INFORMASJONSHEFTE SYVERPLASSEN BARNEHAGE

Transkript

1 INFORMASJONSHEFTE SYVERPLASSEN BARNEHAGE EIN GOD PLASS FOR LITEN OG STOR DER VENSKAP GROR

2 VELKOMNE TIL SYVERPLASSEN BARNEHAGE Dette er eit informasjonshefte som inneheld praktiske opplysningar som føresette treng når borna byrjar i barnehage. Vi bygger drifta vår på sentralt vedtekne lover og forskrifter og lokalt utarbeidde og vedtekne planar. Rammeplan: Ny rammeplan i Kvalitetsplan: Hareid Kommune har utarbeidd ein kvalitetsplan,- LÆRING OG OMSORG-, for god oppvekst i Hareid Denne viser satsingsområda kommunen har i arbeid med borna og er eit styringsdokument for oss når vi planlegg arbeidet vårt. Verksemdplan: Med bakgrunn i dei ovanfor nemnde planane har Syverplassen utarbeida ein verksemdplan, denne skal reviderast kvart år. Den vert delt ut til heimen når barnet byrjar i barnehagen. Planen viser kva Syverplassen legg vekt på i arbeidet med borna. Månadsplanar/temaplanar: Vert delt ut når vi byrjar på ny månad eller tema. Det kan variere litt kor lenge eit tema varer,- det kan vare frå 2-3 veker til 1-2 månader, litt avhengig av kva borna er interesserte i og opptekne av. Med bakgrunn i at borna skal vere meir deltakande i val av innhald i barnehagen, er det viktig at vi lyttar og tek omsyn til det borna er interesserte i. Desse dokumenta dannar grunnlaget for innhaldet i barnehagen.

3 FØRST LITT OM SYVERPLASSEN BARNEHAGE. har tre avdelingar: Grønfinken, Gulsporven og Blåmeisa. Barnehagen har 60 plassar. Ein kan velje mellom 5 dagar, 4 dagar, 3 dagar, og 3 dagar ei veke og 2 dagar neste veke (50%). Nærområdet til barnehagen har gode mulegheiter for å ta borna med på fjelltur, til Hareidselva og Rotarystien og sentrum av Hareid der vi brukar biblioteket jamleg. Vi har òg eit stort uteområde. Vi arbeider med å få den nye delen opparbeidd med fleire leikeapparat, slik at uteområdet vårt skal verte ein variert stad for alle aldersgrupper. Det er born frå 0-5 år som har plass i barnehagen. Aldersinndelinga varierer etter behov. Grønfinken 0-3 år, Gulsporven 2-5 år og Blåmeisa 2-5 år. Opningstida til barnehagen er , måndag fredag. o Telefonnummeret til barnehagen: o Styrar / mobil o Direktenummera til dei ulike avdelingane er: o Blåmeisa: o Grønfinken: o Gulsporven:

4 VELKOMEN TIL DET VIKTIGASTE MØTET Tilvenning Tilvenningstida i barnehagen er spennande, særleg for dei som ikkje har gått i barnehage før. For dei minste borna har vi primærkontakter. Då har ein vaksen eit særleg ansvar for ei mindre gruppe born. Primærkontakta er saman med borna i situasjonar som måltid, bleieskift og ved legging den første tida i barnehagen. Denne personen vil vere kontaktperson for føresette og ha ein dialog om korleis tilvenningstida vert lagt til rette for barnet. Ho vil vere tilgjengeleg for føresette etter behov. Personalet i barnehagen veit at borna er spente. Vi veit at foreldra overlet det kjæraste dei har til oss, og foreldre er spente på korleis barnet deira vil takle det å byrje i barnehagen. Borna reagerer ulikt på å skulle forlate foreldra og dei fleste vil kjenne på at det er ei tøff tid fram til borna har kome i gjenge. Uansett vil personalet gjere alt dei kan for at dette skal gå så lett som muleg. Føresette må bruke god tid. Det mest vanlege er at borna treng frå 3 dagar til 3 veker med tilvenning. Sjølv med dei barna som synest det er greitt at foreldra går, er det viktig å bruke tid. Dersom ein går for tidleg, er det ofte at barnet kan få eit «tilbakefall» etter ei stund. Difor rår vi til at føresette bør vere i barnehagen i lag med barnet dei første tre dagane. Det er viktig for oss i barnehagen å verte godt kjend med barnet og barnet sine rutinar og vaner heimanfrå, slik at overgangen vert betre for borna. Det er derfor fint at foreldre sit i lag med borna under måltida, hjelper borna på toalettet/ i stellesituasjonar, påkledning og er med i leik. Dette er med på å knyte gode relasjonar mellom born, føresette og tilsette i barnehagen. Dei minste treng ofte mest tid. Ver førebudd på at dei minste borna treng meir tid. Dei kan ikkje uttrykke seg språkleg, og her må alle vere obs på andre teikn på kva behov barnet har. Korte dagar. Generelle råd; dette må vurderast frå barn til barn. Første dagen bør ein ikkje vere i barnehagen i meir enn to timar. Då skal foreldra vere nær barnet, gjerne vere den som steller, kler på og av, og evt. hjelper med måltid. Andre dagen skal personalet overta gradvis, evt. trekke seg unna viss barnet protesterer. Foreldra skal vere tilstade, men gjerne i eit anna rom. Tredje dagen kan foreldra gå dersom det går greitt. Husk: Avtal tid med personalet kva tid du kjem att. Ikkje sei til barnet at du kjem «om ei lita stund». Når du har sagt «ha-det»,så skal du gå og ikkje ombestemme deg.

