Vigrahallen. Retningsliner for de som får tildelt treningstid: Versjon 2014

Transkript

1 Vigrahallen Retningsliner for de som får tildelt treningstid: Versjon 2014

2 Generelt: Vigrahallen er ein ubemanna hall. Det gjer at det blir stilt større krav til dei lag/ organisasjonar som brukar hallen. Spesielt er det viktig at alle tek omsyn til behovet for orden og har ei proaktiv haldning til brannsikkerheit. Det skal alltid vere ein eller fleire «ansvarlege» over 16 år tilstades i hallen! Alle lag/ organisasjonar som skal bruke Vigrahallen må: 1. Forlate hallen i den stand de ønsker den skal vere i når de kjem tilbake (husk at det alltid kjem nokon etter deg). Om det er nødvendig, så skal de rydde etter dykk slik at det er klart for reinhald. Dette betyr m.a. at de skal tørrmoppe golvet i handballhallen og fjerne rusk og rask. Dette er spesielt viktig dersom det er servert mat / drikke i hallen. 2. Ta omsyn til andre brukarar, og vis fleksibilitet. 3. Ver forsiktig i høve flytting av utstyr. Dersom det oppstår skade på utstyr eller dersom de oppdagar feil / manglar, så skal dette meldast ved å registrere det i vaktprotokollen i vestibylen (oppfølgingslista, evt siste sjekkliste for d.d.). Skriv kva som har skjedd eller er oppdaga, og kven som kan kontaktast dersom det kan bli behov for ytterlegare informasjon. 4. Dersom de oppdager «kritiske» feil / manglar som det haster med å få retta på, så skal dette meldast til VAKTTELEFONEN (sjå nummer på utgangsdøra). 5. Alt utstyr som er brukt skal ryddast på plass før treningstida sin slutt slik at det er klart for reinhald. 6. Når de forlet hallen, så skal alle dører kontrollerast at dei er stengt (sjå display utanfor kjøkkenet). Så lenge det fins ansvarlege personar i hallen så kan hovuddøra stå open. Når siste «ansvarlege person» forlet hallen, skal alle dører låsast, og de skal sjå til at alle forlet bygget. I samband med utlån til spesielle arrangement, skal det inngåast eigen avtale der rydding og låsing er spesielt omtalt.

3 Bruk av Vigrahallen Generelt 2 / 2 7. Garderobar er i utgangspunktet ikkje tilgjengelege utan etter spesiell avtale. 8. Lys skal skruast på og av av «ansvarleg» lagleiar / trenar. Varme blir automatisk regulert, og skal ikkje justerast av de som nyttar hallen. 9. Alle «lagleiarar» for dei laga som trenar i hallen, har eit kollektiv ansvar når de er i hallen. 10. Vi har eit ønske om at hallen skal kome flest muleg til glede. Dersom det kjem «gjestar» til hallen (dette kan vere tilskodarar eller kanskje berre nokon som har lyst til å kome inn for å varme seg eller ta seg ein kaffikopp), så er desse velkomne så lenge dei ikkje utviser uønska adferd. Når hallen er ubemanna er det lagleiarane som er ansvarlege, og slik har retten til å kunne vise vekk personar frå hallen. 11. Vis ekstra merksemd i høve alt som kan føre til brannfare, t.d. bruk av det elektriske og kva som vert lagt i bosset. 12. Sjølv vere ansvarleg for å ha gyldig forsikring av dykkar aktive / brukarar samt evt utstyr og verdiar som de tek inn i bygget. 13. Rekne med å måtte betale erstatning ved eventuelt skadeverk / skade utover normal bruk / slitasje. Dette gjeld også evt personskader. 14. Ved tap av nøkkel, har lånar erstatningsplikt på kr 5.000,. 15. Ikkje bruke andre rom enn dei som de har lånt. Om det skjer så vil de kunne bli krevd for ekstra lån. 16. Lag og organisasjonar som ikkje rettar seg etter desse retningslinjene, vil bli møtt med sanksjonar. 17. Kjøkkenet er i utgangspunktet kun til bruk i samband med arrangement. Dersom lagleiarar / foreldre / føresette ønsker å bruke kjøkkenet for å koke kaffi, så må ein sjølv skaffe nødvendige ingrediensar. Utstyr som vert brukt skal vaskast, dette gjeld også kjøkkenbenk. 18. Vigrahallen er dimensjonert for personar (begge hallane) fordelt slik: 880 personar i fotballhallen og 200 i handballhallen. Under føresetnad av at der er maksimalt 480 personar i fotballhallen kan der vere inntil 600 personar i handballhallen. Brannsjefen kan gi dispensasjon frå kravet etter forutgåande søknad. Vis varsemd ved bruk av hallen vi ønsker at Vigrahallen skal vere til glede og nytte for oss alle i lang tid framover

4 Bruk av Vigrahallen Utlånsreglement Føremålet med Vigrahallen er å bruke den til skule samt idretts og kulturaktivitetar. Bygget kan også brukast til andre føremål som ikkje er i strid med hovudføremålet. I utgangspunktet så er Giske kommune brukar av hallen på dagtid i vekene i skuleåret. På ettermiddags og kveldstid i vekene og i helgar skal hallen primært bli brukt av kultur og idrettslivet i Giske kommune. Vigrahallen skal i utgangspunktet være stengt i skuleferiane, unntak etter avtale. Hallen skal i utgangspunktet stillast til disposisjon for trening heile veka. Større arrangement i hallen (t.d. konsertar og turneringar) vil få prioritet framfor trening. Dette gjeld hovudsakleg i helgane. Ved slike arrangement skal brukarar som har fått tildelt treningstid få beskjed i god tid.

