Statens vegvesen, Region vest - mellombels utsleppsløyve i samband med driving av Vangbergstunnelen på Fv60 Ugla Skarstein i Stryn kommune

Transkript

1 Sakshandsamar: Grete Haugan Vår dato Vår referanse Telefon: / E-post: Dykkar dato Dykkar referanse Statens vegvesen, Region vest Askedalen Leikanger Statens vegvesen, Region vest - mellombels utsleppsløyve i samband med driving av Vangbergstunnelen på Fv60 Ugla Skarstein i Stryn kommune Fylkesmannen har vedteke å gi Statens vegvesen, Region vest mellombels utsleppsløyve etter ureiningslova i samband med driving av Vangbergstunnelen på Fv60 Ugla Skarstein i Stryn kommune. Forvaltninga sitt arbeid med utsleppsløyve er omfatta av ei gebyrordning. Statens vegvesen har i brev dagsett søkt om løyve til utslepp av drifts-, drensog spylevatn i samband med driving og drift av Vangbergstunnelen på Fv60 i Stryn kommune. Søknaden gjeld både for utslepp i byggjefasen og i driftsfasen. Mellombels utslepp Fylkesmannen har vedteke å gje løyve til mellombels utslepp i samband med bygging av Vangbergstunnelen på Fv.60 Ugla - Skarstein i Stryn kommune, jf. løyveskriv med vilkår som blir sendt saman med dette skrivet. Løyvet er gitt på grunnlag av søknaden og dei tiltaka som er omtalt der. Det vert føresett at desse tiltaka vert gjennomført, viss det ikkje uttrykkjeleg står noko anna i vilkåra for løyvet. Orientering om saka Prosjektet med bygging av Vangbergstunnelen er ein del av utbetringsarbeidet på Fv60, som går frå Byrkjelo gjennom Utvik, Innvik, Olden, Stryn og Hornindal til Spjelkavik. Vangbergstunnelen blir om lag 1170 meter inkludert portalar. Anleggsarbeidet vil starte opp april 2016 og heile veganlegget vil vere ferdig sommaren Tunnelen vert truleg driven frå ei side, men det vert lagt opp til moglegheit for utslepp på begge sider av tunnelen. Nordfjorden vert resipient for avløpsvatn. Søknaden vart førehandsvarsla med brev til Stryn kommune og Fiskeridirektoratet. Fylkesmannen har motteke merknad til søknaden frå Fiskeridirektoratet region vest. Stryn kommune har ikkje komme med merknad til søknaden. Høyringsuttaler Fiskeridirektoratet skriv at det er registrert låssettingsplassar for brisling ved begge endar av den planlagde Vangbergtunnelen. Dei er i bruk i perioden august desember. Slike låssettingsplassar vert, som oftast, berre nytta nokre få dagar i strekk. Fiskeridirektoratet ber om at Statens Vegvesen vert pålagt å ta omsyn til låssettingsplassane dei få dagane desse vert nytta. Det vil vere uheldig dersom det vert nytta sprøytebetong Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/5 desse dagane. Det kan påverke ph i nærsona, noko som kan vere uheldig for fisken. Alternativ kan vere å etablere eit sedimenteringsbasseng. Dette vil redusere skade på fisk som følgje av steinstøv frå fjellsprenging og sprøytebetong. Dette fine støvet kan ha skadeverknad på fisk, spesielt sidan låssett fisk ikkje har høve til å rømme unna. Som søkjar har Statens vegvesen fått merknaden frå Fiskeridirektoratet til uttale. Statens vegvesen opplyser at utslepp til vatn frå tunneldrivinga skal gå via reinseanlegg