Detaljreguleringsplan Samanbinding av Rv5 - Havrenesvegen, veg/bustad Flora kommune Alternativ 3 kulvert

Transkript

1 FLORA KOMMUNE Detaljreguleringsplan Samanbinding av Rv5 - Havrenesvegen, veg/bustad Flora kommune Alternativ 3 kulvert Planomtale, føresegner og plankart PlanID PLANFORSLAG TIL OFFENTLEG HØYRING

2 Flora kommune Detaljreguleringsplan Samanbinding av Rv5 - Havrenesvegen, veg/bustad, Flora kommune Alternativ 3 kulvert Dato Tekst Jane Berg Solheim, Heidi Dyrøy Kontroll Janicke Svendal Godkjent av Flora kommune v/catherin Secher Status Rapport nr. Oppdragsgjevar Forslag til offentleg høyring _02 Alternativ 3 kulvert Flora kommune Side 1 av 37

3 S A M A N D R A G Hovudformålet med planarbeid er å følgje opp Bystyret si tilråding og tilrettelegging for ny samanbindingsveg mellom RV5 og fylkesveg 545 (Havrenesvegen). Den nye vegtraseen skal gje ein meir trafikktrygg løysing enn dagens situasjon i Stadionvegen. Då alternativ 1 og 2 vart framlagt fram til politisk behandling i Plan og miljøutvalet den (023/15) vart det vedtatt at det skulle utarbeidast eit 3. alternativ som viser ei løysing som inneber ny veg i tunnel/kulvert under Kyrkjeparken og opp til Havrenesveien, med utgangspunkt i det arbeidet som vart gjort i forbindelse med Sentrumsplanen. Aktuelt område er i Sentrumsplanen, sett av til offentleg eller privat tenesteyting (OP10-OP11-OP12), sentrumsformål (K08), eksisterande bustad (B5-B7-B9), friområde (F3), samt eksisterande veg (Rv5 og Fv545). Mot sør går planavgrensing for alternativ 3 i friområdet sør for Michael Sars gate og i nordleg del av idrettsanlegg som grensar mot fylkesveg. I vest i eigedomsgrenser vest for rekkehusa i Stadionbakken, mot nord langs nordside av Lindheimsvegen og Rv5, medan den i aust går aust for Florø kyrkje, og inkludera områda rundt kyrkja. Då planframlegget ikkje er i samsvar med gjeldande kommunedelplan for Florø sentrum (Sentrumsplanen) og fordi den omfattar veganlegg, er det gjennomført konsekvensutgreiing av ikkje prissette konsekvensar. I konsekvensutgreiinga er det konkludert med at realisering av Alternativ 3 kulvert, vil medføre negativ konsekvens for landskap, natur, kultur og friluftsliv i anleggsperioden. Etter ferdigstilling av anlegg kan tiltak fortsatt ha negativ konsekvens for natur og kultur, men dette vil først kunne fastsettast etter at det er blitt utført kulturminneregistrering og kartlegging av biologisk mangfald på staden. For landskap er konsekvens å sjå som ubetydeleg då området skal tilbakeførast som parklandskap, men tiltak vil gje endring i landskapsbilde ut i frå korleis landskapet er forma i dag. For friluftsliv kan tiltak ha ein positiv konsekvens då det vert tilrettelagt for gode gang- og sykkelvegar. Samla er Alternativ 3 kulvert vurdert å medføre Stor negativ konsekvens i anleggsperioden og Liten negativ konsekvens etter ferdigstilling av anlegg. Det er innarbeidd krav og føringar i planframlegg og føresegner som så langt som mogleg skal avbøte negative konsekvensar av tiltaket. Side 2 av 37

4 INNHALD 1. INNLEIING BAKGRUNN FOR PLANARBEIDET LOKALISERING GJELDANDE PLANAR AVGRENSING PLANOMRÅDET PLANPROSESS UTGREIINGAR AV ULIKE ALTERNATIV KUNNGJERING AV PLANOPPSTART OG MEDVERKNAD I PLANPROSESS KORT OPPSUMMERING AV INNSPEL VIKTIGE OMSYN I PLANARBEIDET NASJONALE FØRINGAR REGIONALE FØRINGAR KOMMUNALE FØRINGAR PLANOMRÅDET - DAGENS SITUASJON SKILDRING AV PLANFORSLAG KONSEKVENSUTGREIING GRUNNLAG FOR UTGREIINGAR TEMA SOM SKAL KONSEKVENSUTGREIAST DATAINNSAMLING METODE ALTERNATIV PLASSERING OG ALTERNATIV KONSEKVENSUTGREIING IKKJE PRISSETTE KONSEKVENSAR Landskap og estetikk Naturmiljø og naturmangfald Kulturmiljø/kulturminne Friluftsliv/nærmiljø SAMLA KONSEKVENS VURDERINGAR OG KONSEKVENSAR ØVRIGE TEMA LANDSKAP OG ESTETIKK NATURMILJØ OG NATURMANGFALD KULTURMILJØ/KULTURMINNE FRILUFTSLIV/NÆRMILJØ FOLKEHELSE, BARN OG UNGE OG UNIVERSELL UTFORMING MILJØFAGLEG TILHØVE TRYGGLEIK MOT NATURSKADE INFRASTRUKTUR, TRAFIKKTRYGGLEIK OG TILGJENGE UTBYGGING OG FUNKSJON SAMFUNNSNYTTE OG NÆRINGSUTVIKLING AVBØTANDE TILTAK PLANDOKUMENT / VEDLEGG REFERANSER Side 3 av 37

5 1. INNLEIING Flora kommune har med bistand frå ivest Consult AS utarbeidd planomtale og føresegner for Alternativ 3 kulvert, i forslag til Detaljreguleringsplan for samanbinding av Rv5 - Havrenesvegen, veg/bustad. Planomtale med konsekvensutgreiing og føresegner er utarbeidd av Jane Berg Solheim og Heidi Dyrøy (ivest Consult AS) i samarbeid med Catherin Secher i Flora kommune. ROS-analyse, Landskap- og vegetasjonsvurdering, Vegvurdering, samt forprosjekt «Utgreiing miljølokk Kyrkjeparken», er utført av Norconsult AS. Plankart er utarbeidd av Flora kommune. 1.1 Bakgrunn for planarbeidet Hovudformålet med planarbeid er å følgje opp Bystyret si tilråding og tilrettelegging for ny samanbindingsveg mellom Rv5 og fylkesveg 545 (Havrenesvegen). Den nye vegtraseen skal gje ein meir trafikktrygg løysing enn dagens situasjon i Stadionvegen. Detaljreguleringsplan for samanbinding av Rv5 - Havrenesvegen, veg/bustad vart lagt fram i 3 ulike alternativ. Alternativ 1 og 2 er ei forlenging av Lindheimsvegen, og er utarbeidd i eige dokument. Alternativ 3 som er kulvert gjennom Kyrkjeparken, er utarbeidd i dette dokumentet. 1.2 Lokalisering Planområdet ligg vest i Florø sentrum i Flora kommune. Området er markert med raud ring. Figur 1: Lokalisering av planområdet (Fylkesatlas.no). 1.3 Gjeldande planar Kommuneplan Aktuelt område er i Sentrumsplanen, sett av til offentleg eller privat tenesteyting (OP10-OP11-OP12), sentrumsformål (K08), eksisterande bustad (B5-B7-B9), friområde (F3), samt eksisterande veg (Rv5 og Fv545). Figur 2. Utsnitt arealdelen for gjeldande kommunedelplan ( kommune.no). Side 4 av 37

6 Reguleringsplanar Kartet under synar detaljreguleringsplaner for området. Planområdet for Alternativ 3 kulvert kjem i berøring med 2 eldre reguleringsplanar, der følgjande planar vil delvis verte erstatta eller endra gjennom prosessen med ny detaljreguleringsplan for samanbinding av Rv5 Havrenesvegen. Desse er: PlanID : Florø, vestre bydel, godkjent PlanID : Florø, Byggebelte vest, godkjent Figur 3 og 4: Utsnitt av eldre reguleringsplanar i området ( kommune.no). 1.4 Avgrensing planområdet Det har vore varsla utviding av planavgrensing ved 2 høve. Planavgrensing for Alternativ 3 kulvert er noko mindre enn det arealet som vart varsla. Mot sør går avgrensing i friområdet sør for Michael Sars gate og i nordleg del av idrettsanlegg som grensar mot fylkesveg. I vest i eigedomsgrenser vest for rekkehusa i Stadionbakken, mot nord langs nordside av Lindheimsvegen og Rv5, medan den i aust går aust for Florø kyrkje, og inkludera områda rundt kyrkja. Planavgrensing er vist i figur 6 nedanfor. Figur 5: Rosa syna siste varsla planavgrensing (ivest Consult AS). Figur 5. Varsla avgrensing av planområdet (Flora kommune). Side 5 av 37

7 2. PLANPROSESS 2.1 Utgreiingar av ulike alternativ Planen vert no lagt fram i 3 ulike alternativ. Alternativ 1 og 2 vart framlagt til politisk behandling i Plan og miljøutvalet den (023/15). Der vart det vedtatt at det skulle utarbeidast eit 3. alternativ med ny veg i tunnel/kulvert under Kyrkjeparken og opp til Havrenesveien, med utgangspunkt i det arbeidet som vart gjort i forbindelse med Sentrumsplanen. 2.2 Kunngjering av planoppstart og medverknad i planprosess Planoppstart for dette alternativet vart varsla første gong hausten I samband med varsling av alternativ 3 og planprogram er det kome inn 42 merknadar. Planprogram og mindre utviding av område i høve første varsling vart gjennomført , med høringsfrist Utvidinga av området omfattar 7 tilgrensande eigedomar på nordsida av Rv5. I perioden hausten 2015 og ettervinter 2016 har Flora kommune gjennomført møter med alle berørte grunneigarar/brukarar. 2.3 Kort oppsummering av innspel Innspel frå berørte bebuarar i området og kyrkjelege instansar er sterkt kritiske til miljøbelastningar generert frå trafikkstøy, eksos og støv med krav om KU og dokumentasjon av støyproblematikk. Det er og kritikk av inngrep som kan skade Kyrkjeparken som trygg passasje og opphald, og dei løftar fram parken si betyding som viktig grøntområde for byen. Mange innspel kritiserer at trafikken leiast gjennom område med skule og idrettsanlegg av omsyn til trafikktryggleik. For meir grundig gjennomgang av innspel sjå vedlegg. Side 6 av 37

8 3. VIKTIGE OMSYN I PLANARBEIDET 3.1 Nasjonale føringar Detaljreguleringsplan-Samanbinding Rv5-Havrenesvegen, Nasjonale forventningar til regional og kommunal planlegging: Plan- og bygningslova frå 2008 innførte eit lovbestemt krav om at regjeringa kvart fjerde år skal utarbeide et dokument med nasjonale forventningar til regional og kommunal planlegging. Bakgrunnen er eit ønske om å oppnå betre samhandling mellom plan-nivåa, og i sum betre relevans, måloppnåing og samordning av mynde i planlegginga. I Nasjonale forventningar vedteke 12. juni 2015 er det mellom anna lagt vekt på følgjande: Gode og effektive planprosessar. Berekraftig areal- og samfunnsutvikling: Regjeringa forventar at det i planlegging mellom anna skal takst omsyn til: o Reduksjon i utslepp av klimagassar. o Klimaendringar og risiko og sårbarheit. o Identifisere og ta vare på viktige natur og kulturverdiar. o Berekraftig næringsutvikling og innovasjon i samspel med næringslivet og regionale og lokale aktørar. Attraktive og klimavennlege by- og tettstadsområde. Regjeringa forventar at det i planlegging mellom anna skal takst omsyn til: o Gjennom planlegginga trekkjer ein langsiktige grenser mellom by- og tettstadsområde og store samanhengande landbruks-, natur- og friluftsområde. o Legge til rette for nok og variert bustadbygging, lokalisert ut frå omsynet til samordna bustad-, areal- og transportplanlegging. o Kommunane sikrar trygge og helsefremjande bu- og oppvekstmiljø, frie for skadeleg støy og luftforureining. o Kommunane tek vare på naturverdiane og legg til rette for fysisk aktivitet og trivsel for heile folket ved å sikre samanhengande grøne strukturar, opne vassvegar og nær tilgang til område for leik, idrett, rekreasjon og nærfriluftsliv. o Kommunane legg prinsippa om tilgjenge og universell utforming til grunn i planlegging av omgivnader og bygningar Miljøpolitikk: Miljøpolitikken i Norge er delt inn i seks resultatområde. For kvart resultatområde er det eitt eller fleire nasjonale miljømål. Måla blir følgde opp gjennom indikatorar, som skal gje grunnlag for å vurdere utviklinga i forhold til måla. Nasjonale miljømål er mål som viser kva styresmaktene ønskjer å oppnå. Kvart resultatområde har fleire miljømål. Måla er anten knytte til ein ønskt miljøtilstand eller til påverknad av miljøtilstanden. Dei seks resultatområda med miljømål er: 1. Naturmangfald 2. Kulturminne- og kulturmiljø 3. Friluftsliv 4. Forureining 5. Klima 6. Polarområda Klimaframskrivingar og klimapolitikk: Den første rapporten «Klima i Norge 2100» vart publisert i Hausten 2015 vart den oppdaterte «Klima i Norge 2100» publisert. Denne rapporten skal gje grunnlagsinformasjon for klimatilpassing i Norge, og vil vera førande for mellom anna korleis ein skal tilpasse arealplanlegging til dei utfordringane ein står ovanfor. For å sjå på framtidig klima er perioden brukt som normalperiode, og det er brukt 3 ulike «utsleppscenario». Kort fortalt er RCP2.6 et utslippsscenario som krev drastiske kutt i utslepp av klimagassar, RCP4.5 krev betydelege kutt, medan RCP8.5-scenarioet inneber at auken i utslepp fortsetter omtrent som no. Rapporten tek ikkje stilling til kva scenario som skal nyttast vidare. Sett i lys av kompleksiteten i høve å få fram avtaler om kutt i utslepp av klimagassar, og dei omfattande samfunnsendringane som må til for å nå føresetnadane for scenarioa RCP2,6 og RCP4,5 er truleg det mest realistiske å legge til grunn RCP8.5-scenarioet i planlegginga. Det er derfor dette scenarioet som er lagt til grunn i dette planarbeidet. Side 7 av 37