5 Å verte kjend I lag med barnet skal foreldra gjere seg kjende med personalet, med roma på avdelinga, og med leikene i barnehagen De kan også nytte tida til å gå rundt, ta kontakt med dei vaksne både på avdelinga og i resten av personalgruppa. Vi skal alle vere i lag med barnet ditt i lang tid framover. Pedagogisk leiar på avdelinga har ansvar for at minst ein av dei føresette får ein «bli-kjend-samtale» i løpet av dei første dagane. Ta gjerne kontakt dersom de ønskjer samtale på førehand eller ved andre høve. Dei første vekene barnet er i barnehagen/ første tida Kvalitet i barnehagen er når borna kjenner at her har dei det trygt og godt, her har dei lyst å vere. Foreldra skal kjenne seg trygge når dei leverer borna sine i Syverplassen. Personalet skal bruke tida på å opparbeide tillit til borna, jobbe med gruppesamansetting slik at alle finn sin plass. Vi må vere nær borna og hjelpe dei til å finne løysingar når dei møter vanskelege situasjonar. Øve på daglege gjeremål Desse første vekene skal vi bruke til å øve på korleis vi vil ha det i lag. Alle dei daglege gjeremåla er læringssituasjonar og skal planleggast og øvast inn. Vi skal øve på korleis det skal vere t.d. ved matbordet, når vi har samlingstund, i stellesituasjonar, påkledning/avkledning og i leik. Alle desse leikeaktivitetane utgjer ein heilskap, og i lag med autoritative vaksne, er dette det pedagogiske arbeidet i barnehagen. (sjå verksemdplan) Faste rutinar og fast dagsrytme er viktig Dagtavle: Bruk av dagtavle gjev borna mulegheit til å velje aktivitet. Personalet heng opp bilete av nokre aktivitetar som borna får velje mellom. På dagtavla heng det også bilete som viser kva vi skal gjere resten av dagen. Dette hjelper borna å få oversikt over kva som skal skje.

6 DAGSRYTMA PÅ GRØNFINKEN (SMÅBARNSAVDELINGA): Kl.06.45:Barnehagen opnar. Kl : Frukost på fellesrommet/ leik på avdelingane Kl.09.00: Samling, dagtavle. Kl.09.45: Gruppedeling med aktivitet/leik ute eller inne/tur. Kl : Handvask og bleieskift. Kl : Hovudmåltid. Kl.12.00: Kvilestund. Kl.14.15: Lett ettermiddagsmåltid/frukt. Kl.15.00: Leik inne/ute. Kl.16.30: Leik på fellesrommet for alle avdelingane. Kl.17.00: Barnehagen stenger. DAGSRYTMA FOR GULSPORVEN OG BLÅMEISA Kl.06.45:Barnehagen opnar. Kl : Frukost/leik på avdelingane Kl.09.00: Gruppedeling ute og inne med varierte aktivitetar. Kl.11.00: Rydding/toalett/stell/garderobestund. Kl.11.30: Måltid med pålegg og brød eller vi lagar til varme måltid. Kl.12.30: Leik ute. Kl.14.30: Ettermiddagsmat med brød, knekkebrød og frukt. Kl.15.00: Leik/aktivitet ute eller inne. Kl.16.30: Leik på fellesrommet for alle avdelingane. Kl.17.00:Barnehagen stenger. Fram til kl.07.00/07.30 og etter kl kan det vere at personalet frå dei andre avdelingane tek i mot og/eller tek farvel med barnet dykkar. Dette blir slik på grunn av vaktsystemet vårt.

