Referat fra arbeidsgruppemøte for KOSTRA brann- og ulukkesvern 2. juni 2014

Transkript

1 aje, Til stades: Stein Gjøsund (Norsk brannbefals landsforbund (NBLF)/Os kommune), Magne Sten Bjerkseth (Direktoratet for samfunnssikkerhet og -beredskap (DSB)), Frode S. Folkedal (Direktoratet for samfunnssikkerhet og -beredskap (DSB)), Bjørn Sigmund Andersen (KS/Tønsberg kommune), Trond Ekornrud (SSB), Arne Jensen (SSB) Kopi: Trygve Lennavik (Norsk brannbefals landsforbund (NBLF)/Molde kommune) Referat fra arbeidsgruppemøte for KOSTRA brann- og ulukkesvern 2. juni 2014 Sak 1. Arbeidsgruppa sitt mandat Arbeidsgruppa sitt arbeidsfelt dekkjer to funksjonar i KOSTRA, f338 Førebygging av brannar og andre ulykker og f339 Beredskap mot brannar og andre ulykker. Gruppa arbeider etter det generelle mandatet for KOSTRA sine arbeidsgrupper ( og er underlagt Justis- og beredskapsdepartementet. Arbeidsgruppa skal bl.a. følgje utviklinga på sitt område, vurdere og eventuelt føreslå endringar i rapporteringa sitt omfang og innretting, føreslå kva nøkkeltal og grunnlagsdata som skal publiserast, og sikre ein hensiktsmessig og effektiv dataflyt. Arbeidsgruppa skal òg til dømes ta omsyn til oppgåvebyrden og grunngi eventuelle endringar i rapportering frå eit år til eit anna, og spesielt utvikle og vurdere kvalitetsindikatorar. I 2014 skal gruppa ha særskilt fokus på å arbeide med indikatorar for brukarretta informasjon, vurdere registerbasert personellrapportering, gjennomgå innrapportering og nøkkeltal i KOSTRA, og vurdere gamle/nye kvalitetsindikatorar i lys av rapporten som blei presentert på møte i Samordningsrådet for KOSTRA i september Det har gått ut ein invitasjon til Justis- og beredskapsdepartementet om deltaking i samordningsrådet. DSB følgjer opp departementet og vurderer eventuelt om direktoratet burde vere representert i rådet. Det blei elles understreka at deltakarane i arbeidsgruppa representerer fleire enn seg sjølve og difor har eit sjølvstendig ansvar for å løfte problemstillingar frå dei representerte inn i gruppa. Det blei reist spørsmål om det er hensiktsmessig å sjå publiseringa i høvesvis DSB og SSB (KOSTRA) meir i samanheng. P.t. er det to ulike publiseringar som ikkje har noko klart samband med kvarandre. Det blei kommentert at føremålet med dei to publiseringane er forskjellege, og at det bl.a. kjem til uttrykk gjennom at DSB går meir detaljert til verks, medan SSB (KOSTRA) prøver å sjå området i eit større perspektiv og i samanheng med andre kommunale tenesteområder. Det er likevel grunn til å følgje innspelet opp, spesielt i samanheng med at DSB byggjer ut eit nytt system for innrapportering og datainnsamling.

