Landsmøte i Noregs Ungdomslag, 18. og 19. april 2015 S A K S P A P I R

Transkript

1 Landsmøte i Noregs Ungdomslag, 18. og 19. april 2015 S A K S P A P I R

2

3 Sak 1 Konstituering Vedlegg: Forslag til saksliste Forslag til tidsplan Forslag til forretningsorden 1.1 Godkjenning av innkalling 4.1 i lova til Noregs Ungdomslag seier følgjande: Styret i Noregs Ungdomslag kallar inn til landsmøte kvart år. Førebels sakliste skal sendast ut 3 månader før landsmøtet. Omframt landsmøtet vert halde når landsmøtet eller styret vedtek det, eller når 1/3 av fylkeslaga krev det. Endeleg sakliste og sakspapir skal sendast ut 1 månad før landsmøtet. Innkallinga til landsmøtet, med førebels sakliste, vart sendt ut elektronisk til alle lokal- og fylkeslag 17. januar, og publisert på Endeleg sakliste med sakspapir vart lagt ut på NU sine heimesider 9. mars. Sakspapira blei etter dette sendt direkte til dei påmeldte utsendingane etter påmeldingsfristen er ute, 20. mars. Innkalling og sakspapir er dermed sendt ut innanfor dei fastsette fristane. Forslag til vedtak: Innkallinga blir godkjent. 1.2 Godkjenning av sakliste 4.2 b) i lova til Noregs Ungdomslag seier følgjande: Gjennom lokallag og fylkeslag kan medlemmene kome med framlegg om saker til landsmøtet. Sakene med grunngjeving må vere melde skriftleg til styret i Noregs Ungdomslag seinast 8 veker før landsmøtet. Framlegg til lovendringar må sendast skriftleg til styret seinast 3 månader før landsmøtet. I den førebelse innkallinga som vart sendt ut 17. januar, vart laga gjort merksame på at fristen for å melde inn saker og/eller lovendringsframlegg var sett til 20. februar. Ingen lag har kome med forslag til saker innan denne fristen. Forslag til vedtak: Styret sitt forslag til sakliste blir godkjent. side 3

4 1.3 Godkjenning av fullmakter Innstillinga blir lagt fram under opninga av landsmøtet. 1.4 Godkjenning av tidsplan og forretningsorden Forslag til tidsplan og forretningsorden ligg vedlagt. Forslag til vedtak: Tidsplan og forretningsorden for landsmøtet blir godkjent. 1.5 Val av ordstyrar Innstillinga blir lagt fram under opninga av landsmøtet 1.6 Val av redaksjonsnemnd Innstillinga blir lagt fram under opninga av landsmøtet 1.7 Val av teljekorps Innstillinga blir lagt fram under opninga av landsmøtet 1.8 Val av protokollunderskrivarar Innstillinga blir lagt fram under opninga av landsmøtet

5 Vedlegg: Forslag til sakliste Saksnummer, med sidetilvising: Sak 1 Konstituering Godkjenning av innkalling Godkjenning av sakliste Godkjenning av fullmakter Godkjenning av tidsplan og forretningsorden Val av ordstyrar Val av redaksjonsnemnd Val av teljekorps Val av protokollunderskrivarar... 4 Sak 2 Årsmelding Sak 3 Rekneskap Sak 4 Norsk amatørteaterfestival Sak 5 Folkedansfestivalen Sak 6 Kontingent Sak 7 Fråsegner Sak 8 Val Val av leiar Val av styre og arbeidsutval (AU) Val av revisor Val av valnemnd side 5

6 Vedlegg: Forslag til tidsplan Laurdag 13:00 Kulturprogram Leiartale og generaldebatt Kaffipause 14:20 Sak 1 Opning og Konstituering 15:00 Sak 2 Årsmelding 15:45 Sak 3 Rekneskap 16:00 Sak 4 Norsk amatørteaterfestival 16:30 Sak 5 Folkedansfestivalen 17:30 Sak 7 Fråsegner (innleingar) 18:00 Møtet blir avslutta 20:00 Landsmøtemiddag Søndag 09:00 Kulturprogram 09:15 Sak 6 Medlems- og lagskontingent 09:30 Sak 7 Fråsegner (vedtak) 10:30 Kaffipause og utsjekk frå romma 11:00 Sak 8 Val Leiaren avsluttar møtet 12:30 Lunsj 13:30 Vel heim

