Reguleringsplan for Lauareid næringsområde del av gnr. 55, bnr. 3

Transkript

1 Reguleringsplan for Lauareid næringsområde del av gnr. 55, bnr. 3 Etne kommune 03. juni 2014

2 Innhald Innhald Samandrag Bakgrunn Føremål med planen Forslagstillar, plankonsulent, eigartilhøve Tidlegare vedtak i saka Utbyggingsavtalar Krav om konsekvensutgreiing? Planprosessen Medverknad, varsel om oppstart Planstatus og rammevilkår Overordna planar Gjeldande og tilgrensande reguleringsplanar Statlege planretningsliner/ rammer/ føringar Skildring av planområdet, eksisterande tilhøve Plassering av område Arealbruk i dag og tilgrensande arealbruk Stadkarakter og landskap Kulturminner og kulturmiljø Naturverdiar Rekreasjonsverdi/ rekreasjonsbruk, uteområde Landbruk Trafikktilhøve Born sine interesser og sosial infrastruktur Universell tilgjenge Teknisk infrastruktur Grunntilhøve Støytilhøve Luftforureining og næring Skildring av planforslaget Planlagt arealbruk og reguleringsføremål Miljøoppfølging Landbruksfaglege vurderingar Plan for vass- og avlaup samt tilknyting til kommunalt nett Plan for avfallshenting

3 7 Konsekvensutgreiing Konsekvensutgreiing etter konsekvensutgreiingsforskrifta Grunngjeving til kvifor planen ikkje er konsekvensutgreiingspliktig Innhald og føremål Grunngjeving Tidsplan Nødvendige offentlege og private tiltak Konsekvensar ROS analyse Uønska hendingar med mogelege førebyggjande tiltak Konklusjon Verknadar/ konsekvensar av planforslaget Innkomne merknadar Innkomne merknader til oppstartmeldinga Mattilsynet, Statens vegvesen, Norges vassdrags- og energidirektorat, Fylkesmannen i Hordaland Hordaland Fylkeskommune, Direktoratet for mineralforvalting, Avsluttande kommentar Reguleringsføresegner Innkomne merknader

4 1 Samandrag Oversiktskart. Kjelde: Planområdet ligg på eidet mellom Stordalsvatnet og Åkrafjorden, på nordsida av vasskillet og grensande til nedbørfeltet til Etnevassdraget, på austsida av E134. Den gamle riksvegen går gjennom planområdet. Området er i gjeldande kommuneplan vist som framtidig næringsområde med krav til reguleringsplan. Aukande næringsverksemd har gjort at kommunen har pålagt grunneigar/ tiltakshavar å starta arbeid med reguleringsplan innan 12. desember

5 2 Bakgrunn 2.1 Føremål med planen Føremålet med planen er å leggja til rette for å nytta eit område til produksjon og lagring av murestein frå nærliggjande steinbrot og til uttak av stadeigne massar i samband med utviding av planert areal. Restareal vil bli regulert til LNF- område. 2.2 Forslagstillar, plankonsulent, eigartilhøve Området er ein del av gnr. 55, bnr. 3. Grunneigar er Olav Samland og tiltakshavar for prosjektet er Skånevikstrand Maskinstasjon AS v/ Haldor Ebne. Omega Areal AS er engasjert til å utarbeide forslag til detaljregulering for planområdet. 2.3 Tidlegare vedtak i saka Formannskapet gjorde i møte følgjande samrøystes vedtak: Med heimel i plan- og bygningslova 12-1 vert grunneigar/tiltakshavar pålagt å detaljregulera det aktuelle området på Lauareid som vert nytta til lagring og produksjon av skiferstein snarast råd. Det vert sett tidsfrist til 12. desember 2013 for å starta planarbeidet. Oppstartmøtet var 12. desember Utbyggingsavtalar Ikkje aktuelt. 2.5 Krav om konsekvensutgreiing? Etne kommune konkluderte i oppstartmøtet med at det ikkje er nødvendig med konsekvensutgreiing for planen. Dette er vurdert nærare i kap. 7.2 på side

6 3 Planprosessen 3.1 Medverknad, varsel om oppstart Planarbeidet er varsla i tråd med PBL Planprosessen er sett i gong med oppstartmøte med kommunen Dette vart fylgt opp med brev til naboar, grunneigarar, offentlege organ, organisasjonar og andre interesserte. Oppstart av planarbeidet vart og annonsert i Grannar , samt lagt ut på kommunen og Omega Areal AS sine heimesider. Frist for tilbakemelding vart sett til Innspel er kommentert under punkt 10, og ligg i sin heilskap som vedlegg. Avisannonsa som var på trykk i Grannar måndag

7 4 Planstatus og rammevilkår 4.1 Overordna planar Området er i gjeldande kommuneplan for Etne sett av til næringsføremål og LNF- område. Utsnitt frå gjeldande kommuneplan for Etne Kjelde: Gjeldande og tilgrensande reguleringsplanar Planområdet grenser til gjeldande reguleringsplan for E134. Det er elles ingen reguleringsplanar eller tilgrensande planar til planområdet. 4.3 Statlege planretningsliner/ rammer/ føringar Deler av planområdet er vist som framtidig næringsområde i gjeldande kommuneplan. Vi legg til grunn at det med dette er avklara at arealføremålet i seg sjølv ikkje er i strid med overordna plan

