Øystre Slidre kommune 2940 Heggenes

Transkript

1 Øystre Slidre kommune 2940 Heggenes Formannskapet Møteinnkalling Møtedato: Møtestad: Tingvang Møtetid: Kl. 10:00 Sakliste: Sak nr. Sakstittel 040/06 Referatsaker 041/06 Nørre Rogne gamle skule 042/06 Endring av det Interkommunale samarbeidet om Flykningetenesta i Valdres (FLYVA) og Vaksenopplæringa for framandspråklige (VOFF) Drøftingssaker: Fylkesveg Rogne Storefoss Kraftstasjon Rekneskapsrapport første halvår Lønnsoppgjør orientering Forvalting av kraft Med helsing for leiaren

2 Øystre Slidre kommune Saksbehandlar: Liv Bodil Tyskeberg Moen Saksframlegg Arkivsaksnr: 06/1088 Arkiv: Behandla av: Møtedato Saksnr: Formannskapet /06 Referatsaker Protokoll frå møtet 29. juni Rådmannen legg saka fram med slikt forslag til vedtak: Protokoll godkjent utan merknad. Rett møtebok:

3 Øystre Slidre kommune Saksbehandlar: Ingebjørg Pålelien Saksframlegg Arkivsaksnr: 06/1077 Arkiv: 611 Behandla av: Møtedato Saksnr: Formannskapet /06 Nørre Rogne gamle skule Vedlegg: Andre saksdokument (ikkje vedlagt): Bakgrunn for saka: Formannskapet vedtok i sak 92/04 å be rådmannen selje Nørre og Sørre Rogne gml. skular. Sørre Rogne skule er selt. I samband med at det vart kjent at kommunen ynskte å selje Nørre Rogne gamle skule, kom det skriv i frå personar i krinsen der dei hevda å vere eigar av eigedomen. Saksopplysningar: Nørre Rogne skule er gamal. Skjøtet er frå 1883 og lyer på namnet Nordre Rogne skole. Med bakgrunn i at det og vart hevda at det var andre som var eigarar til skulen tok kommunen kontakt til Valdres Tingrett i nov for å få overført heimelen, jfr. Lov om tinglysing 38a. Ettersom det no var gjort innvending mot at heimelen vart skrive til kommunen, konkluderte Registerføraren med at han ikkje hadde kompetanse til å gje grunnboksheimel til Øystre Slidre kommune, ettersom han ikkje skal ta stilling til kompliserte rettsspørsmål. Sjølvsagt har dei heller ikkje teke stilling til om andre har rett på denne heimelen. Kommunen har utøvd eigarskap og råderett over eigedomen i alle år, sjølvsagt også dei siste 20 åra. Det har ikkje så lenge nokon kjenner til tidlegare kome innvending mot dette, heller ikkje på at kommunen er eineeigar. Vi har dokumentasjon på at krinsen har søkt kommunen om å få nytte huset til bl.a. vevkurs og arbeidsstogo for born m.v. Vidare har kommunen representert som eigar i jordskiftesak og i saka vore oppførd som eigar. Kommunen har leid bort jorda, har hatt makeskifte med nabo, har gjev rett for nabo til å ha brønn på eigedomen og gjeve vegrett over eigedomen m.a. Kommunen har blitt kontakt frå det private vegselskapet der det er naturleg at vi tek del i vedlikehaldet som eigar av eigedom langs vegen. Det finst ei rekkje saker der det blir stadfesta at kommunen er eigar av eigedomen. Vi har teke kontakt til Statsarkivet for å få vurdert dette skjøtet. Ettersom kommunen hadde ansvar for skulestellet ligg det i sakens natur at skulen var kommunen sin eigedom. Dersom ein skulle tolke det annleis, måtte det bevisast at det hadde vore ein form for privatskule.

