Ørsta Høgre Partiprogram

Transkript

1 Ørsta Høgre Partiprogram Høgre sine verdiar Høgre trur på eit sterkt lokalt sjølvstyre. Levande samfunn vert bygde av menneske som er glade i kommunen sin, ikkje av statleg overstyring og detaljregulering. Likeverd, respekt og valfridom er sentrale verdiar for Høgre. Det skal syne att i arbeidet vårt i Ørsta kommune. Ørsta Høgre vil halde fram med å føre ein politikk som er heilskapleg, ansvarleg og langsiktig. Utvikling av Ørsta Ørsta skal vere ein sentral møtestad for folk, næringsliv, handel og kulturliv. Ørsta skal vere regionsenteret på Søre Sunnmøre. Skal vi lukkast, må vi få til eit godt samspel mellom næringsdrivande og kommunen. Vi skal ha ein levande kommune med ei god blanding av bustadar, arbeidsplassar og kulturtilbod. Gjennom ny kommunedelplan for sentrum og Hovdebygda og Europan-prosessen vil vi få nye og viktige innspel til den vidare utviklinga av Ørsta sentrum. Eit sterkt sentrum og levande bygder gir gode oppvekstvilkår og gjer at ungdomane i større grad vel å busette seg i kommunen. Høgre sine representantar kjem til å stå for ein heilskapleg politikk for Ørsta. Ørsta kommune - serviceorientert og effektiv Ørsta kommune skal vere ein servicekommune for innbyggarane og næringslivet. Ørsta Høgre vil medverke til å utvikle Ørsta kommune ved at representantane våre skal vere kompetente, klare og konstruktive i alle kommunale fora i komande periode. For å sikre eit høgt nivå på kvaliteten av kommunale tenester, vil Høgre legge til rette for vidare satsing på kompetanse- og leiarutvikling i kommunen. Trivsel og nærleik til arbeidsplassen er viktig. Motiverte tilsette gjer ein betre jobb, og som politikarar er det vår oppgåve å legge til rette for det. Ørsta Høgre vil: At Ørsta kommune skal ha ei god og ansvarleg økonomistyring. Det får vi med Høgre ved roret. Dette er ein føresetnad for å klare å utvikle kommunen vidare. Arbeide for å redusere eigedomsskatten og på sikt fjerne den. Ha klare effektivitetsmål på den kommunale drifta, og vi skal måle oss mot dei beste både når det gjeld kvalitet og effektivitet. Arbeide målmedvite for å betre arbeidsmiljøet slik at sjukefråværet går ned, trivselen aukar og kvaliteten på tenestene blir forbetra.

2 Arbeide for at planarbeidet i kommunen skal følgje dei tempo- og kvalitetskrav som er forventa av innbyggarane og næringslivet. Ha fokus på dei kommunale kjerneaktivitetane. Når det gjeld andre driftsoppgåver så bør ein alltid vurdere om dei kan utførast av andre tilbydarar. Det skal alltid vere eit krav at opplevd kvalitet frå brukarane ikkje blir dårlegare, og at tilsette skal ha ordna arbeidstilhøve. Kommunesamanslåing Målet for Ørsta Høgre er å sikre best mogleg kommunale tenester til innbyggarane og næringslivet. Ørsta Høgre vil aktivt følgje opp kommunereforma og vurdere moglege samarbeidskonstellasjonar. Sterke fagmiljø med kompetente og motiverte medarbeidarar er ein føresetnad for det. Ein større kommune har også meir tyngde i møte med andre kommunar, i regionale fora, på fylkesnivå og nasjonalt. Ørsta Høgre vil arbeide for ein open og inkluderande prosess i samband med kommunereforma. Innbyggarane må høyrast før vedtak vert fatta. Ein skule som er oppteken av læring Høgre sitt mål er ein kunnskapsskule som gir faglig kvalitet og sosial meistring. Høgre sin utdanningspolitikk er tilpassa elevane. Skulen skal sjå kvar elev og gi dei like moglegheiter til å utvikle evnene og realisere draumane sine. Borna er framtida. Ørsta Høgre vil difor ha ein skuledugnad der målet er å samle politikarar, skuleleiarar, lærarar, foreldre og elevar med ei klar målsetting om å betre resultata på skulane i Ørsta. Vi ønskjer ein årleg skulekonferanse der vi skal ha fokus på kva mål vi har oppnådd og korleis vi skal utvikle oss framover. Ørsta Høgre vil at: Vi skal ha ein kunnskapsskule med krav og kvalitet slik at vi skaper like moglegheiter for alle. Vi skal måle kvaliteten i skulen, og offentleggjere miljø og faglege resultat til dei ulike skulane. Berre då har vi moglegheiter til å gjere dei rette endringane. Vi skal bruke skuledagen på læring og sosial meistring, og redusere andre tidkrevjande aktivitetar. Skular og barnehagar i Ørsta skal ha ein heilskapleg plan for læringsmetodar og tiltak for sosial meistring. Skular og barnehagar i Ørsta skal ha ein heilskapleg plan mot mobbing. Vi skal ha gode leiarar kompetanseheving av skule- og barnehageleiarane må prioriterast. Vi skal følgje opp kunnskapsløftet, og auke dei tilsette sine moglegheiter til kompetanseheving. Vi skal ha klare kompetansemål for tilsette i Ørstaskulen og barnehagane. God læring krev opplagde born. Det må leggast til rette for fysisk aktivitet i løpet av skuledagen. Opningstider i barnehagar og SFO skal tilpassast behovet til brukarane. Vi skal arbeide for ein ny vidaregåande skule på Mosflata, i samband med fleirbrukshall. Vi skal starte planlegging av utbygging av barneskulane i sentrum når Vartdal skule står ferdig. Det må gjerast fordi det er i sentrum barnetalet aukar. Høgre er positive til at andre enn kommunen kan eige og drive barnehagar og skular i Ørsta. Omsorg med kvalitet Høgre sitt mål er at alle skal få gode omsorgstenester når dei treng det, uansett alder og livssituasjon. Omsorgstilbodet skal vere nært, trygt og ha god kvalitet. Omsorgstilbodet skal tilpassast brukarane slik at dei både vert sett, høyrt og handsama med verdigheit.