7 SERVERING AV ALLE MÅLTID I BARNEHAGEN. Målsettinga er at borna skal få tilbod om sunn og næringsrik mat og at vi skal få til god atmosfære rundt måltidet med kommunikasjon og dialog mellom born-born og born-vaksen på eiga avdeling, og ved frukosten på tvers av avdelingane. Ved måltida vil vi at borna skal øve seg i god folkeskikk som t.d. å byrje setningane med: «Kan du sende meg eller kan du hjelpe meg.» Born som er fysisk aktive treng påfyll av god og næringsrik mat. Vi legg vekt på eit kosthald med lite sukker og feitt. Når borna kjem om morgonen får dei sette seg til frukostbordet på fellesromet. Til lunsj har vi smøremåltid, ute/inne, eller niste på tur. To dagar i veka serverer vi eit varmt måltid. Det eine er havregrynsgraut, det andre varierer vi på ut frå ein meny vi har laga. På ettermiddagen får borna påsmurte skiver, knekkebrød el.l. Ein dag i veka får borna yoghurt på ettermiddag,- dei som vil får havregryn i yoghurten. Borna skal få delta i matlaging og på den måten verte kjend med ulike matsortar. Vi lagar også mat ute på bålplassane ved gapahukane og på stormkjøken. Dette vert mykje brukt, særleg med dei eldste borna som t.d.er med å kutte grønsaker til suppe som vert kokt i bålpanne. Kvar dag får borna frukt. Til drikke har vi vatn og mjølk tilgjengeleg. Har vi det slik i kvardagen, kan vi glede oss over å «skeie ut» på varme sommardagar eller ved andre markeringar. SJUKDOM Barnet kan ikkje vere i barnehagen når han/ho har ein smittsam sjukdom, har feber eller ikkje kan vere ute. Ved forkjøling eller liknande er det allmenntilstanden som avgjer om barnet kan vere i barnehagen. Har barnet hatt feber eller vore sjuk, skal det vere heime ein dag ekstra. Når det gjeld smittsame sjukdomar, har vi reglar for kor lenge barnet bør vere borte frå barnehagen. Desse er anbefalt av statens helsevern og er å finne på avdelingane som oppslag og som tillegg til dette heftet. Når det gjeld omgangssjuke, rår vi til at borna er heime i 48 timar etter siste oppkast/diare. Det er og reglar for oppbevaring og utdeling av medisin. Ta kontakt med personalet om dette er aktuelt for ditt barn. Som eit førebyggande tiltak for ikkje å spreie smitte ønsker vi at born og vaksne vaskar eller spritar hendene både når dei kjem og går frå barnehagen. Ein kan vaske hendene på toaletta i vindfanga. Spritdispenserar heng på veggen ved døra inn til avdelingane.

8 BLEIEAVTALE Dei som ynskjer det kan gjere avtale om at barnehagen kjøper inn bleier. Dette vert fakturert på månadsbetalinga for barnehageplassen. KVA BARNET BØR HA MED I BARNEHAGEN Eit heilt klesbyte, helst to, -frå innerst til ytterst. Dvs. genser, bukse, lestar, strømpebukse, truse, t-skjorte. Alle kleda må vere godt merka med namn. (Vi har bestillingsskjema for merkelappar som heng i garderoba på di avdeling. Merketusj er også ei god løysing.) Utesko og støvlar. Vintersko når det vert kaldt. Tjukkegenser, tjukkebukse, tjukkelestar, vottar og hue når det vert kaldt. Regnklede og tynn dress. Tjukkedress ut på hausten. Tøflar, sandalar eller sklisokkar til innebruk. Bleier til den som treng det. Ikkje Up & Go. Dersom barnet skal sove i barnehagen, treng det pose og vogn. Vi har nokre vogner og posar, men høyr på di avdeling om du treng å ha med dette. NB: Det er viktig at alt utstyret til barna vert godt merka, det lettar arbeidet både til personalet og foreldra. Vi ønskjer ikkje at borna har med eigne leiker i barnehagen. Dette fører ofte til uønska episodar, og vi kan ikkje ta ansvar for desse tinga. Unntak er kosedyr og smokk til dei små som skal sove og treng dette. Val av klede/kva trengst til ei kvar tid. Spør gjerne personalet om råd når det gjeld klede som er funksjonelle. Dei har etter kvart fått god erfaring med dette. Høvelege klede har mykje å seie for både trivsel og læring. Følg med i korga. De som foreldre er ansvarlege for kva som er i barnehagen til ei kvar tid. De må følgje med på kva som manglar i hyller/korger til dykkar born. Personalet heng opp lappar om ting som manglar dersom dei ser det. Ein fingerregel er: Det som kjem heim av våte/skitne klede må erstattast i korga dagen etter! Tørking av klede. På grunn av små garderobar på avdelingane heng kleda tett i yttergangen. Derfor må vi sende heim våte regnkle og dressar/utekle slik at dei vert tørre til neste dag. Vi håpar foreldra ser positivt på dette.