9 For den regionen som Florø ligg i vil klimaendringane fram til 2100 med RCP8.5-scenarioet ha følgjande hovudtrekk: Temperatur (temperaturregion «Vestlandet): o Ein vil få ei auke i årsmiddeltemperatur på 3,9 o C dersom ein legg til grunn medianverdien. Det er ein svak trend mot at temperaturen aukar mest på vinteren og minst om sommaren, men forskjellen er relativ liten. o Talet på varme dagar (definert som dagar med middeltemperatur over 20 o C) vil truleg endre seg frå 0-1 i normalperioden til 5-10 i o Talet på dagar med snødekke vil gå ned med mellom 90 og 120 dagar. Nedbør (regionen Sogn og Fjordane/Nordhordaland) o Ein vil få ei auke i total nedbørsmengde på 17% i høve normalperioden dersom ein legg til grunn medianverdien. Auken vil vere minst om våren (8%) og størst om sommaren (16 %). o Auke i talet på dagar med kraftig nedbør med 86% (årsverdi for medianen) i høve normalperioden dersom ein legg til grunn medianverdien. Det vert og ei auke på 14 % (årsverdi for medianen) i mengda med nedbør på dagar med kraftig nedbør. Vind (Norge) o Det vert berre vist til små endringar både i middelvind og i store vindhatigheiter. Det vert visst ei svert svak minking i medianverdien for vindhastigheita som overskridast i 1 % av tida. Tendensen til lågare verdiar er sterkast vår og sommar. Vinterstid er det derimot ein tendens til auke i medianverdiane. Manglande kjennskap til framtidas utslipp av klimagassar og -partiklar, kombinert med manglar og forenklingar i klimamodellane, gjer klimaframskrivingane usikre og det er vanskeleg å få nøyaktige tal for dei endringane ein står overfor. Trendane er imidlertid tydelege i forhold til at klimaet går mot auka temperatur med alle endringar dette fører med seg. Av St.meld nr. 21 ( ) Norsk klimapolitikk går det fram at «Regjeringen vil føre en politikk som bidrar til fortsatt økonomisk vekst, men denne må skje innenfor rammen av en bærekraftig utvikling, slik at ikke kommende generasjoners muligheter til å dekke sine behov blir undergravet». I meldinga er det vektlagt at miljøpolitikken skal bygge på føre var-prinsippet. Siste stortingsmelding vedr. klima, St.meld. nr. 33 ( ) om klimatilpassing i Norge, viser til at det i første rekke er vassrelaterte utfordringar vi har i vente (særlig flom og skred, overvann og havnivåstigning), og det er presisert at Risiko- og sårbarheitsanalysar (ROS) er viktig verkemiddel for vurdering av tiltak for handtering av uønska hendinger. Naturmangfald Naturmangfaldlova vart sett i kraft frå , med siste endring av Lovens formål er: «at naturen med dens biologiske, landskapsmessige og geologiske mangfold og økologiske prosesser tas vare på ved bærekraftig bruk og vern, også slik at den gir grunnlag for menneskenes virksomhet, kultur, helse og trivsel, nå og i fremtiden, også som grunnlag for samisk kultur». Byggeskikk og estetikk: Stortinget har gjennom plan og bygningslova peika på at det skal leggast vekt på estetiske omsyn i plan og byggesaker. Born og unge: Rikspolitisk retningsline for born og unge i planlegginga, er eit verkty for at ein skal..ta hensyn til barn og unge i sin planlegging, og må legge til rette for gode bomiljøer og gode oppvekst og levekår. Samordna areal og transportplanlegging: I rikspolitiske retningslinjer for samordna areal og transportplanlegging er det sett som mål at: Arealbruk og transportsystem skal utvikles slik at de fremmer samfunnsøkonomisk effektiv ressursutnyttelse, med miljømessig gode løsninger, trygge lokalsamfunn og bomiljø, god trafikksikkerhet og effektiv avvikling. Det skal legges til grunn et langsiktig, bærekraftig perspektiv i planleggingen. Det skal legges vekt på å oppnå gode regionale helhetsløysninger på tvers av kommunegrensene. Side 8 av 37

10 3.2 Regionale føringar Fylkesplanen : Vegen vidare for Sogn og Fjordane: Gjeldande fylkesplan for Sogn og Fjordane ( ), er eit styringsdokument for utvikling i fylket. Overordna mål er å Oppretthalde folketal og busetnadsmønster, med vekt på Verdiskaping og Bu og leve. Fylkesdelplan for klima- og miljø: Fylkestinget vedtok i mars 2009 Fylkesdelplan for klima og miljø. I høve til reduksjon av klimagassutslepp, er overordna mål at Sogn og Fjordane skal gjere sitt for å nå dei nasjonale mål om å bli klimanøytral i I høve til tilpassing til klimaendringar er overordna mål at Sogn og Fjordane skal vere best mogeleg budd på klimaendringane og ikkje bygge ny sårbarheit inn i samfunnet. Handlingsplan Trafikktrygging i Sogn og Fjordane : Handlingsplan Trafikktrygging i Sogn og Fjordane , har tre satsingsområde: Unge, foreldre og arbeidsgjevar, med fleire delmål og tiltak for kvart satsingsområde. I handlingsplanen er det lagt vekt på haldningsskapande tiltak og tiltak som er knytt til åtferd i trafikken. 3.3 Kommunale føringar Sentrumsplan 2012: Kommunedelplanen for Florø sentrum, Sentrumsplanen, legg arealmessige føringar for utvikling og ønska arealbruk i kommunen. Hovudmåla for planen er å fremje byen som ein attraktiv by å bu og arbeide i. Ein aktivitetsby med bevist satsing på aktivitet og opplevingar for å trekke folk til staden, ein kulturby med fokus på byens historiske identitet, då med særlig fokus på dei verdiar som ligg til hamna og skjergarden utanføre. Klima og energi: I Sentrumsplanen er satsing på klima- og energitiltak høgare enn i fylkesdelplanen og gjeldande lovverk. Resultatmål i planen er utforma slik at det blir minst mogleg behov for bilbruk for å løyse dei daglege gjeremåla for innbyggarane i Florø. Dette inneberer mellom anna fortetting og bustadområde tett på sentrum med høg utnytting. Det er krav om på knytte seg til fjernvarmeanlegg, eller på anna måte sørgje for energieffektive løysingar til større bygg og anlegg. Det er strenge krav til fysisk utforming av bygningar, med strenge krav til energiløysningar. Universell utforming Kommunedelplan i Flora kommune legg føringar for at prinsippa om universell utforming skal gjelde for all offentleg og privat planlegging og gjennomføring i Flora kommune. Viktige mål i Kommunedelplan for universell utforming i Flora kommune er bl.a.: Godt samspel med interesseorganisasjonar og tverrfagleg/- etatleg samarbeid, som er avgjerande for eit godt resultat. Gjeldande plan- og bygningslov ligg til ei kvar tid til grunn i denne planprosessen. Kommunedelplan for universell utforming i Flora kommune skal forankrast i kommunedelplanen sin strategiske del og i arealdelen. Flora kommune har også utforma eigen rettleiar; Rettleiar for universell utforming av uteområde Estetikk I kommunedelplanen er det innarbeidd retningslinje for estetikk. Mellom anna går det fram at det i plansaker skal gjerast vurdering av tiltaket sine estetiske sider, både i høve seg sjølv og omgjevnadane. I retningslinjene er det også lagt vekt på å ta vare på ås-profilar og landskapssilhuettar. Kommunedelplan for trafikktrygging : I Kommunedelplan for trafikktrygging , vedteken , har Flora kommune fastsett visjon om 0 drepne og 0 varig skadde i Flora kommune. Hovudmål er Tryggleik Trafikantane skal kunne ferdast trygt og sikkert på vegnettet i kommunen. Alle vegar må sjåast i samanheng, og vegnettet må utformast slik at risikoen for ulukker blir redusert. Svake trafikkant grupper og vegbrukarar skal kjenne seg trygge ved bruk av vegnettet og gaterommet. Side 9 av 37

11 4. PLANOMRÅDET - DAGENS SITUASJON Detaljreguleringsplan-Samanbinding Rv5-Havrenesvegen, Figur 6. Kyrkeparken sett frå Michael Sars gate mot kyrkja (ivest Consult AS) Figur 7. Kyrkeparken sett frå inngangspartiet til kyrkja mot Michael Sars gate(ivest Consult AS) Landskap og estetikk Florø ligg i landskapsregion 20 som er «Kystbygdene på vestlandet» (NIJOS, Nasjonalt referansesystem for landskap). I motsetnad til store delar av landskapet elles i fylkje der landskapets hovudform er prega av høgreiste og nakne fjellformasjonar, er landskapet i Florø prega av ein meir «mjukare» landform, der hovudforma på landskapet er langstrakte strandflater, med ein utstrakt skjergard med tre-sette holmar og skjer. Landskapsrommet innanfor planområdet er opent mot nord, aust og delvis i vest, men vert klart avgrensa av åsryggen som strekkje seg opp i sør (Litleåsen). Florø Kyrkje ligg på ein høgde ovanfor sentrum. Herifrå er det lange siktline mot fjella i nord, og mot Brandsøyåsen i aust. Mot vest skapar bustadane eit delvis brot i siktlinja, då terrenget er lett oppstigande. Delar av Kyrkjeparken ligg i skugge frå Litleåsen og frå dei større trea i sør og i vest. Området rundt kyrkja, Kyrkjeparken, er parklandskap. Dette parklandskapet er verdsett som viktig i Miljødirektoratet sin naturbase for landskap (verdi-b), då denne type parklandslap ikkje er vanleg ut mot kysten. Parkanlegget er del av den gamle kyrkjegarden rundt kyrkja, og parken gir tydelig preg av å vere eit eldre/gamalt parklandskap, med stort innslag av store eldre lauvtre, moselagd steingard med smijernsportar, og nokon stadar kan man sjå rester etter gamle gravsteinar. Naturmangfald/Naturmiljø Lausmassedekket i området er hav- og fjordavsetning og strandavsetning, usamanhengande eller tynt dekke over berggrunn (NGU). Kyrkjeparken er av naturtypen parklandskap, som er verdsatt som viktig (B). Lokaliteten skriv seg frå første gangs kartlegging av prioriterte naturtypar i Flora kommune (Isdahl 1999). Parken blei vurdert vidareført i samband med supplerande kartlegging i Parken vart då ikkje nærare undersøkt, men det har ikkje skjedd større endringar på staden i seinare tid. I Naturdatabasen vert det sagt at parken kring Florø kyrkje er eit velutvikla parklandskap med stort innslag av eldre tre av ulike artar, og at denne type Figur 8: Kart syna område registrert som Parklandskap i Miljødirektoratet sin Naturbase parklandskap kan ha potensiale til å innehalde kravfulle og mindre vanlege artar, då denne type landskap ikkje er vanleg langs kysten. Registrerte arter er eik, lønn, bjørk, kristtorn, bøk, ask, alm og tusenfryd. Eik er registrert som utvald naturtype. Norconsult har vurdert landskap og vegetasjon i planområdet (Beskrivelse av landskap for miljølokk på Kyrkjeparken, datert , Norconsult AS) På synfaring (januar 2016), blei det observert at i vestre Side 10 av 37