med sedimenteringsbasseng slik Fiskeridirektoratet ber om, og går ut frå at Fylkesmannen set dei vanlege krava til reinsegrad. Statens vegvesen gjer samstundes merksam på at det ikkje vert råd å nytte låssettingsplassen i Vangbergsbukta så lenge anleggsarbeidet pågår, fordi det i samsvar med godkjent reguleringsplan skal fyllast i sjø på store delar av denne låssettingsplassen. Dette arbeidet kan ein av anleggstekniske grunnar ikkje avgrense særleg i tid. Fylkesmannen legg til grunn den godkjende reguleringsplanen. Når det gjeld tidspunkt for utfylling i sjø, er dette noko som burde vore avklart i samband med reguleringsplanen, eller som no må avklarast mellom Statens vegvesen og Fiskeridirektoratet. Det er ikkje eit forhold som vert omfatta av dette utsleppsløyvet for tunneldrifta. Fylkesmannen sine vurderingar og grunngjeving for fastsette vilkår Etter 8 i ureiningslova er «vanleg ureining» m.a. frå mellombels anleggsdrift tillate utan særskilt utsleppsløyve. På grunn av omfanget av anleggsarbeidet ved bygging av Vangbergstunnelen, har fylkesmannen vurdert at utsleppet frå anleggsdrifta i dette tilfellet er løyepliktig. Bore- og lekkasjevatn frå driving av tunnelar vil kunne innehalde betydelege mengder steinstøv/slam. Det vil òg vere restar etter sprengstoff (nitrogensambindingar), og avløpet kan innehalde restar av olje frå ev. lekkasjar/uhell. Steinstøv etter fjellsprenging kan i høge konsentrasjonar ha skadeverknad på fisk og skaldyr. Større utslepp over lang tid kan òg føre til nedslamming. Som vilkår for utsleppsløyvet er det difor sett krav til reinsetiltak (sandfang/- sedimenteringsbasseng og oljeutskiljar) med oppsamling av slam og eventuelle oljerestar. Tilhøva til naturmangfaldlova og vassforskrifta I tillegg til retningslinene i ureiningslova, er også prinsippa i 8-12 naturmangfaldlova lagde til grunn for vår vurdering (kunnskapsgrunnlaget, føre-var-prinsippet, den samla belastninga på økosystemet, kostnader ved forringing av miljøet og miljøforsvarlege teknikkar og driftsmetodar). Fylkesmannen har også vurdert om utsleppet det er søkt om kan kome til å verte i strid med vassforskrifta sine reglar om reduksjon av tilstandsklasse i vassførekomsten til lågare enn god. Paragrafane 4 6 i vassforskrifta seier i utgangspunktet at reduksjon av tilstandsklasse ikkje skal tillatast. Paragraf 12 opnar likevel for at reduksjon frå høg til god tilstand kan tillatast. Reduksjon til lågare enn god tilstand kan berre aksepterast dersom unntaksreglane i 12 vert tilfredsstilt. Utsleppsstaden i Nordfjorden høyrer til vassførekomsten C Faleidfjorden ( Denne vassførekomsten er vurdert til å ha god økologisk tilstand. Kjemisk tilstand er ikkje definert. Det er ikkje grunn til å tru at utslepp frå verksemda etter anleggsfasen vil kunne føre til forverring av tilstanden i vassførekomsten. Aktiviteten er vurdert i høve til 12 i vassforskrifta. Etter vår vurdering er det ikkje noko som tyder på at aktiviteten vil føre til endring av tilstandsklassa i vassførekomsten. Vi kan ikkje sjå at aktiviteten kjem i konflikt med reglane i naturmangfaldlova.