8 5 Skildring av planområdet, eksisterande tilhøve 5.1 Plassering av område Planområdet ligg ca. 15 km frå Etne sentrum og grensar til E134 i vest. Tilkomst skjer via eksisterande kryss med avkøyring frå E134. Storleiken på planområdet er ca. 42,6 daa og grensar til LNF- område. Flyfoto over planområdet. Kjelde: Arealbruk i dag og tilgrensande arealbruk Delar av planområdet blir i dag nytta til produksjon av murestein som er tilkjørt frå skiferbrotet på Øvernes. Steinavfallet blir knust til pukk og grus og seld i nærområdet. Dette produksjonsområdet ligg på nordaustsida av gamlevegen gjennom området. På sørvestsida er lager for tomme steinkonteinarar, ei kontor- og kvilebu og parkeringsplass for person- og lastebilar. I området er det og ein bygning og antenne for telekommunikasjon. Det er ikkje kome innspel frå anleggseigar Telenor om at det er ynskjeleg å regulera dette anlegget til telekommunikasjonsføremål. Det vil derfor bli foreslått regulert til LNF-føremål

9 5.3 Stadkarakter og landskap Det sentrale næringsområdet ligg skjerma av fjell og vegetasjon mot innsyn frå sør, aust og nord. Det er innsyn frå E 134 i vest over ei kort strekning. Biletet viser omfanget av det terrenginngrepet som er gjort. Flyfoto over planområdet. Kjelde: Soltilhøva er i hovudsak gode, med sol midt på dagen, ei tid då ho ikkje vert skygga av vegetasjon og fjell. Topografien på planområdet går frå kote 179 i sør ved Lauareidtjørna og opp til kote 239 i nordaust. Sjølve produksjonsområdet ligg på kote 172. Det er eit høgare fjellparti langs heile austsida av planområdet. Lokalklima er som for resten av Vestlandet med relativt milde vintrar og mykje regn. Utsikt frå E134 ved krysset med fv. 39 mot Frette. Kjelde:

10 Bilete frå krysset med fv. 39 og vegen mot planområdet på nordsida av Lauareidtjørna. Kjelde: Bilete tatt frå eksisterande næringsområde mot E134 Kjelde bilete: Omega Areal AS 5.4 Kulturminner og kulturmiljø Det er registrert arkeologiske minne sørvest for planområdet ved E134 på Klypehaugen, i kulturminnebasen Askeladden. Her er det registrert ein gravhaug frå Jernalderen. Denne er synleg over bakken og er automatisk freda. Det er ikkje registrert SEFRAK bygningar innafor planområdet. Automatisk freda kulturminne Kjelde:

11 5.5 Naturverdiar I følgje artskartet til Artsdatabanken vart det i 2012 registrert mår like vest på planområdet. Desse er ikkje trua, men er observert i dette området. Det er også registrert botnegras, tjernaks og flotgras ved Lauareidtjørna. Desse plantene er heller ikkje trua og vart registrert i Det er observert rådyr i 2002 i fjella opp mot Lussneshovda i aust, og mot Hålandshovda i vest. Desse områda er registrert i naturbasen til Miljødirektoratet som beiteområde for rådyr. Det er også registrert beiteområde for hjort lenger sørvest. Det går eit hjortetrekk aust-vest over E134 gjennom planområdet, men nord for det arealet der det er foreslått inngrep. Inngrepa vil ikkje vera fysisk til hinder for trekket som elles er mest brukt utanfor arbeidstida i næringsområdet. Artsførekomstar. Kjelde: I følgje naturbasen til Miljødirektoratet er det ikkje registrert utvalde naturtypar eller verneområder. Det er ikkje registrert prioriterte artar, raudlisteartar eller svartlisteartar innafor planområdet eller i nærområdet. Det er eit elvenett frå Lussneshovda og Kagahaugen og ned til Lauareidtjørna som går på utsida av planområdet i aust. Planområdet grenser til område som inngår i verneplan for 041/1 Etnevassdraget som vart verna i Verneplan for vassdrag. Kjelde:

12 5.6 Rekreasjonsverdi/ rekreasjonsbruk, uteområde Planområdet har i seg sjølv liten rekreasjonsverdi og bruk då området har mykje skog og bratte parti. Sør for Lauareidtjørna og mot Stordalen har ein område med større rekreasjonsverdi med utsikt mot fjorden. Kyrping i nord har også utsikt og gode turmogelegheiter mot Åkrafjorden. Planområdet ligg noko skjult mellom desse områda, medan det er eit jordbruksområde vest for E134. Planområdet sett vest for E134 ved jordbruksområdet. Kjelde: Omega Areal AS 5.7 Landbruk Arealressursen på planområdet er skog med markslaga open jorddekt fastmark og elles skog med særs høg bonitet, av typen lauvskog. Dette betyr at produksjonsevnen pr. daa og år er over 1,0 m 3. Området er ikkje nytta til skogsdrift i dag, og store delar av planområdet vil verta regulert til LNF- område

13 5.8 Trafikktilhøve Næraste registrering av årsdøgntrafikken på E134 er mellom Håfoss og kryss med fv. 48 til Skånevik. Her er ÅDT 2200 i På gamlevegen langs Åkrafjorden var ÅDT på 120 i Europavegen som går langs planområdet er i dag opparbeida og med gul midtstripe. Frå kryss med fv. 39 sør for Lauareidtjørna og til Etne sentrum er Europavegen av låg standard og er under planlegging og utbygging. Mellom krysset mot Skånevik og Åkrafjordtunnelen er det registrert 8 ulukker mellom 1986 og Fire av ulukkene skjedde grunna utforkøyring i 80- sona. 7 av ulukkene skjedde mellom 1986 og Det har berre vore ei registrert ulukke på denne strekninga frå 1996 til i dag. Dette er truleg grunna utbetring av veganlegget i området frå avkøyrsla med fv. 39 sør for Lauareidtjørna og mot Åkrafjorden og Rullestad. Trafikkulukker. Kjelde: Gjennom planområdet går gamle vegen mellom Lauareid og Kyrping. Denne vegen går under europavegen i plangrensa i vest. Vegen vert nytta av lokaltrafikk og køyretøy i samband med jordbruksdrift. På Kyrping er det vegkro og bensinstasjon. 5.9 Born sine interesser og sosial infrastruktur Born sine interesser og sosial infrastruktur er ikkje aktuelt å kartleggje innafor planområdet. Sør for Lauareidtjørna på E134 er det tosidig busstopp der skuleskyssen stansar. Frå Ljusnes går born på fv.39 opp til krysset med E134, som også har avkøyrsle til vegen mot næringsområdet. I krysset er det opparbeida eige felt for mjuke trafikantar inn til buss-skuret. På andre sida av vegen er det buss-skur med tilkomst frå fv.39 under E134. Buss-stopp mot Kyrping. Kjelde: Busstopp mot Stordalen 5.10 Universell tilgjenge Planområdet ligg langs E134 og har ikkje tilkomst for mjuke trafikantar i eige felt. Då planforslaget legg opp til produksjon med anleggsdrift vil det ikkje vere naudsynt med vidare kartlegging av universell tilgjenge

