Styre, råd, utval Møtedato Saknummer Sakshandsamar Utval for plan og utvikling /17 MF

Transkript

1 Hjartdal kommune Styre, råd, utval Møtedato Saknummer Sakshandsamar Utval for plan og utvikling /17 MF Saksansvarleg: Maria Fremmerlid Arkiv: GBNR- 45/1 Arkivnr.: 14/1471 GODKJENNING AV HØYRINGSFORSLAG - DETALJREGULERINGSPLAN SKYTEBANE GVAMMEN Vedlagde dokument: Dokument: Kart, føresegner, planbeskriving, støyrapport, kart fareområde, rapport kulturlandskap Aktuelle lover, forskrifter, avtaler m.m.: LOV Lov om planlegging og byggesaksbehandling (pbl). Saksgong: Utval for plan og utvikling avgjer om saka skal leggjast ut på høyring. Sidan planforslaget ikkje er i samsvar med kommuneplanen, kan ei avvising av planforslaget ikkje ankast inn for kommunestyret jf. pbl Bakgrunn for saka: Hjartdal skyttarlag har sidan 2014 arbeida med å lage eit forslag til reguleringsplan for å utvide skytebanen i Gvammen. Arbeidet har vore gjort på dugnad frå medlemmane, og det har tatt tid å få eit planforslag som held den kvaliteten som er naudsynt for at kommunen skal kunne leggje planforslaget ut på høyring. Etter ei siste omarbeiding no i 2017 ligg det no føre eit planforslag som rådmannen kan anbefale utval for plan og utvikling å leggje ut til offentleg ettersyn. Hjartdal skyttarlag ynskjer å etablere ein ny 200-metersbane, samt anlegg for paintball og leirdueskyting ved eksisterande skytebane i Gvammen (gnr 45 bnr 1, grunneigar Reidar Flatland). Skytebanen ligg rett ved tunnelanlegget og det er gode moglegheiter for skyttarlaget å få tunnelmasse.

2 I kommuneplanen sin arealdel er arealet sett av til LNFR-føremål. Tiltaket er ikkje i tråd med kommuneplanen, men kommunen har vurdert, ut i frå den forskrift om konsekvensutgreiing som gjaldt på oppstartstidspunktet, at planforslaget ikkje løyser ut krav til konsekvensutgreiing. Det er derimot satt krav om utarbeiding av støyrapport. I dag blir det skote ca skott pr. år. Opparbeiding av støyvollar vil skjerme område i følgje planforslaget. Det blir sett ein grense for skott pr år, noko som er i samsvar med krava i retningsline for støy i arealplanlegging for små skytebaner. Vurdering: Det er kome følgjande innspel til planarbeidet: Statens vegvesen Tryggleiken mot ny E 134 mo takast i vare i planarbeidet. Tilkomst må skje frå eksisterande E 134 ved Bruluten. Tilkomsten til området vil vere som i dag, frå E134 ved Bruluten. Det vil i tillegg bli lagt til rette for ny tilkomst til anlegget frå ny skogsbilveg over tunnelportal. Denne vil gå bak støyvollen. Den nye vegen vil lette servicearbeid og vedlikehald på skytebanen, og gje lett tilkomst til paintball-området og leirduebanen. Bereking av fareområde utført av Rieber prosjekt syner at det ikkje noko stad er mindre enn 100 meter frå fareområdet til ny E 134. NVE Gjer merksam på at området er utsett for skred. Tiltakshavar har i ROS-analysa kryssa av for nei på om området er utsett for flaum og skred. Ut i frå informasjon frå NVE, og tilgjengelge kart er det naudsynt for tiltakshavar å sjå på ROSanalysa på ny.

3 Utsnitt frå skrednett syner at område både er utsett for flaum, og det er potensiale for jord- og flaumskred, samt utløpsområde for steinsprang. Det er òg utløpsområde for snøskred. Planen legg ikkje til rette for bygningar som er i særleg tryggleiksklasse når det gjeld flaum. Direktoratet for mineralforvaltning Direktoratet kan ikkje sjå at det føreslåtte planområdet kjem i konflikt med mineralressursar av regional eller nasjonal verdi. Ingen kommentar Fylkesmannen i Telemark Skytebanen ligg i eit samanhengande viktig jordbruksområde. Kommunen som planmyndigheit har ein viktig oppgåve med å vurdere konsekvensane for landbruket. Fylkesmannen vil vurdere å fremje motsegn dersom planen strir mot dei nasjonale føringane for jordvern. Det må gjennomførast ein risiko og sårbarheitsanalyse. Område med fare, risiko eller sårbarheit skal merkast av som omsynssone. Prinsippa i naturmangfaldsloven 8-12 må vurderast. Eksisterande skytebaner er ikkje omfatta av krav om løyve etter lov om ureining så lenge det ikkje blir gjort endringa som fører til ein vesentleg auke i støyulempene for omgivnadene. For å kunne vurdere detta må det klart gå frå av planforslaget korleis skyteaktiviteten har vori til no, samt korleis denne skal organiserast vidare. Det må innarbeidast reguleringsføresegner som omtalar brukstider og stevneomfang, og som set krav til utforming og dimensjonering av støyskjermingstiltak på standplassbygg og oppbygde voller ved baneanlegget