3 3/5 Konklusjon Eit kvart utslepp av ureining til fjorden er i utgangspunktet uheldig, anten det er snakk om steinpartiklar, olje eller sprengstoffrestar. I vilkåra er det sett krav til maksimalkonsentrasjonar av olje og suspendert stoff etter reinsing. For å få ei best mogleg utskiljing av partiklar, er det føresett at reinsa avløpsvatn vert forsøkt filtrert i lausmassar før utslepp til fjorden. Ein vil då kunne oppnå betre fjerning av dei minste partiklane. Ein viktig føresetnad er elles at det vert god drift og oppfølging av avløpsanlegg og utsleppsstadar. Det er sett krav til at det blir utarbeidd og sett i verk program for kontroll og tilsyn, jf. punkt 7.1 og 7.2 i vilkåra. Vi viser òg til punkt 8 om rapportering av akuttutslepp og andre utslepp som kan påverke ytre miljø. I tillegg til akutte utslepp/overutslepp som skal rapporterast straks, skal tiltakshavar innan 15. januar sende fylkesmannen ein rapport frå eigenkontroll og prøvetaking året før. Når dei planlagde og pålagde tiltaka vert gjennomførte, vurderer fylkesmannen at konsekvensane for vasskvalitet og bruksinteresser ikkje blir særleg store som følgje av anleggsarbeidet. Fylkesmannen tek likevel atterhald om at det kan bli kravd ytterlegare tiltak om dette skulle vise seg nødvendig. Permanent utslepp Fylkesmannen har til no ikkje regulert utslepp i samband med drift av tunnelar i fylket, som til dømes utslepp frå vasking av tunnelar. Vi ser det heller ikkje som aktuelt å setje vilkår for utslepp av vaskevatn frå Vangbergstunnelen i denne omgang. Vi føreset likevel at vask eller anna reingjering vert gjort på ein miljømessing god måte. Vi legg til at denne vurderinga ikkje er til hinder for at fylkesmannen ved eit seinare høve kan setje krav til utslepp m.a. frå vask av tunnelar # Gebyr for saksbehandling Etter kap. 39 i «Forskrift om begrensning av forurensning» (ureiningsforskrifta) skal det betalast gebyr til Staten ved kontrollar og behandling av søknader etter ureiningslova m/forskrifter. Storleiken på gebyret vil variere etter kor mykje arbeid det er med søknaden. Statens vegvesen Region vest vert med dette varsla om at fylkesmannen vurdere å nytte gebyrsats 4 ved behandling av søknaden, dvs. kr ,-. Jf. ureiningsforskrifta 39-4 om gebyr for arbeid med nye løyve. Dersom de har merknader til varslet om gebyr, må dette sendast til Fylkesmannen innan to veker. Dersom vi ikkje har motteke merknad, vil vi vedta gebyret på kr ,- ved oversending til Miljødirektoratet, som vil førestå den praktiske innkrevjinga til statskassa. Til vanleg får de 30 dagars betalingsfrist på slikt krav. Risikoklasse Miljømyndigheitene si risikoklassifisering av eit tiltak er eit uttrykk for ureiningspotensialet som ligg til grunn. Det vert gradert frå 1 til 4, der 1 er høgaste risiko. Arbeidet med tunneldriving av Vangbergstunnelen blir plassert i risikoklasse 4 ut i frå forventa små utsleppsmengder til Nordfjorden.

