekepølsa) ferdig speka, og årets kurveslepp skjer under LiV-dagane. Publikum er velkomne til å ta ein prat i salsbodane og smake på det store mangfaldet av kvalitetskurv frå Valdres. Målsetting: LiV-dagane ynskjer å skape ei flott helg der landbruket i Valdres viser seg fram, og syner kva for fantastiske ressursar landbruket i Valdres rår over. h) Trollrock Trollrock er siste festival inn i festivalnettverket. Trollrock vart arrangert for fyrste gong i 2011 på Beitostølen Skistadion, arrangørane meiner dei har funne eit konsept som passar til miljøet rundt Beitostølen. Arrangementet hadde ca 2000 besøkande laurdagen ifjor, og ca 4000 fordelt på 3 dagar. Kapasiteten er opp mot , noko som er vesentleg for utviklinga av konseptet og økonomiske forhold. Trollrock er festivalen for alle. Ved å bruke Beitostølen vil dei lage ein folkefest med ei blanding av urban og lokal kultur. Dei ynskjer å tilfredsstille eit stort publikum ved å gje eit breitt tilbod innan musikk, aktiviteter, mat og overnatting. Festivalen arrangerer også VM i Trollrock (Valdresmeisterskap) der yngre, lokale utøvarar får markert seg ved aktiv deltaking under festivalen. Arrangørane har jobba mykje med musikk gjennom mange år, og har vore delaktige og initiativtakarar ved fleire mindre festivalar. Visjonen er å skape ei heilårsbedrift som rekrutterer og utviklar musikkmiljøet i Valdres, samt å fremje lokalt næringsliv via festivalkonseptet. Målsetting: Arrangementet skal ha ein sterk lokal forankring i høve til utøvarar, næringsliv og i høve til merkevarebygginga i Valdres 5

7 Trollrock skal gje ei unik festivaloppleving ved å samle og forvalte lokale ressursar til et identitetsskapande kvalitetsprodukt. Trollrock skal tiltrekke seg eit breitt publikum ved å ha både internasjonale og kjende, norske namn og lokale artistar. i)andre viktige arrangement Lag og organisasjonar i dei seks Valdres-kommunane legg ned mykje arbeid og mange dugnadstimar i å skipe til små og store arrangement som er viktige for trivsel og samhald i bygdene og som er viktige bidrag for å gje turistane gode opplevingar når dei kjem til Valdres. Nokre av hotella og overnattingsstadane i Valdres arrangerar óg fleire spennande og attraktive arrangement og festivalar, som til dømes Radisson SAS og Bergo hotell på Beitostølen. Her er eit utval av dei mange små og store årlege arrangementa: Jotnerock Valdreskappleiken Ung i Valdres årlege musikalar Fjelleventyret - Det Norske Fjellmaraton, Beitostølen Pro Tour Valdres Vassfarbrøtningen Open dag og Skarke på Valdres folkemuseum Hesteslipp på Lenningen Bryggerifestival Volbudagen Valdresfestivalen, Fagernes Pilgrimsvandring i Valdres Stølsfestivalen på Vaset Etnedalsdagane Trubadurfestivalen, Beitostølen Fjelljazz, Beitostølen Beatlesfestivalen, Beitostølen Jotnerock i Vang Dylan-festivalen ABBA-festivalen 6

8 3. Mål og visjonar VNK er eit bygdeutviklingsprosjekt der det offentlege, landbruket og anna næringsliv deltek på lik line og skal dra i same retning. Vi skal gjennom langsiktig og målretta merkevarebygging vere med å auke verdiskapinga og dermed folketalet i Valdres. Festivalar og andre store, årlege arrangement er viktige pilarar i å byggje Valdres som merkevare. Vi ynskjer at desse skal byggje på Valdres Natur- og Kulturpark sitt verdigrunnlag, som er fundamentert i vår natur, vår kultur og vårt miljø. Festivalane skal vere ein del av den langsiktige merkevarebygginga og dermed vere med å auke verdiskapinga og gje livskraft i lokalsamfunna. Festivalane og dei store arrangementa skal gje publikum høve til å skjerpe sansane. Dei skal utfordre deltakarane på syn, lukt, smak, kjensler og/eller hørsel. Og ikkje minst, dei skal gje gode, unike opplevingar og auka trivsel for fastbuande og besøkande. 4. Tiltak Strategiplanen definerer elleve ulike innsatsområde med nokre tiltak under kvart område. Dei fleste av tiltaka er innarbeida og skal vidareførast, medan andre er nye og må utviklast etter kvart. Endringsforslag med rødt: 4.1. Vidareføring av festivalnettverket - for styrking av fellesskapet, fagleg oppdatering og motivasjon til samhandling Minimum tre samlingar i festivalnettverket per år Festivalarrangørane er sjølve ansvarlege for å sette dagsorden og å ta initiativ til temasamlingar etc VNK og VD deltek på møta VNK har sekretærfunksjonen Går ut: Oppstart av fellesprosjekt med lønna koordinator knytt opp mot festivalkontoret skal vurderast 4.2. Vidareutvikling av festivalkontoret 42. Festivalkontoret (Tittelen endras til bare Festivalkontor) 7