7 Vedlegg: Forslag til forretningsorden Ordstyrarar Til å leie møtet, vert det vald 2 ordstyrarar som ikkje er utsendingar til landsmøtet. Vedtaksprotokoll Generalsekretæren fører protokoll frå landsmøtet. I protokollen skal det berre førast namnet på dei som deltek i debatten, framlegg, namna på dei som kjem med framlegg, røysteresultat og endeleg vedtak. Landsmøtet skal velje to til å skrive under møteprotokollen. Innlegg Utsendingar som ynskjer ordet må gje teikn om dette ved å vise tildelt nummerskilt (røysteteikn). Landsmøtet vedtek evt. avgrensingar i taletid på enkelte saker. Replikkar Til kvart innlegg kan det bli gitt maksimalt 2 replikkar og 1 svarreplikk Til saksførehavinga Dersom utsendingane har merknader til saksgangen i møtet, kan ein ta ordet til saksførehavinga. Framlegg Framlegg skal leverast skriftleg til ordstyrarane, underteikna med vedkomande sitt namn, og namnet på laget vedkomande er utsending frå. Etter at det er sett strek i ei sak, er det ikkje lenger høve til å kome med nye framlegg eller trekkje attende framlegg som tidlegare er sett fram. Røystemåtar Når saker skal avgjerast gjeld vanleg fleirtal, med unntak av lovendringar der det skal vere 2/3 fleirtal. Når det blir sett fram krav om røystemåten, avgjer landsmøtet dette ved røysteteikn. Eit val skal vere skriftleg når nokon krev det, og alltid når det er gjort framlegg om fleire enn det som skal veljast. Val Dersom det er røysta på fleire enn to ved val av leiar, skal det vere omval når ingen har fått meir enn halvparten av røystene, til dess det er berre to å velje mellom. Får desse to likt røystetal, blir valet avgjort med loddtrekning. Dersom det blir røysta berre på to leiarkandidatar og begge får like mange røyster skal det vere omval. Er røystetalet likt andre gongen, blir valet avgjort med loddtrekning. Ved dei andre vala er dei valde som får flest røyster Oppteljing av røyster Blanke røystesetlar eller røystesetlar som tyder på at ein ikkje vil ta stode til val eller sak, skal teljast opp og vere med i utrekningsgrunnlaget for saker som krev kvalifisert eller absolutt fleirtal. Blanke røystesetlar eller tilsvarande røystesetlar tel ikkje i saker som krev vanleg fleirtal. side 7

8

9 Sak 2 Årsmelding 2014 Vedlegg: Styret si årsmelding for 2014 (i eige hefte) Vedlagt i eige hefte ligg styret si årsmelding for arbeidsåret Meldinga er delt opp i kapittel etter ulike arbeidsområde. Landsmøtet 2014 vedtok ein ny arbeidsplan for perioden , og vedtok at denne skulle gjelde frå det tidspunktet landsmøtet vart heva. Tidlegare har landsmøtet vedteke ei arbeidsplan for to år, som starta først det påfølgjande kalenderåret. Dette gjer at styret, mot normalt, har hatt to ulike arbeidsplanar å arbeide etter i rapporteringsåret Styret har valt å rapportere på den nye arbeidsplanen, sidan denne har lagt til grunn for det vesentlegast av årbeidsåret. Forslag til vedtak: Landsmøtet godkjenner årsmeldinga for side 9

10

11 Sak 3 Rekneskap 2014 Vedlegg: Rekneskap 2014 (i same hefte som årsmeldinga) Revisjonsmelding Rekneskapen for 2014 viser eit driftsoverskot på kr , og etter eit positivt finansresultat på kr , er rekneskapen gjort opp med eit overskot på kr Styret foreslår å føre resultatet mot eigenkapitalen. Oppbygging av rekneskapen Fullstendig rekneskap pr ligg vedlagt, og denne er samansett av balanserekneskap (side 32), og resultatrekneskap på avdelingsnivå (side 34). I tillegg er det lagt ved ein spesifikasjon av avdelingsrekneskapen, på prosjektnivå (side 35-36), samt notar til denne (side 37-39). Landsmøtet i Noregs Ungdomslag vedtek eit rammebudsjett som viser forventa utgifter og inntekter på dei ulike avdelingane. Ved oppstarten av nytt arbeidsår konkretiserer styret så budsjettet på prosjektnivå, og det er dette som tener som styringsverktøy når det blir gjennomført budsjettkontrollar gjennom rekneskapsåret. I tillegg reviderer styret budsjettet om hausten, når rekneskapstala for 1. halvår er klar. Budsjettala i vedlegget er difor frå det reviderte budsjettet. I sakspapiret knytast til det kommentarar til resultatet i dei ulike avdelingane. Generelle inntekter Noregs Ungdomslag har lite økonomisk handlingsrom dei siste åra, og som landsmøtet skal vere gjort kjent med har det dei siste åra vore knytt spesiell stor uvisse til kor mykje medlemskontingent ein til slutt kan inntektsføre ved årsoppgjer. Landsmøtet i 2013 vedtok difor ein ny struktur for innkrevjing av kontingenten, der laga skal fakturerast for kontingent med bakgrunn i medlemstalet to år tilbake i tid. Dette vart innført frå rekneskapsåret 2014, og styret har konstatert at dette var eit vellukka grep. Kontingentinntektene har auka med over kroner frå 2013 til 2014, sjølv om medlemstalet har vore stabilt. Kontorkostnader Som det framkjem av rekneskapen så har kontorkostnadene for 2014 vore lagt lågare enn tidlegare år. Dette skuldast to faktorar. For det første har personalkostnadene vore lågare enn vanleg, grunna ei langtidssjukmelding på kontoret. I tillegg er varesalet gjort opp med ei nettoinntekt på over kroner. Dette heng saman med produksjon av faneboka, som har medført både auka salsinntekter og ein auka verdi på varelageret. Styringsstrukturen Denne avdelinga har tilsvarande kostnadsnivå som tidlegare år, og er omtrent som budsjettert, og blir difor ikkje kommentert noko vidare. side 11

