ENDELEG TILSYNSRAPPORT

Transkript

1 Sakshandsamar, innvalstelefon Jarle Berggraf, Vår dato Dykkar dato Vår referanse 2015/ Dykkar referanse 13/756 Bømlo kommune Leirdalen BREMNES ENDELEG TILSYNSRAPPORT Reduksjon i foreldrebetalinga Rettslege krav Bømlo kommune Statens hus Kaigaten 9, 5020 Bømlo Telefon: Telefaks: Utdanningsavdelinga Postboks 7310, 5020 Bømlo Org.nr: E-post: postmottak@fmho.no Internett:

2 Innhald 1 Innleiing Om tilsynet med Bømlo kommune Fylkesmannen fører tilsyn med kommunen som barnehagemyndigheit Tema for tilsyn Om gjennomføringa av tilsynet Tidslinja i tilsynet Etterleving av rettslege krav ved vedtak om gratis kjernetid Rettsleg krav Forskrift om foreldrebetaling Forvaltningslova Fylkesmannes vurderingar Krav til skriftlege vedtak Krav til grunngjeving Underretning av vedtaket Underretning om høve til å klage på vedtaket Fylkesmannens konklusjon Kommunen sine metodar for å informere om gratis kjernetid Rettslege krav Fylkesmannens vurderingar Fylkesmannen sin konklusjon

3 1 Innleiing Fylkesmannen har i perioden frå 9. mars 2016 til dags dato gjennomført skriftleg tilsyn med etterleving av dei rettslege krava til å fatte vedtak om fritak for foreldrebetaling for 20 timer per veke til alle fire- og femåringar i Bømlo kommune. 2 Om tilsynet med Bømlo kommune 2.1 Fylkesmannen fører tilsyn med kommunen som barnehagemyndigheit Fylkesmannen fører tilsyn med kommunen som barnehagemyndigheit, jf. barnehagelova 9 andre ledd. Fylkesmannens tilsyn med kommunen som barnehagemyndigheit er tilsyn med det lovpålagde, jf. kommunelova 60 b. Fylkesmannens tilsyn med kommunen er utøving av myndigheit og skjer i samsvar med reglane for dette i forvaltningsretten. Tilsynet skal vere prega av openheit, likebehandling og at det er etterprovbart og effektivt. I dei tilfella der Fylkesmannen konkluderer med at eit rettsleg krav ikkje er oppfylt, blir dette sett på som lovbrot, uavhengig av om det er barnehagelova eller forskrifter fastsett i medhald av denne lova som er brotne. 2.2 Tema for tilsyn Tilsynet skal undersøkje om kommunen som barnehagemyndigheit etterlever dei rettslege krava som er sett for å fatte vedtak om fritak for foreldrebetalinga for 20 timer (gratis kjernetid) per veke til alle fire- og femåringar, jf. forskrift om foreldrebetaling i barnehagar 3 sjuande ledd, jf. barnehageloven 15. Vidare kommunen si plikt til å opplyse om moderasjonsordninga etter same føresegn òg eit tema for tilsynet. Føresegna om gratis kjernetid ble innført 1. august Formålet til lova er å jamne ut sosiale skilnader, og å bidra til at barn av foreldre med låg inntekt kan få plass i barnehage. Det er viktig at kommunen etterlever føresegna slik at foreldre med låg inntekt kan ha råd til barnehageplass. Det er òg viktig at kommunen synliggjer moglegheita for å få gratis kjernetid på en måte som er tilpassa den aktuelle målgruppa. Tilsynstemaet er valt ut fordi føresegna er relativt nye, og fordi gratis kjernetid er ei viktig ordning for å jamne ut sosiale skilnader ved å sikre alle barn barnehageplass. Forvaltningslova gir fleire grunnleggjande reglar om sakshandsaming for offentlege organ. Formålet med forvaltningslova er i fyrste omgang å leggje tilhøva til rette for ei trygg sakshandsaming i forvaltninga. Fylkesmannen har difor, etter ein heilskapleg vurdering, funne grunnlag for å sjå nærmare på vedtaka kommunen treff når dei fattar vedtak om gratis kjernetid. 2.3 Om gjennomføringa av tilsynet Tilsyn med Bømlo kommune vart opna gjennom brev 9. mars 2016, der relevant dokumentasjon blei etterspurt. Fylkesmannens vurderingar og konklusjonar er baserte på skriftleg dokumentasjon. Fylkesmannen gjer oppmerksam på at ein i dette tilsynet ikkje vil vurdere om sjølve utrekninga av reduksjonen i foreldrebetalinga, som kjem fram i vedtaka, er korrekte. 3