9 Sikre finansiering og drift av festivalkontoret Går ut fordi det er opp til hver festival å bruke denne tjenesten: Få på plass billettbestillingssystem på nett (går ut) Få på plass gode rutinar m.h.t. marknadsføring Få til gode ordningar m.h.t. bemanning og fellestenester utarbeide avtaler Byttes med: Følgje opp enkeltfestivalar med individuelle avtaler etter behov 4.3. Profilering av kvarandre / Marknadsføring av Valdres Bytte namn til :Marknadsføring og merkevarebygging Alle arrangørane skal lenke til kvarandre sine nettsider Alle arrangørane skal reklamere for dei andre festivalane i sine respektive brosjyrar eller aviser Alle skal nytte Valdreslogoen i marknadsføringsmateriell og vere tydelege på Valdresprofilen Alle festivalene skal ha delteke på ValdresVert 4.4. Bruk av lokale råvarer og lokale matvareprodusentar med mat av høg kvalitet for å styrke totalopplevinga av festivalen Arrangørane skal nytte kortreist mat av høg kvalitet Ha tett dialog og samarbeid med Valdres Matforum, Valdreskvalitet og Kvalitetsmat frå Valdres og andre lokale matprodusentar. Få på plass emballasje og merking av maten i Valdresdesign Marknadsføre lokale produkt knytt til festivalen i inter aktive media som til dømes Facebook 4.5. Fysiske aktivitetstilbod under festivalen Gje publikum høve til å vere fysisk aktive under festivalen Legge opp til deltakande aktivitetar for gjesten/publikum 4.6. Felles innkjøp av tenester og større investeringar I så stor grad som mogleg, ta kontakt med andre arrangørar for samhandling om større innkjøp Vurdere samla innkjøp av infrastruktur i staden for å leige der dette vil lønne seg på sikt I størst mogeleg grad nytte lokale tenester og leverandørar 8

10 Styrke regional kompetanse innan produksjonar og større arrangement som kjem alle festivalane til gode Bygge opp felles informasjonsteknologi innan formidling og marknadsføring Festivalane skal fordelast tidsmessig over året slik at de får størst utbytte av felles kompetanse, utstyr og ikkje konkurrerer om frivillige eller publikum Helse Miljø og Sikkerheit (HMS)-arbeid Skolering i HMS-arbeid Utarbeide plan og prioritere tiltak for kvar einskild festival 4.8. Miljøbevisste arrangørar med høg grad av kjeldesortering og miljøfokus Innfri krava til å bli ein grøn festival og evnt få miljømerking av festivalane Inngå gode avtaler med Retura Vurdere å inngå samarbeid med miljøorganisasjonar i Valdres Legge opp til meir digital informasjonsteknologi for å redusere papirforbruket Redusere transport til og fra arrangementet 4.9. Frivillige Utarbeide gode rutinar i gor verstskapsånd for profesjonell handtering av dei frivillige Sikre ein dyktig, lojal stab av frivillige som kjem att år etter år Legge opp til logistisk samarbeid om handtering av frivillige med dei andre festivalane Bruk av lokale kulturutøvarar Engasjere lokale kunstnarar, band, musikarar og andre kulturutøvarar I hovudsak, nytte profesjonelle kulturutøvarar, men også la amatørar få delta saman med dei profesjonelle der det er naturleg, som t.d. ved teateroppsettingar Sunn økonomi Gjennomføre marknads- og publikumsundersøkingar Utarbeide forretningsplanar Skaffe gode sponsoravtalar og pay back samarbeidsavtalar med næringslivet Gjennomføre kurs i samarbeid med Valdres Næringshage og Forum for Kultur og Næring Ha eit bevisst forhold til produksjon av spin off meirsal-effektar og rettigheitar til sal av desse 9

11 Støtte frå Valdres Natur- og Kulturpark I 2008, 2009 og 2010 vart det gjeve kr i driftsstøtte til dei seks prioriterte festivalane. Det vart også bevilga kr til oppstart av festivalkontor i 2009 og til vidareføring i I 2010 vart det i tillegg gjeve til saman kr til fire vidareutviklingstiltak. I 2011 vart støtta auka til , og for 2012 til ,-. Festivalstøtta blir vidareført i åra framover, men storleiken på beløpet vil kunne variere frå år til år. Støtta til festivalkontor derimot, vil ikkje halde fram, då dette tilskottet var meint som eit etablerings- og oppstartstilskott. Går ut 5.1 Kriterium for tildeling av støtte 1 Dei som mottek støtte må godta hovudprinsippa i festivalstrategien og sette i verk tiltak innanfor dei prioriterte innsatsområda. 2 Dei som mottek støtte må delta aktivt i festivalnettverket og bidra til å byggje merkevara Valdres. 3 Støtta vert primært gjeve til festivalar/arrangement som har eit nasjonalt og internasjonalt publikum. 4 Festivalar med tilskot frå nasjonal støtteordning blir prioritert. 5 Det blir gjeve tilskott marknadsføring og merkevarebygging av Valdres, men det blir sett krav til nytenking og kontinuerleg vidareutvikling av festivalen/arrangementet. 6 Det vil også kunne gjevast startstøtte for nye spanande festivalar/arrangement som har eit langsiktig perspektiv og eit stort utviklingspotensiale. 7 Det er søknadsfrist med utbetaling seinast kvart år. 8 Storleiken på tilskottet blir avgjort av styret i VNK etter ei samla vurdering. Fagernes

12 11 Revisjon 2012