9 FORELDRESAMARBEID Gjennom eit godt heim og barnehagesamarbeid vil barnet sin motivasjon for barnehagen, opplevingar av tryggleik, og det å høyre til, bli styrka. Når heim og barnehage jobbar saman på same lag og dreg i same retning, aukar heilskapen og samanhengen i barnet sin kvardag. Arena for desse møta er foreldremøte, kontaktmøte, sosiale aktivitetar i barnehagen, og når borna kjem eller blir henta. Foreldremøte og kontaktmøte Tidleg på hausten vert det eit felles foreldremøte. Dette er det viktig at foreldra møter på. Då vert det gjeve mykje informasjon om innhaldet i barnehagen. Dette er også eit godt høve til å få møte heile personalet og helse på foreldra til dei andre borna. Vi har to kontaktmøter per barnehageår for kvart einskild barn. Eit møte på hausten og eit om våren. Sosiale aktivitetar Om lag annan kvar månad inviterer barnehagen føresette inn til sosiale aktivitetar i barnehagen. Slik vert føresette kjende med kvarandre og inkluderte i borna sin barnehagedag. Døme på slike aktivitetar er Lucia feiring, påskefrukost og kulturkafe. Bringing og henting Når barnet kjem om morgonen, har vi som mål å ta i mot dykk i garderoba, seie god morgon og eventuelt få eller gi nødvendige beskjedar. Vi klarer ikkje alltid å få til dette og då er det ynskjeleg at de fylgjer barnet inn på fellesromet dersom det er under frukosten. Dei som kjem etter frukosten er ferdig, kl.8.30, tek vi imot på avdelinga. Når det er sagt ha det bra til foreldre/føresette, tek barnehagen over ansvaret for barnet. Dei fleste fellesaktivitetane skjer i tidsrommet Meld frå om barnet kjem etter 10.00, er sjuk eller har fri. Når barnet vert henta og har blitt sett og sagt hei til, er det den som hentar som har ansvaret for barnet. Vi vil gjerne møte dykk og fortelje litt om kva vi har gjort i løpet av dagen og få seie takk for i dag. Om vi ikkje får til dette har vi ei whiteboard tavle der vi i grove trekk har skreve kva vi har gjort i løpet av dagen. Den som hentar, MÅ ALLTID seie i frå til ein av personalet, helst frå barnet si avdeling, før dei forlèt barnehagen. Er det andre enn foreldre/føresette som skal hente barnet, MÅ VI HA MELDING OM DETTE! Det er berre ei avdeling som er open kl.6.45 fram til Avdelingane rullerar på dette, og dei som kjem før kl vert møtt på fellesrommet. På ettermiddagen er bemanninga redusert frå kl Då leikar borna seg på fellesrommet og de kan hente borna der.