12 del av parken (i trase for kulvert), er det lokalisert 11 store bjørketrær og 2 store blodbøker. Bjørketrea er gamle og i følgje Norconsult bere dei preg av å vere i nedbrytingsfase, og nokre viser og teikn til sjukdom. I nedre del av planområdet, ned mot Markegata, er det lokalisert ei trerekkje beståande av store tre av hestekastanje, bjørk og ask. I nordre del av planområdet, mot Markegata, er det registrert fleire stadar med oppvekst av platanlønn, og i området aust for parkeringsplass ved Klubbhuset og langs sørsida av Michael Sars gate, er det fleire større lokalitetar med parkslirekne. Søk i tilgjengeleg databasar viser at det ikkje er registrert spesielle artar eller naturmiljø innanfor planområdet, med unntak av den utvalde naturtypen eik. Kulturminne/Kulturmiljø Delar av planområdet ligg i eit område som er registrert i Riksantikvaren sitt register for Nasjonale kulturhistoriske bymiljø, NB-registeret. I grunngjevinga for registreringa er det lagt vekt på byens historie og utvikling, og at bysentrum framstår som intakt etter den opphavlege byplanen frå 1861 med tydeleg kvartalstruktur, der arkitekturen vitnar om ein bydannelse frå andre halvdel av 1800-talet. Byen har bevart ei tett utbygging som gjev klare sentrumsverdiar, der nærleiken til fjorden vert understreka ved at gater og plassar dannar siktliner mellom bebyggelse og fjorden. Desse kvalitetane gjer at by-området i Florø sentrum har ein klar nasjonal verdi. Vestre del av Markegata kor det skal gjerast tiltak, samt austre del av Kyrkjeparken der det ikkje er planlagt tiltak er innanfor området i NB-registeret, medan vestre del av Kyrkjeparken er ikkje ligg innafor området, sjå figur 9. Figur 9. Kart som viser delar av «område med nasjonale kulturhistoriske bymiljø» (Fylkesatlas). Florø kyrkje ligg i nær tilknyting til sentrumsområdet, men då eit «nivå» over sentrumskjerna. Kyrkja er ei langkyrkje i tre frå andre halvår av 1800-talet. Frå byrjinga var gravplassen lokalisert på sør- og vestsida av kyrkja. Fleire stader i parken kan ein sjå gravsteinar som vart etablert på staden i denne tida. På grunn av lite plass måtte det etter kort tid etablerast ny gravplass på Myrane, ein kilometer unna. Den gamle kyrkjegarden er i dag park med fontene og minnesmerke for krigsofra frå Flora kommune. Minnesmerket er ei minnestøtte for de falne i krigen , og vart satt opp i Figur 10. Minnestøtte for de falne i krigen (ivest Consult AS) Natursteinsmuren som går langs tilkomstveg på vestsida av kyrkja er eit viktig element i parklandskapet. Steingarden er omtrent 75 meter lang, vakkert moselagd, og vert oppdelt med 2 smijernsportar. Ved parkeringsplassen i Markegata er det lokalisert eit anlegg i fjell. I følgje Flora Krigshistorielag er dette eit tilfluktsrom som ein reknar med vart bygd av Flora Kommune for å trygge folk i sentrum ved flyåtak under 2. verdskrig. Anlegget er ikkje verna etter kulturminnelova, men er avsett med omsynssone for kulturmiljø i Sentrumsplanen. Der er ingen freda bygg, eller bygningar som er registrert i SEFRAK innanfor planområdet. Det er ikkje avklart om det er automatisk freda kulturminne innanfor området. Friluftsliv/nærmiljø Kyrkjeparken er eit område for rekreasjon og friluftsliv. Parken har ikkje områder som er tilrettelagt med installasjonar til leik for born, men store graskledde områder som kan nyttast til leik og opphald. Langs kyrkja og ved basseng på sørsida av kyrkja, er det fleire benkar som kan nyttast for rekreasjon. Side 11 av 37

13 Litleåsen og områda sør for kyrkjepark er del av eit større samanhengande turområde med Storåsen, Litlevatnet og Storevatnet. Her går det eit nettverk av stiar, også fleire av dei lyslagde. Planområdet grensar mot eit større idrettsanlegg i sørvest. Kyrkjeparken er viktig tilkomstveg til Florø Barneskule i aust og Flora ungdomsskule i vest. Her er stor ferdsel kvar dag, både til fots og på sykkel. Folkehelse og universell utforming Kyrkjeparken er viktig i eit folkehelseperspektiv fordi den gjev ein tiltalande tilkomst for gårande og syklande mellom Havreneset bydel, sentrum, ungdomsskulen, barneskole, idrettsanlegg og friluftsområda kring Storåsen. Sti/gangveg gjennom parkanlegg, Rv5 Markegata, Fv545 Havrenesvegen, Michael Sars gate og Stadionvegen stettar ikkje krava til universell utforming i dag. Miljøfaglege tilhøve Havrenesvegen har i dag ei trafikkmengde på ÅDT 4600 med ein tungtrafikkdel på 5 % fram til krysset til Stadionbakken. I frå krysset og austover har Michael Sars gate ein ÅDT lik 500. Rv5 Markegata har i planområdet ÅDT lik 5500 med ein tungtrafikkdel på 7 %. Planområdet har derfor i dag mest trafikkstøy frå Markegata. Tryggleik mot naturskade I høve klima er planområdet typisk for dei ytre delane av regionen. Florø ligg i ytre Sunnfjord, berre nokre mil sør for Stad, som er ein av dei mest nedbørsrike og vindutsette regionane i landet. Her er hyppige tilfelle av høg nedbørintensitet og sterk vind. Det er lite snø og delar av området er solrikt. Det er ikkje kjend at det er spesielle utfordringar knytt til overflatevatn innanfor planområdet. Eit mindre område av planområdet ved Litleåsen som er registrert med skredfare 1/1000. Infrastruktur, trafikktryggleik og tilgjenge Innafor planområdet er det i dag i hovudsak trafikk til og frå eigedomane. Tilkomst til og frå sentrum og Havreneset bydel, skjer i hovudsak gjennom Stadionvegen/Stadionbakken via Lindheimvegen og Havrenesvegen. Stadionbakken er bratt og smal, og det er ikkje mogleg for 2 bilar å passere samstundes. I tillegg er krysset mellom Stadionbakken og Havreneset vanskelig å manøvrere for større køyrety. Dette gir store utfordringar serleg vinterstid. Siste året har det blitt opparbeid gangareal med fysisk skilje mellom vegbane og gåande, samt flytting av overgangsfelt lenger mot vest. Dette er mellombelse tiltak for å betre tryggleiken for mjuke trafikkantar. Nytt fortau/gangsone stettar ikkje krav til universell tilkomst. Figur 11. Havrensvegen mellom krysset til Stadionbakken og kyrkja (ivest Consult AS) I Stadionvegen og til bustadane vest i planområdet er det lagt nytt kommunalt anlegg for avlaup og overflatevatn. Dei andre bustadane innanfor planområdet har private avlaupsløysingar. På vegkartet til Statens Vegvesen går det fram at det er registrerte ulykker innafor planområdet både i Michael Sars gate og Markegata. Det er og registrert fleire ulykker på strekninga frå Stadionvegen til Florø Figur 12. Stadionbakken set frå Havrenesvegen (ivest Consult AS) Ungdomsskule mellom bil og gåande/syklande. Denne registreringa gjeld alvorleg ulykker. Det ligg føre lite dokumentasjon i høve mindre ulykker/hendingar, men det er grunn til å tru at dette talet ligg høgare enn registrerte ulykker. Det ligg ikkje føre tilsvarande statistikk for trafikkulykker for Lindheimvegen og Stadionvegen, då desse er kommunale vegar. Det er grunn til å tru at talet på ulykker for denne strekninga ligg noko høgare enn tala frå Havrenesvegen fordi vegen her er smal, og har vore utan definert gangareal. Side 12 av 37

14 Utbygging og funksjon Innanfor planområdet er utbyggingsmønsteret i hovudsak sentrumsområde, einebustadar med til dels store tomter, i tillegg til Kyrkjeparken som ligg som eit relativt stort ope område. Samfunnsnytte, næringsutvikling og sysselsetting Havrenesvegen er viktig bindeledd for dei som bur og driv næring i Havreneset og Gunnhildvågen. Den er saman med Kinnvegen tilkomstveg til desse områda. Dagens trafikksituasjon gjer vidare utvikling av Havreneset som bydel og næringar i Gunnhildvågen vanskeleg. 5. SKILDRING AV PLANFORSLAG Figur 13. Plankart Alternativ 3 kulvert (Flora kommune) Generelt Hovudformålet med planarbeid er tilrettelegging for ny samanbindingsveg mellom Havrenesvegen og Rv5. Dette vil løyse den vanskelege og farlege trafikksituasjonen Florø i dag har gjennom Lindheimsvegen og Stadionbakken. Planalternativ3 kulvert Planalternativ3 kulvert legg til rette for å løyse tilknytinga mellom Havrenesvegen og Rv5 Markegata gjennom ein kulvert som har innslag i terrenget i søre del av opparbeidd parkeringsplass ved Markegata (Framplassen). Kulverten går under Kyrkjeparken, og kjem opp i Michael Sars gate/havrenesvegen. Mot Markegata vert krysset utforma som eit T-kryss, medan vegen i utløpet går rett over i Havrenesvegen. Utover kryssløysing mot Markegata tek ikkje planframlegget stilling til forhold knytt til Markegata (til dømes tilkomst til eigedomane på nordsida) då planarbeidet legg til grunn at dette vert løyst gjennom Statens Vegvesen sitt arbeid med opprusting av Rv 5 Markegata. Ny samankopling mellom Havrenesvegen og Michael Sars gata går via veg o_v3 på plankartet. Vegen har avkøyring frå Havrenesvegen før krysset ved Stadionbakken, og gå parallelt med ny veg fram til kulverten og vidare austover. Planforslaget legg til rette for gang- og sykkelveg gjennom kulverten. I Markegata vert denne kopla vidare til planlagt fortau på sørsida av Markegata, medan den mot Havrenesvegen følgjer køyrevegen og vert kopla til eksisterande gang- og sykkelveg langs Havrenesvegen. Det er og lagt inn gangveg frå Markegata og opp til austsida av kyrkja. I frå kyrkja er det gang- og sykkelveg o_g/s2 som knyter Markegata saman med Michael Sars gata. Denne er og tilkomst for Michael Sars gata 1. Side 13 av 37

15 Planframlegget legg opptil at krysset mot Stadionbakken skal stengjast. Etter utbygging skal Lindheimsvegen og Stadionbakken berre ha funksjon som tilkomstveg for eigedomane i området, samstundes som det må påreknast ein del gang- og sykkeltrafikk på denne vegstrekninga då dette for mange vert kortaste vegen frå Havreneset til vestre del av sentrum. Planforslaget inneber at den delen av Kyrkjeparken som ligg innanfor anleggsbeltet vert fjerna i anleggsfasen, for deretter å re-etablerast som eit miljølokk på kulverten. Eigedomane på nordsida av Havrenesvegen få innkøyring frå denne gata via V6 og o_v5 vist på plankartet I området ved Markegata er det sett av areal for framtidig kyrkjelydshus, som kan underbyggast med parkeringsanlegg, i samsvar med føringane i Sentrumsplanen. Tilkomst er løyst via Lindheimsvegen og o_v8. Eksisterande parkeringsplass ved Klubbhuset vert redusert på grunn av o_v3. Tapet av dette arealet er kompensert ved å utvide parkeringsplassen mot aust og sør, slik at plassen etter utbygging vil ha om lag same kapasitet som i dag. Resten av planområdet for dette alternativet består av allereie utbygd areal. Innanfor desse områda er føringar og føresegner i kommunedelplan for Florø sentrum (sentrumsplanen) vidareført. Innanfor eksisterande bustadområde gjev planen mogeligheiter for fortetting i høve dagens situasjon i samsvar med sentrumsplanen. Figur 14. Ortofoto som viser regulerte vegar og gangvegar, samt areal for kyrkjelydshus (ivest Consult AS) Side 14 av 37

