UTBYGGINGSAVTALE. 1.2 Geografisk avgrensing Avtala omfattar areal vist på vedlagt kart, datert , ihht. vedlegg 2.

Transkript

1 UTBYGGINGSAVTALE Mellom Hemsedal Infrastruktur AS, (heretter kalla utbyggar) org nr. (under stifting) og Hemsedal kommune, (heretter kalla kommunen) org nr er det inngått følgjande avtale om utbygging av reiselivsområdet ved Hemsedal Skisenter (Hemsedal Fjellandsby og nærliggande områder). 1 GENERELT Følgjande avtaler blir avløyst av føreliggjande utbyggingsavtale: Oversikt over avtalene fremgår av vedlegg Formål Formålet med denne avtala er å ivareta planlegging og gjennomføring slik at ein sikrar ei koordinert og effektiv utvikling. Avtala skal sikre opparbeiding av fellesanlegg/eksterne anlegg nødvendig for gjennomføring av utbygginga i reiselivsområdet. Denne avtala vil også bli gjort gjeldande for framtidige reguleringsplanar innanfor den geografiske avgrensinga av denne avtala. 1.2 Geografisk avgrensing Avtala omfattar areal vist på vedlagt kart, datert , ihht. vedlegg 2. 2 GRUNNERVERV Utbyggar er ansvarleg for å erverve grunn og/eller sikre nødvendige rettar til gjennomføring av føreliggande utbyggingsavtale. Det same gjeld areal/rettar utanfor planområdet dersom det er nødvendig for gjennomføring av utbyggingsavtalen. Dersom utbyggar ikkje kan oppnå minneleg avtale om grunnerverv kan kommunen søkje areal/rettar erverva ved oreigning. Kostnadene ved oreigning skal dekkjast av utbyggar. 3 UTBYGGAR SITT ANSVAR Utbyggar er ansvarleg for å koordinere all planlegging, prosjektering og opparbeiding av areal/tiltak innafor avtalen si avgrensing. Dette gjeld også alle tiltak som går fram av rekkefølgjeføresegner i reguleringsplaner innanfor det geografiske området avtalen gjeld, jmfr pkt 1.2., herunder også eventuelle areal/tiltak som ligg utanfor avtala si avgrensing dersom det er nødvendig for gjennomføringa av utbyggingsavtalen. Med ansvar meiner ein her at utbyggar sjølv eller ved avtale med andre aktørar skal syte for planlegging, prosjektering, finansiering og gjennomføring av tiltaka.

2 For utbygging av anlegg og hovedledningsnett for vatn og avløp, vil kommunen stå for planlegging, prosjektering og gjennomføring. Utbyggar skal finansiere delar av slike tiltak i samsvar med denne avtalen. 3.1 Planlegging og opparbeiding Alle areal/tiltak skal opparbeidast i samsvar med vedteken reguleringsplanar/utbyggingsplanar (bebyggelsesplaner), planføresegner og i samsvar med godkjende planar for tekniske anlegg (herunder oppgradering av EL-forsyning og brannvasskapasitet). Planane skal vere godkjend av fagetaten i kommunen før tiltak/arbeider kan settast i gang. Tiltak for sikring og vern av varig vegetasjon på grøntkorridor(ar), friområde/friluftsområde, leikeplass(ar) etc. innafor området skal gå fram av teknisk terrengplan/detaljplan. Planane skal vere godkjend av fagetaten i kommunen før arbeid i området kan settast i gang. Stup og rasfarlege områder skal sikrast ved opparbeiding av området. Plan skal vere godkjent av fagetaten i kommunen før arbeid i området kan settast i gang. Framføring av straum (fordelingsnett og vegbelysning), telefon skal utførast med jordkabel. Utbygging føreset til ei kvar tid tilrettelagt med moderne infrastruktur slik som bredbånd og fjernvarme. Utbyggar skal tilrettelegge for vannbåren varme i alle bygg, og pliktar å knytte seg til fjernvarmeanlegg som vert etablert i området. 3.2 Økonomiske føresetnader Utbyggar er ansvarlig for å koordinere gjennomføringa av tiltak innafor avtala si avgrensing. Dersom ikkje anna er sagt i føreliggjande utbyggingsavtale gjeld dette også eventuelle tiltak/anlegg utanfor avtala si avgrensing dersom dette er nødvendig for å gjennomføre utbygginga. Utbyggar er sjølv ansvarleg for å krevje bidrag/refusjon frå andre grunneigarar/tiltakshavarar i området for tiltak/anlegg der utbyggar sjølv skal stå som tiltakshavar og for tiltak/anlegg som utbyggar skal betale bidrag til ihht. føreliggjande utbyggingsavtale. Utbyggar skal betale bidrag til kommunen for planlegging, prosjektering og opparbeiding av spesifiserte tiltak/anlegg i samsvar med vedlegg 5 Totalt anleggsbidrag er kr ,- Utbyggar sine bidrag skal betalast etter slik betalingsplan, jfr vedlegg 4. Alle tal i mill.kr Sum