10 Besøksdagar Borna som skal byrje i august, får invitasjon til besøksdag i mai/juni. Born som skal ta til i januar/februar, får besøksdag i november. Bursdagsfeiring. På bursdagar lagar vi til spennande og innbydande fruktfat. Dette er populært mellom borna. FEMÅRINGANE-FØRSKULEGRUPPA Alle femåringane har felles opplegg 1-2 dagar i veka. Då har dei turdag der dei utforskar og leikar i fjøra, skogen eller andre spanande stadar. Vi dreg frå barnehagen klokka ti og er tilbake til klokka to. Oppstart for opplegget vert i september. Nærare informasjon vil kome i planane som vert gitt ut gjennom året.til desse turane må barna ha med eigen sekk som dei skal bere ein kopp og maten sin i. Vi tek med drikke. Det er viktig at sekken er god å ha på ryggen. Det vert skrive ein «logg» frå denne turen som vert utgangspunkt for vidare arbeid i barnehagen neste dag. Det inneber logglesing, høgtlesing, leik med ord, bokstavar og tekst. I tillegg får dei trening i å site ved eit bord og utføre «papirarbeid». Målet vårt med dette opplegget er: Femåringane skal utvikle ei gruppekjensle. Dei skal ha sosialt samvere, og ha det kjekt ilag. Dei skal øve seg på å ferdast på ein aksepterande måte. Dei skal få utfordringar som høver for alderen. Fysisk trening, få bruke kroppen sin aktivt. Opplevingane skal vidareførast til opplegg i barnehagen. Språkøving, øve på forteljing og logglesing og å lytte til høgtlesing. Prosjekt som inneheld element frå dei 7 fagområda. Siste året før skulestart går førskuleborna på besøk til skulane. Førskuleguppa får lesebesøk av elvevar frå 5.klasse siste halvåret før dei tek til på skulen.

11 FERIEUTTAK Barnehageåret tek til andre veka (veke 32) i august. Barnehagen held ope med vanleg drift(*) tom. første veka i juli (veke 27). I fire veker etter dette er det berre ein av dei kommunale barnehagane som gir tilbod. Alle barn som ikkje skal avvikle ferie i løpet av desse fire vekene, får tilbod der. Kommuna driv tre barnehagar, Syverplassen, Bigset og Hareid barnehage. Det er ei rullering mellom desse barnehagane om å halde ope i feriar. Rulleringa er slik: 2017 Bigset barnehage, 2018, 2019 Hareid barnehage og 2020 Bigset barnehage. Påmelding til dette organiserer styrarane i dei ulike kommunale barnehagane. Personale frå alle barnehagane er til stades i sommarferien. (*)Påskeveka, måndag t.o.m. onsdag før skjærtorsdag, og romjulsveka samlar vi også drifta i ein av barnehagane. Dette fylgjer same turnus som sommaropen barnehage. Desse vekene vert det berre personale frå den barnehagen som gir tilbod. Barna skal ha minst 4 veker ferie i eit driftsår. Eit driftsår går frå Av desse skal 3 veker vere samanhengande i løpet av juni, juli og august. Den fjerde veka kan ein ta i kombinasjon påske - jul i same kalenderår. Barnehagane held stengt julaftan og nyttårsaftan. Ferieavvikling skal avtalast med barnehagestyrar minst ei veke før uttak. Vi viser elles til 6 i Vedtekter for dei kommunale barnehagane i Hareid. PLANLEGGINGSDAGAR Barnehagen har ( j.f. vedtektene) avsett 5 dagar i løpet av barnehageåret som skal nyttast til planlegging, evaluering og ulik kursverksemd. Desse dagane er barnehagen stengd for borna. Barnehageruta vert delt ut ved oppstart av nytt barnehageår. SIKKERHEITSRUTINER Sjekkliste Som ei ekstra sikkerheit har vi registreringsskjema der vi kryssar av at vi har sett/snakka med kvart barn kvart tjuande minutt for dei største borna og kvart kvarter for dei minste borna. Teieplikt og politiattest: Alle som arbeider ved barnehagen må legge fram gyldig politiattest og skrive under på teieplikt-erklæring jfr. 19 og 20 i Lov om barnehagar. Dette gjeld og vikarar, praksiselevar og studentar.