16 6. KONSEKVENSUTGREIING 6. 1 Grunnlag for utgreiingar Planprogram I samband med høyring av planprogram har Sogn og Fjordane Fylkeskommune v/kulturavdelinga sett krav om at kulturminner knytt til kyrkja/kyrkjemiljøet og tyske kulturminne skal konsekvensutgreiast. Planprogrammet er på bakgrunn av dette revidert for å imøtekome merknaden. Der det er naudsynt, vert det peika på behov for avbøtande tiltak. Sentrale vurderingar ved framlegg til endra arealbruk vil vere nært knytt til målsetting for utvikling, kor store negative verknader det er knytt til tiltaket og kva ringverknader endra arealbruk har for samfunnet. 6.2 Tema som skal konsekvensutgreiast På bakgrunn av omfanget og verknadene av plan, er det fastsett at følgjande ikkje prissette tema skal konsekvensutgreiast: 1. Landskap og estetikk 2. Naturmiljø og naturmangfald 3. Kulturmiljø/kulturmiljø 4. Friluftsliv/nærmiljø For kvart tema i konsekvensutgreiinga, er det i programmet spesifisert hovudproblemstilling, tilrådd metode og oversikt over eksisterande kunnskap, og desse er lista opp i tabell slik: Ikkje prissette konsekvensar: 1. Landskap og estetikk Hovudproblemstilling og fokus for vurderinga Metode Grunnlagsmaterial Området rundt kyrkja, Kyrkjeparken, er parklandskap. Dette parklandskapet er verdsatt som viktig i Miljødirektoratet sin naturbase for landskap (verdi-b), då denne type parklandslap ikkje er vanleg ut mot kysten. Parken ber tydelig preg av å vere eit eldre/gamalt parklandskap, med stort innslag av store eldre lauvtre, moselagd steingarde med smijernsportar, og nokon stadar kan man sjå rester etter gamle gravsteinar. Den gamle kyrkjegarden inngår i parkanlegget. Natursteinsmuren som går langs tilkomstveg på vestsida av kyrkja er eit viktig element i parklandskapet. Vurdere kor store endringar tiltaka vil representere i landskapet i det berørte området, synlegheit og fjernverknad. Vurdering opp mot alternativ 0. Vurdering vil framgå av konsekvensutgreiing og løysingsforslag gjenspeglast i plankart/ føresegner. - Handbok V712. Konsekvensanalyser - Fylkesatlas - Kilden.skogoglandskap.no - Synfaring - Notat/Vurderingar gjort ved Beskrivelse av landskap og vegetasjon, utarbeidd av Norconsult - Landskapsplan, Norconsult - NIJOS, Nasjonalt referansesystem for landskap. - Kart med terrenginngrep. - Foto og illustrasjonar Side 15 av 37

17 2. Naturmiljø og Naturmangfald Hovudproblemstilling og fokus for vurderinga Metode Grunnlagsmateriale Kyrkjeparken er av naturtypen Parklandskap, som er verdsatt som viktig (B). I Naturdatabasen vert det sagt at parken kring Florø kyrkje er eit velutvikla parklandskap med stort innslag av eldre trær av ulik sort, og at denne type parklandskap kan ha potensiale til å innehalde kravfulle og mindre vanlege artar, då denne type landskap ikkje er vanleg langs kysten. Natursteinsmuren som går langs tilkomstveg på vestsida av kyrkja har potensiale til å huse mindre vanlege artar av vegetasjon, insekt m.m. Det er registrert fleire stadar med oppvekst av Platanlønn og fleire større lokalitetar med Parkslirekne. Planen sin verknad for naturmiljø, naturmangfald og biologisk mangfald vert i utgangspunktet vurdert på bakgrunn av føreliggande registreringar. Vurdering opp mot alternativ 0. Vurdering vil framgå av konsekvensutgreiing. - Handbok V712. Konsekvensanalyser - Naturmangfaldlova. - Artsdata i Artsdataregisteret. - Naturbasen til Miljødirektoratet - Fylkesatlas - Kilden.skogoglandskap.no - Notat/Vurderingar gjort ved Beskrivelse av landskap og vegetasjon, utarbeidd av Norconsult - Moglegheitsstudie tunnel/kulvert Kyrkjeparken Florø, ROS-vurderingar, utarbeidd av Norconsult. - Landskapsplan, Norconsult - Framlegg til arealbruk. - Tilbakemelding/innspel frå Fylkesmannen. 3. Kulturmiljø/kulturminne Hovudproblemstilling og fokus for vurderinga Metode Grunnlagsmateriale Delar av planområdet ligg i eit område som er registrert som eit område med nasjonale interesser i by (Riksantikvaren sitt register for Nasjonale kulturhistoriske bymiljø, NB-registeret). Kyrkjeparken rundt Florø Kyrkje er del av ein eldre kyrkjegard. Fleire stader i parken er det gamle graver/gravsteinar i tillegg til eit større minnesmerke frå 1946 til minne om krigsofra frå Flora kommune. Natursteinsmuren som går langs tilkomstveg på vestsida av kyrkja er eit viktig element i kulturmiljøet rundt kyrkja. Innanfor planområdet er det lokalisert eit tilfluktsrom frå 2. verdskrig. Det er ingen freda bygg, eller bygningar registrert i SEFRAK, Området kan ha potensiale for automatisk freda kulturminner innanfor planavgrensinga. Planen sin verknad for kulturminner og kulturmiljø vert vurdert på bakgrunn av føreliggande registreringar. Vurdering opp mot alternativ 0. Vurdering vil gå fram av konsekvensutgreiing. Undersøking/registrering i høve potensiale for automatisk freda kulturminne vert utført i høyringsperioden - Handbok V712. Konsekvensanalyser - Fylkesatlas Moglegheitsstudie tunnel/kulvert Kyrkjeparken Florø, ROS-vurderingar, utarbeidd av Norconsult. - Landskapsplan, Norconsult Side 16 av 37

18 - Framlegg til arealbruk. - Tilbakemelding/innspel frå kulturmynda, inkludert undersøking/registrering i høve til automatisk freda kulturminne. - Dialog med Flora krigshistorielag 4. Friluftsliv/nærmiljø Hovudproblemstilling og fokus for vurderinga Metode Grunnlagsmateriale Kyrkjeparken vert i dag i hovudsak nytta som gangtilkomst til og frå sentrum. Det er ikkje opparbeidd områder med installasjonar til leik, men parken har store graskledde områder, som i liten grad vert nytta til leik og opphald. Litleåsen og områda sør for kyrkjepark, er del av eit større samanhengande turområde med Storåsen, Litlevatnet og Storevatnet. Her går det eit nettverk av stiar, også fleire av dei med lys. Planområdet grensar mot eit større idrettsanlegg i sørvest. Kyrkjeparken er viktig tilkomstveg til Florø Barneskule i aust og Flora ungdomsskule i vest. Det er dagleg mykje ferdsel, både til fots og på sykkel. Planen sin verknad for friluftsliv og nærmiljøanlegg utanfor planområdet vert vurdert på bakgrunn av føreliggande registreringar. Etablering av leikeplass, fellesområde/møteplass, stiar og vertikale gangforbindelsar vil bli vurdert i planarbeidet. Vurdering opp mot alternativ 0. Vurdering vil gå fram av konsekvensutgreiing og løysingsforslag gjenspeglast i plankart/ føresegner. - Handbok V712. Konsekvensanalyser - Fylkesatlas - Informasjon frå offentlege instansar, kommunen og organisasjonar. - Synfaring - Landskapsplan, Norconsult - Kart med terrenginngrep. - Foto og illustrasjonar 6.3 Datainnsamling I tillegg til kjent grunnlagsinformasjon, har det gjennom planarbeidet vore utarbeidd fleire nye fagrapportar. Ved utarbeidinga av Konsekvensutgreiinga er data henta frå følgjande: Fylkesatlas Sogn og Fjordane: Artsdatabanken: Norsk institutt for Skog og landskap: Miljødirektoratet: Riksantikvaren sin offentlege kulturminnedatabase og NB! register: Flora kommune sine nettsider, samt gjeldande kommuneplanar og reguleringsplanar ivest Consult AS, Revidert Planprogram Detaljreguleringsplan Samanbinding av Rv5 - Havrenesvegen, veg/bustad, Alternativ 3 kulvert, Rev1 datert Norconsult AS, Moglegheitsstudie tunnel/kulvert Kyrkjeparken Florø - ROS-vurderingar, datert Norconsult AS, Beskrivelse av landskap for miljølokk på Kyrkjeparken, datert Norconsult AS, Beskrivelse av vegtiltak for miljølokk på Kyrkjeparken, datert Statens Vegvesen, 2006, Håndbok V712 Konsekvensanalyser. Direktoratet for naturforvalting, 2007, Håndbok 13; Kartlegging av naturtyper verdisetting av biologisk mangfold. Direktoratet for naturforvalting, 2003, Håndbok 23; Grønn by, arealplanlegging og grønnstruktur. Side 17 av 37

19 6.4 Metode Konsekvensvurderingane er baserte på metode som framgår av Statens Vegvesen sin Handbok V712 (tidlegare H140), Konsekvensanalysar, frå Tiltak i planområdet vert vurdert opp mot alternativ 0, som tek utgangspunkt i dagens situasjon utan utvikling av området. Ikkje prissette konsekvensar: I vurdering av ikkje prissette konsekvensar, står omgrepa verdi, omfang og konsekvens sentralt: Med verdi meinar ein ei vurdering av kor verdifullt eit område eller miljø er. Med omfang meinar ein ei vurdering av kor store endringar tiltaket kan føre til for dei ulike tema. Men konsekvens meinar ein ei avveging mellom fordelar og ulemper ved tiltaket i høve til dei ulike tema Forslag til avbøtande tiltak inngår ikkje i vurderinga av omfang og konsekvens. Verdien vert fastsett etter ei tredelt skala liten verdi, middels verdi og stor verdi. Vidare vert omfanget fastsett etter ei sjudelt skala frå Stort til Stort, sjå figur 15. Konsekvens vert så angitt gjennom samanstilling av verdi og omfang etter ein nidelt skala frå Meget stor positiv konsekvens (++++) til Meget stor negativ konsekvens ( ), sjå figur 16 nedanfor. Figur 15: Konsekvensvifte konsekvensgrad ved samanstilling av verdi og omfang (Statens vegvesen). Figur 16: Skala for vurdering av omfang (Statens vegvesen). 6.5 Alternativ plassering og a lternativ 0 Detaljreguleringsplan for samanbinding av Rv5 - Havrenesvegen, veg/bustad vert lagt fram i 3 ulike alternativ. Alternativ 1 og 2 er ei forlenging av Lindheimsvegen, der alternativa er utarbeidd i eige dokument. I Alternativ 3 kulvert, vert kulvertløysing gjennom Kyrkjeparken sett på som ei alternativ løysing. Desse tre alternativa vil bli vurdert opp i mot kvar andre ved politisk handsaming av detaljreguleringsplanen. Alternativ 0, tek utgangspunkt i dagens situasjon som skildra i kap 4, samt moglegheitene for utvikling som ligg i Sentrumsplanen. I Sentrumsplanen vert det lagt føringar for at det kan oppførast parkeringshus og kyrkjelydshus på Framplassen. Høgda på eit slikt hus kan maks vere ein etasje over grunnplanet til kyrkja. For Kyrkjeparken legg sentrumsplanen vekt på å bevare parklandskapet, mellom anna gjennom å setje krav i føresegnene til at endringar skal være med å forsterke parkføremålet, og gjennom omsynssone for kulturmiljø som set krav til at området skal ha ei parkmesseg opparbeiding av høg standard. Sentrumsplanen legg og til rette for å bevare gangvegane gjennom parken. Vidare legg den til rette for at det kan opparbeidast fortau langs Michael Sars gate dersom det kan dokumenterast at dette ikkje får negative verknader for området som heilskap. Planen set og krav om at området skal sjåast i heilskap og tiltak i området må samordnast, samt at det skal leggast stor vekt på den estetiske utforminga og nærleiken til kyrkja. Side 18 av 37