12 Sentrale tilskipingar Fleire av dei sentrale tilskipingane som blei gjennomført i sommar fekk store budsjettoverskridingar sett i høve til det opprinnelege budsjettet, vedteke av styret i januar. Dette gjorde at styret måtte revidere budsjettet kraftig i haust, for å redusere kostnadene på andre fagområde, slik at ein kunne styre mot eit nullresultat. Totalresultatet for avdelinga viser eit budsjettavvik på kroner, men dette er etter at styret har revidert budsjettet, og kutta kostnader på andre avdelingar. Utan at dette grepet hadde blitt gjort, ville budsjettavviket vore på om lag kr Den største budsjettsprekken kom på Norsk amatørteaterfestival, der ein ikkje lukkast med å få eksterne tilskot til festivalen i det heile tatt. Ein trudde lenge at ein skulle få festivaltilskot frå Norsk teaterråd, slik denne festivalen alltid har gjort, men grunna den vanskelege likvide situasjonen i teaterrådet fekk vi ikkje det. Dette blei avklart først i haust. Budsjettavviket blei difor til slutt på om lag Styret har gjennom budsjettvedtak styrka økonomien for sommarleiren sett i høve til tidlegare år. Her blei likevel eit budsjettavvik på kroner, og dette skuldast manglande festivaltilskot frå Norsk teaterråd, jf forrige punkt Også folkedansfestivalen har hatt eit auka netto kostnadsnivå sett i høve til tidlegare år, og underskotet her blei til slutt på om lag , men dette er det teke høgde for i revidert budsjett. Prosjekt og satsingar Det er igangsett og/eller gjennomført fleire nye satsingar i Den største satsinga er lokallagsbesøka, etter at landsmøtet gjennom vedtak av langtidsplanen har sagt at alle lokallag skal få besøk av sentralleddet og evt. fylkeslaget i løpet av ein fireårsperiode var første året for denne satsinga, og nettokostnaden på kr er som budsjettert. Den andre store satsinga er produksjonen og utgjeving av boka Faner i den frilynde ungdomsrørsla. Netto produksjonskostnaden blei til slutt på knapt , etter gåvmilde tilskot frå fylkeslag og lokallag. Kostnaden blei noko lågare enn budsjettert. For å få det samla bildet på kva faneboka har kosta, må ein også sjå på varesal og endring av varelageret i prosjekt 105. Tek ein med dette, går prosjektet rekneskapsmessig i null. Informasjonsarbeid Denne avdelinga har tilsvarande kostnadsnivå som tidlegare år, og er omtrent som budsjettert, og blir difor ikkje kommentert noko vidare. Resultat Som saksutgreiinga viser har 2014 vore eit krevjande økonomisk år, fordi dei nasjonale festivalane har gått med kraftige underskot. Det økonomiske resultatet blei klart først over sommaren, og det har i utgangspunktet gitt styret kort tid på å rette opp den økonomiske drifta, for å redusere eit evt. underskot, og aller helst styre mot eit nullresultat. Samtidig har auka kontingentinntekter og reduserte lønskostnader gjort at mykje av budsjettoverskridingane er dekt inn. I tillegg er det gjort medvitne innsparingar på andre budsjettpostar. Dette har medført at styret til slutt kan presentere eit rekneskap med eit overskot på nær kroner. Forslag til vedtak: Landsmøtet godkjenner rekneskapen for 2014, som viser eit overskot på kr Resultatet blir ført mot eigenkapitalen.

13 Sak 4 Norsk amatørteaterfestival Norsk amatørteaterfestival er eit samarbeid mellom Noregs Ungdomslag og Det Norske Teatret, og i tett samarbeid med teaterlaget til BUL Oslo og Te-Nord, som er teaterlaget til Håløyglaget i Oslo. Festivalen blei første gong arrangert i 2003, og har vore arrangert kvart andre år etter dette. (Med unntak av den planlagde festivalen i 2013, som blei utsatt eit år grunna teatret si 100-årsmarkering i 2013). Landsmøtet vedtok i 2014 rammer for NU sine sentrale tilskipingar, og vedtok då at Amatørteaterfestivalen skal synleggjere NU som ein av dei leiande amatørteater-organisasjonane og vere eit spennande miljø for interaksjon mellom amatørar og profesjonelle. Som det framkjem i årsmeldinga og rekneskapen for 2014 gjekk Amatørteaterfestivalen med eit stort underskot. Nettokostnaden for NU vart på knappe kroner, og publikumstalet var på eit botnnivå, samanlikna med dei fem tidlegare festivalane. Styret sine erfaringar med festivalane i 2014 har gjort at ein vil legge fram denne saka for landsmøtet, for å stille spørsmål ved om festivalane i Noregs Ungdomslag er liv laga, slik dei er i dag. Sjølv om medlemstalet skulle tilseie at vi kunne få stor oppslutnad om dei sentrale tilskipingane, har ein gjennom dei siste åra sett at ein ikkje treff heilt. Store delar av personalressursane i administrasjonen har blitt brukt til å planlegge og gjennomføre arrangement som bør vere viktig for organisasjonen, men som i praksis ikkje fenger. Besøkstal og ressursbruk på dei gjennomførte amatørteaterfestivalane: År Økonomisk resultat * Dagar Aktørar Tal lokallag/ stykke Tal fylke som var representert Tal publikum Tal kurs Tal kursdeltakarar / / NB: Det økonomiske resultatet er avrunda. Alle åra utanom 2014 hadde større prosjekt i samband med festivalen, noko som utgjorde størstedelen av inntektene. Som det framkjem av desse tala, er festivalen ei stor økonomisk utfordring for NU. Det er berre eitt år den har gått i overskot, og det er i 2009 på grunn av eit tilskot på kroner, der delar av tilskotet gjekk til teaterkurs før og etter festivalen. Festivalane har hatt ein totalkostnad på mellom kr og kr Festivalen i 2014 har hatt lågast bruttokostnader, sjølv om nettoresultatet ikkje skulle tilseie det. Erfaringar og tala viser at ein er avhengig av eksterne tilskot for å halde nettokostnadene på eit forsvarleg nivå. Prosjekttilskot har og den utfordringa at det ikkje er sikre inntektskjelder, så ein må lage side 13