14 5.11 Teknisk infrastruktur Det er elektriske installasjonar på planområdet i dag. Det står ein transformatorstasjon ved vegen lengst sør på planområdet, og det er ei antenne for telekommunikasjon like ved. Det er mogeleg å kople seg på kommunalt vass- og avlaupsnett i området Grunntilhøve Større delar av planområdet er dekkja av både utløysningsog utlaupsområde for snøskred i følgje kartdatabasen til NVE, Skredatlas. Planområdet ligg ikkje under aktsemdsone for steinsprang. Planområdet har lausmassane tynn morene som vanlegvis er hardt samanpakka og med hyppige fjellblotningar. Tjukknaden er normalt mindre enn 0,5 meter, men kan lokalt vere meir. Lausmassar. Kjelde: Geologisk kart. Kjelde: NGU

15 5.13 Støytilhøve Delar av planområdet ligg under gul og raud støysone frå E134. Næringsområdet vil i seg sjølv utgjera støy mot omgjevnadene, og støyen frå europavegen vil ikkje oppfattast som særleg høg då det vert nytta hørslevern i drifta av næringsområdet. Det er per i dag ei kontor- og kvilebu på sørvestsida av gamlevegen gjennom planområdet. Støykart Kjelde: Luftforureining og næring Det er i dag etablert næringsverksemd i planområdet. Planforslaget legg opp til utviding og konsolidering av denne næringsverksemda. Det er allereie noko luftureining i form av støvpartiklar frå denne verksemda. Ca. 1 km sørvest for planområdet, på Helleberget, Øvernes, er det steinbrot og masseuttak. Flyfoto over Lauareid (nord), Ljusnes (søraust) og Øvernes (sørvest). Kjelde:

16 6 Skildring av planforslaget 6.1 Planlagt arealbruk og reguleringsføremål I planforslaget er det lagt til rette for produksjon av murestein av tilkøyrd stein samt og produksjon/ lager av grus og pukk frå tilkøyrde og stadeigne massar. Det blir regulert areal til lokale for nødvendige støttefunksjonar som administrasjon, velferdsrom, garasje/ reperasjon samt plass for parkering og lagring av konteinarar. Produksjon av murestein frå steinbrotet på Øvernes vil skje på nordsida av vegen. Steinavfall skal framleis bli lagra og knust på eit lågare plan enn produksjonen av murestein. Det er behov for å utvida arealet for knuseverk og lager. Utvidinga vil skje mot nord, og utsprengte massar vil bli brukt som råstoff for grus- og pukkproduksjonen. Innanfor areal regulert til steinbrot/massetak er det ca faste m³ masse. Etter kvart som arealet i massetaket på kote 172 blir utvida, vil det bli lagt til tilgrensande arealføremål industri/ lager og bli tatt i bruk til dette føremålet. Når det blir plass til det, er det meininga å bygga ein intern veg mellom øvre og nedre nivå parallelt med fylkesvegen. Arealet på sørsida av vegen vil bli brukt til administrasjon, velferdsrom, parkering, lager for tomme konteinarar og vedlikehald av maskinar og utstyr. Det kan bli aktuelt å setta opp ein egen hall for slike føremål. Det er lagt opp til eit areal på 3.03 daa til kontor/ lager, 4.27 daa til industri/ lager, og daa til steinbrot og masseuttak. I tillegg legg planen opp til 2.53 daa til føremålet LNF-område der det i dag er telekommunikasjonsnett. Elles vert daa regulert til LNF- område, totalt daa. Tilkomst til området skjer via eksisterande veg gjennom planområdet. Vegen er foreslått regulert til totalt 5.0 meter breidde. Vegen vil gå i eksisterande trasé, og har på det meste ei stigning på 1:10. Bygningar og anlegg (Pbl 12-5 nr. 1) Steinbrot og masseuttak, BSM (1201) daa Kontor/ lager, BKB (1825) 3.03 daa Industri/ lager, BKB (1826) 4.27 daa Samferdsle og teknisk infrastruktur (Pbl 12-5 nr. 2) Veg, SV (2010) 1.10 daa Annan veggrunn teknisk anlegg (2018) Annan veggrunn grøntareal (2019) 0.18 daa 0.13 daa Landbruks-, natur- og friluftsføremål (Pbl 12-5 nr. 5) LNF- areal, L (5100) daa

17 Omsynssoner (Pbl 12-6) Frisikt (140) 0.01 daa Ras- og skredfare (310) 1.13 daa 6.2 Plassering, utforming og storleik av massetak Det er planlagt eit massetak på om lag m³ faste massar nord for gamlevegen og aust for E134. Dette vil gi nødvendig utvida areal for knusing og lagring av overskotsmassar frå produksjonen av murestein samt gi grunnlag for eigen produksjon av grus og pukk av stadeigne massar av høg kvalitet. Mengda på m³ er sett ut frå eit ynskje om å ha tilgang til store nok massar til å vera konkurransedyktig i høve til prosjekt i den lokale marknaden. 3D- illustrasjonar over planområdet. Bileta er tekne frå nordvest