20 I bustadområda legg Sentrumsplanen til rette for fortetting, men med krav til tilpassing til eksisterande utbyggingsmønster i høve høgde og volum. Alternativ 0 vert såleis representert av dagens situasjon der Kyrkjeparken sine kvalitetar skal vidareførast og forsterkast, og bustadområde som har moglegheiter for fortetting. 6.6 Konsekvensutgreiing ikkje prissette konsekvensar Nedanfor er tema lista opp i kap 6.2 konsekvens Landskap og estetikk Temaet Landskap og estetikk omhandlar det visuelle bildet av landskapet i området. Natur og kulturhistoriske spor i landskapet blir vurdert under eigne tema. Figur 17. Framplassen (ivset Consult AS Figur 18. Kyrkjeparken (ivest Consult AS) VERDI Det overordna landskapet er ein del av «Kystbygdene på vestlandet» (NIJOS, Nasjonalt referansesystem for landskap). Planområdet grensar ikkje til sjø, men nærleik til sjø og det maritime er sentralt for det meste av området. Landskapsbildet innanfor planområdet består av både naturområde, tettbygd villastrøk, samt sentrumsområde. Dette og topografi på staden, delar landskapet inn i fleire små og store landskapsrom. Markegata ligg som eit eige landskapsrom der landskapsbildet er sentrumsområde. Kvalitetar i landskapet her er knytt opp til kvartalstrukturen, siktline til sjø og kyrkje og delar av parken nedanfor kyrkja, eldre trehusbebyggelse med hagar, samt ei mindre rekke med store gamle hestekastanjar, ask og bjørk langs sørsida av vegen. Området rundt kyrkja, Kyrkjeparken, er parklandskap. Dette parklandskapet er verdsatt som viktig i Miljødirektoratet sin naturbase for landskap (verdi-b), då denne type parklandslap ikkje er vanleg ut mot kysten. Parken ber tydelig preg av å vere eit eldre/gamalt parklandskap, med stort innslag av store eldre lauvtre, moselagd steingarde med smijernsportar, og nokon stadar kan man sjå rester etter gamle gravsteinar. Den gamle kyrkjegarden inngår i parkanlegget. Dette gjev området gode visuelle kvalitetar. Vestre del av Michael Sars gate/havrenesvegen ligg i ei randsone mellom tettbygd villastrøk og eit større naturområde. Her er landskapsbildet dominert av frodige trær, skogsområde ved Litleåsen og Storåsen, samt frodige hagar i villastrøket. Liten Middels Stor OMFANG Planforslaget inneber store inngrep i delar av området. Frå planlagt innløp i Markegata til utløp i Michael Sars Side 19 av 37 Figur 19. Samanstilling av planføremål og ortofoto som viser munning til kulvert mot Markegata (ivest Consult AS)

21 gate/havrenesvegen, vil det bli sprengt ei grøft i fjellet for å gje rom til konstruksjon for kulvert. Grøfta vil vere omtrent 200 meter lang. Norconsult har skissert sprengingsgropa til å måtte vere minimum 16,5 meter i botn av grøft. Sjølve anleggsbeltet gjennom traseen vil vere omtrent 45 meter brei. Munning til kulvert vil her ligge aust for eksisterande utsprengt skjering ved Framplassen, sjå figur. 19. I Markegata vil omfang for tiltak i hovudsak vere sprenging av grøft for innløp til kulvert, etablering av ny veg med kryssløysing, etablering av gang- og sykkelveg, samt riving av bygg og etablering av kryss til Lindheimsvegen. Dette vil gje permanent endring i landskapsbilde i dette området. Dei store edellauvtrea i Markegata er lokalisert i god avstand til tiltak og vert derfor ikkje berørt. Ny vegtrase/kulvert omfattar vestre del av kyrkjeparken. Her vil tiltak krevje felling av fleire større tre, riving/flytting av steingarden, samt stenging og riving av tilkomstveg frå vest i anleggsbeltet. Etter ferdigstilling av anlegg skal terreng og landskap tilbakeførast. Nye trær slik som dei som må fellast, vil ikkje kunne etablerast på nytt over kulvert, men tilkomstveg og steingard vil kunne tilbakeførast til slik dei ligg i dag. Tiltaket vil føre til store endringar i landskapsbilde i anleggsperioden. Etter ferdigstilling av anlegg vil landskapsbildet og dei estetiske kvalitetane tilbakeførast. For å kunne etablere innløp til kulvert frå vest (Michael Sars gate/havrenesvegen), må vegen senkast 5 til 6 meter for å få fri høgde til tak ved innløp. Nedstiging til kulvert vil ha ein lengde på omkring 80 meter, før innløpet, og begynner då like etter krysset ved Stadionvegen. Her vil det vere naudsynt å etablere nytt kryss med avkjøring til ny vegtase for Michael Sars gate, parkeringsplass ved klubbhuset og tilkomst til kyrkja frå vest, samt ny avkjørsel til bustadane nord for nedløp til kulvert. Tiltaket vil og omfatte utviding av parkeringsplass mot aust, med felling av fleire større trær på staden. Tiltak vil gjeve permanent endring i landskapsbildet ved ferdsel langs veg og frå bustadane nord for nedløp. Tiltak vil ha stort omfang for landskapsbildet i områda gjennom ein anleggsperiode. Etter ferdigstilling av arbeid vil landskapet ha enda seg frå slik det er i dag, men landskap og estetiske kvalitetar vil fortsatt vere viktige kvalitetar i landskapsbilde. Omfang etter ferdigstilling er derfor å sjå som ubetydeleg. Det overordna landskapsbildet vert ikkje berørt då tiltak bare vil vere synleg frå kort avstand. Anleggsperioden: Stort Middels Lite 0 Lite Middels Stort Etter ferdigstilling av anlegg: Stort Middels Lite 0 Lite Middels Stort KONSEKVENS: Eit slikt inngrep vil gje store endringar i landskapsbilde i ein anleggsperiode. Etter gjennomført tiltak skal terreng og landskap tilbakeførast og området vil bli revegetert. For vegtrase og innløp til kulvert frå Markegata vil det ved estetisk utforming og ved bruk av rette material, kunne gje området eit estetisk løft og slik leis gje området ein positiv konsekvens. Opning til kulvert er lagt aust for Framplassen og trekt mot sør i høve Markegata. Dette gjer at trafikkarealet vil kome nærare området ved inngangspartiet til kyrkja, enn det er i dag. Dette vil gjere at trafikkarealet vil bli meir synleg. Side 20 av 37

22 For parkområdet fører tiltaket til at fleire store tre vert fjerna, og fleire av desse kan ikkje erstattast på grunn av konstruksjon til kulvert. Nyplanting av nye tre i dei områda kor desse kan plasserast, vil dessutan ha eit langt tidsperspektiv i høve reetablering av landskapsbildet. Samstundes vil reetablering av parken kunne tilføre kvalitetar som området ikkje har i dag, til dømes vil fjerning av tre opne landskapet og gje betre siktlinje og solforhold. For bustadane i Michael Sars gate/havrenesvegen vil ikkje konsekvensen vere vesentleg. Dette fordi utløpet for kulvert er trekt lenger sør, og såleis i liten grad endrar landskapsbildet i dette området. Anleggsperioden: Konsekvens: Stor negativ konsekvens ( ) Etter ferdigstilling av anlegg: Konsekvens: Ubetydelig konsekvens ( 0 ) Naturmiljø og naturmangfald VERDI Langs sørsida av Markegata, på nedsida av kyrkja, er det etablert fleire større edellauvtre av typen hestekastanje, ask, samt fleire eldre bjørker. Kyrkjeparken er av naturtypen Parklandskap, som er verdsatt som viktig (B). I Naturdatabasen vert det sagt at parken kring Florø kyrkje er eit velutvikla parklandskap med stort innslag av eldre trær av ulike sortar, og at denne type parklandskap kan ha potensiale til å innehalde kravfulle og mindre vanlege artar, då denne type landskap ikkje er vanleg langs kysten. Her er registrerte artar av edellauv som til dømes eik, lønn, kristtorn, ask, alm, m.m. Eik er registrert som utvald naturtype. Natursteinsmuren som går langs tilkomstveg på vestsida av kyrkja har potensiale til å huse mindre vanlege artar av vegetasjon, insekt m.m. Aust for parkeringsplassen ved klubbhuset og langs sørsida av Michael Sarsgate grensar planområdet til Likjeåsen. Dette er eit grønt og frodig område med mange store eldre trær, der i blant edellauvtrær som til dømes Bøk, Blodbøk, Hestekastanje, m.m. I dette området er det registrert fleire stadar med oppvekst av Platanlønn og fleire større lokalitetar med parkslirekne, som er ein svartelista art. Søk i tilgjengeleg databasar viser at det utover verdifull og utvald naturtype ikkje er registrert spesielle artar eller andre naturmiljø innanfor planområdet. Liten Middels Stor OMFANG Planforslaget inneber store inngrep i delar av området. For nedre del av planområdet ved Markegata, blir det ikkje lagt opp til store inngrep eller endring i naturområd. I kyrkjeparken vil planlagt tiltak vere av eit mykje større omfang. Her vil det vere behov for å sprenge ut ein større trase som vil krevje fjerning av vegetasjon innanfor eit anleggsbeltet på omkring 45 meters bredde i heile kulverten si lengde. Her må som eit minimum fellast fleire bjørker, samt 2 eldre bøketrær. Steingarden langs tilkomstvegen må også fjernast i anleggsperioden. Side 21 av 37

23 I øvre del av planområdet omfattar planforslaget etablering av ny tilkomstveg til eigedomane som grensar til nedløp for kulvert. Etablerte hekkar, buskar og tre i grensa mot nedløp må derfor fjernast. Ved klubbhuset vert det opna for utviding av eksisterande parkeringsplass mot aust. Her må det fellast fleire større bøketre. I dette området er det tett førekomst av arten parkslirekne. I anleggsperioden er omfang av tiltak for naturmiljø å sjå som stort negativ. Då tiltak ikkje gir permanent nedbygging av natur og vegetasjon i det meste av planområdet er omfang av tiltak vurdert til lite. Området skal undersøkast av biolog før tiltak kan settast i verk. Dersom det vert gjort funn av utryddingstrua- eller andre sårbare artar ved registrering av biologisk mangfald, kan omfang av tiltak bli stort. Anleggsperioden: Stort Middels Lite 0 Lite Middels Stort Etter ferdigstilling av anlegg: Stort Middels Lite 0 Lite Middels Stort KONSEKVENS: For området ved Markegata er det antatt at tiltak ikkje vil vere i konflikt med sårbare naturmiljø eller biologisk mangfald. For Kyrkjeparken er det planlagd tiltak i eit område som er verdsatt som viktig i Naturdatabasen, då med verdi B. Sjølv om tiltak ikkje gir permanent nedbygging, og området er tenkt tilbakeført som parklandskap, kan inngrepet ha konsekvens for enkeltartar og sårbare biotopar i området. I følgje rapport frå Nordconsult AS (Beskrivelse av landskap for miljølokk i Kyrkjeparken, datert ) blei det gjort observasjon om at fleire av bjørkene som må fellast er eldre tre i nedbrytingsfase, der barken kunne gje indikasjon på sjukdom. Rapporten viser at desse i utgangspunktet er modne for fornying, og som positiv konsekvens av trefellinga, vil ein kunne får opne opp det som i dag er ein skyggefull del av parken. Konsekvensen for naturmiljøet avhengig av kor mange tre som må fellast som følgje av anleggsarbeidet, spesielt om det må fellast eik. Det tek minimum 50 år før eit edellauvtre har nådd same storleik som eksisterande tre i parken, det er derfor viktig å bevare mest mogleg av eksisterande tresjikt. Etablering av gang- og sykkelveg på nordsida av Michael Sars gate vil kunne få konsekvensar for bøke-allèn langs vegen. For øvre del av området vil det som konsekvens av planlagt utbygging, måtte fjernast fleire større edellauvtre (hovudsakleg bøk). Dette vil være for naturmiljøet. Vidare må det settast i verk tiltaksplan for fjerning av parkslirekne i området. Dette vil vere ein positiv konsekvens av tiltaket. Anleggsperioden: Konsekvens: Stor negativ konsekvens ( ) Etter ferdigstilling av anlegg: Side 22 av 37