14 nye vinklingar og gjerne finne nye tilskotsordningar for kvar festival. Dette er svært tidkrevjande, og i 2014 lukkast ein ikkje med å finne slik ekstern finansiering. Når ein då ser det opp mot tal deltakarar, publikum og tal fylker som er nådd, tvingar det seg fram eit spørsmål om det er verdt ressursbruken. Merk at utgiftene ikkje er inkludert stillingsbrøk for dei tilsette på NU-kontoret; Total ressursbruk av administrasjonen ligg sannsynlegvis mellom 1000 og 1300 arbeidstimar det året det er festival. Det året det ikkje er festival tilsvarar ressursbruken timar. Det er to aspekt i dette: For det første er det ei stor mengde arbeidstimar som kunne vore brukt på aktivitetar og satsingar som hadde kome fleire lokallag og medlemmar til gode. For det andre gir dette ei ujamn ressursplanlegging, der ein då må planlegge andre satsingar det året det ikkje er festival, som ikkje kan vidareførast i festivalåret. Festivalen vart i si tid oppretta som arena både fordi det opna seg ein moglegheit for eit tett samarbeid med Det Norske Teatret som samarbeidspart, men og fordi dei tidlegare landsstemna var på veg til å bli historie, og at ein dermed ikkje lengre hadde ein sentral stemnearena for teateraktiviteten. Med amatørteaterfestivalen såg ein då for seg å lage ein eigen arena for nettopp teatermiljøet i NU. Denne utviklinga skjedde også etter kvart på folkedanssida, der ein gjekk over frå det siste landsstemnet i 2001 via folkekulturfestivalen i perioden og til slutt Folkedansfestivalen frå Om ein ser tilbake til glansdagane på 1970 og -80-talet, då NU hadde kring 6000 deltakarar på landsstemna (og kring medlemmar), så er det opplagt at dei sentrale samlingsstadane ikkje har den funksjonen den ein gong hadde. Dette er ei utvikling som også andre delar av organisasjonslivet opplever. Det er ei sterk utvikling innan frivillig aktivitet som syner at folk mykje meir enn før shoppar aktivitetar. Lojalitet til eit lag, ei foreining, ei gruppe, eller ein aktivitet for den saks skuld minskar stadig. I tillegg er folk mykje meir mobile enn før, og når sommaren skal planleggjast (gjerne eit år i førevegen), så er ikkje våre arrangement prioritert. Noko av dette kan ha med informasjon å gjere, i og med at programmet gjerne ikkje kan vere klart før 3-4 månader før festivalen. Norsk Amatørteaterfestival spesielt har det ekstra utfordrande med å skaffe deltakarar og publikum. Noko av årsakene til dette har med tidspunktet for festivalen å gjere. Tidspunktet for festivalen er bunden til Det Norske Teatret sin sesong, og det tidspunktet som passar for teatret samsvarar gjerne med perioden før fellesferien, og midt i eksamenar og sommaravslutningar på skule. Samarbeidet med Det Norske Teatret er ein så viktig føresetnad for å gjennomføre festivalen, at styret ikkje ser det som naturleg å forsøke å arrangere festivalen ein annan stad, for å finne eit tidspunkt som høver betre med ungdomslaga sin sesong. Opplevinga av å få stå på ei profesjonell scene er noko av hovudargumentet for å delta på festivalen, så om ein tek det vekk misser ein noko av det som kan trekkje grupper til festivalen. Som det framkjem av årsmeldinga, såg det lenge ut til at festivalen i 2014 måtte avlysast sidan det berre var 2 grupper påmeldt 9 veker før festivalstart. Sjølv om det heiter seg at gruppene søkjer om å få vere med, så er det diverre ikkje tilfelle. Ein startar med at ein opnar for å få søke seg til festivalen, men i praksis er det ingen søkjarar. Det er to faste lag som er med, fordi dei er medarrangørar av festivalen, og resten må ein lokke, og i nokre tilfelle tigge, om å bli med. Dette er etter styret si vurdering inga bærekraftig løysing. Det har også vore dårleg oppslutnad om kursa på festivalen. Ein skulle tru at dette vart eit viktigare tilbod for teatermedlemmer, etter at fagseminara vart lagt ned, men det har det ikkje blitt. Det er vanskeleg å identifisere dei openberre grunnane til at medlemslaga ikkje melder seg på festivalen. Om alle laga hadde blitt spurt om dette, ville ein sannsynlegvis fått til svar at laga ikkje hadde registrert at det var ein slik festival. Dette er ei tilbakevendande utfordring for NU, sjølv om vi brukar mykje ressursar på informasjonsarbeid. Festivalen har ei eiga nettside, som vart kontinuerleg oppdatert etter kvart som kurstilbod og deltakarlag var på plass. I tillegg har Facebook blitt aktivt nytta, og festivalen var sjølvsagt omtalt i dei fleste utgåvene av Ungdom og nyhendebrev i eitt og eit halvt år før festivalen. Utover dette er det også sendt e-post til alle lokallag med registrert teateraktivitet. Styret sin konklusjon er at Norsk amatørteaterfestival ikkje appellerer nok til medlemslaga våre, og at ressursane difor bør brukast på andre måtar for å styrke det teaterfaglege arbeidet. Dette ønskjer styret