4 Dette er usansynleg. Statsarkivet meinte kommunen hadde god dokumentasjon for sitt eigarskap. Vi har teke kontakt med advokat der vi får stadfesta at vi står relativt sterkt i eit evt. søksmål. Så lenge det ikkje har vore privatskule her, har det vore ein offentleg skule. Kommunen har hatt ansvar for skulestellet sidan Det er eit faktum. Det er først når denne saka har kome opp at krinsen har organisert seg i Nørre Rogne krets. Dette er ikkje ein registrert organisasjon, og kan sansynleg ikkje eige eigedom. Vedtekter er gjeldande frå januar Dei har teke seg til rette ved bl.a. å seie opp det kommunale straumabonnementet og avlese målar einsidig. Vidare seier dei opp leieavtala med kommunen, men vi er ikkje kjent med at det ligg føre nokon slik avtale. Huset er okkupert og teke i bruk. Det er forsøkt ført tingingar med krinsen utan at dette har gjeve resultat. I tingingane har kommunen tilbode krinsen ei langsiktig avtale om vederlagsfritt å kunne nytte skula til dei kulturføremåla dei ønskjer å drive med. Som vilkår sette kommunen at krinsen måtte akseptere kommunen sitt eigarskap. Dette tilbodet vart ikkje akseptert. Vurdering: Skula er ein verdi fellesskapet eig. Denne verdien kan kommunen realisere og nytte til å gje betre tenester til innbyggarane. Det er difor ikkje uproblematisk at nokre få skal få overta denne verdien. Rådmannen er betenkt over at ei gruppe som tek seg til rette utan vidare skal nå fram med dette. Vidare er det ein kjensgjerning at ei avklaring i rettsapparatet krev ressursar både når det gjeld eigen arbeidskraft og pengar til juridisk bistand. Rådmannen er i tvil om dette er tenleg i høve til verdien på eigedomen. Rådmannen legg saka fram med slikt forslag til vedtak/innstilling: 1. Formannskapet slår fast at kommunen er eigar av eigedomen. 2. Kommunen er positiv til å gje bort eigedomen til ein organisasjon som representerer alle innbygarane i Nørre Rogne, har eit kulturelt føremål og vil bruke bygningen som samlingspunkt for bygda og drive kulturelle og historiske aktivitetet. 3. Formannskapet set følgjande vilkår: krinsen skal danne ein formell organisasjon (stiftelse) som er ein juridisk enhet som kan eige eigedomen. Denne stilftelsen skal skaffe seg heimel på eigedomen. ved eventuell avvikling/sal av eigedomen, så skal denne seljast fritt og eventuelt overskudd skal kome krinsen til gode. Gamalt skulemateriell og pultar som er sett opp i det eine rommet skal framleis står der slik at skulane i kommunen kan nytte det vederlagsfritt om dei ynskjer å syne korleis skule vart drive i gamle dagar. Dersom det finst gamle prokokollar som tilhøyrer skulen, skal desse deponerast på Tingvang for oppbevaring i kvelv og ikkje ligge i huset eller i private heimar.

5 4. Når ein slik stiftelse er etablert og har avtala med kommunen at den skal overta eigedomen, kan stiftelsen be Valdres Tingrett overføre heimelen til denne etter Lov om tinglysing 38a utan at kommunen gjer innvendingar. 5. Det er viktig at ein no formelt får teke denne avgjerda i saka. I motsett fall om ikkje ei slik ordning kjem i stand føreset kommunen at krinsen tek konsekvensen av det og ikkje okkuperar ein eigedom der heimelen ikkje er fastsett. ***

6 Øystre Slidre kommune Saksbehandlar: Esther Gilen Saksframlegg Arkivsaksnr: 06/1049 Arkiv: Behandla av: Møtedato Saksnr: Kommunestyret Formannskapet /06 Endring av det Interkommunale samarbeidet om Flykningetenesta i Valdres (FLYVA) og Vaksenopplæringa for framandspråklige (VOFF) Vedlegg: Andre saksdokument (ikkje vedlagt): Bakgrunn for saka: I denne saka skal kommunestyret ta stilling til å legge ned felles flyktningteneste (FLYVA) og vaksenopplæring for framandspråklege (VOFF) i Valdres. Saksopplysningar: Oppretting av samarbeidd: Hausten 2004 vart det etablert felles flyktningteneste (FLYVA) og vaksenopplæring for framandspråklige (VOFF) i Valdres. Tenesta vart organisert etter vertskommunemodellen der Nord-Aurdal kommune vart vertskommune for FLYVA, og Vestre Slidre kommune vart vertskommune for VOFF. FLYVA har ansvaret for kontakt med UDI om busetting og integrering av flyktningar og innvandrarar etter introduksjonsloven. VOFF har ansvaret for opplæring/kvalifisering etter introduksjonsloven, noe som omfattar fleire enn flyktningar på introduksjonsprogram. Evaluering av samarbeidet: Øystre Slidre kommune var positive til opprettinga av samarbeidet mellom Valdres kommunane, men meinte det var uheldig at FLYVA og VOFF skulle splittast. Da ordninga vart sett i gang, var føresetnaden at det til saman skulle busettast 30 flyktningar kvart år i Valdres og såleis totalt være 60 på introduksjonsprogram kvart år. I dag er det om lag 35 på introduksjonsprogram. Dette viser at føresetnadene til ordninga er endra, i tillegg til vesentlege endringar i rammeoverføringane frå staten som slår uheldig ut for kommunane. Alt tidleg i samarbeidsfasa vart det stilt kritiske spørsmål til ordningane.