24 Figur 22. Skisse over bunkers ved Framplassen. Detaljreguleringsplan-Samanbinding Rv5-Havrenesvegen, Konsekvens: Liten negativ konsekvens ( - ) Kulturmiljø/kulturminne Tema Kulturmiljø/kulturminne tar for seg kulturhistoriske spor i landskapet. VERDI Delar av planområdet ligg i eit område som er registrert i Riksantikvaren sitt NB-register (Nasjonale kulturhistoriske bymiljø), sjå figur. 9 side 11. I grunngjevinga for registreringa er det blant anna lagt vekt på byens historie og utvikling, og at bysentrum framstår som intakt etter den opphavlege byplanen frå 1861 med tydeleg kvartalsstruktur. Dette gjer at byområdet i Florø sentrum er av nasjonal verdi. Fjellskjeringa og parkeringsplassen ved Framplassen, har imidlertid ikkje dei høge kvalitetane som er vektlagde for resten av sentrumsområde av Florø i NB-registeret. Figur 20. Gravstein i Kyrkjeparken (ivest Consult AS) Området langs Markegata kor det skal gjerast tiltak, og austre del av Kyrkeparken, ligg innanfor dette området, medan vestre del av kyrkjeparken er ikkje innanfor registret område i NB-registeret. Florø kyrkje er ei langkyrkje i tre frå andre halvdel av 1800-talet. Lokalisert på ei høgde over sentrum av byen, ligg den som eit landemerke, godt synleg ved innseglinga til byen. Florø kyrkje vart bygd andre halvdel av 1800-talet. Perioden frå midten av 1800-talet og fram mot talet var den perioden kor det vart oppført flest kyrkjebygg etter middelalderen. Arkitektur er typisk for tida, og kyrkja er derfor ikkje under formelt vern, men er uansett eit viktig kulturminne for byen. I Sentrumsplanen er Florø kyrkje vist som særskilt verneverdig bebyggelse på illustrasjonskart til temakart 2 Omsynssone for vern av kulturmiljø, bygningar, bygningsmiljø, krigsminne. Opphavleg vart det etablert kyrkjegard i tilknyting til kyrkja i området sør- og vest av kyrkja. På grunn av lite plass måtte det etter kort tid etablerast ny gravplass nokon kilometer unna. Fleire stader i parken kan ein sjå gravsteinar frå gamle graver som vart etablert på staden i frå denne tida (sjå figur. 20). Kyrkjeparken er eit parklandskap og er eit viktig kulturmiljø rundt kyrkja. Langs tilkomstvegen på vestsida er det etablert ein steingard. Natursteinsmuren er omtrent 75 meter lang, og er oppdelt med 2 doble smijernsportar. Sør for kyrkja finn ein eit hellelagt område med benkar rundt eit vassbasseng med fontene, avgrensa med bøkehekk. Dette området ligg i tilknyting til eit større minnesmerke til minne om krigsofra frå Flora kommune. Landskapsarkitekturen, den moselagde steingarden, restane etter gamle gravsteinar, samt dei store gamle trea, er alle viktige element i kulturmiljøet rundt kyrkja. Innanfor planområdet er det lokalisert eit tilfluktsrom og ein sanitetsbunkars frå 2. verdskrig. I følgje Flora Krigshistorielag skal tilfluktsrommet som er lokalisert i fjellskjeringa ved Framplassen, ha vore eit offentleg tilfluktsrom som ein reknar med vart bygd av Flora kommune for å trygge folk i sentrum ved flyåtak under 2. verdskrig. Truleg vart anlegget plassert der på grunn av nærleik til dåverande Florø Kino og forsamlingslokalet seinare kalla FRAM. Det er usikkert kor stor del av anlegget vist i teikning i figur. 22 som Figur 21. Sti fram til basseng med fontene (ivest Consult AS) Side 23 av 37

25 faktisk er bygd. Tilfluktsrommet er i dag murt igjen, og ikkje tilgjengeleg. Sanitetsbunkarsen er lokalisert i område sør for parkeringsplass ved Klubbhuset. Denne er i god stand og vert blant anna nytta som «samlingslokale» for Flora Krigshistorielag. Anlegga er ikkje verna etter kulturminnelova, men er avsett med omsynssone for kulturmiljø ( H570_2 og H570_3) i Sentrumsplanen til Flora kommune, utan at det er knytt føresegner til området. Det er ingen freda bygg, eller bygningar registrert i SEFRAK, eller andre kjende verna eller automatisk freda kulturminner innanfor planavgrensing. Oppsummering verdivurdering kulturmiljø/kulturminne: I høve til bymiljø og det nasjonale NB-registeret, og det at bysentrum framstår som inntakt etter opphaveleg byplan med tydeleg kvartalstruktur, vil austre del av Kyrkeparken og området langs Markegata ha ei stor verdi. Fjellskjeringa og parkeringsplassen ved Framplassen er ikkje representativ for bymiljøkvalitetane, slik at området ved Framplassen vil ha noko redusert verdi. I høve til Kulturlandskapet/kulturmiljøet Kyrkjeparken, der ein finn fleire kulturhistoriske spor og der parken må seiast å vere representativ for epoken den vart etablert og ikkje lenger vanleg, vil Kyrkjeparken ha ei middels verdi. I høve til bygningsvern, representerar Florø Kyrkje vanleg førekomande kyrkjer frå tida den vart bygd og vil ut frå dette ha ei liten verdi. Bunkersene som ligg i planområdet er representative krigsminner og avsette i Sentrumsplanen som viktige kulturmiljø, og vil såleis ha ei middels verdi. I høve automatisk freda kulturminne, er det pr. dd ikkje kjende førekomstar innan planområdet. Basert på ovannemnde, er kulturmiljø/kulturminne i planområdet samla vurdert å ha middels verdi. Liten Middels Stor OMFANG Frå Markegata vil innløp til kulvert vere aust for fjellskjeringa ved gamle Framplassen. Parkeringsplassen ved innløpet ligg innanfor registret område i NB-registeret. Tilfluktsrommet frå 2. verdskrig er også lokalisert her (sjå raud markering i figur. 23). På eksisterande parkeringsplass er det tenkt etablert veg med kryssløysing til Markegata. Det er og sett av areal til kyrkjelydshus i vestre del av Framplassen, som kjem i berøring med tilfluktsrommet frå krigen. I vestre del av Kyrkjeparken, ved kulvertutløp i Michael Sarsgate/Havrenesvegen, må eksisterande vegsystem leggast om og kjem i berøring med parken. Omfang av desse inngrepa vil vere permanent. Figur 23. Raud pil markerar inngang til bunkers frå Framplassen (ivest Consult AS) Omfang av tiltak gjennom Kyrkjeparken vil innebere store inngrep i anleggsperioden. Denne delen av parken ligg ikkje innanfor område registret som bymiljø av nasjonal kulturhistoriske verdi, men kan innehalde restar frå den gamle kyrkjegarden som opphavleg vart etablert i tilknyting til kyrkja. Ein av gravsteinane frå denne kyrkjegarden ligg innanfor anleggsbeltet for kulvert. Steingarden i parken er lokalisert innanfor anleggsbeltet og gjennom trase for kulvert, og det vil vere behov for å flytte denne i anleggsperioden. I følgje Norconsult AS si vurdering vil det og bli naudsynt å felle 11 eldre bjørker, og 2 bøketre. I denne konsekvensutgreiinga har vi vurdert dette til å vere eit minimum, slik at omfang av tre som må fellast kan få eit større omfang. Hovuddel av den eldre kyrkjegarden, minnesmerke til minne om krigsofra frå 2. verdskrig, området rundt vassbasseng og fontene, samt fleire større tre ligg utanfor anleggsbeltet og vil derfor ikkje bli direkte berørt av anleggsarbeidet eller planforslaget. Sanitetsbunkersen ligg også utanfor område som blir berørt av planlagde tiltak. Planlagde tiltak er vurderte å ha stort omfang i anleggsfasen og lite omfang etter ferdigstilling. Dersom det vert gjort funn av automatisk freda kulturminne i området, vil det og kunne gjere omfanget av tiltaket vesentleg større for kulturminne. Side 24 av 37

26 Anleggsperioden: Stort Middels Lite 0 Lite Middels Stort Etter ferdigstilling av anlegg: Stort Middels Lite 0 Lite Middels Stort KONSEKVENS: For området i Markegata vil tiltak vere permanent. Området ved innløp til kulvert ligg innanfor sentrumsområdet som er registret som område med bymiljø av nasjonal kulturhistoriske verdi. Fjellskjeringa og parkeringsplassen som ligg der i dag, har ikkje dei kvalitetane som er vektlagde for resten av sentrumsområde av Florø i NB-registeret. Med god estetisk utforming, samt gode materialval kan planlagt tiltak innebere ei forbetring i høve til dagens situasjon. Oppstramming av trafikkareal og etablering av gang- og sykkelveg langs Markegata vil vere ei vidareføring av kvartalsstrukturen som er typisk for resten av sentrumsområdet. Vi har derfor vurdert tiltaket på permanent basis å innebere ubetydeleg konsekvens i høve til dei nasjonale kulturhistoriske bymiljøverdiane. Det er usikkert kor mykje av det gamle tilfluktsrommet ved Framplassen som vert berørt ved bygging av kulvert, ut frå usikkerhet knytt til storleik og form på bunkersen. Ved bygging kyrkjelydshus på o_kp1, vil dette tiltaket derimot kunne kome i direkte berøring med bunkersen. I og med at tilfluktsrommet ikkje er tilgjengeleg, kan ein ikkje fastsette eksakte konsekvensar. Vi har antatt at konsekvens på permanent basis vert middels negativ. For Sanitetsbunkersen og kyrkja er tiltaket vurdert å medføre minimal konsekvens på permanent basis, ut frå at desse ligg utanfor planlagde tiltak. Samla vert konsekvens for bygningsvern vurdert til middels. Kyrkjeparken skal reetablerast som park etter ferdigstilling av kulvert. Parken vil såleis bestå som kulturlandskap/kulturmiljø ved realisering av reguleringsplanen, men vert noko redusert i vest som følgje av omlegging av vegsystemet ved utløp av kulvert. Tiltak i anleggsperioden vil imidlertid påverke parken også på sikt, slik at denne får eit noko endra preg i høve til i dag. Dei store trærne som blir fjerna, kan ikkje reetablerast, og ny beplatning inneber endring i karakter. Steingard vil imidlertid kunne gjennoppbyggast som opprinneleg eller tilnærma som opprinneleg. Minnesmerke, området rundt vassbasseng og fontene vert ikkje berørte og vil og kunne vidareførast uendra. Hovuddelen av den gamle kyrkejgarden vil og kunne vidareførast. Mange viktige element i parken kan vidareførast/reetablerast etter anleggsperioden, og konsekvens på permanent basis vert difor vurdert som liten negativ. Planlagde tiltak vil ha størst konsekvens i anleggsperioden, og konsekvensane vil i denne perioden kunne karakteriserast som store negative, spesielt for Kyrkjeparken. Bygging av veg i kulvert vil medføre felling av trær, flytting av steingard, nærføring til kyrkja og anleggsarbeidet vil elles sterkt påverke parken som heilheilt. Tilkomst frå vest kan ikkje nyttast i anleggstida. Samla vert konsekvens på permanent basis vurdert å vere liten negativ, medan konsekvens i anleggsperioden vert vurdert å vere stor negativ. Anleggsperioden: Konsekvens: Stor negativ konsekvens ( ) Etter ferdigstilling av anlegg: Konsekvens: Liten negativ konsekvens ( - ) Side 25 av 37

27 Friluftsliv/nærmiljø VERDI Området for planlagt innløp til kulvert og Markegata er ikkje område med verdi for friluftsliv, eller viktig som nærmiljø for ferdsel til fots eller på sykkel. Kyrkjeparken der i mot, har stor verdi, då serleg som eit viktig nærmiljøområde for ferdsel. Parkens plassering mellom sentrum og bydelen Havreneset, idrettsanlegg, skuler, samt større friluftsområde, gjer at hundrevis passerar gjennom området kvar dag. Området er spesielt viktig som skuleveg for barn og ungdom som skal til Florø Barneskule i frå vest, og til Flora ungdomsskule i frå aust. Parken har ikkje områder som er tilrettelagt med installasjonar til leik for born, men store graskledde områder legg til rette for fri leik og rekreasjon. I forbindelse med utarbeiding av Sentrumsplanen vart det utført Barnetråkkregistrering i sentrumsområdet av Florø. Kyrkjeparken vart då registrert som favoritt område, og som leike/opphaldsområde med middelsbruk, av borna. Langs kyrkja og ved basseng/fontene på sørsida av kyrkja, er der fleire benkar, desse gir moglegheit for rekreasjon i eit fredeleg parklandskap. På dagar som 17. mai blir parken nytta som offentleg møtestad, med tale og markering til minne om dei som falt under 2. verdskrig. Kyrkjeparken ligg i ein overgang til Litleåsen og eit større samanhengande turområde med Storåsen, Litlevatnet og Storevatnet. Her går det eit nettverk av stiar, også fleire av dei lyslagde. Øvre del av planområdet er i berøring med Florø stadion som er del av eit større idrettsanlegg. Idrettsanlegget og turområdet i sør er områder med stor verdi for friluftsliv og som nærmiljøanlegg. I Barnetråkkregistrering vart idrettsanlegget registrert som favoritt område for barna, og som Masse brukt. leike/opphaldsområde. Parkeringsplassen ved Klubbhuset vert på kvardagar nytta av folk som arbeidar i sentrumsområdet. Ettermiddag/kveld og helger er den nytta til parkering til idrettsanlegg og friluftsområde. Liten Middels Stor OMFANG Figur 24. Samanstilling av planføremål og ortofoto som viser ny trase for Michael Sars gate (ivest Consult AS). I Kyrkjeparken vil omfang av tiltak knytt til anleggstida vere negative. Anleggsarbeid med sprenging av trase og bygging av kulvert, vil hindre ferdsel og anna bruk i store delar av området i anleggsperioden. Etter ferdigstilling av kulvert og vegtrase skal området tilbakeførast som parklandskap, med opparbeidde gangvegar gjennom parken, samt fleire samanhengande gang- og sykkelvegar langs ny trase i kulvert, og langs Michael Sars gate. Omfang av tiltak er såleis midlertidig i forhold til bruk. Trase til kulvert vil bli ei forlenging av Havrenesvegen i frå vest. Ny trase for Michael Sars gate blir derfor flytta sør for nedløp, og ny avkjørsel må derfor opparbeidast, sjå figur Omfang er permanent. Side 26 av 37