4 4/5 Endring og tilbakekalling av løyvet Med heimel i 18 i ureiningslova kan fylkesmannen gjere om eller setje nye vilkår for løyvet. Fylkesmannen kan om nødvendig kalle heile løyvet attende. Brot på føresetnadene for løyvet kan føre til ny vurdering av løyvet. Tilsyn og ansvar Fylkesmannen eller den han gir fullmakt, skal til ei kvar tid ha tilgang til alle delar av anlegget, journalar, rekneskap, interne vedtak, m.m. for tilsyn og kontroll, jf i ureiningslova. Drifts- og vedlikehaldsrutinar skal leggjast opp slik at ein til ei kvar tid har oversyn over anlegget og prosessane sine funksjonar og effektar. Ajourført informasjon skal når som helst, og utan ugrunna opphald kunne synast til kontrollør. Den som har fått utsleppsløyve er ansvarleg for at anlegget vert halde ved like og drive slik at det til ei kvar tid svarar til formålet, vilkåra i løyvet og reglane i ureiningslovgivinga. Den som har fått løyve kan verte pålagt å koste og/eller delta i overvaking og/eller gransking av resipienten (vatn, jord og luft), jf. 51 i ureiningslova. Dette løyvet fritek ikkje søkjaren for å hente inn løyve for andre sider av verksemda som t.d. arbeidsmiljø, helse- og landbrukslovgivinga. Sjølv om løyve er gitt, pliktar den som forureinar å svare erstatning som måtte følgje av ureiningslova og vanlege erstatningsreglar, jf. kap. 8 og 10 i ureiningslova. Om internkontroll Forskrift om systematisk helse-, miljø og sikkerhetsarbeid (internkontrollforskrifta) er eit felles regelverk for tilsynsetatane som er kjent som HMS-etatane. Regelverket, og korleis ein generelt må arbeide for å stette krava, er nærare omtalt på Krava om tiltak for ytre miljø (tiltak for vern mot ureining og ei betre handtering av avfall) gjeld alle verksemder som har minst ein tilsett. Plikta til internkontroll som gjeld det ytre miljøet er difor presisert i vilkåra. Forskrifta omtalar kva for oppfølging av krav som må dokumenterast skriftleg, og korleis ein bør organisere arbeidet Den skriftlege dokumentasjonen må tilpassast type og omfang av ulike aktivitetar. Arbeid som ikkje er grunna på gjennomført, skriftleg og oppdatert risikovurdering med oppfølgjande handlingsplan, vil ikkje stette minimumskrava i forskrifta. Verksemda må også sikre skriftlege rutinar for førebyggande vedlikehald av alt utstyr og produksjonsprosessar som kan føre til utilsikta utslepp. Tvangsmulkt, straff Med heimel i 73 i ureiningslova kan fylkesmannen fastsetje tvangsmulkt til Staten for å sikre at tiltak og vilkår vert gjennomførte i samsvar med løyvet. Brot på dette løyvet, eller pålegg i tilknyting til løyvet, er straffbart etter ureiningslova, jf. kap. 10, dersom tilhøva ikkje vert råka av strengare strafferammer. Om klagerett Partane og andre med klagerett etter forvaltningslova kan klage over avgjerda innan 3 veker etter at avgjerda er motteke. Eventuell klage bør grunngjevast og rettast til

5 5/5 Miljødirektoratet. Klagen skal sendast om fylkesmannen som kan ta klagen heilt eller delvis til følgje eller sende han til Miljødirektoratet til endeleg avgjerd. Offentleggjering av løyvet Ålmenta skal gjerast kjend med vedtaket, jf i Forskrift om begrensning av forurensning (forurensningsforskriften) ; kapittel 36 Behandling av tillatelser etter forurensningsloven. Den som har fått løyvet skal så snart som råd setje inn ei kunngjering i lokalpressa. Kunngjeringa skal innehalde ei kort orientering om løyvet, kvar ein kan vende seg for å få innsyn i saksdokumenta, og opplysningar om klageinstans og frist for ev. klage på vedtaket. Kopi av kunngjeringstekst skal sendast Fylkesmannen. Fylkesmannen vil kunngjere vedtaket på sine heimesider Med helsing Nils Erling Yndesdal fylkesmiljøvernsjef Grete Haugan senioringeniør Brevet er godkjent elektronisk og har difor ikkje underskrift. Kopi pr. e-post: Stryn kommune Fiskeridirektoratet region vest