3 Tilknytingsgebyr for vatn og kloakk skal betalast etter det regulativ og med dei satsane som gjeld på tilknytingstidspunktet. Utbyggar skal sjølv stå for planlegging og gjennomføring av desse tiltaka: Lokalveg, herunder gang og sykkelveg mellom Hemsedal fjellandsby og Trøim sentrum i samsvar med bilag 3. Standard for lokalveg må vera etter krav for kommunale vegar. Kommunen kan overta vegen etter nærare avtale. Vegkryss/bru Skiheisvegen/Rv. 52 Tiltak som er eit felles ansvar mellom kommunen og utbyggjar: Tilkomst frå Rv. 52 til områda FR 8 og P1 (parkeringsarealet) i samsvar med den regulerte løysinga i reguleringsplan for Trøim sak 5/00, samt opparbeiding av parkeringsarealet. Her skal det lagast særskilt avtale der vert forusett at verksemdene i Trøim sentrum også skal bidra Utbyggar er utan ansvar for eventuelle overskridingar /meirkostnader som kommunen måtte få forbunde med utbygging av dei anlegg utbyggar betalar bidrag til ihht. føreliggjande avtale. Bidraget skal regulerast etter SSB s byggekostnadsindeks med utgangspunkt i indeks august 2007 og siste kjente indeks ved forfall. Utover dette har utbyggjar alt økonomisk ansvar og risiko forbunde med gjennomføring av føreliggjande utbyggingsavtale. Ved opparbeiding/utbetring av tekniske anlegg er utbyggjar ansvarleg for at tiltak som blir omfatta av føreliggjande avtale ikkje medfører driftsproblem på eksisterande anlegg. Utbyggar pliktar å stille bankgaranti eller annen tilfredsstillende sikkerhet for det enkelte bidrag ihht. ovannemnde betalingsplan. Garantien/sikkerhetsstillelsen skal tilsvare bidraget sin storleik og skal framleggast og godkjennast av kommunen før arbeida med det enkelte tiltak/anlegg blir starta. Garantien/sikkerhetsstillelsen skal justerast i samsvar med det til ei kvar tid uteståande beløp. 4 KOMMUNEN SITT ANSVAR Føreliggande utbyggingsavtale kan ikkje binde kommunen som reguleringsmynde. Kommunen er innforstått med at likelydande rekkefølgjeføresegner skal innarbeidast i framtidige reguleringsplanar innanfor den geografiske avgrensinga av avtala. Kommunen vil om nødvendig utarbeide felles flatereguleringsplan for området Totteskogen, Hemsedal Fjellandsby og Storelia 2 for å få felles føresegner for desse områda