3 Ørsta Høgre meiner: Vi skal halde fram med å utvikle ein moderne omsorgsteneste med utgangspunkt i omsorgstrappa. Brukarane sine val skal respekterast og det skal opnast for meir valfridom i omsorga. Vi skal ha sjukeheim- og omsorgsplassar tilpassa ulike pleiebehov. Det skal mellom anna byggast omsorgsplassar på Bakkolamarka og eit dagsenter for demente på sjukeheimen i Ørsta. Vi må sørgje for ein god og verdig rehabilitering av pasientar i psykiatrien. Tilbod skal utviklast i nært samarbeid med brukarane og deira pårørande. Funksjonshemma skal ha dei same tilboda og moglegheiter som funksjonsfriske. Vi skal bygge nye bustadar for unge med funksjonshemning på Bakkolamarka å vurdere vidare behov for andre tilrettelagde bustadar. Vi skal ha eit sterkt fokus på kvalitetsmåla i omsorgstenesta. Kunnskap er ein nøkkelfaktor og det er derfor viktig å legge til rette for kompetanseheving å utvikle og stimulere dei som jobbar i sektoren. Det skal leggast til rette for betre oppfølging av dei pårørande til dei som bur på sjukeheimane våre. Dei som ønskjer det må få tilrettelagt omsorgstenester slik at dei kan bu heime så lenge som mogleg. Det må satsast meir på trivsel- og tryggleikskapande teknologi. Nytt legesenter med legevakt må snarast realiserast. Dei kommunale og private fysioterapitenestene må styrkast. Det må leggast til rette for førebygging og rehabilitering. Det må satsast på folkehelse ved å legge til rette for turstiar og nærmiljøanlegg. Eit tettare samarbeid med frivillige organisasjonar vil kunne gi meir aktivitet, auka omsorg og ein varmare omsorgsteneste. Høgre er positive til at andre enn kommunen kan eige og drive ulike helse- og omsorgstenester i Ørsta. Sjukehuset i Volda skal vere eit fullverdig sjukehus med akutt- og fødetilbod. Kultur og frivillige organisasjonar = livskvalitet Høgre meiner at eit breitt kulturtilbod er viktig for å skape trivsel å gjere det meir attraktivt å bu i Ørsta. Kultur og språk definerer kven vi er og kvar vi kjem ifrå. Kulturaktivitetar er difor viktig for å skape tryggleik mellom folk på tvers av alder, kjønn, sosial status og ulike kulturar. Frivillig innsats har ein eigenverdi i seg sjølv, og bidreg til eit rikare lokalsamfunn. Ørsta Høgre meiner: Vi skal bygge ein ny fleirbrukshall på Mosflata som dekker innbyggarane sine behov. Vi skal ruste opp Kulturhuset i Ørsta slik at det på ny vert ein samlande stad for kulturaktivitetar både lokalt og regionalt. Vi skal ha eit godt fritidstilbod til dei unge, til dømes i Kaihuset. Vi skal ha ein god kulturskule. Vi skal sikre framdrifta for nytt idrettsanlegg på Vartdal. Vi skal gi gode rammevilkår til frivillige lag og organisasjonar. Vi skal legge til rette for at frivillige lag og organisasjonar kan utføre tenester for kommunen. All skattlegging av frivillig innsats bør fjernast, bygg tilhøyrande frivillige lag og organisasjonar skal fritakast for eigedomsskatt. Lokal verdiskaping det er no vi skal skape framtida For å få utvikling og vekst i Ørsta må vi ha ein næringspolitikk som skaper trygge og framtidsretta arbeidsplassar. Vi må lære av dei beste, og Ørsta kommune skal vere ein positiv og smidig tilretteleggar.