7 Vertskommunane gjennomførte ein evaluering av tenesta i På bakgrunn av erfaringane frå eitt års drift vart det presentert tre ulike alternativ for framtidig organisering av tenestene for framandspråklege i Valdres: 1. Fortsette med same organisering 2. Oppretthalde samarbeid med VOFF og leggje ned samarbeid med FLYVA. 3. VOFF og FLYVA leggast til same vertskommune med felles leiing. Vurderingar frå rådmannsutval, ordførar rådmannsforum og arbeidsgruppe om vegen vidare: Rådmannsutvalet konkluderte i sitt møte den med at FLYVA og VOFF best kan driftast med ein felles leiing. Dette var i samsvar med fagtenestenes vurdering av evalueringsnotatet. Formannskapet i Vestre Slidre kommune gav i etterkant innspel om ønske om oppløysning av FLYVA samarbeidet. Den gav ordførar rådmannsforumet, rådmannsutvalet i oppgåve å utgreie ulike alternativ. Ein arbeidsgruppe med representantar frå Vestre Slidre kommune, Nord-Aurdal kommune, Sør-Aurdal kommune og FLYVA arbeidet med dette som utgangspunkt, og presenterte den eit forslag om å legge ned felles organisering av tenesta i Valdres. - Hver enkelt kommune har selv ansvar for bosetting av flyktninger og introduksjon med kvalifisering. Kommunene kan da selv velge å kjøpe tjenester fra eksterne tilbydere/andre kommuner, for eksempel kvalifisering. - Kjøp av tjenester vil da basere seg på avtale mellom tilbyder og kjøper. - To og to kommuner kan samarbeide om introduksjon/kvalifisering, dette blir da en avtale som de aktuelle parter må komme fram til. - Både Nord-Aurdal kommune og Vestre Slidre kommune er innstilt på å tilby kvalifiseringsprogram. Sør Aurdal kommune ønsker å kjøpe kvalifiseringstjenester. - Sør Aurdal kommune tar kontakt med Etnedal kommune for å avklare interesse for en samarbeidsavtale om flyktningtjenesten. Vestre Slidre kommune gjør det samme overfor Vang kommune og Nord-Aurdal kommune overfor Øystre Slidre kommune. - Hvordan hver enkelt kommune i detalj vil organisere sitt tilbud til flyktninger og andre fremmedspråklige ved en oppløsning av FLYVA og VOFF må avklares i den enkelte kommune. Herunder også behovet for kompetanse og personell. - Ved oppløsning må man også ta stilling til fordeling av eiendeler hvem har kjøpt og betalt for hva. Samtalar mellom Øystre Slidre kommune og Nord-Aurdal kommune Nord-Aurdal og Øystre Slidre kommune har hatt felles drøftingar om ein felles framtidig flyktningteneste. Ein bør avklare følgjande før ein vel samarbeidsmodell: - Skal Øystre Slidre kommune integrere flyktning delen i NAV (nye arbeids og velferds etaten) - Kor mange skal busettast i ein 3 års periode i dei to kommunane - Kvalifiseringsløp ifølge introduksjonsloven Det er så langt drøfta to modeller: Modell 1: Felles og økonomisk solidarisk produksjon av tenestene. FLYVA og VOFF (Heildagsprogram ifølge loven som inneheld følgjande: norsk m/samfunnsfag, kurs, temadagar, samt ansvar for språkpraksisplassar)