18 Det er planlagt å sikra ein trase for framtidig veg under skrenten i den austre delen av steinbrotet. Dette er veg både til skogområdet som ligg høgare enn steinbrotet, men og veg som tilkomst til pallar i stuffen på steinbrotet. Dette er ein veg som vil bli lite bruk og som derfor også kan vera ei sikringssone mot steinsprang frå den bratte skrenten. 3D- bilete teken frå E134 ved Lauareidtjørna mot planområdet. Fjell i bakgrunnen er ikkje med i illustrasjonen. Planforslaget vil ikkje vere i konflikt med registrerte kulturminne eller kulturmiljø, ei heller i konflikt med eksisterande busshaldeplassar eller gangveg knytt til desse. Dei ulike arbeidsoppgåvene som vil verta utført innafor dei ulike føremåla er delt, slik at all framtidig produksjon vil skje på nordsida av vegen. Trafikk på vegen vil ikkje vere naudsynt som del av arbeidet i produksjonslinene. 6.3 Miljøoppfølging Produksjon av murestein og massetak vil føre til støvpartiklar i lufta. Dette vil vere eit lokalt problem, og vil i liten grad nå busetnaden i områda rundt. Planområdet vil også utgjere ureining i form av avgrensa søl av olje frå anleggsdrifta. Det er ikkje til å unngå at det blir sprengt ein slange under høgt trykk. Olja blir spreidd og absorbert i lausmassane. Alt i dag blir det kjørt ut vatn som blir spreidd for å redusera støv frå trafikk på grusa veger og flater. Etter kvart vil permanente veger og flater bli asfalterte for å redusera støvplage i eit område som elles er godt skjerma mot omgjevnadane; av skog og skjeringar. Finstoff vil bli vaska ut av regnvatn som følgjer Kyrpingvassdraget til sjøen. Anleggsområdet ligg øvst og i utkanten av nedbørfeltet slik at avrenninga har avgrensa omfang. Det vil bli bygd eit ope sedimenteringsbasseng i det lågaste partiet like ved undergangen under E134. På den måten kan ein få tatt hand om finstoff før dette følgjer vassdraget lenger ned mot område som alt er utbygde. Det er ikkje registrert sårbare økosystem i områda rundt planområdet, og det vil ikkje vere naudsynt med miljøoppfølging. Det er elles lagt opp til at drifta i alle ledd vil følgje krava i ureiningsføresegna

19 6.4 Landbruksfaglege vurderingar Planforslaget vil ikkje vere i konflikt med landbruksinteresser. 6.5 Plan for vass- og avlaup samt tilknyting til kommunalt nett Det er ein transformatorstasjon samt telekommunikasjonsmast innafor planområdet. Det har vore kontakt med Telenor som eigar av telestasjonen, og det er ikkje registrert interesse for å regulera for føremålet. Denne delen av planområdet er difor foreslått som LNF-område. Det er mogeleg å kople seg på det kommunale vass- og avlaupsnettet som ligg i området frå tidlegare verksemd. 6.6 Plan for avfallshenting Avfall som vert generert på planområdet vil vere av svært liten mengde, og vil verta transportert vekk for eigen rekning. Anna avfall vil verta frakta til eigna miljøstasjonar

20 7 Konsekvensutgreiing 7.1 Konsekvensutgreiing etter konsekvensutgreiingsforskrifta Etne kommune har vurdert og konkludert med at det ikkje er nødvendig med konsekvensutgreiing for planen. Dette er vurdert nærare under, i pkt Grunngjeving til kvifor planen ikkje er konsekvensutgreiingspliktig Tiltaket er av ein slik art at det skal vurderast i høve til 4 i Forskrift om konsekvensutgreiingar (vedlegg II, nr. 10: Utvinningsindustri, herunder masseuttak) Innhald og føremål Planområdet skal primært nyttast til produksjon og lagring av murestein frå steinbrot utanfor planområdet. Steinbrotet med skiferstein ligg ved eksisterande E134 på Øvernes, om lag 1,2 km i retning Etne. I steinbrotet er det ikkje plass til produksjon og lagring av murestein eller til å ta hand om og vidareforedla overskotsmassar. Næraste høvelege område for slik verksemd er planområdet ved Lauareidtunellen. Planområdet har tidlegare vore nytta til riggområde for anlegget av ny E134. Lendet gir naturleg skjerming for støy frå verksemda som er pigging av stein, lasting av murestein på bil eller i konteinar og knusing, lagring og lasting av overskotsmassar til bruk som pukk og grus. Nødvendig utstyr er gravemaskinar med og utan utstyr for pigging, hjullastarar, knuse- og sorteringsverk samt konteinarar. Det er behov for større areal til å ta hand om overskotsmassane. Dette kan ein få til i planområdet ved å sprenga ut og utvida det området som alt er i bruk. Den utsprengte bergarten er ikkje skiferstein, men har ein kvalitet som er svært godt eigna som grus og pukk (finkorna granitt, gneisgranitt). Produksjonen føreset boring og sprenging, men elles ikkje anna utstyr eller aktivitetar enn det som alt er i bruk i området Grunngjeving Utviding av arealet vil legge tilhøva betre til rette for eksisterande verksemd samstundes som verksemda blir styrka med nye produkt og betre utnytting av mannskap og materiell, utan at det blir tilført nye aktivitetar. Det blir ikkje nye miljøverknadar samstundes som tiltaket er godt skjerma mot innsyn Tidsplan Steinbrotet på Øvernes inneheld skiferstein for lang tids uttak. Det vil med dagens uttak gå lang tid før det er planert eit tilstrekkeleg stort areal til at det vil vera tenleg å flytta produksjonen av murestein, pukk og grus til sjølve uttaksstaden. Når det gjeld produksjon av pukk og grus frå stadeigne massar i planområdet, kan også dette utvidast med stadig mindre miljøverknadar fordi stuffen vil vera skjerma på tre sider. Dersom dette massetaket i framtida blir avvikla, vil arealet vera planert og skjerma og veleigna for ulike typer verksemd med god tilkomst til E134. Det vil då vera mogleg å sprenga ned pallar og plassera mindreverdige massar slik at det kan etablerast vegetasjon og til demping av store loddrette bergflater