5 Forbod 1. Det er forbode å røyke og å bruke snus i hallen. 2. Dyr er ikkje tillate. 3. Det er ikkje tillate å klatre i netta eller på veggane i hallen. 4. Tyggis er forbode. 5. I fleirbrukshallen (handballhallen) er det ikkje lov å bruke ordinært klister, men sprayklister kan nyttast. 6. Svarte sålar i fleirbrukshallen (handballhallen) er ikkje tillate. Det er heller ikkje lov med piggar under skoa. Utesko må ikkje nyttast. Barfottrening er ikkje tillatt pga smittefare. 7. I fotballhallen er det av omsyn til det hygieniske, forbode å spytte på kunstgraset. 8. Det er ikkje tillate å vatne kunstgraset i fotballhallen før tilleggsventilasjon er på plass og tillatelse til vatning blir gitt. 9. Mat skal ikke nytast på kunstgraset. 10. Nødutgangane skal ikkje nyttast utan ved evakuering. 11. Bruk av skarpe objekt som kan skade tak, veggar m.m. (t.d. motoriserte fly) er ikkje tillate. PS: Brukarne er sjølve ansvarlege for verdisaker. Kommunen er ikkje ansvarleg for tap som måtte oppstå, eller skade som skjer når bruks og ordensregler ikkje blir fulgt.

6 Brannsikkerheit: 1. Alle lag / organisasjonar som skal nytte Vigrahallen, må ha ein brannvernansvarleg og ein vikar / stedfortreder. Ein av desse skal vere til stades i hallen når laget trener / spelar. 2. Alle brannvernansvarlege er pliktig å møte opp til felles gjennomgang før sesongstart av brannretningsliner, rømningsvegar, tilgjengeleg sløkkeutstyr osb. 3. Ved sesongstart skal brannvernansvarlege informere laget / organisasjonen sine medlemmar om retningsliner, brannutstyr og liknande. 4. Ved observasjon av brannfarlege forhold, skal dette rapporterast til brannvernleiar for bygget gjennom VAKTTELEFON (hastesaker), eller skrive det på oppfølgingslista i vaktprotokollen som ligg i vestibyla (dersom det ikkje hastar). 5. Brannvernleiarane er ansvarlege for å følgje opp at ikkje rømningsvegar blir blokkerte eller brannutstyr blir tildekt/kamuflert. «Overordna» Brannvernleiar 6. På dagtid er vaktmester Nils Inge Ødegård ( ) ved Vigra skule «overordna» brannvernleiar, alternativt Torbjørn Sæther ( ). 7. På kveldstid er det Vigra IL Anleggsdrift AS sitt ansvar å utnemne «overordna» brannvernleiar. For tida er det Pål Molnes ( ) og Geir Ytterland ( ) som har denne posisjonen. 8. Dersom brann blir oppdaga skal: A. Alle unntatt brannvernansvarleg / vikar omgåande forlate hallen og samle seg inne på skuleplassen. Berre brannvernleiarane skal vere ved hallen når brannvesenet kjem. B. Brannvernansvarleg skal ringe brannvesenet (tlf. 110) og VAKTTELEFON, evt ein av dei overordna brannvernleiarane for hallen. Dersom brannalarmen går, vil brannvesen automatisk bli varslet. Ring uansett, og instruer brannvesenet om dei faktiske forholda slik at dei er budd når dei kjem til hallen. Ved brann skal alarmen ringe til brannvesenet kjem på staden og overtek ansvaret. C. Ved falsk alarm skal brannvesenet ha beskjed før alarmen blir skrudd av. D. Igangsette evakuering og forsøke å sløkke. E. Sjekke at alle har kome seg ut (kontrollere garderobane, 2. etg etc.) F. Prøv å opptre roleg og gi eventuelle beskjeder i klare ord. Panikk kan utløyse unødige problem.

7 Søknad og fakturering i samband med lån av hallen: 1. Giske kommune i samarbeid med Vigra IL Anleggsdrift AS lyser ut treningstider i hallen ein gong i året. Utlysning vil skje ved annonse i Øyblikk. Det skal også leggast ut informasjon på og på Tildeling av treningstider fyl skuleåret, med søknadsfrist 1. juni kvart år. 2. Lag / organisasjonar som søkjer treningstid, må fylle ut fastsett søknadsskjema. 3. Lag / organisasjonar som får tildelt treningstid kan oppleve at treningstid blir inndratt dersom det skal gjennomførast større arrangement i hallen. Dersom lag / organisasjon opplever at mer enn ei trening i løpet av ein sesong blir inndratt av slike årsaker, så kan de kreve refusjon av innbetalt kostnad for denne leiga (refusjonsgrunnlag). 3. Fakturering skjer i etterkant i tråd med faktisk bruk av hallen. Så lenge ikkje anna blir avtalt med Vigra IL Anleggsdrift AS, så vil dei brukarane som får tildelt tid i hallen, bli fakturert i samsvar med tilgjengeleg veker. Brukarar som ønskjer å avslutte treningane før skuleslutt, må melde frå om dette, jf informasjon de oppgav i innsendte søknadsskjema. 4. Alle søkjarar som i utgangspunktet må betale for lån av hallen, skal i samband med søknad opplyse kven som skal betaler for bruken, og fakturadresse skal oppgjevast. 5. Observerer vi at tildelt treningstid ikkje blir nytta (min. 50 % av tiden), så vil treningstida bli inndratt og ev tildelt andre.