6 Statens vegvesen, Region vest - mellombels utsleppsløyve i samband med driving av Vangbergstunnelen i Stryn kommune Utsleppsløyvet er gitt av Fylkesmannen i Sogn og Fjordane med heimel i Lov om vern mot forurensninger og om avfall av 13. mars 1981 nr 6, 11, jf 16. Løyvet er gitt på grunnlag av opplysningar i søknaden datert Vilkåra for løyvet går fram på side 2-4 i dette skrivet. Dersom verksemda ønskjer å gjere endringar i høve til dei opplysningane som er gitt i søknaden eller under sakshandsaminga, skal dette vere skriftleg avklart med Fylkesmannen på førehand. Utsleppsløyvet gjeld frå dags dato og til Dersom heile eller vesentlege delar av løyvet ikkje er teke i bruk innan 2 år etter at løyvet er gitt, skal verksemda sende melding slik at Fylkesmannen kan vurdere eventuelle endringar i løyvet. Data om verksemda: Verksemd: Statens vegvesen Region vest Kommune: Stryn Organisasjonsnr.: Fylke: Sogn og Fjordane Bransje: Offentlig administrasjon tilknyttet næringsvirksomhet og arbeidsmarked Postadresse: Askedalen 4 Poststad: 6863 Leikanger Referanse: Arkivkode Anleggsnummer Løyvenummer Risikoklasse 2015/ T 4 Løyvet er gitt: Nils Erling Yndesdal fylkesmiljøvernsjef Grete Haugan senioringeniør Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

7 2/4 Vilkår for utsleppsløyvet 1. Ramme for løyvet Løyve gjeld ureining frå, og avfallshandtering i samband med driving av Vangbergstunnelen på Fv.60 Ugla - Skarstein i Stryn kommune. 2. Utslepp frå tunneldrifta 2.1. Reinse- og utsleppskrav Borevatn og lekkasjevatn skal reinsast minst i sandfang/sedimenteringsbasseng og oljeutskiljarar før det blir ført til Nordfjorden. Reinseanlegga må dimensjonerast ut frå følgjande krav til maksimalt innhald av olje og suspendert stoff i avløpsvatnet etter reinsing, ved maksimal vassmengde: Utslepp i Konsentrasjon av olje (mg/l) Konsentrasjon av suspendert stoff (SS) (mg/l) Nordfjorden Sandfang/sedimenteringsbasseng/oljeutskiljar skal kontrollerast regelmessig. Tømming skal skje så ofte som føresett ved dimensjoneringa, og slik at reinseeffekten ikkje blir redusert. Utskilt olje/oljehaldig avfall skal leverast til godkjent mottak for farleg avfall, jf. punkt Prøvetaking og analysar I anleggsperioden skal det dokumenterast at utsleppskrava blir haldne ved analysar av representative prøver, tekne ut minst 4 g/år. Rutinar for prøvetaking skal innarbeidast i kontrollprogrammet, jf. punkt 7.1. Analysane skal utførast av eit laboratorium som er akkreditert for dei aktuelle analysane, og prøvetaking skal utførast etter rettleiing frå laboratoriet Utleppspunkt/resipient - Nordfjorden. Der terreng- og grunnforhold ligg til rette for det, skal avløpsvatnet leiast gjennom lausmassar før utslepp til sjølve fjorden. 3. Utslepp frå verkstad og vaskeplass Avløp frå verkstader, innvendige og utvendige vaskeplassar, og anna oljehaldig avløpsvatn skal reinsast i eige sandfang og oljeutskiljar før utslepp. Verkstad / vaskeplass skal ha tett dekke med avrenning til sluk. Konsentrasjon av olje i avløpsvatnet er regulert i punkt 2.1. Det skal etablerast rutinar for regelmessig kontroll med oljenivået i utskiljaren og avløpsvatnet i kontrollkummen. Utskiljaren skal tømmast når dette er nødvendig, og minst 1 g/år. Utskilt olje/oljehaldig avfall skal leverast til godkjent mottak for farleg avfall, jf. punkt 5.2.