2 Sak 2. Publisering 16. mars og 16. juni 2014 Det blei 16. mars publisert førebelse tenestedata for 2013-årgangen levert av DSB, medan førebelse rekneskapsdata for 2013 blei henta frå kommunerekneskapen. Dette var første året sidan 2009-årgangen at statistikken for brann- og ulukkesvern presenterte oppdaterte årgangar for både tenestedata og rekneskapsdata ved den førebelse publiseringa. SSB fekk sendt over førebelse tenestedata frå DSB i god tid før KOSTRA-publiseringa 16. mars. Tenestedata som blei publisert var for alle kommunar som hadde levert inn 2013-tal til DSB per 8.februar Det var 72 kommunar som ikkje hadde levert inn, noko som utgjer om lag 17 prosent. Når det gjeld rekneskapstal leverte alle kommunar innan fristen. SSB har mottatt oppdaterte tenestedata frå DSB i god tid før den føreståande publiseringa 16. juni. Det er framleis kommunar som ikkje har rapportert innan tidsfristen, men alle dei største kommunane har levert. For kommunane som ikkje har rapportert inn til DSB vil det bli nytta 2012-data, og det vil bli opplyst om kva kommunar det gjeld i ei fotnote ved publisering. I etterkant av publiseringa 16.juni vil det, på same måte som i fjor, bli publisert ein Dagens statistikkartikkel (DS-artikkel) 1. juli som omtalar hovudtal og endringar på området ( Det blei omtalt og vist nokre tal og indikatorar på området frå den førebelse publiseringa 16. mars. Det blei blant anna orientert om at det målt i brutto driftsutgifter totalt gjekk med om lag 4,6 mrd. kroner til f338 og f339 samla, og at kommunane og bydelane har ført 0,9 mrd. kroner på f338 og 3,7 mrd. kroner på f339. Utgiftene til tenesteområdet brann- og ulukkesvern utgjer 1,4 prosent av kommunane sine totale utgifter. Det blei elles til dømes orientert om kva tala viser med omsyn til: årsverk pr innbyggjarar talet på brannar pr innbyggjarar talet på utrykkingar til brannar og andre utrykkingar pr innbyggjarar delen personar med kompetanse som fører tilsyn med særskilte brannobjekt delen A-objekt som har fått tilsyn Det blei kommentert at nokre kommunar/brannvesen, til dømes Oslo kommune, bruker f339- ressursar på f338-oppgåver. Det blei dessutan kommentert at det går i retning av meir samfunnstryggleiks- og beredskapsarbeid i Noreg, noko som blir støtta i ei endring i dimensjoneringsføreskrifta i retning av meir førebygging. Det er òg slik at det skjer endring i organiseringa av brannvesena, blant anna i Os kommune der brannvesenet no sorterer under helse- og omsorgstenesta og ikkje teknisk etat. Det blei reist spørsmål om metodologiske utfordringar knytt til talet på brannar. I praksis viser det seg at kommunane/brannvesena underrapporterer, til dømes i Bergen kommune. Det blei elles orientert om at kommunane og brannvesena etter kvart kjem til å måtte rapportere talet på alle typar av hendingar, ikkje berre talet på brannar. DSB vil frå 2016 kunne gi eit rett tal på brannar (og andre hendingar) sidan dei då kan hente dei tala direkte frå 110-sentralane. Det blei òg nemnd at endringar i dimensjoneringsføreskrifta blant anna inneber at tilsyn med A- objekt skal gjerast meir etter behov framover, og at kompetansekrava knytt til tilsyna vil bli

3 endra. Desse lov- og føreskriftendringane skaper eit behov for nye og meir relevante indikatorar. I den samanhengen blir det naudsynt å sjå nærmare på innhaldet i Melding om brannvernet. Ein gjennomgang skal etter planen starte opp hausten 2014, og det er viktig at arbeidsgruppa og SSB blir involvert i dette arbeidet. Sak 3. Tenestedataleveransar mellom DSB og SSB Det er fatta eit vedtak om opplysningsplikt med medhald i statistikklova 2-2, som regulerer leveransar av tenestedata mellom DSB og SSB. I vedtaket blir det presisert at SSB treng grunnlagsdata frå DSB to gonger i året: DSB rapporterer opplysningar seinast 15.februar kvart år i samband med at førebelse tal blir publisert i KOSTRA 15.mars. DSB rapporterer opplysningar seinast 15.mai kvart år i samband med at endelege tal blir publisert i KOSTRA 15.juni. Dataleveransane frå DSB til SSB i samband med 2013-rapporteringa har fungert etter avtalen. I tillegg skal SSB ved hjelp av eit eiga produksjons- og editeringssystem kunne bidrege med informasjon om kommunar som ikkje er med i rapporteringa og andre rapportar. Det er oppretta ein bilateral dialog mellom DSB og SSB i den samanhengen. Sak 4. DSB orienterer om status 2013-rapportering og ny rapporteringsløsning 2013-rapportering Rapporteringane til DSB Rapport om hendingar og Melding om brannvernet var tilgjengeleg for rapportørane i kommunane (brannvesena) frå 2. januar. Frist for innrapportering blei sett til 31. januar. Rapporteringa blei prega av nokre tekniske utfordringar med omsyn til formstream-løysinga og nettlesarane. Det blei sendt ut tre påminningar i februar, og det blei gjennomførd ei særskilt oppfølging av store kommunar. Det manglar i alt 11 kommunar etter purringane og oversending frå DSB til SSB. Desse kommunane er små kommunar. Når det gjeld endringar i skjemaet for Melding om brannvernet blir det lagt opp til ei bilateral behandling mellom DSB og SSB hausten 2014/våren Forslag til endringar kjem til behandling i arbeidsgruppemøte våren 2015, og vil difor kunne bli inkludert f.o.m rapporteringa. Ny rapporteringsløysing Den nye rapporteringsløysinga som DSB har under konstruksjon dreier seg i første omgang om Rapport om hendingar, medan arbeidet med å inkludere Melding om brannvernet blir starta opp hausten Ein viktig føresetnad for det nye rapporteringssystemet er at alle naudsentralar tek i bruk Vision-systemet og Vision-databasen frå og med 1. januar Det er eit mål å få på plass ein