4 Ørsta Høgre vil arbeide for: Ja-kommune - Skal vi få til eit nyskapande næringsliv i Ørsta, så må også kommunen spele på lag. Kommunen skal legge forholda til rette, vere tilgjengeleg og yte framifrå service. Innovasjon - Dei selskapa som bidreg til å skape nye og framtidsretta arbeidsplassar må få lagt forholda til rette slik at dei ser verdien av å satse vidare med Ørsta som hovudbase. Nyetablering - Kommunen må vere aktiv i å selje inn Ørsta som ein attraktiv stad å etablere ny næringsverksemd. Vi skal ha gode næringsareal å tilby. Handel - Vi skal vidareutvikle Ørsta som det leiande handelssenteret på Søre Sunnmøre. Reiseliv - Ørsta skal satse på reiselivet. Hjørundfjorden og Sunnmørsalpane bør vere det viktigaste satsingsområdet for reiselivet i Ørsta. Her må vi få til eit godt samspel mellom store og lokale reiselivsaktørar. Det må satsast på å utvikle dei gode reiselivsopplevingane medrekna god lokal mat og drikke. Ørsta Høgre er positive til at det vert arbeidt vidare med planar om veg til Skårasalen. Landbruk - Landbruk er ei viktig næring i Ørsta. Byråkratiet i landbruket må reduserast og det må leggast til rette for dei som vil satse på næringa. Fleire, betre og tryggare vegar Det er viktig for både dei som bur i Ørsta og for næringslivet at det vert satsa på å utvikle vegane i regionen. Det gjer at vi får ein felles bustad- og arbeidsmarknad på Sunnmøre og indre Nordfjord. Vegane må og haldast vedlike og sikrast langt betre enn dei er i dag. Skal vi få vekst og utvikling i heile landet, så må stamvegane rustast kraftig opp. Ørsta Høgre meiner at: Vi må arbeide for realisering av ferjefri stamveg E39. Vi må arbeide for omlegging av E39 med kryssing av Ørstafjorden og Voldatunel. Dei store fjordkryssingane ligg fram i tid, og 20 minutts ferjeavgongar Festøy Solavågen må derfor prioriterast dei komande åra. Betre vedlikehald av vegane, og auka løyvingar til rassikring av utsette vegstrekningar må på plass snarast. Asfaltering av kommunale vegar er ei investering i framtida og skal prioriterast. Tryggare skulevegar, og ei auka satsing på gang og sykkelvegar må prioriterast. Betre kollektivruter og ein fleksibel skuleskyss med mindre ventetid må prioriterast. Torvmyrvegen må ferdigstillast. Tilhøva for kollektivtransporten til og frå flyplassen må betrast. Vi må arbeide for utbygging av flyplassen og utvikling av flytilbodet frå Hovden. Eigedomsrett og lokalt sjølvstyre Eit godt samfunn vert bygd nedanfrå. Derfor skal makt og ansvar plasserast så nært den enkelte som mogleg. Dei beste løysingane er dei som er basert på kunnskap om lokalsamfunnet, og tilpassa lokale behov og prioriteringar. Innflytelse, råderett og sjølvstyre skaper større engasjement og ansvar for nærmiljøet. Derfor er lokaldemokratiet ein berebjelke i det norske samfunnet. Ørsta Høgre vil: Avgrense fylkesmannen og andre statlige mynde sin moglegheit til å gripe inn i, eller overprøve, lokale demokratiske vedtak. Verne om lokaldemokratiet og folkevalde organ sin råderett. Forsvare eigedomsretten. At statlig vern og naturforvaltning skal gjennomførast i samråd, og ikkje i konflikt med, lokale mynde. Arbeide for auka kommunalt sjølvstyre i arealdisponeringssaker.

5 Energi, klima og miljø Vi forvaltar miljø og klima på vegne av komande generasjonar. Klimautfordringane er globale, men mange av tiltaka er lokale. Vi treng ein energi- og miljøpolitikk som sørgjer for at forbrukarane kan ta gode og miljøvennlege val i kvardagen. Ørsta Høgre meiner: Vi må arbeide for ei sikker energiforsyning og meir like energiprisar i heile landet. Ørsta kommune skal vere positiv til utbygging av nye småkraftverk. Ørsta kommune må verte meir energieffektive. Ved å kartlegge å styre energibruken vil ein redusere energiforbruken og redusere energikostnadane. Vi må legge til rette for at det skal bli lønnsomt for enkeltpersonar og næringsliv å ta miljøomsyn.