15 å gjere gjennom å styrke sommarleiren som ein teaterfagleg arena for ungdom, og ikkje minst ved å oppretthalde og styrke gjesteinstruktørordninga og instruktøropplæringa. Innleiingsvis vart det peikt på at Amatørteaterfestivalen skal synleggjere NU som ein av dei leiande amatørteater-organisasjonane og vere eit spennande miljø for interaksjon mellom amatørar og profesjonelle. Slik festivalen framstår i dag, synleggjer denne på ingen måte NU som ein leiande amatørteaterorganisasjon. Vårt amatørteaterarbeid blomstrar lokalt, og ein sentral festival er ikkje den rette arenaen for å synleggjere dette. Andre tilsvarande festivalar: Styret har prøvd å sjå på kva andre tilsvarande festivalar gjer, som ikkje NU klarar å få til, sidan andre festivalar i større grad lukkast. Dei som er mest nærliggande å samanlikne med er Rampelysfestivalen (Oslo Teatersenter), Teaterdagene på Lillehammer (Norsk amatørteaterforbund), og Norsk Revyfestival Høylandet (Norsk Revy). Av desse tre er det Revyfestivalen som har størst oppslutnad, har vart lengst, og er best etablert i miljøet. Den er også den einaste festivalen som har eit apparat rundt seg som berre arbeider med festivalen. Rampelysfestivalen har eit totalbudsjett på kring , der dei har motteke kring kr frå Frifond teater (som NU ikkje kan søkje), og kring kroner frå Oslo Kommune (som NU heller ikkje kan søkje, då dei set krav om at det skal vere i all hovudsak for/med Oslo). Rampelysfestivalen har mykje betre økonomisk grunnlag, og kan slik sett nytte mykje ressursar på å støtte dei laga som deltek. Festivalen har fokus på barne-og ungdomsteater, og langt dei fleste som deltek er oslobaserte grupper. Festivalen er gratis for deltakarane, og dei gir også reisestøtte til dei som har behov for det. I tillegg har dei tilsett inspisient, sminkørar, lys/lyd og assistentar i heile festivalperioden, samt at dei støttar gruppene med hjelp til sminke, kostymer og kulisser. Desse tinga gjer det mykje enklare for lag å delta, fordi dei har så godt som ingen utgifter ved deltaking. Når det er sagt, så slit også dei med å få nok grupper til å delta på festivalen, og utan dei store økonomiske bidraga dei får, hadde festivalen hatt eit dårleg fundament. Revyfestivalen har eit budsjett på fleire millionar kroner. Festivalen er nært knyt til Norsk revyfagleg senter, med Norsk revy som felles overbygging. Festivalen vert arrangert kvart andre år, slik som vår festival. Dei har eit etablert apparat kring seg, og det sentrale er NM i revy. Dei har regionale konkurransar kringom landet i det året det ikkje er festival, og så samlast dei til sjølve NM annakvart år. Dei har etter kvart etablert seg som ein arnestad for komande revy-og teaterstjerner og stand-up talent, så det er prestisje å vere med på festivalen. I tillegg rettar festivalen seg mot eit vakse publikum, med alkoholservering, festar m.m., og dette gjer at den når eit heilt anna segment enn det vår festival gjer og kan gjere. Teaterdagane har eit budsjett på mellom kroner. Teaterdagane har på same måte som Rampelysfestivalen fått økonomiske tilskot gjennom frifond. I tillegg har dei fått tilskot frå kommunen og fylkeskommunen. Samla tilskot til teaterdagane har vore om lag kr Teaterdagane har også hatt utfordingar med oppslutnaden og økonomien. Festivalen har hovudfokus på kurs, og kombinerer festivalen med finalen i NM i teatersport noko som trekker ein del folk. Som for revyfestivalen, har teaterdagane eigne arrangement som det er prestisje for laga å delta i. Korleis sikre eit tilbod for teatergruppene i NU. Styret er oppteken av å oppretthalde eit samarbeid med Det Norske Teatret, og vil difor arbeide for at ein kan få lagt ei fast instruktørkurshelg til teatret, der ein kan få instruktørar frå ensemblet på teatret. Styret ønskjer på denne måten å oppretthalde landsmøtet sine intensjonar om å lage eit spennande miljø for interaksjon mellom amatørar og profesjonelle side 15

16 På bakgrunn av dette vil styret tilrå at Noregs Ungdomslag ikkje lengre arrangerer Norsk amatørteaterfestival. Forslag til vedtak: Landsmøtet stiller seg bak styret sine vurderingar om å legge ned Norsk amatørteaterfestival.