4 automatisk tilbakerapportering til DSB frå Vision-databasen, og at heile systemet blir implementert frå og med 1. januar Det blir planlagt med pilotar frå hausten 2015, og ei av oppgåvene blir å jobbe vidare med variabellista og korleis informasjon kan bli nytta i KOSTRA. Det blei bestemt at det skal bli gjennomført eit arbeidsgruppemøte i november/desember 2014 der innhaldet i høvesvis Rapport om hendingar og Melding om brannvernet skal bli diskutert. Meir spesifikt skal variabellista i Rapport om hendingar og innspel til revidert skjema for Melding om brannvernet bli drøfta. DSB førebur saksdokument i begge samanhengar.. Sak 5. Forslag til endringar i innrapportering og publisering Det blir ikkje føreslått nokre nye indikatorar i samband med rapporteringa av 2014-tal neste år. Det blir heller ikkje føreslått nokre endringar i kommunane sin kontoplan. Den siste endringa som er gjort er at brutto driftsutgifter blei publisert frå og med 2013-tala som er rapportert i år. Det blei kommentert at det ikkje er noko som er definitivt med omsyn til nye registreringar i høvesvis Melding om brannvernet og Rapport om hendingar som blir forvalta av DSB. Slike endringar vil kunne gjere det muleg å inkludere nye variablar og indikatorar i KOSTRApubliseringa. Når det gjeld kvalitetsindikatorar blir det p.t. ikkje gjort nokre endringar. Det inneber at følgjande fire indikatorar blir vidareført inntil vidare: Talet på bustadbrannar per 1000 innbyggjarar Delen A-objekt som har fått tilsyn Delen piper som er feia Delen personar med kompetanse som fører tilsyn med særskilte objekt Det blei kommentert at det kan vere meir hensiktsmessig å starte kartlegging av tilsyn med fyringsanlegg heller enn å kartlegge piper som er feia. Bakgrunnen er at det blir stadig fleire varmepumper, og difor stadig færre piper som kan og/eller må bli feia. Når det gjeld årsverkstal for KOSTRA brann- og ulukkesvern er desse skjemabaserte. DSB mottar desse gjennom skjema Melding om brannvernet. Ein overgang frå skjema til registerbasert årsverksstatistikk er framleis ei overordna målsetjing i SSB, og vil kunne redusere rapporteringsbyrden ute i kommunane. Det er likevel ein føresetnad at kvaliteten på registertala er så god at den gir eit mest muleg korrekt bilete av området, noko som ikkje har vore tilfelle ved tidligare tilfelle. Det blei bestemt at SSB v/seksjon for arbeidsmarknadsstatistikk gjer ein ny vurdering av kvaliteten på registerbaserte årsverk fordelt på funksjonane 338 og 339 hausten Det blei diskutert korleis dei ulike kommunane summerer seg med omsyn til inntekter og utgifter på funksjonane 338 og 339. Det er 120 kommunar som har ei netto inntekt på funksjon 338, 11 kommunar som kjem ut i balanse, medan 269 kommunar har netto driftsutgifter på denne funksjonen. Det kan vere fleire grunnar til at nokre kommunar står med netto inntekt, blant anna at det er eigenbetalingar som inngår i summen. Det blei bestemt at spørsmåla knytt til

5 dette blir reist overfor SSB sin Seksjon for offentlege finansar og KOSTRA brann- og ulukkesvern sin representant der (Olav Solli). Sak 6. Eventuelt Den einaste saka som blei drøfta under eventuelt var mulegheita for å samordne og koordinere publiseringane i høvesvis DSB og SSB betre. Saka er omtalt og referert under sak 1. Her kan det seiast at det er grunn til å reise spørsmål om korleis dei to publiseringane skal vere i høve til kvarandre, og at det er naudsynt å teke debatten opp igjen på eit seinare tidspunkt.