21 7.2.4 Nødvendige offentlege og private tiltak Det er ikkje nødvendig med offentlege eller private tiltak av nokon art i planområdet. Alle tiltak er av ein slik karakter at dei er nødvendige for den daglege drifta av eksisterande og utvida verksemd. I dette ligg og ei oppstramming, oppmerking og markering av gamlevegen gjennom planområdet Konsekvensar, j.fr. punkt b) Vedlegg III. Rammer for krav til innhald i konsekvensutgreiinga: Ureining: ikkje noko pårekneleg Transportbehov, energiforbruk og energiløysingar: Produksjonen ligg sentralt i forhold til råstoff og marknad Kulturminner og kulturmiljø: Blir ikkje berørt Landskap: Massetak vil gi inngrep i landskapet. Her er landskapsinngrepet godt skjerma og vil i tillegg skjerma omgjevnadane for verknadar av aktiviteten i området Jordvern: Ingen konflikt Helse: Ingen påverknad Tilgjenge til uteområde og gang- og sykkelvegnett: Gamlevegen gjennom planområdet fungerer som gang- og sykkelveg for lokaltrafikk og for fjerntrafikk langs E134. Ingen konflikt. Beredskap og ulykkesrisiko: Sjå ROS-analyse Barn og unges oppvekstvilkår: Ingen konflikt Samla sett er det små og lite alvorlege konsekvensar av tiltaket. Tiltaket er i samsvar med den type tiltak som er lagt til grunn for kommuneplanen. Utvidinga i forhold til kommuneplanen har grunnlag i ei meir detaljert vurdering av behov og driftsmessige tilhøve enn det som har vore aktuelt i ein oversiktsplan og inneber ei justering/suplering meir enn ei utviding/ konflikt med kommuneplanen

22 8 ROS analyse 8.1 Uønska hendingar med mogelege førebyggjande tiltak Uønska hending Sannsyn Konsekvens Risiko Aktuelt tiltak/ kommentar Ras/ skred S4 K1 S4/K1 (3) Sterk vind S2 K1 S2/K1 (2) Skog- og grasbrann S2 K1 S2/K1 (2) Naudsynt sløkkjevatn må sikrast ved ein eventuell skogbrann. Avstand til brannstasjon er viktig for å stoppa ein skogbrann raskast mulig. Radon S4 K2 S4/K2 (6) Alle bygningane vert planlagt og bygd i samsvar med krav i TEK 10, forskrift om tekniske krav til byggverk, 13-5 Radon. Viltpåkjørslar S5 K2 S5/K2 (4) Jordskjelv S3 K1 S3/K1 (4) Dei fleste jordskjelv i Noreg frå 1979 til i dag har vore under 4 på Richters skala. Ekstremnedbør S2 K1 S2/K1 (2) Ureining i luft, vatn eller grunn S5 K2 S5/K2 (2) Etablering av sedimenteringsbasseng. Brann S4 K2 S4/K2 (6) Naudsynt sløkkjevatn må sikrast. Infrastruktur, veg S2 K2 S2/K2 (4) Det er planlagt føremål som vil skilje produksjon av murestein og masseuthenting på nordsida av vegen gjennom planområdet, samt lager og kontor på sørsida av vegen. Trafikk på denne vegen vert difor svært avgrensa. Støy S1 K1 S1/K1 (6) Det vil ikkje vere naudsynt med støyreduserande tiltak mot fylkesvegen. Fallulykker S5 K3 S5/K3 (6) Det er naudsynt å setja opp gjerde rundt steinbrotet

23 8.2 Konklusjon Vi har utført ei vurdering av den reelle snøskredfaren innafor planområdet og finn at den reelle faren for snøskred er svært liten grunna stadlege tilhøve, topografi, historie og klima. Gjerde må setjast opp rundt steinbrotet. Vi kan ikkje sjå at det er naudsynt med vidare risikoreduserande tiltak på planområdet. ROS- analysen ligg i sin heilhet som vedlegg. 9 Verknadar/ konsekvensar av planforslaget I ROS- analysen er ulike tema skildra i samsvar med Etne kommune sine akseptkriterium, og det er utgreidd ulike mogelege førebyggjande tiltak til potensielle uønska hendingar. I analysen kom det fram at nærområdet er relativt robust, og det er ingen sårbare økosystem i områda rundt planområdet som kan verka påverka av planforslaget. Vidare utgreiingar er ikkje naudsynt