28 Anleggsperioden: Stort Middels Lite 0 Lite Middels Stort Etter ferdigstilling av anlegg: Stort Middels Lite 0 Lite Middels Stort KONSEKVENS: Tiltaket vil ha negativ konsekvens for bruken av parken i ein anleggsperiode. Då både som friluftsområde og som nærmiljø for ferdsel til fots og med sykkel. Det at mange barn og unge nyttar område som skuleveg gir tiltak større konsekvens i anleggstida. Etter ferdigstilling av anlegg vil parken bli tilbakeført og reetablerast til parkareal. Dette gir moglegheit for til fornying av området, og på den måten forsterke områdets kvalitetar som område for friluftsliv, rekreasjon, leik m.m. Etablering av kulvert vil gje endring i køyremønster, ny trase for gang- og sykkelveg, og endring i tilkomst til friområde. Endring i køyremønster vert her sett på som ei oppstraming av trafikkareala, og vil derfor vere ein positiv konsekvens. Etablering av ny tilkomstveg til Michael Sars gate vil komme nærmare idrettsanlegget enn det den er i dag, men det er ikkje vurdert at dette vil få konsekvens for bruken av anlegget. Utviding av parkeringsplass mot sør og aust, skal kompensere for nedbygging av eksisterande parkeringsareal og blir derfor vurdert som ubetydeleg. Vidareføring av eksisterande gang- og sykkelveg, samt etablering av ny, vil gje samanhengande gang- og sykkelveg frå Havreneset i vest, til sentrum, og vidare til Krokane. Dette er ein positiv konsekvens av planforslaget. Tiltak vil ikkje berøre turområda i Storåsen, Litlevatnet og Storevatnet. Anleggsperioden: Konsekvens: Middels negativ (- -) Etter ferdigstilling av anlegg: Konsekvens: Liten positiv ( + ) 6.7 Samla Konsekvens I konsekvensutgreiinga er det konkludert med at realisering av Alternativ 3 kulvert, vil medføre til dels stor negativ konsekvens for landskap, natur, kultur og friluftsliv i anleggsperioden. Etter ferdigstilling av anlegg kan tiltak fortsatt ha negativ konsekvens for natur og kultur. Førebels er dette vurdert som liten negativ konsekvens men dette vil først kunne endeleg fastsettast etter at det er blitt utført kulturminneregistrering og kartlegging av biologisk mangfald på staden. For landskap er konsekvens vurdert som ubetydeleg då området skal tilbakeførast som parklandskap. For friluftsliv kan tiltak ha ein positiv konsekvens då det vert tilrettelagt for gode gang- og sykkelvegar. Samla er Alternativ 3 kulvert vurdert å medføre Stor negativ konsekvens i anleggsperioden og Liten negativ konsekvens etter ferdigstilling av anlegg, etter følgjande oppsett: Side 27 av 37

29 TEMA KONSEKVENS I ANLEGGSPERIODEN KONSEKVENS ETTER FERDIGSTILLING AV ANLEGG Landskap og estetikk Stor negativ konsekvens ( - ) Ubetydelig konsekvens ( 0 ) Naturmiljø og naturmangfald Stor negativ konsekvens ( ) Liten negativ konsekvens ( - ) Kulturmiljø/kulturminne Stor negativ konsekvens (- - - ) Liten negativ konsekvens ( - ) Friluftsliv/nærmiljø Middels negativ konsekvens (- -) Liten positiv ( + ) Samla konsekvens Stor negativ konsekvens (- - - ) Liten negativ konsekvens ( - ) (utrekna i snitt) Figur.25: Samla konsekvens i kap. 5. Side 28 av 37

30 7. VURDERINGAR OG KONSEKVENSAR ØVRIGE TEMA 7.1 Landskap og estetikk I konsekvensutgreiinga er det konkludert med at realisering av Alternativ 3 kulvert, vil medføre stor negativ konsekvens for landskap i anleggsperioden. Etter ferdigstilling er konsekvens for landskap vurdert å være ubetydeleg då området skal tilbakeførast som parklandskap. For å redusere verkandane for landskap er det lagt inn krav i føresegnene om utarbeiding av plan for anleggsperioden som viser naudsynte tiltak, der behov for felling av tre skal dokumenterast, samt plan for tilbakeføring av parklandskapet. Det er og lagt inn krav til estetisk utforming og materialbruk i kulvert for å sikre god landskapstilpassing av denne. 7.2 Naturmiljø og naturmangfald I konsekvensutgreiinga er det konkludert med at realisering av Alternativ 3 kulvert, vil medføre negativ konsekvens for natur i anleggsperioden. Etter ferdigstilling av anlegget kan tiltaket fortsatt ha negativ konsekvens for natur, men parkområdet skal vidareførast. Endeleg konsekvens vil først kunne fastsettast etter at det er blitt utført kartlegging av biologisk mangfald på staden. Området har potensiale for kravfulle og mindre vanlege artar. Då det ikkje er gjennomført kartlegging av biologisk mangfald er kunnskapsgrunnlaget ikkje vurdert som tilfredstillande i forhold til krav i Naturmangfaldlova (nml) 8. Det er planlagt kartlegging i samband med offentleg høyring. Før det kan gjerast vurdering etter nml 9 og 10 i høve verknadar må kartlegging være gjennomført. I forhold til nml 12 sitt krav om miljøforsvarlege teknikkar og driftsmetodar føreset planframlegget gjennom plankart og eller føresegnene at utbygginga skal gjerast på ein miljøfagleg god måte. 7.3 Kulturmiljø/kulturminne I konsekvensutgreiinga er det konkludert med at realisering av Alternativ 3 kulvert, vil medføre negativ konsekvens for kultur i anleggsperioden. Etter ferdigstilling av anlegg kan tiltak fortsatt ha negativ konsekvens for kultur, men dette vil først kunne fastsettast etter at det er blitt utført kulturminneregistrering. Registrering er planlagt i samband med offentleg høyring 7.4 Friluftsliv/nærmiljø I konsekvensutgreiinga er det konkludert med at realisering av Alternativ 3 kulvert, vil medføre negativ konsekvens for friluftsliv i anleggsperioden. Det at mange barn og unge nyttar område som skuleveg har tiltaket større konsekvens i anleggstida. Det er derfor sett krav i føresegnene om at o_v3 og o_g/s1 langs denne skal være opparbeidd og farbar før arbeidet med o_v1 tek til. Etter ferdigstilling vil tiltaket ha ein positiv konsekvens då det vert tilrettelagt for gode gang- og sykkelvegar. 7.5 Folkehelse, barn og unge og universell utforming Innanfor planområdet er det lite tilrettelagt for leik og felles møteplassar i dag, og Kyrkjeparken vert i stor grad nytta som gang- og sykkeltilkomst mellom Havreneset og sentrum. Denne bruken gjer Kyrkjeparken viktig i eit folkehelseperspektiv fordi den gjev trafikktrygg gangtilkomst mellom Havreneset bydel, sentrum, ungdomsskulen, barneskole, idrettsanlegg og friluftsområda kring Storåsen. Å legge til rette for trygg gang- og sykkeltilkomst til desse funksjonane for framtida er viktig både for folkehelse og born- og unge sine interesser. Sti/gangveg gjennom parkanlegg, Rv5 Markegata, Fv545 Havrenesvegen, Michael Sars gate og Stadionvegen stettar ikkje krava til universell utforming i dag. Figur 26. Eksempel på attraktiv utforming av kulvert med lyssetting ( Side 29 av 37

31 Ny vegtrase i alternativ 3 -kulvert vil stette krava til universell utforming. Den vil såleis være med å gje samanhengande fortau/gangveg frå yst i Havreneset og fram til Florø sentrum. I føresegnene til planen er det lagt vekt på at kulverten skal utformast slik at den skal følast trygg og være attraktiv å bruke også for gåande/syklande. Figur 27. Utsnitt frå illustrasjonsplan som viser forslag til ny opparbeiding av parken (Norconsult AS) Planframlegget legg til rette for ei re-etablering av Kyrkjeparken etter utbygging, der det og i større grad vært lagt til rette for leik og opphald i området. Til dømes kan skulpturelle leikeinstallasjonar vest i parken kunne invitere born til å nytte området, utan at leikeinstallasjonar vil gje eit dominerande inntrykk i høve kyrkja. I austre delen vert dagens situasjon behalde, slik at ein i samband med kyrkja og minnesmerket beheld det roleg miljøet som er i parken i dag. For å gjere området attraktivt vil det imidlertid være naudsynt med tiltak i høve støydemping og demping av viberasjonar frå kulverten. Det er derfor innarbeidd krav til dette i føresegnene til planen. Figur 28. Eksempel på skulpturelle leikeinstallasjonar (Urban Design Berlin) 7.6 Miljøfagleg tilhøve Støy I ROS-analysen er støy vurdert som ein konsekvens av tiltaket, og ikkje som ei uønskt hending. Støy er derfor ikkje nærare vurdert i analysen. Ny veg vil erstatte Lindheimsvegen og Stadionbakken som tilkomstveg mellom Havrenesvegen og Rv 5 Markegata. Trafikkmengda langs aktuell strekning av fylkesveg forbi kyrkja, Michael Sars gate, har ÅDT 500, vest for Stadionbakken aukar ÅDT til 4600, begge har ein tungbil-del på 5 % (tal henta frå Statens Vegvesen sitt vegkart 2016). Lindheimsvegen og Stadionbakken er kommunal veg og derfor føreligg der ikkje tal frå Statens vegvesen for denne strekka. Det at ÅDT aukar frå 500 til 4600 etter krysset ved Stadionbakken, gjev ein indikasjon på at eksisterande trase opp Stadionbakken har ein ÅDT på 4100 med tungtransport på 5%. Side 30 av 37

32 Norconsult har utarbeidd eit notat «Beskrivelse av vegtiltak for miljølokk på Kyrkeparken». I denne tek dei utgangspunkt i ein ÅDT på gjennom kulverten/tunnel per i dag. For berekning av prognose for framtidig tal har dei brukt ein trafikkindeks basert på trafikkdata i Evja. I 2013 var talet 7277, medan det i 2014 var Dette gir ein årleg trafikkvekst på ca. 1,9 %. Dei har vidare lagt til grunn at nye vegar normalt skal dimensjonerast for trafikkmengde 20 år etter opning. Dei legg til grunn at planleggings- og byggingsperioden vil vere 10 år i dette tilfelle, slik at vegen må dimensjonerast for estimert trafikkmengde 30 år frå no. Ved å legge trafikkvekstindeks på 1,9 til grunn vil dette gje trafikk i kulverten på kring 7000 bilar pr Figur 29. Støyvarselkart 2025 (Statens Vegvesen). dag. I denne framskrivinga er det ikkje spesielt teke høgde for vesentleg ny utbygging på Knapstadmarka, Norheimsmarka eller Gunhildvågen. Det er heller ikkje teke høgde for eventuell reduksjon i trafikk som følgje av tiltak for å nå nasjonale mål om reduksjon i klimagassutslepp. Av Statens Vegvesen sitt støyvarselkart som er basert på trafikkprognoser for år 2025 ser ein at strekninga som ny veg skal erstatte har støy tilsvarande L den (gul sone) i eit belte langs begge sider av vegen, og heilt inntil vegen er det berekna eit støynivå over 65 L den (raud sone), sjå figur 30. Støyvarselkartet viser og at store delar av Kyrkjeparken vil ligge i gul støysone, og at den delen av parken som er nærast Markegata vil ligge i raud støysone. Støyvarselkartet er basert på ÅDT frå 2010, med ein framskriving av trafikkmengda med utgangspunkt i dagen situasjon. Framskrivinga har ikkje teke høgde for vesentleg ny utbygging på Knapstadmarka, Norheimsmarka eller Gunnhildvågen. Både alternativ 1 og 2 og alternativ 3 legg til rette for at trafikken til Havreneset skal gå gjennom Markegata. Eigedomane inntil Markegata, inkludert kyrkja og Kyrkjeparken vil derfor uavhengig av kva alternativ som vert valt ha ulemper knytt til støy og støv frå biltrafikken. Høgdeforskjellen mellom kyrkja og Kyrkjeparken vil dempe støyen noko. Bruk av kulvert vil kunne forsterke støyproblematikken i munningane og gje viberasjonar dersom dette ikkje vert teke omsyn til i utforming av anlegget. Bekymring for støy og vibrasjonar frå anlegget er forhold som går igjen i merknadane frå naboane. Det er føreslått fartsgrense 40 km/t for både for ny veg i Norconsult AS sitt notat «Beskrivelse av vegtiltak for miljølokk på Kyrkjeparken» og for utbetring av Markegata basert på Statens Vegvesen sitt forprosjekt. Låg fast gjennom kulverten vil være med å redusere både støy og viberasjonar. Då trafikkmengda kan endre seg fram til vegen vert bygd, er det ikkje gjennomført vurdering av støy og viberasjonar på dette stadiet i planlegginga. I standen er det sett krav i føresegnene i høve støy, og innarbeidd krav til utforming av kulvert for å dempe støy og vibrasjonar. Vidare er det lagt inn rekkjefølgjekrav i føresegnene om at støyvurdering må være gjennomført og avbøtande tiltak må inngå i detaljprosjekteringa, slik at dei avbøtande tiltak vert mest mogleg effektive i høve reelt trafikknivå. Forureining I tettstadsområde kan det vere fare for ureina grunn, og det må derfor gjerast vurderingar av fare for ureina grunn i området. Dersom det er grunn til å tru at det kan vere ureininga i grunnen det skal gravast i, må det takast jordprøver for å kartlegge ureiningsfaren i reguleringsplanområdet. Dersom det er ureina grunn over normalverdiane pliktar tiltakshavar å utarbeide ein tiltaksplan. Tiltaksplanen skal godkjennast av kommunen, som etter kap. 2 i ureiningsforskrifta er loka ureiningsstyremakt for bygging og graving i ureina grunn (Fylkesmannen). Side 31 av 37