8 3/4 4. Kjemikal og substitusjonsplikt Innsatsstoff (kjemikaliar og råstoff) som på grunn av eigenskapar og bruk kan føre til skade på helse og miljø, skal så langt råd erstattast med alternativ som gjev mindre risiko for slik skade. Som ein del av internkontrollen skal det gjerast ei systematisk vurdering av dei innsatsstoffa som blir brukt med omsyn til fare for skadelege effektar. 5. Avfallshandtering 5.1. Generelt om avfall Verksemda må leggje vekt på å redusere avfallsmengda og levere mest mogeleg avfall til resirkulering og gjenvinning. Alle typar avfall skal samlast opp etter kvart og handterast slik at det ikkje oppstår ureining eller forsøpling. Næringsavfall som ikkje kan gå til gjenvinning skal leverast til godkjent avfallsmottak. Avfallsmengda, delt på ulike avfallstypar, må kunne dokumenterast Farleg avfall Alt farleg avfall skal lagrast på ein ryddig og trygg måte, og avfallet skal handterast og leverast til godkjent mottaksanlegg eller godkjent innsamlar i samsvar med "Forskrift om gjenvinning og behandling av avfall (avfallsforskriften), kapittel Slam Boreslam/slam frå sandfang/sedimenteringsbasseng skal deponerast slik at vassdraget ikkje blir ureina, og det skal sikrast mot flom og utvasking. Dersom slammet er ureina må det leverast til godkjent mottakar av ureina massar. 6. Sikring av olje og drivstofflager Diesel og andre oljeprodukt skal lagrast slik at heile den lagra mengda alltid kan samlast opp i tette basseng i tilfelle lekkasje. Bassenga skal vere overdekka slik at det ikkje vert fylt med vatn ved nedbør eller overflateavrenning. Alternativt kan tankar med dobbel vegg og overvakingssystem nyttast. Tapping frå lagertankar og eller fat skal berre kunne skje ved pumping frå toppen av tanken/fatet. 7. Overvaking / resipientkontroll 7.1. Kontrollprogram Det skal utarbeidast og setjast i verk eit kontrollprogram med rutinar for oppfølging av m.a. reinseanlegg, utsleppsstad/resipient, olje- og drivstofflager og avfallshandtering. Rutinar og oppfølging skal dokumenterast skriftleg. Programmet skal m.a. innehalde oversikt over prøvepunkt, analyseparameter og prøvetakingsfrekvens. Programmet skal sendast fylkesmannen 4 veker etter at dette løyvet er motteke.

9 4/ Inspeksjon Det skal etablerast rutinar for visuell inspeksjon ved utsleppsstaden, der observasjonar av oljefilm, blakka vatn eller anna ureining skal registrerast. Ved vesentleg ureining skal dette rapporterast, jf. punkt 8. Den som har fått utsleppsløyve, pliktar å la representantar for ureiningsstyresmaktene til ei kvar tid kontrollere verksemda/anlegget, jf. ureiningslova Rapportering 8.1 Rapportering av akutt utslepp og overutslepp Alle akuttutslepp som kan ha verknad for miljøet skal varslast i samsvar med "Forskrift om varsling av akutt forurensning eller fare for akutt forurensning". Akuttutslepp og overutslepp skal dessutan rapporterast til fylkesmannen så snart som råd Årsrapport og sluttrapport Det skal utarbeidast årsrapport med resultat frå eigenkontroll og prøvetaking i anleggsperioden. Årsrapporten skal sendast fylkesmannen innan 15. januar I tillegg skal det utarbeidast ein sluttrapport når anleggsperioden er over. Fylkesmannen ynskjer ei melding, sendt til fmsfpost@fylkesmannen.no, når det nærmar seg slutten på anleggsperioden. 9. Andre vilkår Dei reinsetiltaka som det er sett krav om skal vere i funksjon under heile driftstida for anlegget. Det skal oppnemnast person(ar) med nødvendige fullmakter, som skal ha det daglege miljøansvaret under anleggsperioden. Før anleggsstart skal fylkesmannen og Stryn kommune orienterast om namn og telefonnummer til den/dei ansvarlege. Dersom anleggsarbeidet stansar for ein lengre periode skal eigaren gjere det som til ei kvar tid er nødvending for å motverke fare for ureining. Dersom noko ved anleggsarbeidet kan medføre ureining eller det er avfall som kan verke skjemmande etter driftsstans, skal det i rimeleg tid på førehand gjevast melding til fylkesmannen. Etter avslutta anleggsverksemd skal dei mellombelse avløpsanlegga fjernast.