24 10 Innkomne merknadar 10.1 Innkomne merknader til oppstartmeldinga Mattilsynet, Mattilsynet ber tiltakshavar ta omsyn til krav om tilfredsstillande drikkevatn i bygningar til opphald for menneske, og at desse krava blir ført inn i reguleringsføresegnene. Kommentar: Omsyn til krav om tilfredsstillande drikkevatn i bygningar til opphald for menneske er ført inn i føresegnene til planen Statens vegvesen, Gamlevegen gjennom området skal tena som lokal bilveg og regional gang- og sykkelveg. Vegvesenet ynskjer derfor ikkje anleggsverksemd på tvers av denne vegen, og ber om at det blir fysisk skilje mellom gamlevegen og produksjonsareal. Dersom det skal vera næringsområde på begge sider av gamlevegen, må det vera eit klart skilje mellom produksjon og administrasjon. Vegstelle meiner byggegrense mot E134 bør vera 30 m, og vil koma med fleire merknadar når det ligg føre eit planutkast. Kommentar: Produksjon av murestein frå steinbrotet på Øvernes vil vera på nordsida av gamlevegen. Restproduktet vil og bli knust i det same området. Arealet på andre sida av gamlevegen, på sørsida av denne, vil bli brukt til administrasjon, parkering, lager for tomme konteinarar og bygging av ein eventuell framtidig hall for vedlikehald av maskinar og utstyr. Det er god kvalitet på fjellet i området, og det kan vera aktuelt å produsera pukk og grus for sal i den lokale marknaden, eventuelt i samband med utviding av areal for produksjon av murestein frå Lauareid. Også dette vil skje på nordsida av gamlevegen. All framtidig produksjon skal skje på nordsida av gamlevegen, utan at det er nødvendig med trafikk på vegen som del av arbeidet i ei produksjonsline Norges vassdrags- og energidirektorat, I aktsemdkart for snø- og steinskred er det aktuelle planområdet vist som potensielt fareområde for skred. I første omgang må det gjerast ei nærare vurdering av skredfaren i samband med planarbeidet. Det må nyttast tilstrekkeleg fagleg kompetanse, og skredfarevurderinga må underleggast kontroll av sidemann eller uavhengig part. Det må definerast faresonegrenser i samsvar med tryggleikskrava i TEK 10 og eventuelle fareområde må innarbeidast i planen. Føresegnene må sikra akseptabel tryggleik før utbygging kan finne stad

25 Kommentar: Vi har i samband med ROS-analysen gjort ei nærare vurdering av skredfaren. Rasfaren er vurdert som svært liten Fylkesmannen i Hordaland Fylkesmannen viser til at området skal nyttast til produksjon og lagring av stein frå steinbrot innanfor planområdet (vår utheving), og at det skal takast ut massar i samband med at det skal planerast eit areal innanfor planområdet. Planområdet er opplyst å vera 42,6 dekar, av dette er kanskje ¼ næringsføremål i kommuneplanen, resten er LNF-føremål. Fylkesmannen meiner derfor det ikkje er riktig at planlagt arealbruk i prinsippet er i samsvar med gjeldande overordna plan. Fylkesmannen meiner det er viktig at ein gjer ei vurdering etter naturmangfaldlova 7-12 og om tiltaket kan utløysa krav om konsekvensutgreiing. Det må gjerast greie for kom mykje massar og stein som skal takast ut og kor djupt/høgt ein skal gå. Det må utarbeidast profilar som viser før- og ettersituasjon og det må liggja føre ein landskapsplan som viser korleis arealet skal sjå ut når det er ferdigstilt. Ein må sikre at anlegget ikkje fører til ureining, og støytilhøva må greiast ut. Det må takast kontakt med direktoratet for mineralforvaltning for å undersøka om det må søkast etter løyve etter minerallova. Kommentar: Området skal nyttast til produksjon og lagring av stein frå steinbrot utanfor planområdet (vår utheving), og ikkje innanfor slik fylkesmannen skriv. I tillegg skal det takast ut massar for å planera eit areal innanfor planområdet. Det er i kommuneplanen ikkje tatt standpunkt til kor stort areal som skal planerast. Dette skal avklarast i planprosessen og er ein av grunnane til at det blir utarbeidd detaljplan. I planforslaget blir det nå lagt opp til uttak av m faste m³ som er det volumet som må til for å vera konkurransedyktig i høve aktuelle prosjekt i den lokale marknaden. Det er ikkje tilført nye aktivitetar ut over det som ligg i kommuneplanen, men det er rett at omfanget av aktivitetane er utvida. Planen vil elles, i innhald, omfang og prosess, bli utarbeidd i samsvar med gjeldande retningsliner for detaljreguleringsplanar Hordaland Fylkeskommune, Skriv i brev komen inn etter at fristen er ute at det er viktig at ein i utforminga har fokus på landskapstilpassing og søkjer å minimere skjemmande skjeringar og liknande. Skriv vidare at det er kartfesta ei gravrøys på Klypehaugen like utanfor planområdet, og det er kjend med fleire forhistoriske busettingsspor og gravminne i nærleiken. Hordaland Fylkeskommune må gjennomføre ei synfaring av planområdet før endeleg fråsegn vert gjeven. Kommentar: Hordaland Fylkeskommune kan synfare området for å vurdere om tiltaket kan kome i konflikt med hittil ikkje registrerte automatisk freda kulturminne. Hordaland Fylkeskommune kan kome med endeleg fråsegn til planen etter at synfaringa er gjort

26 Direktoratet for mineralforvalting, Direktoratet for mineralforvalting skriv at tiltaket kjem under 3 i minerallova, og at det etter 43 vil eit samla uttak av mineralførekomstar på meir enn m3 krevje driftskonsesjon frå direktoratet. Etter meir detaljert informasjon om totalt uttaksvolum og tidshorisont vil direktoratet vurdere om uttaket av massar krev driftskonsesjon etter 43. Kommentar: Innafor føremålet vil det samla uttaket av mineralførekomstar overstige m3. Det vil difor bli sendt søknad om driftskonsesjon etter 43 til direktoratet for mineralforvalting

27 11 Avsluttande kommentar Planforslaget er i prinsippet i samsvar med overordna plan, arealdelen til kommuneplanen. Planforslaget opnar opp for ei utviding av industriområdet, i tillegg til å leggje opp til steinbrot og masseuttak. Eksisterande veg og avkøyrsle frå E134 vil verta nytta