4 Rådmannen sine kommentarar: Landbruk: Plasseringa av ein skytebane midt i eit viktig landbruksområde er ikkje ideell, og er neppe ein plassering som ville blitt vald i dag dersom man skulle sjå på lokaliseringa av skytebaner i kommunen med blanke ark. Utvidinga av skytebanen skjer i all hovudsak i eit område med skog av høg bonitet, og 2 dekar med attgrodd innmarksbeite. Av dei nye tiltaka som no blir regulert, er det berre parkeringsplassen ved sida av standplass-huset som kjem på dyrka mark. Den er meir eller mindre der allereie i dag, med ein lita utviding slik at parkeringsplassen blir 500 m 2. Skyttarlaget skriv at det ikkje har vore konfliktar med drivar av dyrka marka så lengje dei har halde til på staden. Hjartdal kommunen meiner at sjølv om plasseringa med omsyn til landbruket ikkje er god, er ikkje planforslaget i strid med dei nasjonale føringane for jordvern. Naturmangfald: Skytebanen ligg innanfor utvald kulturlandskap Nordbygda/Gvammen, og ligg ikkje langt i frå det store tunnelprosjektet i Gvammen. Det regulerte området grenser til BNN Grotbekkjuvet liside, men kommunen vurderer at tiltaket ikkje kjem i konflikt med dette. Det er ikkje registreringar av raudslita arter eller miljøregistreringar i skog. Det er i tillegg utarbeida ein utgreiing/avklaring om biologisk mangfald og kulturlandskap av Kulturlandskapssenteret. Dei skriv: Det aktuelle området inneheld ikkje kulturlandskapsverdiar korkje i form av kulturmarkstilknytte naturtypar (slåttemark/hagemark/ope beite eller liknande) eller kulturminne (røyser, steingardar eller liknande). Det er heilt enkelt ei kantsone mellom dyrka mark i dalbotnen og skog i fjellsida. Det har sikkert vore beitedyr i ei eller anna grad her langt attende i tid, men i dag står dette fram som eit naturleg skogholt utan spesielle verdiar sett i forhold til områda i kring. Den opne delen av området er berre enkelt rydda for sikt i samband med skyteaktiviteten. Ut i frå informasjonen over vurderer Hjartdal kommune at kunnskapsgrunnlaget er tilstrekkeleg ut i frå tiltaket sitt omfang. Kommunen kan ikkje sjå at tiltaket vil føre til skade på naturmangfaldet i strid med måla i 4 og blir difor ikkje nærare vurdert. ROS: Tiltakshavar har fylt ut sjekkliste utarbeida av Fylkesmannen i Møre og Romsdal. Det er nok svara nei på spørsmål det skulle vore svara ja på, men dei har lagt til ein kommentar (støy, skred). Det er som nemnt under NVE sitt innspel naudsynt å sjå på ROS-analysa på ny då det er kryssa nei på området er utsett for flaum og skred. Rieber prosjekt har utarbeida berekning av fareområde i tråd med Forskrift om anlegg av, kontroll med og godkjenning av sivile skytebaner av 1. juli Fareområdet er lagt inn som omsynssone i planforslaget, og faresona og støysonekart vil bli innarbeida ved neste rullering av kommuneplanen sin arealdel. Støy Det er i dag berre 100 meter riflebane, og det blir i dag i følgje skyttarlaget skoten skott i året, maksimalt to dagar i veka. Eksisterande standplass har støydempa overbygg, med innvendig ljodabsorpsjon, men ikkje noko frambygg. Reguleringsplanen setter ein avgrensing på skyting to dagar i veka samt maksimalt skott, i tråd med retningslinene i T Det svarar då til gul sone for L AImax = 70 db, og rød sone området innanfor støykoten for L AImax = 80 db. L AImax er maksimalt støynivå målt med målerinnstilling «impuls», og gir tallmessig høge verdiar fordi man måler berre «den øvste støytoppen» av skotljoden. Støynivåa kan difor ikkje samanliknast med støynivå frå andre støykjelder, som blir målt på andre måtar. Støygrensene gjelder frå skytebanen til eksisterande