4 Følgjande dokument inngår i dokumentasjonsgrunnlaget for tilsynet: Oversending av dokumentasjon i samband med tilsyn etter barnehagelova Bømlo kommune (oversendingsbrev) Dokumentasjon i samband med tilsyn etter barnehagelova Bømlo (totalt 8 vedtak) Ordning 2 t.o.m mars 2016, alle sider Skjermdump nettside Ordning 2, korrigert 2 vedtak alle sider Søknadsskjema redusert foreldrebetaling barnehage BK 2.3 Tidslinja i tilsynet Kommunen fekk varsel om tilsyn i brev av 9. mars 2016 med krav om innsending av dokumentasjon Bømlo kommune opplyste i e-post den 13. april 2016 at kommunen opplevde problem med saksystemet, så dokumentasjonen ble sendt til Fylkesmannen den 14. april Etterleving av rettslege krav ved vedtak om gratis kjernetid 3.1 Rettsleg krav Forskrift om foreldrebetaling Det følgjer av forskrift om foreldrebetaling 3 sjuande ledd: «Kommunen skal gi fritak for foreldrebetaling for 20 timer per uke til alle fire- og femåringer i husholdninger med en samlet personinntekt, etter skatteloven kapittel 12, og skattepliktig kapitalinntekt under en inntektsgrense fastsatt av Stortinget. Tilsvarende gjelder for barn med utsatt skolestart». Føresegna sikrar at alle fire- og femåringar, og barn med utsatt skulestart, som bur i hushald med låg inntekt har rett til 20 timar gratis opphaldstid i barnehagen per veke. Gratis kjernetid gjeld for barn som har nestsiste og siste år i barnehagen, og gjeld uavhengig av om barnet har deltid- eller heiltidsplass. Formålet med ordninga er å innføre ein betre sosial profil på foreldrebetalinga i barnehagen, og legge til rette for at fleire får moglegheita til å nytte eit tilbod om barnehageplass. Det er kommunen som barnehagemyndigheit som ansvaret for å handsame søknadar om gratis kjernetid. Som utgangspunkt gjeld søknaden berre for eitt barnehageår av gangen Forvaltningslova Når kommunen skal handsame ein søknad om gratis kjernetid, må dei følgje føresegna i forvaltningslova i kapittel V «om vedtaket» ( 23-27b). Dette stiller mellom anna krav til at vedtaket er grunngjeve og at det blir vist til dei reglar vedtaket byggjer på, med mindre parten kjenner reglane, og at klageadgang, klagefrist, klageinstans og nærare framgangsmåte ved klage er nemnt. 4

5 Forvaltningslova stiller krav til at ei sak skal vere så godt opplyst som mogleg, og at grunngjevinga skal sette parten i stand til å forstå vedtaket. Dette stiller krav til at kommunen, på ein god og forståeleg måte, viser korleis dei rekna ut fritaket for gratis kjernetid. Vurderinga av om kommunen etterlev nemnte føresegn vert gjort under punkt 3.2 i rapporten. 3.2 Fylkesmannen sine vurderingar Krav til skriftlege vedtak Det følgjer av forvaltningslova 23 at vedtak skal vere skriftleg. Det er sjølve avgjersla som skal vere skriftleg. Kravet er fyrst og fremst stilt for å sikre at innhaldet i vedtaket er klårt og eintydig som mogleg. Eit anna omsyn er å sikre at vedtaket kan bli etterprøvd. Kravet til skriftleg vedtak er oppfylt når kommunen skriv brev til dei føresette om kva vedtaket går ut på. Bømlo kommune har opplyst at dei har fatta 8 vedtak om redusert foreldrebetaling og gratis kjernetid. Kommunen skriv at dei skil mellom redusert foreldrebetaling og gratis kjernetid som «ordning 1» og «ordning 2». Vedtaka er skriftlege, og oppfyller kravet til at vedtak skal vere skriftlege etter forvaltningslova 23. Fylkesmannen konkluderer difor med at vedtaka er i tråd med forvaltningslova Krav til grunngjeving I forvaltningslova 24 er det stilt krav om at «[e]nkeltvedtak skal grunngis». Kravet må sjåast saman med forvaltningslova 25, som har minimumsreglar om kva grunngjevinga skal innehalde. Ei grunngjeving inneber at parten får ei utgreiing om kva vedtaket byggjer på. Formålet med kravet til grunngjeving er blant anna at mottakaren av vedtak vert sett i stand til å forstå kvifor det er fatta vedtak og at vedtaket er korrekt, og at det er høve for mottakaren til å vurdere klagesak. Etter 25 fyrste ledd skal grunngjevinga vise til dei reglane vedtaket byggjer på, med mindre parten kjenner reglane. Det følgjer også av føresegna at «i den utstrekning det er nødvendig for å sette parten i stand til å forstå vedtaket, skal begrunnelsen også gjengi innholdet av reglene ( )». Forvaltningsorganet som fattar vedtak skal med andre ord setje mottakaren av vedtaket i stand til forstå kvifor og korleis rettsreglane er brukt i saka. Bømlo kommune viser til forskrift om foreldrebetaling 3 i alle vedtak kor dei gjer gratis kjernetid. Dette er i tråd med forvaltningslova 25 fyrste ledd. Fylkesmannen konkluderer med at Bømlo kommunen oppfyller plikta i forvaltningslova 25 fyrste ledd i vedtak om tildeling av gratis kjernetid. Det følgjer av 25 andre ledd at kommunen skal nemne dei «faktiske forhold» som vedtaket byggjer på. Det betyr at kommunen i vedtaket må framstille dei fakta som er lagt til grunn så fullstendig at det er mogleg for mottakaren av vedtaket å forstå at vilkåra i lova er oppfylte. 5