28 12 Reguleringsføresegner Dei regulerte områda er vist med reguleringsgrense på plankartet. Innafor dei regulerte områda skal arealbruken vera som det går fram av plankartet. Desse føresegnene utgjer saman med plankart datert reguleringsplan for området. Føremålet med planen er å leggja til rette for å nytta eit område til produksjon og lagring av murestein frå nærliggjande steinbrot og til uttak av stadeigne massar i samband med utviding av planert areal. Restareal vil bli regulert til LNF- område. 1 Arealet innafor plangrensa har følgjande føremål i samsvar med plan- og bygningslova I. Bygningar og anlegg (Pbl 12-5 nr. 1) - Steinbrot og masseuttak, BSM - Kontor/ lager, BKB - Industri/ lager, BKB II. Samferdsle og teknisk infrastruktur (Pbl 12-5 nr. 2) - Veg, SV - Annan veggrunn teknisk anlegg - Annan veggrunn grøntareal III. Landbruks-, natur- og friluftsføremål (Pbl 12-5 nr. 5) - LNF- areal, L 2 Felles føresegner Dersom det i samband med gravearbeid vert avdekka automatisk freda kulturminne, skal arbeidet straks stansast og fylkeskonservatoren få melding for ei nærare gransking på staden, jfr. Kulturminnelova 8, 2. ledd Massetak skal ha eit mest mogleg ryddig inntrykk i driftstida, og utforminga av landskapet etter ferdig massetak skal gje eit tiltalande inntrykk Ved framføring av tele- og elektriske kablar innanfor byggjeområda, skal desse så langt råd er leggjast i jordkabel

29 2.1.4 Bygningar skal ikkje plasserast nærare enn 30 meter frå senterline europaveg I samband med byggjemelding skal det leggjast ved situasjonsplan for utnytting av tomta. Planen skal syne plassering og hovudform på bygningar, parkering, fyllings- og skjeringsskråningar, forstøtningsmurar, gjerder, samt terrengmessig handtering av høgder. 3 Bygningar og anlegg (Pbl 12-5 nr. 1) 3.1 Steinbrot og masseuttak (BSM) Innafor området kan det fjernast massar og planerast til kote Eventuelle høge fjellskrentar innafor området må sikrast Etter kvart som arealet i massetaket blir utvida skal det bli lagt til tilgrensande arealføremål industri/ lager og bli tatt i bruk til dette føremålet Området skal driftast jf. ureiningsforskrifta Kontor/ lager (BKB1) Innafor området kan det førast opp bygningar til administrasjon og hall for vedlikehald av maskinar og utstyr. Bygningar kan førast opp med saltak eller flatt tak. Maks. byggehøgde innafor BKB1 er 7.0 meter målt frå gjennomsnittleg planert terreng, jf. «Grad av utnytting», H Grad av utnytting på næringsområdet er satt til 50% BYA og skal inkludere areal for administrasjonbygg, renovasjon og lagring under tak. Interne tilkomstvegar, parkeringsareal og lagring utan tak kjem i tillegg Innafor området kan ein leggje opp til parkering av lette og tunge køyretøy i samband med drifta av området Delar av området kan nyttast til lagring av konteinarar. 3.3 Industri/ lager (BKB2) Innafor området kan det leggjast til rette for produksjon av murestein, samt knusing av restmassar til pukk og grus

30 4 Samferdsle og teknisk infrastruktur (Pbl 12-5 nr. 2) 4.1 Veg (SV) Veg, SV, er ein offentleg veg og skal liggje i eksisterande trasé, og utvidast. Det kan gjerast mindre justeringar i vegplassering om dette fører til mindre inngrep og betre tilpassing til terrenget. Skjeringar og fyllingar skal så langt som råd jamnast ut til ei naturleg utforming Vegen skal ikkje stengast av, men haldast open for lokaltrafikk gjennom planområdet Det kan opparbeidast avkøyrslar frå vegen inn til interne tilkomstvegar på BKB1, BKB2, BSM og L Annan veggrunn tekniske anlegg Innafor området kan det opparbeidast grøft. 4.3 Annan veggrunn grøntareal Innafor området kan det setjast av areal til fyllings/ skjeringsutslag i samband med vegutviding, samt kabelgrøft/ -skap. 5 Landbruks-, natur- og friluftsføremål (Pbl 12-5 nr. 5) 5.1 LNF-areal (L) Det skal ikkje gjerast inngrep innafor områda. 6 Rekkjefølgjekrav Før det vert gjeve bruksløyve til næringsområde skal areal for renovasjonsanlegg, interne tilkomstvegar og parkeringsareal vera opparbeidd og skrentar ved nivåforskjellar må vere sikra

31 13 Innkomne merknader Innkomne merknader ligg i sin heilskap nedanføre

32

33

34 REGIONALAVDELINGA Planseksjonen - REG AVD Omega Areal v/eileen P Selland Dato: Dykkar ref.: Vår ref.: 2014/51-4 Fråsegn Varsel om oppstart av detaljregulering for Lauareid næringsområde Etne kommune Vi viser til brev datert om oppstart av arbeid med detaljregulering for Lauareid næringsområde. Hovudføremålet med reguleringa er næring. Føremålet er i hovudsak i samsvar med kommuneplan der området er sett av til næringsføremål og LNF-område. Kommunen har vurdert at planen ikkje utløyser krav om konsekvensutgreiing. Vi beklagar at vår fråsegn kjem etter fristen. Dette skuldast kapasitetsutfordringar. Hordaland fylkeskommune vurderer varselet ut i frå fylkeskommunens sektoransvar og målsettingar i regionale planar. Vurdering og innspel Landskap Planområdet går gjennom to landskapsområder, Etnefjorden som er av landskapstypen «middels breie fjordløp», og Stordalsvatnet som er av landskapstypen «fjorddaler og storforma fjordvendte u-daler». Dette er begge landskapstypar som i utgangspunktet er storskalaområder og difor er relativt robuste mot inngrep som gir endring av landskapskarakteren. Likevel kan enkeltvise tiltak kome til å bli synlege på lange avstandar og det er viktig at ein i utforminga av planen har fokus på landskapstilpassing og søkjer å minimere skjemmande skjeringar og liknande. Kulturminne Ut frå våre arkiv er det kartfesta ei gravrøys på Klypehaugen like utanfor planområdet, og nærleiken kjenner ein fleire lokalitetar med forhistoriske busettingsspor og gravminne. Grunna potensiale for funn av forhistoriske kulturminne, må vi gjennomføre ei synfaring av planområdet før vi kan gje fråsegn til planen. Vi gjer merksam på at det vil vere ein fordel for tiltakshavar å klarleggje spørsmål omkring kulturminneverdiar i området på eit tidleg tidspunkt i planprosessen. Ved synfaringa vil ein vurdere om tiltaket kan kome i konflikt med hittil ikkje registrerte automatisk freda kulturminne, og ta stilling til om det er naudsynt med ei arkeologisk registrering for å få oppfylt undersøkingsplikta etter 9 i kulturminnelova. Synfaringa av området vil bli gjort så raskt som råd. Meir informasjon om plantema, rettleiarar og statistikk/kart kan ein finne på nettsidene våre Oppsummering Hordland fylkeskommune ber om at planarbeidet legg særleg vekt på landskap og kulturminne.