17 Sak 5 Folkedansfestivalen Noregs Ungdomslag er ein gamal og stolt organisasjon med lange tradisjonar for store og stolte arrangement. Som det er peikt på i sak 4, vart det arrangert landsstemne fram til Oppslutnaden om stemnet gjekk gradvis nedover, og frå 2002 vart denne erstatta av Folkekulturfestivalen. Denne levde i åtte år, før ein frå 2010 reindyrka denne festivalen til ein Folkedansfestival. Tanken bak denne festivalen var at ein skulle lage ein reindyrka folkedansarena, som appellerte til folkedansmiljøet i NU. Dette er et historisk sterkt miljø, og når ein først hadde gått bort frå stemne-konseptet, som skulle samle medlemmene uavhengig av faginteresser, trudde ein at ein hadde eit konsept som ville appellere til ein stor kjerne av medlemmer. Folkedansfestivalen har vorte arrangert kvart år sidan 2010, med unntak av 2012, då det vart arrangert Nordlek i Noreg. Etter vedtak frå landsmøtet i 2014 er det avgjort at Folkedansfestivalen berre skal arrangerast 2 av 3 år, slik at det ikkje blir festival det året Nordlek arrangerer stemnet sitt. Dette betyr at det uansett ikkje skal arrangerast Folkedansfestival i Deltakinga på Folkedansfestivalen har gått nedover kvart år, og festivalen vil alltid leva i skuggen av det dei gamle NU-stemna ein gong var. Basert spesielt på det historisk låge besøkstalet i 2014, meiner styret det er på tide å ta diskusjonen om kva Noregs Ungdomslag skal med ein festival som fåtalet av medlemene kjem på. Besøkstal og ressursbruk År Økonomisk resultat Tal arrangement Selde festivalpass Enkeltbillettar * Tal besøkande 2010, Bergen kurs , Bodø kurs , Kongsberg , Ørsta dagspass * Når ein reknar ut besøkstal i Norsk kulturråd så tel ein tal på billettar og ikkje tal på personar. Dersom ein organisasjon skal arrangera festival så er det for å framkalla engasjement og identitet og skapa møteplassar for medlemer. Festivalen skal vera noko å vera stolt over, vi skal vere stolte som organisasjon, og medlemene skal vera stolte av å vera ein del av noko større. Å arrangera festival handlar om engasjement. Engasjement hjå lokale arrangørar og engasjement hjå festivaldeltakarane. Engasjementet gjer at folk har lyst til å ta på seg arrangørjobben, og det same engasjementet rekrutterer deltakarar. Festival handlar også om identitet og er ein glimrande sjanse til å bygga identitet i ein organisasjonen eller på ein stad. Men det hjelper ikkje å legga opp festivalen som møteplass om medlemene ikkje kjem på festivalen. Festivalarbeid er veldig ressurskrevjande. Det krev mykje ressursar på kontoret, både i planleggingsfasen og under sjølve gjennomføringa, alt i alt så stipulerer ein arbeidet knytt til Folkedansfestivalen til å vera vel 1000 timar i året. Når ein då opplever at festivalen opplever sviktande rekruttering hjå medlemer, seinast i 2014 med berre 22 selde festivalpass, så må ein diskutera om Folkedansfestivalen har ei framtid i Noregs Ungdomslag. Folkedansfestivalen har fått mange sjansar til side 17

18 å etablera seg og til å skapa seg eit namn og eit publikum. Styret meiner ein no må stille spørsmål ved om sjansane er brukt opp. Kvifor fungerer ikkje Folkedansfestivalen? Det er vanskeleg å fastslå kvifor Folkedansfestivalen ikkje klarar å etablera seg som festival korkje i festivallandskapet eller i organisasjonen. Aktuelle spørsmål og moglege svar kan vera: Handlar det om at færre NU-medlemer reiser på sentrale arrangement i organisasjonen, og at festivalane er ein av markørane der ein ser dette? Grafen på sentrale arrangement i organisasjonen det siste året viser at alle dei sentrale arrangementa, utanom Sommarleiren, har vanskar med rekrutteringa. Handlar det om at dei folkedansinteresserte i organisasjonen heller reiser på andre festivalar? Vi ser til dømes at Nordlek-stemna trekk ein del leikarringar rundt om, medan dei same leikarringane ikkje reiser på Folkedansfestivalen. Slik Folkedansfestivalen har blitt, kan vi konstatere at den ikkje er ein viktig møtestad for folkedansarane i organisasjonen. Det verker heller ikkje som den appellerer til gamle ungdomslagsmedlemmer, ved at det er lite lokal rekruttering frå det nære omlandet til festivalstaden. Handlar det om at festivalen er ein omreisande festival og at ein difor ikkje klarar å bygga opp noko lokal merkevare frå år til år? Det kan vera, men samanliknar ein med Landskappleiken og Landsfestivalen i FolkOrg så er dei også omreisande festivalar, som likevel har sitt relevante trufaste publikum. Undersøking Folkemusikk og folkedansfestivalar 2014 Folkedansfestivalen var nyleg med på ei undersøking av folkemusikk- og folkedansfeltet i landet, gjennomført av FolkOrg. Ser ein på tala frå denne undersøkinga, så ser ein at snittet på alle nivå ligg langt over nivået til Folkedansfestivalen. Gjennomsnittstal frå festivalane: Inntekt kr Offentlig støtte kr Billettinntekter kr Sponsorinntekt kr Tal på konsertar 37 Tal på engasjerte musikarar 167 Totalt besøkande Tal årsverk pr. festival (utanom gjennomføringa) 1,16 Skal ein arbeida for at Folkedansfestivalen skal overleva så må ein altså arbeida på alle nivå samstundes, meir støtte, fleire publikumarar, fleire sponsorar og fleire konsertar. Alt dette heng saman og vil krevja mykje frå organisasjonen. Det at Folkedansfestivalen ikkje har alkoholsal har også store utslag på inntektssida, dersom ein samanliknar med andre festivalar. Samtidig ser styret at dei andre satsingane, som nemnt under sak 4 treng meir ressursar. Folkedansen i Noreg har særlege utfordringar, og sidan NU er den største nasjonale organisasjonen som arbeider med dette, er det vi som i første rekke bør ta tak i desse utfordringane. Den lokale danseaktiviteten er den viktigaste verdien i NU sitt folkedansarbeid, og då må, etter styret si meining, meir ressursar setjast inn på å halde denne aktiviteten levande, og ikkje minst til å vidareutvikle denne. Dersom ein skal få instruktørarbeidet og gjesteinstruktørordninga til å fungera så treng ein ei stor satsing på dette. Alt dette