5 bustadhus, men vil etter etablering/utviding av skytebanen òg gjelde ved etablering av nye bustader, fritidsbustader eller annen støyfølsom arealbruk. Det er lagt til grunn at det bil bli nytta jaktrifler med kaliber 6,5 7,64, og hagle med kaliber 12. Det blir som i dag. Når det gjeld type bruk så vil det no og bli opna for paintball, samt standplass for leirdue nærare åsen. I dag ligg 5-6 bustader/fritidsbustader i gul støysone og det ligg ein bustad på grensa for raud støysone (Bustad ved Train). Den same bustaden vil så vidt bli omfatta av gul støysone frå leirduebanen. Dersom det blir bygget ny standplass på same stad som i dag, støydempa med 3,5 meter frambygg og båsveggar for kvar andre skyttar, vil det berre vere bustaden ved Train som så vidt kjem innanfor støysona. Ved denne bustaden vil støy bli redusert med 8 db. Rådmannen meiner at det må takast inn i føresegna at det ikkje er tillate å skyte på raude heilagdagar, samt at skytetida på sundagar blir utsett til klokka 14. Støykarta syner at det er stor forskjell på gul og raud støysone dersom standplasshuset blir skjerma ytterligare slik det er foreslått i rapporten frå Rieber, med 3,5 meter overbygg, samt båsveggar inne i standplasshuset. Rådmannen meiner ut i frå dette at det må takast inn eit rekkefølgjeføresegn som seier at standplasshuset må støyskjermast innan 1 år etter at 200-meter banen er ferdig. Rådmannen vil peike på at sjølv om dette er eit sprettbygd strøk med relativt få bustadhus i eit landbruksområde, legg slike støysonar vesentlege avgrensingar på moglegheita for utbygging av støysensitiv utbyggjing som bustadhus og fritidsbustader. I raud sone er slike bygg ikkje tillate, mens i gul sone er det ei vurderingssak, og ekstra støysikringstiltak kan vere naudsynt.

6 Situasjonen i dag: Med støydempa standplass med 3,5 meter frambygg og båsveggar for kvar andre skyttar: Miljøhygenisk avdeling Det gjerast merksam på at for skjotbaner med avgrensa aktivitet kan grenseverdiane for maksimalstøy i gul og raud sone hevast slik: Aktivitet inntil 2 dagar eller kvelda pr veke og mindre enn skott pr. år: grenseverdien for maksimalstøy kan hevast med 10 db. Det må gjennomførast støyberekningar og utarbeidast støysoner rundt banen. Miljøhygenisk avdeling kan bistå med dette arbeidet. Syner til kommentar til Fylkesmannen i Telemark. Kommunen er takksam for tilbod å hjelp i det vidare planarbeidet.

7 Halvor Midtbøen, eigar av gnr/bnr 43/ Voll på 45/1 må ha foten av vollen ein meter frå grensa til gnr/bnr 43/2. Farefeltet må heller ikkje gå inn på 43/2. Fareområde er berekna og kan ikkje flyttast vekk frå eigedomen 43/2. Overlapping med reguleringsplan for Århus-Gvammen: Reguleringsplanen for skytebanen overlappar med reguleringsplan for Århus-Gvammen. I henhald til pbl 1-5 går ny plan før gamal plan når det er motstrid for same areal. Slik det no er regulert mistar Statens vegvesen midlertidig rigg- og anleggsområde som i deira plan er regulert sør for den nye vegen i planområde for skytebanen. Det midlertidige rigg og anleggsområdet må leggjast inn i reguleringsplan for skytebanen, eller det overlappande området må utgå. (Plan for skytebanen med raud skravur, anleggsområde med loddrett stipla skravur) Konklusjon: Med dei endringane som er foreslått vil rådmannen tilrå utval for plan og utvikling og leggje planforslaget ut på høyring i 6 veker. RÅDMANNEN TILRÅR: I medhald av pbl og legg Hjartdal kommune forslag til reguleringsplan for skyttarbane i Gvammen ut til offentleg ettersyn i seks veker når følgjande endringar er gjort: - Ros-analysa må gås igjennom å ny då området utsett for flaum og ras. - Rekkefølgjeføresegn om at overbygg på standsplass og båsveggar på riflebanen må vere på plass innan eit år etter 200-meterbanen er etablert. - Skytetidar på sundag må endrast frå til 14-20, samt at det ikkje er tillate å skyte på raude heilagdagar.

8 - Rigg- og anleggsområde frå reguleringsplan for Århus-Gvammen må vidareførast i plan for skytebanen for overlappande areal Utval for plan og utvikling HANDSAMING: Saka vart drøfta. VOTERING: Rådmannen si tilråding samrøystes vedteke. POU-024/17 VEDTAK: I medhald av pbl og legg Hjartdal kommune forslag til reguleringsplan for skyttarbane i Gvammen ut til offentleg ettersyn i seks veker når følgjande endringar er gjort: - Ros-analysa må gås igjennom å ny då området utsett for flaum og ras. - Rekkefølgjeføresegn om at overbygg på standsplass og båsveggar på riflebanen må vere på plass innan eit år etter 200-meterbanen er etablert. - Skytetidar på sundag må endrast frå til 14-20, samt at det ikkje er tillate å skyte på raude heilagdagar. - Rigg- og anleggsområde frå reguleringsplan for Århus-Gvammen må vidareførast i plan for skytebanen for overlappande areal.