35 Side 2/2 Marit Rødseth plansjef Per Morten Ekerhovd Fylkeskonservator Brevet er godkjent elektronisk og har derfor inga underskrift. Sakshandsamar: Hans-Christian Engum, Planseksjonen - REG AVD, REGIONALAVDELINGA Tore Slinning, Seksjon for kulturminnevern og museum - KULTURAVDELINGA Kopi til: Etne kommune Postboks 54 Fylkesmannen i Hordaland Postboks 7310 Hordaland fylkeskommune Agnes Mowinckels gate 5 PB Bergen Tlf: e-post: hfk@hfk.no Foretaksnr. NO mva. Kontonr. [ ]

36 Sakshandsamar, innvalstelefon Kari Elster Moen, Vår dato Dykkar dato Vår referanse 2013/ Dykkar referanse Omega areal AS Kvassen 5582 ØLENSVÅG Uttale til oppstartvarsel for Lauareid næringsområde - reguleringsplan - Etne kommune Fylkesmannen viser til melding om oppstart av reguleringsplanarbeid for Lauareid næringsområde datert Slik det framgår av varsel om oppstart skal området nyttast til produksjon og lagring av murstein frå steinbrotet innanfor planområdet. Det skal og takast ut massar i samband med at det skal planerast eit areal innanfor planområdet. Den største delen av arealet er ikkje i samsvar med overordna plan. Planområdet er opplyst å vere ca. 42,6 dekar, av dette er kanskje ¼ næringsføremål i kommuneplanen, resten er landbruks-, natur og friluftsområde. Det er såleis ikkje riktig som det står i varsel om oppstart at planlagt arealbruk i prinsippet er i samsvar med gjeldande overordna plan. Fylkesmannen er i utgangspunktet kritisk til reguleringsplanar som ikkje er i tråd med overordna plan. Eit slikt areal er ikkje utgreidd i samband med kommuneplanen. Difor er det viktig at ein her gjer ei vurdering etter naturmangfaldlova Dersom det kjem fram i vurderinga etter naturmangfaldlova at det er viktige naturverdiar som blir råka av tiltaket, så kan det utløyse krav om konsekvensutgreiing. Reguleringsplanen må ha ei gjennomtenkt arealbruk både i uttaksområdet og i randsona. Det kan vere ønskjeleg med ein skjerm mot innsyn frå omkringliggande areal. Ein må sikre at tilkomsten til arealet skjer på ein trygg måte så lenge området skal vere i drift. Her må ein særleg ta omsyn dersom transporten skal skje på skoleveg eller liknande. Det må gjerast greie for kor mykje massar og stein som skal takast ut av området, og kor djupt/høgt ein skal gå. Det må utarbeidast profilar som viser før-, og ettersituasjon. Og dersom det skal tilkøyrast massar må det stillast krav at dei skal vere reine. Det bør setjast ei frist for når drifta skal avsluttast og det må føreligge ein landskapsplan med perspektivteikningar som viser korleis arealet skal sjå ut når det er ferdigstilt. Ein må stadfeste arealbruken som skal gjelde når feltet er avslutta. Det kan og vere naudsynt å planlegge tilplanting i samråd med fagpersonar dersom arealet skal tilbake til LNF når det er ferdig. Statens hus Kaigaten 9, 5020 Bergen Telefon: Telefaks: Kommunal- og samfunnsplanavdelinga Postboks 7310, 5020 Bergen Org.nr: E-post: postmottak@fmho.no Internett:

37 Vi vil elles rå til å ha ein bom som stenger for innkøyring til området. Det motverkar til dømes at det vert dumpa avfall. Ein må sikre at drifta av anlegget ikkje medfører forureining. Dette vert regulert av forureiningslova og skal handhevast av kommunen. Det kan til dømes vere naudsynt med sedimenteringsbasseng for å sikre at det ikkje kjem avrenning av til nærliggande vassdrag og vatn. Støytilhøva må utgreiast, og det bør eventuelt setjast avgrensingar på drifta i ulike tidsrom for å hindre ulemper for omgjevnaden. For å sikre at kommunen har eit godt verktøy når dei skal følgje opp drifta av anlegget, er det naudsynt med gode føresegner til planen som i varetar mellom anna det vi har spelt inn i dette brevet. Føresegnene treng ikkje vere meir omfattande enn det tiltaket krev. Tiltakshavar eller konsulent på ta kontakt med direktoratet for mineralforvaltning for å undersøke kva ein må søke om løyve til etter minerallova. Det kan til dømes vere naudsynt med driftskonsesjon. Dei vil og kunne svare på om dei skal ha reguleringsplanen på høyring. Med helsing Tord Bakke e.f. seniorrådgjevar Kari Elster Moen seniorrådgjevar Brevet er godkjent elektronisk og har derfor inga underskrift. Kopi til: Etne kommune Postboks ETNE 2

38

39

40

41