8 Modell 2: Øystre Slidre kjøper kvalifisering av Nord-Aurdal kommune for flyktningar etter introduksjonsloven VOFF. (Heildagsprogram ifølge loven som inneheld følgjande: norsk m/samfunnsfag, kurs, temadagar, samt ansvar for språkpraksisplassar) Øystre Slidre kommune integrerer flyktningtenesta i NAV. Nord-Aurdal kommune ønskjer ikkje å opne for at Øystre Slidre kjøper tenester frå båe tenester etter behov, på grunn av planlegging av verksemda. Begge modeller baserer seg på at ein gir tilbod til de personar ein får integreringsstøtte for og som har rettar etter introduksjonsloven, samt tilskott etter lov om norskopplæring m/samfunnsfag innanfor 5 års perioden. Erfaringar frå Øystre Slidre kommune: Øystre Slidre kommune har ikkje teke i mot flyktningar det siste året frå det tidspunkt det vart klart at eit fleirtal av kommunane ville legge ned den felles tenesta. Bakgrunnen for dette er usikkerheit om kommunen ville ha ei teneste framover. Flyktningane som kommunen har teke imot har gitt uttrykk for følgjande problemstillingar: - Det er ei utfordring å bli integrert i det norske samfunnet, sosialt og kulturelt. - Mangel på arbeidsplassar i kommunen. - Vanskeleg å finne tilpassa bustad, spesielt med tanke på lokalisering. - Mange har ikkje bil og opplever det vanskelig å koma seg fram, spesielt dersom bustaden ligg eit stykke unna hovudvegen. - Det er uttalte ønskjer om å flytte til meir sentrale strøk der fleire med same nasjonalitet bur. Øystre Slidre kommune har take i mot 23 flyktningar sia oppstart i Av disse bur nå 9 i kommunen. I 2005 var det 3 flyktningar som flyttet til kommunen, i år har det per dato ikkje flytta inn nye flyktningar. Framtidig organisering av tenesta i Øystre Slidre kommune Rådmannen meiner det i etterkant av denne saka er behov for å drøfte ulike alternativ for organisering av ei framtidig teneste. Vurdering: 1. Inngå avtale med Nord-Aurdal kommune om å levere/ samarbeide om båe tenestene 2. flyktningtenesta, FLYVA, innførast i NAV og inngå avtale om norskopplæring m.v. VOFF frå andre. 3. Flyktningtenesta i Øystre Slidre kommune avviklast. Rådmannen kan ikkje sjå at endingane i tal på flyktningar eller endringar i rammevilkår gjev grunn til å avvikle felles tenester. Øystre Slidre kommune meiner ein skulle samle dei to tenestene under ei leiing for betre koordinering og meir rasjonell ressursbruk. I alle høve har det ikkje vore mogleg å få alle Valdres kommunane med på ei slik løysing. Når kommunane ikkje vart einige om å samle dette i ei teneste, ønskte fleira av kommunane å avvikle dei felles

9 tenestene. Øystre Slidre kommune vil nå vurdere samarbeid med Nord Aurdal kommune om tenestene. Vi er per dato inne i ein periode med mange omstillingar i forhold til NAV reforma. På bakgrunn av dette og på bakgrunn av kommunen sin erfaringar med flyktningtenesta vil kommunen måtte ta stilling til i korleis form tenesta skal fortsette og om det er tenelig for samfunnet og brukarane å oppretthalde flyktningerteneste i kommunen. Eit poeng for kommunen har vært at flyktningtenesta ikkje berre skal sørgje for oppfølging av dei personane som er i introduksjonsprogrammet, men også dei som er ferdige med dette. (tida med introduksjonsprogram kan variere noko frå person til person). Dette er viktig i forbindelse med å få til ein best mogleg integrering. Denne fasen kan gå vesentlig utover den perioden introduksjonsprogrammet tar hand om. Ein konsekvens av dette er at ein flyktningteneste som held seg berre til introduksjonsperioden vil måtte overføre klientar til andre deler av det kommunale tenesteapparatet, utan at det følgjer med kjennskap og kunnskap om dei personane dette dreier seg om. På bakgrunn av dette vil Rådmann også vurdere inkludering av flyktningtenesta i NAV, dersom man ser det formålstenelig å oppretthalde tenesta i kommunen. Samarbeidsavtalen har fastslått eit års oppseiingstid. Dersom alle kommunane er einige om det kan oppseiingstida reduserast. Vi vil primært anbefale at gjeldane oppseiingstid gjelder fram til eventuell ny avtale om tenesta er utarbeidd. Rådmannen legg saka fram med slikt forslag til vedtak/innstilling: 1. Kommunestyret meiner dei to interkommunale tenestene burde vore slege saman under ei leiing og lokalisert i ein vertskommune og drive vidare som ein felles teneste for heile Valdres. 2. Kommunestyret tar til etterretning at fleire av kommunane har gjort vedtak om å avvikle dei felles tenestene og at avtalene om tenestene er sagt opp. 3. Kommunestyret gjer gjeldande dei oppseiingsfristane som er avtalt mellom kommunane. Dei to felles tenestene må difor drivast vidare fram til Kommunestyret gjev likevel ordføraren fullmakt til å akseptere at ei av tenestene eller båe vert avvikla frå under føresetnad av at kommunen har inngått avtale med andre om å levere båe tenestene til ein kvalitet og pris som kommunen finn rimeleg. *** Rett møtebok:

10 Side 1 av10