33 Akutt forureining (utslepp) Trafikk til industriområder i Havreneset og Gunnhildvågen vil gå gjennom den nye kulverten. I ROSanalysen det sett på utslepp av kjemikaliar som følgje av ei trafikkulukke, sjå kap og i analysen. Analysen føreset at farleg gods som i dag fraktast mellom rv.5 og Havrenesvegen via Livius Smittgate og Michael Sars gate i sin heilskap vert overført til den nye samankoplinga Tiltaket vert i analysen vurdert som lite sårbart for akutt ureining frå utslepp av kjemikaliar som bensin, diesel eller andre petroleumsprodukt. I høve utslepp av farleg gods vert det vist til at i følgje Transportøkonomisk Institutt si kartlegging av farleg gods vert det transportert 729 tonn/m3 ammoniakk på denne vegstrekninga. I ROS-analysen vert det lagt vekt på at sårbarheita med ei kulvertløysing er vurdert som større enn i dag grunna at kulverten kan bidra til konsentrasjon av ammoniakkgass i større grad enn om utsleppet skjer i friluft. Då leveransen av ammoniakk avgrensar seg til i snitt ei leveranse i året er sannsynet for ei ulykke i kulverten vurdert som lite sannsynleg, medan konsekvensen av ei ulykke med ammoniakkutslepp i kulverten er vurdert som stor. Som risikoreduserande tiltak er det lagt vekt på at sjølv om transport av farleg gods berre førgår i snitt ein gong i året bør kommunen ha evakueringsplan og beredskapsplan for ei lik ulykke. Vidare kan det innførast trafikkreguleringar slik at farleg gods berre kan nytte kulverten til tider på døgeret der det oppheld seg lite folk i området, eller at slik transport berre skal nytte vegar som går i dagen. 7.7 Tryggleik mot naturskade Overvatn Klima i området er typisk for dei ytre delane av regionen. Florø ligg i ytre Sunnfjord, berre nokre mil sør for Stad, som er ein av dei mest nedbørsrike og vindutsette regionane i landet. Her er hyppige tilfelle av høg nedbørintensitet og sterk vind. Det er lite snø og delar av området er solrikt. Dersom ein legg RCP 8,5 senarioet til grunn for framtidig klima ser ein at det kan påreknast generell auke i nedbør, med auke i dagar med sterk nedbør og auka nedbørsintensitet på desse dagane, sjå kap 3.1. Som det går fram av ROS-analysen kap vil problem knytt til ekstremnedbør for bygging av veg i hovudsak være handtering av overflatevatn ettersom ein permeabel flate med eit visst potensial for fordrøying vert erstatta med ein lukka flate som fører vatnet til ein annan stad enn før. Analysen legg til grunn at dette let seg løyse ved å legge Statens Vegvesen sine krav til overvasshandtering mellom anna frå handbok N200 og N500 til grunn for løysingar og dimensjonering av tiltak for handtering av overvatn. Dette er innarbeidd i føresegne til planen. På dette grunnlaget konkluderer ROS-analysen med at tiltaket er lite sårbart for ekstremnedbør. Kvikkleire Området ligg under marin grense. I følgje NGU sitt lausmassekart er lausmassane i området dominert av tynn hav/strandavsetning. Då lausmassedekket i området er tynt, er risikoen for at det skal være kvikkleire i massane som vil ha betyding for stabiliteten vurdert som liten. Det er derfor ikkje vurdert som naudsynt å innarbeide avbøtande tiltak i planframlegget. Figur 30. Skravert område ligg over marin grense (NVEatlas) Side 32 av 37

34 Skred I samband med utarbeiding av kommunedelplan for Florelandet-Brands øy gjennomførte NGI i 2006 ei skredfarekartlegging på oppdrag frå Flora kommune. Denne viser at det på nordsida av Litleåsen er eit område med skredfare for stein- og jordskred. Ein mindre del av vegen o_v3 vil kome innfor faresone for skred med sannsyn 1/1000. I følgje TEK tilsvarar eit sannsyn for skred på 1/1000 tryggleiksklasse S2. Det vil derfor ikkje være naudsynt å iverksetje tiltak for skredsikring i høve dagens situasjon. Været er saman med terrengforhold ein av dei viktigaste utløysingsfaktorane for skred. Som vist til i kap 3.1 vil både nedbør og nedbørintensiteten auke i Vestlandsregionen som følgje av klimaendringar. Dette gjer at faren for jord- og flaumskred vil kunne auke i bratt terreng. Området er tresett og dette kombinert med tynt lausmassedekke gjer det mindre sannsynleg at jord- og steinskred skal utgjere ein vesentleg risiko sjølv med framtidas klima. Det er derfor ikkje vurdert som naudsynt å innarbeide særskilte avbøtande tiltak i planframlegget. Figur 31. Utsnitt frå NGI sitt skredfarekart (NGI) 7.8. Infrastruktur, trafikktryggleik og tilgjenge Tilkomst til og frå sentrum og Havreneset bydel skjer i hovudsak gjennom Stadionvegen via Lindheimvegen og Havrenesvegen. Vest for planområdet ligg eit større idrettsanlegg og Flora ungdomsskule. Sistnemnde er byens einaste ungdomsskule, og har 458 elevar i skuleåret 2014/2015. Aust for planområdet ligg Florø Barneskule som har 550 elevar. Planområdet ligg som eit kryssingspunkt mellom dei to skulane og det ferdast derfor mange hundre barn og ungdomar igjennom området kvar dag. I følgje opplysingar henta frå Statens Vegvesen sitt vegkart er det registrert fleire ulykker på strekninga frå Stadionvegen til Florø Ungdomsskule mellom bil og gåande/syklande. Denne registreringa gjeld alvorleg ulykker. Det ligg føre lite dokumentasjon i høve mindre ulykker/hendingar, men det er grunn til å tru at dette talet ligg høgare enn registrerte ulykker. Det ligg ikkje føre tilsvarande statistikk for trafikkulykker for Lindheimvegen og Stadionvegen, då desse er kommunale vegar. Det er grunn til å tru at talet på ulykker for denne strekninga ligg noko høgare enn tala frå Havrenesvegen fordi vegen her er smal, og har fram til hausten 2015 vore utan definert gangareal. Det er no opparbeidd gangareal i Stadionvegen som ei mellombels løysing i påvente av ny samanbinding mellom Rv5 og Fv545. I ROS-analysen er det sett på trafikkulykker, sjå kap i analysen. Analysen føreset at tiltaket utformast etter gjeldande vegnormal, noko som vil betre trafikktryggleiken der vegen byggast ny, sjølv om tiltaket inneber ein kulvert. I analysen vert det lagt vekt på at Florø sentrum er utsett for ulukker mellom bil og mjuke trafikkantar. I analysen vert det derfor rådd til at veganlegget bør utformast slik at det ikkje er mogleg å køyre med høg fart gjennom kulverten og ut i sentrumsgatene. Fartsdumpar, lysregulert gangfelt, rumlefelt etc. er moglege løysingar. Ein kan og vurdere fysiske skilje mellom trasé for mjuke trafikkantar og biltrafikken sjølv om det kan vere i strid med god gateutforming i sentrum. Den beste løysinga kan vere å utforme gata under kulverten som ei miljøgate, utforma på dei mjuke trafikantane sine premissar. Det er innarbeidd krav for betring av trafikktryggleiken i føresegnene samsvar med funn i ROS-analysen. Side 33 av 37

35 Planframlegget legg til rette for ein veg som stettar krav til universell utforming med Sa2 standard (samleveg med trafikkmengde over 1500 ÅDT) etter Handbok N 100. Vegen vil ha fortau/gangveg på sørsida som knyter seg til eksisterande gang/sykkelveg langs Havrenesvegen. Det vert i tillegg eit nytt fortau langs Michael Sars gate. Fortau/gangveg har funksjon som gjennomgåande gang- og sykkelveg, slik at der planen legg til rette for ny samankopling mellom Havrenesvegen og Michael Sars gate, o_v3 vil køyrande ha vikeplikt ved kryssing av gangvegen. Det er og innarbeidd krav i føresegnene til planen for å gje planframlegget tilfredstillande trafikktryggleik i samsvar med funn i ROS-analysen. Ved stenging av Stadionbakken og Lindheimsvegen for gjennomkøyring vil denne strekninga berre fungere som tilkomstveg for eigedomane. Då dette naturleg er kortaste vegen frå Havreneset til vestre del av sentrum er det rimeleg å legge til grunn at denne strekninga og vil bli brukt av gåande og syklande. På grunn av lite biltrafikk på strekninga etter utbygging vil dette kunne gjerast på ein trafikktrygg måte. Det er innarbeidd rekkefølgjekrav i føresegnene der o_v3 og o_g/s1 skal være opparbeidde og farbare før Figur 32. Munning til kulvert mot Havrenesvegen (Norconsult AS) arbeidet med o_v1 tek til. Desse avbøtande tiltaka vil sikre trafikktryggleik for mjuke trafikantar også i anleggsfasen Utbygging og funksjon Innanfor planområdet er utbyggingsmønsteret i hovudsak sentrumsområde, einebustadar med til dels store tomter, i tillegg til kyrkja og Kyrkjeparken som ligg som eit stort ope parkområde. I gjeldande sentrumsplanen er det lagt til rette for fortetting i bustadområda, og i området mellom Kyrkjeparken og Markegata er det sett av areal til park, parkering og kyrkjelydshus. For å kompensere for tap av parkeringsplassar ved Klubbhuset som følgje av ny trase for Michael Sars gata (o_v3) er parkeringsplassen utvida noko mot sør og aust. Den eine portalen til kulverten vil munne ut i Havrenesvegen, den andre i Markegata. Havrenesvegen må senkast 5,6m for å få fri høgde i kulverten. I føresegnene til planframlegget er det lagt sterke føringar i høve utforming av munningane til kulverten, både for å dempe støy og vibrasjonar og for å sikre ei god estetisk utforming i høve omgjevnadane generelt og Kyrkjeparken spesielt. Planframlegget førar til endringar av 3 avkøyrsler. Avkøyrslene vil kome litt lenger inn på eigedomane enn i dag, men dei vil ikkje føre til behov for endra opparbeiding internt på eigedomane. I samband med nye avkøyrsler og tilkomstveg vil det være behov erverv av i underkant av 0,5 daa privat grunn. I området ved Markegata er det sett av to areal for framtidig kyrkjelydshus, som kan underbyggast med parkeringsanlegg, i samsvar med føringane i Sentrumsplanen. Tilkomst er løyst via Lindheimsvegen og o_v8. Tilkomst til kyrkja er løyst gjennom o_v5 og o_v9. o_v5 er utvida og endra noko i høve dagens trase, slik at den tilfredstillar krav til framkommelegheit for utrykkingskøyretøy. Vidare vil kyrkja ha tilkomst via Hans Blom gata og det vil og være mogleg å bruke o_g/s2 i spesielle høve. Planframlegget fører ikkje til endringar i høve dagens parkeringssituasjon ved kyrkja, men ved at køyretilkomsten til Markegata vert fjerna kan det være rom for opparbeiding av nokre fleire parkeringsplassar. Side 34 av 37