19 gjer at ein må sjå ressursbruken til festivalen opp mot ressursbruken til dei andre store folkedanssatsingane i organisasjonen. På bakgrunn av dette vil styret tilrå at Noregs Ungdomslag ikkje lengre arrangerer Folkedansfestivalen, og at tida for dei sentrale stemna og festivalane dermed er over. Styret ønskjer å satse vidare på Sommarleiren som det einaste sentrale arrangementet, og vil legge mykje ressursar og engasjement i å bygge denne opp til ein leir som trekker langt fleire ungdomar enn i dag. Leiren har nyrekruttering kvart år, så her er det eit potensiale å bygge vidare på. Både folkedans og teater vil ha ein sentral plass i leiren, som før. Kanskje vil det på sikt bli behov for ein ny, sentral festival for medlemmene i NU, men då må behovet kome frå laga. Forslag til vedtak: Landsmøtet stiller seg bak styret sine vurderingar om å legge ned Folkedansfestivalen. side 19

20

21 Sak 6 Kontingent Medlemspengane for Noregs Ungdomslag vert fastsett på kvart 2. landsmøte, for dei påfølgjande to åra. Kontingentsatsane i Noregs Ungdomslag vart på landsmøtet 2014 fastsett slik for 2014 og 2015: 1. Kontingent per medlem under 26 år: kr Kontingent per medlem over 26 år: kr Kontingent for lokallag kr Kontingent for lokallag med 0 medlemmer kr Kontingent for huslag kr 3500 I tillegg har landsmøtet i 2011 vedteke følgjande satsar for direktemedlemmer: 6. Direktemedlemsskap, medlemmer under 26 år kr Direktemedlemsskap, medlemmer over 26 år kr 300 Styret vil tilrå at desse satsane blir vidareført i neste toårsperiode, men ønskjer å justere grunnlaget i kontingentgruppe 4, som gjeld lokallag med 0 medlemmer registrert i Hypersys: I lova til Noregs Ungdomslag heiter det at eit lag må ha minst 5 medlemmer for å vere eit teljande lag. Til grunn for opprettinga av denne kontingentgruppa på landsmøtet 2013, var ei vurdering av at lag med 0 medlemmer skulle betale ein kontingent som tilsvarte lagskontingent og 5 medlemmer. Pa denne måten ville det løne seg for laga å registrere minimum 5 medlemmer. Erfaringa viser at ein har fått ei gråsone med lag som har 2-4 medlemmer registrert, då desse i praksis vil få lågare kontingent enn dei laga som har registrert 0 medlemmer. Styret vi difor innstille på at denne kontingentgruppa endrar namn til kontingent for lokallag med 0-4 medlemmer. Forslag til vedtak: Kontingentsatsane i Noregs Ungdomslag fastsetjast slik for 2016 og 2017: 1. Kontingent per medlem under 26 år: kr Kontingent per medlem over 26 år: kr Kontingent for lokallag kr Kontingent for lokallag med 0-4 medlemmer kr Kontingent for huslag kr Direktemedlemsskap, medlemmer under 26 år kr Direktemedlemsskap, medlemmer over 26 år kr 300 side 21

22

23 Sak 7 Fråsegner Ei fråsegn kan ha ulike funksjonar i ein organisasjon. Det kan t.d. ha form som ei pressemelding eller ein politisk uttale i ei sak, som blir sendt til ulike instansar. Ei fråsegn kan også ha funksjon som politikkutforming, for å utforme eller stadfeste politikk i ulike saker. Ei fråsegn kan vere retta både eksternt ut av organisasjonen, eller internt i organisasjonen, for å gje styret ei politisk plattform i ulike saker. Styret i Noregs Ungdomslag har ikkje forslag til fråsegner på dette landsmøtet, men inviterer utsendingane til å fremje forslag til fråsegner som landsmøtet skal ta stilling til, etter nærare fristar som blir gitt av ordstyrarane. Det er redaksjonskomiteen som innstiller på vedtak av dei ulike fråsegnene. side 23