12 BARNEHAGEN SINE SAMARBEIDSPARTAR: For å sikre eit best mogleg tverrfagleg og heilskapeleg tilbod til borna i Hareid, samarbeidar barnehagen med ulike hjelpeinstansar som: PPT- Pedagogisk psykologisk teneste for Hareid og Ulstein Dersom føresette eller personalet er uroa for barnet si utvikling, kan vi søkje råd hjå PPT. PPT er sakkunnig instans ved tilråding om spesialpedagogisk hjelp og dei kan gje rettleiing til føresette og barnehagen. PPT har ansvar for og bidreg til å heve kompetansen for barnehage og skule. PPT gir også foreldrerettleing, PMTO. Helsestasjonen Helsestasjonen har kontakt med alle born i kommunen og barnehagen kan ta kontakt, dersom vi lurer på noko i høve syn, høyrsel eller generell utvikling. Helsestasjonen har også eit opplegg i barnehagen som er retta mot førskuleborna der det vert snakka om kosthald og søvn og kva utfordringar borna kan møte når dei kjem på skulen. Fysioterapeut Fysioterapeuten kjem til barnehagen og har samtale med førskuleborna om kor viktig det er å vere i bevegelse og bruke kroppen sin til fysisk utfalding i friminutta ein har på skulen. Dette er viktig for å få ein god skulekvardag. Vi samarbeider også med fysioterapeuten i forhold til enkelt born. Barneverntenesta Dersom føresette eller barnehagen er uroa for born si utvikling, kan vi etter samtykke frå føresette, søkje råd hjå barnevernet. Vi har også opplysningsplikt overfor foreldra kring barnevernet og dei tilboda som foreldra kan nytte seg av dersom dei kjenner behov for det. Dette kan til dømes vere å yte hjelp i ein økonomisk vanskeleg situasjon, eller hjelp til foreldre rettleiing/pmto. Tverrfagleg team i Hareid I Hareid har vi oppretta tverrfagleg team for alle barnehagane. Teamet er samansett av fagpersonar frå helsestasjonen, PPT, barnevern og barnehagen. Vi gir kvarandre innsikt i det som er vårt arbeidsområde og korleis vi kan bidra/samarbeide for å gi eit godt tilbod til brukarane av våre tenester. Målet med tverrfagleg team er: Raskare avdekking av vanskar hjå einskildbarn og grupper, fagleg og sosialt Tidlegare innsats, oppfølging i heim, skule og barnehage Godt oppvekst- og læringsmiljø Hareid kyrkje Vi samarbeider om m.a hausttakkefest, juleavslutning i kyrkja, påskevandring. I tillegg har vi besøk av kateket/barne og ungdomsarbeidar før jul og før påske.

13 Biblioteket Vi har Jamlege besøk heile året. Grunnskulen i Hareid- (eigen plan) Barnehagane i Hareid: Vi har eit tett og godt samarbeid mellom barnehagane i Hareid,- Vi brukar m.a. å markerer den nasjonale barnehagedagen i lag og reiser på førskuletur til Hakallegarden. Logoped og tannhelsetenesta: Samarbeid etter behov. ELLES MINNER VI OM AT DE alle respekterer dei skofrie sonene vi har inne på avdelingane og på fellesrommet. Her er mange små born som kryp på golvet. Både born og foreldre må ta av sko før dei går dit, eller ta på blå sko-overtrekk. ikkje let bilar stå parkert på parkeringsplassen med nøklane i eller på tomgang. Det er fort gjort at eit barn kan låse seg inne, eller at uvedkommande kan ta bilen. Det er også lite miljøvennleg! alltid parker langs gjerdet. Plassen nærast porten er reservert for utrykkingskøyretøy og for funksjonshemma. Parkeringsplassen nedom barnehagen er for tilsette. alltid let att porten når du går ut eller inn. ikkje let andre born gå ut av porten i lag med deg om ikkje føresette er der. alltid gir beskjed til personalet når du tek med deg eit barn frå barnehagen. leverer alle skjema inn i tide.

14 FORSIKRINGSORNDINGAR. Orientering om barneforsikringa til Hareid Kommune. (Sjå vedlegg frå KLP) Forsikringa gjeld for born i kommunale barnehagar. * Forsikringa gjeld innanfor barnehageområdet og i barnehagetida. * Forsikringa gjeld i aktivitetar som går føre seg i regi av barnehagen i eller utanfor barnehageområdet. * På direkte veg til og frå barnehagen og heimen. REDUSERT FORELDREBETALING For informasjon Barnehage-søknad om redusert foreldrebetaling/gratis kjernetid. Det må søkjast elektronisk. Det er to moderasjonsordningar for familiar med hushald med låg inntekt. Nasjonal ordning for reduksjon i foreldrebetaling Gratis kjernetid for 3-åringar, 4-åringar og 5-åringar og for born med utsett skulestart Ta kontakt med styrar eller rådgjevar for oppvekst, Mariann Båtnes, dersom nokon treng meir info eller hjelp. VELKOMEN TIL SYVERPLASSEN BARNEHAGE