6 I vedtaka viser kommunen til kva inntekt hushaldet har ut i frå dokumentasjon kommunen har fått. I tillegg viser kommunen korleis dei har rekna ut reduksjonen i foreldrebetalinga, noko som Fylkesmannen finn positivt. Fylkesmannen meiner at kommunen si praksis er i tråd med forvaltningslova 25 andre ledd. Fylkesmannen meiner òg at det er positivt at kommunen viser til inntektsgrensa for gratis kjernetid, som er kr eller lågare for barnehageåret 2015/2016. Dette kan bidra til å gjere det lettare for mottakaren å forstå korleis kommunen har vurdert dei faktiske høva opp mot 3. Fylkesmannen konkluderer med at Bømlo kommunen oppfyller plikta i forvaltningslova 25 andre ledd i vedtak om tildeling av gratis kjernetid Underretning av vedtaket Det følgjer av forvaltningslova 27 fyrste ledd at kommunen, som forvaltningsorgan skal sørgje for å underrette dei føresette, som er part i saka, om vedtaket som fort som mogleg. Hovudregelen er at kommunen gir barnehagane ei skriftleg underretning. Med skriftleg underretning meiner ein her brev. Bømlo kommune har dokumentert at vedtak om gratis kjernetid blir gjort skriftleg. Vidare viser kommunen at dei sender brevet til dei føresette straks brevet er skrevet. Fylkesmannen konkluderer med at Bømlo kommunen oppfyller plikten i forvaltningslova 27 fyrste ledd Underretning om høve til å klage på vedtaket Det følgjer av forvaltningslova 27 tredje ledd at underretninga skal gi opplysningar om «klageadgang, klagefrist, klageinstans og nærmare fremgangsmåte ved klage, samt retten etter 18, jfr. 19 til å se sakens dokumenter». Bømlo kommune skriv i vedtaka om retten til klage, utan å nemne forvaltningslova 27. Vidare skriv ikkje kommunen om parten sin rett til å innsyn i dokumenta. Sjølv om fylkesmannen ser at manglande tilvising til 27 og omtale av innsynsrett ikkje er optimal, meiner vi likevel at dette ikkje utgjer noko lovbrot. Fylkesmannen konkluderer med at Bømlo kommunen oppfyller plikten i forvaltningslova 27 tredje ledd. 3.3 Fylkesmannens konklusjon Fylkesmannen ser at kommunen viser til 3 i forskrifta, samt til føresegn i forvaltningslova. Ut i frå ei heilskapleg vurdering av vedtaka, finn ikkje Fylkesmannen grunnlag for å konkludere med lovbrot. Fylkesmannen meiner at kommunen etterlev dei rettslege krava som er sett med omsyn til å fatte vedtak om gratis kjernetid. 4. Kommunen sine metodar for å informere om gratis kjernetid 4.1 Rettslege krav Det følgjer av forskrift om foreldrebetaling 3 sjuande ledd at foreldre med låg inntekt har rett til gratis kjernetid. Sjå punkt for meir utfyllande om føresegna. 6

7 Det er kommunen, som barnehagemyndigheit, som har ansvaret for ordning med gratis kjernetid. For ordninga skal bli realisert bør kommunane gi informasjon til dei føresetta om ordninga med gratis kjernetid. Det er viktig at kommunen tilpassar informasjonen og gjør den tilgjengeleg for målgruppa. Dette vil også vere i tråd med krava til god forvaltningsskikk. 4.3 Fylkesmannens vurderingar Bømlo kommune har opplyst at dei har gitt informasjon om gratis kjernetid via nettsider og eigne informasjonsskriv på kommunekontoret. I tillegg har dei informert alle barnehagane i kommunen om ordninga. Fylkesmannen meiner at det er viktig at kommunen sørgjer for at flest mogleg føresette får informasjon om gratis kjernetid. Det er viktig at kommunen ikkje berre gir informasjon via nettsider all den tid det er fleire føresette som ikkje har tilgang til internett. Fylkesmannen ser at når Bømlo kommune har informert alle barnehagane i kommunen om ordninga, samt har eigne informasjonsskriv på kommunekontoret, så er dette i tråd med kravet med å gi informasjon til føresette på ein tilstrekkeleg måte. Fylkesmannen finn at kommunen har gitt informasjon til føresette på ein tilstrekkeleg måte, og at dette er i tråd med omsynet til god forvaltningsskikk. 6. Fylkesmannen sin konklusjon Fylkesmannen meiner at Bømlo kommune har fatta vedtak i samsvar med dei rettslege krava som er sett med omsyn til å fatte vedtak etter forskrift om foreldrebetaling 3 sjuande ledd. Med helsing Jarle Berggraf Tilsynsleiar Marianne Svege Seniorrådgjevar Brevet er godkjent elektronisk og har derfor inga underskrift. 7