4 4.1 Planlegging og opparbeiding Kommunen er ansvarleg for planlegging, prosjektering og gjennomføring av anlegg og hovedledningsnett for vatn og avløp. Utbyggar skal finansiere delar av slike tiltak i samsvar med denne avtalen, vedlegg 4. Kommunen er ansvarleg for at framdrifta i planlegging, prosjektering og opparbeiding av desse anlegga følgjer den øvrige utbygginga av området og slik at ikkje denne blir hindra av manglande utføring av tiltak/anlegg som kommunen er ansvarlege for. Kommunen forpliktar seg til å følge opp at alle tiltakshavarar innafor utbyggingsområdet koplar seg til V/A ledningsnett på definerte punkt som utbyggar disponerer. Defineringen av slike punkt skal være avklart før tiltakene iverksettes, jfr. pkt Økonomiske føresetnader Kommunen og utbyggar er einige om å inngå ei endringsavtale for å håndtere avgiftsproblematikken ihht. anleggsbidragsmodellen. Kommunen forpliktar seg til å gjennomføre tiltak i samsvar med vedlegg 5. Dette gjeld derimot ikkje ved manglande betaling frå utbyggar. Dersom utbyggingstakten vert endra vesentlig er partane einige om at tidspunktet for gjennomføring av kommunale tiltak kan justerast. 5 OVERTAKING AV GRUNN OG ANLEGG Kommunen utarbeider overtakingskart som viser kva areal/anlegg kommunen i framtida skal eige og/eller vedlikehalde. Areal/anlegg som kommunen skal eige tek kommunen over vederlagsfritt. Overtakingskartet skal utarbeidast så snart som mogleg etter underteikning av denne avtala. Det blir tatt atterhald om at overtakingskartet kan endrast i samsvar med eventuelle endringar i reguleringsplan/utbyggingsplan (bebyggelsesplan) og planar for tekniske anlegg. Dei areala som kommunen skal eige ihht. overtakingskartet skal fortrinnsvis vere slått saman til eit bruksnummer før kommunen tek over dei tekniske anlegga. Utbyggar skal koste eventuell deling og/eller samanføying av areal samt overskøyting. Overskøyting av areal skal skje så snart kommunen har tatt over dei tekniske anlegga. Delvis overtaking i samsvar med byggetrinn kan avtalast mellom partane. Innafor avgrensning av utbyggingsavtalen skal tilkoblingspunkter/stikkledningar på hovedanlegg for vann og avløp være i utbyggers eie dersom dette er nødvendig for utbyggers oppfølging av pliktene i denne avtalen. Dersom det er nødvendig skal kommunen på privat grunn ha rett til å ha liggjande tekniske anlegg, samt rett/tilkomst til ettersyn og vedlikehald. Utbyggar er ansvarleg for at retten blir sikra ved tinglyst erklæring. Utbyggar må sørgje for vedlikehald av framtidige kommunale tekniske anlegg i anleggsperioden, og inntil avtale om kommunal overtaking føreligg.

5 Når anlegg er ferdig opparbeidd og godkjent tek kommunen over desse anlegga til kommunal eigedom. Kommunen er derimot villig til å avvente overtaking av areal og anlegg dersom dette er nødvendig for utbyggjar si oppfølging av pliktene i denne avtala. 6 DIVERSE Fleire av tiltaka, så som vatn- og kloakkgrøfter og gangveg/lokalveg, går i same trasear. Det er difor naudsynt med samarbeid og koordinering av tiltaka for å utføre dette på ein rasjonell og økonomisk god måte. Både utbyggar og kommunen er ansvarleg for at utbygginga vert koordinert. Det skal opprettast ei administrativ samarbeidsgruppe for gjennomføring av fellestiltak. Partane møter med ein representant kvar. Gruppa si oppgåve er å gje innspel vedr. opparbeidingsprosessen. Utbyggar skal innkalle til minimum to møter kvart år. Partane er enige om at tidspunkt for opparbeidelsen av VA anlegg skal tilpasses utbyggers behov/utbyggingstakt. Utbyggar skal innan kvart år halde kommunen orientert i form av både brev og møte om framdrift og utbyggingstakt for utviklinga av heile området. Gjennom orienteringa skal det gjerast greie for utbygging det kommande året og planlagt utbygging dei kommande 4 åra. Dersom uttaler/motsegn frå andre fagetatar/offentlige instansar skulle resultere i andre rekkefølgjeføresegner for arealet enn det som gjeld ved underskrift av føreliggjande avtale, skal partane inngå særskilt avtale for handtering av dette som tillegg til utbyggingsavtala. Kommunen og utbygger er pliktig til å gjere alle noverande og framtidige tiltakshavarar i området kjend med føreliggjande utbyggingsavtale. Partane kan ikkje overføre sine rettar og plikter etter foreliggende avtale heilt eller delvis til anna/andre utan samtykke frå den andre part. Samtykke kan ikke nektes utan saklig grunn. Dersom ein aksjonær overdreg meir enn 50 % av aksjene, er det å sjå på ei overdraging av utbyggingsavtalen. Utbyggjar skal til ei kvar tid ha ein kontaktperson ovanfor kommunen. Ved endring av kontaktperson skal kommunen underrettast pr. brev. Denne avtala ligg føre i 2 likelydande eksemplar der partane har kvart sitt eksemplar. Ein kvar tvist mellom partane om tolking og gjennomføring av denne avtala skal søkjast avklart gjennom forhandlingar. Blir det ikkje oppnådd semje skal tvisten avgjerast ved dei ordinære domstolane. Verneting er Hallingdal Tingrett.

6 Hemsedal, den For Hemsedal kommune For utbyggar Ordførar Rådmann Utbyggar(ar) Vedlegg til avtalen: Vedlegg 1: Oversikt over avtaler som vert oppheva ved underteikning av denne avtalen Vedlegg 2: Kart som viser avtalen sin geografiske avgrensing Vedlegg 3: Infrastrukturtiltak Vedlegg 4: Utbyggar sin del i VA-anlegg og betlingsplan