24

25 Sak 8 Val Valnemnda kjem med framlegg på val av medlemmer og varamedlemmer til styret i Noregs Ungdomslag, samt til revisor. Styret innstiller på val av ny valnemnd. Valnemnda som vart valt på landsmøtet i 2014, og som har i oppgåve å levere innstilling til landsmøtet har vore samansett slik: Kristian Fjellanger Terje Svindseth Lise K. Meling Evelyn Laupstad Eirin S. Samuelsen Geir Kåre Sandnes Øystein Rambjørg Trine M. Sjølyst Oppland Ungdomslag (leiar) Bygdelagssamskipnaden Rogaland Ungdomslag Troms Ungdomsfylking Vest-Agder Ungdomslag Romsdal Ungdomssamlag (1. vara) Hordaland Ungdomslag (2. vara) Bygdelagssamskipnaden (3. vara) Om valnemnda sitt arbeid: Valnemnda har hatt eit fysisk møte i samband med valnemndsarbeidet. Dette møtet vart halde i samband med Landsrådsmøte i Steinkjer hausten Der vart det gjennomført intervju med alle styremedlemmane. I kartlegginga synte det seg at det var stor vilje til attval i styret. Valnemnda vurderte det slik, at det vil vere formålstenleg med så liten utskifting som mogleg, for å la den nye styrestrukturen sette seg. I samråd med kandidatane har valnemnda gjort nokre justeringar på rollene internt i styret. På bakrunn av at dette vart ein «liten» jobb, vurderte valnemnda det slik at resten av arbeidet i samband med innstillinga, kunne gjerast over telefon og e-post. Valnemnda vedtok endeleg framlegg på e-post 12. februar. Alle kandidatar i framlegget har takka ja til å stille til val. Valnemnda har ikkje fått nominasjonar frå fylkeslag og lokallag i samband med arbeidet. Valnemnda ønskjer å oppmode alle fylkeslag, lokallag og einskilde medlemmar til å kome med nominasjonar til valnemnda i framtida. 8.1 Val av leiar Endre Kleiveland (35) Hordaland Ungdomslag Attval, 1 år 8.2 Val av styre og arbeidsutval (AU) Kine L. Reiersen (47) Oppland Ungdomslag Ikkje på val Pol. nestleiar/au-medl. Marit N. Krogsæter (22) Sunnmøre frilynde USL Ny, 2 år * Org. nestleiar/au-medl. Håvard Ims (32) Inntrøndelag USL Ikkje på val Styremedlem Rita Strandbakke (31) Oppland Ungdomslag Ikkje på val Styremedlem Tone Mjelde (25) Hordaland Ungdomslag Ny, 2 år Styremedlem Morten Nilsen (53) Nordland Ungdomsfylking Ny, 2 år * Styremedlem side 25

26 Ingeborg Bringslid (22) Hordaland Ungdomslag Attval, 1 år 1. vara til styret Fredric Nygård (26) Eidsiva Fylkeslag Attval, 1 år 2. vara til styret Marie Nicolaisen (30) Bygdelagssamskipnaden Ny, 1 år * 3. vara til styret * Marit Krogsæter er styremedlem i dag, men er ny som nestleiar. Morten Nilsen er organisatorisk nestleiar i dag, men er ny som styremedlem. Marie Nicolaisen er styremedlem i dag, men er ny som 3. vara. 8.3 Val av revisor Noregs Ungdomslag har kjøpt revisjonstenester frå Vardens revisjonskontor AS ei årrekkje. Vardens fusjonerte hausten 2014 med Vekst revisjon, og dette har gjort at styret har nytta høvet til å hente inn tilbod frå fleire revisjonsselskap. NU gjekk frå og med rekneskapsåret 2011 over til å bruke autorisert rekneskapsførar, ved å kjøpe rekneskapstenestenester frå Bokholderi AS. Etter fire års drift med dette rekneskapsfirmaet, er rutinane godt innarbeide, og det er såleis eit godt tidspunkt for å byte revisor. Fem ulike revisjonsselskap vart kontakta med førespurnad om å kome med tilbod, og fire av desse har gitt eit tilbod. Etter å ha vurdert dei innkomne tilboda vil styret tilrå at Revisorgruppen FMØ DA vert valt som ny revisor frå rekneskapsåret Forslag til vedtak: Revisorgruppen FMØ DA blir valt som revisor for Noregs Ungdomslag. 8.4 Val av valnemnd Styret i Noregs Ungdomslag vil innstille på følgjande valnemnd: Evelyn Laupstad (62) Troms Ungdomsfylking Ny, 1 år * Leiar Terje Svindseth (45) Bygdelagssamskipnaden Attval, 1 år * Medlem Eirin S. Samuelsen (22) Vest-Agder Ungdomslag Ikkje på val Medlem Cecilie Rørstad (35) Sunnmøre frilynde USL Ny, 2 år Medlem Tone Ingvaldsen (21) Nordland Ungdomsfylking Ny, 2 år Medlem Oddgeir Løvold (21) Nordmøre og Romsdal UL Ny, 1 år 1. vara Roy Sævik (47) Sogn og Fjordane UL Ny, 1 år 2. vara Jostein Apeland (57) Rogaland Ungdomslag Ny, 1 år 3. vara * Evelyn Laupstad er medlem i valnemnda i dag, men ny som leiar. Terje Svindseth blir innstilt som supplering for Evelyn for resten av hennar valperiode.